ፃድቅ አያደርግም፡
በገዳይ መቀደም
ዝም በይ ያ'ቤል ደም!
ደርሰሽ አትጩኺ፡ እንደተበደለ
ለሁለት የጣሉት፡ ላንዱ እየታደለ
ፍቅር መተማመን፡ በእጣ ከጎደለ
የፉክክር ሜዳ፡ ከተደለደለ
ከዚያ በኋላማ፡ ሞት በዘር አይደለ?
ለሟች እና ገዳይ፡ ምን ይሰራል ድንበር
መጮህ አስቀድሞ፡
የደረሱበት ጋር፡ ላለመድረስ ነበር።

ፅጌሬዳ ቀንበጥ ፡ እሾኋ ሲወጋት
ብትጮህ እሪ ብትል፡ ተካይ ምን ያድርጋት?
እንዴት ትፀድቃለች?
እሷ ብትለሰልስ፡ ሌላውን ባትጎዳ
በዘሯ አይደለም ወይ ፡የመጣባት እዳ?

ፃድቅ አያሰኝም
በገዳይ መቀደም
ደርሰሽ አትጩኺ፡ዝም በይ ያ'ቤል ደም

እየበጠበጠ፡ ለጣለው ወላጁ
አንዴ እንደ ብርሌ፡ ከተበጀ ልጁ
ቢነቃም ባይነቃም፡ ለጠጅ የሚጋጭ
ሟችም ያው ገዳይ ነው፡ አልቀናውም እንጂ።

red-8

@getem
@getem

#ወደ_ግጥም__ወደ_ነብይ
ፈግታን ስለቸረን መነሱ ___ ስላስጠለለን ዋርካነቱ
ስለ አፅናኝ ጨዋታዎቹ ___ ሕይወት ስለሚያሞቁ ግጥሞቹ
ቅንነቱን ለማቀንቀን ___ አባትነቱን ለማወደስ
ስለ ግጥም _ _ _ ደግሞም ስለ ነብይ
ቅዳሜ እንሰበሰባለን። ፈንድቃ ቤተ ጥበብ [ ፈንድቃ የጥበባትና ባህል ማዕከል:Fendika Art & Cultural Center ]

• ውብ ግጥሞች ልዩ
• ልዩ የሙዚቃ ጨዋታዎች
• ነገረ ነብይ
• የጥበብ ቅማ ቅመም

የምትወዷቸው የምንወዳቸው ሁሉ አሉ። ስለ ግጥም _ ስለነብይ።

ከ8:00 ቀደም ብላችሁ ኑ።
ቡናውም ጨዋታውም ወዳጅ ትውውቁም እንዳይቀርባችሁ።

ቅዳሜ ሀምሌ 6 2016 ዓ.ም 😍🙏🙏🙏😍

@getem
@getem

ገላው የጠላው ፤ ወዴት ይሸሻል !?
ከራስ ተኳርፈው
እንዴት ይነጋል ፤
እንዴት ይመሻል ።

(ቴዎድሮስ ካሳ)

_
🎨 By - Prisac Nicola (Romania)
Art - Oil painting/ Man

@getem

Notcoin🪙 በአዲስ አሰራር መቷል! ገብታችሁ ስሩበት


https://tttttt.me/notcoin_bot?start=er_36367900

(አሌክስ አብርሀም)

🌹ካገባች በኋላ

ሌላ ወንድ አቀፋት የሚል መርዶ ሽሽት
ሌላ ሴት እያቀፍኩ በያንዳንዷ ምሽት
እሷ ናት እላለሁ
(የኔ እብደት ሲገርመኝ ይባስ የሴቶቹ)
ፍቅር የሰለቻቸው ፍቅርን የሰለቹ
እሷ ናችሁ ስላልኩ "እሷ ነን"  እያሉ
እኔ እንዳነሳቸው ራሳቸውን ጣሉ

@getem
@getem

---- ---- ---- ---- ---- ----- ----- ----- ----- ----- -----
---- ---- ---- ---- ---- ----- ----- ----- ----- ----- -----

ስንሻገር፤ከጫፍ ወደ ሌላ ጫፍ
ከድቅድቅ፤ወደ ብርሃን ስናልፍ
የልባችን እንዲሞላ፤ጉዞዐችን እንዲሰምር
ጠባቂያችን ማነው፤ ከሰማይ ነው ከምድር ?
       
        📷 M3SH
        ✍️ ኒቆዲሞስ
                        @niko_nikodimos1

---- ---- ---- ---- ---- ----- ----- ----- ----- ----- ----
---- ---- ---- ---- ---- ----- ----- ----- ----- ----- ----
     @getem
                   @getem
                                  @getem

( መማር .. መማ'ር )
===============

ስትማር ቀለምን
በብልሃት በጥበብ ማንም ባይበልጣትም
ስትምር ግን እንጃላት
የፍቅር ቀመሩ መሰል አልገባትም .. !!

By @Kiyorna

@getem
@getem
@paappii

ብቻ ተይው....
ግን.....ያመኛል አይደል?
የማይሆን ወድጄ ለማይሆን ስጋደል
ግን....መታመም ነው መውደድ?
በፍቅር መተብተብ በፍቅር መገመድ

እንጃ....
ግን...
ያገባች ሴት ማፍቀር
           ምንም ቢሆን ዳር ትርጉሙ
"ያምሃል" መባል ነው ለአፍቃሪ ህመሙ።



ዮኒ
     ኣታን @yonatoz

@getem
@getem
@getem

(የሆነውን ላለውጠው
ለእንባዬማ ፊት አልሰጠው።
በዕዉቀቱ ስዩም)
፨፨፨፨፨፨፨፨፨፨፨፨፨፨፨
ክፍል 3 #መራቅ_መለየት_አይደለም

አላነባም ለቀን
አላለቅስ ለጊዜ
ያለፈ እንደው አልፏል
መጪው ነው ደሞዜ

መንገድ አዙሪት ነው
ሄደችብኝ ብዬ መንገዷን አልከሰው
ተራርቆ አይቀረም
ሁሌም ይገናኛል ሞቶ ካልቀረ ሰው
እንገናኛለን ምን መንገድ ቢለየን
ተራራቅን እንጂ መቼ ተለያየን።

ዮኒ
     ኣታን @yonatoz

@getem
@getem
@getem

ሸፍኜው
ከሳቄ ጀርባ ላይ
                የተሸከምኳቸው
ከጥርሶቼ መሀል
                  የሠገሠኳቸው
በሳቆቼ ድምፅ ውስጥ
                 ያጠራቀምኳቸው
ወጥተው እንዳይፈሱ
ታይተው እንዳያንሱ
ሀዘን እንዳያወረሱ
               ያጠራቀምኳቸው
ችግሮች ብዙ አሉ፤
           ከችግሬ በላይ ሣቄ እንዲጋባ
           ከሀዘኔ በላይ ደስታዬ እንዲሞላ
አዎን እስቃለው፤
          በፈተናዎቼ ደረጃ ሰርቼ
                         ለናንተ ታይቼ
ከፈተና በላይ እኔ እንዳለሁኝ
ከችግሬ በላይ ሣቅን እየሳኩኝ
በጥርሶቼ መሀል በሳቄ ጀርባ ላይ፤
            ይዤ የምጓዛቸው ትልቅ ህመም ያለው
         የሀዘኖች መዝሙር የማያልቀኝ ሳቅ ነው።
   
    ተጣፈ(በኤደን ግርማ)

@getem
@getem

ይሻላል አልሽ አሉ
ከኔ መነጠሉ

መነጠል ነጠለን
ልዩነት ዳር ጥሎ ውዴ ገፋኝ ካንቺ
እኔስ ደክሜ አለሁ
ባይሆን አንቺ በርቺ

ብር አላት ደሀ ነው
መባል ቀነሰልኝ ካንቺ ብርቅ ጊዜ
መሆኔ ግን ጎዳኝ
የሰርግሽ ለት ሚዜ

እንዳልሆን አስፈራኝ
በዚ አያያዝሽ ለልጅሽ ያይን አባት
አካሌስ ግድ የለው
ልቤን ፈረድሽባት

ልንገረው ታሪኬን
ለላይኛው ዳኛ
ወይ ይውረድ ወይ ይፍረድ
አያርገኝ እረኛ

ወይ ሀብት ያሸክመኝ
ከንደኔ አይነቱ አንቺን መሰል ልንጠቅ
ሄደች አመለጠች ብዬ እዳልሳቀቅ

አልያ ልብ ስጠኝ
ድህነቴን ልመን በነዋይ ማነሴን
ልቤን ሙላውና አጉድለው የኪሴን

ነቢሉ ✍

@getem
@getem

[ስለ ልብሽ.....]
__
[ ፩ ]

¹
በዕድሜ ጎዳና ላይ
ብዙ መንገድ ሄደሽ ፤
ገደል ጉራንጉሩን
ተራራውን ወርደሽ ፤
ሽቅብ ያለፍሽውን
ቁልቁል ተመልሰሽ ፤
ባገኘሻት አፍታ —
ደረትሽን ዳብሰሽ.....
(ድለቃ - ሙዚቃ) ትርታ — ስታጪ ፤
“ልቤ ሞቷል” ብለሽ አትደናገጪ ።
_
ባይጮኽ እንደ'ኛ
ትርታ ቅኝት.....
ድቤ (ከበሮ) ባይሆን አጀቡ ፤
(ልብሽ ልብ አለው....)
ያንጎራጉራል እሱም በልቡ ።
(ሰምቼዋለሁ ....!)
እሰማዋለሁ....
ጊዜ ጌታው በቀለሙ
በቀኑ ላይ ፅልመት ሲስል
ጨለም መሸት ደንገዝ ሲል
በሌሊቱ በድቅድቁ
ሁሉም ሲተኙ ሲወድቁ
(አንቺም ..)
ተኛሁ ብለሽ ካረፍሽበት ...
እንደ መንፈስ ስውር ጥላ
በዘጋሽው በር አልፌ ፤
(እገባና....)
ደረትሽ ላይ ተለጥፌ ፤
(“የለም ጠፍቷል
ሞቷል” ያልሽው)
ዳብሰሽ ዳብሰሽ
ያልሰማሽው....
ያልተጨመረበት ድቤ
ያልታጀበ በከበሮ ፤
የልብሽን ለስለስ ያለ
የለሆሳስ እንጉርጉሮ ፤
ደስስ እያለኝ እሰማለሁ ....
(ሌሊት ሌሊት እመጣለሁ ።)
²
ዘምቶ ባይዋጋ ....
ባይሆን ፊታውራሪ ፤
«ጊዜ `ሚጠብቅ ሰው
ይባላል ወይ ፈሪ !?»
(እንዳለው አዝማሪ......)
የሚመስል ዘፈን እያንጎራጎረ ....
ተኝቶ (ድምፁን አጥፍቶ)
በዘዴ ሲያልፈው ወጀቡን ፤
ላይ ላዩን በረሃ መስሎ
ውስጥ ውስጡን አውቆ ማበቡን ፤
ማን አየው የልብሽ ልቡን !?
_
ያለም ሁካታ ሸፍኖት
ጫጫታው ጆሮውን ደፍኖት
ልብሽን ሳይሰማው ቢቀር
ውስጥሽም እየታለለ ፤
«ልብ አልባ ኦና !
ባዶ ነኝ » አለ ?!
ካንቺም ወዲያ “ሙሉ” የለ !!
ካንቺም ወዲያ “ልባም” የለ !!

[፪]

በዕድሜ ጎዳና ላይ
ብዙ መንገድ ሄደሽ ፤
ገደል ጉራንጉሩን
ተራራውን ወርደሽ ፤
ሽቅብ ያለፍሽውን
ቁልቁል ተመልሰሽ ፤
ባገኘሻት አፍታ —
ደረትሽን ዳብሰሽ ፤
የራቀብሽ ድምፁ
ያጣሽው ትርታ ፤
ይጠራሽ ይሆናል
የማታ የማታ ።
(አሁን ግን ይብቃሽ!)
አትድቂ ደረት — አቁሚ ለቅሶ ፤
(አውቆ በዘዴ ድምፁን ቀንሶ ...)
ቀን ጠበቀ እንጂ — ቀን ሊያወጣልሽ
ልብሽ ዝም ሲል — “ሙት” አይምሰልሽ ።
___
By @Bekalushumye

@getem
@getem
@getem

አልቀጥርም ጠበቃ
ተጎዳሁኝ ብየ አልከስም በሸንጎ
ላንቺ ክፉ ሚመኝ
የሚያስፈርድብሽ ልቤ እንዴት አድርጎ
እንዳንቺ አይነት እንኮይ
ፈልጌ ላላገኝ ምትሆን ለእኔነቴ
ከስሼሽ ላልካስ
ዳኛ በመፈለግ አይዝልም ጉልበቴ
አይታገሉትም 
ጦር አይመዘዝም አይገታው ጠብመንጃ
ምን ሹም ሊፈርድበት
ምን ችሎት ሊፈታው የማፍቀርን ፍርጃ

✍️✍️✍️ይቴ(@gtmwustie)
@getem
@getem


@gitimtm