#مدرنیزم
#گوردون_مارشال
مدرنیزم عموميتله، 19.جو يوزايلليك سونو ايله ايکينجي دنيا ساواشي‌نين باشلانغيجينا قدر اولان دؤنمده، اؤزلليکله صنعت و ادبياتدا اولوشان بؤيوک مقياسلي دَييشمه‌لري آيدينلاتماقدا يارارلانيلان بير تئرمين‌دير. باشقا ياندان، مدرنیزمين آچيقجا سينيري آيدينلانميش بير بيتمه تاريخي يوخدور. ايکينجي دنيا ساواشيندان بري گئرچکلشن دَييشمه‌لري گؤسترمك اوچون پست‌مدرن تئرميني استفاده ائديليرسه ده، بعضي دوشونورلر [متفكر] مدرنیزمين هله سوردويونو ادعا ائتمکده، بعضي يازارلار دا، مدرنیزمين اؤلومونون سؤز قونوسو تاريخدن چوخ داها اؤنجه گئرچکلشدييني افاده ائتمکده‌ديرلر.
فرانسا #گؤسترگه‌چيسي [نشانه‌شناس] #رولان_بارت، مدرنیزمي، 19.جو عصر ايچينده بير زمانه توپلانان، يئني صينيف‌لر، تئكنولوژي و ايليشكي‌لر تکامولونون نتيجه‌سي اولاراق تؤره‌ين دنيا گؤروش‌لري‌نين چوخالماسي شکلينده تانيملايير. انگيليس رومانچي و مقاله يازاري #ويرجينيا_وولف ايسه، مدرنیزمي، انسان ايلگي‌لري و انسان كاراکتئرينده بير دَييشمه اولماسي باخيميندان تاريخي بير فرصت بيلير. مدرنیزمين هاچان باشلاديغي و يا اؤزلليك‌لري‌نين تام اولاراق نه‌لر اولدوغوندا چوخ آز گؤروش‌بيرلييي اولماسينا قارشي، بيچيمسَل [فورماليستيك] اولاراق مدرنیزم، عموميتله: درينلشمه، اوسلوبچولوق، ايچه دؤنمه، تئكنيک گؤستريش، داخلي اولاراق اؤزوندن قوشقولانماغا يؤنلو بيرحرکت و #ويکتوريا دؤنَمي گئرچكليينه قارشي بير تپكي[رئاکسيا] بيچيمينده تعريف ائديلميشدير.
"هئچ بير صنعتچي گئرچكلييه دؤزمز" سؤزونه گؤره ايلک مدرنيست‌لردن بيري ساييلان فرئدريش نيچه، صنعتين مقصدي‌نين اؤز-اؤزونو گئرچك- لشديرمك اولماسي گركلي اولدوغونو و ياشامي‌كؤكوندن صنعتين اوره‌تدييني ادعا ائتميشدير. "#فرويد"ون بيلينج‌ديشي و جينسل‌ليين اؤنمي ايله ايلگيلي قوراملاري كيمي، #نيچه‌نين فرده و صنعتچي‌نين بيلينجي‌نين درامينا ائتدييي وورغونون دا مدرنیزمين گليشيمينده بير چوخ باخيمدان ائتكيلي اولدوغونو دئيه بيلريک. #کوبيزم، #امپرسيونيزم، #پست‌امپرسيونيزم، #ائکسپرسيونيزم، #فوتوريزم [گله‌جك‌چيليك]، سيمگه‌چيليك [سمبوليزم]، ايمگه‌چي‌ليك [ايماژيسم]، وورتيسيزم[vortisizm]، #دادائيزم و #سوررئاليزم: بو آخيملارين هاميسي عموميتله مدرنیزم آخيميندان تؤرنميشلر و هاميسي دا، فرقلي درجه‌لرده، گئرچكچي [رئال] يا دا رومانتيک ايتکي‌نين داغيديجيلاري اولوب، تجريد اولماغا يؤنَلميشلر.
مدرنیزم، موسيقيده #آتوناليزم [ناموزوني]، شعرده اوپئرا-شعر، روماندا بيلينج‌آخيشي [جريان سيال] تئكنيکي ايله كاراکتئريزه ائديلرکن، معماريده ايشلك‌سل‌چيليكله [فونکسيونالليق] ايلگيلي اولموشدور. شعرده اوپئرا-شعر، روماندا #بيلينج_آخيشي [جريان سيال] تئكنيکي ايله كاراکتئريزه ائديلرکن، معماريده #ايشلك‌سل‌چيليكله [فونکسيونالليق] ايلگيلي اولموشدور. آنجاق مدرنيزم يالنيز صنعتله ايلگيلي بير آخيم دئييل. ترسينه، زمانين تئكنولوژي، سياسي و ايدئولوژي دَييشمه‌لرييله گليشمه‌لريني ائتكي‌لَميش، آيريجا اونلار طرفيندن ائتكي‌لنميش، اولدوقجا گئنيش قاپساملي[احاطه‌لي] بير انتئلئکتوال آخيمدير. ائينشتين-ين نسبي‌ليك قورامي، x شعاعلاري‌نين[اشعه‌ايكس] کشفي، آوتوموبيل‌لرين آرديجيل اوره‌تيمي و بيرينجي دنيا ساواشي‌اثناسيندا، دؤيوش ايچينده گئرچكلشن سارسيديجي يئني‌گليشمه‌لر؛ هاميسي بير آرايا گلديكده، عمومي‌لشميش اؤزلليك‌لري‌نين گؤروندويو بير بحرانا، پارچالانماغا، زمانين بوتون مدنيت و توپلوم ساحه‌لريني ائتكيسي آلتينا آلديغي گؤرونن ايچه دؤنمه‌يه گتيريب چيخارميشدير. بو گليشمه‌لرين تپكي‌لري اييرمينجي يوزايلين سونوندا بئله هله دويولدوغو ادعا ائديلير.
قایناق:
#مدرنيته_و_مدرنليك (توپلو مقاله‌لر)
*اويغونلاشديران: #همت_شهبازي
یاییم‌ائوی: پردیس دانش بیرینجی چاپ تهران/ قیش 1392
https://telegram.me/dusharge
#گوردون_مارشال
مدرنیزم عموميتله، 19.جو يوزايلليك سونو ايله ايکينجي دنيا ساواشي‌نين باشلانغيجينا قدر اولان دؤنمده، اؤزلليکله صنعت و ادبياتدا اولوشان بؤيوک مقياسلي دَييشمه‌لري آيدينلاتماقدا يارارلانيلان بير تئرمين‌دير. باشقا ياندان، مدرنیزمين آچيقجا سينيري آيدينلانميش بير بيتمه تاريخي يوخدور. ايکينجي دنيا ساواشيندان بري گئرچکلشن دَييشمه‌لري گؤسترمك اوچون پست‌مدرن تئرميني استفاده ائديليرسه ده، بعضي دوشونورلر [متفكر] مدرنیزمين هله سوردويونو ادعا ائتمکده، بعضي يازارلار دا، مدرنیزمين اؤلومونون سؤز قونوسو تاريخدن چوخ داها اؤنجه گئرچکلشدييني افاده ائتمکده‌ديرلر.
فرانسا #گؤسترگه‌چيسي [نشانه‌شناس] #رولان_بارت، مدرنیزمي، 19.جو عصر ايچينده بير زمانه توپلانان، يئني صينيف‌لر، تئكنولوژي و ايليشكي‌لر تکامولونون نتيجه‌سي اولاراق تؤره‌ين دنيا گؤروش‌لري‌نين چوخالماسي شکلينده تانيملايير. انگيليس رومانچي و مقاله يازاري #ويرجينيا_وولف ايسه، مدرنیزمي، انسان ايلگي‌لري و انسان كاراکتئرينده بير دَييشمه اولماسي باخيميندان تاريخي بير فرصت بيلير. مدرنیزمين هاچان باشلاديغي و يا اؤزلليك‌لري‌نين تام اولاراق نه‌لر اولدوغوندا چوخ آز گؤروش‌بيرلييي اولماسينا قارشي، بيچيمسَل [فورماليستيك] اولاراق مدرنیزم، عموميتله: درينلشمه، اوسلوبچولوق، ايچه دؤنمه، تئكنيک گؤستريش، داخلي اولاراق اؤزوندن قوشقولانماغا يؤنلو بيرحرکت و #ويکتوريا دؤنَمي گئرچكليينه قارشي بير تپكي[رئاکسيا] بيچيمينده تعريف ائديلميشدير.
"هئچ بير صنعتچي گئرچكلييه دؤزمز" سؤزونه گؤره ايلک مدرنيست‌لردن بيري ساييلان فرئدريش نيچه، صنعتين مقصدي‌نين اؤز-اؤزونو گئرچك- لشديرمك اولماسي گركلي اولدوغونو و ياشامي‌كؤكوندن صنعتين اوره‌تدييني ادعا ائتميشدير. "#فرويد"ون بيلينج‌ديشي و جينسل‌ليين اؤنمي ايله ايلگيلي قوراملاري كيمي، #نيچه‌نين فرده و صنعتچي‌نين بيلينجي‌نين درامينا ائتدييي وورغونون دا مدرنیزمين گليشيمينده بير چوخ باخيمدان ائتكيلي اولدوغونو دئيه بيلريک. #کوبيزم، #امپرسيونيزم، #پست‌امپرسيونيزم، #ائکسپرسيونيزم، #فوتوريزم [گله‌جك‌چيليك]، سيمگه‌چيليك [سمبوليزم]، ايمگه‌چي‌ليك [ايماژيسم]، وورتيسيزم[vortisizm]، #دادائيزم و #سوررئاليزم: بو آخيملارين هاميسي عموميتله مدرنیزم آخيميندان تؤرنميشلر و هاميسي دا، فرقلي درجه‌لرده، گئرچكچي [رئال] يا دا رومانتيک ايتکي‌نين داغيديجيلاري اولوب، تجريد اولماغا يؤنَلميشلر.
مدرنیزم، موسيقيده #آتوناليزم [ناموزوني]، شعرده اوپئرا-شعر، روماندا بيلينج‌آخيشي [جريان سيال] تئكنيکي ايله كاراکتئريزه ائديلرکن، معماريده ايشلك‌سل‌چيليكله [فونکسيونالليق] ايلگيلي اولموشدور. شعرده اوپئرا-شعر، روماندا #بيلينج_آخيشي [جريان سيال] تئكنيکي ايله كاراکتئريزه ائديلرکن، معماريده #ايشلك‌سل‌چيليكله [فونکسيونالليق] ايلگيلي اولموشدور. آنجاق مدرنيزم يالنيز صنعتله ايلگيلي بير آخيم دئييل. ترسينه، زمانين تئكنولوژي، سياسي و ايدئولوژي دَييشمه‌لرييله گليشمه‌لريني ائتكي‌لَميش، آيريجا اونلار طرفيندن ائتكي‌لنميش، اولدوقجا گئنيش قاپساملي[احاطه‌لي] بير انتئلئکتوال آخيمدير. ائينشتين-ين نسبي‌ليك قورامي، x شعاعلاري‌نين[اشعه‌ايكس] کشفي، آوتوموبيل‌لرين آرديجيل اوره‌تيمي و بيرينجي دنيا ساواشي‌اثناسيندا، دؤيوش ايچينده گئرچكلشن سارسيديجي يئني‌گليشمه‌لر؛ هاميسي بير آرايا گلديكده، عمومي‌لشميش اؤزلليك‌لري‌نين گؤروندويو بير بحرانا، پارچالانماغا، زمانين بوتون مدنيت و توپلوم ساحه‌لريني ائتكيسي آلتينا آلديغي گؤرونن ايچه دؤنمه‌يه گتيريب چيخارميشدير. بو گليشمه‌لرين تپكي‌لري اييرمينجي يوزايلين سونوندا بئله هله دويولدوغو ادعا ائديلير.
قایناق:
#مدرنيته_و_مدرنليك (توپلو مقاله‌لر)
*اويغونلاشديران: #همت_شهبازي
یاییم‌ائوی: پردیس دانش بیرینجی چاپ تهران/ قیش 1392
https://telegram.me/dusharge
Telegram
@dusharge || همت شهبازی
@dusharge
کانالدا کی یازی‌لاری کانالین لینکینی وئرمک شرطی ایله پایلاشماق اولار.
اشتراک‌گذاری مطالب کانال به شرط ارائه لینک آن مجاز است.
کانالدا کی یازی‌لاری کانالین لینکینی وئرمک شرطی ایله پایلاشماق اولار.
اشتراک‌گذاری مطالب کانال به شرط ارائه لینک آن مجاز است.