@dusharge || همت شهبازی
#ع_اورمولو ایله مشهور اولان #علی_احمدی_آده حیاتینی کؤلگه‌ده، هایسیز کوی‌سیز یاشادیغی کیمی، ائله هایسیز کوی‌سیز ده دونیاسینی دییشدی. تصوور ائدین من دؤرد آی اؤلوموندن سونرا بو گون (۱۳۹۹/۴/۶) خبردار اولموشام. بو بویدا مجازی فضادا هر گون هر نه پایلاشیریق. آنجاق…
#پوئتیکادا_عنعنه‌نین_رولو
(#ع_اورمولو شعری)
یازان: #همت_شهبازي
هر زامان کؤلگه‌ده قالان و ادبی محیطده هئچ زامان گؤرونمه‌ین شاعیر «#علی_احمدی_آده» « #گؤزو_یاشلی_کوچه‌لر» (1369)، #نارگیله (1378) و #و_زامان_بیر_بهانه‌دیر» (1387) کیتابلاری‌نین مولفی‌دیر. شاعیری بیز داها چوخ «ع. اورمولو» آدی ایله تانییریق. او، ایلک دفعه اولاراق «گؤزو یاشلی کوچه‌لری» ایله ادبی دونیامیزا، اؤزللیکله شعریمیزه داخیل اولدوقدا دا ائله اؤزونه مخصوصلوغو ایله گلیر....
#گؤزو_یاشلی_کوچه‌لرده، بیز بیر نوع آرخایینلیق آختارماق گؤروروک اوخوجو اوچون.بو آرخایینلیق شعرده اؤزونو گؤستریر. یعنی اوخوجو، بو شعرلری اوخودوقدا دینجلیک تاپیر. گون بویو ایشله‌ییب یورغون ائوه گلن بیر ایشچی دینج‌لییی کیمی:
فانیسلارلا گولونج کؤلگه‌لر اویونوندا
پیچیلتیلار توشلاییرسا یولچو توپوغونو
اینجینمه‌لر/ اینجی‌یه دؤنور/ اوزاق ایشارانتی گؤروشوندن.
«چئینه قوی آغزینا» ساققیزین باغیشلامیش دونَنه
مندیلینده/ بیر اووج بوغدا ایله آینا گؤز بولاق
یورغونلوق پوچور-پوچور/ خاللاییر ائنیش-یوخوشو.
آرخاسی/ یارین‌لار آرخایین‌لیغی‌دیر
کی شعرین/ گونش کلاغایی‌سین
و / فانیسلی‌لار قولاغیندا/ بولاق شیریلتیسی (ع. اورمولو، 1369: 10-9).
#مدرن_شعر هم «عنعنه»نی، هم ده «عنعنهوی شعر»ین قایدالارینی قیراغا قویماقدا دَریدن قابیقدان چیخدیغی آندا،بیر سیرا یئنیچی‌لییه مئیلی اولان شاعیرلر، اونلارین ائتدیینی بوراخمادان یئنی‌لشمه‌یه استقامت‌لنیرلر. بونلارین یارادیجیلیقلاریندا عنعنهوی شعرین هم #فورم، هم ده #قالیب باخیمیندان حضورونو گؤروروک. داها دوغروسو بونلار، بو عنعنه‌لر بنزرسیز‌لیک‌لرینی گؤستره‌رک، اونون بعضی ائلئمانلاریندان دا ال چکمیرلر.بو ائلئمانلاردان اونا گؤره استفاده ائدیرلر کی بونلارین شعرینده اؤز تاثیرینی‌گؤستریر. «ع. اورمولو» بو تیپ شاعیرلره داخیل‌دیر. اونون سربست هئجا شعرینده، عنعنهوی شعرین ائلئمانلاریندان اولان «قافیه»، «وزن= هئجا وزنی» خصوصی حضورو واردیر. شاعیر بو ائلئمانلاردان شعری‌نین گلیشمه‌سی نامینه چوخ اوستاجاسینا فایدالانیر. مدرن شعریمیزین چیچکلنمه زامانیندا، شعریمیزین اوز توتدوغو ساحه‌لر، دونیا پوئزیاسی‌نین مراجعت ائتدییی ائلئمانلارا خطابا استقامت‌لندییی حاللاردا ع. اورمولو اؤز کؤکونده اولان عنعنهوی دئتال‌لارا مراجعت ائدیر:
آینالاردان آینالارا قول آچیلیر/ ایکی هاچا یول آچیلیر
آینالارین اوزونده گؤز/ آینالارین دیلینده کؤز
آینالاردا قیریق قیریق گیلئی سسی/ گاه نئی سسی
آینالاردا ممدخانین میناره‌سی آیاق توتور
ناققا بالیق آدام اودور (اورادا، 36).
بو باخیمدان اونون اثرینده بیر سیرا #سربست_هئجا شعرلری، عنعنهوی شعریمیزه دایاناراق یازیلدی. اونون شعرینده، عنعنهوی شعرین اوچ ائلئمانی‌نین اؤنملی حضورو وار: قافیه، وزن و قالیب.
قاپی‌لار/ قاپی‌لار/ باغلی قاپی‌لار
قیریق پنجره‌لر/ داغلی قاپی‌لار
نه گول وئرن قالیب نه گولوش وئرن
نه بیر دانیشان وار نه گلیب-گئدن
دولانیر کوچه‌ده هیچقیریق سسی
کرپیچ سیزیلتیسی/ کرپیچ ناله‌سی (اورادا، 65)
ماراقلی‌دیر #سربست_شعرین ایچینده، قافیه ایله وزنین‌حضورونو گؤرموشدوک. آنجاق «اورمولو»نون سربست شعرینده، شعر قالیبی‌نین ده حضورونو گؤروروک.اونون بیر چوخ سربست شعرلرینی، #مثنوی آدلاندیرماق هوسی بئینیمدن اؤتور. چونکی بو شعرین ایچینده چوخ زامان عنعنهوی ریتم اؤن سیرایا کئچیر. بونون حیاتا کئچمه‌سینده وزن ایله قافیه‌نین اؤنملی رولو واردیر. بونونلا برابر، هئجا اؤلچوسونده یازیلان مثنوی قورولوشو، همی ده اونون #قافیه‌لنمه سیستئمینی عنعنهوی شعره باغلاسا دا، شعرین ایچینده ایفاده و بدیعی تصویر اوسلوبلاری یئنی چالارلارلا اؤزونو گؤستریر. بو چالارلار اسکی ایله یئنی قوهوملوغونو صمیمی‌لشدیره‌رک همی ده فرقلی خاصیت‌لرینی ده گؤسترمه‌یه جهد ائدیر.. شعرده «وزن» عنصرونون عنعنهوی اولماسینا باخمایاراق، قافیه‌لشمه سیتئمینده مختلیف موتیو‌لری سینادیغینی دا گؤروروک.
ع. اورمولو #عنعنهوی_شعرده اؤزونون داخیلی «من»ینی پوئتیک فورمایا چئویریب عکس ائتدیردییی اوچون، هله ده کؤهنه قالیب‌لری سیندیرا بیلمیر. آنجاق سیندیرا بیلمه‌دییی مرحله‌ده ده ائله کامیل و یئتکین بیر یئنیچی‌لییی منیمسه‌یه بیلیر..
ع. اورمولو شعرین #مدرن‌لیینه قاتلاشدیقدا باجاریقلی نمونه‌لر ده یازیر:
قوزئیده یولا چیخان
گونئیده آسیلدی دؤرد قناره‌دن
کولک دؤرد دروازادان آت سوردو
گؤیردی دؤرد دسته گول
قیرمیزی‌لار اوددا بیتدیلر
قارالار سودا ایتدیلر
آغ‌لار تورپاغی منیمسه‌دیلر
یاشیل‌لار یئل قوجاغین
و او گون
انسانلیق اؤلن چاغدا
عشق آسیلدی بئشینجی دروازادا (اورادا، 86).
#یازی چاپا حاضیر اولان #آذربایجان_شعرینده_مدرنیزم کیتابیمدان آلینیبدیر
https://telegram.me/dusharge
(#ع_اورمولو شعری)
یازان: #همت_شهبازي
هر زامان کؤلگه‌ده قالان و ادبی محیطده هئچ زامان گؤرونمه‌ین شاعیر «#علی_احمدی_آده» « #گؤزو_یاشلی_کوچه‌لر» (1369)، #نارگیله (1378) و #و_زامان_بیر_بهانه‌دیر» (1387) کیتابلاری‌نین مولفی‌دیر. شاعیری بیز داها چوخ «ع. اورمولو» آدی ایله تانییریق. او، ایلک دفعه اولاراق «گؤزو یاشلی کوچه‌لری» ایله ادبی دونیامیزا، اؤزللیکله شعریمیزه داخیل اولدوقدا دا ائله اؤزونه مخصوصلوغو ایله گلیر....
#گؤزو_یاشلی_کوچه‌لرده، بیز بیر نوع آرخایینلیق آختارماق گؤروروک اوخوجو اوچون.بو آرخایینلیق شعرده اؤزونو گؤستریر. یعنی اوخوجو، بو شعرلری اوخودوقدا دینجلیک تاپیر. گون بویو ایشله‌ییب یورغون ائوه گلن بیر ایشچی دینج‌لییی کیمی:
فانیسلارلا گولونج کؤلگه‌لر اویونوندا
پیچیلتیلار توشلاییرسا یولچو توپوغونو
اینجینمه‌لر/ اینجی‌یه دؤنور/ اوزاق ایشارانتی گؤروشوندن.
«چئینه قوی آغزینا» ساققیزین باغیشلامیش دونَنه
مندیلینده/ بیر اووج بوغدا ایله آینا گؤز بولاق
یورغونلوق پوچور-پوچور/ خاللاییر ائنیش-یوخوشو.
آرخاسی/ یارین‌لار آرخایین‌لیغی‌دیر
کی شعرین/ گونش کلاغایی‌سین
و / فانیسلی‌لار قولاغیندا/ بولاق شیریلتیسی (ع. اورمولو، 1369: 10-9).
#مدرن_شعر هم «عنعنه»نی، هم ده «عنعنهوی شعر»ین قایدالارینی قیراغا قویماقدا دَریدن قابیقدان چیخدیغی آندا،بیر سیرا یئنیچی‌لییه مئیلی اولان شاعیرلر، اونلارین ائتدیینی بوراخمادان یئنی‌لشمه‌یه استقامت‌لنیرلر. بونلارین یارادیجیلیقلاریندا عنعنهوی شعرین هم #فورم، هم ده #قالیب باخیمیندان حضورونو گؤروروک. داها دوغروسو بونلار، بو عنعنه‌لر بنزرسیز‌لیک‌لرینی گؤستره‌رک، اونون بعضی ائلئمانلاریندان دا ال چکمیرلر.بو ائلئمانلاردان اونا گؤره استفاده ائدیرلر کی بونلارین شعرینده اؤز تاثیرینی‌گؤستریر. «ع. اورمولو» بو تیپ شاعیرلره داخیل‌دیر. اونون سربست هئجا شعرینده، عنعنهوی شعرین ائلئمانلاریندان اولان «قافیه»، «وزن= هئجا وزنی» خصوصی حضورو واردیر. شاعیر بو ائلئمانلاردان شعری‌نین گلیشمه‌سی نامینه چوخ اوستاجاسینا فایدالانیر. مدرن شعریمیزین چیچکلنمه زامانیندا، شعریمیزین اوز توتدوغو ساحه‌لر، دونیا پوئزیاسی‌نین مراجعت ائتدییی ائلئمانلارا خطابا استقامت‌لندییی حاللاردا ع. اورمولو اؤز کؤکونده اولان عنعنهوی دئتال‌لارا مراجعت ائدیر:
آینالاردان آینالارا قول آچیلیر/ ایکی هاچا یول آچیلیر
آینالارین اوزونده گؤز/ آینالارین دیلینده کؤز
آینالاردا قیریق قیریق گیلئی سسی/ گاه نئی سسی
آینالاردا ممدخانین میناره‌سی آیاق توتور
ناققا بالیق آدام اودور (اورادا، 36).
بو باخیمدان اونون اثرینده بیر سیرا #سربست_هئجا شعرلری، عنعنهوی شعریمیزه دایاناراق یازیلدی. اونون شعرینده، عنعنهوی شعرین اوچ ائلئمانی‌نین اؤنملی حضورو وار: قافیه، وزن و قالیب.
قاپی‌لار/ قاپی‌لار/ باغلی قاپی‌لار
قیریق پنجره‌لر/ داغلی قاپی‌لار
نه گول وئرن قالیب نه گولوش وئرن
نه بیر دانیشان وار نه گلیب-گئدن
دولانیر کوچه‌ده هیچقیریق سسی
کرپیچ سیزیلتیسی/ کرپیچ ناله‌سی (اورادا، 65)
ماراقلی‌دیر #سربست_شعرین ایچینده، قافیه ایله وزنین‌حضورونو گؤرموشدوک. آنجاق «اورمولو»نون سربست شعرینده، شعر قالیبی‌نین ده حضورونو گؤروروک.اونون بیر چوخ سربست شعرلرینی، #مثنوی آدلاندیرماق هوسی بئینیمدن اؤتور. چونکی بو شعرین ایچینده چوخ زامان عنعنهوی ریتم اؤن سیرایا کئچیر. بونون حیاتا کئچمه‌سینده وزن ایله قافیه‌نین اؤنملی رولو واردیر. بونونلا برابر، هئجا اؤلچوسونده یازیلان مثنوی قورولوشو، همی ده اونون #قافیه‌لنمه سیستئمینی عنعنهوی شعره باغلاسا دا، شعرین ایچینده ایفاده و بدیعی تصویر اوسلوبلاری یئنی چالارلارلا اؤزونو گؤستریر. بو چالارلار اسکی ایله یئنی قوهوملوغونو صمیمی‌لشدیره‌رک همی ده فرقلی خاصیت‌لرینی ده گؤسترمه‌یه جهد ائدیر.. شعرده «وزن» عنصرونون عنعنهوی اولماسینا باخمایاراق، قافیه‌لشمه سیتئمینده مختلیف موتیو‌لری سینادیغینی دا گؤروروک.
ع. اورمولو #عنعنهوی_شعرده اؤزونون داخیلی «من»ینی پوئتیک فورمایا چئویریب عکس ائتدیردییی اوچون، هله ده کؤهنه قالیب‌لری سیندیرا بیلمیر. آنجاق سیندیرا بیلمه‌دییی مرحله‌ده ده ائله کامیل و یئتکین بیر یئنیچی‌لییی منیمسه‌یه بیلیر..
ع. اورمولو شعرین #مدرن‌لیینه قاتلاشدیقدا باجاریقلی نمونه‌لر ده یازیر:
قوزئیده یولا چیخان
گونئیده آسیلدی دؤرد قناره‌دن
کولک دؤرد دروازادان آت سوردو
گؤیردی دؤرد دسته گول
قیرمیزی‌لار اوددا بیتدیلر
قارالار سودا ایتدیلر
آغ‌لار تورپاغی منیمسه‌دیلر
یاشیل‌لار یئل قوجاغین
و او گون
انسانلیق اؤلن چاغدا
عشق آسیلدی بئشینجی دروازادا (اورادا، 86).
#یازی چاپا حاضیر اولان #آذربایجان_شعرینده_مدرنیزم کیتابیمدان آلینیبدیر
https://telegram.me/dusharge
Telegram
@dusharge || همت شهبازی
@dusharge
کانالدا کی یازی‌لاری کانالین لینکینی وئرمک شرطی ایله پایلاشماق اولار.
اشتراک‌گذاری مطالب کانال به شرط ارائه لینک آن مجاز است.
کانالدا کی یازی‌لاری کانالین لینکینی وئرمک شرطی ایله پایلاشماق اولار.
اشتراک‌گذاری مطالب کانال به شرط ارائه لینک آن مجاز است.
"بیر زامانلار #وراوی" ۱
بيرينجى شورا سئچگی‌لریندن الده ائتدیگیمیز ان دیرلی قازانج ایدی "وراوی". اؤيله بير قازانج كى هئچ سيلينمه‌یه‌جک، دایم پارلایاجاق بیر اولدوز کیمی یاخین تاریخیمیزی سوسله‌دی.
او دؤنمين اولاناقلارينا گؤره، ائله‌جه ده سیخینتی‌لارا گؤره خييوو كيمى بير شهرده توركجه- فارسجا بیر #درگی‌نین باسیلماسی، گئرچکلشمه‌سی ایمکانسیز بیر رویا کیمی گؤرونوردو.
او دورومدا آنجاق #وراوى چیخدی. گونش چیخان کیمی داغلارین آرخاسیندان چیخدی. شهریمیز تاریخینده بیر شانلی ایلک اولدو. آغیرلیق اعتباری ایله ده اوستاندا ایلک ساییلاجاق قدر اؤنه چیخدی. بوتون اؤلكه‌نین بیر ایکی اؤنملى توركجه درگی‌لری ایله یان یانا دوردو و آوازی اوزاقلاردا ائشیدیلدی.
بو ايشين آغير يوكونو داشيان اوچ کیشی‌نین بیری "زلیم خان" ایدی؛ درگی‌نین سوروملو مودورو.
ایندی اوزون ایللردی وراوی یوخدی. آمما زلیم خان هله ده وار. من اونو هر گون گؤرورم. سحر چاغی قولتوغوندا کیتاب ائویندن چیخیر؛ کیتابخاناسینا گئدیر؛ اوخویور، یازیر، پوزور. یؤنلنديردييی شهرین ادبی انجمنی‌نین شعر مجلیس‌لرینه گئدیر؛ #کیتاب تنقیدی ییغینجاقلارینا قاتیلیر، #مثنوی اینجه‌له‌ییر، #فضولی اوخویور ، #تورکجه دیل کورسولاریندا اولور و آخشام یئنه قولتوغوندا كيتاب ائوینه دؤنور. كيتاب اونون ياخين دوستو. و باشقا دوستلارى شاعيرلر، يازارلار، آراشديريجيلار، ....
هه؛ بير باشقا آدى دا " #سليم_زحمت_دوست".
سیز، ندن تانیمیرسیز اونو؟!
@dusharge
_________&&&&&&&&_____
✍️ #یازی‌یا قئیدلر ( #همت_شهبازی):👇
۱. #وراوی نشریه‌سی ۱۳۸۱دن #خییوو شهرینده چاپ اولماغا باشلایاراق، دولغون یازی‌لاری ایله آز زاماندا اؤلکه‌دن کناردا دا آد آچماغا باشلادی.
✍️ یازینی عزیز دوستوم #منصور_مظلومی‌نین انستا صحیفه‌سیندن پای گؤتورموشم 👇👇👇
https://www.instagram.com/p/CQAxK72stkW/?utm_medium=copy_link
بيرينجى شورا سئچگی‌لریندن الده ائتدیگیمیز ان دیرلی قازانج ایدی "وراوی". اؤيله بير قازانج كى هئچ سيلينمه‌یه‌جک، دایم پارلایاجاق بیر اولدوز کیمی یاخین تاریخیمیزی سوسله‌دی.
او دؤنمين اولاناقلارينا گؤره، ائله‌جه ده سیخینتی‌لارا گؤره خييوو كيمى بير شهرده توركجه- فارسجا بیر #درگی‌نین باسیلماسی، گئرچکلشمه‌سی ایمکانسیز بیر رویا کیمی گؤرونوردو.
او دورومدا آنجاق #وراوى چیخدی. گونش چیخان کیمی داغلارین آرخاسیندان چیخدی. شهریمیز تاریخینده بیر شانلی ایلک اولدو. آغیرلیق اعتباری ایله ده اوستاندا ایلک ساییلاجاق قدر اؤنه چیخدی. بوتون اؤلكه‌نین بیر ایکی اؤنملى توركجه درگی‌لری ایله یان یانا دوردو و آوازی اوزاقلاردا ائشیدیلدی.
بو ايشين آغير يوكونو داشيان اوچ کیشی‌نین بیری "زلیم خان" ایدی؛ درگی‌نین سوروملو مودورو.
ایندی اوزون ایللردی وراوی یوخدی. آمما زلیم خان هله ده وار. من اونو هر گون گؤرورم. سحر چاغی قولتوغوندا کیتاب ائویندن چیخیر؛ کیتابخاناسینا گئدیر؛ اوخویور، یازیر، پوزور. یؤنلنديردييی شهرین ادبی انجمنی‌نین شعر مجلیس‌لرینه گئدیر؛ #کیتاب تنقیدی ییغینجاقلارینا قاتیلیر، #مثنوی اینجه‌له‌ییر، #فضولی اوخویور ، #تورکجه دیل کورسولاریندا اولور و آخشام یئنه قولتوغوندا كيتاب ائوینه دؤنور. كيتاب اونون ياخين دوستو. و باشقا دوستلارى شاعيرلر، يازارلار، آراشديريجيلار، ....
هه؛ بير باشقا آدى دا " #سليم_زحمت_دوست".
سیز، ندن تانیمیرسیز اونو؟!
@dusharge
_________&&&&&&&&_____
✍️ #یازی‌یا قئیدلر ( #همت_شهبازی):👇
۱. #وراوی نشریه‌سی ۱۳۸۱دن #خییوو شهرینده چاپ اولماغا باشلایاراق، دولغون یازی‌لاری ایله آز زاماندا اؤلکه‌دن کناردا دا آد آچماغا باشلادی.
✍️ یازینی عزیز دوستوم #منصور_مظلومی‌نین انستا صحیفه‌سیندن پای گؤتورموشم 👇👇👇
https://www.instagram.com/p/CQAxK72stkW/?utm_medium=copy_link