[٢]
#همت_شهبازی

جانیم رامیز , گؤزوم رامیز.
منی اوتاندیرما. بئله اولسا آزاجیق او فعالیتیمی ده کسه رم اوتاندیغیمدان. بو سؤزلره لاییق اولماق بؤیوک آرزومدور.
منیم و سنین سئویملی اوستادیمیز جناب جهانی دن ایندینین ایندیسی ده اؤیره نیرم. اونونلا من علاقه نی قیرمادیم. بیزیمله بیرگه او دا ارشددن قبول اولدو او زامان. اهوازدان هر زامان تبریزه دؤننده آلچاق کؤنوللولوکله بیزیم دانشجویی خوابگاها دؤنردی. دانشگاهین کیتابخاناسیندا نه کیتاب لازیمی اولاردی آلیب وئره ردیم. پایاننامه یازیردی. سونرالار من یئنه ده خییوودا اولاندا وراوی قزئتینیده اولوردوم. هم #اوستاد_جهانی و هم #اوستاد_زحمت_دوست و هم #اوستاد_رحمانی اونودولاسی معلم لر دئییلدیلر. هر زامان بیرگه اولاردیق. من ایندی ده اوستاد جهانی نین یانیندا بیر سرباز کیمی آیاق اوستده دورماغا حاضیرام. ائوینه گئدنده هر زامان دانیشدیراردیم. اؤیره نردیم.
اونون پایاننامه سی فوق العاده بیر موضوعدور.
#تصوف_سیاسی_در_ایران.
اوخوموشام. چوخ دیرلی بیر ایشدیر.
بو آنلاری خاطیرلاتدیغین اوچون چوخ ساغ اول دوست. سنین او تورکجه کیتاب تاپیلمایان زامانلار عشق ایله الیازما شعرلری یازیب توپلادیغین دفترلر و اونلاری بیزه اوخوماق اوچون وئردیینی اونوتمامیشام. هر زامان دوستلارلا دانیشیرام
بئواخ گؤردوم یازینی. گئجیکدییم اوچون عذور ایسته ییرم. قادانی آلیم.
بیر گون گئده ریک او رویامیزی یاشادان عزیز اوستاد جهانینین بیر داها عطرینی آلاریق دوست.
اؤیرنجی لر اوره یینده بوتون سئوگی و عشق یارادان اوستادلارا عشق اولسون.

شهریور - ۱۳۹۶

@dusharge

#بالئی_بئلن (baleybelən) #دیلی‌نین مؤلفی #شیخ_محیی_گلشنی

یازان: #همت_شهبازی

شیخ محیی گلشنی، هیجری 935 ده تورکیه‌نین #ادرنه شهرینده دونیایا گؤز آچیر. آتاسی فتح‌الله اصلن #قزوین شهرینده اولدوغو زامان آتاسی اؤلدورولدوکدن سونرا ادرنه شهرینه کؤچور و شیخ محیی ده ایلک تحصلاتینی بورادا آلدیقدان سونرا مصیره گئدیر و اورادا مختلیف دفتردارلیق ایش‌لرینده مشغول اولور. او، مصیرده اولارکن « #شیخ_ابراهیم_گلشنی»‌نین اوغلو، احمد خیالی ایله تانیش اولدوقدا، دئییلن‌لره گؤره هم اونون قیزی ایله ائولنیر، همی ده اونون واسیطه‌سی ایله شیخ ابراهیم گلشنی‌ حیاتی و « #گلشنیه» طریقتی حاقدا ماراقلانارکن #مناقب_ابراهیم_گلشنی آدلی #کیتابینی دا تورک دیلینده یازماق نیتینه دوشور.
ابراهیم گلشنی « #مولویه» مکتبینه تابع اولان « #گلشنیه» طریقتی‌نین بینؤوره‌سینی قویور. شیخ ابراهیم گلشنی، تبریزده یاشارکن بو #تصوف طریقتینی یاییر. اونون بو یولدا آدینا دئییلن کرامت‌لر آذربایجاندان توتموش تورکیه‌یه قدر دیل‌لر ازبری اولور.

منیم دیققتیمی بو کیتابا یؤنلدن مسئله ده ائله، کیتابدا خیردالیقلاری ایله بحث ائدیلن موضوعلاری‌ ایدی. او جومله‌دن ایکی مقام دیققتیمی چکدی:
« #مغان_ائلی» (ص 115) ایفاده‌سی، بیر ده « #عبد_الغنی_المغانی» (صص 89 و 181) آدلی بیر شخصین آدی. بو شخص، #مغان و #قاراباغ بؤلگه‌سینده مشهور بیر متعصب شیخ‌لردن ایمیش کی عمومیتله گلشنیه طریقتی‌نین ضیددینه تبلیغ‌لر ائدیرمیش. مؤلف اونونلا شیخ ابراهیم گلشنی‌نین مباحثه‌لرینه اشاره ائدیر.

بونو دئمکدن مقصدیم اودور کی شیخ محیی «مناقب ابراهیم گلشنی» اثرینی «آذربایجاندان باشلایاراق شرقی آنادولویا قدر داواملادیقدا مصیرده قورتاریر». مؤلف شیخ ابراهیم گلشنی‌نین منقبت‌لریندن یازارکن، #آق_قویونلو سلاله‌سی آلتیندا حیات سورن #آذربایجان محیطیندن گؤزل بیلگی‌لر وئریر.
آنجاق شیخ محیی‌نین دیققتی چکن مقامی باشقا بیر شئی‌دیر. دئییلن‌لره گؤره او، دؤورونون ان مشهور #دیلچی و #لغت‌شناس عالیم‌لریندن بیری ایمیش. بونو، اونون یازدیغی کیتابلاری دا ثبوت ائدیر.

قیرخدان چوخ اثرین مولفی اولان شیخ محیی، باشقا اؤنملی بیر شئیله‌ ده دؤورونون عالیم‌لریندن سئچیلیر. او « #بالئی_بئلن» (baleybelən) دیلی‌نین ده ابداع و #اختراعچیسی‌دیر. اوندان سونرالار و یاخین زامانلاردا یاشامیش لهستانلی دیلچی #زامینهوف طرفیندن عرصه‌یه گلن « #اسپرانتو» دیلی کیمی بیر دیلین ایلک اختراعچیسی شیخ محیی گلشنی‌دیر. شیخ محیی حتتا « #لغات_و_قواعد_بالئی_بئلن» آدلی #اثرینده، بو دیلین #قراماتیکاسینی دا یازیر. پراکتیک اولاراق « #مصادر_السنه_اربعه» بیر #سؤزلوک کیتابینی دا یازیر. بو سؤزلوک « #مصدرلر» سؤزلویودور. سؤزلوک دؤرد دیلی احتیوا ائدیر: #تورک، #فارس، #عرب و #بالئی_بئلن دیل‌لری.

خوشبختلیکدن بو اثر، تورکیه‌ده ایشیق اوزو گؤرموش. مؤلف، دؤرد اوغلونو بو دیل‌له تانیش ائتمک و اونلاری تعلیم وئرمک اوچون هم آدی گئدن سؤزلویو، همی ده بالئی‌بئلن دیلی‌نین قراماتیکاسینی دا یازیر.

بئله‌لیکله #تورک دونیاسیندا، زامینهوفدان اؤنجه « #اسپرانتو» دیلی‌نین اوخشاری تورک دیلینده یارادیلیر، قراماتیکاسی دا یازیلیر.


https://telegram.me/dusharge