#ЯКШАНБАГАУТАРКЕЧА

16 кисм

Милициядан бушатилдим, кучадаги товламачи чиптафурушга айландим, пулга ёлланиб, бировнинг хотинининг изидан жосуслик килиб юрибман. Кизиги, буюртмачининг кисмати билан узимники накадар ухшаш! У хотинини севмаган, ишкка коришик ширин хаётни кумсаган, нихоят ниятига хам эришган. Бирок оилали одам учун бу курбонсиз булмас экан. Тинчгина ажрашолдими, у холда хотини ё хиёнат килиши, ё улиши керак!
-Хиёнат ё улим?- дедим узимга-узим.-Астагфурулло, фожеалардан Худо асрасин... Менга етмаяпти-я?! Эр-хотин- икковимиз хам ахмокмиз, бир-биримизга учакишиб, оилани халокат ёкасига олиб келдик. Ким айбдор? Факат менми? Йук, купрок хотиним! Калла йук унда! Яхши гапирса, алдаса, кунглимни олса, улиб колармиди! Аёл киши хам шунака курс буладими? Хар доимгидек хотинимни айбдор килиб, ёлгиз ухладим.


Давоми бор...


https://tttttt.me/drabllar

#ЯКШАНБАГАУТАРКЕЧА



17 кисм

Якшанба куни Зумрад кун буйи уйидан чикадими ёки бирор жойга борадими, уйига одам келадими - хеч кандай тахмину режасиз, худди боши оккан телбадек 6- кварталга бордим. Ва энди нихоятда эхтиёткорлик билан атрофни кузата бошладим. Богдаги дарахтлар турт каватли уй буйи Эди, аммо мен утирган жойдан Зумраднинг деразаси куриниб турарди.Утган гал бу ерда кезиб юрганимни хотинимга ким етказган булса? "Шунчаки танишларидан бири куриб колган, хотиним эса бурттириб даъво килган", деган тухтамга келдим. Бугун либосларимни узгартириб, кора кузойнак такиб олгандим. Зумрад хотинимнинг дугонаси булиб чикиши хакикатга тугри келмасди. Насим билан ун йилдан бери таниш эдим, аммо оилавий борди-келди килмаганмиз. Бир вактлар мен Насимникига, Насим меникига кунгирок килганимизда бир-биримизнинг хотинимиз билан гаплашганмиз. "Насим уйдами?", "Баходир уйдами?", "Калай, яхши утирибсизларми?"- каби бир неча зарурий савол-жавоблар булган, холос. Иккимизнинг хотинларимиз кайсидир йуллар оркали таниш экран, нега биз бехабармиз? Хотиним "уртогингизнинг хотини билан гаплашиб тураман", демасмиди? Айникса, Насим иккинчи марта уйланганида, "уртогингиз ит экан, дугонамнинг устига хотин олибди", деб жавраши аник эди. Ёки улар биз таниш эканимизни билмасдан дугона булишганми? Зумрад уй бекаси, хотиним эса давлат газетасида хисобчи. Такдирнинг кайси чоррахаси уларни учраштирди экан? Мен учун бу саволлар кизик бир жумбок эди.
Олисрокда утирганим боис Зумраднинг уйини дурбинда кузатдим. Очик деразани ок харир парда тусган эди. Пастда яна рус болалари ролик учиш ташвиши билан банд. Уша кунги майкачан кимса бугун эгнига куйлак ташлаб, сигарет бкрукситмокда, бурни шолгомдек кизариб куринади. Бир пайт парда сурилиб, Зумрад намоён булди. Учинчи каватдаман, ким куриб утирибди, деганми, тунги куйлакда эди. Хайрон колмадим, хотинлар доим эхтиётсиз булишади. Шундай эхтиётсиз хотинлардан бирини фош этишим керак экран, омад калити, шубхасиз, кулимда эди.

https://tttttt.me/drabllar

#ЯКШАНБАГАУТАРКЕЧА


18 кисм


Чаккимас...- дедим дурбинда унга синчиклаб бокарканман - Насим нега шундай келишган хотинидан воз кечди экан? Кад-коматидан буткул согломлик уфуриб турган офатижон-ку! Тукликка шухлик ёки зерикиш касаллигига учраган экан-да бечора Насимбой.
Кейин виждоним гивирлаб колди. Ярим ялонгоч бегона хотинни дурбинда кузатиб утириш эркакчиликка тугри келмасди. Дурбинни туширдим. Бирок шу захоти яна кузимга тутдим,негаки буйнида яраклаб турган аждарнусха тилла занжирни куриб, эътибор килмагандим. Сониялар ичида уйладимки, бу занжир хам утган йилги боскинчиликка алокадор булиши мужчин.
Насим куп куттирмай телефонини кутарди.
-Алло, Баходир, эшитаман, - деди худди идораси ходимига сузлагандек. Хакикатан, энди унинг ходими эдим.
-Зумраднинг уйи олдидаги богда утирибман. Буйнидаги тилла занжир кизиктириб колди. Бундай чиройли, яркирок тилла занжирни хали курмаганман, жура. Бир неча миллион сум турса керак...
-Аждарнусхами?!- Насим тентакларча бакириб юборди.
-Ха, аждарнусха.

Давоми бор...


https://tttttt.me/drabllar

#ЯКШАНБАГАУТАРКЕЧА


19 кисм


Лаънатлар булсин! Ахир, уни хам утган йили боскинчилар олиб кетишганди-ку! Хамма такинчоклар кандай кайтиб келаяпти Унга?! Баходир кулок солинг... Ёнингизда хеч ким йукми?
-Йук, мен икки юз кадамлар наридан дурбинда куриб турибман.
-Телефон "громкости"да эмасми? Бирон киши йукми атрофингизда,деяпман?
- Ёлгизман, гапираверинг.
-Тилла занжир Зумрадга кандай кайтганини нима килиб булса хам аникланг, нима килиб булса хам! Пул керакми, бераман! Лекин иси чикмасин, менга гап тегмасин, тушунаяпсизми нима демокчилигимни?
- Бошидан келишганмиз, куч ишлатмайман, угирлик килмайман.
- Бошка йуллари бор, кулингиздан келади, дустим... Расмга тушироласизми?
- Объективингиз "икки юзлик" булса экан, икки юз кадам наридаги одамнинг занжирини олиб беролса. Лекин "олтмиш бешлик" билан...
- Баходир, уни курганимда, буйнида тилла занжир йук эди! Бундан чикди, дуч келган жойларга такиб бормайди. Куркади тулки! Хозир расмга олсангиз эди, менга далил буларди-да... Канака кийимда? Кучага чикмокчи шекили?
-Деразадан атрофни томоша килиб турибди, деярли кийимсиз.
-Ж...!- сукинди у.- Бас, карманг! Йигиштиринг дурбинни! Бугун хеч каекка кетманг, кучага чикса, изидан колманг.
Балки суратларни компьютерга ташлаб, катталаштирилса, занжир аник куринар деб етти-саккизта кадр суратга олдим. Тушгача утирдим, бир неча марта жой алмаштирдим. Нима килсам экан, деб зик була бошлаганимда, майкачан кимса дукондан кайтаетиб мени куриб колди.

Давоми бор....

https://tttttt.me/drabllar

#ЯКШАНБАГАУТАРКЕЧА


20 кисм

Уй топтингизми?- суради у.
-Топдим, нариги "дом",-дедим ковок уюб.
-У еклар яхши ... Ха, кайфият йук?
-У еклар яхши дейсиз, мен эса шу ердан олиш ниятида эдим. Сиз учинчи каватни сотиб олмокчиман, дегандингиз, бундан чикди, уйингизни сотаркансиз-да? Канчага беришингиз мумкин?
-Шу падъездга урганганман, улсам хам сотмайман.- У кизарган бурнини ишкаб, кекириб куйган эди, арок ичгани исботланди.- Иккинчи каватни сотиб, учинчини олмокчи эдим. Ичига кирмагансиз, уймисан уй, ух-ух.
-Булмаса, тиш духтир зур жойдан айрилибди-да?
-Айрилмади,- кул силкиди кимса.- Кеча хотиним айтиб колди, иккови кайсидир куни кечаси каердандир кайтаетганмиш. Уларнинг уртасида бир гап бор. Битта хотинсиз билан битта эрсиз бирикса, нима бўлади? Ё оила, ё "доира", ҳи-ҳи-ҳи... Қўйнимдан тўкилса қўнжимга, дерди отам!
-Қўшнингизни "юради" демоқчимисиз?
-Нима, мен хотинманми "юради" деб гап тарқатиб?! Ҳей, ўзи кимсиз? Анави нима, қўлингиздаги? Ёмон шубҳали кўринаяпсиз-да кўзимга.
-Жуда хира одам экансиз, дам олишга ҳам қўймайсиз, - деб ўрнимдан турдим ва сумкамни елкага ташлаб, жўнавордим.
Қаҳвахонада тамадди қилиб, қўрилиши тўхтаб қолган тўрт қаватли иморатнинг юқори қаватидаги балконда турган каттакон қути ёнига чўзлиб, кузатиб ётдим. Дераза қалин дарахт шохлари ортида бекинган, подъезд эса сайҳонлик каби очиқ эди.
Насим қўнғироқ қилди.
-Нима бўлди? - деди у чарчоқ инган товушда.
-Кузатиб ётибман. Зумрад уйидан чиқмади, Собит ҳам келгани йўқ. Лекин иккови ўтган куни кечаси қаердандир бирга қайтишганини қўшнилар кўрганмиш
-Турмуш қуришаяпти, бирга юради-да, - деди Насим қуруққина қилиб. - Менга қаранг, балки бугун диктафон қўйиб, гап оларсиз? Улар кўпинча якшанба кечқурун "Бургомистр" ресторанида овқатланармиш. Боринг-да, сўраб-суриштиринг, бир-икки ҳафтадан бери келишармикан ё мен билан ажрашмасдан олдин ҳам бирга кўрганлар бормикан? Авваллари якшанба кунлари иккинчи хотинникида - Гулфираникида қолардим. Душанба куни ишга уникидан чиқсам, ҳамиша ишим юришарди. Буни одат қилиб олгандим. Йўқ, одат эмас, ирим. Афсуски, ҳафталик ишларни Гулфиранинг омад тилаши билан бошлашим Зумраднинг хиёнати учун имконият бўлиб чиқади шекилли.
-Хафа бўлмангку-я, умр китобингиздан ҳар нима чиқиши мумкин. Ҳаётингизни ёмон мураккаблаштириб юборибсиз.
У ҳар доимгидек телефонни жаҳл билан узди, қайтиб алоқага чиқмади. Мен ҳам аччиқландим: пул учун нега унга итдек хизмат қиларканман? "Мен детектив ҳам, жосус ҳам эмасман", деб ишини ташласаммикан? Хотинимнинг айрим танқидлари ростга ўхшайди. Юришим шу бўлса, бир кун келиб жиноятчига айланишим муқаррар.

Давоми бор...

https://tttttt.me/drabllar

#ЯКШАНБАГАУТАРКЕЧА

21 кисм


Балки аллақачон жиноятчи бўлиб улгургандирман? Ноқонуний чипта савдоси, бир аёлнинг изига тушиш...
"Насим Зумрадни ўлдириб, бўйнимга қўйиб юборса-чи?"
Мана, қоровулми, қурувчими - кимдир пастда ғўнғир-ғўнғир гапиряпти. Подъездга охирги марта кўз ташлаб, шу билан ростдан ҳам, изқуварликдан воз кечмоқчи эдим, аммо кутилмаганда Зумрад уйидан чиқди. Бир муддат атрофга аланглаб, қўлларини чалиштирди, афтидан, асабий уф тортди. Уй кийимида шошиб чиқиб, бу алфоз туришига қараганда, биров чақирган эди. Сўнг ерга қараган кўйи боққа кириб, дарахтлар остида ғойиб бўлди. Цемент юқи ўрнашган тутқичсиз зиналардан биринчи қаватга ўқдек учдим. Ҳалиги ғўнғирлаётган ўзига-ўзи гапираётган қандайдир иркит маст экан. Қўрққанидан йўл беришни ҳам унутиб (иморат ичига ҳожат учун кирган чоғи), шим қайишини тутган кўйи менга бақрайиб қаради: елкам унинг қоқсуяк кўксига урилганда "ҳийқ" этган овозни аниқ эшитдим, бояқиш жарликка улоқтирилган ўлик бузоқдек учиб тушди.
Хайрият, Зумрадни йўқотиб қўймадим. У боғдан чиқиб, бекат яқинида турган оқ "Жигули" сари юрди. Йўлнинг нариги томонига чопиб ўтдим. Бу йўл тўрт қаторли бўлиб, четида одам бўйи арчалар ғўдайиб турарди. Арча панасидан мўраладим. Оралиқ масофа шундай эдики, ҳайдовчини дурбинсиз таниб бўлмасди. Шоша-пиша дурбин тутдим. Тутдиму ҳайдовчининг ёнидаги одамни таниб, беихтиёр ҳуштак чалиб юбордим. У Собит эди. Бироқ Зумрад машинага ўтирмади. Халати чўнтагидан нимадир олиб узатди, Собит уни томоша қила бошлади. Хиёл кўтарган эди, аждарнусха тилла занжирни яққол кўрдим. Шундай вақтда кишининг хаёлига бир савол келади: модомики, тилла занжир ўтган йили Собит ва Зумрад уюштирган "босқинчилик операцияси"да олиб кетилган экан, нега Зумрад занжирни шошилинч кўрсатди ва Собит ажабланиб томоша қилди? Улар ўзлари яшириб қўйган тилла занжирни кўчага олиб чиқиб, ҳайратланиб томоша қилиши ақлга тўғри келмасди. Жумбоқ янада чигаллашди. Дастлабки аломатлар Насимнинг гумони нотўғри эканини айтиб турарди. Бу ерда бошқа гап бор эди.


Давоми бор...

https://tttttt.me/drabllar

#ЯКШАНБАГАУТАРКЕЧА


22 кисм


Машина жойидан жилди, Зумрад уйига қайтди.
Хўш, қандай сир бўлиши мумкин? Бир йил муқаддам шанбадан якшанбага ўтар кечасиНасимнинг хонадонида аслида не воқеа юз берган? "Босқинчилик ҳақида бошқа бировдан маълумот олишим керак", деган ўйда тўхталдим. Бошқа биров эса, шубҳасиз, милициядаги собиқ ҳамкасбим Шокир эди.
-Кечқурун бўшайман, - деди Шокир мени ички ишлар бўлими олдида кўриб, юзини бужмайтираркан. - Бафуржа гаплашамиз...
-Кечқурун жудаям муҳим ишим бор, - деб эътироз билдирдим-да, Насим ва Зумрад яшаган уй манзилини айтиб, ўтган йили содир этилган жиноят ҳақида бўлимдагилардан сўраб-суриштиришни, кейинроқ қўнғироқлашишимизни айтдим. Адашмасам, бир вақтлар Насим, мен, Шокир - учовимиз пивохонада учрашиб қолгандик. Битта вилоятдан бўлганимиз учун Насим ундан Шокир яшайдиган иумандаги айрим таниш-билишларини сўраганди. Шу тобда Насимнинг мен ҳақимдаги сўнгги хабарларни, хусусан, ишдан бўшаб, вокзал теварагида чиптафурушлик қилаётганимни баайни Шокирдан эшитмаганмикан, деган ўй ҳам йўқ эмасди.
...Унинг юзи янада бужмайди.
-Насим аканинг уйидаги босқинчиликни сўраяпсизми? Худди билмагандай мендан суриштиришингизни қаранг! Нима гап ўзи?
-Насим эсингизда экан, у эски танишим. Биз қачондир бирга ҳам ўтиргандик, пивохонада.
-Шуни айтаяпман-да!
-Билсангиз айтинг, нима бўлган у ерда? Рости... нега қизиқаётганимни кейинроқ тушунтириб бераман, шу вақтгача хабарим йўқ эди, ўлай агар.
-Насим ака қаттиқ сир сақлашни айтган, - деди Шокир бош чайқаб. - Бошқалар билмаслигини илтимос қилган экан, сир тутдик. Лекин тергов бўлаётган ишни мутлақо сир тутиб бўларканми! Қолаверса, ўзингиз ҳаммасидан бохабарга ўхшайсиз.
-Тўлиқ эмас, дўстим.
-Қисқаси, уйини иккита босқинчи босган. Бор пулию тилла тақинчоқларини олиб кетган. Хотинини... - Шокир танглайини тақиллатди.

Давоми бор....

https://tttttt.me/drabllar

#ЯКШАНБАГАУТАРКЕЧА

23 кисм


Зўрлашганми?
-Ҳа, шунақа. У кишининг нозик нуқтаси ҳам шу - хотинига тегинганларини қариндош-уруғлардан сир тутиш! Шунинг учун сизга лом-мим демаган кўринади. Уйига мен ҳам бир марта борганман, тергов-суриштирувда қисман қатнашганман.... Биласизми, нима учун жиноятчилар ҳалигача топилмаган?
-Худо ҳаққи, ҳеч нима билмайман! - дедим.
-Бунда ўзларининг қўли бор, деган мишмишлар юради. Масалан, мен шу гапга ишонаман.
-Ўзларининг деб эр-хотинни айтаяпсизми?
-Бўлмаса кимни!
Ҳайрону лол қолганимдан карахт ҳолда елка қисиб, бир зум ўйга толдим. "Милиция ходимларининг ҳам шубҳаси бор экан-да? Ҳақиқатан, иш пишган кўринади... Бироқ Шокир эр-хотин деяпти-ку..."
-Қайси бири? - сўрадим ундан.
-Иккови ҳам.
-Йўғ-е, - деб талмовсирадим. - Уларга бунақа тентаклик нега керак?
-Менимча, кимдандир қарз бўлиб қолишган. Ёки... тилла тақинчоқлару пулларга яна кимдир шерик бўлган. Учинчи одамни алдаш учун эр-хотин томоша кўрсатган бўлиши мумкин.
-Қўйсангиз-чи, - кулиб юбордим. - Менга Америка фильмини, чет эл детектив романини гапираяпсиз.
-Нимани гапираётганим аниқ. Бу на кино, на роман!
Шокир билан хайрлашиб, йўл-йўлакай ўйга толдим. Насим мени орқаваротдан суриштирган, телефон рақамимни ҳамкасбларимдан топган, лекин нега қўнғироқ қилмаган? Светафорда кўриб қолиб, тўғридан -тўғри устимга, чиптафурушлар кўчасига келди. Шундай бўлса-да, барибир рақамимни топган заҳоти ҳар эҳтимолга қарши қўнғироқлашиши керак эмасмиди?..
"Э, нега чалғияпман? - дедим бир оздан сўнг. - Якшанбага ўтар кечаси юз берган босқинчиликни ўйласам-чи!.."
Босқинчилик чиндан ҳам қаллоблик бўлиб чиқаяпти. Бироқ Шокир тахмин қилганидек эр-хотин уюштирмаган, муаллиф Зумраднинг ўзи! "Зумрад... Зумрад..." дедиму тилла занжирни ўйладим. Зумрад нима сабабдан уни Собитга ҳаяжон ила кўрсатди? Бундан чиқди, тилла занжирни ҳам худди узук каби уй ичидан топиб олган... Шу он миямда бутунлай қарама-қарши ўй юзага чиқди: янги кўчиб келган уйидан қандай қилиб ўтган йилги тилла занжирни топиб олиши мумкин?

Давоми бор...

https://tttttt.me/drabllar

#ЯКШАНБАГАУТАРКЕЧА


24 кисм

Энди бировларнинг фикридан панох излай бошладим. Балки бу ерда ростдан учинчи шахс бордир? Зумрад, Насим ва Собитни қўғирчокдек ўйнатиш учун атайин ташлаб кетган бўлса-чи?... Ким булиши мумкин? Ким булса хам телба экан, бошка хеч ким эмас!
Уйга келиб, суратларни компьютерга ташладим. Катталаштирдим. Канчалик катталашса, шунча хиралашиб кетаверди. Хархолда Насим уз занжирини таниб олиши мумкин эди. Фотошопда жило бериб, флешкамга кучирдим-да, соатга карадим.
- ”Бургомистр”,- дедим мингирлаб. - Номинг курсин, европачалиш! Аввал суратларни чикариб, Насимга бераман, кейин у екка жунайман....
”Бургомистр” деб бурнимни жийирган эсам-да, узим хам ок шим, езувли кизил футболка кийдим. Шундай ешариб кетдимки, хотиним хиенатда айбламаса гурга эди, деб уйладим. Нима килай, оддийрок кийинганлар ”Бургомистр”да дархол кузга ташланади. Бирорта шифохонанинг еки бозорнинг якинидаги ошхонада овкатланадиган хурранда нима килиб юрибди, деб эътибор каратишлари эхтимолдан холи эмас.
Зумрад ва Собит куп куттирмади. Ресторан турига гаплашмасдан утдилар. Унгдаги супага куйилган столлардан бирини эгаллаб, жилмайиб куйишди. Менюни укиетганларида уларга зимдан тикилдим. Диктофон болалар вафлисидек келарди. Агар вальсга тушишса, пайтдан фойдаланиб, стол тагига скоуч билан махкамлаб куйишим мумкин. Диктофон куелмасам, Насимга буни руй-рост, бехижолат айтаман. Нима, мен тажрибали жосусманми?
Кадах кутардим. Кузатувимдаги шахслар хам ****-ичишга тушишди. Хаял утмай, тановулдан кура купрок сухбатлашишни раво куришди. Хатто Собит тирсакларига таяниб, лом-мим демай аелни тинглаб утирарди.
Насим телефон килиб, собик хотинини кандай утирганини суради.
- Кайфи чог, маза килиб утирибди,- дедим


Давоми бор
https://tttttt.me/drabllar

#ЯКШАНБАГАУТАРКЕЧА


25 кисм


Насим каттик йуталиб, нимадир деб гулдиради. Собик булса-да, барибир хотини эди, юрагининг бир чети жизганак булиб куйди. Бирок хотиржам сузлади:
- Шунака денг....хм-м, яхши-и... Буйнида занжир йук булса керак?
-Йук.
- Овозларини езиб оляпсизми?
- Урниларидан турган захоти диктофонни стол тагига урнатаман.
- Качон туришади? Эхтимол, овкатланиб булиб, жунаб колишар?
- Уйин-пуйинга чикишса керак, бу ерда факат овкатланишмайди-ку.
- Ердамими керак экан-да. - Насим бир нафас жим тургач, йуталиб олди.- Хозир Зумрадга бировнинг телефонидан кунгирок килиб, эшикка чикишга мажбурлайман. Тайермисиз?
Насим айтганини килди. Телефонга кулок тутаркан, Зумрад урнидан безовта турди, кейин эшикка юрди. Табиийки, Собит хам эргашди. Менга ун сония вакт керак эди.
Улар кайтиб келишгач, бир соат овкатланишди. Бахтга карши иккисининг-да камгаплиги тутиб колганди. Вальс чалина бошлади, жуфтлик уртага чикди, вужудлар бир-бирига сингиб кетди. Шунда беихтиер улардан куз узолмадим. Тан олишим даркор, иккисининг мослигини куриб, ичимда нимадир чирт узилди. Хотинимни ресторанларга олиб бормаганман, романтик тарзда биргаликда кечки овкатни ****, вальсга таклиф этмаганман, боз устига тез-тез ажрашиш хакида уйлайман. Бегона аел билан мен хам шуларнинг ишини килармиканман? Ха, минг афсуски, ха. Турмуш курган эркак ва аелнинг топишиши гузал куринмокдами, тамом, ичимга узга аел ишки тушган. Узга аелни курмай, эшитмай, билмай туриб, унинг ишки тушган! Чунки мен оилавий сирлар хакида китобларда бонг урилганидек, хотинимдан халоват тополмаган бечоралардан бири эдим.
Хартугул узимни шунака хисоблаб, жигилдонимга аччик арокни куйиб юбордим. Ресторандан чикиб, уларга соядек эргашмокчи булдим. Бирок фаввора енида тухтадим, ошик маъшукларнинг ортидан кузатиш бефойда эди. Яхшиси, стол тагидан диктофонни олай-да, эшитиб курай.
Улар Муроджонни мактабга куйиш, уйни таъмирлатиш, машина олиш хакида купрок гаплашишган экан. Бир жойда никохга хам тухталибдилар. Биринчи кечамиз еш келин-куевларникидан ун чандон ажойиб булади, дебди Собит. (Лаънати, ишкий кечаларга кунгли суст кетган экан-да!) Вух, ана, Насим хакида хам гапирибдилар. Зумрад шундай дебди ”Насим мени тинч куядиганга ухшамаяпти. Тиллафурушни топсак, хаммаси тугарди...зур иш буларди-да...”


Давоми бор...


https://tttttt.me/drabllar

#ЯКШАНБАГАУТАРКЕЧА

26 кисм

Бошимда саволлар чарх урди:
- Канака тиллафуруш?
- Нима тугайдию нега зур булади?
Ресторандан чикаетиб, яна изимга кайтдим. Менга официант керак эди.
- Ха, уларми?- суратга бармогини бигиз килди официант- Вахобиддин акам яхши танийди.
- Лекин уларга сен хизмат килдинг-ку! Ростини айтишинг учун яна пул берайми? Канча сурайсан?
- Мен бир ойдан бери ишлайман холос. Акам уларга яхши кара, деган. Шундан билингки.....
- Гапни олиб кочаяпсанми, дебман, узр. - Официантнинг елкасига кокиб, Вахобиддинга рупара булдим. Етиги билан тушинтиргандим, у баттар ковок солишига карамай тилидаги тугунни ечиб юборди:
- Баъзан бировнинг эри, баъзан хотини шунака илтимос билан келишади. ”Ким билан утирибди, караб беринг”, ”кеча уларнинг даврасида аеллар бормиди?...” ва хоказо. Бу ерда бир ярим йилдан бери ишлайман, ака. Расмдагиларни эса биринчи марта утган йилги 8 март байрамида кургандим. Очилиб-сочилиб утиргандилар. Лекин бу одамни устига ”Кола” тукиб юбориб, мени балога куйганди. 8 мартда аел кишидан балога колганингдан кейин унутмас экансан...
- Всё! Отлично! - деб чунтагига минг сум тиқдим. Зумрад ва Собит ун бешинчи май якшанбага ўтар кечасида содир бўлган боскинчиликдан етмиш кунча бурун хам таниш эканлигини осонгина аниклаган булсам-да, бу буюк галабам эди.
Оёғим уйга тортмади. Биламан, хотиним хозир кайфимни бир пул килиб, бошимга уради. Гуё хаммасига мен айбдор? Унга мухаббатим йук экан, ўзимни мажбурлаб сева олмайман-ку! Шу йул билан мухаббат оловланса экан... Бундай яшаш - телбалик! Насим воқеаси сабок булолмаслиги тайин.
Тунги дукондан бир кути сигарет олиб, бекатда чайкалиб турарканман, нимадир камлик килганини хис эта бошладим. Бу - арок эди.
- Энди Насим билан ичаман,- дедим ўзимга-ўзим, - Ичишнинг сабаби бор. Овим бароридан келди!

Давоми бор...

https://tttttt.me/drabllar

#ЯКШАНБАГАУТАРКЕЧА


27 кисм

Таксига утирдим. Насим айтган жойга етгач, машинадан тушиб, чунтагимни кавлаштираётгандим, Насим келиб колди. Хайдовчига пул узатиб, деди:
- Бу одамни уйига элтиб куйинг.
- Э-э, мен хали уйга кетмокчимасман, - дедим.
- Диктофонни берингу, кетаверинг, дустим...Соат неча булганини биласизми?
- Тошкентда тонг отгунча... Юзта-юзта....
- Уйингизга боринг, хотининггиз кутиб колгандир,- деди у яна жиддий охангда. Сунгра диктофонни чунтагига солиб, устидан силаб куйди. - Бунинг учун рахмат.
Официантнинг гапини етказишим керак эди.
- Эй!- дедим Насимга угирилиб.
- Баходир, эртага, дедим-ку. Хозир уйга кетаколинг.
- Улар утган йили 8 мартда ”Бургомистр”да бирга ўтирганлигини аниқладим!
- Ўтган йили 8 март? Ростданми? - Насим менга синчковлик билан тикилди.
- Ростдан. Босқинчилик ўн бешинчи майдан ўн олтинчига ўтар кечаси бўлган, улар эса март ойидаек таниш эди. Калай, зўр хабарми?
Насим чукур уҳ тортиб, атрофга аланглади. Юзи кайғудан қанчалар буришиб кетганини куриб турардим. Кейин у мени кучоклаб, миннатдорчилик билдирди.
-Бошида уйлагандимки, - дедим шу он Шокирнинг гумонини эслаб,- бу ишда сизнинг хам кулингиз бор...
Қучоклаб турган Насим тошдек котди, хатто бир-икки юлкиниб хам курдим, қопқондек қисиб турарди у.

Давоми бор...

https://tttttt.me/drabllar

#ЯКШАНБАГАУТАРКЕЧА


28 кисм



- Менинг?.. Менинг кандай кулим булиши мумкин?- деди бирдан нари итариб. - Роса учиб колибсиз, Баходир, камрок ичиш керак.
- Эр-хотин тил бириктириб, ”боскинчилик операцияси”ни уюштириб, мени итдек сарсон килиб юрган, дедим...
- Вой ахмок! - Насим хитоб килди.- Шу хам гапми?!
Детевтивлик киламан деб тентак-пентак буп колмадингизми? Эртагаёк духтирга боринг, психиаторга!
- Тилла такинчоклар куп булган дейишди...
- Ким шундай деди?
- Тахмин килганимни айтяпман. Тиллаларга яна бир шерик булган, ушандан яшириш учун эр-хотин...
Насим юз-кузимга газаб билан бокиб, деди:
- Менга каранг, Баходир, сизни хотинимнинг изидан куйиб, хато килмадим, деб уйлагандим, бу гаплар нимаси? Агар шундай булганида, Зумрад билан ажрашармидим? У анави гурсухта махбус билан танишиб, эрга тегармиди? Калла-палла борми сизда?! Хафсаламни емон пир килдингиз лекин!
Ха, бу менинг очикдан-очик мантиксиз хатом эди. Бирок маст булсам-да, бир нарса эътиборимдан четда колмади: янгича тахминдан Насимнинг утакаси ерилиб кетди. Нега бунчалик куркди у?
- Суратлар калай?- сурадим нима дейишни билмай.
- Чидаса бўлади,- деб Насим мени такси сари бошлади.- Худди уша тилла занжир! Бир танишим Дубайдан келтириб берганди.... Эртага батафсил гаплашсак.
- Диктофонни эшитиб, эртага мени тинч қўймайсиз,- дедим мен.
Кўзимни очганимда, тонг отган эди. Бугун душанба. Бирок энди эркин одамман, душанбалар ортик асабимни эговламай куйганди.
- Бошингиз огримаяптими?- кутилмаганда хотиним кахва келтирди.- Ичинг, дадаси.
Таниелмадим. Нахотки, мулойим тортиб колган шу аел хотиним булса? Хатто кузимга чиройли куриниб, култ этиб ютиндим. Хакикатан, сочини турмаклаб олганини-чи! Калин кора сочларини турмаклаб юрган хотинларни курсам, унча-мунчага куз узолмай колардим, энди уз хотиним кузимни кувнатаетган эди.
Кахвани тутказиб, индамай чикиб кетди. ”Етган жойида кахва ичаркан, киноларга таклид”, деманг. Урнимдан туриб, юз-кулимни ювиб, нонушта сураганимдан кейингина бирор нима келтириб берарди, энди эса...туришга хам улгурмадим.

Давоми бор


https://tttttt.me/drabllar

#ЯКШАНБАГАУТАРКЕЧА



29 кисм


Астагфурилло!...
- Кайфиятлар яхшими?- куз сузиб, суйкалди у тошойна олдида.
Соч тараетган эдим, кунглим эриб кетди. Бирок дарров таслим булишни истамадим.
- Сен сурагандан бери яхши,- деб кучага отландим. Кани, бир неча кун кутай-чи, у бурунгидек жохил киефага кирмаса, мен хам ширин турмуш хакида жиддийрок уйлаб кураман.
Бугун тиллафуруш кимлигини аниклашдек мушкул иш топширилиши аник эди. Пулимнинг хам чуги камайди, Насимдан яна анча-мунча ундиришим керак.
Кутилмаганда Насим бир тийин бермади.
- Диктофондаги езув хеч нарсага арзимайди,- деди у. Зумрад ва Собитнинг биринчи никох кеча хакидаги гаплари, Муроджоннинг келажагини узаро бамаслахат режалаштиришгани нафсониятига каттик теккан куринади.
- Канака тиллафуруш хакида гап кетяпти узи?- сурадим хайронлик-ла елка кисиб.- Нега тиллафурушни топса, сиз Зумрадни тинч куйишингиз мумкин?
- Мендан бирор шубхангиз борми?- аламдан кукарди Насим.- Кечадан бери томингиз кетяпти сизнинг!
- Зумраднинг фикрини айтяпман.
- Бас! Ишни йигиштиринг, сиз билан хайрлашаман! Илтимосимни ерда колдирмай, хаммасини уддаладингиз. Катта рахмат!.. Бундан кейин бир умр виждоним кийналмай яшайди. Зумрадга ишонгандим, вафодор хотин деб уйлардим. Устига хотин олиб туппа-тугри килган эканман. Хезалак булиб юришдан Худонинг узи асрабди... Лекин, Баходир, яна бир марта айтаман, сир сирлигича колсин. Булмаса, каттик хафа буламан.
- Сизни тилла занжир кизиктирмаетганига ишонмайрок турибман.
- Нега кизиктирмас экан? Бу еги шахсий ишим. Зумрад билан очикчасига гаплашиш фурсати келди. Сиз уйиндан чикарилдингиз, холос.
У кул узатди, мен хам. Бирок хайрлашмадим. Афтидан Насим учун балик эдим, лекин бу балик унинг узини кармок-пармоги билан сувга тортиб кетишини уйламаган эди.

Давоми бор


https://tttttt.me/drabllar

#ЯКШАНБАГАУТАРКЕЧА




30 кисм

Эртасига фотоаппарат ва дурбинни сумкага жойлаб, автобусга чикдим. Уларни калондимог эгасига топширмок лозим эди. Шу тобда Насимнинг туркини-да куришни истамаетганимни англаб, мийигимда кулиб куйдим. ”Сиз уйиндан чикарилдингиз, халос...” Ювошман-да! ”Аксинча, сиз уйиндан чикарилдингиз”, десам буларди-ку. Парокандаликка юз тутган оила ва кмматбахо такинчоклар можароси хакида энди анча-мунча нарса билардим. Насимсиз хам Зумраднинг изидан колмасам, сирли жумбокнинг тагига етишим, жиноятчиларни фош этишим еки салмокли бойликка эга булишим мумкин.
Автобус светофордан чапга, 6-кварталга бурилганида, буни такдирга йўйдим. Дарвоке, кайси кварталлардан утишини уйламай салонга чиккандим. Бир неча кун жосусдек изгиганим уша таниш маконга ойнадан тикилиб борарканман, иттифоко, бекат якинида турган Зумрадга кузим тушди. Беихтиер кулим фотоаппаратга югурди, аммо суратга хожат йук эди. ”У билан юзма-юз гаплашаман”. - дедим. Орқа эшикда чикиб, сумкани елкага такканча Зумрад томон одимладим. Насимнинг топшириги хусусида хеч нима демайман, лекин ”сизни танидим, дустимнинг хотинисиз” деб, журттага Насимни сурайман. Кани, бу сирли аелнинг кузлари нималарни суйлар экан?
Етишимга бор йуги ун кадам колди, гапимни миямда пишитдим ва чукур нафас олдим, аммо шу пайт ок ”Нексия” ен чирогини учириб- екканча йул четига, баайни унинг енига тухтади.
- Утиринг,- рулдаги семиз киши.
- Йук, ташкарида гаплашамиз, тушинг, - деди Зумрад.
- Унака нарсалар очик хавода гаплашилмайди,- деб халиги киши машинасидан тушиб, айланиб утди. Мен кадамимни секинлатиб, кулогимни динг килдим. О, гапира колсаларинг-чи!
- Машинада хам, уйда хам гаплашмайман,- деди Зумрад,- сизга курсатадиган нарсам кулимда. Кеча Собит акамга каттик илтимос килдим, топиб беринг уша тиллафурушни деб! Мана, куринг... Нима дейсиз, виждонингизга хавола.
Ортимга угирилиб, Зумрад аждарнусха тилла занжирни узатаетганини курдим. Кимнингдир йулига нигорон булган кишидек йулак этагига алангладим. Табиийки, иккаласига угиринча караб куярканман, бирор сузини колдирмасдан тинглашга уриндим.
- Биринчидан, тиллафуруш эмасман,- деди семиз киши норози булиб,- иккинчидан, бу матохингизни хозир куриб турибман.
- Виждонингизга хавола, ака.
- Виждон бор, афсуски, сехргатлик йук. Бу занжир уйингизда пайдо булиб колган экан, менга нима дахли бор, хайронман!
- Телефонда айтилган гап: сиз эрим билан олди-берди киласиз. Шу занжирни эримнинг кулида курган булишингиз керак. Куркитмокчи эмасману, тез орада бу ишнинг охирига етсам, сиз хам судга тушасиз!
- Унда сог булинг!- эркак кул силтаб машинасига утирди-да, газни босди.
Машинанинг давлат ракамларини хотирамга мухрлаб, яна Зумрадга диккат каратдим. У алам ва изтироб ила атрофга куз югуртириб, занжирни эзгилаб ташлагудек сикимлади. ”Йук, майнавозчилик килмайман,- дедим ичимда.- Насимни журттага сураш- ахмокчилик, бу хотин шу захотиек хаммасини сезиб колади. Яна бир оз чидаб, изларидан колмаслигим керак шекилли. Боскинчилик- найранг, аммо бу найрангни Насим хам, Зумрад хам уйлаб топмаганга ухшайди. Демак, узим билмаган холда учинчи одамнинг изидан кетяпман. Балки учинчи одам Собит булса-чи?... Ким булганда хам барибир у учинчи одам, хамма сирнинг калити!”
Насим уйда йук экан. Эшикка Гулфира чикиб, сумкани олар экан, суради:
- Мабодо Насим акамнинг уртоклари... Баходир акамиди...уша булмайсизми?
- Ха, Баходирман.
- Насим акам бир неча марта телефонда бакириб-чакириб гаплашаетганларида эшитиб колдим. Зумрад опа тухмат уюштираяпти, шекилли?
- Қайси Зумрад опа? - сўрадим сир бой бермай.
- Баходир ака, у киши кундошим, - жилмайди Гулфира. - Дўстингизни иккита хотини борлигини, каттасининг исми Зумрад, кичигиники Гулфира эканини билмаслигингиз мумкин эмас, ахир!
- Шунака денг... Майли... Лекин тухмат хакида эшитмаган эканман. Умуман...буни нега мендан сураяпсиз? Насимнинг узидан сурай колсангиз-чи?!

Давоми бор...


https://tttttt.me/drabllar

#ЯКШАНБАГАУТАРКЕЧА


31 кисм

Насим акамга айтиб куйманг, кандай вокеалар булаетганини билишимдан у га тортди, хар куни хабарлашиб туради, шундайми? Лекин нега айнан сизни тортди, тушунмадим, милицияда ишлайсизми е адвокатмисиз?
- Милвокатман,- дедим энсам котиб.- Шунака касб пайдо булган, купрок бировларни хотинини пойлаб юради.
Гулфира кулиб юборди. Жуда чиройли куларкан, садафдек тишлари-ю, тим кора, шух кузлари, кулгичлари...”Бундай киз билан битта жойда ишлаганимда мен хам бефарк булмасдим”, деган уй кечди кунглимдан. Кулларини кукси остига чалиштириб, нигохини укдек кадаганида, узимни кандай тутишни билмай, бош кашидим.
- Насим акам менга уйланишига Зумрад опа рози булган, аммо туйдан кейин барибир чидолмади, турли уйинлар чикара бошлади. Хозир Насим акам конуний ажрашишга улгургани йук. Менимча, Зумрад опа кандайдир тухмат килиб, е мол-мулкни бутунлай кулга киритмокчи, еки каматмокчи. Нима булганда хам кундошимнинг нияти яхшимас. Оркасидан пойлаб, нима ишлар килиб юрганини курган булсангиз керак. Ишкилиб тинчликми, нарсаларни кайтариб беряпсиз?
- Тинчлик. У турмушга чикяпти, кутиляпсиз кундошдан. Сизнинг-ча, кандай тухмат булиши мумкин?
- Боскинчилик хакида албатта билсангиз керак?
- Биламан,- дедим.
Рости, якшанбага утар кечаси руй берган жиноят кулгили театр томошаси булиб туюла бошлаганди. Хар ким бу томошани шивирлаб гапирар, бировнинг зарарига хизмат килдирмокчи булар, аммо бундан гуе бутун дуне хабардор эди ва хамма узича сир тутарди.
- Уша вокеани Насим акамнинг буйнига илиб, уч олмокчи.
- Гап бу екда денг!- Куп нарсани тушунгандек булдим. - Уч олиш, деганингиз кайси маънода?
- Уз маъносида. Яна кандай маъно булиши мумкин?
- Насим сизга уйланганида, Зумрад такдирга тан бериб, тинчгина яшаган экан. Энди тусатдан узидан ташаббус чикиб, ажрашибди ва бунинг устига касос хам олмокчи. Насим унга охирги вактларда нима килди? Айби иккинчи марта уйлангани булса, бошидаек уриш чикиши керак эди-ку?
- Насим акам номард эмас, иккимизга хам тенг муносабатда эди. Биласиз, боскинчилардан бири Зумрад опани зурлаган, шундан кейин Насим акам менга уйланди. Бизнинг эркакларни тушуниш мумкин: биров тегинган аел билан индамай яшаб кетиш осонмас. Менинг англашимча, Зумрад опа уша боскинчиларни Насим акам юборган, деб даъво килмокчи. Кайси тентак шу ишни килади? Бошка хотин олмокчими, ажрашади-куяди-да! Уз уйига боскинчилик уюштиришга, хотинини бошка эркакка кушишга, талон-тарожга бало борми?... Уф, охирги пайтларда роса сик,иладиган булдим. Насим акамга секин тушунтиринг, бас килсин.... Аникроги, тугатсин тезрок шу ишларни!
- Буларнинг хаммасини Насим сиздан сир тутмайди, деб уйлардим.


Давоми бор....

https://tttttt.me/drabllar

#ЯКШАНБАГАУТАРКЕЧА

32 кисм

Насим акам хотинларга хеч качон ишонмаган,- деди жавобан Гулфира.- Хамма эркаклар ана шунака! Хаммаларингиз бир хилсиз! Биз- аеллар театрдаги кугирчокларга ухшаб, каекка ликиллатсангиз, уша екка уйнаймиз.
Йул-йулакай сунгги тахминим тугилди. Зумрад боскинчиликни Насим уюштирган, деган фикрга келмагунча хаммасига чидаган. Эри унинг юзини кора килиб, шундан сунггина хамкасб кизига уйланиш ”лицензия” сини кулга киритганини тушунгач, бор аламини сочган, ажрашган ва тезда Собитга турмушга чикиш тадоригини бошлаган.
Насим эса собик хотинининг кулида умариб кетилган тилла узукни куриб, узича тушунган, Зумрад ва боскинчининг тили бир, деган хулосага келган. Узук етмагандек, энди аждарнусха тилла занжир хам топилди. Бирок тилла занжирнинг хам лоп этиб уйда пайдо булиб колишидан Зумрад хам, Насим хам бирдек лол. Зумрад занжирни бежиз Насимнинг тиллафуруш ошнасига курсатмади. Ошнаси занжирни Насимда курганини айтса, масала ечимини топарди-куярди. Насим эса Зумрад занжирни каекдан олди, деб газабда. Бу-тилла узукдан сунг иккинчи, рад этиб булмас далил эди-да!
Демакки, собик эр-хотинлар боскинчиликни бир-биридан кураетган дамда уша учинчи одам фаол ишлаяпти. Дастлаб тилла узукни кайтарди, кейин тилла занжирни. Эр-хотин баттар кирпичок булди.


Давоми бор

https://tttttt.me/drabllar

#ЯКШАНБАГАУТАРКЕЧА


33 кисм

Ва уша учинчи одам Собит! Бошка хеч ким эмас!
Боскинчилик содир этилишидан беш ой илгари, январда Собит камокдан чиккан эди. Ноконуний тилла буюмлар савдоси учун камок тузини ялаган бу одам Насимнинг тилла такинчокларидан яхшигина хабардор булган. Айнан кандай, дейсизми? Эхтимол, тиллафурушлик даврида хабар топгандир, эхтимол, эски хамтовокларидан бири гуллаганлир?... Кейин Зумраднинг изига тушган, 8 март куни ”Бургосимтр”да бирга утиришга хам муваффак булган. Бирга утириш- куп нарсадан далолат бермайди. Иш юзасидан уй бекаси- Зумрад ва бегона эркак- Собитнинг ресторанда учрашув белгилашганига ишонмайман, ушанда боскинчиликка хали муддат бор, Зумрад Насим билан бахтли яшарди. Бирок бир стол атрофидан жой олишнинг важлари йук эмас. Масалан, Зумрад 8 март куни чакчаклашиш учун дугонасини кутаетган булиши мумкин. Пойлаб юрган Собит эса кандайдир хушомад гаплар билан (”Дугонангизни танишиман, узр, ундан сал аввалрок келдим” кабилида) чалғитгандир? Кахвани хам бекорга тукиб юборадими? Боскинчиликдан сунг Насим иккинчи хотинга уйлангач, Собит буткул галаба козонганидан боши кукка етган. Насим иккинчи хотининикида тунаб юрганида, у Зумраднинг юрагига хасад, исен, узга эркак ишк утинларини калаб, гулахлик килган. Ахийри, йулдан оздирган! ”Эринг еш ва сохибжамол хамкасбига уйланиши учун сени хиенат устида ушлаб, тилингни кисик килиши керак эди. Мана, якшанбага утар кечаси ”боскинчилик” найранггини амалга оширди, хиенаткор этмаса-да, сал бошкача йул тутди, барибир сени айбдорга айлантирди. Колаверса, пуллару тилла такинчокларни иккинчи хотинига сарфлаб юборди. Бундан ортик айерлик ва кабихлик борми?...” деган. Бунинг учун бир йилча вакт керак булган. Зумрад енгилтак аел эмас, унинг садокад сархадларини ериб утиш учун Собитга куп вакт ва кучли бахоналар зарур эди.
Нихоят калби аламу зардага тулган Зумрад Насимнинг юзига барча хакикатларни тукиб солгач, дустим оеги олти, кули етти булиб, хузуримга чопган. Нима килсам хам боскинчиликни Зумрад ва Собитнинг буйнига куйишим кераклигини менга топширган. Йукса, тухматга колиши мукаррар эди. Бирок...
Диктофондаги ёзувни эшитиб, кузатувни тўхтатишимни бежиз буюрмади. Зеро далиллар барибир Насимнинг бухтонга учрашига хизмат кила бошлаганди: учинчи одам бу сафар хам устун чикди. Боскинчилар олиб кетган тилла узук ва занжир жар екасидаги Насимга сунгги пуфлаш эди.
- Лаънати,- деб сукиндим.- Шу Собитнинг кавушчасини бир тугрилаб куйсаммикан?
Ўйинга хотинимни аралаштиришга қарор килдим. Муносабатлари изга тушаетганда, нега хотинини можароли ишга кушаяпти, окибатидан нега чучимайди, деманг. Хотинимнинг роли жуда кичик. Шу бахонада тишини хам даволатаман. Тиш ошкозондан хам кура калбга купрок хизмат килади.

Давоми бор....

https://tttttt.me/drabllar

#ЯКШАНБАГАУТАРКЕЧА


34 кисм

Хотиним кечагидек хаддан ташқари меҳрибон бўлмаса-да, хар холда ширин сузлар ёмғири ила ивитишда давом этарди. Бошдан-охир ширин суз сохталикдан бошка нарса эмас, сохталик кимга хам екарди?!
- Менга қара,- дедим унга, - севмайсан, деб кўп нолийсан, лекин севмасам, бир кун хам бирга яшамасдим. Шунинг учун...
- Вой, дадажониси, нахотки мени севсангиз?! Умуман сезилмайди-я?!
- Севги хар хил бўлади. Мажнунчасига, Фарходчасига, Отабекчасига, Баходирчасига...
- Баходирча севги канака экан?
- Ховликмасдан, упкани босиб олиб, тежаб-тежаб севиш! Ахир мухаббатни бир умрга етказишим керак. Хадеб мушукка ухшаб ялайверсам, товонингни упаверсам, тугаб колиши мумкин. Хуш стомаологияга борасанми?
- Тавба, стоматологиянинг нима алокаси бор?
- Стоматология - оғиздан буртиб чиккан суяклар билан шуғулланадигон соҳа. Худди уша суяклар канчалик мустахкам, оқ ва бутун булса, кампирлик шунчалик узоқлашади. Борасанми, йўқми?
- Майли, борганим бўлсин.
- Факат мен айтган жойга.
Уни поликлиника кучасидаги стоматология шифохонасига, Собитнинг хонасига олиб кирдим. Собит негадир менга ажабланиб кўз ташлади. ”Бургомистр”да ўтирганимда қиёфамни эслаб колдимикан? Йўк, у канчалик туллак бўлмасин, ўқитилган жосусдек тажрибали эмас эди.


Давоми бор...


https://tttttt.me/drabllar

#ЯКШАНБАГАУТАРКЕЧА


35 кисм

Шубха уйғотмаслик учун кўп гаплашмадим. Кўчага чикдим-да, вокзал томон йўл олдим. Бироқ энди кўчада чипта сотиш ёқмаетган эди. Халол мехнат билан шуғулланишни, хотиним билан тинч-тотув, бахтиёр хаёт кечиришни истаётгандим. Насимнинг турмуши хам турмушми? Зумрад кўз очиб кўргани эди. Шукр килиб яшаса, шунча ғавго, шуришлар хам бўлмасди.
Кўприк устида тухтаб, вокзалга, келаётган-кетаётган одамларга тикилдим. Дунё ўткинчилиги кўз олдимда шунчалик аниқ-тиниқ гавдаландики, беш кунлик умримда уз бошига узим савдолар солмокчи бўлаётганимни англадим. Хотинимдан халоват топмас эмишман! Халоват ”ма” деб бериладими, лотореяга чикадими ё осмондан ёғиладими? Ахир ўз қўлимда эмасми? Насим каби мен хам хотинимдан кечишим ва эрсиз юрган бирор қизга уйланишим керакми? Шу билан халоват топаманми?
-Йўқ,- деб жавоб бердим кўзимдаги кора кузойнакни олиб, - йўқ. Насим тополмаган халоватни бу юришда мен хам тополмайман...
Уйга қайтдим. Энди факат бахтли яшаш хақидагина ўйлаётган эдим. Бахтни узокдан эмас, шу оиламдан топишим лозим. Хотиним ёқмаётган бўлса, тарбиялайман. Қадди-қоматини, либосини, пардоз-андозини хам ўзгартираман, ўзгартирмагунча қўймайман.
Кечки пайи Насим кунгирок килди.
-Ишни йиғиштирдингизми, дўст?- сўради у тунг оҳангда.
Жахлим чикиб:
- Қанака иш?- дедим.
- Вокзал олдида кўринмай қолдингиз?
- Бошка иш ахтарияпман. Ўзимга ярашадиган халол мехнат...
- Қанака иш топишингиз уз ихтиёрингиз. Лекин Зумраднинг орқасидан юришни бас килинг! Бугун Собитнинг ишхонасига хам борибсиз! Бўлди-да энди, дўст, тўхтатинг, дедим, тўхтатинг-да. Бу ёғи шахсий ишим, хеч кимни аралаштирмайман, муаммомни ўзим ҳал қиламан.

Давоми бор....

https://tttttt.me/drabllar