Юпанч

Телефонига келган хабар жаранггидан опасининг ўқишга киролмаганлиги ташвиши билан ёрилай деб турган хона деворлари ҳам қулоққа айланиб унга тикилди. Шу тобда опасининг кўзлари йиғидан қизариб кетган, отасининг сочларида оқ кўпайган-у, онасининг юзида яна бир ажин изи тушгандек туйилди. Қиз хушхабардан ота-онасини аросат ўтида куйдиргиси келмайми, ё опасини аябми, ранггин қиёфада "Киролмабман" - деди-ю, телефонига келган хабарни ўчириб ташлади.

Аржумандбегим

Драбллар | обуначилардан

Орзу

Азон овозини эшитиши ҳамоно савдосини тўхтатиб, масжидга ошиқадиган ҳов анави қорамағиз келишган йигит меники бўлсайди, дея ҳар куни юраги орзиқади оқ баданлар ўлкасида тўнғиз гўшти сотувчи малласоч қизнинг.

Аъзам Обид

Драбллар | обуначилардан

БАХТСИЗЛИК

– Бугун шифокорга боргандим. Биласизми у менга нима деди? Кўзим хиралашган ва энди бир умр кўзойнак тақиб юришим керак эмиш. Бир умр-а? Тасаввур қиляпсизми? Ундан кўра кўр бўлиб қолганим яхшимасми? Уларга гапи-риш осон... Эҳҳ, шунақаям бахтсизлик бўла-дими?
– Ҳа, сизга қийин. Илтимос, яшил ёнганида огоҳлантириб қўйинг!..

Муҳаммадхон Юсупов

Драбллар | қисқа ҳикоялар

"Inja san'at" adabiy-badiiy xalqaro elektron jurnali tomonidan tashkil etilgan "Eng yaxshi ijod namunasi" tanlovida gʻoliblik nasib etgan edi. Bugun ushbu elektron jurnalda qisqa hikoyalarim joylanibdi.
Tashkilotchilarga oʻz minnatdorchiligimni izhor etaman.

Kiring, koʻring va oʻz fikrlaringizni bildiring.
Injasanat.uz

@Arjumandbegim

Ахлоқ

Шомнинг гўзал ва эски одатларидан бир шу эдики, савдогарлар бомдодни ўқиб қуёш чиққанидан сўнг дўконларига боришар эди. Дўконни очиб эшик олдида бир стулча қўйиб қўйишар эди. Айниқса эски бозорларда кўп учрайди бу ҳолат.

Биринчи мижоз келиб савдо қилиши билан дўкондор ташқарида турган стулчани ичкарига олиб кириб қўяр эди. Бошқа мижоз келиб бирор-бир нарса сўраса у нарса дўконида бўлсада мижозни ташқарига олиб чиқиб эшигида стулча турган бирор бошқа дўконни кўрсатиб: "Анави стул турган дўконни кўраяпсизми? Ана шунда иншааллоҳ сиз қидирган нарса бор. Мен байъ очдим. Қўшним ҳали савдо қилгани йўқ", дер эди.

Абдулқодир Полвонов

Драбллар | қисқа ҳикоялар

Келин-куёв турмуш қурганларининг биринчи кунида эшикни ҳеч кимга очмасликка қарор қилишди.
Биринчи бўлиб куёвнинг ота-онаси ёш оилани кўришга келди. Келин-куёв бир-бирига қаради, куёв эшикни очишни истади, лекин қарорлари туфайли шаштидан қайтди. Шундай қилиб, ота-она кўп кутмай қайтиб кетишди.
Ўша куни бироз вақтдан кейин келиннинг оиласи келди. Келин-куёв бир-бирига термулди. Келин кўзида ёш билан “бундай қилолмайман“, деб эшикни очди. Куёв ҳеч нима демади...
Йиллар ўтиб эр-хотин бирин-кетин тўрт ўғил кўришди. Кейин тўрт ўғил ортидан қиз фарзанд дунёга келди. Ота янги туғилган чақалоқ учун катта тантана ўтказишни истади ва ҳамма танишларини таклиф қилди. Хотини эридан нима учун 4 ўғлига бундай тантана ўтказмай, бу сафар бундай қилганини сўради. Эр ўйчан нигоҳ билан шундай жавоб берди:
— Чунки қизим менга эшик очади!

Туркчадан Марям Осиё таржимаси

Драбллар | қисқа ҳикоялар

МЕҲМОН

У остонага майдалаб сув сепаётган қизга кўзи тушдию, маҳлиё бўлди−қолди. Назарида, вақт тўхтаб қолгандек, оёғи остидаги ерни сезмаётгандек эди. Бир кўришда муҳаббат деганлари чин экан! Учратди ниҳоят! Энди қўйиб юбормайди, йўқ, албатта унга эришади.
Яхшиям, минг йиллик қадрдон дўстини излаб шу қишлоққа келгани. Йўқса бу фариштани сира учратмаган бўларди. Ҳа, ҳозироқ танишади, гаплашади, бунинг учун баҳона ҳам тайёр.
−Кечирасиз, синглим, шу атрофда Шербек исмли, азим пойтахтда ўқиб қайтган йигит яшайдими, шиғир ёзарди, ғирт телба эди ўзиям...
−Хуш келибсиз, −фаришта ним жилмайиб ичкарига овоз берди. –Дадаси, сизни сўраб келишибди...

Нодирабегим Иброҳимова

Драбллар | қисқа ҳикоялар

"ФОЙДА"

Бу йил ҳам Раҳимберди ер олиб, екин экиб, ўйноқи баҳорнинг жамики машаққатига кўниб, ўзини аямай, жон-жаҳди билан яхши фойда олиш учун меҳнат қилди.
Мана орқачасига ётиб қилган фойдасини хомчўт қилиб кўрмоқда. Соз экан. Экинини пуллаб берган тоғасига янги машина, опасининг ўғлини бир йиллик контракти учун пул, қайнсинглисининг тўйига мебел.
Белидаги операция туфайли ағдариб қўйилганча, резина шатагига тикилиб шуларни ўйларди у.

Мушарраф Нурқобилова

Драбллар | обуначилардан

"Akademnashr" nashriyoti tomonidan tashkillashtirilgan "Yil taqrizi" tanlovida "Eng koʻp oʻqilgan taqriz" nominatsiyasi boʻyicha 1-oʻrinni qoʻlga kiritibman.
Tanlovda hakamlar faqat koʻrishlar soniga emas, oʻqilganiga ahamiyat berishdi. Bu adolatli qaror deb bildim.
Aslini olganda, men faqat taqriz yozdim, qolgani qanotlarning sharofati boʻldi.
Tanlov orqali koʻp saboq oldim, kimlarga boʻlgan hurmatim oshdi, kimlardan esa...Yoʻq, "Yordam bergan yaxshi, bermagan yomon-da" degani emas bu. Men hech qachon insonning ichki va tashqi imkoniyatlaridan ortigʻini kutmayman va "Shaxsiy fikr" va "Ixtiyor" tushunchalarini hurmat qilaman.
Bilasizmi, soʻnggi soniyalarda gʻolibga berilishi kerak boʻlgan 300.000 soʻm yaxshi insonlarimning harakati va xohishi uchun hech narsa emas deb oʻyladim va bu puldan kechdim. Ular men uchun harakat qilishdi!
Men esa ular uchun!
Maqsadim, ishtirok edi. Alhamdulillah, ishtirok etdim. Gʻalaba erishdim. Tanlov bahona yaxshi insonlarga bir qadam yaqinlashdim. Pul uchun qingʻir yoʻllar bilan insonning orzularini tortib olishga ham tayyor kishilarni koʻrdim. Ilmli odamlar tez "oʻsmaydi". Sababi bunday insonlar uchun vijdoni va sha'ni har qanday moddiylikdan ustun turadi.

Rahmat @akademnashr
Rahmat #hayot

Quyida esa men uchun qanot vazifasini oʻtagan yaxshi insonlar manzili, siz ham ular bilan tanishishni istasangiz marhamat!🌸

(26) ta kanal ulashdi:
25-Jan 13:24 @Rumiy_Jaloliddin
24-Jan 19:55 @Rumiy_Jaloliddin
24-Jan 19:55 @taqdir_bitiklari
24-Jan 13:25 @jahon_adabiyoti_kitoblari
24-Jan 11:41 @nigohlarda
24-Jan 11:34 @orzularimkitobi
24-Jan 11:30 AAAAAFMdDofFSyiS3VgsaA
24-Jan 11:29 AAAAAFMdDofFSyiS3VgsaA
23-Jan 18:11 @xivatumanakm
23-Jan 17:32 @sunflower1407
23-Jan 17:14 @fozilmuslim
23-Jan 16:59 @drabllar
23-Jan 16:58 @meningcha
23-Jan 08:26 AAAAAEgmYr-ic_mV0MNh-Q
23-Jan 08:21 @Abadiymuhabbat_JD
23-Jan 07:49 @badiiyiqtibos
23-Jan 06:12 @hikoyalar
22-Jan 20:13 @EPUBkitoblar
22-Jan 19:54 @jajjining_kundaligi
22-Jan 18:57 @xivatumanakm
22-Jan 18:29 @Kitoblar_Olami_va_Biz
22-Jan 18:28 @Kongillar_bekati
22-Jan 18:17 @Sarvarovna
22-Jan 18:16 @meningcha
22-Jan 18:06 @drabllar

Cheksiz hurmat va mehr bilan #Arjumandbegim
@Arjumandbegim

ҲАВАС

—Қанийди менинг ҳам сеникидай меҳрибон, ўпиб-эркалайдиган онам бўлса... Аям ўзимники бўлса ҳам фақат қарғагани-қарғаган... Зумраднинг ўгай онасига ўхшайди.
—Қарғиш нима у? - деди иккинчи болакай ҳайрон бўлиб. У онасининг ўгай эканлигини ҳеч қачон сезмаганди.

Саида Ибодинова

Драбллар | қисқа ҳикоялар

СОХТАЛИК

Ҳайвон терисидан қилинган қимматбаҳо кийимлар кийган меҳрибон одамлар тўдаси "Ҳайвонларни асрайлик" деб ёзилган баннерларни кўтарганча кўчани тўлдириб одимлаб борарди.

Эркин ШОНАЗАРОВ

Драбллар | қисқа ҳикоялар

Happiest moment

- What was your happiest moment in your life?
- It was nine months until my birth. I was living happily under my mom’s heart…

Nodirabegim Ibrokhimova

Драбллар | қисқа ҳикоялар

Ҳ  И  С  С  А

Беш оғайнига барча ҳавас қиларди.
            Ҳар бири бошқаларини қўллаб-қувватлар, жигарлари учун жон фидо қилгудек эди.
   Йиллар ўтди. Бирин-кетин уйланишди.  Энди самимий ҳазиллар ҳам юракларга ўқдек қадаларди.

  Шамшир

Қисқа ҳикоялар | обуначилардан

АБАДИЙ ГУЛ

Автобус чўл ўртасида тўхтаб, сув алмаштириб олиши керак. Бу ерда ҳеч ким яшамайди. Йўловчи машиналарнинг сув алмашишига атайин қудуқ қилинган. Қудуқдан икки метрча нарида бир туп атиргул очилиб турибди. Унинг ёнидаги тахтачада шундай ёзув бор:
«Йўловчи, қудуқдан сув олиб ичганингда шу гул тагига бир пиёла сув қуй!»
Автобус келиши билан йўловчилар ўзларини қудуққа уришади. Челакда сув тортиб биров стакан ботиради, биров пиёла ботиради. Бесабрроқлари челакни кўтариб четидан симиришади.
То машина мотори совигунча у ёқ-бу ёққа қараб чўлни томоша қилишади ва албатта гулга кўзлари тушади. Шунда тахтачадаги ёзувни ҳам ўқишади. Бирин-кетин пиёлада сув обориб гул тагига қуя бошлашади.
Қарабсизки, ҳадемай гул тагидаги чуқурча сувга тўлади.
Автобус яна йўлга чиқади. Кимсасиз чўл ўртасида шу файзсиз ерларга жилва бериб биргина гул қолади. Яна автобус кўринади, кечга бориб яна…
Чўлнинг оловдек офтоби унинг баргини қуритолмайди. Томирларига жон бериб турган тупроқнинг намини ҳавога учиролмайди.
Чунки бу ердан кунига уч марта одам ўтади, уч марта шу гулга сув беради.
Бу – абадий сўлмас гул.

Саид Аҳмад

Драбллар | қисқа ҳикоялар

Ҳар ишимизда худо ёр бўлсин.Қани олдик...

Юнусжон Ахмадов

Драбллар | обуначилардан

Шайтон хумори

Комил қаттиқ овоздан сесканиб уйғониб кетди. Кўзлари қизарган, бошига бир челак сув осилгандек гўё. Қарасаки, ёнида уч-тўртта лайча итнинг болалари бор овозда ҳуришяпти. Кет, йўқол деб бақирди, уриб ҳам кўрди, туртиб ҳам. Аммо "ярамас" итлар барибир кетай демайди. Комил бош оғриғига чидай олмай, итларни ёнида турган тўнкага болта билан чавақлаб қўя қолди холос. Ва муздек сув қумсаб булоқ ёнига келиб бира тўласи шу ерда ухлаб қолди...
Эрталаб турса қишлоқ ичидан овоз эшитиляпти. Қишлоқ оралаб тор кўчага етар экан, Фарҳод амаки Комилни кутиб олди.
-Болам, бандалик... Учала болангдан баравар айрилдик. Ўлдиришга-а-ан, набираларим, фаришталаримни тиғ билан ўлдиришган.
Комил билагидаги шпритс изидан кўкарган доғга бир қарадию, бўғзига тош тиқилгандек нафас ололмай ерга қулади.

Aзизбек Aбдалимов

Драбллар | обуначилардан

Т  А  Ҳ  Д  И  Д

Каттакон тут панасида белбоғини жойнамоз қилиб намоз ўқиётган деҳқон ўнг томонга салом берди-ю,  ҳарбий этик ва галифе  шимга нигоҳи тушиб, сакраб туриб кетди.
— Мендан эмас, Аллоҳдан кўпроқ қўрқ!
      Колхозчи раиснинг ғазабланган, аммо нурли юзига қараб анграйиб қолди.

Шамшир

Драбллар | обуначилардан

ИҚРОР

Қайнона билан келиннинг гапи гапига тўғри келмади. Бири “ади” деса, иккинчиси “бади” деди. Бўш келмади. “Каттаман”, деб қайнона кўприк бўлмади. “Ёшман”, деб келин тилини тиймади. Икки ўртада қолган йигит қайси бармоғини тишламасин оғриди. Ноилож аламини хотинидан олди. Бир мушт туширганди, кўзи кўкарди. Бундай муносабатга кўникмаган келин аразлаб кетди...
Қайнона ҳовуридан тушиб, келинини кечирган бўлди. Ўғлини уни олиб келишга жўнатганди куёвни бутун бошли оила талади:
–Ҳовлимга қайтиб оёғингни босма, – деди ота. – Сенга берадиган қизим йўқ.
– Тор қорнимга сиққан, кенг уйимгаям сиғади, – деди она.
– Синглимни урган қўлларингни синдираман, – деди ака.
– Сизга теккандан бери дарддан чиқмайди, – деди қайнопа.
Хуллас, ҳамма куёвга қарши турди. Ҳеч ким ундан: “Нега қўл кўтардинг?”, деб сўрамади. Қарс икки қўлдан чиқишини ўйламади. Куёвнинг авзойи бузилди. Бурилиб кетди.
Келин кўрдики, вазият қалтис. Эрига тош отишяпти, ҳайдагандан баттар қилишяпти. Бу гаплар унга оғир ботишини билди. Бу гапларни кўтаролмаслигини билди. Шунинг учун ортидан югурди.
– Тўхтанг, мен сиз билан кетаман!..
Келин ортига ўгирилди. Ғалати аҳволда қолган яқинларига гуноҳкорона боқди:
– Узр, айб мендан ҳам ўтганди...

ЛОЛА ЎРОҚОВА

Драбллар | қисқа ҳикоялар

ШУКР ҚИЛГAН...

Бир синфдошим бор эди. Отаси “катта жой”да ишлар, бадавлат яшашар эди. Маҳаллада биринчи бўлиб телевизор олишган эди. Синфдошим яхши ўқирди. Еттинчи синфни битирган куни мотоциклли бўлди. Мактабни олтин медал билан тугатди.

Йиллар ўтди. Бир куни кўришиб қолдик.
– Ишлар қалай? – десам, зарда билан қўл силтади:
– Расво! Домлам ўлгудек мараз! Номзодлик ишимни чўзиб ётибди.

Йиллар ўтди. Тағин кўришдик.
– Ишлар қалай?
– Расво! Ўғлим кўп ичади. Кеча яп-янги машинанинг пачағини чиқариб келди!

Йиллар ўтди. Яна кўришдик.
– Ишлар қалай?
– Расво! Қизимнинг турмуши нотинч. Қайнонаси ёмон. Судлашмоқчиман.

Йиллар ўтди. Синфдошим бетоб деб эшитдим. Шифохонага борсам, ранги бир ҳолатда ётибди.
– Соғлиқ қалай?

– Расво! Қанд касали деган палакат адойи-тамом қилди. Ўлиб-ўлмайман, тузалиб-тузалмайман!
Тавба, деб гапирай-ку, фаришталар омин деган эканми, узоққа бормади, бечора…

Яна бир синфдошим бор эди. Отаси урушдан яримжон бўлиб қайтган, тўкилиб кетай деб турган кулбада туришарди. Яхши ўқирди. Лекин медалга “илинмади”.
Йиллар ўтди. Бир куни кўришиб қолдик.
– Ишлар қалай?
– Худога шукр, яхши! Мебел фабрикасида ишлаяпман. Кундузи дурадгорлик қиламан. Кечаси уч кунда бир қоровулман. Яқинда велосипед олдим.

Йиллар ўтди. Тағин кўришдик.
– Ишлар қалай?
– Худога шукр, яхши! Ўғлим ўқишни битириб, чет элга ишга кетди.

Йиллар ўтди. Яна кўришдик.
– Ишлар қалай?
– Худога шукр, яхши! Қизим фарзанд кўрди. Неварамга бешик олишга кетяпман!

Йиллар ўтди. Синфдошим бетоб деб эшитдим. Худди ўша, бошқа синфдошим ётган шифохонада экан. Ранги бир ҳолатда.
– Соғлиқ қалай?
– Худога шукр, яхши! Буйрак жиндай шамоллабди. Берган дардига шукр!

Яқинда уни тағин кўрдим.
– Ишлар қалай?
– Худога шукр, яхши! Тўнғич неварамнинг бўйи чўзилиб қолди. Худо хоҳласа, беш-олти йилда невара куёв кўраман. Тўйга келасан-а?!

Ўткир Ҳошимов

Драбллар | қисқа ҳикоялар

МИТТИ ЮРAКЧA

Гўдакнинг кичкина юракчаси дукиллаб уриб турарди. У хавфни олдиндан ҳис этгандай буришиб, ғужанак бўлиб олди.
Ҳа, бола ҳаммасини олдиндан сезганди. Худди кексалар ўлимни ҳис этгандай... Лекин уларнинг ҳаётига ҳавас қилсанг арзийди.
Дақиқаларни қўя тур, ёруғ дунёда бир сония яшаш ҳам бахт.
Ўткир тиғ унга яқинлашди...
– Операция муваффақиятли ўтди, хоним, – деди доктор, – сиз боладан қутулдингиз.

Шониёз Мелибоев

Драбллар | қисқа ҳикоялар