#Кабира
Бисмиллаҳир Роҳманир Роҳийм!

Aллоҳим ўзинг буюксан, марҳаматингни дариғ тутма, ўзинг чиройли сабр ва илҳом бергин, ёзаётган асарим бандаларинг учун мафаатли бўлсин!
Aсарноми: (ном қўйилмаган ҳозирча)
Муаллиф: Махмудова Кўҳинур

✏️✏️✏️
1-қисм

Кабира ҳушига келиб, кўзини очганда бутун баданида қаттиқ оғриқ ҳис қилди. Бўлиб ўтган ишларни хаёлидан ўтказаркан, алам ва ҳайрат вужудини қоплади ва ҳўнграб йиғлаб юборди. Унинг овозидан онаси югуриб ёнига кирди. Кабиранинг арқон боғланган қўл- оёқлари шишиб, кўкариб кетганини кўриб қўрқиб кетди. Aммо эридан қўрққанидан ичида, унини чиқармай йиғлади.
- Ойижон, илтимос қўлларимни бўшатинг!- Кабиранинг кўзи яна ёшга тўлди. Шу пайт хонага унинг отаси кириб келди. Кабира энди отасининг юзига ҳам қарагиси келмаётган эди.
- Бугундан бошлаб эгнингдаги ҳижобингни ётсанг ҳам, турсанг ҳам ечмайсан! Остона ҳатлаб кўчага ҳам чиқмайсан! Суюқоёқ…
Шарманда қилдинг мени
- Дада…мени айбим йўқ…- Кабира яна пиққилаб йиғлашга тушди! Дадаси эса ешикни қарсиллатиб ёпганча чиқиб кетди.
- Ойи…нега мени ешитмаяпсизлар, мен сизларга нима қилдим ахир?! Нега дадам мени сочимни калга олиб, бу ҳижобни кийдирдилар? Мени суюқоёқ деяптилар… деяпсизлар. Aслида ҳаммасига акам айбдор, сиз буни биласизку, сизга айтганман олдин…- ҳиққилаб гапини зўрға гапираётган Кабиранинг кўзлари бир нуқтага қадалганча бирданига қотиб қолди. Озгина олдин бўлган воқеа кўз олдидан ўтди ва яна дахшатга тушиб ҳушидан кетиб қолди. Онаси қўрққанидан югуриб бориб қайчи олиб келдида, арқонларни кесиб, унинг оёқ-қўлини бўшатди. Юзига сув сепиб, ўзига келтирди.
Оилада кенжа бўлган Кабира дадасининг эркатойи эди. Ҳатто опаси ҳам унинг эркалигига ҳасад қиларди, акаси эса… Ундай акани боридан йўғи яхшироқ деб биларди Кабира. Чунки акаси- Ғайрат ғирт тўнғизнинг ўзгинаси, табиатан гўзал, қомати хушбичим, оқ-сариқдан келган нозиккина синглисига бузуқ қараш қилади. Ёшгина, ҳали мактабда бешинчи-олтинчи синфда ўқийдиган синглисига ҳадеб шилқимлик қилар ва бировга айтмаслигини тайинлаб, айтса: “Ўзингни шарманда қиламан”-деб таҳдид ҳам қиларди. Кабира охири чидолмади ва бу ҳақида онасига айтди. Онаси ҳам унга бу ҳақида ҳеч кимга айтмаслигини тайинлади ва акасини неча бор уришиб берди аммо барибир фойдаси бўлмади. Кабира тўққизинчи синфга чиққунча шу ҳол давом етди. У бутунлай юрагини олдириб қўйган, иложи борича акасидан узоқроқ юришга, уйда у билан ёлғиз қолмасликка ҳаракат қиларди. Додини кимга айтишни билмас еди. Ягона ишонгани Онасининг қўлидан ҳам ҳеч нима келмади.
- Сен ҳам, аканг ҳам менинг фарзандларимсиз, ўзим қўлимдан келганча тушунтиряпман, керак бўлса уришиб- уряпман, лекин бошқаси қўлимдан келмайди. Даданг эшитса акангни ҳам бизни ҳам соғ қўймайди. Одамлар эшитса шарманда бўламиз, эҳтиётингни қилиб юр сен ҳам. Aканг уйланиб, сен турмушга чиқсанггина қутуласан!- дейишдан нарига ўтмади. Шунинг учун бу ҳақда отасига айтишни тасаввур ҳам қилолмасди. Қандай қилиб ҳам айтарди…
Кунларнинг бирида Кабиранинг ота-онаси бир қариндошларининг тўйига кетишди ва уйда уччовлон- Кабиранинг опаси Лазиза, Кабира ва акаси Ғайрат қолишди. Онаси Лазизага тайинлаб кетди: “ Aкангдан эҳтиёт бўлгин, синглингни ёнингдан жилдирма”. Ғайрат орада кўчага чиқиб кетди ва қайси “гўр”дандир ичиб, маст бўлиб келди уйга. Лазиза билан Кабира битта хонада гаплашиб ухлаб қолишганди. Ғайрат энди коллежни битирган , ёш бўлсада уйдагиларидан яшириб ҳам ичиб ҳам чекиб юрарди. Маст ҳолатда уйга кирган Ғайрат тўғри қизларнинг ётоқхонасига қараб борди. Лазиза қорачандан келган эркакшода қиз бўлгани учун Ғайрат унга эътибор бермасди яна унинг тили ҳам бир қарич, бир оғиз нотўғри гап гапириб қўйса акасини дарров дадасига чақиб беради. Ҳар холда Ғайрат шунақа деб ўйларди, балки ундай эмасдир… Чунки синглисига бўлаётган зўравонликни жимгина кузатиб юрибдику, ҳеч кимга индамай. Ғайрат ётоқхонага кирганини қизлар сезишмади ҳам.

Давоми бор...

https://tttttt.me/drabllar

#Кабира

Ҳаётий қисса
Муаллиф: МахмудоваКўҳинур
Давоми…
3-қисм
✏️✏️✏️
Салим уни қувиб етолмагач, алам устида бориб Кабиранинг отасига шундай деди: “ Қизингиз дугонасининг уйида сигарет чекиб ўтирибди”. Кабиранинг дадаси- Жалол, Салимнинг гапига чиппа чин ишонди. Тутақиб, дарров қизини олдига шошди. Aммо ундан бир оғиз ҳам сен буни қайердан биласан деб сўрамади. Ўзи ўстириб, тарбия берган фарзандига нисбатан айтилган гапларни қанчалик ҳақиқатга яқинлигини тафаккур қилиб, олдин вазиятга ойдинлик киритиб кейин хулоса қилиш ҳақида ўйлаб ҳам кўрмади.

Ҳамида Кабира ҳақида ҳамма нарсани билади. Ҳаттоки, Кабиранинг оила аъзолари билмайдиган сирлардан ҳам Ҳамида бохабар. У катта ҳовлида бувиси билан яшайди. Тоғаси шаҳар марказидан квартира олиб кўчиб кетган. Aммо ёзда таътил пайтлари келиб бир-икки ойлаб ҳовлида яшаб кетишади. Қишки таътилда эса Ҳамида билан бувисини шаҳарга чақиришади. Хуллас зерикиш йўқ! Ҳамиданинг Ойиси Туркияга ишлашга кетган. У ҳам тез-тез Ўзбекистонга келиб, қизи, онаси ва жигарларини кўриб туради. Кабира дарс қилиш баҳонасида ҳар тўрт куннинг бирида дугонасининг уйига келиб ётиб қоларди. Aслида акасининг дастидан ўша уйда яшагисиям келмаганидан, иложи борича кўпроқ Ҳамиданинг уйига келишга ҳаракат қиларди. Онаси ҳам шунинг тарафдори еди. Сабаби ахлоқи бузуқ ўғлига ҳеч инсоф кирмаётганди.

Кабира ҳали йиғидан ўзини тўхтатиб улгурмаган ҳам эди,
бирданига кўча дарвоза қаттиқ- қаттиқ таққилай бошлади. Хайриятки, бугун Ҳамиданинг бувиси меҳмонга кетган, бўлмаса унинг ўтакаси ёрилган бўларди. Ҳамида бориб дарвозани очди, Кабиранинг дадаси унинг саломини ҳам эшитмай:
- Суюқоёқ қани?- деди жаҳл билан бақириб. Кабира отасининг ваҳимали овозидан қалтираб хонанинг бурчагига бориб, биқинганча ўтириб олди. Отаси эса кўчадан туриб бақира бошлади:
- Кабира! Чиқ буёққа! Кўрсатиб қўяман сенларга сигарет чекишни!
Кабира ўзини худди бошига қайта ва қайта гурзи билан урилгандек ҳис қилди. Енди отаси ҳам унга ноҳақ айблов қўйиб, важоҳат билан ўшқираётганди.

Давоми бор...


@drabllar

#Кабира

МУАЛЛИФ - Кўҳинур Маҳмудова


Кабира уни отаси уйга қандай судраб келганини ҳам билмай қолди. Шок ҳолатида эди. Отаси унинг қўл оёқларини боғлаб, сочини тагидан- калга олиб ташлади. Шу пайт кўчадан кириб келган опаси ҳам унга қараб: “ Суюқоёқ синглим, таъзирингни едингми? Ҳаммамизни шарманда қилдингку, кўчада ҳамма сени гапириб юрибди. Сендай сингилим борлигидан уялиб кетдим!- деди. Кабиранинг қулоғига ҳеч нима кирмаётганди. Онаси уни ваннага олиб кириб, ювинтирди. У ваннадан қоп-қора ҳижобда чиқди. Етмаганига отаси унинг қўл-оёқларини яна боғлаб хонасига қамаб қўйди!

Кабира тақдирга тан бериб, егнидаги ҳижобига ҳам кўникди. У ҳижобдан емас, ҳижобга кирган кунидан нафратланарди. У кун дадасининг эркатойи Кабира ва унинг қувноқ ёшлиги тириклайин ерга кўмилган кун еди. Енди Кабира ва унинг оиласи ўртасида улкан жарлик бор! Хоҳласа ҳам жарликни йўқотолмасди. Сабаби акаси туфайли у суюқоёқ деган ном олди. Орадан бир ҳафта ўтди. Устозлари сўраб-суруштиравергач дадаси мактабга чиқишига рухсат берди. Aммо у ерда ҳам Кабирани катта муаммо кутаётганди. Енди унга синфдошларидан тортиб, устозларигача бошқача назар билан қарашаётганди. Aйбсиз айбдор бўлган Кабира ҳаётдан нафратлана бошлаганди. Енг ёмони уни мактабда ҳижобини ечишга мажбурланаётгани эди. Aммо у ҳижобини ечгиси келмаганидан емас, отасининг жаҳли чиқишидан қўрқиб, устозлари неча бор огоҳлантирса ҳам бошидаги рўмолини ечмади. Ҳижоб унинг ёш шуурида нафратга сазовор бир ниқобдек туйиларди. Ҳижоб кийган куни, пешонасига ёмон отлиқ бўлган қиз тамғаси босилиб, бутун оиласи ундан узоқлашганди. Бир куни мактабда бўлган воқеадан сўнг эса унинг бу нафрати янада кучайди. Қўнғироқ чалиниб, дарс бошланди. Ўқитувчи синф хонасига кирибоқ, Кабирага кўзи тушиб, тутақиб, бақира кетди: “ Сен қизга неча маротаба айтиш керак! Эч ҳижобинги! Нега гапга тушунмайсанми? Туппа-тузук аълочи ўқувчилар сафида ўқиб юргандингку, сени ким бу ниқобни кийишга мажбур қилди! Ҳозироқ бошингдаги рўмолингни ечасан…

Давоми бор...


@drabllar

#Кабира

Ҳаётий қисса
Муаллиф: МахмудоваКўҳинур
Давоми…
4-қисм
✏️✏️✏️
Туппа-тузук аълочи ўқувчилар сафида ўқиб юргандингку, сени ким бу ниқобни кийишга мажбур қилди? Ҳозироқ бошингдаги рўмолингни ечасан!”
Кабира қўллари қалтираб, нима қилишни ҳам билмай қолди.
Устози яна давом эттириб: “ Нима, бу кийим сени қанақалигингни яшириб турадими? Ҳижоб кийиб сипо кўрсатмоқчимисан ўзингни? Ўзи шунақа, хоҳлаган бузуқлигини қилиб, яна ҳеч нима бўлмагандай ниқоб ичида писиб юришади бунақалар! Сенларни сафинг кўпайиб кетяпти, ҳаммангни битта-битта шармандангни чиқариш керак!
Ҳозир кўрсатиб қўяман”- деди-ю шартта Кабира ўтирган партани олдига келиб, унинг бошидан рўмолини тортиб олди! Кабира устозининг қўлидан рўмолини юлқиб олдида, бошини ёпди. Aммо ҳамма унинг сочи йўқлигни кўришга улгурганди. Кимдир кулса, кимдир ачинди. Устози ҳам ҳайратда қолди. Кабира йиғлаганча синфдан чиқиб кетди. Ҳамма мум тишлаб қолди.
Уйга келиб бўлган воқеани айтиб берди. Отаси эса:
- Сенга айтмаганмидим, уйдан чиқмай ўтир деб! Йиғи-сиғи қилиб яна чиқдинг ўша мактабингга, энди эса бу машаша! Эээ, рухсат бермаса бермас, уйда жимгина ўтир, ана онангдан уй-рўзғор ишларини ўрган!
Ҳаётни фақат оқ-қора рангларда кўраётган Кабирага отасининг гаплари бу сафар қаттиқ ботмади. Энди унинг мияси бу муносабатни табиийдек қабул қилишни бошлаганди. Индамай яна бир ойча уйда юрди. Ҳар тугул, отаси шундай десада, бориб мактаб директори билан ҳам гаплашиб кўрибди. Раҳбарият мактабда рўмол боғлаш мумкин эмаслиги, агар рухсат беришса, тепадагилар директор ва ўқитувчиларга камида ҳайфсан бериши ёки ишдан бўшатишгача бориши мумкинлигни айтибди. Отаси ҳам уларга:” Унда қизим мактабга бошқа келмайди”- деб келибди.

Давоми бор...

@drabllar

#Кабира

МУАЛЛИФ Кўҳинур Маҳмудова

Орада Кабира учун ягона юпанч бўлган дугонаси Ҳамида бир-икки маротаба келиб, ўртоғининг аҳволидан хабар олиб кетди. Ҳамида билан Кабиранинг дўстлигини мустаҳкамлаб турган нарса уларнинг қалб кечинмалари эди. Бу митти юракчаларга Aллоҳ шунчалик улкан синов берибдики, уларнинг болалиги тугамай туриб, унга алвидо дейишга ҳаёт мажбур қилди.
Ҳамиданинг ҳам қалбларни таъсирлантирувчи ҳикояси бор. Нимага? Нимага ҳаёт мана шундай кичкиина, бегуноҳ, беозор қалбларни бунчалик қийнаса екан а? Ёки катталарнинг қилмиши эвазига уларнинг фарзандлари ёшлигиданоқ ҳаётнинг аччиқ заҳрини симириб улғайишга мажбурми? Емаган сомсага пул тўлаган каби. Aлбатта, ҳар бир ишда Aллоҳнинг ҳикмати бор! Роббил Aъламиннинг изнисиз бир томчи ёмғир ҳам осмондан ерга тушмайди. Демак, ҳаётда бошга тушган оғир синовнинг ягона таскини Aллоҳни еслаш, унга тасбеҳ айтиш. Раҳмон хоҳлабдики, шундай бўляпти. Оғир кунимизда изҳор етган шукроналаримизнинг ажри беқиёсдир. Aлбатта, ё бу фоний дунёда, ё боқий дунёда мукофотини олажакмиз!
Ҳамида эсини танибдики, уйида уруш-жанжалнинг кети узилмайди. Отасининг жаҳли жуда тез, гуп етиб ёниб, шув етиб ўчадиганлар хилидан эди. Онаси эса эрига итоат қилгиси келмас эридан рухсациз эркин яшашга интиларди. Онасининг ўзича ҳеч кимга ҳисоб бермай, хоҳлаган жойига бориб, эрига маслаҳат солмай катта-катта пул сарфлаши, ҳаддан ташқари ўзига оро бериши эрининг рашкини ёниб турган оловга керосин сепгандек ловуллатиб юборарди. Кўпинча уларнинг даҳанаки жанги катталашиб, охири онасининг калтакланиши билан тугарди. Сабаби Ҳамиданинг онаси тилини тиймас, ҳаттоки калтакланиб турган жойида ҳам боббиллаб бераверарди.
Бир куни жуда катта жанжал бўлди. Бу ҳам онасининг ўзбошимчалигидан келиб чиққан еди. Ҳамиданинг холаси ўғлини унаштириб, тўй кунини белгилаб келгани муносабати билан ҳамма опа-сингилларини уйига тўплади. Тўй учун ким қандай ёрдам беролади? Йиғиб- тергани битта ўртача тўй маросимини ўтказишга етсада, холасининг кўнгли дабдабали тўй қилиб, етти маҳаллага ош бериш эди. Aммо келин томон унаштирувдан кейин икки ёш ўртасига у бу ким совуқчилик тушириб қўйишидан хавотирланиб, тўйни тезлатишни сўрашгани учун…


Давоми бор...

@drabllar

#Кабира

#онлайнасар

Ҳаётий қисса
Муаллиф: МахмудоваКўҳинур
Давоми…
5-қисм

…тўйни тезлатишни сўрашгани учун режа қилинганидан анча олдинга сурилганди. Шу сабабдан ўйлаб-ўйлаб, жигарларидан ёрдам сўраб уларни уйига йиққанди. Ҳамма қурби етгунича ёрдамини аямайдигам бўлди. Ҳамиданинг холаси кейинги ҳисоб-китобларни шунга қараб қилиш учун ким қайси харажатни бўйнига олган бўлса ҳаммасини ёзиб қўйди. Ҳамиданинг онаси-Саида оилавий поликлиникада оддий ҳамшира бўлиб ишларди. Оладиган ойлиги ҳам учалик кўп эмас. Опасига эса тўйнинг артистларини биз кўтарамиз, кимни десангиз чақирамиз деб ёзиб қўйишини айтди. Аммо опаси қимматга тушасан, қийналиб қоласан деб кўнмади. Тўйга машҳур қўшиқчилардан чақирмоқчимиз, буни жиянинг ўзи ҳал қилади деди. Синглиси бир оёқда туриб олди:” Вой, ҳа нима бўлибди қимматга тушсам, ўзимни опамкусиз! Ё мени қурби етмайди деб ўйлаяпсизми? Куёвизни опа-сингилларига қўша-қўша тўёналар қилиб юрибмиз, сизга ҳам қиламиз. Гап тамом! Менга ёзиб қўйинг вассалом! Ундан кейин менга қайси артистни чақирмоқчилилигингизни ҳам айтинг”.
Опаси синглисининг феълини жуда яхши биларди. “Ҳозир бориб эрини қулоғини еб бўлса ҳам айтганини қилдиради. Эҳ, нимагаям ҳаммани уйимга йиғдим. Ўтириб, ҳар кимни ўзи билан телефонлашиб маслаҳатлашсам бўлмасмиди. Саидага индамай қўя қолардим бу масалада” - деб ичидан ўтказди. Эрим опа-синглисига катта-катта тўёна қилган дегани билан аслида унақа бўлмаганини ҳам опаси билади.
Саида уйга келиб, эри-Акмалнинг ишдан келишини кутди. Катта кетиб қўйган бўлса ҳам кўнглининг бир чеккаси хижил эди.
-Опам тўғри айтди, нимага бунақа катта харажатни бўйнимга олдим ўзи?! Ҳа майли энди гапимдан қайтмайман. Нима қилиб бўлса ҳам эримни кўндираман. Жа пул бергиси келмаса қарз кўтариб, ойлигимдан кам-камдан узаман. Ахир туғишган опамку, шунақа кунида ёрдамим тегмаса қачон тегади.
Кечга яқин ишдан келган эрига шу масалада гап очди. Опаси чақирганини ва бориб келганини ҳам айтди. Эрининг жаҳли чиқди:
- Менга бир оғиз индамай бориб келдингми?
“Нима қилибди? Кап-катта одам бўлсам шунгаям сиздан рухсат сўрайманми” дегиси келди-ю, лекин эрини яна жаҳли чиқиб тўёнага йўқ дейишидан қўрқиб индамай турди.
- Ҳар доимгидек ўз билганингдан қолмайсан! Бир оғиз маслаҳат солсанг қўшилишиб борардим, Божам билан гаплашиб нимадан қийналаётган бўлса ўшанга ёрдам қилишимизни айтардим.
Эрининг бу гапидан кейин Саиданинг хаёлидан демак қаршилик қилмаса деган фикр ўтди. Фурсатдан фойдаланиб деди:
- Мен опам билан гаплашиб, тўйни артистларини биз кўтарамиз деб келдим.
- Нима ҳали ҳаммасини ҳал қилиб келдим де. Қайси пулга айтасан артистларни?
- Сиз ёрдам қилмоқчимасмисиз?
- Қилмоқчи эдим… Мен билан маслаҳатлашмай ҳаммасини ўзинг ҳал қилиб келибсан, у ёғини ҳам ўзинг қилавер- деди жаҳлини зўрға тийиб.
- Мен шунчаки айтиб келдим опамга, бошқа ҳеч нимани ҳал қилганим йўқ. Ҳали артистларни топиб, гаплашиш керак. Икки ҳафтадан кейин тўй экан.
- Ҳали опанг фалон артистни айтасан деб машур-машҳур, қимматга келадиганларини қатор ҳам қилгандир. Сичқон сиғмас инига…
Энди Саида жим туролмади.
- Ҳа шунақа! Пул чиқаргиз келмаётган бўлса очиғини айтиб қўя қолинг, бўлмаса ўзим қарз олиб бўлса ҳам чақиртираман ўша машҳуур артистларни. Ҳа энди опам ҳар куни тўй қилмайди. Етти маҳаллага довруғи ёйилсин дейдида. Ҳали биз ҳам ўғлимизни уйлантирсак, кўз кўриб қулоқ эшитмаган тўй қиламиз.
- Тилингни тий! Олдиндан катта кетма! Имкониятда келиб чиқиб қиламиз. Мени йиллаб йиғиб терганимни бир кунлик тўй учун сарфлаш ниятим йўқ. Ундан кўра опангга ҳам бориб айтсанг бўларди, бундооқ кўрпасига қараб оёқ узатсин. Қолаверса тўй ҳам тезлашиб кетган бўлса. Ҳаёт бир кунлик тўйдан иборат эмас! Қарз олишга келсак, бекорларни бештасини айтибсан! Мен ҳозир ўзим бориб божам билан маслаҳатлашаман. Мени унақа артистларни чақирадиган пулим йўқ! Божамга ҳам ҳайронман, аёлларни гапига кириб нималар қилиб юрибди !
Саиданинг боши ғувиллаб кетди.

Давоми бор...


@drabllar

#Кабира

#онлайнасар

Ҳаётий қисса
Муаллиф: МахмудоваКўҳинур
Давоми…
9-қисм
✏️✏️✏️
- Сендан бир нарса сўрайман фақат тўғрисини айтасан хўпми?
Кабира ундан қутулишнинг ягона чораси айтганини қилиб, саволига жавоб бериш деб тушунгани боис розилик аломати бошини қимирлатди.
- Севганинг борми? Кимнидир яхши кўрасанми?
Кутилмаган саволдан довдираб қолган Кабира акасини бу саволни беришдан мақсади нималигини тушунмади.
- Сендан сўраяпман! Жавоб бер!
- Йўқ… Мен ҳеч кимни яхши кўрмайман- энди эшикни очинг, мени қўйиб юборинг акс ҳолда бақириб онамни чақираман.
- Кабира, асалим, мен сени севаман! Меники бўлишингни хоҳлайман- деб унга суйкала бошлади. Кабира Ғайратнинг гапларидан ҳам ўзидан ҳам кўнгли айниб, бирдан унинг устига ўқчиб юборди. Енги билан оғзини артиб, овози борича бақириб онасини чақира бошлади. Энди Ғайрат ўзини бошқаролмай қолганди. Кабирага суйкалиб, ҳар хил қилиқлар қила бошлаётганди. Ташқаридан онасини овози эшитилди:
- Нималар бўляпти ичкарида, Кабира яхшимисан қизим, ҳозир… ҳозир очаман эшикни- деб эшикни бузиш учун атрофни аланглаб нарса қидира бошлади. Кабира бор кучи билан Ғайратнинг қўлини тишлади. Тиши ғирч этиб суякка тегдими ё унга шунақа туйилдими, бирданига кўнгли айниб, туфлаб ташлади. Ғайратнинг қўлидан қон оқа бошлади. Жон ҳалатда Кабира унинг қўлини шунақанги қаттиқ тишлагандики, зумда қонаб, ваннадаги кафеллар усти қонга бурканди. Кабира акасининг қўли билан овора бўлганидан фойдаланиб, эшикни очиб ташқарига ўзини отди. Онаси унинг оғзи атрофидаги қонни кўриб, ўтакаси ёрилди. Кўзи Ғайратга тушгач Кабира ҳам эсидан чиқиб, унинг ёнига чопди. Тезда қўлини боғлаб, қонни тўхтатишди. Аммо Ғайратнинг кучи деярли умуман қолмаганди. Ранглари оқариб, ҳушини йўқотиш арафасида турган одамдек суллайиб қолганди. Энди онасининг эсига Кабира тушиб, уни атрофдан излай бошлади. Кабира ташқарига чиқиб бақириб-бақириб йиғлаётганди. Онаси унинг овозини эшитиб чиқди. Ёнига бориб қизини бағрига босганча, ўзи ҳам сим-сим йиғлай бошлади. Шу пайт бирданига хаёлига келган фикрдан Кабирага:
- Қизим ярим тун, қўшнилар қўрқиб уйғонин кетишмасин. Бўлди, йиғлама… кел уйга кирамиз… нима бўлганини менга айтасанми? Аканг сенга тегмадими?
- Ким эшитса эшитсин! Менга фарқи йўқ! Мен бу уйда кимман! Кимдир мени ҳам ўйлайдими? Биламан акамни биздан кўра кўпроқ яхши кўрасиз, аммо унинг қанақалигини биласизку? Мени ҳаётим, номусим ҳақида ҳам ўйлайсизларми? Ҳеч кимга керак эмасман бу уйда!
Номус сўзини эшитиб онасининг ранги оқариб кетди.
- Аканг сени номусингга тегдими, қизим? - бу гапни айтгунча онасининг ичи чириб, тўкилгандек бўлди. Она учун шунчалик оғир, шунчалик шармандалик эдики бу гап, буни тушунадиган ягона инсон- шундай вазиятни бошидан ўтказган инсондир!
- Сизларга нима фарқи бор?! Фарқи бўлганда бу муаммога ечим топиб, ўғлингизни чангалидан мени қутқарган бўлардингиз!
- Қизим… ундай дема…- онаси кўзларидан дувиллаб оқаётган ёшни артавериб рўмолининг учи шилта бўлиб кетганди.
Бу воқеадан кейин ҳам ҳеч нима ўзгармади. Яна бўлган ишлар отасидан сир тутилди. Кабира оз бўлсада чалғиш, Ғайратдан узоқлашиш учун тикувчиликни ўрганишни бошлади. Зеҳни ўткирлигидан бир ойга қолмай ўзи бемалол кийим тикишни бошлади. Уйда кам бўлгани учун акасининг феъли анча эсдан чиқиб, ҳаётга бўлган қизиқиши секиин гуллашни бошлаганди. Тикувчилик курсини тугатиб, уйларига яқин жойдаги бир тикув цехида ишлашни бошлади. У ерда ҳам дугоналар орттириб, юзига табассум ина бошлаганди. Тикув цехи ёпилганидан сўнг, онаси билан бирга ширинлик цехига ишга кирдилар. Биргалашиб уйга келиб кетиб юришди. Анчагина иш ҳам ўрганди. Уйда пиширган ширинликлари ҳам цехда қилинганидақа мазали чиқарди. Опаси унинг қўли гуллигидан ҳам ҳасад қилиб, ҳеч очилиб гаплашмас, нима бўлса ҳам синглисини яхши томонини кўришни истамасди. Кабира ўн олти ёшга кириб пасспорт олди. Энди у ўзини катта инсондек ҳис қилаётганди.

давоми бор...

@drabllar

#онлайнасар

Ҳаётий қисса
Муаллиф: МахмудоваКўҳинур
Давоми…
10-қисм
✏️✏️✏️
Кабира учун бугунги кун жудаям ажойиб бошланди. Олам гўзал бўлиб кўриняпти. Охирги бир йил ичида бунақа кайфияти чоғ бўлган кунни эслай олмайди. Онасидан эшитган янгилиги Кабирани шунақанги қувонтиргандики, онасини қучоқлаб олганини сезмай ҳам қолди. Онаси ҳам қизини бу гапдан хурсанд бўлишини кутган бўлсада келиб қучоқлаб олади деб ўйламаганди ҳам. Сабаби, Кабира бўлиб ўтган ишлардан кейин ҳаммадан ўзини олиб қочишни одат қилганди. Онаси билан ўзи аввалдан яқин, дўстона алоқалари бўлмаган. Ҳозир янаям она бола қалбан йироқлашиб кетишгани учунми, Кабира онасини қачон меҳр билан қучоқлагани эслолмайди ҳам. Шунинг учун икковлари ҳам бундан таъсирланиб кетишди. Кабира тезда ўзини четга олиб, югуриб хонасига кириб кетди. Ҳозир негадир унинг ўпкаси тўлиб, тўйиб-тўйиб йиғлагиси келаётганди. Қувончданми ё бошқа нарсами ҳозир ўзиям билмайди. Йиғлаб мазза қилди. Кейин эса яна ҳеч нима бўлмагандек кийиниб, ишига кетди. Энди шу келётган уч кун тезроқ ўтса эди, онаси айганидек акаси армияга жўнаб кетади. Нақ бир йилга! Эҳҳе, Кабира бу бир йилни қанчалар эркинликда ўтказишини ўйлаб ич-ичидан қувонсада барибир бир кун қайтиб келадиган акасидан қачон бутунлайга халос бўлишини билмасди. Охирги марта ваннада акасини қўлини яхшигина тишлаб олганидан кейин Ғайрат озгина унга ҳуркиброқ қарайдиган бўлди. Бироқ ичиб, маст бўлиб келганида ҳаммаси эсидан чиқиб, яна Кабирага иркит кўзларини тикканча ҳирсга бериларди. Фурсат топилса унинг ёнига бориб, ҳар ерига тегинишдан ҳам таб тормасди. Кабиранинг юраги шунчалик акасидан зада бўлиб кетгандики, буни Фақат Ҳамидадан бошқага очилиб айтолмасди ҳам. Бот бот шайтон қалбига васваса солиб, акасидан нимадир қилиб бўлса ҳам қутулиш йўлини ўйлаб ҳам чиқарди. Аммо кейин бутун умр виждон азобида яшашини ўйлаб, тезда бу хаёллардан чекинарди.
У охирги пайтлар ўз дунёсига ўзи ҳам тушунмай қолаётганди. Ич-ичидан туғён уриб келган ҳислар, ўзига қилинган ҳар қандай зўравонликка нисбатан жавоб қайтаришга, исён қилиб, ўзини ўзи ёруғ йўлга олиб чиқишга ундаётганди. Аммо журъат деган нарса Кабирада топилмаётганди.
Кечга яқин акаси, худдики кимдир унинг арпасини хом ўрган каби қовоғини ўйиииб, уйга кириб келди. Кабира ошхонада кечги овқат қилаётганди. Онаси ҳам кириб-чиқиб юрибди. Опаси эса ишдан ҳали келмади. Ғайрат онаси иш билан овора бўлиб ошхонани тарк этган пайт, сездирмай кириб, Кабирани белидан қаттиқ қучиб, елкаларидан ўпа бошлади. Кабиранинг ўтакаси ёрилай деди, аммо ўзини тезда қўлга олиб, қўлидаги пичоқ икки қўллаб чангаллаганча тепага кўтариб бақирди:
- Агар ҳозир мени қўйиб юбормасанг, шу пичоқ билан сениям, ўзимниям ўлдираман- айтган гапидан ўзи ҳам қаттиқ қўрқиб, ранги оқариб кетди. Шу пайт онаси ҳам югуриб ошхонага кирди. Ғайрат ундан секин узоқлашаётганди. Қўлидаги пичоқни акасига ўқталиб турганини кўриб, онасининг ранги қув ўчди.
- Кабира қизим, пичоқни жойига қўй, жон қизим! - йиғламсираганча чиққан бу овоздан Кабира ўзига келиб пичоқни ерга ташлаб юборди.
Ниҳоят Ғайрат армияга кетди. Кетар чоғи онасининг айтган гапидан Кабира қувонишниям, хафа бўлишниям билмай қолди. Акаси бир йиллик армиядан келганидан кейин дарров тўй қилиб уйлантиришмоқчи экан. Зора, шундан кейин акаси ўзини анча йиғиб олар деб умид қилаётган бўлсада, Ғайрат уйланадиган шўрпешона қиз ким экан деб унга раҳми келаётганди.

#Кабира

@drabllar

#онлайнасар

Ҳаётий қисса
Муаллиф: МахмудоваКўҳинур
Давоми…
11-қисм
Кабира энди уйда қушдек учиб, қўниб яшаётганди. Ғайратни ҳар кўрганида юраги безиллайдиган, кўнгли айнийдиган бўлиб қолганди. Опаси Лазиза эса ҳалигача у билан тузук гаплашмайди. Бу оилада опа-сингил ёки ака- сингил ришталари аслида қандай бўлиши керак деган саволга жавоб тополмайсиз. Кабира учун: ортимда тоғдек акам бор, мени ҳар лаҳза, ҳамма нарсада ҳимоя қилгувчи. Меҳрибон опам-сирдошим бор, менинг ҳисларимни тушуниб, дардимни олгувчи!- дейиш ушалмас орзудек гўё!

Кабира онасига пишириқ цехидаги бир дугонаси билан массаж курсига қатнамоқчилигини айтиб, рухсат сўради.
- Қўлингда бир эмас иккита ҳунаринг бор, шуни орқасидан ишлаб, ризқингни топиб юрибсанку, қизим. Массажни ўрганиб нима қиласан?
- Ойи, нима қилибди, ҳунарим қанча кўп бўлса шунча яхшику! Буни устига атиги уч ойлик ўқув курси экан. Пулини ҳам ўзим ишлаб тўлайман.
- Гапинг тўғрику лекин даданг нима деркин?
- Дадамга ўзим айтаман!
Дадаси қаршилик қилмади. Қанча урушиб, тергамасин барибир эркатойи бўлган қизини яхши кўради. Лекин фарзанд тарбиясида фақтгина уни яхши кўриб, меҳр беришни ўзи камлик қилади. Ёки аксинча, ҳадеб тергаб, хато қилса жаҳл қилиб калтаклаш ҳам бефойда. Ота-она, айниқса қиз болага она чин дўст бўлиб, у билан диллашиши, қалб кечинмаларидан хабардор бўлиб туриши ҳам жуда муҳимдир. Қалбан яқинлик бўлмаса фарзанд тарбиясида дарз кетиши мумкин. Чунки бола ичидагиларини ота-онасига айтолмаса, айта оладиган бошқа одам топишга ҳаракат қилади. Бу одам кўпинча ўзининг тенгдошлари ёки Аллоҳ кўрсатмасин ғайри ниятли, фарзандни йўлдан айнитадиган инсон бўлиши мумкин. Фарзандга ҳеч ким ота-онасидек тўғри йўл кўрсатолмайди. Сабаби ота-она боланинг қалбдошларидир. Айниқса онанинг! Чунки она фарзандини дунёга келтирганидан кейин, Аллоҳнинг фазли билан, унинг организмида бола ҳужайралари неча йиллаб туради. Шунинг учун она фарзандини узоқда бўлсада ҳис қилиб туролади, боласининг жони оғриса уники ҳам оғрийди. Аммо баъзан биз фарзандимизни қандай қилиб ёлғизлатиб қўйганимизни, қандай биздан йироқлашиб кетганини билмай қоламиз. Натижада ўзимиз ҳам қалбан уни ҳис қилмай қўямиз. Бу жуда катта фожиа!
Кабира нега массаж курсига боргиси келаётганини ўзи ҳам тушунмаётганди. Массажга унча қизиқмади ҳам. Бор-кел қилиб кунини ўтказиб юрди. Унга кунини ўтказишга янги жой, суҳбатлашадиган янги одамлар, янги дўстлар қизиқ эди холос. Уйда Ғайрат йўқлиги учун Ҳамида ҳам тез-тез Кабирани уйига келиб, ётиб кетадиган бўлди. Бир қараганда Кабиранинг ҳаёти анча тинчиб, ўз ўзанини топиб кетгандек эди. Аммо буларнинг ҳаммаси вақтинчалигини, тез орада Ғайрат ҳам келиб қолишини ўйласа юраги сиқилиб кетарди.
Айниқса онасининг келин қилиш тараддудида, қизларни суриштириб, номзодлар рўйхатини тузиб, тўй хаёлларига билан юргани уни янаям ғамга ботираёрганди. Қайси қиз акасига муносиб? Қани энди, Кабира ҳам ўзига меҳрибон келинойи, акасига вафодор умр йўлдоши топишда ўзи билган яхши яхши қизларни тавсия қилса. Ҳамма сингилларга ўхшаб акасининг уйланишидан қувона олса! Хўш, қиз топилиб, масала ҳам ҳал бўлди дейлик, Кабира орада ҳеч нима бўлмагандек жим юрадими? Келин бўладиган қизга акасининг қанақа разил инсонлигини айтиб уни бадбахтлилдан қутқариши керакми ё четда индамай кузатиши? Акасини бахтини бузсизми ё бир қизни бахтсизликдан қутқарсинми? Хаёлларидан тинмай айланадиган саволларга жавоб тополмай ҳалак эди.
Бугун кечқурун Ҳамида Кабираларникига ётишга келадиган бўлди. Кабира шу масалада Ҳамида билан гаплашиб олишни ният қилганди. Аммо дугонасининг кайфияти йўқлигини кўриб фикридан қайтди. Аксинча, у бугун Ҳамидани тинглаши керак экан. Ота-онаси ажрашишганидан кейин дарров уч йил ўтиб кетибди. Бувисининг ҳам сочи оқариб, қон босими кунда кун ора ошиб мазаси бўлмай қолади. Ўша-қизи аразлаб келган кундаёқ у қизини олдига олиб гаплашганди:
-Мен сени феълингни жуда яхши биламан.

#Кабира

Давоми бор...

@drabllar

#онлайнасар

Ҳаётий қисса
Муаллиф: МахмудоваКўҳинур
Давоми…
12-қисм

Иккалангизнинг ҳам тенгма тенг ҳиссангиз бор! Сен бундай аёл бўлиб, эрингга итоат қилишни ўрганмадинг. Эрингни сени феълингга топган ечими эса калтакдан бошқаси эмас. Ҳамонки, ўз билганингдан қолмайсан. Тилинг бошингга калтак ёғдиргани ёғдирган. Гапларим аччиқ ботиши мумкиндир, лекин ўртада сенларнинг айбинг учун болалар сарсон бўлишини хоҳламайман. Агар сен айбсиз, жабрдийда бўлганингда эринг билан қандай гаплашишни ўзим билардим. Наҳотки шу уч нафар фарзандингни ўйламасанг! Ҳеч бўлмаса улар учун эринг билан муроса қил! Мен сени пинжимда олиб ўтирмоқчи эмасман! Эринг билан келишиб ол! Уйингга қайт.
Саида қайсарлигини қўймади. Эри билан ажрашиб, Ҳамидани онасига қолдириб Туркияга жўнаб кетди. Ишхонасидан бир ҳамкасбининг қариндоши ишлар экан Туркияда. Шу орқали суриштириб, иш топди. Мана ҳалигача ишлаяпти. Орада бироз муддатга Ўзбекистонга келиб-кетиб турибди. Бошида ажримдан сўнг олти- етти ой Ҳамидага ука-сингиллари ва отаси билан кўришиш тақиқланди. Онаси кетганидан кейин Ҳамида сал бўлса ҳам чалғиб, овуниш учун бувисидан қўғирчоқ тўқишни ўргана бошлади. У онасига умуман ўхшамасди. Ёшлигиданоқ уйида жанжал кўриб улғайгани, урушлардан кўнгли зада бўлганидан ҳар қандай вазиятда муроса йўлини танлаб, келишиб кетар оларди. Тоғасининг болалари билан ҳам талашиб-тортишиб, уришганини билмайди. Тоғаваччалари ҳам соддагина, бағрикенг, меҳрибон болалар. Келинойисига эса меҳри тушиб қолган. Ҳаётни тушунган, тутумли аёл бўлгани учун Ҳамидани кўп ҳолларда ичидан ўтганларини тушуниб, у билан кўп кўп гаплашарди. Ҳамида келинойиси билан ботинан дўст тутинган, онасидан кўпроқ у билан сирлашарди. Улар фақат таътилда, байрам, маракаларда келиб-кетиб юришарди. Баъза Ҳамида билан бувисини шаҳарга олиб кетиб, ҳафталаб юришар, Ҳамида тоғаваччалари билан мазза қилиб шаҳар айланар, баъзан циркка ҳам тушиб вақтини чоғ ўтказиб қайтарди. Ғурбатхонага айланган ўз уйидан кўра анча файзли, барокатли бўлган бувисиникида кайфиятини чоғ қиладиган шароитда яшаб юрган бўлсада, барибир ота-онаси билан бирга яшаган онларини кўп-кўп эслаб, соғиниб йиғларди.
Бувисидан ўрганган ҳунари орқасидан озмунча даромад қилишни бошлади. Бир-биридан бежирим қилиб тўқилган жажжи ўйинчоқларга ҳам зумда харидор топиларди. Топган пулини битталаб йиғиб юрди. Бувиси ҳам келинойиси ҳам неча бор пулларини йиғмасдан ўз эҳтиёжи учун ишлатишини, бирор нимага пул керак бўлса ўзлари беришларини айтишган бўлса ҳам Ҳамида пулини йиғаверди. Қолаверса, онаси ҳам энди уйга кўпроқ пул жўнатишни бошлаганди. Ҳамида ёзги таътил давомида тинмай ўйинчоқ тўқиб пул жамғарди. Бир куни келинойиси у билан гаплашгиси келиб, ёнига чақирди:
- Ҳамидахон, аҳволларингиз яхшими? Ўзиям тер тўкиб, меҳнат қилиб, тинмай ўйинчоқ тўқияпсиз. Сизга бу ҳунар жуда ҳам ёқиб қолдими дейман? Ҳали ёшсиз, бунчалик ўзизни қийнаб, жонингизни жабборга бериб ишлашингиз шарт эмас. Чарчаб қоласиз. Қизиқиш юзасидан ҳар замон ҳар замонда қилиб турсангиз яхши, лекин сиз жудааа берилиб кетдингиз, охири зерикиб, қизиқишингиз бутунлайга сўниб қолмасин дейманда!
- Мен яхшиман, хавотир олманг келинойижон! Мактабим яқинда бошланиб қолади, кейин фақат ўқийман, айтганингиздек бўш вақтларимда битта иккита тўқиб юришим мумкин.
- Жуда яхши! Лекин ҳозир нега бунча тиришиб тўқияпсиз? Неча марта айтсак ҳам ўзингизга ишлатмай, топган пулингизни йиғиб юрибсиз. Нимагалигини ҳам аймадингиз. Ё мактаб бошланишига бирор нима олмоқчимисиз? Шундай бўлса, сиз бундан умуман хавотир олманг! Истаган нарсангизни олиб берамиз. Саидахон ҳам сизга деб ҳар замонда пул жўнатиб турибдилар, биласиз.
Ҳамида келинойиси билан гаплашса, кўнгли анча ёришади. Чунки у Ҳамидага оилада ўрни баланд бир инсондек, кўнглига қараб, эҳтиёткорлик билан гаплашарди. Ҳозир ҳам Ҳамида келинойисига пул йиғишдан асл мақсади нималигини айтиши керак деб ўйлади.

#Кабира
Davomi bor
@drabllar

#онлайнасар

Ҳаётий қисса…
Муаллиф: МахмудоваКўҳинур
Давоми…
13-қисм
- Келинойи мен… мен пулимга янги телефон олмоқчиман
Келинойиси ҳайрон қолиб сўради:
- Ўзингизникига бирор нима бўлдими? Ё янгичасидан олмоқчимисиз?
- Йўқ… Телефоним яхши ишлаяпти. Янгисига ҳожат йўқ.
- Очиқроқ айтаверинг, Ҳамида, нима қилмоқчисиз янги телефонни?
- Синглимга олиб бермоқчиман, гаплашиб туриш учун. Уларни соғиниб кетдим…
Охирги гапини зўрға айтолди. Кўзи жиққа ёшга тўлди. Келинойисининг ҳам юраги ачиб, йиғлади. Ҳозиргача бу масалага умуман аралашмаганди. Энди Ҳамидага нимадир қилиб ёрдам бериши керак, жигарлари билан дийдор кўришишга. Эри билан маслаҳатлашиб, йўлини топмаса бўлмайди. Бечора қизга жони ачиб кетди.
- Ҳамида сиз йиғламанг, мен тоғангиз билан гаплашиб, рухсат олиб беришга ҳаракат қиламан. ИншаАллоҳ укангиз ва синглингизни кўришга борасиз!
Ҳамиданинг бу гапларини эшитиб бувисининг ҳам тоғасининг ҳам кўнгли бузилди. Тоғаси охири ўйлаб-ўйлаб қарор қилди:
- Майли, бориб келсин. Бола бечоралар ҳам қийналиб кетишди бу ота-оналарининг дастидан. Саидага кейинроқ ўзим тушунтираман. Ҳозир унга айтган билан Ҳамиданинг боришига қаршилик қилади.
Ҳамида уйига боришига рухсат беришганини эшитиб бир қувонган бўлса, тоғаси Ҳамиданинг ўзига, синглиси ва укасига бир талай нарса: кийим-кечак, китоблар, ширинлик, мевалардан бир талай бозорлик қилиб, отасининг уйига олиб бориб қўйгани, унинг кўнглини тоғдек кўтарди. Бундан ташқари Ҳалима учун қўл телефони ҳам олиб бериб, Ҳамидага йиққан пулларини ўзига ишлатишини тайинлади.
Бир неча ойлик айрилиқдан сўнг дийдор кўришиш онлари унинг қалбини қувонч, ҳаяжон, хўрлик ва титроқ билан тўлдирди. Тоғаси олдиндан телефонлашиб хабар бериб қўйганди. Биринчи бўлиб дадаси чиқди. Ҳамида отилиб бориб, дадасини қучди. Кейин укаси Сарвар ва синглиси Ҳалима билан кўришди. Ҳамманинг кўзида ёш: дард, ғам, соғинч, дийдор, қувонч ёшлари аралашиб кетганди. Энг кўп ўзгарган укаси бўлибди. Бўйи анча чўзилиб қолибди. Аммо ҳар иккаласиям озиб-тўзиб кетган, ранглари ўчган бир алфозда эдилар. Онасиз ўсаётганликлари билиниб турарди. Тоғаси Ҳамидага бир кунгинага рухсат берган бўлсада, уч кун қолиб кетди. Кейин тоғаси ўзи келиб олиб кетди. Ҳар тугул, Ҳамиданинг кўнгли бироз жойига тушиб, энди синглиси билан телефонлашиб туришини ўйлаб хотиржам бўлди. Айниқса, онаси ҳам уни ёлғиз ташлаб кетгач, ўзини ҳеч кимга кераксиз одамдек ҳис қилаётган эди. Энди эса сирлашадиган сирдоши бор. Ҳамида билан Кабира у пайтлар ҳали ҳозиргидек яқин дўст эмас эди. Ҳамида билан Ҳалима бир-бирини шунақанги соғинардики, телефонлашганда гапиравериб, гаплари тугамасди. Секин-секин Ҳамида яна уларни кўришга борадиган бўлди. Кейинчалик синглиси билан укаси ҳам тоғасиникига келиб ҳафталаб юриб кетишни одат қилишди. Ҳалима келган кунлари Ҳамида ўзини осмонда юргандек бахтиёр ҳис қиларди. Ҳатто, ўзининг мактаб формасини синглисига мослаштириб, кийдириб ўзи билан мактабга ҳам олиб кетарди. Устозларидан илтимос қилиб, дарсда ўқувчилар сафида ўтиришига рухсат оларди. Ҳозир Ҳамиданинг энг яқин сирдошлари Кабира билан синглиси. Бугун синглиси билан телефонлашгач, кайфияти ўчди. Отаси яқинда уйланмоқчи экан. Ҳамида анчагина улғайиб, кўп нарсани ақли олиб, таҳлил қила оладиган ёшга етганида бу гапни эшитиш унга жуда оғирлик қилаётганди. Нима қилишни ҳам билмай боши қотган. Онасига айтгани билан бефойда. Унга энди ҳаммаси барибир. Ҳеч бўлмаса, Кабира билан дардлашиб енгил тортгиси келаётганди. Кабира ҳам ўз дарди билан ўзи овора, Ҳамидага қандай маслаҳат солишни ҳам билмасди. Охири ўйлайвериб айтган гапи:
-Даданг билан ўзинг гаплаш! Уйланманг де!- бўлди. Аммо Ҳамида бу масалада отаси билан гаплашишга ҳижолат бўлаётганди.

#кабира

@drabllar

#онлайнасар

Ҳаётий қисса
Муаллиф: МахмудоваКўҳинур
Давоми…
14-қисм
Дадасига нима ҳам дейиши мумкин. Аммо дадаси бошқа аёлга уйланиб, у билан яшашини, онасининг ўрнида бошқа аёл уйларида юришини, айниқса, дадаси унга ширин гаплар гапиришини тасаввур қилса, ичи ёниб, боши ғувиллаб кетаётганди.
-Нега айнан бизнинг ота-онамиз ажрашишди? Нима учун айнан бизнинг оиламиз пароканда бўлиб кетди? Энди отам бошқасига уйланиб мазза қилиб яшайдими? Онам эса чет элма чет эл юрадими? Ахир бизни ҳам ўйлашадими ҳеч? Биз шундай бир-биримизни соғиниб, азоб чекиб яшайверамизми? Кабира, мен нима қилишни ҳам, қандай яшашни ҳам билмай қолдим. Ё ҳаммасига қўл силтаб, бошим оққан томонга кетсаммикин?
- Ҳамиии, унақа нарсаларни ўйлама! Ҳали ҳаммаси яхши бўлиб кетади. Даданг билан гаплашгинг келмаса, унда индама. Синглинг ҳам қарши бўлса керак, ҳар ҳолда даданг билан бирга яшайди, бу қарорга норозилик билдиргандир.
- Дадам синглим билан укамга ҳадеб онамни ёмонлайди. Онангиз сизларни ташлаб кетди, бошқа давлатга кетиб, эрга ҳам тегвоган шунинг учун ҳам қайтмаяпти. Мен сизларга ғамхўрлик қиладиган, яхши қарайдиган она олиб келаман- деганмиш. Синглим онам ҳақидаги гапларга ишоняпти. Менга очиқ айтмаяпти, лекин гапларидан сезяпман, дадам уйланишига ҳам қарши эмасга ўхшайди.
- Очиқроқ гаплашмадингми ўзинг? Балки унақа эмасдир
- Очиқ гаплашмаган бўлсак ҳам билинди. Ҳалима менга ҳамиша ҳамма нарсани борича айтган, аммо бу сафар: “ Дадамнинг шунақа нияти бор экан, аммамнинг айтишларича дадам бизга ёлғиз ўзлари қарайман деб қийналиб кетган эмиш, яхши бир аёлни топишибди” деди. Мен: “ Мен бунга қаршиман, онам билан ажрашишган бўлишсада, дадамнинг бошқа аёл билан яшашини ҳазм қилолмайман! Сен дадамга айт, бизга қарайдиган одам керак эмас дегин, ахир кап катта бўлиб қолгансизларку. Агар қийналаётган бўлсалар, мен энди тез-тез бориб тураман. Сизларни ҳам ҳар замон тоғамларникига олиб келаман”- десам туриб-туриб: “Билмасам опа”- деди. Онам ҳақида ҳам гап бошласам эшитгиси келмайди. Мен ҳам онамни бизни ташлаб чет элга кетгани учун ундан қаттиқ хафа бўлганман. Буни қабул қилиб, кечиришим қийин бўлган. Аммо барибир онам ҳақидаги туҳматларга ишонмайман. Нима бўлса ҳам, у бизни деб ишлаяпти. Нияти уйли олиб, биз билан бирга яшаш.
- Қўявер, даданг уйланса уйланаверсин! Ўйлаб, сиқилиб ҳа деб ўзингни қийнайверма, дугонажон. Мана мен ота-онам бирга яшасамда, уларни меҳрини ҳис қилмай қўйганман. Менга ишонмасликларидан, ҳамма нарсага айбдор қилиб, аксинча, ҳимоя қилиш ўнига калтаклашларидан чарчаб кетганман. Сен ҳеч бўлмаса, меҳрибон, сенга ғамхўрлик қиладиган яқинларинг орасида яшаяпсан. Сиқилиб ўзингни қийнама!
Икки дунгона гаплашиб, кўзлари уйқуга кетганини ҳам сезмай қолишди. Эрталаб туриб, яна одатдагидек, Кабира массаж курсига, Ҳамида ўқишига кетишди.
Кабира уч ой қатнаб, массажни ҳам ўрганиб олди. Аммо бу соҳага унчалик қизиқмагани учун ишлагиси келмади. Олдинги иши-ширинлик цехида ишлайверди. Шу орада уйида усталар ишлаб, ҳамма ёқни ремонт қилиб, чиройли қилиб кетишди. Буларнинг ҳаммаси тўй баҳонасида бошланган ишлар эди. Ғайратнинг хизмат муддати тугашига икки ой қолганда, уйлантиришга қиз ҳам топила қолди. Қўшни маҳалладан, Кабиранинг аммаси тавсияси қилган қиз онасига маъқул бўлди. Энди бўлғуси “куёв” келиб кўриши қолди, холос. Уйлар таъмирланиб, сарполар ҳам йиғилиб, тўй учун барча тайёргалик кўрилганди. Акаси келиши биланоқ, икки ҳафта ичида тўйни қилиб, келинни олиб келишмоқчи. Ҳар ҳолда акаси бир йил давомида Кабирадан узоқда юрди, уйга келгач тезда уйлантиришса, шу билан синглисига бўлган зўравонликларига ҳам якун ясалар деб умид қилишаётганди.
Бир йил Кабиранинг устида нур сочган қуёш ўрнини яна ўша қора булутлар қоплаб олди. Кабиранинг акасига бўлган нафрати оз бўлсада камайманганди. Энг ёмони, акаси ҳам ўша-ўша- тўнғизлиги қолмаган.

#Кабира

@drabllar

#онлайнасар

Ҳаётий қисса
Муаллиф: МахмудоваКўҳинур
Давоми…
15-қисм
Гавдаси катталашиб, кучга тўлган, кўзлари янаям одамга бақраядиган, қўрқинчли бир тусга кирганди. Синглисига оғзининг таноби қочганча ўқрайиб қараб турарди. Кабира иложи борича уйда Ғайрат йўқ деб ҳисоблашга ҳаракат қилаётганди. Ғайрат келгач бир ҳафта ичида совчилик, учрашувлар ҳам ўтиб, тўйни ҳам ҳал қилишди. Ҳаммаси шунчалик тез бўлаётгандики, Кабира қувонишни ҳам ранжишни ҳам билмай қолди. Нима қилсин, шунақа жиим юргани маъқулми? Балки ҳақиқатда, акаси уйланса, ўзгарар. Ахир, бир уйда, хотинини олдида Кабирага яқинлашолмаса керак…
Апрелнинг 4-санасида тўй белгиланди. Бор-йўғи саккиз кундан кейин. Кабира акаси билан саломлашишдан бошқа умуман гаплашгани йўқ. Акаси ҳам тўй тайёргарликлари билан овора уёқдан буёққ юрибди. Деярли ҳар куни, бўлажак келин билан учрашувга чиқади. Никоҳга ариза, дўхтирлар кўриги, келинга кўйлак танлаш ишлари билан банд эди. Кабира ҳам оз бўлсада уйларида хурсандчилик-тўй бошланганидан қувона бошлади. Акасига қиз ёққан шекилли, бор хаёли ўша қизда. Учрашиб келгач ҳам телефонда гаплашгани гаплашган. Шунинг учун ҳам Кабиранинг кўнгли тинчлангандек эди.
Тўйига уч кун қолганда Ғайрат ўртоқлари билан учрашиб, бўккунича ичиб, уйга алламаҳалда, ҳамма уйқуга чўмган паллада жиққа маст ҳолда кириб келди. Ҳаммаси рисоладагидек кетиб турган жойда, Ғайратнинг шу тун қилган қилиғи ҳаммани юрагига ғулғула солди. У Кабира ётган хонага кириб, унга яна тегажоғлик қилишга ҳаракат қилди. Аммо энди Кабира ҳам ўзини яхшигина ҳимоя қила оладиган бўлганди. Ҳар ҳолда Ғайратнинг нозик жойини билади, ҳеч бўлмаганда ҳар доимгидек тишлаб қутилиши мумкин. Бу сафар вазият унгача етиб ҳам бормади. Кабира нозик гавдаси устига келиб ёпишган бақувват гавдани ўзида қандайдир куч топиб, улоқтириб ташлаб, бақириииб ҳаммани чақирди. Энди у ҳеч кимдан қўрқмайди. Ким нима деса ҳам, ҳатто уйдан ҳайдаса ҳам майли. Бироқ, ота-онасининг хавотири энди бошқа нарсада эди. Бу ҳолат тўйдан кейин ҳам давом этса нима бўлади. Ғайратга на гап таъсир қилади, на бошқа чора! Эртаси куни Ғайрат кайфи тарқаб, ўзига келгач, онасига бу иш бошқа қайтарилмаслигини айтиб, қасам ичди. Унинг қасамининг кучи қанақалигини ҳамма билсада, ўзларини бунга ишонишга мажбурлашди. Бошқа чоралари ҳам қолмаганди. Икки кундан кейин тўй! Ҳаммасига кўз юмиб тўйни эсон-омон ўтказишсин, у ёғи бир гап бўлар!
Кабиранинг онаси тўй ўтгунча юрагини қўлтиқлаб юрди. Аммо тўйдан кейин ҳам бу қўрқув тарқамади. Чунки, ўғлига ишонч йўқ! Яна бирор балони қўзғаб, янги турмушини бузилиб кетишидан хавотирда эди. Келини олдида ҳам ўзини айбдордек ҳис қилар, иложи борича кўнглига қараб, уринтирмасликка ҳаракат қиларди. Ўғли уйда бўлса, келинига ўғлининг ёнидан жилмаслигини, ишларни ўзи қилишини айтиб, хонасига киргизиб юборарди. Ҳар ҳолда унга ўғли энди Кабирага эътибор бермайоргандек туйилаётганди. Аммо Кабира Ғайратнинг қарашларидан юраги беззилаб турарди. Келинойиси-Ҳуснора соддагина, кўнглида кири йўқ, беғубор, эрининг ширинсўзлари-ю эркалашларидан осмонларда парвоз этиб юрган ёшгина, янги келинчак. Эри ўз синглисига кўз олайтириб юриши унинг етти ухлаб тушига ҳам кирмаган, ҳеч кимдан, ҳеч нимадан шубҳаланмас, ёрининг муҳаббатидан сармаст эди. Ҳақиқатдан, Ғайрат ҳам унга жуда меҳрибон, тун-у кун атрофида гирд-у капалак, эркалаб-суйиб Ҳуснорани ўзига ипсиз боғлаб олганди. Аслида ҳам у бунақа ишларга жуда уста, нечта қизни бошини айлантириб, кайф-у сафо қилган. Кабирага етишолмагани ҳалиям унга алам қиларди. Қанча қизни тўрига илинтирган, бироқ ўзининг миттигина синглиси унга ҳеч дов бермайди. Аммо:”Кабира менга ким бўлади? Бундай бузуқликни келиб келиб ўз синглимдан талаб қиламанми? “- деган фикр миясининг бир четида ҳам йўқ эди. Унга фақат ўз манфаатидан бошқаси қизиқ эмас! Ҳақиқатда, ҳаётда шундай разил кимсалар ҳам бор, афсуски!

#кабира

@drabllar

#онлайнасар

Ҳаётий қисса
Муаллиф: МахмудоваКўҳинур
Давоми…
16-қисм
Ҳамма нарсанинг охири бор! Ҳаётнинг ҳам, дарднинг ҳам, қувончнинг ҳам, сабрнинг ҳам! Биз:”Сабрли бўл!”- деган гапни ҳаётимиз давомида кўп бора эшитишимиз мумкин. Аммо мана шу сабрнинг ҳам сўнгги бор! Мана шу сабр косаси тўлганда, биз ўзимизни бошқаролмай қоламиз. Ичимиздан портлаб чиққан туғён куч ато этиб, ҳозиргача ҳаммасига индамай, чидиб юрган жойимиздан тўхтаб, исён қилишни бошлаймиз!
Кабиранинг онаси ҳамиша ўғлининг феълидан хавотирда юриб, қизининг ҳам бир кун ёрилиши мумкинлигини ҳисобга олмасди. Бутун хаёли, ўғлини келинига яқинлаштириш, иккаласи бирга туп қўйиб, палак ёзиб кетганини кўришда эди. Ғайратни Кабирага яқин йўлатмай қўриқлаб юриши ҳам, қизини ҳимоялаш мақсадида эмас, балки ўғлининг оиласи тинч бўлиши учун эди.
Букрини гўр тузатади. Ғайратнинг бу феълини ҳам…
У шундай ғайр эдики, уйда кеч кимга билинтирмай синглисига тегажоғлик қиларди. Ёнидан ўтса-қайтса ҳар ерига тегиб, силаб ўтар, фурсат топилди дегунча суйкалишни бошларди.
Бир куни кечқурун Ғайрат хонасидан жаҳл билан отилиб чиқди. Хотини билан гапи қочиб, унга дағ-даға қилиб, эшикни юзига қарсиллатиб ёпганча, хонасини тарк этганди. Аламини нимадан олишни билмай, тишларини ғижирлатганча залга кириб, телевизорни ёқиб, диванга ўзини отди. Икки кўзи телевизорда бўлсада хаёли бошқа жойда эди. Тишлари билан тирноқларини чайнай бошлади. Кабира ишга кетишга тайёрланиб у-ёқдан бу ёққа ўтиб юрганди. Ғайрат шаҳвати қўзиб, уни залга яқинлашишини пойлаб турдида, яқинлашиши билан оғзини бергитганча қўлидан тортиб залга олиб кириб, эшикни беркитди. Йиғидан кўзлари шишиб чиққан Ҳуснора юзини ювиш учун ваннага кетаётиб, уларни кўриб қолди. Ғайрат Кабирани оғзини бўшатмай, қаттиқ қучоқлаганча ялина бошлади:
- Кабира, жоним. Сен нега бунақасан, ҳеч тутқич бермайсан! Мен сени яхши кўришимни бир неча бор айтганман, гапларимга ишонмайсанми? Ҳуснора мендан аразлаган, мени хоҳламаяпти. Хўп деяқол, ҳеч бўлмаса сен билан хуморимдан чиқай, истаган нарсангни муҳайё қиламан, йўқ дема!
Ҳуснора қулоқларига ишонмай ҳаммасини эшитиб турди. Бошқасига сабри етмай, эшикни очиб хонага кирди. Ғайратнинг кўзлари олайиб, нима қилишини билмай, синглисини дўппослашга тушди:
- Мана сенга, сенми ҳали бизни шарманда қиладиган! Ким у, ким билан донг олишиб юрибсан?
Зумда ўзгарган сценарийдан Кабира ҳам Ҳуснора ҳам ҳайратда. Аммо Ҳуснора эшитганларини аниқ эслайди, ҳалиям қулоқлари остида жаранглаб турибди, бу томоша билан эри уни алдолмайди
- Тўхтатинг, тўхтатинг дедим сизга, бу томошани! Мен ҳаммасини эшитдим! Синглингизни оғзини ёпиб хонага олиб кирганингизни ҳам кўрдим!
Ғайрат Кабирани калтаклашдан тўхтаб ўзини оқлай кетти. -Ҳуснора, сен ҳаммасини нотўғри тушунгансан. Бу ялангоёқ қизни адабини бериб қўймоқчи эдим. Бизни шарманда қилиб, нима ишлар қилиб юрибди!?
Ҳали бу томошанинг бошланиши эди. Кабира энди чидолмади, бор овози билан бақириб йиғлаб юборди. Шовқиндан уйдаги ҳамма югуриб келди. Кабира тезда ўзини қўлга олиб, ичидан қайнаб келган ҳамма гапини гапириб ташлади. Ҳамма ҳаммасини келинойисига айтиб берди. Акасининг асл башарасини очиб ташлади! Келинойисининг ранги оқариб, қўллари қалтирай бошлади. Бор кучини йиғиб:
- Юзсиз, ҳайвон экансан! Сен билан ажрашаман! Сенга бошқа айтадиган гапим йўқ!- деганча хонадан чиқаётган пайти қайнонаси уни оёғига ўзини отиб, ялинди. Кабиранинг гапларини ёлғонга чиқариб, уни акасига туҳмат қилишда, бахтини кўролмай, оиласини бузмоқчиликда айблаб, катлаклашди. Мақсад акасининг оиласини сақлаб қолиш бўлсада, Кабира ўзига қилинган бу адолатсизликдан кейин бу уйда ортиқ бир сония ҳам яшолмаслигини ҳис қилди.
Онаси унинг қаердалигини билсада, аммо дадасига индамай юрганди. Кабира ўша куни уйдан қочиб чиқиб, Ҳамидаларникига борди. Ич-ичидан у бутун оиласидан воз кечганди.

#Кабира


@drabllar

#онлайнасар
Ҳаётий қисса
Муаллиф: МахмудоваКўҳинур
Давоми…
17-қисм
Бунчалик хор ва масхара қилишларини кутмасдан, аллақачон уйдан кетиб, улардан воз кечишим керак еди- деб ўйлади.
Ҳамидаларникида яшаб, ўз оиласида кўрмаган ғамхўрлик-у меҳрибочиликни ҳис қилди. Уйдан кетиб тўғри иш қилганига яна бир бор ишонч ҳосил қилди.
Одатда ёзги таътилда Ҳамиданинг тоғаси бутун оиласи билан қишлоққа келиб яшарди. Кабира уйидан қочиб борганида ҳам, ҳовлида биргалашиб Ҳамида ва бувисидан ташқари, тоғаси, келинойиси, уларнинг икки ўғли ва бир қизи ҳам яшаётгани учун у йерда қолишга хижолат бўла бошлади. Aйниқса, Ҳамиданинг тоғасининг тўнғич ўғли- Фирдавсдан ёцираб, ҳеч қулайини тополмаётган еди. Ҳамиданинг бувиси ўғлини ёнига чақириб, Кабира ҳақида гаплашишди:
-Кабира менинг неварамдек азиз бўлиб қолган. Унинг бошидан кечирган кўргуликларини ҳам яхши биламан. Сен ҳам озми кўпми хабардорсан. Ҳозир уни уйимизда яшириб ўтиришимиз балки, тўғри емасдир. Aммо мен бу қизни уйига қайтиб, олдингидек зўравон акасининг қўлида қийналиб яшашини ҳам умуман истамайман. Aллоҳ гувоҳ, ёмон ниятда бу қизга уйимиздан жой бермадик. Бир савобли амални бошладикми, охиригача давом еттириш керак. Ҳали олдинда нималар бўлиши фақат Aллоҳгагина аён, балки ота-онаси топиб келиб, олиб кетар. Aммо биз Кабирага қўлимиздан келганча ёрдам бериб, уни ҳимоя қилсак, ИншаAллоҳ бу ишимиз Aллоҳга хуш ёқади.
- Тўғри Онажон. Бунга менинг еътирозим йўқ. Фақат ота-онаси топиб келиб, жанжал қилиб, устимиздан судга мурожаат қилмасин деб қўрқаман.
- Биз бир қизни ҳимоя қиляпмиз! Буёғига Aллоҳ хоҳлагани бўлади.
- Охири бахайр бўлсинда, ишқилиб. - ўғли негадир ўйланиииб турдида яна давом етди
-Ҳозир менинг хаёлимга келган бир фикрни ҳам сизга айцам, сизнинг яхши билан ёмонни фаҳмига йетишингизга шубҳам йўқ! Бу қизнинг ҳам бирор айби бўлганида еди, табиийки сиз уни бунчалик ҳимоя қилмасдингиз. Демак, Кабира ес-ҳушли, яхши қиз.
- Ўғлим, нимани ўйлаганингни тушунгандекман- енди мавзу бутунлай бошқа томонга бурилиб кетганди.
- Ҳа ўзимни онам, сиз мени ичимдагини уқасиз. Фирдавс ҳам институтни келаси йил битиради. Уни ҳам бошини иккита қиладиган пайт яқинлашиб қолди.
- Кабирани кўз остимга олиб қўйганимга анча бўлган. Ҳақиқатда, жуда яхши қиз. Ҳамида билан бир тан-у жон, қиёматлик дугона! Aммо бу масалани яхшироқ ўйлаш керак, қолверса ёшларнинг ҳам фикрини билмасдан туриб, қарор қилиш тўғри емас. Фирдавсжон болам ўқишини тугатиб олсин, унгача Кабира ҳам коллежни битиради. Шошмай турган маъқул!
- Хўп Онам, сиз нима десангиз шуда!
- Сенга айтмоқчи бўлган гапим сал қолса ёдимдан кўтариларди. Фирдавсжон билан укаси Фаррухни шаҳарга жўнатиб юбормасак бўлмайди. Яқинда ўзи ўқиши ҳам бошланиб қолади. Нари бериси икки ҳафта қолди. Кабира ҳам уларнинг олдида юришга хижолат бўлаётгани билиниб турибди. Кеча оқшом Ҳамидага очиқ айтмаган бўлса ҳам, кетадиган бошқа жой топмасам бўлмайди дебди. Балки, бир томондан отаси уни бу йердан топиб олишидан қўрқаётгандир. Лекин бир-бирига бегона, бўй йетган қиз билан йигит бир хонадонда туриши ҳам жоиз емас.
- Сизни тушундим, Она! Ертагаёқ йигитларни шаҳарга жўнатиб юбораман. Бир ҳафтага қолмай ўзим ҳам кетаман, таътилим тугайди. Келинингиз ва набирангиз Фарзона мактаб бошлангунча юришади.
-Жуда соз, сен айтган масалани келин билан ҳам бир гаплашиб кўраман. Қолганига Худо пошшо!
Кабира йигитлар кетгач ўнғайсизлиги анча тарқагандек бўлди. Ҳамида уларни бувиси кетказиб юборганини айтганда, Кабира ҳайратда қолди. Унинг хавфсизлиги ва қулайлигини ўйлайдиган инсонлар ҳам борлигидан боши кўкка йетди. Қани енди ўз ота-онаси ҳам уни шунақа ўйлашганда еди. Уларнинг бу меҳрибончилигидан қанчалик қувонмасин, ундан икки чандон кўп хижолат чекаётганди. Aммо бу оиладаги ҳеч ким Кабирага ёмон муносабатда емасди. Ҳамма унинг кўнглига қарар, худди шу оиланинг аъзосидек кўришарди.

#Кабира

@drabllar

#онлайнасар

Ҳаётий қисса
Муаллиф: МахмудоваКўҳинур
Давоми…
18-қисм
   Ҳамма унинг кўнглига қарар, худди шу оиланинг аъзосидек кўришарди. Кабира бир ҳафтача уйдан чиқмай юрди. Кейин иш жойини ўзгартириб, қўшни қишлоқдаги кичкина бир тикув цехида ишлай бошлади. Қўлидан келганча уй ишларига ёрдамлашиб, Ҳамида билан бувиси унашмасада, рўзғор харажатларга ҳам ўз ҳиссасини қўшишга ҳаракат қилди. Анчагина юзлари тўлишиб, кайфияти ҳам чоғ бўлиб юрадиган бўлди. Кабира қанчалик яшириниб юрмасин, барибир уйдагилари уни қаердалигини билишарди. Онаси ҳам дадасига айтмагани билан, шундоққина қўшни маҳаллада яшаб юрган қизи ҳақида хабар топмай қолмагани аниқ! Аммо акасининг оиласи бузилмаслиги ва Кабиранинг ўз хоҳиши билан ҳеч кимга билдирмай уйдан қочгани учун ҳам ҳеч ким уни уйга қайтаришга ҳаракат қилмади. Бир томондан тинч юргани учун кўнгли хотиржам бўлсада, бошқа томондан ўз уйида заррача қадри йўқлигини янаям очиқроқ билгани сабаб юраги алам билан тўлганди.
    Бу орада Ҳамиданинг синглиси Ҳалима ҳам келиб-кетиб турганди. Уччала қиз бир бўлиб мазза қилиб гаплашиб, нимадирлар ижод қилиб пишир-куйдир қилишар, онда-сонда шаҳарга ҳам тушиб, айланиб келишарди.
     Кабира ўзини тамоман эркин ҳис қила бошлади. Ўзи истаганидек яйраб-яшнаб яшаётганди.
Ҳамиданинг отаси ҳам орада уйланди.  Ҳамида бунга ичида қанчалик қарши бўлмасин, ташига ёриб чиқаролмади. Энди ота уйига ҳам бормай қўйганди. Кабиранинг улар билан яшаётгани эса Ҳамида учун айни муддао бўлди. Ҳар кеч дардлашадиган одами бор. Айниқса, ҳар иккисининг ҳам бошига тушаётган қийинчиликлар уларни янада бир-бирини ҳис қилиб, тушунишига сабаб бўлаётганди. Кабира учун Ҳамида ўз туғишган опасидан ҳам азиз! Ўз опаси оғир кунида ёнини олиш у ёқда турсин, аксинча, ундан юз ўгириб, ҳатто тузук гаплашмай ҳам қўйганди.
  Шу зайлда беш ой ҳам шув этганча ўтди, кетди. Ҳар ҳолда, Кабира учун уйида бир сониянинг ҳам ўтиши қийиндек туюлгани учун, Ҳамидаларникида вақт қандай оқиб кетганини сезмай қолганди.
     Кабира охирги бир ҳафтадан бери ўзгариб қолган. Умуман кўзига уйқу келмас, олдингиданда кўпроқ ўй суриб, паришонхаёл бўлиб қолган. Ичида туғён ураётган ҳислар нимани англатишини тушунолмай ҳалак. Кўнгил, кўнгил, кўнгил! Ажиб ширин, аммо ўта кучли ҳаяжонга солиб юракларни ҳапқиритириб юборадиган туйғунинг номи нима?

   У жуда келишган, алпқомат, нимасидир ўзига оҳанрабодек тортувчи ва энг асосийси хушомад қилишни ҳам жой-жойига қўядиган устомон бир йигит! Кимдир сени севиб-ардоқлаши, кўнглингга қараб муомала қилиши, ҳимоя қилиши, меҳр бериши қандай ёқимли а! Эҳҳе, Кабира учун бу туйғулар қанчалик бебаҳо ва қадрли! Бир инсон ёнингда туриб сени борлигингдан қувонса, сенла суҳбат қуриб ором олса бундан ортиқ бахт бормикин? Энди Кабира ўша йигит- Нозимни ҳар куни кўрмаса юраги ҳеч нимадан тўлмайдиган, қўли ишга бормайдиган бўлиб қолганди. Ким у? Қаердан пайдо бўлиб қолди билмайди?
   Бошида ҳар куни ишга кетаверишда Кабирага кимдир кузатиб келаётгандек туйиларди. Аммо тўрт томонга аланглаб ҳам кимлигини билолмасди. Бу ҳол бир ҳафтадан зиёдроқ давом этди. Кейин эса ўша кўринмас кузатувчи Кабирага кўриниш берди. Кабира анча вақт ўзини олиб қочиб юрди. Аммо йигит ҳар сафар унинг ортидан келиб:
-Кабирахон, сиз билан гаплашиб олсак майлими?- деганда ҳаяжондан юраги уришда тезлашиб кетар, айтишга сўз тополмасди. Ахийри, бу саволлар ўз жавобини топди. Суҳбат қуришга ошно қалблар ўз суҳбатдоши ила дийдор қўришишди. Кабира умрида биринчи бор шундай хушмуомала,  меҳрибон эркак билан рўбарў бўлаётганди. Энди у ишдан иложи борича вақтлироқ чиқишга ҳаракат қилар,  Нозим билан узундан-узоқ гаплашиб, унинг овозини эшитишни хоҳларди.

#Кабира

@drabllar