#ТУТҚУНЛИКДА

ТУТҚУНЛИКДА 10 КУН (5-Қисм)

-Бекор қилдинг. Боласидан қутулиб эмин-эркин пул ишларди. Фигураси зўр эдида, -деб Оля маст ҳолда пичоқни суғуриб олди. Ҳомилани жанда-жунда латтага ўраб, ахлатга ташладик. Қизни Данил билан Миша гиламга ўраб машинага ортишди. Анҳорга ташлагани олиб кетишди. Пичоқни жавоннинг устига қўйдим. Ёпиғлик қозон ёпиғлигича қолиши мумкин эди. Рўпарамиздаги «дом»да ўрис эру хотин яшайди. Нима балоларни ахлатдан териб юришади. Шу пасткашлар туфайли сиримиз очилиб қолди. Органдан келиб ҳомиладор аёллар суриштирила кетди. Қўшнилар «шу уйда иккиқат қиз супур-сидир қиларди», дебди. Қизнинг ўлиги ҳам топилди. Хуллас, Оля опа қамалиб кетди. Пичоқда унинг бармоқ излари бор эдида.

-Бу яхшилик эмас, ваҳшийликку? Сиздан нафратланаман. Сиз инсон эмас, алвастисиз.

-Унингни ўчир. Боя кўзини қўрқитдим, деб керилма. Беш минутда сени ҳам асфаласофилинга жўнатаман. Унинг ўзи нонтепкилик қилиб менга пичоқ ўқталди.

-Анзират опа, бу бировга қилган яхшилигингиз бўлса, ёмонлигингиз қандай бўлади?

-Ёмонлигимни «Заргар»дан кейин кўрсатаман.

-Мастура беканинг шогирди Анзират бека қандай қилиб бир ожизага қоровуллик қилишни ор билмаяпти. Кимсан «Заргар»нинг қироличаси?

-Аҳмоқ қиз. Мен бу ерга топшириқ билан келганман. Ит эгасига вафо қиладими, йўқми билишим керак.

-Рашидми? - «Заргар»дан олдин сенга қўл теккизса ҳам боши кундада. Тунги ўлжадан улушини бермаса ҳам ажалидан беш кун бурун ўлиб кетади.

-У мен ҳақимда биладими?

-Ҳа. Келган кунинг мулладан эшитган. Сен ҳам ўлжа ҳисобланасан. Фақат тирик ўлжа бўлганинг учун иккига бўлинмайсан.

-Нега мени бир ҳафтадан буён қамаб қўйишган. Шеф чақиртирмаяптими?

-Биринчидан «Заргар» сен баҳона Рашиднинг содиқлигини синаяпти. Агар у сенга кўз олайтирса, демак хоинлик қилади. Иккинчидан, сени бу исқирт ҳолингда «Заргар» қабул қилмайди. Рашид ўлжа билан қайтса, сени парваришлайди.

-Қандай қилиб?

-Бошингга тушса, кўраверасан.

-«Заргар» шу қадар олифтами?

-Йўқ, дидли, фаросатли. Тўғри келган нарсани таъби тортавермайди. Фақат тоза нарсаларни ейди.

-Қоровул кўпми?

-Кўп. Унга бас келолмайсан. Сен мени ваҳший дединг. Ичмаганимда балки Наргизага дўхтир чақиртирардим. Лекин «Заргар» одам боласини ўлдириб, қийнаб ором олади. Кўзига ёмон кўринганни соғ қўймайди.

-Уни орган одамлари билмайдими?

-У жуда айёр. Қоровуллик қилади, деб айтдимку. Баъзан кўнгилли бўлиб жиноятларнинг очилишига ҳам ёрдам беради. Оддий магазин қоровулидан ким ҳам шубҳаланади?

-Ё тавба. Унда ўғриларга бош бўлишга қачон вақт топади?

-Ҳеч кимга айтмаганман. Сен ҳам бировга айтма, унинг қиёфадоши бор. Борганингда бу сирни билишингни сездириб қўйма. Ҳатто ўғрилар ҳам билмайди. Ҳайрон бўлдингми? Пул бор жойда нималар қилиб бўлмайди, қизалоқ.

-Унинг уйи қандай? Ўғрилар тўпланганда биров билмайдими?

Давоми бор...


https://tttttt.me/drabllar

#ТУТҚУНЛИКДА

-Дўкон орқасида унинг икки қаватли уйи бор. Билмаганларга бир қават бўлиб кўринади. Чунки ярим метрча ер юзида пойдевор бор. Тепасида 5 хонали уй, узун айвон. Пойдевор таги анча ковланиб, ер остидан уйнинг биринчи қавати қурилган. Борсанг, кўрасан. Нақ жаннатнинг ўзи. Биринчи қаватга яширин эшик орқали кирилади. Кнопкани босасан. Ер остидан эллик қадамча йўлак қилинган. Бу йўлакдан кўчанинг нариги бетидаги икки қаватли бинога кириб борилади. Айшу ишрат ўша ерда. Уйни Рустам исмли хизматкорнинг номига ҳужжат қилган. У комбинатда ҳисобчи бўлиб ишлайди. Ундан ҳеч ким гумонсирамайди. Ҳиндларнинг киносида кўргандирсан, уйнинг ўртасида икки томонга олиб борадиган зина. Беихтиёр уйнинг чиройлигини кўриб, беҳудага лақаби «Заргар» эмаслигини тушунасан. Тилло тақинчоқларга жуда ўч, у мараз. Отамдан қолган тақинчоқларимга ҳам эга чиққан. Лекин унга бас келолмайман. У мендан бой, мендан зўр. Кўз очиб кўрадиганинг ҳақида ҳам батафсил сўраб олдинг. Эртага Тожикистонга кетаман. Мол олиб келишим керак. Ундан Сурхондарёга, кейин Тошкентга. Сафарим оғир, бугун дам олишим керак эди. Лекин Рашид келиб ўлжасини яширадими, деб ўйлаяпман. Катта пул билан кетишим керак. Уйқуни қочириш учун «чифр» дамлаб ичамиз.

-У нима?

-Чой. Қора чойни мўл қилиб соласан. Кейин шўртаккина қурт билан аста-аста ҳўплаб маза қиласан. Бу «зек»лар ичадиган чой. Ичасанми? Ўлардай чарчасанг ҳам тетик қилади. Биз у ёқда қизлар билан шундай чойхўрлик қилардик.

-Йўқ, мен дам олмоқчиман. Уйқум келяпти. Эрнест қаерда?

-Буни сенга қизиғи йўқ. Терговчидан ҳам ўтиб тушдингку, асира. Ундан кўра хушомад қил. Фоҳишахонада сени биринчи қилиб қўйишим учун.

- Мен ҳеч қачон у ерга бормайман. «Заргар»га ҳам емиш бўлмайман.

- Бунча катта кетдинг.

-Ундан кўра жонимдан кечиб қўя қоламан.

-Ихтиёринг, жойинг жаннатдан бўлсин. Бироқ сени ўлгани қўйишмайди. Ҳа, майли, ухла. Эрнестдан хабар олайчи. Сени савоб учун тамадди қилдирдим. Нон тепкилик қилма, қочишга уринма.

-Анзират опа, мени қўйиб юборинг. Шунча қизнинг бошига етганингиз камми? Ўзингиз азобини тортгансиз.

-Мен Анжеликаман. Анжелика бераҳм, бешафқат, беҳаё, қотил.

Унинг оёғига ёпишиб ялиндим. Боягина мулойимлашган чеҳра қаҳрли тус олди. Қорнимга бир тепиб эшикка йўналди. Мен оғриқдан гапиролмай қолдим.

-Яна бир марта Анзират десанг, тилингни кесиб оламан,- деб у эшикни орқасидан қулфлаб кетди. Оғриқ ўтиб кетди. Мен аёл ҳақида ўйлай бошлагандим. Анзират, деб чақирилиши нега унга ёқмайди? Анжелика деса нега ваҳшийлашади? Ўйлаб-ўйлаб аёлнинг асл исми армонларини эслатиб безовта қилса керак, Анжелика деганда эса ўзининг ўтмишини унутади, у шаддод, беҳаё аёлга айланади, деган фикрга келдим. Бир аёлда икки исм. Бир аёлда икки қалб. Назаримда худди менинг эртанги куним ҳақида фол очиб бергандек туюларди. Наҳот, мен Анжелика босиб ўтган сўқмоқлардан юрсам? Йўқ, ундан кўра ўлим афзал.

Бир ҳафта тикан устида ётгандек машаққат билан ўтди. Меҳрибоним-дадажонимнинг ҳам еттиси ўтгандир. У киши ҳаёт бўлганларида мени бу аҳволга сира ташлаб қўймасдилар. Онам ғам билан, таъзия билан андармон бўлиб мени унутганмикан? Милиция нега мени тополмаяпти? Жиноятчи сифатида излаб топишса ҳам майлийди. Эй худо, мен ожиза қизчани шу нобакорларга, дадажонимнинг, дўхтирнинг қотилларига ем қилма. Шунча кун асрадинг. Яна асра. Токи мени топиб олишгунча мендан кўз узма, художон. Йиғлаб-йиғлаб, оллоҳимга илтижолар қила-қила кўзим илинибди. Ғовур-ғувурдан уйғониб кетдим. Эшик ортига бориб шовқинга қулоқ тутдим. Яна бир оила бу касофатлар туфайли фожиага юз тутди, ҳаловатини йўқотди, шекилли. Ишқилиб, улардан бирортасини ўлдиришмадимикан? Бойлик топиладиган нарса. Ташқаридан Рашиднинг баланд, мамнун овози янгради:

Давоми бор...


https://tttttt.me/drabllar