Аёл

Аёл тугунни чап қўлига кўтарди. Боласини ўнг қўлига олди.
— Болам, энди биз бу ерлардан кетамиз.
Ортиқчалик қилиб қолдик.
Кўзлари, юзлари кўкарган аёл оғриқлардан оқсаб оқсаб қадам босди.
Дарвозага яқин келганида боласини ерга қўйиб, ҳали ҳам спиртли ичимликдан ўзига келмасдан уйқуда ётган эрининг ёнига косада сув, бошига ёстиқ қўйди.
Кейин яна йўлида давом этди.

Нуриддин Зиё

@drabllar | қисқа ҳикоялар

Кўҳликкина жувон сочига қўл текканини сезди-ю, шартта ўгирилиб, ортида турган эркакнинг бетига тарсаки туширди.
— Уятсиз! Аблаҳ!
Жувон жўнаб кетди, сал нарида турган йигитлар келиб, эркакни ерга чўзиб ташлашди.
— Аёлга нега тегиндинг, болам?

давомини ўқинг…

ТAРБИЯМ ЙЎЛ ҚЎЙМAЙДИ (ҲAЖВИЯ)

— Вой ярамас-эй!..
Бу хотиннинг нега мени сўкаётганини тушунолмай қолдим. «Кечирасиз, нега мени сўкаяпсиз?» деб сўрамоқчи ҳам бўлдим. Aммо индамай қўя қолдим.
— Яна кўзини лўқ қилганига ўлайми? Мен сенга кўрсатиб қўярдим-у аммо тарбиям бунга йўл қўймайди-да.
Aвтобус йўловчилар билан тирбанд эди. Ҳамма бизга тикилиб қарарди. Мен яхшиси сукут сақлаган маъқул деб ўйладим. Aммо хотиннинг жағи тинмасди:
— Сурбет!..Тўнка!..Aблаҳ!..Тарбиянинг кўчасидан ўтмаган галварс! Қандай оиладан эканлигинг шундоқ кўриниб турибди!..
Икки марта оғиз жуфтлаб, «Хоним, ўзингизни қўлга олинг!» демоқчи ҳам бўлдим. Aммо яна индамадим.
— Тупурдим юзингга! Aгар тарбиям йўл қўйганда эди, сенга кўрсатиб қўярдим...
Aтрофдан танбеҳлар ёғила бошлади:
— Уят эмасми! Aёл кишига ҳам шунақа муомала қилинадими?
— У нима қилибди ўзи?
— Шилқимлик қилган бўлса керак.
— Эҳтимол оёғини босиб олгандир.
— Сиз қаёқдан биласиз, балки қўлига эрк бергандир...
Aгар шу тобда автобус тўхтаса эди, иккиланмай тушиб қолган бўлардим. Ҳалиги хотин эса ҳамон пулемётдай тинимсиз жаврарди. Уни тинчитишга ҳеч кимнинг ҳадди сиғмасди...
— Уят деган нарса йўқ экан-да! Одоб деган нарсанинг кўчасидан ҳам ўтмаган! Aёл кишининг иффатини қаёқдан ҳам билсин. Aфсус, тарбиям йўл қўймайди-да...Мен сенга кўрсатиб қўйган бўлардим!..
Ё тавба!..Кошки бирон айбим бўлса!..Унга тирноғимнинг учи теккан бўлса тил тортмай ўлай! Aгар теккан бўлса ҳам менинг айбим нима? Aвтобус тирбанд бўлса...
— Вой пасткаш-эй! Тарбия кўрган аёлга дуч келганинг учун шукур қил. Aкс ҳолда мен сенга...
Мен терлаб кетдим.
— Бунақа ярамаслар атай тирбанд автобусларга ўтиришади...Мен сенга...Омадинг бор экан, тарбияли аёлга дуч келдинг...
Чамаси, тоқатим тоқ бўлди. Менинг ўрнимда тош бўлганда ҳам портлаб кетарди.
— Шукур қил, мен тарбия кўрган аёлман. Aкс ҳолда оғзингдан қулоғинггача йиртиб ташлардим.
Йўловчилардан ҳеч ким ёнимни олай демасди. Ҳамма хотиннинг тарафида эди:
— Эҳтимол шилқимлик қилгандир...
— Хотин нима десаям барибир ҳақ!
— Ҳаддидан ошиб кетган-да! Ҳамма нарсанинг меёри бор.
Охир-оқибат хотин тиниб-тинчиш ўрнига яна баттар жазавага туша бошлади.
— Вой аблаҳ-эй! Вой ярамас-эй! Aгар жа-а ҳирсинг жўшиб кетган бўлса, қаерга бориш кераклигини кўрсатиб қўйишим мумкин. Тушундингми? Тушундингми деяпман? Худо ҳаққи агар тарбиям йўл қўйганда эди...
Бас. Пичоқ суякка етди. Ҳамма нарсанинг чеки-чегараси бор. Тирсакларим билан ўзимга йўл очиб, хотиннинг олдига бордим, қўлларидан тутиб дедим:
— Хоним, айтингчи, мен сизга нима қилдим ўзи?
Хотин хо-холаб кулиб юборди:
— Одамлар! Мана бу бечорага бир қараб қўйинглар! У ҳам ўзини эркакман деб юрибди. Сен қаёқдан пайдо бўлиб қолдинг? Наҳотки сен ҳам эркак бўлсанг? Наҳотки мен сенга гапирган бўлсам? Энсамни қотирма! Бор-э тошингни тер! Сенга гапираман деб ҳеч кимнинг кўзи учиб тургани йўқ. Мен ана бу баланд бўйли, келишган йигитга гапиряпман...
Aвтобус Тақсим майдонида тўхтади. Aвтобусдан қандай сакраб тушганимни сезмай қолдим. Хотин ҳамон жаврарди:
— Қариб қуюлмаган галварс! Хомтама бўлиб менга гапирган деб ўйлаганига ўлайми?..Aфсуски тарбиям йўл қўймайди-да, акс ҳолда тавбасига таянтириб қўярдим!
Ёшинг ўтиб қолса қийин бўларкан. Ҳатто хотинлар ҳам сени сўкмай қўяркан...

Aзиз Несин
Шодмон Отабек таржимаси

@drabllar | қисқа ҳикоялар

БЕКАТДА

Кўҳликкина жувон сочига қўл текканини сезди-ю, шартта ўгирилиб, ортида турган эркакнинг бетига тарсаки туширди.
— Уятсиз! Аблаҳ!
Жувон жўнаб кетди, сал нарида турган йигитлар келиб, эркакни ерга чўзиб ташлашди.
— Аёлга нега тегиндинг, болам? - сўради бир чол.
Эркак йиртилган лабига кафтини босди:
— Сочида чаён ёпишиб турган экан, уриб туширмоқчи бўлдим. У мени нотўғри тушунди, шекилли.
— Туширдингми?!
— Йўқ.

Шониёз Мелибоев

@drabllar | қисқа ҳикоялар

​​СУТ

Эшикдан қизча мўралади.
– Сут берайкансиз, эна.
– Вой, айланай-ей!
Ойхол момо унга сут берди.
– Сигирнинг сути кўп, келаверинглар.
– Раҳмат.
Қизча уйнинг ортига ўтганида, момонинг келини йўлини тўсди.
– Сигир олсаларинг бўлмайдими?
У пақирчани юлқиб олмоқчи бўлди, қизча музда тойиб йиқилди, сут устига тўкилди.
Йиғлаб уйига қайтди қизча...
...Келин чақалоқ қилган, йиғлаб кўкрагини сиқади, бир томчи сут йўқ!

Шониёз Мелибоев

@drabllar | қисқа ҳикоялар

ПАЛТО

Аёл сақичдай қора, кумушдай товланаётган мўйнали палтони кийиб, ўзини ойнага соларкан, чарос кўзлари яшнаб кетди, лекин дарҳол лабларини қимтиб, тўқ қизил, савлатдор диванда газета варақлаб ўтирган эрига оҳиста, ишвали оҳангда сўз қотди.
— Ярашдими, дадаси?
Эр бир-иккита оқ оралаган, қуюқ сочли бошини хиёл кўтарди, симобранг гардишли кўзойнаги тепасидан бирров назар ташлаб: «Ярашди, жуда ярашди!» деди-да, ўз юмушида давом этди.
Аёлнинг ҳилолсимон қошлари чимирилди: «Пандавақи. Ақалли қайси пулингга олдинг ҳам демайди-я...»

Қамчибек Кенжа

@drabllar | қисқа ҳикоялар

Сиқилма эй қалб!
Ҳар кечанинг бир тонгги, ҳар қишнинг бир баҳори бордир!..

Ассалому алайкум ва роҳматуллоҳи ва барокатуҳ!

https://tttttt.me/drabllar

КАФОЛАТ ҚАНИ?

Давра катта эди. Суҳбат қизигандан қизиди. Кимдир:
— Ҳозир Азроил алайҳиссалом келса-ю: "Уч кундан кейин жонингни оламан, тайёргарлигингни кўравер", деса, нима қилардинглар? - деб ўртага савол ташлади.
— Барча гуноҳларим учун тавба тазарру қилардим.
— Кеча-кундуз намоз ўқирдим.
— Ота-онамнинг розиликларини олардим.
— Барча қарзларимни тўлаб чиқардим.
— Молимнинг катта бир қисмини бева-бечораларга бўлиб берардим.
Ҳалиги киши яна гап ташлади:
— Нимага шу ишларни ҳозир қилмаяпмиз? Ё ичимизда биров яна уч кунгача тирик қоламан, деб қатъий ишонч билан айта оладими?

"Шарқ ҳикоят ва ривоятлари” туркумидан

https://tttttt.me/drabllar

Навбат

— Менинг онам!
— Йўқ!! Менинг онам!!
Набираларининг жон-жаҳди билан она талашишларини мунгли кўзларига ёш олиб кузатиб турган Ҳалима аянинг хаёллари ўғлининг дадил овозидан тўзғиб кетди:
— Ойи, кетдик. Келинингиз нарсаларингизни йиғиштириб қўйибди, бу ой акамнинг навбатлари...

Аржумандбегим

https://tttttt.me/drabllar

АҚЛЛИЛИК БАЛОСИ

− Биласан, ўртоқ, мен ёшлигимдан отни яхши кўраман. Шу... кейинги пайтда отим кўп касалланадиган бўлиб қолди. Мол дўхтири муолажа қилса, анча ўзига келади-да, кейин тағин мазаси қочади. Ҳайронман, отим кўп оғрийди-ю, эшагимга бало ҳам урмайди...
− Нимасига ҳайрон бўласан! Жониворлар ҳам одамга ўхшайди. От – ақлли жонивор, кўп ўйлайди, эшак эса ғирт аҳмоқ. Шунинг учун касал ҳам бўлмайди!

Ўткир Ҳошимов

https://tttttt.me/drabllar

Ассалому алайкум ва роҳматуллоҳи ва барокатуҳ!

Хайрли тонг!
Бошланган кунимиз файзли бўлсин. Самимий қалбларимиз ҳеч қачон самимиятдан чарчамасин!

https://tttttt.me/drabllar

Китоблар тақдири

«Китоб бериб юборган экансиз, ҳали ўқишга улгурмадим».
«Китобингизни олдим. Бир-икки варақладим. Бирор кун ўқирман».
«Сизникига меҳмонга борганда қизим китобингизни сўрамасдан олиб кетибди, бошини кўтармай ўқияпти. Узр-а... Китобингизни бизга совға қилмайсизми?»

Ҳилола Иброҳимова

https://tttttt.me/drabllar

Ҳадя

Қиз ҳаяжон билан стол устидаги жўнатма қутисини силаб-сийпаларди.
«Қандай яхши! Қандай ажойиб! Туғилган кунимни унутмабди! У мени севади! Нақадар бахтлиман! Қизиқ, ичида нима бор экан? Узукми? Гулларми? Балки мен ёқтирган атирдир? Ҳозир кўзларимни юмиб, қутини очаман ва ичида нима борлигини билволаман... Қандай ёқимли дақиқалар...»
Эшик тақиллади.
– Кечирасиз, яхши қиз, марҳамат қилиб жўнатмани қайтарсангиз... Манзилни адаштиришибди...

Хуршида Абдуллаева

https://tttttt.me/drabllar

"Ишбилармон" бошлиқ

— Бўш ўрин бор-ку, нега уни ишга қабул қилмадингиз? — сўрашди бошлиқдан улфатлари.
— Эй, жўралар, унда билим кучли экан...


Тошпўлат Тусназаров

https://tttttt.me/drabllar

✨ Ассалому алайкум ва роҳматуллоҳи ва барокатуҳ!

Яна бир тонгга етказганига шукур!
Кунингиз файзли, хотиржам ва осойишта ўтсин!
Юзингиздан табассум, қалбингиздан меҳр-муҳаббат аримасин!

https://tttttt.me/drabllar

​​​​​​​​​​​​​​Нур

Учгача санайман, чироқ
ёнади, — деди Асрор, сўнгги шамнинг тугаб бораётгани ҳақидаги хаёллардан ҳаммани чалғитиб. Болаларнинг кўзи лампочкага қадалди.
— Би-и-ир. Икки-и. Икки я-а-арим... Тайёрмисизлар!?
— Дадамдан кейин мен санайман, — деди учовлоннинг кичкинаси,
— Кейин мен.
— Кейин мен.
Бирин-кетин болалар навбат олишди.
— Ойи, сиз ҳам санайсизми?
— Менми!? Аёл нафасидаги сукут садосидан, ҳамма жим қолди.
— Мен дадангиз уч деганда чироқ ёнишига ишонаман...
Шам ўз кўз ёшига ботди. Аммо эркак аёлининг табассумини ҳали ҳамон тиниқ кўриб турар эди.
— Уч...

Аржумандбегим

https://tttttt.me/drabllar

#мутолаа

"Ҳозир қўлимга милтиқ бериб қўйишса-ю, дарвозадан отам билан онам кириб келишса, шартта отардим. Ана ундан кейин ўзимни ҳам отиб юборишса, майли. Йўқ, аввал суд бўлиши керак. Судда гапиришим шарт. "Боласини ташлаб кетган ота-онанинг жазоси шу", - дейман..."

"Алвидо болалик"дан

https://tttttt.me/drabllar

Донолик

Бешинчи қаватдаги хонада ўтирган аёлга қўлёзмани узатдим. Шу чоқ дераза шақиллай бошлади.
– Зилзила! – қўрқиб кетдим мен. − Чиқиш керак!
– Ўтиб кетади, − деди аёл. − Ҳовлиқманг. Ўзингизни босинг.
У мени қўрқоқ деб ўйлаяпти чоғи! Жойимдан жилмадим, аммо силкиниш тўхтамагач, эшикка отилдим.
Бир соатдан сўнг тепага чиқдим.
– Сиз доно экансиз, – дедим аёлга. – Ростдан ҳам ўтиб кетди.
– Кошки, − жавоб берди у табассум қилиб. – Менинг оёқларим ишламайди.

Шониёз Мелибоев

https://tttttt.me/drabllar

✨ Ассалому алайкум ва роҳматуллоҳи ва барокатуҳ!

Яна бир гўзал тонгни қарши олганимиз учун ҳамд бўлсин!

Тонгда 3 нарсани унутманг:
✨Шукрни;
✨Яхши ниятни;
✨Режа тузишни.

https://tttttt.me/drabllar

Заковат

Эр аёлининг ғашига тегмоқчи бўлиб:
— Нима учун Аллоҳ таоло аёлларни гўзал қилиб яратган?! - дея сўради.
— Чунки сиз эркаклар уни севишинглар учун! - жавоб берди аёли.
Эр яна қитмирлик қилиб:
— Нима учун Аллоҳ таоло аёлнинг ақлини ноқис қилиб яратган?! - деди.
Аёл эса пинагини бузмай:
— Чунки у сиз эркакларни севиши учун! - дея жавоб қайтарди.

https://tttttt.me/drabllar