Пора

Шифокор қабулида.
Доктор:
— Сизни нима безовта қиляпти?
Бемор:
— Беш йил олдин билимсизлигингга 5 қўйиб берганим.

Хушнуд Тошпўлатов

Драбллар | қисқа ҳикоялар канали

ЕР ВА ОСМОН ОРАСИДА

— Сиз осмон билан ер оралиғида қолиб кетганмисиз ҳеч? -сўради нотаниш киши бекатда ўтирганимда.
Беҳосдан бу саволдан шошиб қолдим.
— Ахир биз осмон билан ер оралиғида яшаймиз-ку! -жавоб бердим ўзимни ақли суст эмаслигимни билдирувчи оҳангда.
— Сиз шукур қилинг, укажон, сизнинг оёғингизни ер ўзига тортиб турибди экан.
— Сиз осмон билан ер оралиғидамисиз? — сўрадим беихтиёр.
— Билмадим, ука, ҳозирча бир оёғим ерда, бир оёғим гўрда. Шунисига ҳам шукур. Ҳозиргина ўғлим бекатни олдидан машинасида ўтиб кетди. Ёнидаги аёлга илакишиб қолган. Уч боласи билан хотини кетиб қолди. Набираларимнинг ҳолидан хабар олиб қайтяпман. Ўғлимнинг оёғини ер тутгиси келмай қўйиб юборди. Бир кун омонатини топширса, уни қай йўл билан ер бағрига оларкин?!

Нуриддин Зиё

Драбллар | қисқа ҳикоялар

#ханда

Шер барча ҳайвонларни йиғиб, деди:
—Бугун орамиздаги энг қўрқоқ жониворни еймиз!
Қуён ўртага чиқиб, бақира бошлади:
—Қани чўчқага биров қўлини теккизиб кўрсинчи, ғажиб ташийман!

Драбллар | қисқа ҳикоялар

УКА

— Укажон... Ёрдаминг жуда зарур бўлиб қолди. Жиянларинг бетоб, поччанг эса борини ичиб тугатди... Озроқ қарз бериб тур, - гўшакнинг нарёғидан мунгли товуш эшитилди.
— Опажон, ўзи ойликни аранг етказиб яшасам... Мени ҳам тушунинг-да, пулим йўқ, - ух тортди ука. Сўнг жуда бандлигини айтиб алоқани ўчирди.
— Манави тилла занжирга нима дейсиз? -ёнидаги жонон унга суйкалди. — Олиб берасизми?
— Истаганингни ол! Бугун сахийман, жоним!

Нодирабегим Иброҳимова

Драбллар | қисқа ҳикоялар

Боғда

— Воййй, олмааа...
— Олсанг эгасидан сўраб ол!
— Эээ... сўрагани уяламан.
— Ўғирлашгачи?!

Фарҳоджон Қосимов

Драбллар | қисқа ҳикоялар

НАСИБА

Дераза ортидан лип этиб шарпа ўтди.
— Ашраф ота, - деди Ойжамол. – Нима қилдик?
Эр-хотин жигар қовуриб, энди емоқчи бўлиб туришган эди. Эгамқул афтини кескин буриштириб:
— Ошга пашша тушди. Яшир, - деди.
— Кўзимиз учиб турувди-я! Қоронғудаям тинмайди бу чол. Ойжамол қовурдоқни яширди. Эшик очилди, рўмолга товоқ тугиб олган чол кўринди.
— Кампир ош қилувди, - деди чол. – Сизларгаям илиндик…

Шониёз Мелибоев

👉🏻 Драбллар | қисқа ҳикоялар

2000🎉

Аудиториямиз кенгайиши учун ўзининг беминнат ёрдамини аямаган @shamsinurijodi канали маъмуриятига ўз миннатдорчилигимизни билдирамиз!

Бундан ташқари, бизни ғойибона қўллаб-қувватлаб келаётган барчадан Аллоҳ рози бўлсин!

Каналимизнинг бир-неча йиллик содиқ обуначиларига эса алоҳида ташаккур!

🫶🏻 Биз билан эканлигингиз учун раҳмат!

Аёл

Аёл тугунни чап қўлига кўтарди. Боласини ўнг қўлига олди.
— Болам, энди биз бу ерлардан кетамиз.
Ортиқчалик қилиб қолдик.
Кўзлари, юзлари кўкарган аёл оғриқлардан оқсаб оқсаб қадам босди.
Дарвозага яқин келганида боласини ерга қўйиб, ҳали ҳам спиртли ичимликдан ўзига келмасдан уйқуда ётган эрининг ёнига косада сув, бошига ёстиқ қўйди.
Кейин яна йўлида давом этди.

Нуриддин Зиё

👉🏻 Драбллар | қисқа ҳикоялар

Виждон

«Пулини кимнинг номига ёзай?» – деди янга қайни укасининг қўлига тўрт дона тухум тутаркан.
Одамлар орасида ранги қизарган йигит қўлидагини пештахта устида қайтариб қўйди. Йўлда кета туриб дўкон очиши учун акасига йиққанларини берганини янгаси билмаслигига ўзини ишонтира бошлади.

Кенжа ЎҒИЛ

👉🏻 Драбллар | қисқа ҳикоялар

Сабр

12 йилдан бери Aллоҳдан фарзанд сўраб дуога кўтарилган аёлнинг қўллари ярим кечада эндигина уйқуга кетган чақалоқ бешигини тебтаришдан тўхтаркан, аста йиғи овози эшитила бошлаган иккинчи бешик томон ошиқди.

Маҳзуна Мамажонова

👉🏻 Драбллар | қисқа ҳикоялар

Тур муш(т)

Эр ухлаётган хотинининг кўкарган юзини оҳиста силаркан, ўйчан шивирлаб қўйди: қўлим синсин...

Эътибор Aмирова

Драбллар | қисқа ҳикоялар

Очкўз бир вазир подшога хушомад қилибди:
— Шоҳим, ақл солиғи олишни ҳеч ўйлаб кўрдингизми? Дунёда кимса йўқки, тентакман, деб даъво қилса! Ҳамма бир-биридан ошириб солиқ тўлашга тушади! Шоҳ ёзилиб кулибди:
— Дарвоқе, оқилона тадбир. “Топағон”лигинг эвазига сени ақл солиғидан озод қиламан!

Драбллар | қисқа ҳикоялар

Танлов

Сапёр онаси кўрсатган икки қизни тасвирини кўриб, қайси бирини келин сифатида танлашга узоқ вақт иккиланиб қолди.

Беҳрузбек Исломов

Драбллар | қисқа ҳикоялар

Митти юракча

Гўдакнинг кичкина юракчаси дукуллаб уриб турарди. Хавфни олдиндан ҳис этгандай у буришиб, ғужанак бўлиб олди.
Ҳа, у ҳаммасини олдиндан сезганди. Худди кексалар ўлимни сезгандай… Лекин уларнинг ҳаётига ҳавас қилсанг арзийди. Дақиқаларни қўятур, ёруғ дунёда бир сония яшаш ҳам бахт.
Ўткир тиғ унга яқинлашди...
— Операция муваффақиятли ўтди, хоним, - деди доктор, - сиз боладан қутилдингиз.

Шониёз Мелибоев

Драбллар | қисқа ҳикоялар

Суратдаги уруш

Уруш йиллари Францияни босиб олган немис фашистлари машҳур рассом Пикассонинг устахонасига тез-тез кириб туришарди. Мусаввир уларга ўзининг битта асаридан олинган фотонусхани “Эсдалик учун” дея имзо қўйиб, туҳфа этаверарди. Унда Испан қишлоғининг фашистлар томонидан яксон қилиниши тасвирланган эди. Кунлардан бир кун устахонага Гестапо агенти кириб келади ва сумкасидан ўша фотонусхани жаҳл билан олиб, рассомга кўрсатади:
— Бу сизнинг ишингизми?
— Йўқ, бу сизларнинг ишингиз! – деб жавоб қилади рассом.

Шодмон Отабек таржимаси

👉🏻 Драбллар | қисқа ҳикоялар

“Олғир”

— Пўлатжон, ёшликда жуда олғир йигит бўлгансиз-да.
— Ҳа, нимасини айтасиз. Ҳатто урушга 2 оёқда кетиб, 3 оёқда қайтганман.

Хушнуд Тошпўлатов

Драбллар | қисқа ҳикоялар

ЗАКОВАТ

Эр аёлининг ғашига тегмоқчи бўлиб:
— Нима учун Аллоҳ таоло аёлларни гўзал қилиб яратган?! - дея сўради.
— Чунки сиз эркаклар уни севишинглар учун! - жавоб берди аёли.
Эр яна қитмирлик қилиб:
— Нима учун Аллоҳ таоло аёлнинг ақлини ноқис қилиб яратган?! - деди.
Аёл эса пинагини бузмай:
— Чунки у сиз эркакларни севиши учун! - дея жавоб қайтарди.

👉🏻 Драбллар | қисқа ҳикоялар

⚔️ Бир киши ҳамма учун…

Бизни анчадан буён кузатиб юрган обуначилар билишади, каналга умуман реклама жойламас эдим.

Анча пайт фаолиятимизда узилиш бўлиб, сафимиз анча камайиб қолди. Ва биз каналимизни яна аввалгидек жонлантириш мақсадида ўзимизнинг аудиториямизга яқин каналлар билан реклама алмашишга қарор қилдик.

🤗 Уч кун ичида мингдан зиёд адабиётга, илмга қизиқадиган, самимий ва эътиборли обуначилар қўшилишди. Алҳамдулиллаҳ!

Бу ўсишда @Shamsinurijodi , @Xazon_rezgi , @hikoyalar, @ibratli_nomalar
каналлари яратувчиларининг бағрикенглиги ва зиё тарқатиш олдида ҳар қандай моддий манфаатни бир четга суриб қўя олишига тасанно айтмай илож йўқ.

Борларига шукур!

Бугун сиз обуначиларимдан ҳам сафимиз кенгайиши учун ўз ёрдамингизни аямаслигингизни сўрамоқчиман.

Қадрли обуначиларим, каналга сиз учун жойлаб бораётган ҳикояларимизга реаксия(👍❤️😘🥹😢…) қолдираётганинигизда уни ўзингизга ўхшаган китобхонлар йиғилган гуруҳга, ҳеч бўлмаса битта дўстингизга юбориб қўйинг.

Бу ёрдамингиз бизни ишимизга янада меҳр билан ёндашишга ундайди!

Илтимосимизни тўғри қабул қиласиз ва биз билан елкама-елка турасиз деган умиддамиз!

⬇️ Сарлавҳанинг давомини изоҳларда ёзиб қолдирамиз. ☺️
Қани кеттик!

@drabllar

Уйғунлик

Кўп йиллик эр-хотин суҳбати:
— Хотин, анави нарса қаерда эди?
— Бояги ерга қўйиб қўйгандим.
— Ҳа, топдим. Раҳмат.

Ёқутой Азимова

Драбллар | қисқа ҳикоялар

Совға

“Чин кўнгилдан!” деб қайта-қайта такрорлаб совға беришди. Қимматбаҳо. Янги. Нарх ёпиштирилган қоғози ҳам турипти.

Ғиёсхон Умархонов

👉🏻 Драбллар | қисқа ҳикоялар