ТАШВИШ

Бутун дунёдаги оч, бошпанасиз қолган одамларни қандай қутқариш ҳақида янги мақола ёзаётган Қўзивой томдан ўтаётган чакканинг тагидаги челакнинг сувини тўкиб келиб, чакка тагига қўйиб, деразанинг синган ойнаси ўрнини ёстиқ билан беркитгач, ёзиб тугатди ва Фейсбукка жойлади...

Умархонов Ғиёсхон ( @yozsak_yozaveramiz )

✅ @drabllar | Қисқа ҳикоялар канали

Оилавий


Кечки овқат маҳали уй телефонига қўнғироқ бўлди. Бола югуриб бориб гўшакни кўтарди. Эр-хотиннинг томоғидан овқат ўтмай қолди. Иккови ҳам хаёлида ўзини оқлашга баҳоналар излади. Вазиятини бир-бирига билдирмаслик учун мулойимлик билан ўғилларидан сўрашди:
— Ким экан, Азизжон?!
Бола қўнғироқ қилган синф раҳбарининг овозини эшитиб бамайлихотир жавоб бериб гўшакни қўйди.
— Адашдингиз!

Аржумандбегим ( @Arjumandbegim )

✅ @drabllar | Қисқа ҳикоялар

Мия ва ошқозон

Ошқозон миядан кўра ақллироқ, чунки у бўш бўлса бу ҳақида эгасига хабар бера олади. Лекин мия бу ишни қила олмайди.

Акмалжон Наимов

https://tttttt.me/drabllar

Каромат

Хўжа Баҳоуддин Нақшбанддан муридлари бирор каромат кўрсатишни сўрашди. Ҳазрат ўринларидан турдилар-да, енгил-енгил беш-олти қадам юриб, яна жойларига чўкдилар. Муридлар ҳайрон бўлиб қарашди. Ҳазрати Нақшбанд дедилар:
– Икки елкамда тоғдай-тоғдай гуноҳларни кўтариб, қушдай енгил юришимнинг ўзи каромат эмасми?

https://tttttt.me/drabllar

​​Бизда тобутга майитни солар экан, бешик каби тебратиб туришади.

— Мен бирон марта мотам маросимига қатнашмаганман.
— Ҳар банда ҳеч бўлмаганда бир марта қатнашади. Сен ҳам, албатта, ўзингникида ўша ерда бўласан...

Жавлон Жовлиев (Қўрқма)

https://tttttt.me/drabllar

Умид

— Оз қолди, онаси. Мен яқинда чиқаман... Ҳаммамиз яна бирга бўламиз...
— Ҳа... - кўзидан дув ёш тўкилди чақалоғини бағрига босган аёлнинг. — Яқинда ҳаммаси тугайди.

Бу вақтда янги маҳбуснинг илк учрашуви охирламоқда эди.

Жаҳонгир Далиев

https://tttttt.me/drabllar

​​​​Бу дунёда энг тўғри тақсимланган нарса - ақл. Чунки шу пайтгача ҳеч ким ақли камлигидан шикоят қилмаган.

© Мишел Монтен

https://tttttt.me/drabllar

Кишининг икки хил кўзи бўлади: тан кўзи ва қалб кўзи. Тан кўзи баъзан кўрганларини унутиб қўяди, лекин қалб кўзи кўрган кечирганларини ҳамиша эсда тутади.

© Иф қалъасининг маҳбуси (Александр Дюма)

https://tttttt.me/drabllar

Ҳаётимда ишонадиган битта инсон бор. Бу мен, ўзимман. Биласизми нега? Чунки бу инсондан ҳали кўнглим қолгани йўқ.

Умар Хайём

https://tttttt.me/drabllar

ИБЛИСНИНГ ИСТАГИ

Икки ўсмир иблиснинг аста-секин узоқлашиб бораётганини кузатиб туришарди.
— Сендан нимани сўради?
— Пул эвазига қалбимни. Сендан-чи?
— Телефон-автомат учун танга сўради.
— Юр, овқатланамиз.
— Жон дердим-у, пулим йўқ-да.
— Ҳечқиси йўқ, менинг пулим кўп.

Брайан Ньюэлл

https://tttttt.me/drabllar

— Хўш кейин нима қилдинг?
— Ҳаммасини тўплаб "Менда ҳаммаси яхши" деб номланган қутига солдим, ҳамма номини ўқиб ичини очиш шарт эмас деб ўйлади ва ҳеч ким очмади ҳалигача...

https://tttttt.me/drabllar

СТОЛДАГИ ХАТ

«Хайрли тонг, азизим! Нонуштангиз тайёр. Шарбат музлатгичда. Тонгги газе-тани иш столингизга қўйганман. Ишга кеч қолманг-а!
Тушликда қўнғироқ қилишни унутманг!
Сизни ўпиб қоламан!
Мен аеропортга кетдим.
Бугун эрим келади...»

Муҳаммадхон Юсупов

https://tttttt.me/drabllar

ТАСОДИФ

— Менга ҳеч ким билан юрмаган, ҳаёли-иболи қиз керак! - деди йигит аммаларига. Қиз ҳам дарров топила қолди. У ҳам биров билан юрмаган мўмингина йигитни кутиб юрган экан.
Улар учрашувга чиқишди.
— Сиз?! - деди иккиси ҳам баравар.

Нодирабегим

https://tttttt.me/drabllar

Мўъжиза

“Агар бу хабарни бешта одамга юборсангиз, мўъжиза содир бўлади”. У хабарни ўқиб бўлгач, бир қанча одамга юборди. Бироздан сўнг кайфияти бузилди: “Қани, ҳеч нима содир бўлмадику?” Ёнидаги синглиси ҳазил аралаш: “Шуни англаб етганингизнинг ўзи бир "мўъжиза” эмасми?" – деди пичинг билан опасига...

©Раҳмат Бобожон

https://tttttt.me/drabllar

#mulohaza

"Қуёшлик"ни даъво қилаётган "ой"нинг сири тонгда фош бўлади...

©Диёр Холбоев

https://tttttt.me/drabllar

Метрода

Овоз янгради: “Илтимос, ёш болали, ногирон, ёши катта одамларга жой беринг!”
Қишлоқдан энди келган, сочларига оқ оралаган отахон маъюс жилмайди: “Шаҳарда ҳеч бўлмаганда ер тагида оқибат бор эканку...”

©Раҳмат Бобожон

https://tttttt.me/drabllar

Севги

Боғчада бола ва қизча суҳбатлашишяпти:
— Сени яхши кўраман!
— Худди катталардайми?
— Йўқ, ростакамига.

© Ҳайрулло Қутлиев

https://tttttt.me/drabllar

ЯРАТГАННИНГ ИШИГА АРАЛАШМАНГ!

Бир куни бир одам дала ҳовлисида ўтирганда оёқлари билан ҳайвон гўнгидан тўпча қилаётган қўнгизга кўзи тушди. Унинг оёқларидаги гўнгни кўриб хаёлидан бирров шундай фикр ўтади:'Ҳамма нарсани мукаммал ва гўзал яратган Аллоҳ шу қўнгизни гўнг титиш учун яратганми ? "
Вақтлар ўтиб ўша одам оғир касалликка учрайди.Медицина унга шифо тополмайди. Ниҳоят бир куни катта бир табиб унга гўнг титадиган қўнгизнинг оёқларига илашган нарсалардан қирқ кун ейишини буюради. У ростдан ҳам шифо топиб кетади.

Қаҳрамонимиз бир кун кемага ўтириб сафарга чиқибди.Ногаҳон денгизда қаттиқ тўфон кўтарилибди. Ҳамма саросимага тушган фақат у бир четда хотиржам ўтирармиш. Унга ҳозир ҳалок бўлиши мумкинлигини айтишса шундай жавоб берибди: "Яратганнинг ишига бир марта аралашиб кўрганман. Мен Аллоҳнинг ишларига бошқа аралашмайман. У барчасини яхши билади."

https://tttttt.me/drabllar

Устоз айтарди:
—    Агар ўқисанг-у ўйламасанг — чалкашиб қоласан. Агар ўйласанг-у ўқимасанг — шубҳа-гумонлар тагида қолиб кетасан.

©Конфуций

https://tttttt.me/drabllar

Рўмолча

Мактабда дарслар тугаган, ҳаммаёқ жимжит. Қиз стол устига бошини қўйиб, кўзларини бир нуқтага қадаганча чуқур ўйга толди. "Кўринмас одамга айланиб қолгандекман. Ҳеч кимнинг мен билан иши йўқ. Эрталаб нонушта қилдимми, йўқми? Ишим қачон бошланиб, қачон тугайди? Қаерга боряпман, кимлар билан кўришяпман?.. Одамзод Яратганнинг ижод маҳсули— санъати. Санъат эса эътибор билан тирик. Нимани...Йўқ! Кимни истаяпман ўзи?! Йиллар давомида ташна қалбимни суғориб келаётган меҳр дарёси ҳам таъмсиз туйиляпти. Нималар ўзгарди? Кимдир қўлимдан маҳкам ушлаб бағрига босишини ва тўйиб-тўйиб йиғлаб дардларимдан йироқ бўлмагунимча қўйиб юбормаслигини хоҳлаяпман... Ўша инсон ким? Ўзлари билан овора бўлиб мени кўрмаётган яқинларимми ёки... Қанийди...Қанийди сукунатимни парчалай оладиган шодлик бўлса! Ё Раббим..." — хона эшиги очилиб биров кириб келди.
— Ҳалиям кетмадингизми? — сўради ҳамкасб йигит ўз ҳужжатларини жавонга жойлаштирар экан.— Ифторликка ҳам оз қолди.
— Назорат дафтарларини текшираётгандим, - қиз столи устида турган дафтарларини тартибга келтирган бўлди гўё.
— Ҳа, шунақами, яхши — йигит қизнинг ёлғон гапираётганини пайқаб, ўзига сездирмай унга синчковлик билан разм солди. — Биласизми, устоз ўқувчилари учун туйғулари ўта барқарор, руҳи метиндек кучли шахс бўлиб кўринади. Aслида эса ҳар бир юракнинг ўз кемтикликлари бор.
Қиз ҳайрон бошини кўтариб йигитга юзланди. Aммо томоғига нимадир тиқилгандек бўлиб, гапиролмай яна кўзларини бошқа томонга олиб қочди. Йигит қизнинг столига яқинлашиб сўзида давом этди:
— Юпатиқ ҳамиша кўнгилга малҳам бўлолмайди. У баъзан имконсизлигимиз иқроридек туйилиши мумкин. Олинг. — қўлидаги нарсани қиз томон узатди. — Бундан ортиқ садоқатли сирдошни топа олмайсиз. У дарров хона эшигини ёпиб чиқиб кетди. Қиз киприк қоқмай миясидаги жавобсиз саволларига бардош беришга уринарди. Шартта ўрнидан турди-ю, кетишга ошиқди. Эшикка етгунича ҳеч қаерга қарамади. Хонадан чиқиб кетар экан, кимгадир ишонгиси келди, йигит айтган “энг яхши сирдош”ни кўриш учун орқасига ўгирилди ва беихтиёр кўзи ёшланди. Стол устида турган рўмолча гўё қизга ўз қучоғини очгандек турарди...

Аржумандбегим

Драбллар | @Arjumandbegim