‍ #شعر_گیلکی_عاشورایی

#شاعر_عقیل_پور_خلیل
نوحه
#زبانحال_حضرت_زینب_(س)


🏴زبانحال حضرت زینب بعد از رفتن برادر به میدان جنگ🏴


جان بِرَر ، تِنها بِشِی چِندی غریبانه

خاخِر تی قربانه ( 2 )

آخر می نفرین گیرِنه این نانجیبانه

خاخِر تی قربانه ( 2 )

حیران و سرگردان بابان اولاد پیغمبر
تَشنا باشان پیش خدا هم اکبر و اصغر
از غم نُدانُم چی بُنه احوال تی دختر
زین العباد اَم با خدا کانه دعا دانه

خاخِر تی قربانه ( 2 )


یک گوشه مِن هیسّه رقیّه با دو چشم تر
یک را سکینه شادَره ، دو دَس کَته وی سَر
یک آسمان درد و بلا جیرکَت بُمَه می وَر
جان بِرَر ، فکری هاکِن تو خُشته طِفلانه

خاخِر تی قربانه ( 2 )


شمر لعین ، شمشیر به دَس ، هی جیر شُنه جآری
دِه هیچ مردی نِسّه ایجه ، هاکنه کاری
عبّاس ِ جا خالی هَکِنه باز علمداری
طفلان هَلَه امّیدوارِن که عمو هانه

خاخِر تی قربانه ( 2 )


حُرمَت نَنَن تی اهل بیته ، لشکر بدخو
آتش بگیته خیمه ها ، صحرا بابا پر دو
طفلان هراسان داوونِن ، گریان شُنِن هر سو
از کوفیان هانه به گوش ، فریاد مستانه

خاخِر تی قربانه ( 2 )


ایمشب بُنِن افلاکیان از این عزا گریان
چِندی کَلِس صحرای ِ مِن ، بی سر بدِن عریان
آه یتیمان دربُمَه از گوشه ای ویران
باگوت حبیب این مرثیه ، وی دَس تی دامانه


خاخِر تی قربانه ( 2 )

🏴 🏴 🏴 🏴 🏴

#شعر_و_صدا
#استاد_عقیل_پورخلیل

محرم ۱۳۹۷/۶/۲۵

❤️دیارمن رودسر❤️
@diarmanrodsar

‍ #شعر_گیلکی(عاشورایی)

شاعر:
#بهروزهاشمپور(هلامان)

⚫️ شعر گیلکی ..... تش درکربلا

🏴🏴🏴🏴🏴

زمین تش ، آسمون تش ، کربلا تش
هوا تش ، خیْمِه دل تش ، نینوا تش

بَترکس از عطش لب ، آسمون تب
فرات شرمنده ، دل خون تاخدا تش

جگر خون‌،چشم‌به درخون ، دس به سر خون
علمداری دلٍ گُربیته آتش

بَزَه از خیمه بیرون جون عباس
بگیته ماه دلی مَعْن بیصدا تش

دَسَگیت‌مَشک‌آبِ اوخ علمدار
بَنیشت اوخ‌اسبی سر ازسر به پا تش


بوشو‌در علقمه مشک پُراگود
بوارس هرطرف دِ پاگشا تش

بَنیشت دِ مَشکی جونه دشمنی تیر
بسُوجَعنی خدا عرش بلاتش

علمداری دوته دست بنازم
بگیت پیغمبری دل بیصدا تش

گُرازون‌هرطرف با تیر ونیزه
بَزَن مولا علی جونِ دٍ آتش

ابوالفضل علمدار بنازم
اونی دستون پرکار بنازم

غریب علقمه لب تشنه عباس
علمدار حسین ، دنیای احساس

❤️دیارمن رودسر❤️
@diarmanrodsar