#کتێبوو"گوژمانە‌"ی بە قەڵەموو #کاکەڕەئوف مەحموودپووری ،ڕەوانەو بازاروو کتێبی بی.(کتاب"گوژمانە‌"بە قلم آقای رئوف محمودپور ،وارد بازار کتاب شد)

بە پاو هەواڵوو"
#هەورامان هانەبەرچەم" ی،کتێبوو “گوژمانە‌”ی بە قەڵەموو کاکەڕەئوف مەحموودپووری جە لاو ئێنتشاراتوو "زایەڵە"یەوە چاپ و وەڵا کریاوە و ڕەوانەو بازاروو کتێبی بی. گوژمانە، جە۱۷٥ لاپەلێ و بە زوانی هەورامی نویسیان.

 گوژمانە‌ جە یەرێ بەشا کۆماش گێرتەن.  #بەشوو یەکەمی؛  یەکەم بەیانیەو شێعرەی نەوەی هەورامیانێ،کە پێسەو ویروستەیەو و سەرەتایێوە پەی وەرچەمانەو باقی باسەکا ئامان. بەشوو #دووهەمی باسانیوەنێ سەروو تئۆری شێعریی بە وەرچەم گێرتەی تایبەتیە فەرهەنگیە بوومیەکاو هەورامانی و بە سوود بەردەی جە ڕەوتی ڕوو بە گەشەو ئەدەبیاتی ئینسانی.
#بەشوو یەرەمی، خوانش و ئەوەوانایا سەروو دەقە شێعریەکا جە مەیدانوو شێعرێ نەوێ هەورامیێنە. ئی ئەوەوانایێ جە ڕاستاو بە کردەوەیی کەردەی ئا ویرنویسە بووتیقاییانە هەن کە جە بەشوو دووهەمیەنە ئیشارەشا پەنە کریان و کدرامانشا سەر کریان.

جی بەشەنا چوار کتێبێ جە چوار نەسڵە یۆ دماو یوەکا کەوتێنێ وەروو سەرنجێ و خوانششا سەر کریان.

نویستەی ئی کتیبی کە حاسڵوو چند ساڵا مانیایی و زەحمەتی بەردەوامیا، بە ئاواتوو گەشەدای بە ڕەوتی ڕوو بە وەروو ئەدەبیاتی ئێگەیی و بە بە گوژمتەر کەردەی هەنگامەکان پەی ڕەوتی سەردەمیانەی.

https://telegram.me/joinchat/AAAAADzq5zjD346_0wAkNg