#архітэктурабсср #піонэрархнагляд
Было/стала.
Канструктывісцкая актавая зала былога галоўнага корпуса БДУ у Менску (арх.Запарожац, 1927-1930) пасля вайны ператварылася ў актавую залу ў стылі сталінскага ампіра і цяпер належыць Беларускаму дзяржаўнаму педагагічнаму ўніверсітэту.
Цытата з даведкі ГКК: "На другім паверсе захоўвалася актавая зала ў існуючых габарытах на 600 месц з эстрадай і балконам, але цалкам рэканструяваная. Змяншаліся аконныя праёмы, часткова рабіўся вышэйшым узровень падлогі, існаваўшы збоку балкон замяняўся балконам на 200 месц у тарцы залы, а на месцы старога балкона прапаноўвалася зрабіць 3 паўкруглыя балконы на 5-7 месц. У зале была запраектавана кесонная столь і высокаякасная аддзелка сцен з ляпным дэкорам".

#піонэрархнагляд
Рэдкія кадры канструктывісцкіх будынкаў Мінска, зробленыя архітэктарам Сяргеем Багласавым ў красавіку 1992 года.
1. Дом Урада (1930-1933).
2. Фабрыка-кухня (1930-1934).
3. Паліклініка на Мяснікова (1930).
4. Жылы дом на Мяснікова 40 (1930, цяпер перабудаваны у офісны будынак).
5. Жылы дом на рагу Камсамольскай і Маркса (1929-1930).
6. Дом энергетыкаў на Кірава (1929-1930).
7. Жылы дом на Леніна 15 (1928, надбудаваны ў канцы 1930-х).
8-9. Дамы на Ленінградскай (1930-я).
10. Дом на Кірава 33 (канец 1930-х).