#የበረሐ_ገነት

ጥልቍ ዕፍኝ ዋሻ ፣ በቍጥቋጦ አብቦ
ዕርጥቡ ፣ ለምለሙ፤ የሚያሽት ተንቦ።

. . ስውር . .
...ጥምር . .
. . ዘብ ጠበቂ . . .

የመቅደስ ከለላ ፣
የዕልፍኝ እፍታ ፣
የመንፈስ እርካታ፣
የሐሤት ከፍታ።

የሐሩሩ ገነት ፣ ወበቅ የፍም ጭብጥ
ከነዲድ በረሐ ፣ በዕጥፍ የሚበልጥ
የተፈጥሮ ቅኔ . . .
ከመንገደኛ እግሮች ፣ ላዕላይ 'ሚቀመጥ።
በግለት መደሰት ፣ በእሳት መቀባት
የዋሻው፣ የጫካ ፤ የጋራነት ቅባት።
የተረት ፍጻሜ በዳቦ መታበስ
ዋሻውን ባ'ፈ ሙዝ ፣ በካፊያ ማረስረስ።
ኦና ቤትዋ ደርሶ ፣ በዕንጥሻ አስነጥሶ
ክልልን መማስ ነው ፤ ኬላ ድንበር ጥሶ።

እነሆ ከዋሻው .
ቆሞ እያስቀደሰ ፤
በዕንፋሎት ራሰ!
ከበረሓው ገነት በ'ሳቱ ተቀባ
የመንፈስን መባእ ከሙዳይ አስገባ።
ልክ እንደ መናፍስት በእሳት ተጠምቆ
ምንነት ለወጠ ፣ አብቦና ጸድቆ።

🔘ተስፋሁን ከበደ🔘