#ለመንጋዎች_መንጋ_ግጥም
እኔ ሰው ስለሆንኩ
የግል አእምሮዬን ፥ አሳልፌ አልሰጥም
በመንጋ አስተሳሰብ ፥ ሀሳቤ አይዋጥም
ለመንጋዎችና
ለመንጋ አሳቢዎች ፥ አለኝ መንጋ ግጥም።
#መንጋ_1
ብዙዎች ተስማምተው
በሔዱበት መንገድ
ትክክል ነው ብሎ ፥ አይነሳም እግሬ
ብዙዎች በህብረት
በጠሉት ነገር ላይ ፥ አይቀንስም ፍቅሬ
አመዛዝናለሁ
አስተሳስራለሁ
የግል አእምሮዬን ፥ ከደም ዝውውሬ።
ብዙዎች ሚወዱት
በጥላቻዬ ላይ ፥ ለውጥ አያመጡም
መንጋ አእምሮዎች
ሀሳብን አይወልዱም ፥ በግል አያምጡም
አንዱ የወለደውን
ይዘው ይጮሀሉ ፥ አይደማመጡም።
#መንጋ_2
መንጋ አሳቢዎች
በምላስ ነው እንጂ ፥ በአእምሮ አይቆሙም
ከእረኛቸው እንጂ
በራሳቸው መንገድ ፥ በድፍረት አይተሙም
በቀቀኖች ናቸው ፥ የገደል ማሚቶ
ተቀብሎ መጮህ
ያውቃል ምላሳቸው ፥ አእምሯቸው ሞቶ።
#መንጋ_3
አብሮ መኖር እንጂ
አብሮ ማሰብ ማላው ፥ ሀሳብን አውጠንጣኝ
አእምሮ የቸረኝ ፥ በምላስ ያልቀጣኝ
ፈጣሪ ይመሥገን!
ከባርነት በፊት
ከመንጋ አስተሳሰብ ፥ ነፃ ስላወጣኝ !!!
🔘በላይ በቀለ ወያ🔘
እኔ ሰው ስለሆንኩ
የግል አእምሮዬን ፥ አሳልፌ አልሰጥም
በመንጋ አስተሳሰብ ፥ ሀሳቤ አይዋጥም
ለመንጋዎችና
ለመንጋ አሳቢዎች ፥ አለኝ መንጋ ግጥም።
#መንጋ_1
ብዙዎች ተስማምተው
በሔዱበት መንገድ
ትክክል ነው ብሎ ፥ አይነሳም እግሬ
ብዙዎች በህብረት
በጠሉት ነገር ላይ ፥ አይቀንስም ፍቅሬ
አመዛዝናለሁ
አስተሳስራለሁ
የግል አእምሮዬን ፥ ከደም ዝውውሬ።
ብዙዎች ሚወዱት
በጥላቻዬ ላይ ፥ ለውጥ አያመጡም
መንጋ አእምሮዎች
ሀሳብን አይወልዱም ፥ በግል አያምጡም
አንዱ የወለደውን
ይዘው ይጮሀሉ ፥ አይደማመጡም።
#መንጋ_2
መንጋ አሳቢዎች
በምላስ ነው እንጂ ፥ በአእምሮ አይቆሙም
ከእረኛቸው እንጂ
በራሳቸው መንገድ ፥ በድፍረት አይተሙም
በቀቀኖች ናቸው ፥ የገደል ማሚቶ
ተቀብሎ መጮህ
ያውቃል ምላሳቸው ፥ አእምሯቸው ሞቶ።
#መንጋ_3
አብሮ መኖር እንጂ
አብሮ ማሰብ ማላው ፥ ሀሳብን አውጠንጣኝ
አእምሮ የቸረኝ ፥ በምላስ ያልቀጣኝ
ፈጣሪ ይመሥገን!
ከባርነት በፊት
ከመንጋ አስተሳሰብ ፥ ነፃ ስላወጣኝ !!!
🔘በላይ በቀለ ወያ🔘