#ከሞት_በኋላ_ሕይወት

ከሞት በኋላ ሕይወት መኖሩን ያወቀ
ፈጣሪው ብቻ ነው ከፍጡራን የላቀ፡፡
ስው የማይደርስበት መንገዱም የራቀ
ፅንፍየለሽ ነው ጉዞው ምስጢሩ የረቀቀ፡፡
“ከሞት በኋላ ሕይወት
በዕውን አለ ወይ?” ብሎ የጠየቀ
ከጥልቁ ሕዋው ሥር
ምላሹን ለመስጠት ደፍሮ የጠለቀ ፤
እስከዛሬ ድረስ
ሲገባ ነው እንጂ አይታይ ሲወጣ፣
ምስጢሩን ለመግለፅ
አንድም ፍጡር የለም ተመልሶ የመጣ፡፡

🔘ፋሲል ተካልኝ🔘

#ከሞት_በኋላ

እምልልሻለሁ
ዕድሜዬን በሙሉ በሕይወት እስካለሁ
ፅኑ ቃልኪዳን ነው ፍቅሬ አፈቅርሻለሁ፡፡
ይሁንና፧
ልሆን እችል እንደሁ በሐሳቤ ምፀና
አፈር ውስጥ ስገባ
ምን እንደሚፈጠር አላውቀውምና
እራሴን አላስርም በቃለ መሐላ፡፡
እምልልሻለሁ
አንድም ሰው አላውቅም ከሞተ በኋላ
ጠልቶ ያፈቀረ አፍቅሮም የጠላ፡፡

🔘ፋሲል ተካልኝ🔘