#ድሮና_ዘንድሮ

#ድሮ

ረጋ ባለችው በህይወት መስላል
ገሚሱ ይወጣል ገሚሱ ይወርዳል
#ዘንድሮ

ጥሉ ማለፍ ሆኖ
የኑሮ ልማድ
ከፍ ከፍ እያለ
አንደኛው ሲሄድ
ከፊቱ ሲቀጥል
ከኋላው ሲንድ
የሱ ደቀ - መዝሙር
ስለሚያጣ ምርጫ
ተንሳፎ ይነጉዳል
በነፋስ አቅጣጫ፡፡

🔘ፋሲል ሃይሉ🔘

#ድሮ_እና_ዘንድሮ

ብሉይ እንደቀላል ሚተረክ “ሚተረት በፍፁም አይደለም
መገኛ ነው ኮ ሥርወ መሠረት መነሻ የአዲስ ዓለም፡፡
በዕውቀት የላቀ በሐሳብ የመጠቀ
ሥውር ነው ምሥጢሩ ፍቺው የረቀቀ
እፁብ ድንቅ ሥራ
ታትሞ የተተወ የፍጥረታት ዱካ የፈጣሪ አሻራ፡፡
በጊዜ ታንኳ ላይ ዘመናት ተሻግሮ
“ከየት መጣን?” “ማን ነበርን?”
ይሉትን ጥያቄ መመለስ የሚችል ማሳየት ዘርዝሮ
የሩቁን ማሳያ ገፀ ትውፊታዊ ዘይቤያዊ ኑሮ
አቧራ የጋረደው ብሩህ መስታወት ነው መመልከቻ ዞሮ፡፡
“ምኑ ነው?” አንበል ድሮን ለዘንድሮ፤
ዘንድሮ “ምኑ ነው?” አንበል ለድሮ፡፡
ክበባዊ ዑደት ቁርኝት ያላቸው የርስ በርስ ተሳስሮ
ሳይነጣጠሉ
አብረው የሚኖሩ
አንድም ሁለት ናቸው ድሮ እና ዘንድሮ ፤
አንዱ አይኖርም ነበር አንዱ ባይኖር ኖሮ፡፡