☪️ Ҳорун ар-Рашид бир куни имом Моликдан Абу Ҳанифанинг шогирди Абу Юсуф билан баҳс мунозара ўтказишини талаб қилди. Имом Молик унга: "Илм бу ҳайвон ёки хўрозларнинг ўзаро уриши каби эмасдир!", деди.

Қози Иёзнинг "Тартибул мадорик" асаридан.

@arabicuz

iOS | Android
Instagram | Facebook | Twitter | Tiktok | Youtube

11606. Расулуллоҳ соллаллоҳу алайҳи васаллам: “Аллоҳ таоло ҳақни Умарнинг тили ва қалбига жорий қилган, у Фаруқдир, Аллоҳ таоло унинг воситасида ҳақ билан ботил орасини ажратди”, – дедилар.

Имом Аҳмад ривояти.

🔹Изоҳ: Умар розияллоҳу анҳу нубувватнинг олтинчи йилида Исломни қабул қилганлар. Ибн Аббос розияллоҳу анҳудан ривоят қилинади: “Расулуллоҳ соллаллоҳу алайҳи васаллам билан бирга ўттиз тўққизта эркак ва битта аёл киши Исломга кирган эдилар. Сўнгра Умар Исломга кирди ва улар қирқта бўлдилар. Шунда Жаброил алайҳиссалом ушбу оятни олиб тушди: “Эй Пайғамбар! Сизга ва Сизга эргашган мўминларга Аллоҳ кифоядир”, (Анфол сураси, 64- оят).

@arabicuz

iOS | Android

Instagram | Facebook | Twitter | Tiktok | Youtube

11607. Ибн Муборак раҳимаҳуллоҳ: “Киши бир биродарига ёқтирмайдиган нарсани кўрса, уни беркитишга буюрарди, беркитгач у ишдан (бошқа такрорламасин учун) наҳий қилар, қайтарарди. Шунда у беркитганига ажр савобга эга бўлади ва наҳий мункар қилгани учун ҳам ажрланади.
Бугунга келиб, бир киши бошқа бир кишида ёқтирмайдиган ишни кўрса, унга ғазаб қилади ва беркитганини ёйиб, фош қилади”, дедилар.

Ибн Ҳиббоннинг “Ровзатул ъуқало” асаридан.

@arabicuz

iOS | Android

Instagram | Facebook | Twitter | Tiktok | Youtube

11608. Ҳар доим ҳам ақлингга суянаверма... Ҳамма вақт ҳам ҳаёт маънили, мантиқли бўлавермайди... Шунингдек, ҳар доим ҳам қалбингга қулоқ тутаверма. Чунки ҳаёт ҳиссиётларга эътибор бермайди... Фақат ҳар доим ҳам бир оёқда туравермаслик учун оддий инсон бўл, кифоя.

@arabicuz

iOS | Android

Instagram | Facebook | Twitter | Tiktok | Youtube

11609. Имом Шофеий раҳимаҳуллоҳ: “Бизга етиб келганига кўра, айтишадики:
Дуо беш кечада ижобат бўлади:

1. Жума кечасида;
2. Қурбон ҳайити (ийдул Азҳо) кечасида;
3. Рамазон ҳайити (ийдул Фитр) кечасида;
4. Ражаб ойининг биринчи кечасида;
5. Шаъбон ойи ўртасининг кечасида.

Имом Байҳақий “Сунанул кубро”да ривоят қилган.

@arabicuz

iOS | Android

Instagram | Facebook | Twitter | Tiktok | Youtube

ولا غالب الا الله

‏بدَّل ملك غرناطة "أبو عبد الله الصغير" اخر حكام المسلمين في الأندلس بعض نقوش قصر الحمراء من "لا غالب إلا الله" إلى "عز لمولانا السلطان أبي عبد الله"
فما دام هو ولا دام سلطانه
ولا غالب إلا الله

من تعلق بغير الله ذل
وهذا معنى قولنا في القنوت "لا يذل من واليت ولا يعز من عاديت"


☪️ Ва Аллоҳ Ўз ишида ғолибдир..

Мусулмонларнинг Андалусдаги охирги ҳукмдорларидан бири, Ғарнота ҳукмдори, Абу Абдуллоҳ Сағир ал-Ҳамро саройи девор ва устунларига «Ва лаа ғолиба иллаллоҳ» ” (Аллоҳ Ўз ишида ғолибдир) нақш қилиб ўйилган ёзувларни “Ъазза лимавлаанас султона Абу Абдуллоҳ” (Султонимиз Абу Абдуллоҳга азизлик, олийлик бўлсин!)га ўзгартирди...

Унинг ўзи ҳам, унинг ҳукмронлиги ҳам узоққа бормади...

Чунки “Аллоҳ Ўз ишида ғолибдир”, Юсуф сураси, 21-оят.

Ким Аллоҳдан ўзгага суянса, хор бўлади. Бу маъно қунут дуоларининг бирида ҳам келади: “Лаа язиллу ман ваалайта, ва лаа яъиззу ман ъаадайта”. (Сен дўст тутган асло хор бўлмас ва Сен душман тутган асло азиз бўлмас).

@arabicuz
Telegram | Instagram | Facebook | Twitter | Tiktok | Youtube

11610. Ҳасан Басрий раҳимаҳуллоҳ: “Агар Аллоҳ хоҳлаганида ичларингизда фақир қолдирмай, сизларни бой қилиб қўярди. Аллоҳ хоҳлаганида ичларингизда бой қолдирмай, сизларни фақир қилиб қўярди. Лекин, У Зот қандай амал қилишларингизни кўриш учун сизларни бир-бирларингиз билан синайди”, деди.

@arabicuz

iOS | Android

Instagram | Facebook | Twitter | Tiktok | Youtube

11611. Тадаббур

"Билингки, албатта, Аллоҳ ерни ўлимидан кейин тирилтирур", Ҳадид сураси, 17 - оят.

Маъсият, гуноҳлар қалбингни қанчалар ўлдирмасин, умидсизликка тушмагин ва Аллоҳга қайтгин. Ана шунда Аллоҳ таоло тез орада худди ерни ўлимидан кейин тирилтиргани каби, қалбингни тирилтирур, ҳаёт ато этур...

@arabicuz

iOS | Android

Instagram | Facebook | Twitter | Tiktok | Youtube

11612. Бир кишининг хатоси учун ниятларини айблаш жоиз эмас. Ниятларни далилсиз айблаш ва маломат қилиш зулмдир. Чунки ният Аллоҳнинг ҳаққидир. Ислоҳ қилувчиларнинг ҳалок қилган энг буюк хатолари, хато қилган инсонларнинг ниятларини айблашга муккасидан кетишларидир.

Изоҳ: Мўминнинг ўзини, нияти ва амалини асоссиз ботил сўзлар билан айблаш ҳалок қилувчи катта гуноҳдир.

«Мўмин ва мўминаларга, улар бирон нарса қилмасалар ҳам озор берадиганлар, батаҳқиқ, ўз устларига очиқ бўҳтон ва гуноҳни олибдилар», Аҳзоб сураси, 58-оят.

@arabicuz

iOS | Android

Instagram | Facebook | Twitter | Tiktok | Youtube

11613. Имом Абу Лайс Самарқандий дедилар:
“Уч нарса ҳақида ўйламагин:

1. Фақирлик ҳақида ўйлама: Унда ғам-ташвишинг кўпаяди ва очкўзлик, ҳарисликни зиёда қилади.

2. Сенга зулм қилганни зулми ҳақида (ундан ўч олишни) ўйлама: Чунки унда қалбинг қаттиқлашади, адоватинг ортади ва ғазабинг давомий бўлади.

3. Дунёда узоқ қолиш ҳақида ўйлама: У ҳолда мол-дунё жамлашни яхши кўриб қоласан, натижада амални кечиктириб, умрингни зое қиласан.

“Танбеҳул ғофилийн”дан.

@arabicuz

iOS | Android

Instagram | Facebook | Twitter | Tiktok | Youtube

11614. Имом ибн Жавзий раҳимаҳуллоҳ: “Иблиснинг авом одамлар устидаги алдовларидан бири, улар гуноҳ-маъсиятлар қилишади, кейин бу ишлари учун айблашса, “Робб таоло карамлидир, авфи мағфирати кенгдир (барибир кечириб юборади)” дейишларида бўлади”.

“Талбийсил иблийс” асаридан.

@arabicuz

iOS | Android

Instagram | Facebook | Twitter | Tiktok | Youtube

11615. Ҳакимлардан биридан, содиқ дўстлар ҳақида нима дейсиз, деб сўрашди.
У зот: “Улар турли жисмларда бўлган битта жондирлар”, деди.

“Муҳозаратил адиббаи” асаридан.

@arabicuz

iOS | Android

Instagram | Facebook | Twitter | Tiktok | Youtube

11616. Абу Саъид Худрий розияллоҳу анҳудан ривоят қилинади: Расулуллоҳ соллаллоҳу алайҳи васаллам: «Жаннат аҳли тепаларидаги болохона аҳлини ўрталаридаги тафозул* туфайли мағриб ёки машриқда уфққа ботаётган порлоқ юлдузни кўргандек кўрадилар», дедилар. «Эй Аллоҳнинг Расули, анбиёларнинг ўзгалар ета олмайдиган манзиллари ўшами?» дейишди. У зот: «Йўқ, жоним қўлида бўлган Зотга қасамки, (булар) Аллоҳга иймон келтириб, расулларни тасдиқ қилган кишилардир», дедилар».

* Фазл ва даражадаги ўзаро тафовут

Имом Бухорий ривояти.

@arabicuz

iOS | Android

Instagram | Facebook | Twitter | Tiktok | Youtube

11617. “...ва одамлардан қўрқардинг, ҳолбуки, Аллоҳдан қўрқмоғинг ҳақлироқ эди”, Аҳзоб сураси, 37-оят.

Шундай экан, одатлардан олдин ибодатлар муқаддам қўйилади.
Воқеликдан олдин шариат муқаддам қўйилади.
Айбдан олдин ҳаром муқаддам қўйилади.
Ўрганиб қолинган ишлардан олдин суннат муқаддам қўйилади.
Одамларнинг риоясидан олдин Аллоҳ муқаддам қўйилади.

@arabicuz

iOS | Android

Instagram | Facebook | Twitter | Tiktok | Youtube

11618. Чигиртка ва капалакнинг фарқи

Чигиртка муназзам, тартибли ҳаёт кечиради, қаерга бораётганини билади. Капалак эса уйноқлаб, ўта тартибсиз учади. Қиёмат кунида инсонларнинг аҳволи капалакларинг аҳволига каби бўлади: “У Кунда одамлар тўзиб кетган капалакка ўхшаб қоларлар”, Қориъа сураси, 4-оят.

Қайта тирилиш, баъс кунида бўлса, улар Маҳшар майдони томон тартиб билан йўналиб борадилар: “...гўрлардан кўзлари қўрқинчга тўлган ҳолда, худди ёйилган чигирткага ўхшаб чиқиб келурлар”, Қамар сураси, 7-оят.

Қуръон балоғати нақадар буюк!

@arabicuz

iOS | Android

Instagram | Facebook | Twitter | Tiktok | Youtube

11619. Абул Хайр Ақтоъ раҳимаҳуллоҳ: “Қалблар турли вазиятларда бўлади:
Бири - аломати барча мусулмонларга шафқатли ва улар ҳақида қайғурган ва уларга яхшилик салоҳият бўлувчи ишда ёрдамга шай бўлган иймон тўла қалб.
Иккинчиси – аломати адоват, ғилли ғашлик ва ҳасад бўлган нифоқ тўла қалб”, деди.

@arabicuz

iOS | Android

Instagram | Facebook | Twitter | Tiktok | Youtube

11620. “Эй одамлар! Албатта, Аллоҳнинг ваъдаси ҳақдир. Бас, дунё ҳаёти сизни алдаб қўймасин”, Фотир сураси, 5-оят.

Изоҳ: Бу дунё ҳаётининг ўткинчи матоҳларига берилиб, алданиб қолманг. Бу дунё ҳаётига охиратни алмашманг.

@arabicuz

iOS | Android

Instagram | Facebook | Twitter | Tiktok | Youtube

Тадаббур

📖 Аллоҳ таоло айтади: «Роббимиз, бизни ҳидоят қилганингдан сўнг қалбларимизни оғдирмагин ва бизга Ўз ҳузурингдан раҳмат ҳадя этгин. Албатта, Сен Ўзинг кўплаб ҳадя этувчисан", Оли Имрон сураси, 8 – оят.

🔻Аллоҳ таоло илмда мустаҳкам бўлганлар ҳақида хабар беради, улар: “Роббимиз биздан жаҳолат ва ўжарлик содир бўлиб, қалбларимизни ҳақдан оғдириб қўймагин. Бизни ўзлари ҳидоятланган ва бошқаларни ҳидоятга бошловчилардан қилгин. Бизни ушбу ҳидоят (ҳақ йўл)да собит этгин ва (динингдан) ортга кетганларни мубтало этган нарсангдан бизни офиятда асра”, дея дуо қиларлар. (Саъдий тафсиридан).

🔻Илм ва ҳидоятга қай даражага етишган бўлманг, Аллоҳ таолодан сабот сўранг. Ҳатто Ўзининг маъсум расули ҳақида шундай деган: “Агар сени собит қилмаганимизда, батаҳқиқ, уларга бир оз бўлса-да, мойил бўлишингга оз қолар эди”, Исро сураси, 74-оят.
У зот соллаллоҳу алайҳи васалламнинг дуолари: “Аллоҳумма я муқаллибал қулууби, саббит қолбий ъала дийника!”, эди. (Маъноси: Эй қалбларни ўзгартирувчи Аллоҳим, қалбимни динингда собит қилгин!)

@arabicuz

iOS | Android
Instagram | Facebook | Twitter | Tiktok | Youtube