፩ ሃይማኖት

ከጋብቻ በኋላ ግንኙነት የሚከለከለው ለስንት ቀን ነው?

ቤተክርስቲያን አስተምሮ ተክሊል እና ሰርግ የተለያዩ ናቸው። ተክሊል ጋብቻው ሲሆን ስርጉ ደግሞ የተክሊሉ በዓል ነው። በቀደመው የቤተክርስቲያን ትውፊትም ተክሊል ሰርግ በአንድ ቀን አይፈጸሙም ነበር። ቤተክርስቲያን ተጋቢዎች ከጋብቻ /ተክሊል በኃላ ለ40 (አርባ) ቀናት በጾምና በሱባዔ ቆይተው ሰርግ ማድረግ አለባቸው የሚል ትውፊት አላቸው።

የፍትሐ ነገስት አንቀጽ 24 ትርጓሜም በጋብቻ ጊዜ የሚደረገው ሥርዓት ከዘረዘረ በኃላ እሱ ከአባቱ እሷም ከእናቷ ጋር ሲተኙ ይሰነብታሉ ፥ ቊርባኑን በሚሹበት ጊዜ እየሔዱ ይቆርባሉ አርባው ቀን ሲፈጸምም ሰርጉ ያደርጉላቸዋል ፤ ይላል ሙሹሮች ተክሊል ተፈጽሞላቸው ፤አሰቀድሞ ቆርበው ከወጡ በኋላ ወደየቤታቸው ይሔዳሉ ቢል እሱ ከአባቱ ጋር ሴቷም ከእናቷ ጋር የእየተኙ ለአርባ ቀናት ይቆያሉ።

ይህስ ከጋብቻ በኃላ ተለያይቶ መኖር አይገባም ወደ ወንዱ ቤት ይሔዳሉ ብሎ እሱ ከአባቱ ጋር ፤ ሴቷም ከእናቷ ጋር ( ከእናቷ ጋር የሚለውን የሙሸራውን እናት ለሙሽራይቱ አደርጎ መናገር ነው) እየተኙ ይሰናበታሉ ማለት ነው። በአርባ ቀን ውስጥ ሙሽራው ቤተስብ የማሰተዳደርን ሥራ ከአባቱ፣ ሙሽራይቱ ልጅ ወልዶ የማሳደግን ተግባር ከእናቷ (ከሙሽራው እናት ) እየማሩ ፣በመከከሉ እየቆረቡ ይቆያሉ።

በአርባኛው ቀን ሰርግ ይደረግላቸዋል። ይኽውም ጌታ ሕሙማነ ሥጋን በተአምራት ፣ ሕሙማን ነፍስን በትምህርቱ እየፈወስ ከቦታ ፣ ቦታ እየተዘዋወረ ከማሰተማሩ በፊት በገዳመ ቆሮንቶስ 40 ቀንና ፣40 ለሊት እንደጶም፤ ሐዋርያትም ይህን ዓለም ዕጣ በዕጣ ብለው ተከፋፊለው ወንጌልን ለማሰተማር ከመውጣታቸው በፊት 40 ቀናት እንደጾሙ አብነት በማድረግ ነው።

ሙሸሮች 40 (አርባ) ቀናት የሚለያዬበት ምክኒያት ጾም ጸሎት አድርጎ፤ ሥጋ ወደሙን ደጋግሞ ተቀብሎ ትዳርንና የሚወለደውን ልጅ ለማስባረክ ነው።

እንዲሁ አድርገው ተጋብተው የተወለደው ልጅ መንፈሳዊ ቢሆን እንደ እንጦስ እንደ መቃርስ ፣ ሥጋዊ ቢሆን እንደ ቆስጠንጢኖስ እንደ አኖሬዎስ ይሆናል ፣ እንዲል ፍትሐ ነገሥት ትርጓሜ አንቀጽ (24 ገጽ 323 ) ።

ሰርጉ ከተክሊሉ የመለየቱ አሰፈላጊነቱ ደግሞ ሥጋ ወደሙ ተቀብሎ ፎቶ ለመነሣት ከመንገላታት፣ በድካም ምክኒያት ከሙወጣው ላብ ለመጠበቅና ለቅዱስ ቊርባን ሊሰጠው የሚገባው ክብር ለመስጠት ነው። መለያየቱን ምክንያት በማድረግ ሰርጉን ፊጽሞ ዓለማዊ ማደረግ ፣ ከልብስ መራቆትና ዘፈን ግን ተገቢ አይዴልም ።

በስርጉ ዕለት ለክርስቲያን በተፈቀደው መጠን ማጌጥ ፤መደሰት ፤መብላትና መጠጣት አልተከለከለም። ለሌሎች ሕይውት ሓላፊነት ለመውሰድ የሚፈጽሙ ምሥጢራት በጾም በጸሎት ፈቃደ በእግዚአብሔር ሊጠየቅባቸው ይገባል።

ጋብቻ ደግሞ እንዲ የአንዱን ሸክም ለመሽከም፥ልጅ ወልዶ ለማሳደግ የሚገጥም ምሥጢር ሰለሆነ ተጋቢዎች ለአርባ ቀናት እግዚአብሔር ደጅ እየጠኑና እየተማጸኑ መቆየት ይገባቸዋል።

40 ቀን እስኪፈጸም በጾምና በሱባኤ የሚሰነብቱትም እንደ ፍትሐ ነገሥት ከወላጆቻቸው ጋር በመተኛት ነው ። በአሁኑ ነባራዊ ሁኔታ ከእናት አባት እየተኙ ማሳለፍ የሚቻልበት ዕድል ባይመቻች እንኳን ለፈተና በማያጋልጥ ሁኔታ ማሳለፍ ይገባል።

በዚህ መሰረት በቤተክርስቲያን ትውፊት ጋብቻ ከተፈጸመበት ዕለት እስከ ስርጉ ዕለት (ለ40ቀናት) ግንኙነት ማድረግ አይቻልም። የቤተክርስቲያን ትውፊት ይህ ቢሆንም አሁን ያለው ሥርዓት ስሕተት ነው ማለትም አይደለም ።ይኽውም ተክሊልና ስርግ አንደ ቀን የሚፈጸም ቢሆንም ተዋህዶተ መርዓዊ ወመርዓት (በጥምቱ ትውፊት ጫጉላ) በዕለቱ ሰለሌለ ማለት ነው ትርጓሜ ወንጌል ስርግ ተዋህዶተ መርዓዊ ወመርዓይ የሚደረግበት ነው። ሰለሚል ስርግ ከትክሊል/ ጋብቻ ዕለት የተለየ መሆኑ ግልጽ ነው።ምክኒያቱም ሥጋ ወደሙ ተቀብሎ በዚይምኑ ዕለት ግንኙነት ሊደረግ አይቻልምና።

ጋብቻ በቅዱስ ቍርባን የሚገባው ጥንቃቄ ሊደረግለትም ይገባልና። ቅዱስ ቍርባን ከተቀበሉ በኃላ ለሁለት ቀናት ግኙነት ማድረግ የተከለከለ ነው።

ሁለት ቀን ማለት ለአርባ ስምንት ስዓት ማለት ነው። በምሳሌ ብናየው እሑድ ቅዱስ ቊርባን የተቀበሉ ባልና ሚስት መገናኘት የሚችሉት ዕለቱ ጾም ካለሆን ሐሙስ ነው ማለት ነው ።

ሦስተኛው ቀን ማክሰኞ ቢሆንም ማክስኞ ለረቡዕ አጥቢያ የሚቆጠረው ወድ ረቡዕ ሰለሆን ጾም ነው።

የሁለት ቀን ክልከላው መሠረቱ በሉቃስ ወንጌል ካህኑ ዘካርያስ ቤተ መቅደስ ሲያጥን ብሥራተ ቅዱስ ግብሬኤል ስምቶ አግልግሉቱን ጨርሶ ወደ ቤቱ ከሔደ ከሁለት ቀናት በኃላ ሚስቱ ኤልሳቤጥ እንደጸነስች ሰለሚናገር በዚሁ መሠረት ነው።

አንድምታ ወንጌሉ ከሁለት ቀን ኖሮ ተገናኝቷታል። ዛሬም ሕጋውያን ሰለ ሥጋ ወደሙ ክብር ለሁለት ቀን ኑረው መገናኘት ይገባቸዋል፤በማለት በግልጽ አሰቀምጦታል።

ወስበአት ለእግዚአብሔር
ወለ ወላዲተ ድንግል
ወለ መስቀሉ ክብር ለዘለአለሙ አሜን
በ ዲ/ን ዘማርያም ዘለቀ
@And_Haymanot
@And_Haymanot

7.43K views12:16