صراحة الليلة انا ما قادرة اعبر من فرحتي بضحك ويبكي زي المحنونة😂
أول شي برشلونة فازت بي ثلاثية نضيفة وكان الحاجة بالنسبة لي زي احساس الام لما يقولو ولدها مات ويطلع عايش انبسطت شديد حد الانبساط
وبعداك جا إعلان المسابقة
والله لو جينا للحق عواليقاتي (نور، ميرنا، ولاء، هبة، اسراء امام، سمر، اميل، رزة، سنفورة، سمر الزين، امنة، سيدة، فطوومة، رماز)هم الفازو والله ما انا
بشكر اي زول ساعدني في نشر المسابقة دي ( مدثر، يوسف أزهري، همام) جد جد ما قصرتو وتتعلو ما تتدلو يا رب واكتر زول سعي ع انو ما انسحب واستمرت تنشر بعد ما حردت المسابقة 😂لما لغو التصويت الأول البت دي سروية ياخ ربنا يديك العافية يا رب وغفران صلاح ياخ دي ماف كلمة بتوصفا والله بحبك انا واميرتي بحبك حب 😘😘😘 ومهااااد كرم الزولة الفرحة ♥️😍 واي زول صوت لي بحبك انا وربنا يسعدك يا رب

#كسرة
طلعت من المسابقة دي وانا اتيقنت تماما انو سندي هم اصحابي والله جد والما عندو سند زي عواليق ما عندو سند والله
(انتو الفرحة ومنبع ذااتا
رااحة البال
غصن البان
‏ وشجرة النيم الضلها عاااامر
‏وانتو
‏ السكنتو الجوف والقلب والخاطر
‏ وانتو
‏ أمان
‏ وحنان
‏ وبلسم جِراح
‏وجرعة شِفا
‏انتو
‏ الريدةوطعم الريدة وريحة اللبن المقنن وانا ياخ بيكم مجنن
و‏ بحبكم حب ما في كلمة بتوصفو
‏بريدكم ريد مافي غيري بيعرفو
‏وجواي كلام عجز الحرف يوصفو
‏وانتو الفرحة ومنبع ذااتا
رااحة البال
غصن البان
‏ وشجرة النيم الضلها عاااامر
‏
‏بحبكم انا 😘😘♥️)
‏
‏ فأنا جد فرحانة لاني دخلت النلجرام واتعرفت ع ناس زيكم وجد جد اي زول اتعرفت علبهو من التلجرام دا اخو ونعم الصاحب ♥️


#كسرة أخيرة وشكراً ليكم يا ناسي الله يخليكم لي يا رب وشكرا لي دفعتي وشكرا ليك يا عبدو وان شاء الله في ميزان حسناتك يا رب

#omnia_mohamed

بمرو عليك ناس سواء في الشغل او المدرسة او الجامعة او زول من شلة الاساس او الثانوي او حتي الجامعة ناس كدا بضعو بصمة جواك ما بتقدر تنساهم بتشعلقو في ذاكرتك?😂 كانو فرحة الفصل القاعة الشركة الشلة بعملو جو في الحتة الهم فيها بصنعو فرحة ولله في الله كدا بتريدهم احتمال قل تواصلك معاهم بس اسي لما اتذكرت فلان داك او فلانة ديك براك قعدت تبتسم واتزكرت مواقف سمحة معاهم وبتتمنى تلااقيهم وتتونسو وترجعو زكريات زمان تاني
الليلة اضرب ليهو بو عندو رقمك رسل ليههو واتلاقو قريب 💜
فتشو عن البترتاحو معاهم ما للناس البوجعو قلبكككم فتشو للناس البزرعو الفرح فيكم ما للبسقوكم وجع 😍💔

#مسسساء_الخير
#Omnia_Mohamed

لما كل مرة مصيبة جديدة تحصل ليك وسببها انك كل ما تعصب بتفقد المنطق وبتتكلم كلام ما موزون وبتجرح اقرب الناس ليك ووانت ما قصدك كدا وما قادر تشرح انو ما قصدك وانك لما تعصب ما بتكون واعي او شبه انك فقدت وعيك لي لحظات و انك بوجعك الشي دا شديد وبوجعك لدرجة ممكن اكتر من الناس القلتو ليهم بس لما تعتذر بحسو بيك مستهبل لانو ما فاهمنك صاح ما فاهمين انك موجوع وعاوز تكون قريب ليهم اكتر وما عاوز العلاقة تكون بينكم كدا والوجعة بالجد لما تلقي ناس بملو في الزول العصبت فيهو دا وبنبذو فيك ليهم وهو زعلان منك وبتملي زيادة يبقي حتي لو جاهدت نفسك انك تتغير حتفضل نفس الزول القديم في نظرهم وما حتتغير وافضل حل للجوطة دي كلها انك #تموت_وبس !!
ّلانو الموت راحة ما هروب راحة للناس التعبو من كتر المشاكل وزهجو منك راحة لاصحابك لانو فترو منك راحة لاي زول في حياتك لانو انت بالنسبة ليهم شخصية محتقرة وما ليها اساسّ
يا رب ارح روحنا التي تؤذي عبيدك واقبض روحنا التي تضيق على خلقك الحياة وارح خلقك منا يا الله
#فضفضة
#omnia_mohamed

3#_سنة ❤️

تميناها واحنا ما حاسين بيها😍
3سنة بتقرو في كلامي وبتشاركو في منشوراتي ولا كليتو ولا مليتو مني❤️
3سنة كانت وما زالت وستكون وستظل احلى سنين حياتي 💜🌸

#كونك هنا في القناة دي معاي وبتقرا كلامي دا وبتسمعني وبتعرفني حتي لو انا ما بعرفك #شكرا_ليك❤️
#شكراً لي اي زول دعمني فيكم بي فكرة وكلام حلو لما كنت بنفسن😂
و#شكرا لي اسياد وادمن القنوات فردا فردا للبعرفهم وللما بعرفهم #شكرا ع قنواتكم لانها بتزيدنا حياتنا امل. وبتملانا سعادة ❤️
#وشكرا عواليق لانو احنا سوا 💋 مع انو الشكر ما بيناتنا بس لانو احنا برضو تمينا 3سنة يااارب طول العمر سوا😍❤️

#فشكرا الزولة الفرحة (اميرة) انك معاي رغم شتاتي معاك💋

وكل #الشكر لي كل زول عرفتو من القناة دي بالجد كنت وما زلت زول ليك مكانة كدا براك جواي ❤️ #شكرا للمتواصلين معاي اسي منكم 😍 ربنا يديم الالفة وللانقطعو ارجعو ياخ 💜

#شكراً للتلجرام لي ميزة القنوات دي و#شكرا للادمن المعاي❤️

#فاخيرا_وآخرا_شكرا_لي_نفسي😂💃 لانها الهمتني فكرة اني اعمل قناة❤️😍 واتعرف عليكم فيها

#كسرة_تانية
ورح نعلب سوا😍
("جاوب ع الاسئلة الاتية 😂 ودا ما امتحان مكشوف ااا😂 ما عندو اعادة😂😂")

1_ ليك كم من دخلت القناة ?
2_رايك فيها شنو وهل ليها اضافة في حياتك?
3_فقرة نفسك اني اعيدها ?
4_نص كتبتو انا ولامسك ?
5_فكرة عشان نطور بيها القناة ونطور بيها نفسنا معاها ?
6_نص منك او شي منك ايا كان نوعو للقناة بالمناسبة دي 💃❤️

7_نصيحة ووصية لي ولي كل ساكنيها❤️😍?

@omnia_mohamed


#كسرة_اخيرة

بكرة عندكم عندي مفاجاة لو نسيت ذكروني😉

منتظرة مشاركتكم😍 وخلو بالكم من نفسكم 💜

#omnia_mohamed
#HBD_Kharb$at
(#2_4_2016)

بنجوط وعارفين البرتبنا منو
بنبكي وبنضحك وعارفين الحيسمعنا منو
مهما بعدنا من الناس هم قراب مننا
ومها زعلنا من الدنيا فمٍنهم ما بنقدر نزعل ....


#omnia_mohamed

جوا اي زول فينا في جانب معين بحب يميل ليهو واغلبنا بميل لانو يحزن لانو يكون قافلة معاو وبجيهو شعور انو ما لاقي نفسو مع انو ماف اي سبب يخليهو يحس كدا بس دي طبعة بقت فينا !!!
بنحب نسمع اغاني حزينة، موسيقي حزينة او نقرا قصص حزينة او نعيٍّش روحنا في جو كلو كابة. ونحسس روحنا انو مفروض تكون دي حياتنا لانو احنا نستاهل كدا ونفتح دفاترنا القديمة ونتذكر ماسسينا البتسود الوش وسبب فشلنا القديم ونخليهو عتبة ما نقدر نتخطاها وتكون وسام فشل قدامنا كل ما فكرنا في درب النجاة نتذكرو وتجينا حالة من الياس تخلينا نقول انو دي نهاية المطاف وننكد ع نفسنا بنفسنا !!!
طيب ليه كدا ولمتين حنقعد نحفر في حفرة ما عارفين نهايتها وين. !!?
وليه بدل نبقى سبب فرح ومحفز ايجابي لي روحنا بنبقى سبب تعاسة ومنبع للسلبية !!!
بدل نسقي نفسنا بالامل نسقيها ياس بدل نملاها حب لي نفسنا نملاها غل وكره لي نفسنا ونقفد روحنا وغيرنا بيدنا !!
#اتذكر_حاجة
السعادة بالتصنع بتبقى حقيقة والفرح فكرة لو اتزرعت جوانا حياتنا حتبقى فيها حياة 💕
راجع حسابتك وجدد كل يوم النية انك تغير من روحك وارجع لي ربك وادعي انو يرزقك طريق النجاة وسبل الرشاد ❤

#فضفضة
#omnia_mohamed

ما كل زول غاب ورحل بقى ماضي لانو في ناس بمشو مننا بس تفاصيلهم معانا ما بتروح بنفقدهم آي بس هم فينا وجوانا عايشين ❤ .

#omnia_mohamed

في حاجات بسيطة بتفرق معانا زي لما صحبتك تضرب ليك تقول ليك كل عام وانتي لي بخير بتحسي انك بالجد غالية عندها هي تصرف عادي وحاجة بسيطة بس بتفرق معانا كتير والله

قبل شوية حتي قريت منشورك وعرفت الليلة عيد ميلادك بالجد شهر 5 دا شهر مميز ياخ 😍 وناسو زاتهم منقيهم براهو

انا فرحانة بالجد لانو انتي مولودة معاي في نفس الشهر واكبر مني بيوم 😂❤️😎 ما قادرة اوصف ليك شعوري

#بس

خليك فخورة بذاتك وبي كينوتك ودايما خليك عارفة انك غااالية حتى اسمك زاتو اميرة معناها انتي بتختلفي عن غيرك اميرة في اخلاقك في تصرفاتك عيشي حياتك زي ما عايزة ودايما خليك سعيدة وفرحانة عيونك ما بيليق بيها الحزن لازم الفرح يسكنها خليك عارفة شي انك في حياة اي زول عندك مكانة خاااصة خليك واااثقة من الحتة دي لانك فريدة من نوعك فرحانة بالجد لانو انتي في حياتي بيقولي دايما الاصحاب كتار بس البيقيف معاك في وجعتك دا الصاحب البجد وانتي في كل تفصيلة في حياتي واقفة معاي

خليكي دايما معاي لانو انتي سندي البتكل عليهو لما احس بضعف صحبتي واختي البقدر احكي ليها اي شي من غير ما اقول ليها دا سر بيناتنا لانو عارفة كدا سلفا ما لاقية شي اقولو واكيد انا كدا برضو بالنسبة ليك 😂😎

انتي هدية سنتي 19 بالنسبة لي وانا اكيد هدية سنتك ال21 المضت دي😎😎 اللهم زدني تواضعا😂😂😂 اتمني انك تكون سعيدة بوجودي في حياتك زي ما انا فرحانة وفخورة بانك في حياتي واكيد طبعا فرحانة 😂

انتي ما صحبتي وبس انتي اختي وقلبي وانا والله حتي لو بعدتني المسافات منك قلبي معاك وحتي لو قصرت في حقك يوم وما سالت عنك اعرفي حاجة اني في صلاتي بدعي ليك وعمري ما نسيتك لانك ما الزولة البتتنسي بالجد انتي الزولة الفرحة

كل ثانية وانتي لي طيبة
وسنة سعيدة عليك يا رب وان شاء الله حياتك كلها سعادة
#your_sister
#omnia_mohamed

امي بتقول امنية عندها هدية من ربنا وهديتها هي انو اميرة في حياتها فبالجد يعني😍❤️

فحين لك سند كأميرة لن يغشاك الحزن يوماً

#الجميلة_اكبر_مني_بيوم😉😍
#فاميرتي_ياخ_البينا_ما_بتوصفو_كلمات ❤️
#فكل_سنة_وانتي_لي_طيبة😘

#omnia_mohamed

7/5/2017...1:00صباحـاً...

اليـوم اكملـت عامها التاسع عشـر...
يوم ميلادها الذي يجـسد ملامح الفرح والسعاده ...
كما البراءه التي تنعكس من عينيها ...
#طيبتها...#جمال_روحها
وكـل ما هو جميل يتجسـد فيها #omnia_mohamed
وينعكس علي هذا اليوم لانها يوم شرقت شمسها وسطع نورها لتضئ لنااا حياتنا وتنيـر دربنا فقط لانها جزء من حياتنا واساسا في ابتسامتنا ...
في مثل هذا اليوم جاءت #امنيـه الي هذه الدنيـا ...
فانتي الخيـر لكل عام
وكل عامِِ وانتي الي #الله_اقرب

#عاام_سعيـد
و #عمر_مديييد_في_طاعه_الرحمن

#كسـره...

ضاريهو همك بالفرح
ونتلاقا تضحكي من بعيد
في الكتمه ضحكك همبريب
و ابقي زي ماقلت ليك
مبتسمه في الزمن الحزين
محضونه بي نور القمر
لابسه العفاف في كل حين

#Amira_Alshikh

الفرحة الجوا عيونك والبسمة المرسومة في شفتيك والكلمة الطالعة منك بتشيل هموم الغير
رسالتك البتقول فيها كل عام وانتو بخير في رسالة جماعية دخولها جوا القلب ما زي الرسالة المكتوب فيها فلان فلانة كل عام وانت وانتي بخير
اتصالك المفاجئ لزول طولت منو شديد تتبادلو حكاويكم سوا دا بحسسك معني العيد الحنية البينكم بتزيد ومكانتك حتكبر شديد جواهو
اتصالك لزول قريب منك سوااء قرب القلب ولا قرب المسافة احساس انو يسمع صوتك وانت بتباركلو العيد احساس جميل شديد

فالعيد هو شنو غير فرحة احنا بنصنعها لي نففسنا ولي ناسنا البنحبهم والقريبين ممننا
بتحس في رحمة بتنزل علي قلوبنا كلنا وفي استكانة بانو اي شي حيبقي حلو والكسرتو الظروف الزمن قادر انو يجبرو والملامح الخربتها الايام ببسمة رضا بتبقى حاجة ما بتخلص👌🏿

دام بالبسيط بنفرح ليه زايدين همومنا هموم

كل عام وانتو الخير
وربنا يخلي ليكم ناسكم القراب والبعاد

#omnia_mohamed

#عن_الصحاب البجو بالصدف وبدو حياتنا معنى وعمر جديد كل سنة والبينا عاامرة ياخ ❤️
#شلتي_القديمة(ناس عزوز ) والجديدة (ناس منة ) انتو الهدية الهداني ليها رب العباد والله والشي الوحيد المحلي لي افريقيا ربنا يديم البينا يااا رب
#عن_دفعتي الايام العشناها والحنعيشها سوا حاجة ما بتتوصف والله الله يديمنا لبعض

#وعن_اميرة (بت من الزمن الجميل ) #هدية_الرحمن
اول ليك عيد بعيد عن ناس بيتكم ومع جنتك 😉عيد جديد حتى احساسو اتغير بالنسبة ليك يا دوب بديتي حياة جديدة ربنا يوفقك ويسعدك والسنة الجاية زي ما عاوزة وشايلة #امنية 😂😍 كدا يا رب

#لكل_عواليق (بت الزين ،سمر ، السرة بت امام ،ميرنا، هبوش ، مولي ، بت من فرح ، ولوية ،توتة ، امييل ، امون بت اللمين ، سيدة (ابو السيد ) و نور (حدوبي ) الروح مشتاقاكم واللله 😭😭 ،امنية (سنفورة)وين الغيبة.ياااخ
كل سنة واحنا سوااا وربنا يديمنا نعمة لبعض يااا رب

#ولكل_زول اتعرفت عليهو بالتلي انت روح بتبث فيني السعادة والله

#ولكل_البعرفوني_كل_سنة_وانتو طيبين ياخ ❤️❤️

#omnia_mohamed

#دا_منو_هو_دا_البستاهل ?!
انو نفكر فيهو كتير
انو نديهو اهتمام اوفر دوز
انو نحكي ليهو اي شي بخصنا
انو لو ضحكنا بكينا هو يعرف سبب ضحكتنا وسبب بكانا
انو حتي تصرفاتنا العفوية نقولها ليهو
وانو حتي كلامنا الدقاق مع نفسنا هو يعرفو
فبقى #للاسف ما عندنا #خصوصية لروحنا لانو احنا كتاب مفتوح ليهو .
تفكرو في زول يستاهل دا كلو ??!
#حتى #لو_في_زول_يستاهل 😂 ما صاح
ما صاح زول يعرفنا اكتر مننا عشان ما نتصدم
ما صاح زول يعرف انو بقي نقطة ضعفنا ويومنا من غيرو ما بمشي فيفتري علينا واحنا نضعف
ما صاح نشكي ونبكي لي زول عشان ما حنستفيد شي غير انو حنبكي كتير
#فلازم ندي نفسنا فرصة انو نتفاهم مع روحنا ونقول افكارنا ليها قبل ما نقولها لزول عشان ثقتنا في نفسنا تكبر
#لازم نحب نفسنا باننا نعتمد عليها انو نفقدها لو يوم ما شاورتنا في شي انو نهديها انو نديها مساحة عشان تبدع #وتورينا_هي_بتقدر_تعمل_شنو.

#لو ما قعدت معاها عمرك ما حتعرف مشكلتك وين وعمرك ما حتعرف انت واقف وين وفي اي نقطة عشان تبدا تبني فيها من جديد.
#فخلي نفسك هي اوليات حياتك استبدل الزول القبيل القلت بستاهل انو تحكي ليهو اي شي بي نفسك وشوف حتبدع كيف .

#كسرة
😂انا ما قلت ليك ابعد منو لا انا قلت ليك ادي نفسك خصوصية عشان تبهرك بقوتها وانو وجود الزول دا او عدمو ما يفرق معاك لانو نفسك معاك😍❤️

#فضفضة
#omnia_mohamed

بتمر علينا لحظات بتكون ما فاهم اي شي وبتجيك كتمة نفس كدا غريبة والدنيا كلها قدامك سواد وحتى البكا الكان بريحك بقي نزولو ع خدك اي بتحسو زي الجمر بس ما بريحك والضحكة الكان بتطلع عشان تخدع غيرك بانك سعيد ما عندك نفس ليها ولا عندك نفس تتكلم مع اي زول لانو بببساطة حاليا انت شايف انو ماف زول فاهمك وماف زول شغال بيك
بس بالرغم من الناس الكتار الحوليك انت شايف انك وحيد ا
#omnia_mohamed
#فضفضة

في لحظات ضعف بتجي لاي واحد فينا بكون كاره فيها روحو وما قادر اتنفس حتى
فترة عزلة بنكون بعيدين فيها عن كل الناس وعايشين في وجع والم متواصل وتفكير ذهني يشل الراس وما قادرين حتى نطلع منها او نقول ما حابين !!

كترت فلان بفكر في الانتحار كترت فلان مدبرس كترت فلان انتحر !
كترت مقولة::-
أ_بنضحك واحنا من جوا بركانا بغلي
ب_بنبكي ودموعنا بتزيدنا كي
ج_بنحس بالوحدة واحنا مليانين اصحاب
كترت ولا ما كترت ?!
في حاجات احنا ما شايفنها مستاهلة او شايفنها هامشية وما مهمة بس في نظري اهم من مهمة :-
لازم نعبر لازم نبين لاصحابنا حبنا ليهم عشان ما يعيشو في وحدة واحنا معاهم!!
لما تكونو ملمومين سوا ما تقولو كلام بجرح بعض حتي لو بالهذار في ناس ببينو انو ما فارغ معاهم بس من جوا مكسورين !!

ما تمسكو تلفوناتكم وانتو سوا اتونسو فضفضو ابكو طلعو الجواكم عشان لو ما طلع بتراكم ولما بتراكم ببقي علاجو صعب

فاحنا زي ما متفقين اننا شعب بسيط فنواصل ع البساطة نقرب من البنحبهم وما عاوزين نخسرهم نجدد وعدنا ليهم من فترة للتانية انو احنا ما حنخليهم
كلمات بسيطة.مننا ممكن تنشلهم من موجات الدبرسة البتجيهم


ورح نجرب انو نحكي كل الجوانا من غير خجل لانو كلامنا دا صدقوني بغير امة !!

#فضفضة
#omnia_mohamed

#في_ناس

⊙في ناس بنحب نتونس معاهم يومي مع انو ما بنعرفهم حتى°

⊙ وفي ناس وجودهم معانا هو البدب في حياتنا الروح °

⊙وفي ناس اول ما تشوفهم بتدعي انو يا رب ما يفتحو خشمهم°

⊙وفي ناس بتتمني يتكلمو عشان كلامهم بريحنا°

⊙وفي ناس ابتسامتهم كااافية انها تسعدك وتطلعك من الانت فيهو°

#ببساطة_كدا

اي زول عندو تاثير ع الحولينو سواء بابتسامتو بي تكشيرتو بي هذارو بي ونستو بي جنو كلنا عندنا بصمة في حياة غيرنا فينا البككون فرحة وفينا البكون هم وغم 💔😂 بس في النهاية لينا تاثير


("فيا رب اجعلنا فرحة في حياة اي زول بنعرفو")
#omnia_mohamed
#فضفضة

في حاجات بسيطة بتفرق معانا زي لما صحبتك تضرب ليك تقول ليك كل عام وانتي لي بخير بتحسي انك بالجد غالية عندها هي تصرف عادي وحاجة بسيطة بس بتفرق معانا كتير والله

قبل شوية حتي قريت منشورك وعرفت الليلة عيد ميلادك بالجد شهر 5 دا شهر مميز ياخ 😍 وناسو زاتهم منقيهم براهو

انا فرحانة بالجد لانو انتي مولودة معاي في نفس الشهر واكبر مني بيوم 😂❤️😎 ما قادرة اوصف ليك شعوري

#بس

خليك فخورة بذاتك وبي كينوتك ودايما خليك عارفة انك غااالية حتى اسمك زاتو اميرة معناها انتي بتختلفي عن غيرك اميرة في اخلاقك في تصرفاتك عيشي حياتك زي ما عايزة ودايما خليك سعيدة وفرحانة عيونك ما بيليق بيها الحزن لازم الفرح يسكنها خليك عارفة شي انك في حياة اي زول عندك مكانة خاااصة خليك واااثقة من الحتة دي لانك فريدة من نوعك فرحانة بالجد لانو انتي في حياتي بيقولي دايما الاصحاب كتار بس البيقيف معاك في وجعتك دا الصاحب البجد وانتي في كل تفصيلة في حياتي واقفة معاي

خليكي دايما معاي لانو انتي سندي البتكل عليهو لما احس بضعف صحبتي واختي البقدر احكي ليها اي شي من غير ما اقول ليها دا سر بيناتنا لانو عارفة كدا سلفا ما لاقية شي اقولو واكيد انا كدا برضو بالنسبة ليك 😂😎

انتي هدية سنتي 19 بالنسبة لي وانا اكيد هدية سنتك ال21 المضت دي😎😎 اللهم زدني تواضعا😂😂😂 اتمني انك تكون سعيدة بوجودي في حياتك زي ما انا فرحانة وفخورة بانك في حياتي واكيد طبعا فرحانة 😂

انتي ما صحبتي وبس انتي اختي وقلبي وانا والله حتي لو بعدتني المسافات منك قلبي معاك وحتي لو قصرت في حقك يوم وما سالت عنك اعرفي حاجة اني في صلاتي بدعي ليك وعمري ما نسيتك لانك ما الزولة البتتنسي بالجد انتي الزولة الفرحة

كل ثانية وانتي لي طيبة
وسنة سعيدة عليك يا رب وان شاء الله حياتك كلها سعادة
#your_sister
#omnia_mohamed

امي بتقول امنية عندها هدية من ربنا وهديتها هي انو اميرة في حياتها فبالجد يعني😍❤️

فحين لك سند كأميرة لن يغشاك الحزن يوماً

#الجميلة_اكبر_مني_بيوم😉😍
#فاميرتي_ياخ_البينا_ما_بتوصفو_كلمات ❤️
#فكل_سنة_وانتي_لي_طيبة😘

#omnia_mohamed

رمضان دا تقريباً أغرب رمضان لينا كلنا وللعالم اجمع
رمضان من غير لمة أهل وعزايم ومن غير تروايح في الجامع من غير شغل وجامعة ومدارس
رمضان من غير حاجات كتيرة بس
رمضان بي لمة ناس البيت بس لمة اخوانك
ما ملاحظين ع حاجة بالرغم من انو في حاجات كتيرة ماف الا انو فرحة رمضان جوانا ما اختفت وشوقنا ليهو زاد وكلنا فرحانين بقدومو جداً ومستقبلنو بي لهفة مشتاق ❤️" الحمدلله على نعمة الإسلام"

السنة دي بدت بي حزن اجتاح العالم كلو بإذن الله حتكون نهايتها بشارة فرح لينا كلنا 😍👌
وأول فرحة بإذن الله. حتكون لما يجي د أكرم في التلفزيون ويقول الحمد لله قدرنا نسيطر ع المرض وكل المرضى بقو اصحاء والجيش الأبيض يجينا كلو ضاحك ومبتسم😍😍
وانت تطلع منو بي روحانيات عالية وتفكير جديد وأسلوب حياة جديد يا رب يا رب
وبإذن الله انا متفائلة حنسمع فيهو أخبار كويسة شديد...

فاااا كل سنة وانتو طيبين ورمضان كريم وربنا يتقبل منا ومنكم الصيام والقيام وصالح الأعمال يا رب
وتصومو وتفطرو ع خير
والعفو لله انا عافية منكم

#حاخليكم مع ثريد هاشم ترك دا اقروهو ما تنسو مهم جداً لازم تدوهو طلة❤️

#ورمضانكم احلى مع ناس بيتكم

#omnia_mohamed

بنكون زهجانين شديد بنجيهم عشان الزهجة تطير..
مرات م بنقدر نحكي سبب زهجتنا انو الوجع لو حكيناهو بزيد واحنا الفينا مكفينا 😂💔

بنجيكم
.. م عشان نشكي لا بنجيكم عشان معاكم بتنسي الوجع والابتسامة بتطلع من الأعماق ♥️

... وما عشان م عندنا غيركم عندنا كتار البتمنو يسمعونا بنجيكم بس عشان ما بنرتاح الا معاكم وبيكم الفرح يزورنا وبتضحك العيون الشايلة هم الدنيا ♥️



#omnia_mohamed