في كل تلفون بتلقي في جهات الاتصال رقم بتتصل ليهو بدون مناسبه
بتتصل وقت الزهجه و وقت تكون قافله معاك
من غير مقدمات بتلقي نفسك عملتا اتصال
رقم ما عندو حدود و لا زمن محدد
#رقم_وقت_الحاجه و وقت الزنقه

لمن تفرح و لمن تحزن و لمن تزعل ...

رقم مميز في كل حاجه ... حتي في ترتيبو ...لانو برتبنا و بفرحنا و بنسينا حتي روحنا ...

#Amira_alshikh

#الاحســـاس اكبـــر من فــرحه😍

الف مبروووك لكل النجحو الليله في امتحان اجتياز مهنه القـانون و مزيــدا من التقــدم ياا رب ...
مع اني م امتحنتاا بس فرحتاا ليهم شديد لي اجتياز العقبه دي في حياتهم
الف مبروووك لي كل الامتحنو من دفعتي #جامعه_وادي_النيـــل_كليه_الشريعه_والقــانون

مبرووووك كبيييره علي قدر قامتها الســاميه و طيبــه قلبها و حلاوه روحهااا ... لي #اسماء_محمد_سيد_احمد.( #بروف_كليه_الشريعه_والقانون)
فرحتينا و ابهجتينااا و يااهو الراجينو منك😍

و عقباال عندك #رحمه_عبدالماجد

مبروووك ليكم كلكم ياااخ ♥♥
#Amira_Alshikh

و في كل سنـه وفي مايو بالذات بكون مشتته وبكون عندي زحمه هموم وزحمه فـرح حاجات متناقضه شديـد
#مرت_سنه_من_عمري
اتغيرتااا فيهاا كتيير اتغيرت فيها افكاري ومفهومي في حاجات كتيره
عمـري زاد بس في نفس الوقت نقص
#الله_يديناا_حسن_الخاتمه
فاالمهم في السنه العدت دي بعتزر لي اااي زول غلطتاا في حقو او زعلتو
بعتزر لي اي زول اتخزل مني
كمان بشكر الناس المكملين معاي وعمرهم ما اتغيرو علي
شووووكرا #امنيه_محمد لانك في حياتي #امنيتي_الحووب ♥ وكل سنه وانتي طيبه من هسه 😍😘

وكمان شكـرا لي زوولي البـريدو المستحملنـي وفاهمني
و انت عااارف الريده ماا بكفيهاا قول ♥

واختـي الماا ولدتهاا امي عارفه نفسك صح! ! كل سنه ونحن سواا وكل سنه وانتي ساالمه ♥ مع اني حاسه نفسي بعيده منك الفتره دي بس اكييد البيناا عاامره ♥♥
اختے الحن المالے الحتة .. آآخ لو زيک أربعة ستة!💓


#ناس_من_الزمن_الجميل كل سنه وانتو القناة دي بيكم اجمـل كل الحووب ليكم ♥

#في_يوم_ميلادي ...
أسألك يا الله فرحة و سعادة تغمُرني دائماً و أبدا ". ربي أُكـتب لي بداية جَديدة , ربي مد بـ عمري في طاعَتك وحقق لي مُرادي ولا تحُرمني فرحتي وعافَيتي وإني أستودعتك عام مضى من عمري فاغفر لي ماكان فيه و بارك لي فيما تبقى من عمري .
#Amira_Alshikh
@AlDektora99

#عـدت_سنـه

اول حاجه كل سنـه و انتو طيبين و رمضان كريم عليكم ...
طولتاا منكم. شـديد فـ العغـو و العافيـه ♥

الليله بـالجـد يوم. مميز شـديد 6 مايو 2019 ...
اول يوم في #رمضان و اول يوم لي عام جديد من عمـري ...
بتمناها سنه غير بالجـد ذي ما بدت بي احلي شهـر في ايام السنه ... سنه تكون حلوه بي حلاوه رمضان بي روحنياتو و فضلو و كرمو علينا
سنه مليانه ايمانيات و طاعات و قرب من ربنا ...
و انا متفائله بيهو شديد و مبسوطه جدا انو عام من عمري بدا مع رمضان ....

سنه سعيده علي و علي كل كل ناسي البعرفهم ♥.
سنه سعيده عليك. #امنيه_محمد ... #الجميله.اصغر مني ب يوووم😉😂
وأبقي زي ما انتي سمحـة عَلمي الحب الغَناوي ..شدِّي سرج الواقع أجمل .. وبي بسـاطة الصوره تكمل ! ♥️


#سنه_اجمل_معاك سيـــد ريـدي مع اني بعيـده بس حلووه. بيك. برضوو ....
آحميه لي يا الله حتي لا يمِس قلبه وجع فـيمسنِي اضعافه ❤️


يارب . في عام. جديد من عمري . اجعلني صبورة ، سعيدة ، قنوعة ، موفقة ، راضية ومنك قريبة ..
يارب سهل الامور التي تقف على عاتقي واجعل " فرجها " قريبا يا الله💕

#Amira_Alshikh

#اسميته_محمد♡
و بعد انتظار 9 أشهر ...شرف محمد 😍
أحببته من قبل أن يأتي و من قبل ان أعرفه ولد أم بنت..
أسماه أبيه محمد كما تمني ...
و انا اتمني ان يشبه اباه...
فمن شابه اباه فما ظلم ...
يشبهه شكلا و مضمونا ...
يأخذ ملامحه و تفاصيله
ضحكته و ابتسامته المرسومه علي شفتاه دائما ...
طيبته و صفاء قلبه ...
براءته و حلاوة روحه ...


ف الحمدلله حتي يبلغ الحمد منتهاه علي نعمه علينا ❤️

#Amira_Alshikh

#الحب_يصنع_السعاده_و_ويتخطي_العيوب ♥♡

#بتحكي انها كانت زوله طموحها عاليه و احلامها ورديه بتحلم بمستقبل زاهر
مليان رفاهيه وحياه ما فيها عقبات
بمعني تاني كانت افكارها ماديه احلامها كلها بتتلخص في انها تخلص دراسه و تشتغل و يكون عندها قروش و املاك لاتحصي و لا تعد بحكم مجالها الدراسي ..
كانت زوله محدوده جدا في علاقاتها ..احيانا بقولو عنها انطوائيه و احيانا مغروره ...
راسمه صوره ل فارس احلامها لا توصف ..كانت بتقول لازم يكون زول مقتدر ماديا عشان يعيشها المستوي الهي عايزاهو ...
مرت الايام و خلصت دراسه و مع نهايتها جا فارس الاحلام الما كانت بتحلم بيهو
كان عكس كل طموحاتها ...
ما كان في زول متوقع انهـا توافق او تكون دي حياتها ....

يتبع ....
#Amira_Alshikh .

#الحب_يصنع_السعاده_و_يتخطي_العيوب ♡

جاطت حياتها و دواخلها و مشاعرها لا ارادياً
دي الشخصيه الكانت بتحلم بيها من ناحيه و من ناحيه تانيه كانت عكس كل اهدافها و حياتها الراسماها...
كانت الضجه حولينها كتيره.
من نقض و رفض و كلام ناس كتير
بس كانت ثابته و اصلو ما اتهزت ..
تمت الموافقه و حصل تواصل و في فتره وجيزه بقت قصه حب عجيبه...
كل واحد لقي نفسو في التاني مع كل الاختلافات البيناتهم ..هي الكانت بتنظر للحياه نظره ماديه و دنيويه و هو كان زول عمرو الدنيا ما عامل ليها حساب و لا بفكر في بكره بعيش اللحظه و بس ..
زول تقي جداً و بشوش ...
غير فيها كتير و استحمل كل عيويبها و نواقصها ...
طلع من جواها البت الحلوه المرحه القاعده ورا شخصيتها الخجوله
احتواها بكل المعني المطلوب ...

و ربنا حقق ليهم حلمهم و تم الزواج رغم انو كان عندهم كميه من العوارض و العقبات بس الله قادر و الحمدلله...
عاشو حياه بسيطه بس كانت مليانه فرح و حب.و امـل...حياه كانت اشبه ب الحلم لي اي زول♥

ف اللهم ادمها عليهم ♥

#حاجه_مني
الحب محتاج قلوب نضيفه بتفكر في غيرها ...♥
محتاج ناس حلوه من جواها ♥♥
..
و الحياه ما بتديك اي حاجه لازم نتنازل عن حاجاات عشان حاجات احلي ♥♥♥

م ف زول كامل كلنا عندنا نواقص ♥♥♥♥

كلام الناس و ارا۽هم و افكارهم ناتجه من تجاربهم الفاشله ...و كلام الناس كتير لا بجيب لا بودي والناس ما كلها ذي بعض فخليكم بشخصيتكم المستغله ..

قالت ليهو :
انت الباقي للروح ألف.. وفي المشاوير المعاك م بختلف.. اوعدني انك لي سند.. وانا ياني ببقالك مدد..💙
قال ليها :
ويا السمحه هوي أطمني انا بيك وليك حقك براك كان الزمن في يوم غدر انا م بعيش يوما بلاك..♥

اللهم حلالاً يشبه كل أمانينا..♥


#Amira_Alshikh

جميــل هو ..
ك حب ثوار بلادي الاحرار و كنداكاات سوداني الجميل. ل ارضهم...
ك شجاعتهم و بسالتهم. و اصراهم و قوتهم..

ك اجتماعهم علي حب الوطن لا سواه..
ك جمال غيـرتهم علي تراب و طنهم.
ك توحد صفهم و كلمتهم
ك جمال اعينهم و هي تحكي قصه حبهم. ل بلادهم ♥♥
ك ثبات امهات الشهداء ...
#Amira_Alshikh

الحـزن المـركوون هنااك في قلبك ح #تنساهو قريب ولا بعيد عااجلا ام اجلا و بفرحــه كبيييره كمان ♥
الـزول البتذكرو في كل لحظه و هو خزلك و فاات خلاااك ح #تنسااهو يجييك الاحسن منوو و تساال نفسك هو ليه انا كنت بحبو اصلا! !!

رقم التلفون الما قادر تنساهو ولا حتي تتصل فيهو و كل مره تكتبو في لوحه المفاتيح و تحزفوو ح #تنسااهو و حتي بدون ماا تحس و تجي عليك فتره تسال نفسك و تضحك
هو انا مش كنت ما قادر انساهو? ?

ف سبحان الله كلوو مع الزمن بتغيير مفهومنا طباعناا عفويتناا كل حااجه بجيها طابع جديد ...

#دوام_الحال_من_الحال ....

#Amira_Alshikh

مقارنة كميـه الناس المـوجوده في حياتنا
ب النااس الممكن نلقاهم معانا وقت نحتاجهم ...
نسبه ضئيله جـدا و قد تكـون صفر عديل ...
كتـره العلاقات قـد تكون جانبها السلبي اكتر و العكس
كل زول و وجهة نـظرو ...
كتييير بنقيف و نسااعد و نكمـل الفرح و الكـره ..
بـس لما يجي الدور علينا بنلقي روحناا براانا ذي ريشه في مهب الريح ...
بس كلها بتقويناا و بتخليناا نسند روحنا
تغير لينا مقوله اليـد الواحده م بتصفق لي اليـد الواحده بتنجز و تنجح ♥

#Amira_Alshikh

2/8/2018
2/8/2019

ايااام مـرت ب ســرعه خياليه ...
عـدت سنه من غير ما نحس
سنه مع الجميــل جـدا الكان من نصيبي ...
سنه مـرت حبيتك فيها كاني ما كنتاا و لا عشتاا و لا شفتاا ... سنه حلوه بيك. و معاك ♥

سنه في ختامها كان #محمـد حضور بيناتنا و زايـد حياتنا حلاوه و الفه و لون جديد و جميـل... صغيـري #محـمدي♥يـا فرحه عمري و ايامي

و بعـد عاام من السعاده و الحب ..بقول ليك. كل سنـه و انت اجمل ما عنـدي ♥
كل سنه و نحن احلي و اروع ...
كل سنه و انت عشقي الابدي ..♥
و مبروك علي وجـودك معاي و ذكري تتويج حبنا الاجمل ♥
كل سنـه و انت سندي و مصدر قوتي ♥
و كل سنه و انت معاي و سعيـد ياا سعادتي ♥
#و_انت_براااك_كل_اربعينك ..و هو منو البشبهك? ?

و ‏إنّه أعمق من كونه زوج أنّه روحي ولربما شيئاً يميل إلي 💙. .
لقد جئت على مقياس أمنياتي تماما،لطالما تجيد احتواء قلقي الدائم ،،واحتواء مخاوفي وعثراتي،،لقد جئت وأنرت عتمة أيامي وزرعت أيامي بجمال ضحكاتك حدائق مزهرة،، فتعثرت بضحكاتك وانعقاد حاجبيك حين تتملك الدهشة،
تشبه الشمس بضياءك لروحي المعتمة وتشبه النجوم لأنك تقيم بقلبي فيشرق روحي من جديد وكأنك نجوم تزين مدينتي المعتمة،،
إنك تشبه محطات الأمان ،، وكأنك أتيت عوضا عن كل بؤس الأيام وسكنت بحنايا روحي فوجدت بقربك طمأنينة لروحي الخائفة..~فيارب اللهم قلبه ومادونه هين♥️✨.

#Amira_Alshikh

#الليـله_عيـدك_يـا_وطـن ❤️

نترحم علي شهـداء الوطن علي الدمهم كان حبـر توقيع لليوم دا و لولاهم ما كان
#شهدائنا_ما_ماتو_عايشين_مع_الثوار ❤️

#فرح_السـودان
الف مبروووك لشعبي الجميـل ♥ و ان شاءالله تكون بدايه خيـر علينا و تكون قـدر احلامنا و امالنا الكبيره ♥

الف مبرووك. للثوار و الكنداكات ♥

ح نبنيهو. البنحلم بيهو يوماتي❤️

#Amira_Alshikh

#قبل_ما_تختار_طريقك_ابقي_واثق_من_رفيقك ❤️

و بعد فتـره من الزمن ح تكتشف انو #الحب ما شعارات! !
و لا وعـود و عهـود! !
و لا حتـي محتـاج كلام كتيـر و قصص و مقابلات و قعدات و الكلام الفـارغ دا $
الـحب محتاج تلقـائيه و بساطه 👌
احتـرام و تقـدير 👌.
محتاج ناس تفهم يعني شنو علاقه و ارتباط ..
هو تبـادل و اخد و عطـا في اي حاجه من الطرفين ... ما زول يحب ببزخ و التاني بارد جـدا .. لا كدا ما بنفع و علاقه من بدايتها فاشله...

و الاهتمـام بعـد العتاب بكـون لونو باهت 💔.

ﺍﻟﻌﺎﻳﺰﻧﺎ ﺣﻴﻌﺮﻑ ﻳﺤﺎﻓﻆ ﻋَﻠِﻴﻨﺎ💓 ... ﻭﺍﻟﺒﺤﺒﻨﺎ ﻣﺴﺘﺤﻴﻞ ﻳﺠﺮﺣﻨﺎ 💔...
ﻭﺍﻟﺒﺎﻗﻲ ﻋﻠﻴﻨﺎ ﻣﺎ ﺑﺨﺘﺎﺭ ﺑﻌﺪﻧﺎ ✌... ﻭﺍﻟﻤﺘﻤﺴﻚ ﺑﻴﻨﺎ ﺣﻴﺤﺒﻨﺎ ﺯﻱ ما ﻧﺤﻨﺎ💓 ... ﻭﺍﻟﺸﺎﻳﻔﻨﺎ ﻧﺴﺘﺎﻫﻞ ﺣﻴﻜﻮﻥ ﻭﺭﺁﻧﺎ ﻭﻳﻘﻮﻳﻨﺎ ﻭﻳﻐﻴﺮ علينا ✋
#Amira_Alshikh

و في حاجات ما ينفع نقول فيها ما بنقدر
محتاجين اراده ما استطاعه
لو اتوفرت الاراده و الاصرار بتتلاشي كلمه مستحيل و ما ممكن و كل الاحباط الجواك
حتي العقبات و المطبات و الحواجز القدامك بتلقاها اختفت من مجرد اصرارك و ثقتك

بس نحن كيف نشيل من راسنا كلمه ما بنقدر! !

#Amira_Alshikh

و عـلي سبيـل الـسعاده انت سعادتـي ♡ ...
و علـي سبيـل الـحـب انت حبيـبـي ♡ ...
و علي سبيـل الصـداقه انت صـديقي و رفيق دربي ♡ ...
و علـي سبيـل الامان انت مـأمني و امـاني ♡ ...
و مبـدأ فرحتي و شمس سعادتي ♡...♡

#Amira_Alshikh

الحيـاة علي قـدر ما بتديك. بتاخد منك! !
و مرات بتاخد الاغلي و الاهم في نظرنا نحن! ! و مع الزمن بنكتشف ما كان مهم اساساً! "
و احياناً بتدينا حاجات ما كنا بنحلم بيها
فوق احتمالاتنا و احلامنا و مرسوم حياتنا ♥
و كتيييير جـدا بتصدمنا و بتكسـرنا و بتحطمنا و بتقتل فينا حاجات صعــب ترجع تـاني 💔💔
و لانو الحياة ما فيها ثبات و لا دوام حال ف احوالنا بتتغير مع مرور الزمن ...

#Amira_Alshikh

ما صعب ابـداً انـك تخش في عـلاقـه ايـاً كان نوعها صـدااقه '' حب او حتـي لو كانت وثيقه زواج ...
الصعـب جـداً الاستمـراريه في العلاقه و المحافظه عليها و علي الجانب الحلو فيها ووفينا نحن ك اطراف

الصعب اننا كيف نقـدر نتخطي المشاكل و الخلافات و ما نخليها تفرقنا و تخلي فجوات بيناتنا
لانو لو كانت في اي فجوات اتاكد انو ماشين علي النهايه
نعرف انو المشاكل غير تقوينا ما بتفرقنا ..
نعرف اننا مهما اختلفنا ما لينا غير بعض و نرجع ذَي الاول و احسن ...

#كل_الحب

#رمضان_كريم_عليكم

ربنا يحمينا و يحفظنا و يبعد عننا الامراض و الاوبا۽ه و كل مكروه يا رب ♥

#Amira_Alshikh

ازيـكم يا ناسـي ...

ح انزل رساله يـوميـه
ممكن تكـون لي شخص معين او تكون عامه

اي زول حابي يشارك ممكن يرسل لينا و ح انزلها ليهو بي اسمو هنا في القناة ...
ممكن تراسلوني هنا @AlDektora99

#Amira_Alshikh

#اشتقنـا❤️

للناس الحاضرين دائما معانا و في بالنا و خاطرنا رغم البعاد
و رغم المسافات البينا


يا رفيق الخطوة لو عزّ الرفيق ..
يا بشوش العشرة والحس الرشيق ..

@AlDektora99
#Amira_Alshikh

#اشتقنـا
لي ناس بعدتنا عنهم الظـروف و ما عارفين نلاقيهم كيف و متين. !
بعدنا القـدر بس لسـه باقين جوانا و في تفكيـرنا ...
كـل اللحظات و الضحكات و الطرق الجمعتنا و مكـان قعدتنا محفوره في ذاكرتنا ...

انا بتحمل كل عذابي الا فراقك قاسي عليا …!

#Amira_Alshikh