الأيام دي بقت في مواضيع عاملة زي مثلث برمودا متداولة في المجتمع انا نسكت المواضيع دي
أولها كان الصداقة وتقريبا أتكلمت كتير عن المصطلح دا وعرفنا مع بعض انو الصديق هو ونيس الروح وميزتو شنو الخ...

الليلة عايزة اتكلم معاكم عن موضوع
#الحب_للقاصرات أقل من سن 20

في كلمتين عظيمتين والعظيم الله تبدان بحرفين أحدهما سبب في حياتنا والآخر حياتنا تقوم عليه الا وهما الأم والحب

#الحب_حياة احساس أي زول فينا عاشو شعور بالراحة والاطمئنان والانبساط وبتكون فرحان اول ما تفكر في حبيبك دا بتحس كأنك ملكة الدنيا وانت قافلة معاك واتزكرتو فجأة بتفرج وبتعيش السعادة فالسعادة والحب مقرونات ببعضهما فالحب يجلب السعادة لأنه يأتي ببساطة دون تفكير فالسعادة تكمن في البساطة

#المهم

فالحب ما مقصور ع الشباب والبت والولد الحب بيكون في البيت أمك وابوك واخوانك ديل هم سبب الحب
#عندي_سؤال

أسي بنلقى بنات في الأساس وخصوصاً ثامن وسابع والواحدة تقول ليك انا بحب
لي تحب وأمها وابوها واخوانا عايشين ليه تخلوها تفتش الحنان والاهتمام برا وانتو قاعدين لي تدوها فرصة أنها تعاين لزول غريب انه هو سبب فرحتها وانتو قاعدين
تفتكر يا اخوي لو حسست اختك بأنها حب حياتك وشربتها اهتمام حتفتش برا وع فكرة اختك ليها عليك حق اكتر من معشوقتك دي وكمان حراااام عليك تقولها لي حبيبتك قبالها لانها ببساطة محتاجة تسمع كلمة بحبك منك انت
#حسس أختك انها ملكة قلبك وصدقني حتساعدها كتير

وبالنسبة للأبو كمان مقصود اذا انت حسست بتك انك حبيبها واخوها وصاحبها حتكون متمنية يجيها زول زيك بس لو نفرتها منك وخوفتها وما حسستها كدا حتحرم نفسك من اجمل احساس انك تكون لي بتك سرها وانها تتعامل معاك بعفوبة شديدة وفي نفس الوقت حتحسسها بالفقد كانك ما فيش لانو الابو ما بس بيجيب القروش الابو حنان واذا ما لقت حنان وزول حسسها باهتمامو وسمعها معناها حتفتش عنو وحيجي يوم وتعرف انها بتحب وتقول ليها دي قلت ادب مع انو انت الغلطان لانو لو حسستها بي كدا ما كان فتشت برا ولا شنو

وكمان اذا كان في واحد من الوالدين انتقلو إلى رحمة الله البت بتكون بالجد فاقدة حب في حياتا وعايزة تملاهو فأنت يا اخوها أو أبوها املو ليها الفراغ دا علشان ما تملاهو من برة

#مشكلة مجتمعنا السوداني
انو ما متربين ع الحب وشايفنو مسخرة وأول ما نجيب سيرتو كانو قلنا حاجة ممنوعة أو حرام مع انو فطرة
#فالحب يا جماعة أسرة قبل ما يكون صديق أو حبيب
كونو تخلي بتك واختك يكتفو بيك كدا انت فهمتها الحياة صاح

#ف‏البت لو اكتفت بـجو الاسرة والحب العائلي ما حتفتش على حب برا من زول غريب ، ولو فكرت ، حيجى البيت دا وياخد من الحب المزروع فيهو ويديهو ليها

#كسسسرة
احنا أربعة بنات ما عندنا أخو بس أي واحدة فينا بتحس انو عندها حبيب واخو وصديق لانو ابوي قام بي كل الادوار دي مع بعض لأي واحدة فينا قيس واحنا ليلاه ربانا ع الحب بالتعامل ربانا ع انو نهتم بي البنحبو ونحسسو بقيمتو فسلب قلوبنا من غير أن نحس فأصبح لنا حبيبا
فابي لا ينصف كبقية الآباء فعذرا يا أيها الرجال ابي هو معنى كلمة رجل لأن الرجولة ليست أوامر بل هي قيادة والقائد اذا حسس جيشه باهتمامه بهم فلا شك سيكون أفضل جيش لأنهم يتميزون بالحب والثقة المتبادلة بينهم
#فابي_هو_قيسي_فكن_لبنتك_واختك_قيسها

لو عشنا ع الحب كل مشاكلنا حتتحلى
واذا انت انحرمت من الحب العائلي دا قاسي انت اتعلمت درس ما تحرم أولادك منو
@omnia_mohamed

#omnia_mohamed