Omnia Mohamed:
مما حدث في 16

امممممم انا حاجات كتيرة
اولها اتعرفت على نفسي 😍
تانيها عرفت كيف اثق في نفسي وما هو معنى الرضا
تالتها عرفت معنى الاسرة وكيف نكون يد واحدة وعرفت انو الحياة من غيرهم صعب تتعاش #بسمة_يمى_وضحكة_يابا_ولمة_ونسة_مع_العصرية_وداك_بهاذر_وداك_بيتونس_وداك_متشوق_يعرف_الحاصل_ياخ_بالدنيا
رابعها عرفت افرق بين العايزني بي عيوبي والعايزني لي مصلحة ومعنى كوني قوية ومعني كيف اعيش الفرحة حتى لو كنت في اسوء حالاتي والنفسنة بالجد مي حبابا
خامسها اتعرفت على ناس ما عندي معاهم اي علاقة بس ارتحت ليهم وحكينا لبعض ايتها حاجة 😂مشاكلنا وضحكنا كانو بنتكلم مع نفسنا وبقينا في ايام قلائل احلى واجمل صحبات ما صحبات اخوات عديل تحية لكل #العواليق وبالجد انتو احلى ناس في حياتي ومعرفتكم والله براها كنز ورينا يحفظنا لبعض
سادسها القناة العملتها دي اكتسبت منها خبرات بالكوم والله واتعرفت بيها ع ناس 😍😍 هدايا اداني ليها ربي ع اخت كبيرة بتسال مني يومي وكيف حالي وقت حوجتي ليها من غير ما اوريها تلفوني بيضرب وبتسال مني انتي كيفك والحاصل عليك تقول عندها منبه عاملاهو وقت قفلاتي 😂 بحببببببك يا اميرة وربنا يخليك لي وبالجد انتي #بت_من_الزمن_الجميل_نادرة_و_صنفك _قليل 🙈😍
وغير الطلعت بيهم من هنا اخوان واخوات وبالجد هم ناس صعبة الكلمات توصفهم
سابعها عرفت انو لازم ابطل عصبية وان شاء الله السنة دي تكون مافي باذن الله لانو بطلع كلام من غير ما اقصد وبيكون محسوب علي وزي ما بيقولو غلطت الشاطر بعشرة 😂 ومن هنا بقول ليك يا روما باذن الله لما اعصب بضرب ليك 😂 عشان تهديني
ثامنها عرفت معني كلمة بيت صحبتك بيتك 😂 وعرفت انو شلتنا ما صحبات اخوات وحاجات كتيرة كدا همنا نضحك وبس والفرحة ما بتفارق شفانا اي وحدة فينا قطعة شوكلاتة ليها طعم مختلف و شايلين هموم بعض وبالجد احلى شي انو هم في حياتي وفي السنة دي علاقتنا قوت وعلاقتنا بقت اكبر مما كانت

تاسعها عرفت انو لما يكون عندك زول بيحبك وبيحاول بقدر ما يقدر انو بس ما يخسرك وع طل عايز يكون جمبك ومهما تتقل عليهو بكون قصداك وقت تحتاج ليهو بيقول ليك انا هنا معاك ودا مفروض احمد ربي انو هو في حياتي ربنا يخليك لي يا لوذة

عاشرها عرفت انو اساعد الناس وبس من غير ما لخت مقابل لي قدام اسمع همومهم ولما يلجؤا لي نصيحتي انصحهم بي كل طيبة خاطر وانو الحياة من غير ما تسمع فضفضت زول بتكسبك خبرات وحاجات حلووووة شديد

وال 11 عرفت انو اي شي ممكن يتاجل في الدنيا بس الا اتنين البي نداء الصلاة عشان بالجد لو مشى وقتها وجيت صليت بتحي بعدها انك بعيد من ربنا كتير ودا شعور قاسي وما حلو انو نعيشو لازم نبترو عشان الصلاة هي بتقيني من كل شي والبي نداء امي وابوي عشان.ديل جنان مفروض بس لو همسو لي اجري جري وما ازعلهم وبيقول ليهم اعفو لي غلطاتي الكانت في السنة وباذن الله افرحكم واخليكم فخورين بي

انا بشكر السنة دي لانها بالرغم من الصعوبات المريت بيها كانت اجمل سنة وحلاتها في صعبويتها دي واصلا زي ما بيقولو لو ما لعقت الصبر ما بتنال المجد وما في شي ببلاش وانو عملت فيها القناة دي واتعرفت ع درر وكانت من اجمل الحاجات الانا فخورة بيها فكانت و حتكون وحتظل افضل سنة واحلى ايام وثوانيها بس صعب تتنسي لانو فيها قدرت اعيش سن الثلاثين وانا لسة ما بقيت عشرينية 😂🙈😂🙈 وفيها مواقف ورتني كيف اقدر اعيش واعرف الناس ع حقيقتها وفيها عشت شعور صحبة العروسة


انا بعشق السبعة فعشان كدا متفائلة انها حتكون سنة ظريفة علينا كلنا
والعفو والعافية يا جماعة
وربنا يديم المحبة بيناتنا
#omnia_ mohamed

#عجيييبة الدنيا ؟ ولا الناس
#ولا احنا تفصيلة برانا مرسومة بقلم رصاص !
#ولا القدر لاعب معانا عشان يورينا كيف نعيش وكيف نفهم وكيف نتعامل مع الناس

#بس كل المواقف دي بتهون لما نشوف

#بسمة #يمى #وضحكة #يابا #ولمة #ونسة #مع #العصرية
#وداك #بهاذر #وداك #بيتونس #وداك #متشوق_يعرف_الحاصل_ياخ_بالدنيا

ما تخلي المواقف والامتحانات البتمر بيها تعكنن عليك حياتك وتضيع عليك نكهتها اي شي ربنا بعدو منك لي خير صفي النية واتصالح مع نفسك وبتعيش في امان الله واي موقف يعصبك ويضايقك طوالي اتزكر شي بيفرحك افتح فيديو مضحك في تلفونك اي شي يخليك سعيد اعملو احنا عايشبن لبتين هو عشان نعيش في عكننه

#افرح_وازرع_دريب_للفرح_جواك
#ينادي_عليك_كلو_ما_الحزن_يغشاك
#يقول_ليك_ما_تقلق_انا_ياني_معاك
#سندك_وفرحتك_وما_بنساك


شعبان مبارك علينا وعليكم
مساء الخير
#omnia_mohamed