نـــداءٌ عــنـد ذي الـعـرشِ تــردّد
مُـحَـمَّـد يــا مُـحَـمَّد يــا مُـحَـمَّد

أبــا الـزهــراءِ يــا خـيـر الـبـرايـا
وَقـــاكَ اللهُ مـــن شـــرِّ الـبـلايـا
سَـمَوْتَ الناسَ طُـرّاً فـي المزايا
وأنـت الـبدرُ فـي طيبِ السجايا
لـك الأجـيـال و الـتأريخُ يـشهَدْ
مُـحَـمَّـد يـا مُـحَـمَّد يــا مُـحَـمَّدْ

رســـولَ اللهِ يـــا سِـــــرَّ الـوجـودِ
وبـــدراً لاحَ فــي دُنـيـا الـخُـلودِ
لــكَ الأمـجادُ فـي خَـفْقِ الـبُنودِ
غَـمَـرْتَ الـخـلقَ فـي بِـرٍّ وَ جـودِ
فــيـا أكـــرمَ مَـخْـلـوقٍ و أجْـــوَدْ
مُـحَـمَّـد يــا مُـحَـمَّد يــا مُـحَـمَّد

مَـــلأتَ الـكـونَ يــا طٰــه سُــرورا
وفـاحَـتْ ذاتُــكَ الـمُـثْلى حُـبـورا
لـقـد زِنْــت الـدُّنــا عـطراً و نـورا
وقــــد أسْـقَـيْـتَها مـــاءً طَــهـورا
كـــذا الأوتــارُ والأفــذاذُ تُـحْـمَدْ
مُـحَـمَّـد يــا مُـحَـمَّد يــا مُـحَـمَّد

أبـــا الـزهــراءِ يــا نـجـماً تــلالا
وبـــدراً ألــبَـسَ الـدنـيـا جـمـالا
تـلاشـى الـلـيلُ فـيه و اسـتَحالا
رســـــولاً خَــصَّـك الله تــعـالـى
بــك المولىٰ إلــهُ الـعـرشِ يُـعْبَدْ
مُـحَـمَّـد يــا مُـحَـمَّد يــا مُـحَـمَّد

مَنَحْتَ الرَّوْضَ سِحراً والخُزامى
وقــد هـامـتْ بــك الـدنيا غَـراما
عـليـك الـحُسْنُ مَـشْغوفاً تـرامى
وبـاسْـمِ الـحُــبِّ نـهـديكَ سـلاما
ســلامــاً أيــهـا الــفَـذُّ الـمُـمَـجَّدْ
مُـحَـمَّـد يــا مُـحَـمَّد يــا مُـحَـمَّد

رســـولَ اللهِ يـــا نـــوراً تـجـلّـى
بـــك الـخـلقُ إلــى اللهِ اسـتَـدَلّا
لـقد أحْـرَزْتَ فـي الـجوزاءِ ظِـلّا
ونـورٌ مـنك فـي الـعرشِ اسْتَقَلّا
كــذا إســمٌ عـلـى الـلـوحِ تَـخَلَّدْ
مُـحَـمَّـد يــا مُـحَـمَّد يــا مُـحَـمَّد

ألا يـــا أيــهـا الـهـادي الـمُـعَظَّم
عـلـيـك الله قـــد صــلّـى وسـلَّـم
خِـتاماً والـهوىٰ مـا لـيسَ يُـخْتَم
وذي أرواحُــنــا لـلـحُـبِّ مَـنَـجَـم
فَـما يُـسْتَفُّ مـنها غـيرُ عَـسْجَد
مُـحَـمَّـد يــا مُـحَـمَّد يــا مُـحَـمَّد

#جابر_الكاظمي
#المولد_النبوي_الشريف

#رسول_الرحمه_والانسانيه(ص)

انخلق هل كون كله الخاطر اعيونك
يالبيك العقول تحيرت كلهه
شحجي اعله المعاجز وادخللهه منين
والتاريخ عاجز ماوصل ضلهه
ضلمه الدنيه جانت والجهل بالناس
وجفك بالإسلام العين كحلهه
هبل من طاح محد فسرلنه شلون
امن الوكفه تعب؟ ماكدر يحملهه
لذالك فكرت يمكن نتيجه الكيت
بعقلي القاصر ومقتنع من حلهه
جدمك يامحمد يوم لاح الكاع
من ثكلك الباري الدنيه زلزلهه
الله يحبك وسر حبه ماضماه
حبيبي ايگلك وبس الك گايلهه
ماضل لانبي ولامرسل ايضاهيك
كلها تضل وراك وانته اولهه
بميلادك الليله مانوج شموع
كون الروح بالميلاد نشعلهه

الفرح معلوم بشره ماهوينه
هوينه وبعد عنه ماهوينه
نبينه وغيرك انته ماهوينه
ونضل منك فقط ناخذ وصيه

متباركين ❤️🌹


محمد العقابي

(ثكيل)

وينك وينك ▪︎▪︎▪︎ يا عز حسين وشيبه
وينك وينك ▪︎▪︎▪︎ يا فياي الله اشهل غيبه
وينك وينك ▪︎▪︎▪︎يا رمز الحب والطيبه
حبيبي •••••••• حبيبي
_________________________

وينك يا ناموس الضوه ما حل ربيع ايامك
طالت يا ابو كلب الترف يالصاحبيت احزانك
لاوين حده هل سفر لمنه على كد ذرعانك
وشدنه بمعاليم الذبح شما يغفه خيط احلامك

كلبك كلبك▪︎▪︎▪︎ بيا لوحت دم امجلب
كلبك كلبك▪︎▪︎▪︎ هم يا مولاي محدب
كلبك كلبك▪︎▪︎▪︎ شلونه من يصير المغرب
حبيبي ••••••••• حبيبي
________________________

كل السنين تفرهدت و تفرهدن شمعاتك
مابين اهلالك شكو ولا خضرن دمعاتك
ضايع بيا ديرت حزن وتنعه الجرح عماتك
واحنه بمكاتيب الصبر نستاحش الجياتك.

عينك عينك ▪︎▪︎▪︎ هسه الياحد مجمره
عينك عينك ▪︎▪︎▪︎ هم تنزف دم وحمره
عينك عينك ▪︎▪︎▪︎ ما ضحكت يمكن مره
حبيبي•••••••• حبيبي
________________________

يا مهدي مو مال الحمل ومالت بعد وادمنه
كامت تدور على الذنب وعله الذنب ترغمنه
مروتك ياعطر الله شبعد ليمت ضواك يلمنه
يا اترف حجايت بخت كسرت خلك خا طرنه

يمته يمته ▪︎▪︎▪︎ يعمر خلكك وأحزانك
يمته يمته ▪︎▪︎▪︎ نسير ليك الديوانك
يمته يمته ▪︎▪︎▪︎ نفرزن نسمات الوانك
حبيبي••••••••• حبيبي
________________________

بيامك نعد من صدك اشما طالن وما دارن
يا زلمة الله شهل بعد وتدري العيون احتارن
دورتك وشدني العطش ودموعي يمك صارن
كام الجرح يلجم جرح وشفت الحوافر غارن

يمك يمك ▪︎▪︎▪︎ يا حافر بعده مخضر
يمك يمك ▪︎▪︎▪︎ جم علويه ترد تصبر
يمك يمك ▪︎▪︎▪︎ يا دم مالح يستغفر
حبيبي••••••••• حبيبي
________________________

تانيتك بهيئت شمع بس الحزن فاضحني
يوميه اكلن للشمس هلبت يجي يصافحني
نلتم وسولفلك عشك يا مهدي وتبارحني
ونكعد نسولف كل عصر وكل ما تون تجرحني

اجرحني اجرحني ▪︎▪︎▪︎ وجملني جروح ولوعه
اجرحني اجرحني ▪︎▪︎▪︎ وخل روحي اضل مشلوعه
اجرحني اجرحني ▪︎▪︎▪︎ على داسو كل ضلوعه
حبيبي •••••••• حبيبي


عبد سيد الشهداء (ع)
انور السهلاني

انحني اعلعتاب غيرك مستحيل
ومستحيل الغيرك يمد گلبي ايد
اليوگف گبالك عبد تنطيله جاه
سيدي وعندك سلاطين العبيد
اشتم حروفك عطر نسمة ربيع
وما املن حائك اشما بيها اعيد
سينك اتنفسها واشعر بالغرام
ويائك الرحمه امن ارددها بنشيد
نونك استشعرها خاتمت الجمال
خاتمت كل الحجي الما غيره اريد
اسمك الصوت الترسها الدنيا كيف
انا اريدن وانت تفعل ما تريد
يا اراده الحاطت بكل الوجود
وكل وجود الدنيا لعتابك موريد
تلاشت او يحروف جرحك كربلاء
وصارت الحب بنضر حتى البعيد
جيل راح وجيل اجه وباجر يروح
وثوبك الساحگته خيل يضل جديد
وكون يتوارد شعرنه او يالخيام
وكل قصايدنه، خيم هل من مزيد
امنين ما باوعلك اجروح الدعاء
والگه اسمك بالشعر جرح القصيد

ابو محمد الزبيدي

#ميمر
(الى الانسان العباس ع)

سيف وقلم....كتاب وسهم
شايل عِلم وي العَلم
اكتبهن بورقة وشوف يطلعلك اسم العباس
.............................................
شمخلي ربك سيدي بتكوينك
يمكن بديها الزهره سوت طينك
بگلب اختك انته يمكن امخلينك

وياك الدرب بصلح وحرب
والمي حرم ما ينشرب
اله الگه فوگاه مكتوب هذا سبيلك يا ياس
..................................................
روج النهر ليهسه يرجف خايف
منك يبوفاضل خطيه اشايف
ذب لونه طعمه وكلشي يمك عايف

من الركض خلص لأرض
لو بيدة عگبك ينقرض
ما يدري يشرد ليوين ضل لابد بريج الناس
.................................................
يخنگ خواصرها ويغير اعليهم
ما يخطي تفرق هوه يستخطيهم
يصد لنسلهم بلكي خير بيهم

يلفهم مثل لفت حجل
ايخليهم بأيد الطفل
ويسوي سبحه امن الروس حته بذبحهم حسّاس
........................................
شما تكبر الدنيا اصغر امن عيونك
اعله اخلاقك شكد جانو يحسدونك
العبد المطيع الصالح يسمونك

مثل الشمس شما تنحبس
تضوي وترد احلة امن امس
ضيك يشع من كل صوب بصفك يضيع الالماس
.........................................
ما ضل نهر ما طافك وزاهدهن
چي مي جربتك اقدس امن العدهن
وبگصّتك عندك نهر سابگهن

اطول نهر بگصتك الگمر
من هامته لحد النظر
بمي غيره نشرگ مرات ويروينه مي العباس
..............................................
خرسة المنارة الما تكّبر طوله
وادمنه ما شايفته ويحنوله
منكع وفه اليم العرش يدعولة

شما نختنگ نشربك شهگ
ما لايگ الغيرك عشگ
صاحب فضل بس نكرو من الشجر عصة الفاس

مصطفى صادق اللامي

اتـنـفــســت كـــل الهــوه..بـس مـا تــرس ريـتـي
واشـبـعـت طيـبـه وهـوه..مـن صـرتـي أم بـيـتـي
يـا زهــراء...يـا زهــراء

مـو كـلـمـن أيـﮔـلـك هـلا...لـلـمـلـﮔـﻪ فــاتـح صــدره
مـرات يحـﭽـيـهــا بـشــر...امن اشفافه توﮔـع صفره
بـس الهـلا المـنـﭻ تـجــي...متـروسـه ماي وخضـره
امطلعتـها من لب الـﮔـلب...تركـضـلي طـفله امسَيَرَه

صـح هـي كـلـمـه الهـلا..بـس مـنـﭻ إنـسـانـه
تـنـشــاف مــو تـنـسـمـع..عـالـبــاب فرحـانـه
يـا زهــراء...يـا زهــراء
ـــــــــــــــــــــــــــــــــــ1ـــــــــــــــــــــــــــــــــــــــ

صح عشنه عالخبزه ومـلح...والخـبـزه نـتـقـاسـمـهــا
ومـن الـله من نـﮔـعـد سوه...تشبعـنـه بـس إنـشـمهــا
والبـيـت طـيـن ومو قصر...وبس الحصيره ايضمها
وﮔـدمـا ايخـضر بـي ورد...حـتى الحصيـره انلمـهـا

ومـن يمـنه صدفه اليـمـر..بـي عِـلَـه مـاذيـتـه
بالخـطوه الاولى ويحـس..رجـعـتـلـه عـافيتـه
يـا زهــراء...يـا زهــراء
ــــــــــــــــــــــــــــــــــــ2ــــــــــــــــــــــــــــــــــــــ

مـن بيـتـنـه إنـﮔّـعْـد الشمـس...واتـفـز عـلى اسـوالفـنـه
بكلشي احنه رحمه ليا سبب...هــاي المـلـه اتخـالـفـنـه
وغـيـر الـذِكِــر لــلــه أبـــد...مـا مـر عـلى اشفـايـفـنـه
ايحـسدونه واحنه اللي سوه...بــس الـنــبــي شــايـفـنـه

لا بالـفـعــل لا حـﭽــﻲ..أي بـشــر أذيـنــه
ﭽـﺎ ليـش هـاي البـشـر..تعـشـﮔ بـواﭽـينـه
يـا زهــراء...يـا زهــراء
ـــــــــــــــــــــــــــــــــــ3ـــــــــــــــــــــــــــــــــــــــ

بـيـبـانـه اتـعـــوْدَت طـبــع...تـنـفــتـح ﮔــبـل الـدﮔـﻪ
لـلي يـحـب والـمــا يـحـب...امعـلمـيـنهـن عالمـلـﮔﻪ
شمـدريـه البـاب الـلي إجه...حـاقـد وﮔـﺎصد حَـرﮔﻪ
ايحـرﮔـونـه مـا صَدَﮔ لأن...الأمــلاك بـي متعـلـﮔﻪ

وقـاومـهــم ومــا ﮔــدر..مـن شـاهَـد ادمــوعـﭻ
وإنـهــار بـس لــلأسف..حَس كاسر اضلوعـﭻ
يـا زهــراء...يـا زهــراء
ـــــــــــــــــــــــــــــــــــ4ـــــــــــــــــــــــــــــــــــــــ

يلـﭽـم اضـلـوعـﭻ كـل نَـفَـس...وأنـظـرلـﭻ وتـعبـانـه
وإمـداريـتــنـي وﭽــن ضـلـع...بـيــه الـتـهــشــم أنـه
بـالغـــرفــه نـســمــع ونــتـﭻ...وتـتبـسـمـيـن اويـانـه
وبـالـلـيــل كـل واحـد شــرط...توصلينه حد امـﭽﺎنـه

والـلـيــل رغـــم الألــم..تـﮔـضـيـنـه يـومـيــه
لـو غــفــو كـل الـوِلِــد..تـغــفــيــلـﭻ شــويــه
يـا زهــراء...يـا زهــراء
ــــــــــــــــــــــــــــــــــــ5ــــــــــــــــــــــــــــــــــــــ

عـن بـيـتـي مـن أطـلـع أحـس...بـس أبعـد أول خـطــوه
مشـتـاﮔـﻠــﭻ مــدري شـكــثــر...رغــم أنـه يــمـﭻ تـــوه
شـيـصـيــر بــيـه يَـمَّ حــســـن...مـن نـبــتـعـــد بالـﮔــوه
التـفــكــيــر بــس بـهــالأمـــر...بعـيوني شـوفي شـسـوه

إي يـالـزجـيـه البــشــر..يــدرون لـو رحـتـي
ﮔـبلـﭻ يـﮔـﻠــب الـﮔـلب..يـقـــرون فـاتـحــتــي
يـا ز هــراء...يـا زهــراء
ـــــــــــــــــــــــــــــــــــ6ــــــــــــــــــــــــــــــــــــــ


أحمد البصراوي العبادي

اكصد المرقد سعيد // وطوف شباج الشهيد
هذا عمره ما كطع بحبابه
واليحير بعلته ايدك ابابه
******
لو شفت متنك ثكل من تعب السنين
روحله وشباجه نكعه بدمعه العين
حاجتك تكظي وعلي اشما زاد الونين
بشرط تقراله قصيده عن الحسين
علي صوتك لو قريت // الزهره تبجي لو بجيت
بالكلب يسعر سعيد اصوابه
واليحير بعلته ايدك بابه
*******
لحد ايكلي صحت المن تعشكه
مثل محبوبي جذب محبوب الكه
حرك احساسي نسيمك وانه وركه
والمفارك جلمت اموادع تخنكه
انعمي لو ما ضواك // واختنك لو ما هواك
روحي ورده وخضرت بترابه
واليحير بعلته ايدك بابه
******
صحت يا شمس النوايب بله غيبي
امنين اجيب الجان بالدنيه نصيبي
هوه شمعه ناضري وجرحي وطبيبي
وازرع الدنيه ورد لو رد حبيبي
يا شمس محبوبي مات // وعذبتني النايبات
مالي واهس بالعمر بغيابه
واليحير بعلته ايدك بابه
***********

يم سعيد انه اعتنيت ودمعي جاري
وفرفحت روحي مثل طير الحباري
غازلت جرحي وهمت بين الصحاري
الطم اعله مصيبته ومستعره ناري
يا سعيد ابن جبير // انته مدرس الضمير
انته كل ظالم صحت ما هابه
واليحير بعلته ايدك بابه
******
يا جرح كافي تفز مابيه حيلك
رفت عيوني وصحت ربي دخيلك
كمت اجر كوه النفس الله وكيلك
اتعذبت جندوب الوليلك وشيلك
ما عفتني اتهنه بيك // وتزعل امن احجي عليك
والوجع لا ما حسبت احسابه
واليحير بعلته ايدك بابه
*******
عني كل ذوله الحجو كامو يغارون
والله ما لاموني لو بمحبتي يدرون
يا سعيد امن الزغر بهواك مجنون
وعمري شايل صورتك مابين العيون
وحك مريم والمسيح // راسك اتكلم صحيح
ومثل راس حسين صار اخضابه
واليحير بعلته ايدك بابه
******
تمت
تحسين الخفاجي

السلام على التابعي الشهيد مولاي سعيد بن جبير عليه السلام



يالماترد خطارك
والماسمع باخبارك
يحضر يشوف بكل عام
يكثر عدد زوارك
ــــــــــــــــــــ
المحب والمبغض حچه بلذت كلامك
ياسعيد اشكد جنت عاشگ امامك
اخلاصك وحبك اله الرافع مقامك
اعليْه تسلّم من بعيد ايرد سلامك

شفته وعشگته بگلبك
يالكلها تحجي بحبك
مهما تمر الايام
مستعره بالحب نارك
ــــــــــــــــــــ
خوفك امن الله جعل خصمك يهابك
وللحوائج كلها ظل مفتوح بابك
بالحي انت وكربله اشتمها بترابك
فزت هنيالك علي اموقع كتابك

المايعْرفك خل يقراك
بكل صفحه للعز يلگاك
من الجدم حد الهام
سر وعجيبه اسرارك
ــــــــــــــــــــ
مااكول انت الحسن جربه بفراته
واليماشي النور ياخذ من صفاته
ياهو مثلك ناصح امخلص حياته
وعِبر ينطي الناس ظل حتى بمماته

ظل يفتخر بين الناس
خادم سعيد النوماس
ليك احنه نفخر خدام
حبك جمعه بدارك
ــــــــــــــــــــ
المايعرفك خل يجي وايمدلك ايده
گبل لايطلب تحط بيده اليريده
ياسعيد اگلوب التْحبك سعيده
عرْفِتك واتلقّبك عبد الصميده

الشاهد دليلي الهايم
مايهتم الكل لايم
ايام فرگاك اسهام
ايگلك لذت بكتارك
ــــــــــــــــــــ
انت مو عباس بس يم بابك اروه
اشماطحت الگاك ياباب الله تجوه
اخدم واركض واسهر ليك فدوه
تعب گالولي واگلهم تعب يسوه

هنيالي اذا تقبلني
وبخدمتك تشملني
عاشگ علي انت المظلوم
والمهدي ياخذ ثارك
ــــــــــــــــــــ

علي محسن الزيادي

شهيد الولاية
سعيد بن جبير

___

‌أُقصدْ سَعِيْدَاً أَيُهَاْ المَكرُوْبُ
حَتْمَاً سَعيداً مِنهُ سَوْفَ تَؤوبُ

فِيْ وَاْسطٍ جَسمٌ ترَجلَ رأسهُ
تَهُوي إلِيهِ مِنَ العِراقِ قُلوبُ

فِيْ الحيِ حيٌ إنْ قَصدتَ لِبَاْبهِ
حَيَّاْكَ أَهلاً أَيُّهَاْ المَحبُوْبُ

تُقضَیْ الحَوائجُ فِيْ فِنَاْهُ وَطاْلمَاْ
غُفِرَتْ لِمَنْ آوی ألِيهِ ذُنُوْبُ

كَهفٌ إِذَاْ جَاْرَ الزمَاْنُ فَلُذْ بِهِ
إنْ رَوعتْكَ مِنَ الزمَاْنِ خُطُوْبُ

عَلَمٌ لسانُ الدهرِ طَاْرَ بعلمهِ
شَهِدتْ لَهُ فِيْ النَاْئبَاْتِ حروبُ

وَاْلیْ عَلياً عَاْشَ قصةَ يُوسُف
ما جازهُ فِيْ شُوُقِهِ يَعْقُوْبُ

هَجرَ الدِيَاْرَ لحُبِ آلِ المُصطفَیْ
مُتغَرباً عَنْ أَهلهِ مَحجوبُ

شُلتْ يَدُ الحَجاْجِ طَاْرَ بعَاْرِهَاْ
وَقضَیْ سَعِيْداً بالدِمَاْ مَخْضُوْبُ

وَمضَیْ شَهيداً وَالولاْية دِينَهُ
هُوَ غَاْلبٌ وَعدوه مغلُوبُ


حيدر المعلم

لون تعمه عليها عيوني ما أندم
على الزهراء انه المفروض ابچي بدم.

ــــــــــــــــــــــــــــــــــــــــــــــــــــــــ١

ماتت والظلع مكسور ياحسره.
هاي الأمة ابد مارحمت الزهرة
من صوط المتن والباب والعصره.

ونار الدار والبسمار مايرحم

ـــــــــــــــــــــــــــــــــــــــــــــــــــــــ٢

طاح المحسن وطاح الگلب وياه.
أسم الله يالولد تسمع علي ناداه.
المحسن اسمه جده المصطفى سماه.

بگماط المنية الطير يتحزم

ــــــــــــــــــــــــــــــــــــــــــــــــ٣

طاحت عالارض فاطم ظلعهه انصاب.
المصيبة مصوبه ويوگع عليهه الباب
صاحت فضه ماصاحت يداحي الباب

خافت عالوصي من يدري يتألم.

ــــــــــــــــــــــــــــــــــــــــــــــــــ٤


على فراش المرض نامت تصيح بصوت
يابوحسين گرب مني أحس الموت.
وصيتي ياعلي من تحمل التابوت.

تشيعني بظلام الليل يبن العم.

ـــــــــــــــــــــــــــــــــــــــــــــــــــــ٥

ماتت فاطمة وضل الحسن ينعه.
ودمعات العقيلة تسيل كالشمعة.
وصاح حسين يمه ومن لزم ظلعه.

گبل يوم الطفوف ضلوعه تتهشم.

ــــــــــــــــــــــــــــــــــــــــــــــــــــــــــــــ٦

ليش العين زرگه وخدهه بي صطره
وماطاب الظلع ماصح دوه الجبره
والبسمار ينزف والألم جمره.

على الزهراء كل جو الحزن غيم.


ــــــــــــــــــــــــــــــــــــــــــــــــــــــــــــ


حيدرموسى الرميثي.

ابن الحلال
...................................................

يا كلبي لا تتهاون بجرحك
درب ام حسن بير وضواه حسره
انتبه لا تاخذ حجي يفرحك
آخذ الحجي الي يبجي عالزهره
.
هي المثلها اتعيش مرتاحه
ولازم كلبها محد يهضمه
بس الزجيه الباب خلاها
الهوه كوه صارت اتشمه
.
وين اليبجي من كلبه
على الخلوها متغربه
هو العاشك الزهره
الدمعه ترافكه بدربه
.................... . .
ابن الحلال وكلبه بيه غيره
يشبع هضم لو ذكرو الزهره
ياهوه يرضاها اعلى والدته
يضل اعلى وجنتها أثر سطره
.
ومن الوجع البضهر مولاتي
ما تكدر اتشيل ايدها وتدعي
اتكله ييمه حسين تجيلي
ما بيه اكوم ومنكسر ضلعي
.
تكله حسين ها يبني
ونينك يمه يهضمني
وما بياش اجي يمك
يمه اضلوعي توجعني
....... . .. ............
الحيله من اجفوفه يتبدة
يتجى عالحيطان تاليها
شيخ الهواشم كام يتعثر
يا هضمة الساده اعلى واليها
.
اسمه الامير وتالي يا كلبي
صار الغريب بكل عرب صيته
وحكه الغيور يموت من يسمع
انذل بشر طك وجنت ام بيته
.
المخلي الأرض تفتر
صاير لون وجه اصفر
شماته الديره يا كلبي
ومنتظرينه بس يعثر
..............................
كعدت أميرة هاشم وزينب
وبيناتهن جان الدمع يبره
كالت يزينب باجر بهيده
شميلي اخوج حسين من نحره
.
يا يمه باجر من يضل وحده
ذيج الخيول اتغير ارسومه
عطشان يبقى اوليدي المعتبر
واجتاف غربه التلبس اهدومه
.
يزينب باجر الوادم
متخلي ضلع سالم
واتسمعين يا يمه
سبينه مدللة هاشم
..............................
يا كلبي حيدر منهضم كلبه
جيف اعلى بابه النار شبوهه
شيسوي باجر كلبه من يسمع
ابنيته الاميره الغربه جتفوهه
.
السماهه سلطانة بني هاشم
تالي الغرب سموها مسبية
الكظه العمر شايلهه بجتافه
تغغى اعلى نوك وهزله ليلية
.
لمن جان ياخذهه
تزور الزهره ويردهه
فوانيس العرب تطفى
وتتجى اعلى والدهه

#عبدالله_الفريجي

بشمس محـد يسوي ظل علــى حسين
ومامش ثوب بالطف ظل علـى حسين
الخيل ويـاهــــا جــابت ضلـع الحسين
بحـــوافرهــــــا وصل خيمـــة رقيــــة

رائد الناشي

فاطمه فاطمه فاطمه

★★★★★★★ *


لـوح ابعيني الزعل ولكل دره

الـه اخليهــا الزلم تلـزم سره

اليوصل البابج يحظر منحره

ابكل شبر الهم اسوي مگبره


بالحرب يرعد حامي الحمه…

فاطمه فاطمه فاطمه

★★★★★★★


انتي أعز من روحي الي يافاطمه

ياهو يوصلچ وانه حامي الحمه

اليوم اخليها الزلم تگطر دمه

تسجد السيفي الرجال امعلمه


والارض. تنصبغ. بالدمه
فاطمه فاطمه فاطمه
★★★★★★★★★


امطر اعليهم جمر بس أمري

حيدر انه وسيفي اسمه الحيدري

بالجثث ياحومه ارعدي وأمطري

الهسه فوگ الخندق ابن العامري


والزلم . تركض. امحزمة..

فاطمه فاطمه فاطمه
★★★★★★★


يلله ياحومه ابجذثثهم زلزلي

البت محمد انه گلت ادللي

فاطمه بس أشري اگللچ بلي

الله لو ما أنتي ماخالق علي


الخاطرچ. الله سوه السمه.

فاطمه فاطمه فاطمه

★★★★★★★★★


مانســــو خيبرهــم وگطع الرگب

ولا نسو سيفي لمن بيهم خطب

اله اگص جفه النوه ايشب الحطب

وگبل خيرهم نزع ثوبه وهَرَب


والزلم ..ماترد… سالمة

فاطمه فاطمه فاطمه
★★★★★★★


والله لو ما وصه عن صبري النبي
يعني فرسان الحرب كل تنسبي
سيفي كبر والزلم تدبي دبي
يلله ايشباه الرجال اتحجبي



ثورتچ للمهدي قائمه….
فاطمه فاطمه فاطمه

ــــــــــــــــــــــــــــــــــــــ
ماجد حبيب الخيكاني

2020/11/10ونسألكم الدعاءِ