الزهراء عليها السلام وفقد أبيها رسول الله صلى...



يالفرگاك ماأگدر اجرعنَّه
راح اگضي العمر بالآه والونَّه
*****
يابدر التمام شلون عني تغيب
تدري لاأودِّي اخلافك ولااجيب
عگبك راح اعيش بدنيه بس ترهيب
عمري ابلا وجودك ما أريدنَّه
******
ماريده العمر لو انته مو يمي
يالركِّيت حيلي وزيَّدت همي
موش دموع من عيني اهملت دمي
يبيِّن حزني بيه اشما أضمَّنه
******
يبويه ارجوك لاتمشي وتخليني
ورده وأذبل ابليَّاك تدريني
تره اصحابك يبويه ماتباريني
يبو الزهره العجب منهم اشوفنه
******
عليَّه شلون باچر من تشب النار
وحيدر بالوصيه شلون من يحتار
شلون ابصحبتك لو هجمو اعله الدار
ولا واحد الينغر حته افزعنَّ
******
يبو ابراهيم بعدك موش وكت الموت
ما أگدر اشوفك نايم ابتابوت
يبويه عليك گلي شلون اون بسكوت
اون حيل وعلي يساعدني بالونَّه
*****
يالهادي الهديت الدنيا بأيمانك
يخاتم انبياء الباري عنوانك
يطه عليك يبچي دموم قرآنك
ومحرابك يبويه اظلم اشوفنَّه
******
ماني فاطمه الزهره يبو الزهره
احاچيك وعليه الدنيه مغبرَّه
عله غيابك دليلي بله شيصبره
دگلي اعله الفراگ شلون اعودنَّه
*******
تمت بحمد الله
خادم الحسين
سيد غالب الرضوي الكربلائي

ملهوف الك ياثامن الإمامه
وفقني ازورك واحظه بالكرامه
واللي يزورك زرته بالقيامه
سيدي يالضامن...سيدي يالضامن

من محب صوته اعتله...عينه شوگ امحمله..رايده اتشوفك
من بعيد ايكلمك...گلبه أصبح هايمك...هام بحروفك
حبك ابروحي انحسب..واجب ومو مستحب..صرت ملهوفك
الليله أنعه امصيبتك...وگلبي راح الحظرتك...ياعلي ايطوفك
بحساسي اشوفك تسكن الضماير
حبك يبن موسى احتوه المشاعر
نال اليحبك بالشرف وسامه
سيدي يالضامن...سيدي يالضامن

انت لدروبي ضوه...ياأعز من الهوه..يادوه اجروحي
بالگلب شلتك عشگ ..يانبض گلبي اليدگ..عايش ابروحي
سيدي يبن الحجج..الساني بسمك لو لهج...تعتلي اصروحي
ياهوه وأتنفسك...والله تسوه ابمجلسك...دمعتي ونوحي
عطر الزچيه ياعلي او نشمك
بس الله يعلم أجره من يخدمك
آخره ودنيه يرتفع مقامه
سيدي يالضامن...سيدي يالضامن

امصيبتك يابو الجواد...فجعت اگلوب العباد..حزنت احبابك
هالعزيه حظرتك...والنفوس اتعنتك...تنحب ابابك
الدين بغيابك صبح..منكسر گلبه انجرح...جرحه بغيابك
واحنه يانور السمه...ويه أمك فاطمه...نبچي لمصابك
وسفه تسمم چبدك المسيه
ويلي او تون عد راسك الزچيه
حين الرحيلك بانت العلامه
سيدي يالضامن...سيدي يالضامن

يسعر ابگلبك جمر...يللي گضيت العمر...تنعه بسنينك
دمع عينك تهمله...حين تذكر كربله...ولوعة حسينك
هاكثر حزنك حچه..عالضعن من البچه...ماتكف عينك
هونتهه امصيبتك..اجروح زينب عمتك...بيهه ماذينك
ماتاكل ابروحك ولا مصيبه
بس عالحسين وزينب الغريبه
وتهل دموعك لو شفت يتامه
سيدي يالضامن...سيدي يالضامن

سيد علي الموسوي

السيدة فاطمة العليلة تخاطب السيدة زينب بعد عودة السبايا الى المدينة
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

انتي ياهي ،، خيمه ؟ دمعه ؟ ليل ؟ نار ؟
انتي ياهي ،، عمه انتي ؟ شنهي صار ؟
راجعتلي حسين وينه
احچي يم روح الحنينه انتي ياهي

،،،،،،،،،،،،،،،،،،،،،،،،،

انتي ليل ؟ ،،،، راجع بوكت الصبح
انتي آه ،،،، بشر متغطي بجرح
صعبه هاي ،،،، عدله وبگلبچ رمح
عمه آخ ،،،، ميته گاعچ والفلح

لچمه ،، بيه ،،، من شفت محنيه عمتي
ميته ،، چنهه ،، وانه اصيح العافيه انتي
روحي ،، شنهي ،، وطن ليش شلون متي
ماكو ،، صوتچ ،، بالكلام شبيچ حرتي ؟

عدله ميته ؟،، أني ،، أسأل ،، اهلي وين
عدله ميته ؟ ،، عمه،، احچي،، والحسين

بعده ما بين علينه
احچي يم روح الحنينه انتي ياهي


،،،،،،،،،،،،،،،،،،،،،،،،،،،،،،،،،،،،،


زينب آه ،، عمه شو خالي الضعن
وين ابوي ،، والدموع اتسابگن
راح اموت ،، شو خواتي ما اجن
شنهي وين ،، شو دموعج طولن

گولي ،، عمه،، وين ابوي وكل زلمنه
موتي ،، روحي ،، لا صدگ طايح علمنه
وينچ ،، وسفه ،، بعد ما يلتم شلمنه
دمعه ،، تجري ،، كلشي راح وما سلمنه

راح اموتن ،، وحدي ،، لحدي ،، بلا تراب
راح اموتن ،، عني،، راحو ،، گلبي ذاب

عمه شو ظلمه المدينه
احجي يم روح الحنينه انتي ياهي

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،


عمه ليش ،، دمعچ يسولف خبر
شنهي صار ،، شو رجعتي بلا گمر ؟
احچي خاف ،، زعلچ ذاك النهر
انتي غيم ،، بچفچ يعيش المطر

كافل ،، وينه ،، شو رجعتي بلا حمايه
جوده ،، مايه ،، وعينه وچفوفه البدايه
دمعه ،، تخنگ ،، نزلت ابخد السبايه
كتبت ،، كلمه ،، چانت هناك النهايه

وسفه وسفه ،، جرحه ،، باقي ،، وعمري راح
وسفه وسفه ،، عايش ،، گلبي ،، وهوه طاح

ابو فاضل ما يجينه ؟
احچي يم روح الحنينه انتي ياهي

،،،،،،،،،،،،،،،،،،،،،،،،،،،،،،،،،،،،،،،،،

شو تراب ،، فوگ راسچ والعباه
والچفوف ،، أثر بيهن احچي ها ؟
وين اخوي ،، الطفل عبد الله شجاه ؟
مهده وين ،، مات ؟ ياهو الموتاه ؟


وجهه ،، گمره ،،چان بس يغفى اعله أيدي
خويه ،، وينك ،، زيدي يا دمعاتي زيدي
حيره ،، والله ،، يا سهم يذبح وريدي
تركه ،، لحظه ،، ليش ميت يا وحيدي

أمه أمه ،، ماتت ،، عاشت ،،، من تشوف
أمه امه ،، نحرة ،، دمه ،، تبچي خوف

وهيه هم سمعت ونينه ؟
احچي يم روح الحنينه انتي ياهي

،،،،،،،،،،،،،،،،،،،،،،،،،،،،،،،،،،،،،


يا طفوف ،، گلبي منچ مختنگ
وين اروح ،، ماتت الناس الصدگ
عل الفرات ،، سحگو الما ينسحگ
والخيام ،، لهسه گالو تحترگ

وانتي ،، عمتي ،،لو گبر يمشي اعله طوله
راحو ،، منچ ،، يا حچي الما بيه أگوله
عينچ ،، شافت ،،امگطعه چفوف الرجوله
الله ،، ايعينچ ،، ميت العام وفصوله

من رجعتي ،، وحدچ ، صعبه ،، بلا كفيل
من رجعتي ،، گبالچ ،، حاير ،، بس عليل

امگيد ويكتل ونينه
احچي يم روح الحنينه انتي ياهي

كلمات خادم الحسين
رعد الفريجي
18/10/2020 الاحد

يسالفتي الجبيره البيها بس انت
يلماينشبع منك
اسمعك تحجي بس سكته
احبك يا دمعتي
اسمك تربه مرسومه علكصتي
يحضي انت
يبختي انت
شوسع كلبك مضيف
وكلها تندله ومحد يعرف شتنزف
وانت بهوسة الضلمة ضوه يلصف
الحجي البعيونك مبلل
محد جاس كلبك غير ابو فاضل
من شحة الناس عليك
وكفلك راية ما هزها الحجي المايل
يجرحي لخاطر الجربه
الحلمها توصل اشفافك
اريدن بيك تجويني
كل الما قره
شتريد كلبه اعمه
احلفك
بيدك ليك وديني
اغرّب بس ارد مصيوب
واشوفك غاد بس انت تتانيني
احنه بيش كدامك
يسوكك غالي عد الله
بغلاة الله
يرخص الما فرش يمك
ما يسواش ذره تطيح من دمك
بسهولة انكول نفتهمك
واحنه ذنوبنه مكاطف
يهنيال الشفه الما تعوف اسمك
يلشكبرك بعيد عليك احس انه
اجيت بلهفة الشايب
اليريد يموت بس هواي شكبانه
يشمس انت وجروحي ابابه بردانه
الحلوه البيك تطي وما الك منّه
انت هواي يم الله وبزر ادم صبح حفنة
يشنهي انت

كرار فاهم الخفاجي

(((وأما بخدمة الحسين حدث)))





سماء حسين بالخيرات ودث
وأما بخدمةّ المعشوگ حدث
أگلهم آنه هايم أگلهم آنه خادم
بصدري وباللطم شوغات أحرث

على موعد جرح گلبي ودمعتي
گمت أتفنن بحبي وخدمتي
أغار ألي يزاودني على حسين
أريدن تطلع جروح بحسرتي

كون أخدم صباحاً
وأرد ألطم مساءاً
بتالي الليل ونات
والدمعات طاحن

حسينا وا غريبا
حسينا وا حبيبا
*
مناسك خدمتك حبهن تأرخ
مشيّ لَـــطام للزوار أطبخ
أضل بهاي ماسك بالخدمه مناسك
هلا بزوار ابو السجاد اصرخ

هلا يل ماترد واحــــد تنَدم
بخدمتك آنه والدمعات نلتم
على حبك اجينه من المتاهات
بمتاهت حبك من الناس نسلم

العشگ غربه ومتاها
اليريدك وشتراها
السكوت بدربك إيمان
الروح ومستواها

حسينا وا غريبا
حسينا وا حبيبا
**
جرح حبك مثل ناگوط نگط
وحبك تاج فوگ الراس ينحط
العشگ من گلبي شَمَلّ أعمى شلون يندل
وشفتك بالبصيره منتهى الشط

شفتك مُلهمي بالحب توضيت
يَأَذن مجلسك وبلطمي صليت
لحد ما تنتهي بعروگي الدموم
من تشرب نداي الگاع ونيت

الگبر برزخ مجالس
نشوف أهناك عابس
نشوف حسين موجود
ومحمد يمنه جالس

حسين وا غريبا
حسين وا حبيبا
********
بدونك چا حياةّ الحب ممله
لو ما خدمتك چا هسه ذله
خدمتك احلا غايه لــليملك درايه
اليعيش بدونك بأيامه شله

كون ألي يحبك وجه مكشوف
موش أعله المخيم يشهر سيوف
ياما جذبو بالحب والاحساس
وأگبال الهزل دگو بالدفوف

الحب تنطي التريده
العشگ مو بالقصيده
العشگ بالخدمه فرحان
وتضل روحه وحيده

حسينا وا غريبا
حسينا وا حبيبا
*******
القمر لمن سمع عطشان أنشق
لذلك بالضوه وياك حَدقّ
يشوف الجيش غاير على الخيمات داير
شجاله الجيش من ذبحوك صفق

بجبينك والحجر يترك علامه
طحت وتّسَلبتّ حتى العمامه
الشمس تصهر بجسمك وانته عريان
يويل الكون صار ويا ضلامه

طايح وانته حاير
وتمر بيك الحوافر
التراب الحار أذاك
بـيا لوعه وتكابر



عبد زينب
محمد الابراهيمي

نعي ليلة الامام العسكري ع
**
نعش العسكري يا ناس نزلوه
يشبع منه شوف المهدي خلوه
دوه مامش صحت عدكم تداوه
شمسوي الحسن والكوم سموه
غريب العسكري والناس ضلموه
ليش بعيد عن حسين دفنوه

يشيال الجنازه ريض اشويه
مات العسكري وماهم اهاليه
يوميه ابو صالح يبجي يوميه
عله امصيبة ابوه والعين معميه

وكلها يمه وكلها يمه يهنياله اليموت وكلها يمه
ونحيل جسمه ونحيل جسمه تعب من الوكت ونحيل جسمه

شدو النكاب شدو النكاب تره الشايل معدل شدو النكاب
ونهيل التراب ونهيل التراب فوك الروس حكنه نهيل التراب


مكسور ضهره مكسور ضهره اليوم المهدي ضل مكسور ضهره
وينوح كتره وينوح كتره رامي عمامته وينوح كتره

خيمه خيمه الابو بالبيت يا هالناس خيمه
هضيمه هضيمه يضل بلايه ابو المهدي هضيمه

لليوم لليوم امصاب العسكري ما طاب لليوم
مسموم مسموم اشلون ايموت راعي الزود مسموم
***
الشاعر
تحسين الخفاجي

عمتي زينب عمتي زينب
يعمه شكَد هظيمه
اضل آنه يتيمه
ــــــــــــ
يويلي وبالخيم ... شفت سكنه تون
تلاكن بالهظم ...وهون مثل الغصن
سكينه الحايره ... بحزن وأم الحزن
ومدامعهن جرن ...يجرحن بالجفن
يعمه اتكلهه اخونه
نودعه وي ابونه
عمتي زينب عمتي زينب
ــــــــــــــــ
تكلهه وتنتحب ....يعمه شهل امر
انه اخلاف الحنين ... فلا يفيد الصبر
تطوّل ليلتي ... ولا يطر الفجر
واضلن انظره ... الفداه هذا العمر
دطوّل هاي يليلي
الفجر يمرد دليلي
عمتي زينب عمتي زينب
ــــــــــــــــ
بالمخيم تون ...ومدامعهه جرت
وعليهه ام الخدر ... تون حيل وبجت
تصبرهه بصبر ... محال اتصبّرت
ومثلهه اعله الولي ... العقيله اتلوّعت
شفت تشبك سكينه
حزينه وي حزينه
عمتي زينب عمتي زينب
ــــــــــــــــ
صدك باجر نضل ... بلا والي صدك
وصدك هاي الخيم ... يعمه تحترك
من اوداع الابو ... يضل كلبي يدك
اضن وي العصر ... يروح ونفترك
يرد مهره النه خالي
ونضل نندب يوالي
عمتي زينب عمتي زينب
ــــــــــــــــ
الوداع شكد صعب ...ولينه ما يرد
يألمني الهظم ... ويلوّعني البعد
اذا شفت المهر ... دليلي ينمرد
وذا شفت الدمه ... يضل يدمي الجبد
ادك حيل اعله راسي
فكدتك يغله ناسي
عمتي زينب عمتي زينب
ــــــــــــــــ
الشاعر محمد حسن ضيغم

(((يزينبنه الاميره)))






يشــرآع النبوه (وفـــي) الايام
لو مـا سوط متنچ ماكو اسلام
عـــد الشام چـان الدين مبيوگ
ومن طبيتي صار الدين بالشام

مـحـمـد كل صفاتچ سـتـرتـيـنــه بعــباتچ
وتقاسمتي العذابات بخرابه انتي وخواتچ

غــريبه وصــرتي مـــوطن للغرايب
وعــشــنـه بـخــيرچ وأنتي بترايب
نـنــخاچ ونــعــمّ سديــتي الحلوگ
چا ليش انتي شو عشتي بمصايب

يزينبنه الچبيره
يـزينبنه الأميره
***
لـــــو قــــرآن ثـــاني نــــفرض يكون
اول ســـوره تــنـــــزل زينب ام عون
وســوره اعله الحبــل واعله اليونون
وسوره اعله الهزل من تركض شلون

قــرآن الــدمعتچ وقـــرآن الـــغربتچ
ومدامع للمعانات وحسرات المحنتچ

الحسره المو ألچ مابيها حسره
المو لهلچ حسرتي تخون عشره
عشرتي ويـاچ من اول دمعتين
من صارت بـگـلبي عليچ جمره

يزينبنه الچبيره
يزينبنه الأميره
*****
الحزن يمچ وتخلص كل معانيّ
اذا مــو دمعي لجلج وين أوديّ
تـمـنـيـت الدمـع بالسوگ ينباع
خاف الدمع يخلص رايد أشريّ

أنه بدمعي الوسيله قــربــي للعقيله
ماتنشف دمــعتـــي وهايه مستحيله

هـيـهات الجرح ينـسه الـيـوده
بس جـرحـچ غمـيج وما أشده
روحي تــروح لَمن اسمع الشام
اليرامي احجار چا ياهو اليرده

يزينبنه الچبيره
يزينبنه الأميره
*******
مثل سرب الجراد عالضعن صار
هـــذا بــدف اجـاكم ذاك بحجار
هــذا إيسب ابــوكم هذا فرحان
واجاكم ذاك يــركض شايل النار

وگـــلبچ يــالهيبه يـگـــلولچ غريبه
وانتي أبلايه نغار اي هاي المصيبه

مصيبه المثلچ انتي خارجيه
وأنتي ام الخدر وام الحـميه
تربات الرسـاله وام الاسـلام
عــگب ذنـي يـگــلولچ سبيه

يزينبنه الچبيره
يزينبنه الامـيره
*****
ساعات الوقوف اعله القصر موت
مـوت ومــن تــمـــر شماته وتفوت
زيـنـب هـــاي بـــت الـغالب الكون
بت النجه يونس مــن بطن حوت

هضيمه إيكـلموها لـو حاضر اخوها
ويشوف الهضيمه شلون ومن ولوها

عمت عين الزمان الماله رداع
زينب بالتـراب وتفرش الگاع
غريبه وكل أهلها ضلو أنحور
راحو كل اهلها ذيـچ الاسباع

يزينبنه الچبيره
يزينبنه الاميره




عبد زينب
محمد الابراهيمي

أحن وبجيلج أجروح خضره
أنتجيت اعله الصبر مال ضهره
شفت دمعاتج وطعم الأجل ضكته
أكابر عالجرح بس موتتي أبسكته
.......................................
كعدنه وحلوه لمتنه _ الحجي جان اعله فطرتنه _ وهوانه
الحسن يحجيلي عالنيه _ الحسين إيندي روحيه _ أبحنانه
وزينب تحجي عالحشمه _ العبايه براس كل حرمه _ أمانه
النوراس ما تفاركنه _ اذا ناكل تشاركنه _ أبغدانه

نتقاسم هوه الهاب شمه
تجينه أبشكل قرأن النسمه
الهوه وياها كل شمه تقاسمته
أكابر عالجرح بس موتتي أبسكته
......................................
أتغير بالزمن كلشي _ وأجه ساعي الأجل يمي _ أبمصيبه
أندك الباب جم مره _ لجن مودكة الفقره _ غريبه
كمت للباب أريد اطلع _ كالت ياعلي إرجع _ الحبيبه
فديت أسمك يبن عمي _ الموت إيصيحلي ابأسمي _ واجيبه
طلعت والنبض صاح رجعي
إنكسر وي دكة الباب ضلعي
إبدكة الباب أحس كلبي أسكتت دكته
إكابر عالجرح بس موتتي أبسكته
...................................
أختلف كلشي أبفرد لحضه _ الزهره أتحشم أبفضه _ تتاني
يفضه الباب اخذ عمري _ بسماره جوه صدري _ وجواني
أجيت وعثرتي أتجرني _ الاكثر بعد كاسرني _ وحناني
بحبل كادوني من يمهه _ أتركتهه سابحه أبدمهه _ الأماني

أنهضم وبجفي الحبال تعرك
الحبيبه كبال عيناي تنطك
أمر موقف كطع هرش الكلب شفته
أكابر عالجرح بس موتتي أبسكته
............................................
تبعتني علي أتنادي _ تتسند عله أولادي _ وعله الأه
دمعها أبلون شيلتهه _ رماد أتصبهه دمعتهه _ وويلاه
رجع وتجرأ إيطكهه _ أبسوطه إيديهه شككهه _ وصحت لا
ما ضلت عله العصره _ ترس ذاني صده الصطره _ بيمناه

الوصيه كطعت إنياط كلبي
أكبالي يضرب الصوط تعبي
صار المايصير وما توقعته
أكابر عالجرح بس موتتي أبسكته
.....................................
وعشنه أجروح لوعتنه _ أخير ايام عشرتنه _ والسنين
ذبلت وردة أحلامي _ وفترت شمعة أيامي _ أم الحسين
أراقب وضعج أبسكته _ تكطعين البجي اليمته _ وتنامين
النحيب إيألم أضلوعج _ مسحي الخاطري أدموعج _ لتبجين

تهيدين أمن الونين يمته
مسيل أدموعج أيكول ميته
الأجل خيم عله اعيون الضوه أعرفته
أكابر عالجرح بس موتتي أبسكته
...................................
مر طعم الهو أبريتي _ وماتت بيه عافيتي _ ابحزنهه
مشت والسطره أشاهدهه _ بعدهه أمبينه أبخدهه _ وجفنهه
بسمار الصدر حافر _ كلب مدري ضلع كاسر _ لي منهه
عافتني جرح يكبر _ تمنيت اغفه وتدثر _ أبجفنهه

راحت والورد مات عطره
قرأن العشك ضاع ذكره
اليفارك نبض كلبه أتموت سالفته
أكابر عالجرح بس موتتي أبسكته
......................................
خادم رقية ع
حسين باهض الحلفي

للمدينه للمدينه. …… خذني ياطير العشگ للمدينه

ابدمعي اخط مكتوبي … وأمشي المحبوبي … للمدينة

★★★★★★★★★

خذني ياطير العشگ كل هالمسا فه

گلب شاعر گلبي اويمطر ترافه

جرحي لو شاف النبي وحده ايتشافه

وألف هنياله علي بعيونه شافه


العشكَ شكَكَ ثوبي … وأمشي المحبوبي… .للمدينة

★★★★★★★★★

يمته ياطير العشگ تنوي ونسافر

خلي فوگ اغصانك اقلام اودفاتر

حته نكتب شعر بدموع النواضر

ونمشي ونطش ورد يم ذيچ المنابر



ورد أطش ادروبي … وأمشي المحبوبي…. .للمدينة

★★★★★★★★★

صاحت الوادم علي والساني ردد

وصحت اني من المهد عاشگ محمد

انتوا شنهي الظاركم الله ولَحد

وگالو انته من الزغر گلبك تفرهد


بعشگي يحله اسلوبي… وأمشي المحبوبي…. للمدينة

★★★★★★★★★

ابزغري وانه ابهالعشگ عالن هيامي

الك يابو الزهره كل شعري وكلامي

ويا نسمات الهوه ابعثلك سلامي

يامُحمد بيك اسولف ياغرامي


اه يروحي توبي … وأمشي المحبوبي...للمدينة

★★★★★★★★★

يا شمس عن وجهي بله ارجوچ غيبي

الگمر يخجل لو نظر شامة حبيبي

انه احبه من الزغر والحد مشيبي

ألف هنيالي ومُحمد من نصيبي


اشماتزيد اذنوبي… .. وامشي المحبوبي… .للمدينة
★★★★★★★★★




ــــــــــــــــــــــــــــــــــــــــــــــــــ

ماجد حبيب الحيكاني

2020/10/29 ونسألكم الدعاء

كلش صبَّخت ، يِبست ، عطش بان
وبعث رب العرش احمد لها ماي

ابد ميكــون بعــده وقبله مــا كـان
طلعته اشما خِـلق ربَّــه لها ماي

البحــر ، سابع سما ، انهار ، وديـان
تصيـــح ام القُـرى بيَّـن لها ماي

سطــع نور الله والكل حيــن شـافوه
عرفـوا هيــچ مظهر هادي للناس

اليقـــدرون النبـــوَّه الباري شكـروه
لأن اعظـــم هـــديَّه هادي للناس

اميـــن وصـــادق ومبعــوث عرفــوه
ورفع متنــه الثگيل الـ هادِل الناس

إذن مِــن حقَّــه كل مخلوق ، إنسـان
يحشَّــم تــاج ابوالزهـــره لهاماي

💓❤️💓

علي گاطع البهادلي