نعي

بدفعة الباب ،، وگع محسن ابنها ،، بدفعة الباب
هجموا اجناب ،، كسروا ظلع فاطم ،، هجموا اجناب
وتشم عطاب ،، والنار احرگتها ،، وتشم عطاب
الچانو اصحاب ،، سطروها اعله خدها ،، الچانو اصحاب
وزاد الامصاب ،، بسياط اضربوها ،، وزاد المصاب
اغله الاحباب ،، علي ايودع الليله ،، اغله الاحباب
ورايح الحيل ،، ومحدب ضهرها ،، ورايح الحيل
گامت اتميل ،، من بسمار طگها ،، گامت اتميل
شافت الويل ،، لمن طيحوها ،، شافت الويل
ونت الليل ،، كسرت گلب حيدر ،، ونت الليل
ماتت بنوح ،، ومهضوم الزچية ،، ماتت بنوح
جسد مطروح ،، ع المغيسل وينزف ،، جسد مطروح
الجسم مجروح ،، اشلون ايغسلون ،، الجسم مجروح
حيدر يروح ،، يم الباب يبچي ،، حيدر يروح
ودع الروح ،، بدفن زهرة حياتة ،، ودع الروح

محمد جهاد المياحي

عندما رجع امير المؤمنين من دفن الزهراء وجدوه جاثم على يداه فأسرعوا اليه لكي يعينوه ويقف...
فقالوا له قم ياعلي انته الذي قالع باب خيبر..
فقاله لهم.....

دافن حيلي بلحد الزچيه
موحگي اذا امشي اعله اديه
بعد مابيه عالباب
زهرتي وحدر التراب
ديره ميتمه ينوحون بيه
********
اريد اشتم هوى يا ناس وأرتاح
الهوى مالي ودفنته والنفس راح
ساكت وجروح التبچي بصياح
راحت زهرتي والگلبي سباح

بستاني تفرهد يناس الله ولحد
اللحد بارد هليام الزهره هواي تبرد

رديت بطرگ ثوب وعمامه
صرت فعلاً علي يابو اليتامه
احس بضلوعي نشاب
زهرتي وحدر التراب
ديره ميتمه ينوحون بيه
*******
گومني اعله كيفك خويه مقداد
بگايه الروح صارت نار ورماد
راح الحيل يا مقداد ما عاد
وأنه براسي المصايب صارن اکواد

تتكسر صفنتي وعطاب بدمعتي
علي الحايط توچيت انه مضيع فرحتي

بهيده بخطوتك مقداد وياي
أنه ماشوف دربي وظلمه عيناي
چبير بروحي المصاب
زهرتي وحدر التراب
ديره ميتمه ينوحون بيه
******
من هالصفحه ألزم جفي سلمان
حيله بيا نويه القلع بيبان
ذب هدمك عليه هواي بردان
بيتي بعيد شيوصلني تعبان

ترى بيتي مسافه وانه وياي الحسافه
تگض اجدامي الهموم من أرمش كلافه

قَرحتّ الجفن ويسيل قرحي
من احچي الكلام يصير جرحي
حرگوا بيه الأطناب
زهرتي وحدر التراب
ديره ميتمه ينوحون بيه
*****
يمالك مد اديك وألزم أگفاي
لاتمشون حيل وامشوا بهداي
خافني اطيح مكسره اعضاي
البيتي وياي كلكم امشو وياي

امسحوها اعله خدي دمعتي هواي تدي
أنه خجلان رديت ميت كون ودي

لو لاگتني زينب وانه رديت
وين امي تگلي وخالي البيت
مشو ماضلو احباب
زهرتي وحدر التراب
ديره ميتمه ينوحون بيه
*****
اذا اسمع مناشغ من يجي الليل
احس الروح حدر حوافر الخيل
تچويني الوساده وانترس ويل
بشوفت فاطمه چنت انترس هيل

أنه لوني تغير الدمع وياي يسهر
يجيني الليل ويروح وبعدهي الروح تفتر

نسمات الهوى تمسح دمعتي
حرگ البيت مافارگ صفنتي
ياهو اليسوه الاعتاب
زهرتي حدر التراب
ديره ميتمه ينوحون بيه




عبد زينب
محمد الأبراهيمي

شـد حيلك علـي وسمع شوصيلك
دفـني ورد لزينب مسرع دخيلك
ــــــــــــــــــــــــــــــــــــــ
قـبل لا أمشي أشكرنـك عـلى الـعـشره
يطــيــب يالحـنان أكليـبك شكبره
يكــسرة خاطرك مو سهله عالزهره
وداعا يالحبيب أدعيلي ودعيلك
ـــــــــــــــــــــــــــــــــــــ
أدري بلونك أيصوفــر بــعــد لوني
ولا تكدر تعيش أبـيتــك أبدوني
جنت يمك ونفسك تـعرف شلوني
عـذرا رايــحه وأيـــتام أخليلك
ــــــــــــــــــــــــــــــــــــــ
طبع زينب علي مــن وكت نـومتها
خــل نومك قـريب الــباب حجرتها
بصلاة اللـــيل أدري بنيـتي كـومتها
ضمها بصدرك وأسمعها تحجيلك
ــــــــــــــــــــــــــــــــــــــ
تـراهي بعازة أمها وفاركت أمــها
زينب يابـــو زينب بالكلب ضمها
مثل شمة حسينك والحسن شمها
أنته مشيلها مو هـيه تمشيلك
ــــــــــــــــــــــــــــــــــــــ
عـــباتي وتربتي والمسبحه أهديــها
بثوابي تموت زينب من تصد ليها
علي أدعـيلي بصلاتك من تصليها
هدمني فراك زينب ونهدم حيلك
ـــــــــــــــــــــــــــــــــــــ
الله يساعد عيونك يمحبوبي
مـن تـشوف زيـــنبنه تشم ثوبي
أجالك من وكت ياحيدر غروبي
شسوي والمدامع ترست أشليلك
ــــــــــــــــــــــــــــــــــــــ
أحلــفك ياعلي بروحي ومصـيــبتها
بيدك زينب أتـمشط كـصيبتها
زغيره وفـاركت أمها وحبيبتها
عليك بفاطمه تــباري مداليلك
ــــــــــــــــــــــــــــــــــــــ
علي لا يـبرد بزيــنب دفو بـــيتي
ولو حنيتك أعرف مثل حنيتي
ما أشكلها ذمتك باري ذريتي
تراني بالمقابر وأكعـد أبجيلك

الخادم عبد الجليل المالكي

مدد مدد يافاطمة مدد مدد يافاطمة
....................

عينيني يزهره اعله الطم والحركه والونه
رايد الله يقسملي بعزائج ضلعي اكسرنه
عهد مني مصابج ما اعوفه وابتعد عنه
بيت احزان اريدنه اعله كدي بگلبي اشيلنه

يازهراء ارزقيني
اضيع خنصر ايميني
واعمي من البجي عيني
والطم صدري لحسيني

مدد مدد يافاطمه مدد مدد يافاطمه
......................

بابج يندفع يم الحسن صعبه ويحركونه
والاصعب عليّ من اسمع بخدج يصفعونه
شذنبج والمتن ازرك صبح من اليضربونه
والمحسن يزهره قررو لازم يذبحونه

من عندج على الغبره
طاح وماسلم عمره
ضل الينسحن صدره
بخيول العده العشره

مدد مدد يافاطمه مدد مدد يافاطمه
......................

يالصحتي اعله فضه وكلمتج يافضه اسنديني
ماشوف الدرب دم الجفن صار بوسط عيني
الحكيلي يفضه من الالم للحجره وديني
عصرتهم منيه وطفو بعيني ضوه اسنيني

ما احمل بعد اكثر
مكسوره ولا اكدر
گلبي بحزنه يتفطر
اريد الموتي اتحضر

مدد مدد يافاطمه مدد مدد يافاطمه
......................

ودعتي الاهل يافاطمه وحيل انكسر بعلج
حيدر ضل يصب ماي النواضر مو دمع لجلج
صرتي جنازه بس عالمرتضه كلش صعب حَملج
لو شالج يحير بمشيته وللحفره شينزلج

اليدفن بيده ام بيته
يعني وياهه عافيته
يوكر شيبه بلحيته
انتي الحيدر امنيته

مدد مدد يافاطمه مدد مدد يافاطمه
.....................

من بعد الدفن رد حيدره وجسمه بلا روحه
ماخطرت على باله زهرته بحفره مطروحه
طب بيته ولكه زينب عليج هوايه مجروحه
وعيالج يزهره تعذبو والدمعه مسفوحه

ضلت زينب بحسره
وحيدر منكسر ضهره
وحسين وحسن عبره
وسط اصدورهم جمره

مدد مدد يافاطمه مدد مدد يافاطمه



محمد هادي العقابي

تمشي وتلتفت متعنيه للباب
ضل يعصر بأيده ويبجي  ابو تراب
راح تروح روحه ....راح تروح روحه
ــــــــــــــــــــــــــــــــــــــ
اول ما اندك الباب ... علي ضل ينخمش كلبه
كاعد ع الجمر مو كاع .... وسيفه فاحط بكربه
يباوع فاطمة بعينه .... تطب ليها زلم غربه
يربي اليوم اخذ روحي ...وصيتك هاي الي صعبه

ضلت عينه غركانه بدمعها
اكباله فاطمه كسرو ضلعها
راح تروح روحه ...راح تروح روحه
ــــــــــــــــــــــــــــــــــــــ
لچمتها اكثر من النار ..جلمة جا علي وينه
زلمتچ وينه خل يحميج ... خل يطلع يلاكينه
رايدها علي تصرخ ... سطرها بثكل جفينه
وكل هذا وعلي يسمع  ... وضاگت بيه حياطينه

يريد يكوم لاجن باد حيله
جلمة جا علي وينه ثجيله
راح تروح روحه ...راح تروح روحه
ــــــــــــــــــــــــــــــــــــــ
هضمه الحيد مرته اتصير ... بيد ازلام كتلتها
گبل لا تنكسر لضلوع ... عايش ضيم كسرتها
الما شايفها حتى الريح ...اليوم الغربه شافتها
دم تبجي وعليها الباب ...كلها الكوم دفعتها

وسفه بداري شايخ ابن خطاب
لم ازلامة كلها ودفعو الباب
راح تروح روحه ...راح تروح روحه
ـــــــــــــــــــــــــــــــــــــ
الله يساعد الزلمه ... اليسمع حرمته تنطك
من كثر العصر بالباب ... جابت دون ماتطلگ
انكلب لون الهوه البدار ...وبس دخان ضل يشهك
اول مره ابو الحسنين...يريد الكاع بي تنشك

يدعي الموت كون يعجل بساع
ولا اشوفن امريتي اكبالي علكاع
راح تروح روحه ...راح تروح روحه
ــــــــــــــــــــــــــــــــــــــ
علي كاسر ضهور البوب ..بس كسرته حفنه جذوع
يكللها انشلع ضلعج ...بس اني بكلب مشلوع
اول مره اضل كاعد....واسمع صدى كسر ضلوع
من كد ما بجيت عليج ...اصيح وصوتي ما مسموع

وروحه تروح لو صد للحياطين
من دم فاطمه بيها نياشين
راح تروح روحه ...راح تروح روحه


كرار فاهم الخفاجي

مشتاكلــج * يم الحسن
مشتاكلج * وأنــتي بچفن
مخنوكه حيل حجايتي
بابي كـــسرها مرايتي
مشـــــتاكلج
ــــــــــــــــــــــــــــــــــــــ
الچفن مايسمع حجايه ولا يعرف شني الفركه
شحجي ويالچفـن محتار لا بـي جلمه لا ملكه
صامت وأنـه أسولـفله وشفافي غدت زركه
بينج بيني بس أقـماش وكالساع أحترك حركه

وأبموتج مات الهوه
وأبمـوتج متـنه سوه
مــني مشت تجايـتي
بابي كــسرها مرايتي
مشتاگلج
ــــــــــــــــــــــــــــــــــــــ
أسامرمن وأحاجيمن عله أسمج ماخذ لساني
غير أنتي وطن كرار شلون أعـشك وطن ثاني
أنه وروحي يازهراء نعيش بغربه ونعاني
لفـينه بچفـن وياج بغـيابج شنو أنتاني

وبغـيبتج غاب العمر
وبغـيبتج مات الكمر
ياتربه ومصلايتي
بابي كسرها مرايتي
مشتاگلج
ــــــــــــــــــــــــــــــــــــــ
بيش أبجيلج الدمعات يفاطم عندج عيوني
يطير وطيرتي بجنحج علـيج أشكد يحسدوني
أنه الكنت أدلي الناس صرت بعدج يدلوني
حي لاكن متت بجفاج وأدور عاليشيعوني

ياحالتي تبجي الصخر
ياحالتي محني الضهر
جلمه ومشت شرايتي
بابـي كسرها مرايتي
مشتاگلج
ــــــــــــــــــــــــــــــــــــــ
اليسولف عالجرح مجروح أه يغيابج شكبره
وحيدر عاشك ومضلوم ماهانت عليه عشره
قريت الفاتحه الروحي الروحج فاطمه شأقره
طريق الشـيع المحبوب ماتطلع عليه كمره

محتاجلج يم الوفه
محتاجلج يالعاطـفه
ياغايتي وياغـــايتي
بابـي كسرها مرايتي
مشتاگلج
ــــــــــــــــــــــــــــــــــــــ
اليعـطش عالبعيد أشلون ماتروي العطش صوره
يوصل مرحله وينهار أويشعـر منتهي دوره
يشباج البخت والخير وكلبي أتعود أيزوره
وحق ضلوعج ضلوعي أحسها بصدري مكسوره

وبصايـــتج بيتي عله
وبصايــــتج يـم الهله
يانسمه عشكت رايتي
بابي كـسرها مرايتي
مشتاگلج
ــــــــــــــــــــــــــــــــــــــ
يفاطم والله كلب حسين ما يسـتاهـل أللجمه
من كد مايفكر بيج أسمـعه أيصيحج أللبسمه
أخذتي الحيل مـنه أشلون باجــر يحمل الـهضمه
كـــد ما منشغـل بالأه مايسمعني أصيح أسمه

محتاملج كلبه أنفـــطر
محتاجلج وين السفر
قـرأنه أنتي وأيتي
بابي كسرها مرايتي
مشتاكلج


#الخادم عبد الجليل المالكي

السلام على ام ابيها


ليلي اخلصه بس اوون ومگابل الباب
هلبت تطب ام الحسن ونسه انه لمصاب
مريلي لو نسمة هوه مخنوگ ابو اتراب
-----------------------------------
يوميه اگعد للفجر ولباب صاير علتي
انضر خيالج منرسم ع الباب اگولن جتي
يم الحسن كسر الضهر اعرفته لمن رحتي
وسوالف الحلوه گضن نوح ودمع سالفتي

رديلي لو مره ابحلم وطيب الجروح
بس بالأسم باقي علي امشي بلا روح
طبع اليفارگله محب ابدمعه مفضوح
----------------------
بالحجره اگعد ونتضر هسه تطب اعليه
من يقضتي گمت انه افز الزهره شو ماهيه
اشتاگ وشبگ شيلتج والشوگ ياكل بيه
وحضن اثيابج وستجن بي رحية الزجيه


من رحتي مايغفه الجفن ومزاعل النوم
ليلي اخلصه بس بجي وحجي ويه الهدوم
هم ترجع الزهره الي ياربي لو يوم
---------------------------------------------------------
ابگلبي غصرت لوعتج وگدام ولدي امكابر
ولليل لو هوود عليِّ ابجي بجي الماصير
ابين رجليه احط راسي وضل امساهر
مثل اليتيم ابلايه ام يالزهره اكسر خاطر


ونيتلج ونت طفل لحضن امه معتاز
يا ام ابوهه إنتي ومي وكل العزاز
يناعج گلبي اومن ونيه لحضه ماجاز
----------------------------------------------------------------
وشلت عيني امن الدمع گمت ابجي انه اجفوني
مو راسي شاب اعله المشت ابيضت انه اعيوني
من رحتي كل حيلي رحل وعله المشي ايگودوني
امبين عليِّ فاگدلي خل اب ممشاي هدله امتوني

ما حصل الخلتج كفو يسد فركتج هاي
جنت انه عيش بجنتچ.من عشتي وياي
من صلفت عيون الوكت هضمتني دنياي
-------------------------------------------------------
جا ليش اليفارگله خل روحه تضل مختنگه
ويعيش كل عمره يوون واطييبه جلمت ملگه
ما اشتهي شم الهوى عگبج وابجي ابحرگه
يم بيتي طولتي عليِّ اشسوت ابحالي الفرگه

بيه خلص كل الحجي كل حجيي مشتاگ
هدم اوعظم باقي انه سل جسمي الفراگ
لون الحزن مابطلت واعليه شو لاگ
---------------------------------------------------------
علي سليم الحسناوي


#لك_الفداء_سيدي_اباعبدالله
#خدر_الفواطم_لنشر_القصائد_الحسينيه



____________________
لمن يجد صعوبة بالحن اطلبه من
@moatmed2

ليل الغوالي ---- يبقى خالي ---- وانه سهران
يلضلمه بيتي---- من مشيتي --- صارت احزان
-----------------------------------------------------------
ها يكل ناسي وهلي ------ رحتي ضل وحده علي
مدري احير ابروحي انه لو باليتام
اعليه لو ليلي يجل---------- بيه مايبقى عقل
وليتيم الليل علته اعله امه محتام
أعيون الحسين انعمن-------وبقى أصبر بالحسن
ومن بواجيهم يزهره انهد ابو الثام
ليل اخلصه بس بجي------- بصدري غص كل الحجي
وياعذر احجي حتى اعيالج اتنام


ابجي البجيهم --- وبحجيهم --- الگه الفراگ
جايمته ترجع --- بويه اسمع --- لمنه نشتاگ
-------------------------------------------------------
الحيره مو گيد وحبل------- حريتي تكتل كتل
خاف اجيج وتفز زينب فارغه الدار
وضعي لا ماينحمل ---------- اشلون اصبرلي طفل
غير اصبر روحي حتى اتهوود الزغار
انضر الزينب توون--------- بويه وين ام الحزن
اشلون اگلهه ماتت. امج گلبي محتار
والحسن ينضر الي-------- وين امي ياعلي
ولسؤال اهواي يكثر بألف بسمار


هيه المصيبه --- بالحبيبه --- زينب اتنوح
ازغير عمرهه --- وياقدرهه --- تشبع اجروح
-------------------------------------------------------
شفت بحسين العجب------- بحجرتج شفته نحب
شابگ ثيابج ينادي راحت امي
گاعد وياه الحسن--------- ابنيتج تبجي مزن
حدب اگافي الوضع وزاد همي
رحتي والبيت انطفه-------- ولاجفن ليه غفه
اتكاونت بيه المصايب مات حلمي
العيون امجمره-------- انتي لا مو اي مره
احتجن اعضاي برحيلج باد جسمي


يوميه نلتم --- انسوي مأتم --- نذكر الصار
اه ياعذابج --- ويه بابج --- وبيهه بسمار
---------------------------------------------------------
الگبرج اشتاگ اواحن------ هدمه صارت بالمتن
اتوچه عالحيطان عكبج يم الحسين
حيلي راح اويالنعش --- والكتلني اثمنطعش
عمرچ انتي ومن اديه باكج البين
اشلون اصبر عيلتي ----- وانه تفضح دمعتي
اشما اضمن حزن كلبي تنزف العين
بلسم اجروح ودوه------بغيبتج گلبي انجوى
من مشيتي بيه ماتت احلا الاسنين


انتي مشيتي --- انهدم بيتي --- وضلمه الايام
كسر الخواطر --- للمانطر ---- علته مينام
---------------------------------------------------
رحتي رافگت الدمع----- اعيوني تبجي اعله الضلع
ياحبيبت كلبي ليش ايعصرج الباب
ورده ليش وتنكسر -------- هيه للشم مو عصر
ذبلوج ابلايه رحمه وشنهو الاسباب
اه يلوعت حسترج--------- لسه اذكر عصرتج
ولعزيز الطاح منج فوگ التراب
گمت ادعي للصبر------ الحمد لله والشكر
القدر راده الجليل وصار المصاب

اخر كلامي --- وجهي ضامي --- الملگه الاحباب
ماباقي كلشي--- حتى رمشي --- امن الجفه شاب
-----------------------------------------------------
علي سليم الحسناوي





#لك_الفداء_سيدي_اباعبدالله
#خدر_الفواطم_لنشر_القصائد_الحسينيه



____________________
لمن يجد صعوبة بالحن اطلبه من
@moatmed2