المصمم علي الخادم
لتصميم
#بوسترات_حسينية
#صور
#فيديوهات_حسينية

لتواصل على الخاص

@aliAali1
https://tttttt.me/aliAali123

تصميم بوسترات عزاء مجاني 👆

السيده زينب ع تخاطب أخيها الحسين ع

علي ضيم الفراگ شلون شجراه
ودمع عيني عله الوجنات شجراه
يخويه اعليه حسره افياي شجره
الشمس والسوط يتگاون عليه

يخويه حسين گلي شلون حالاك
عفتك عالرمل والليل حالاك
صدگ گالو وحوش اتحوم حالاك
وهيه اشخلّت خيول آل اميه


لسان حال السيده زينب ع

اخيّتكم بعد ماظل بها ون
وماتدري الشمر ماشي بها وين
غدت مثل اگهوه زينب بهاون
الحزن يطحنها كل صبح ومسيه


سيد غالب الرضوي الكربلائي

يا امامي وكل غرامي وكل هيامي
ـــــــــــــــــــــ
كَلبي شاعر .. والمشاعر .. دمعه تكتب يارقيه
بلا مدامع .. ابقه ضايع ..شنهي عمري بلاعزيه
كل قراري ...يضل شعاري ... ياحسين ويالزجيه
حبي واحد ... دمعي شاهد .. اخره ودنيه عليه
أنه لوماهذا العزه ماريد العمر
شلون ايضل بيّه النفس والعيله ابيسر
يالحافر مو قصّرت عفت ضلوعي أنه
ولحسين ابلايه رحم تسحكَله الصدر
ـــــــــــــ
تغفه عيني ... وبونيني ..اكَعد الكَ اكَبالي خيمه
وبخيالي ..يادلالي .. هيجي اسمع من يتيمه
بهيجي نظره ...خالي مهره ..ينادي ياناس الظليمه
وناري تسري ... وينه خدري .. طفله تندب ياحريمه
انه ليلي كله دمع لجروح السبي
شتتحمّل ام الخدر زينب جا نبي
اطفال ماخذهه السحكَ تبجي امن الالم
تتجوّه اشما تلزم بطراف العبي
ــــــــــــــ
عندي رايه .. من البدايه .. اعليه اطوف بكل جروحي
بس لزينب ...ناري تلهب ... وبس عليها يبقى نوحي
للمصيبه ... وللغريبه ... الله خالق هاي روحي
للمجالس .. دوم اكلهه ... ها يروحي الهه روحي
بجروحي الماتنشفي دوم ارسم خيم
ساعه ولنهه تشتعل لو طاح العلم
صوت امن التل ياعلي احضر كربله
بلا والي عكَب الكَمر مرعوبه الحرم
ـــــــــــ
بالمواكب.. كَلبي ذايب..وكل جنوني بهل شعيره
يبقه همي .. خادم اسمي ..ادري هل نعمه جبيره
ربي اختم .. كل حياتي ...دمعه عالراحت اسيره
الخالق الله ... الهه كلشي .. وسفه تبقى ابلا عشيره
يارب عيّشني الم من طف كربله
لوماي اسنيني احس تروي العايله
لو رايه جروحي ترف يم جرف النهر
لو نبله بضيمي أرد اذبح حرمله
ـــــــــــــ
يابوفاضل .. بلامحامل ...تدري زينب من خذوهه
اعله بختك .. هايه اختك ... آل اميه روّعوهه
عمده والله ... والزجيه ... يبو الغيره شتّموهه
بالدواوين .. ويالنساويين ... وسفه زينب دخّلوهه
وحسينك يابوالفضل حزّوا منحره
وبالخيل ويلاه يالولي ضلوعه امكسّره
زينب محنية ظهر هيجي بكربله
يم جسمه اتدوّر بقت للجف خنصره
ـــــــــــــــ
الشاعر محمد حسن ضيغم

مــــن كمل ذبح ركضت عالرمح
رادت تنسحك من خيول الغارت
______________
ياعمه دليني الـدرب الحضن الابو مشتاكه
خل انسحك ويـــه الصدر بس المهم نتلاكه
فتشت عيني بالحضن شيحمله عمه فراكه
مابيه اصعد عالهزل جابوها عــرجه الناكه

من جابو هزل & وچتفوها ابحبل
رادت تنسحك من خيول الغارت
______________
يابويه اذا تسمع بجي كول البجت رقيه
من شفت راسك عالرمح وعينك تصد اعليه
يابويه ادري الينجتف يعني ارتكب فد نيه
مـــــاكلت بس مشتاكه الك شو جتفو اديه

اركض عالحرك&بالسوط انلحك
رادت تنسحك من خيول الغارت
______________
يالحاضن ابـراسك رمح حيرني دم ازلوفك
من شفت خنصر منبتر اتمنيت ابوس اجفوفك
يابويه سكنه اتحيرت رادت تجـي واتشوفك
بس السياط اعله الضهر مجبوره بويه اتعوفك

وسياط الشمر& مـاخلن ستر
رادت تنسحك من خيول الغارت
_____________
طبينه مثل الـــمُتهم يـحسين ذاك الديوان
اتخيل يبويه اعله الزلم لـمن تطب النسوان
من شفت راسك ينضرب كتلتني ضحكت مروان
الشمات ضـحكو عالعبي متغيره من التربان

نص منهم بجو & ونص اتشمتو
رادت تنسحك مـن خيول الغارت
_____________
شابكني شفتك بالحلم وتمسح بديك امتوني
طكوني بويه اعله الوجه شوف الاثـر بعيوني
اربع اسنين امــن العمر ليش الزلم يسبوني
وجفوفي تجري من الحبل شمسويه ويطكوني

من شفت الطشت&يم خدك ومتت
رادت تنسحك مــــن خيول الغارت



بسام قابل الياسري

القلبُ دامي يازهراء
على امامي يازهراء
قد هاجَ نوحي وانيني
السجادُ امسى يُبكيني
ـــــــــــــــــــــــــ
الجروح بكل كلب ضلت تدمي وما رضت تشفه
لان جبدة علي السجاد منبع ماكطع نزفه
يازهراء واحنه انّوح والمحنه اصبحت كلفه
حتى الكون كله يصيح عالسجاد الف وسفه

الشمسُ ناحت يازهراء
بالحزنِ لاحت يازهراء
حزناً وآهً ترويني
السجادُ امسى يُبكيني
ـــــــــــــــــــــــ
لمصابك كلبنه يذوب يامولانه يالسجاد
مصاب المجتبى وحزنه بمصابك نشوفه انعاد
مثل ما سمموا جبده سمّوا جبدك الاوغاد
والونه عليك امست شما مر الزمن تزداد

والدمع يجري يازهراء
نار بصدري يازهراء
نوحاً وفقداً يؤذيني
السجادُ امسى يُبكيني
ـــــــــــــــــــــــــــ
يل شفت شحصل بالطف بعينك شفت جم لوعه
شفن جفن العقيله يسيل بالطف بس دمه دموعه
وشفت عمك كمر هاشم جفوفه بكتره مكطوعه
وشفت حسين ابو السجاد دامي مكسّره ضلوعه

اجساد صرعى يازهراء
والطفل ينعى يازهراء
يُنادي من قد يَِِِِِِِِِِِِحميني
السجاد امسى يُبكيني
ـــــــــــــــــــــــــ
وبطول الدرب ياحيف اطفالك يضربوهه
وزينب ياوسف تسمع حين الي يسبوهه
عيله وبس حرم وايتام للكوفه يودوهه
اطفال من الضمه تصرخ مارادوا يشربوهه

اطفال تبكي يازهراء
لله تشكي يازهراء
بالماءِ من قد يَرويني
السجادُ امسى يُبكيني
ــــــــــــــــــــ
يازين العباد اليوم اصبح سيدي مصابك
سهم السم وسف مولاي جاك وبالجبد صابك
يامولاي مانحمل صدك لوعة غيابك
ونبقه انصيح حد الموت احنه سيدي احبابك

نحيي الرزيه يازهراء
رغم ا ل اميه يازهراء
والعمرُ يشهد وسنيني
السجادُ امسى يُبكيني


الشاعر محمد حسن ضيغم

ميمر مجنس

طلعت تون     ام الحزن
صوته انكطع   والهم يچن
ام الخدر همها حسين شوما رجع حاجاها
ــــــــــــــــــــــــــــــــــــــ
لملمت زينب والحزن         لاماها
ملت صبرها والكلب          لاماها
اباب المخيم سولفت         لاماها

حسينج هوه    سرجه انلوه
بطف كربله     ضاك الهوه
بين الزلم اردم خيل اعثر واكوم اوياها
ــــــــــــــــــــــــــــــــــــــ
طلعت شبيهت فاطمه        محنيه
ماكو ابمحنتج بالحرم         محنيه
شبكت مهرته البدمه          محنيه

من النحر     جايب خبر
حسين انذبح   كلبه انفطر
داسو عليه سبعين الف صدره انمرد جواها
ــــــــــــــــــــــــــــــــــــــ
بنص الخيم طبت زلم      عالعيله
راح الگمر مايغفه ابد        عالعيله
زينب كـــــلبها بالقهر        عالعيله

ابن الخنه     لمن دنه
داس الخيم    راسي انحنه
من الهضم بين الناس دمعتي ما شافوها
ــــــــــــــــــــــــــــــــــــــ
شافت مصايب والزمن     جاراها
مخدره وماشاف الخدر     جاراها
مسبيه راحت والشمر       جاراها

شدها ابحبل  فوك الهزل
گبال الرمح    مدمع يهل
سولفت وي راس حسين من النذل جراها
ــــــــــــــــــــــــــــــــــــــ
بلا هودج الناكه وكال       اتركبيها
عرجه ومريضه وبالمشي   اتركبيها
وصيه يعمه الكافيلي        اتركبيها

كله الستر     ويه الشمر 
يابو الفضل   صوبك يمر
خلي يكعد اشوف اشلون زينب تجرها اعداها
ــــــــــــــــــــــــــــــــــــــ
خلاف الكمر تالي الشمر     تراها
عيوني الشماته ام الخدر    تراها
طبت الحره اعــــله الزلم    تراها

بين الجمع   ما صب دمع
لمن حجت     كالو سجع
جن حيدر ونفس الصوت محد كدر يدناها


بسام قابل الياسري

عندما هجم معسكر عمر ابن سعد الى الخيام
فقالت السيدة زينب عليها السلام..
ــــــــــــــــــــ ــــــــــــــــــــ ــــــــــــــــــــ
فرن يابنات الشيخ بالهيمة
حشمو ناس ميخلون اي خيمة
ركضن يالعلاوي اتبعدن امن الخيل
لفتنة الناس واحنه ابلا ابو الشيمة
هجمت الخياله ... وغارت ع خيم
ــــــــــــــــــــ ــــــــــــــــــــ ــــــــــــــــــــ
عينني على السجاد خنطلعة
ونركض يا بنات الما سلم ضلعة
وابجن هسه باجر بجي ميريدون
نشكف صوط باجر ويه كل دمعة
كل رحمه لامابي ... ذباح اخوتي
ــــــــــــــــــــ ــــــــــــــــــــ ــــــــــــــــــــ
اجتنه الخيل واحنه بكل كتر صرنه
او وحدة اتكل للأخرة خيه ها ضعنه
وشبت نارهم ببيوت ابو الحسنين
وعالو بينه والعباس مو يمنه
ضعنك يبوفاضل .. بي عالت زلم
ــــــــــــــــــــ ــــــــــــــــــــ ــــــــــــــــــــ
طاحت وحدة من نسوانه بهالبر
اعاين للرباب تكوم ما تكدر
تشوف هدوم ابنهه شبت اويه النار
وتعاين مهد ابنهه شلون يتكسر
كبال امه كاروكه.. الخيل تولته
ــــــــــــــــــــ ــــــــــــــــــــ ــــــــــــــــــــ
احترك بيت الله محد طفة بيت الله
وجمر الخيام بجدام الخدر صالله
التطيح وما تلحك تكوم تشبع ضيم
او لا واحد شريف ايكولهه اسمالله
ال اسم الله بلحومة...صوط اعله المتن
ــــــــــــــــــــ ــــــــــــــــــــ ــــــــــــــــــــ
يهل المروة شحت كل المروة
وكت العازة ماتت جلمة الخوة
البقت بخيامهه ومالحكت ياناس
بالكوة وعلي يطلعوهه بالكوة
ابلاشيمه طلعوهه .. جم امدلله
ــــــــــــــــــــ ــــــــــــــــــــ ــــــــــــــــــــ
حيهم يال هاشم ما بقت غيرة
بگيت اصفك بدية وحيرتي حيرة
لحكو اعلينه باجر للسبي ايريدون
اطب من ديرة واطلع انه من ديرة
ياهلي فزعولي .. رحت اميسرة
ــــــــــــــــــــ ــــــــــــــــــــ ــــــــــــــــــــ
عباس أديب المالكي

يصيت العافيه وبخت اليشور
على المثلك جذب لا ما ادور
و يتمنه يلاكَيك كَلبي المحترك بيك
حبيبي
________________________
اموت بلا هواك و نسمه اشتمك
انه اول بشر حافر بريتي اسمك
و يا صيت االمنابر معتلي بدمك
يمقدس الترب جي محتفي بجسمك

ملهوفات اجن وشبكت السهام
اشتمن بيك حيدر يمكن ايتام
يا صيت العوافي صدرك حيل دافي
يصيت العافيه وبخت اليشور
________________________
اغار عليك حكي من اعشكنك
و ياالبروح ساكن وين اضمنك
تحبني هواي وانه هواي الجمنك
وتضكني الدنيا كلها وارجع لحضنك


ابعده الماي لو عني تدنه
اشربه اشلون وانته الما تهنه
لو ما تحرم بهاي جا ما اشرب الماي
يصيت العافيه وبخت اليشور
________________________
انهيار وعاصفه بس ثبتت اجدامي
لئن امي لخدمتك شدت احزامي
ونثرت اسمك عطر يحسين بايامي
وشكرااا لله جي سواك ايمامي

يالمربيني حضني عليك معتاد
لئن بعد الحرك ما يجوي الرماد
اعشكك وارجع النوب من عشكك فلا اتوب
يصيت العافيه وبخت اليشور
________________________
اقيمن مجلسك لو كلها عادتني
زغير انه وخدمتك ملك سوتني
وفضل لامي عله دربك هيه دلتني
ولخاطر متن زينب زوركت متني

اجزع ع السبيه واوكع اجنازه
و انته اول عشك تاليته عكازه
وحدك ساكن الروح وعشكك حيل مفضوح
يصيت العافيه وبخت اليشور
________________________
مغالي كالوا وما همني اشكالوا
ثبت انه بوكت بي كثرو المالوا
نصير اسيوف باالملكه اذا رادوا
فقط اهل الرديه لخدمتك عادوا

ع اليحرك خيامك تدمع عيونك
جا شتسوي للناس اليخدمونك
وكلبي الينكط اجراح بس بالخدمه يرتاح
يصيت العافيه العافيه وبخت اليشور
________________________
انه بلا صيت والخدمه ارفعت صيتي
و لاخير انفاسي اخدمك هذي امنيتي
و الحسينيه اسكنتها و اتركت بيتي
الهوى الما بيه عطرك ما يطب ريتي

كصدتك واليكصدك يرتفع شانه
مثل بيت الله بس مفتوحه بيبانه
حنين وكلك احساس وحكها تكصدك الناس
يصيت العافيه وبخت اليشور
________________________
خادم الطهر الكرام
مرتضى الشمري

حزن والم وفراگ خلصت حياتك
هاليله يالســـــجاد ليلة وفاتك

زين العبــــاد اليــــوم لونك تغــير
سم وهظم وآهـــات چبدك تفطر
تنظر ابوك حســـين صدره تكسر
.
وي المنيه اتعيش كل نايباتك
.
.
من تذكـــر اللچمات صعـبه الرزيه
شفت الشمر مولاي يسطر رقيه
وانت بحبل مچتوف بين آل اميه
.
بكترك يبو الشدات لاذن خواتك
.
.
كلمن بـــرز للمــــوت لابــد يودعك
للاكبر وجســـام من جمره دمعك
صار المرض سجان واصبح يمنعك
.
مذبـــوحه عالتــــربان كــــل امنــياتك
.
.
عالغبره طاح حسين مسحوگه جثته
شفت الحوافر حيل داســـت مهجته
من كل كتر لميت جســـمه وجمعته
.
لهاي المهــمه الله خصص نجـــــاتك
.
.
من گبرك اسمع دوم اصوات الايتام
واشتم عطر عطاب دخان الخــــيام
الجرحه جمرة نار مايغـــفى وينــام
.
وانت الونين ايصـــير سجـــده بصــلاتك
.
.
جرحك يظل مولاي مايـــشفه ويطــيب
شمس الدمــع مايوم عن خـدك اتغيب
باب انت للحــاجات ولينـــوي ميــخـيب
.
طيـــبه وكــــرم وايثـــار جوهر صفاتك

حسن الموالي الفاطمي

لايجوز شرعاً قراءة هذه القصيده من قبل رواديد الـDJ................اللهم أشهد أني قد بلغت وأبرأت ذمتي بين يديك ...

أنتظر عبـاس لــكـن مايه لحسين
مشاله ورجع ظهره مايل حسين

رجع وشفافه متـفـطره
لازم دمــعــته وظـهـره
عاف عله النهر عـشـره

گلتله شيوجعك يحسين
گــال الـســهـم لبـعـيـنه

گلتله ليش ماجه وياك
گال استحه من اسكينه

گلتله شگـالـك من مات
گـال يگــول اعذريــني

من طاحت الجربه يگول
شمرت ويــاهـا چفيــني

ايگول الجربه هم نادت
لمن عالأرض طاحـــت

الجــربه اتصــيح هــذا ماي الحسين
اتركو الـمـاي خـلو السهـم بــيه


#لـ حيدر العماري

سُئِل الإمام السجاد عليه ٱلسلام عن أشَدِ المصائب فقال ؛ الشام الشام الشام💔

-
-
جــواب مْـن الإمـام لكـل بشَــر يسـأل
اليِطــب للشــام لو عــاد الذبح يقبــل

المـا عنــده مـره يعبـر عليــهه الطيـر
مِـن تعبـــر بســوگـ بنـص زلِــم ينْــذل😞

من تنخــاك طفــله وانت بيــن احبـال
تتمـــنى الحيــــاة گبــــور تتحـــوّل🍂

من تسْمَــع صياح ، تحيــر وين تـروح
لحد ما تلگــه طفلــه بْــراس تتــوسّـل💔

مشينه وكلشي واگف عنده صار عيون
وْشِفِــت اول ورد مِـن النظــر يذبَــــل🥀

تِچَـلّب بالرمــح لو بچَــت بت حسيــن
طبــع بالبت لبـوهه تــروح من تزعــل😞

طفح صوت المناحه ونشف ريج الماي
وْ بِــده لون المْـــروّه مْـن الأرض يرحل🌎

صعد راس الرمح والضحك ترس الگاع
وعــلى النوگـ الفواطم يقْــرن المقتَـل

طبِّيــــــنه وْ لگيــنه الانتــظار اشكـــال
يتبــاهه اليِطِــگـ راس بحجـــر اول

وچهبنه اعله القصر والقصر ساحة موت🏛
وحـوافر گمْت احس حتى الهــوا تبــدل

بچيت من الهضم من شفت ناخت نوگـ
ونِـزل ضعـــن الرســاله بحيــرته مبــلل

وبديت اجمع احبال اليبسن اعله چفوف
واعَــدْل ظهــورهن من طــوية المنجـل

عبــرنه هــواي والينطــرنه هم هــواي
نرحَـــل مِــن عَــذاب وللأشَـــد نرحَــــل

المســـافة ابيــن باب القصر والديــوان
بيهه اشگـــد ســوالف تنحچــي وتذبل

بيهه الراگـ بيّــن ، نشَــف وجــه المــاي
بيــهه حسيــن مالَــو ، راســه مــا ميّـٰل

بيــهه اشچَـم طفل يتمــنى فــزعة راس
بيـــهه النــاگه طاحت هيّــه والمحمَـل

الما يفــهم العِــزَّه بعيـٌنه طبْـت الشــام
سهلـــه ، وشِـــدة الفــوگـ الهِزل تنحَــل

هذا ابســط شرح ممكن لطبْـت الشــام
جـــواب مْن الإمــام لكِــل بشَــر يسـأل

على گاطع البهادلي

لاستشهاد الامام السجاد ع

عمري دمعه وابجيك
يذكرني كلشي بيك
وعيني ابيضت و ذاب الجفن يابويه يحسين
______
بويه الغالي اشلونك ضلمه الدنيه من دونك
ابكلشي اتخيل اعيونك والوجن
جرحي ابغيبتك يكبر خدي من البجي اتحفر
امن اذكر صدرك اتكسر الوجن

الفاكد مثلك حسين يون صحوه ومنامه
يضمك تالي التراب عله الدنيه السلامه

الله الخله ذكراك * ينساني اذه انساك
تدري ابغيبتك بويه الدمع ماخله كل عين
____________
الهوه ابلياك ماينعش اذكر يوم بيك ايطش
وعله جروحك رمل يفرش وانوحن
الشمس ماريد انه اذكرهه عسه كون الدهر فرهه
بينه شسوت ابحرهه وانوحن

عمتي من الشمس هاي تغير كلشي بيهه
الوجهه لو تجي اتشوف تبجي انت عليهه

من كد ذاك السموم * صارت سوده الرسوم
وكل ذيج العبي صارن حمر تحركهه نارين
____________
خلك للزاد ماليه طشته ايحطه مرض بيه
من اشوفه اذكر ارقيه يبويه
الماي الماضكت منه صرت بعدك اكرهنه
من اشوفه اجذب الونه يبويه

ذكرتك ها يعطشان نحت وانحيبي سمعوه
الكبش من شفته بالسوك كبل ذبحه يرووه

يلي اجروحك اهواي * ماقدمولك الماي
ضامي ومنذبح من العطش يبسن الشفتين
____________
بيتي من اشعر ابفيه العاشر ينلجم بيه
تفز بروحي ضهريه وجمرهه
من انضر بالسمه غيمه خيالي يروح للخيمه
ويوم اركضنه بالهيمه وجمرهه

النفس يخنكني كل يوم واحس بطعمه دخان
اعيش اشلون وارتاح وبس ابداري نسوان

اشلون اجروحي اتنام * وبيتي امترس ايتام
من انظر والتفت انه طفل تهمل دمه العين
_______
من اشوف الخيل يحسيني اعله رجليهه تصد عيني
وصيحن مثله اسحكيني وانازع
ثكيل امبين الحافر نكره اعله الترب حافر
جا من صدرك شكاسر وانازع

بويه من افرش افراش اذكرك فوك التراب
ألمه وتنكع الكاع دمع حته الرمش شاب

اذكر تنزف احساس * واصبع ماكو لا راس
اصرخ بالحزن هالكربله جا جتك منين
_________
ليلي لو سدل رمشه اذكر ليلة الوحشه
ومشينه اعله الجثث ممشه واطيحن
الكمر لو بزغ وانشوفه اذكر عمي وجفوفه
وسهمه اللي طفه شوفه واطيحن

طفل لو اسمع ايصيح رسم عبدالله بالي
واركض والكه كاروك ولولي ومهده خالي

فراشه بالدمع غاط * وابقه اشتم بالكماط
ابدمعي انشده عن الطفل شوماكو جاوين
______
ضاع من السبي صوتي ومن ميل الهزل موتي
كبالي صار تابوتي النهايه
بعد طبع الحبل بيدي واثر للجامعه بجيدي
كتب فوك الجلد كيدي النهايه

اموتن آنه يحسين الف موته من اذكرك
وشل عمري هاليوم يبويه افتحلي كبرك

وينك يبو السجاد *** اتلكه زين العباد
من الطف البعد تالي ابحزن لماكم البين


تمت بفضل الله والحسين ع
مهدي عباس الهلالي

لاالهَ الا الله
ماتَ علي ابن الحسين وآويلاه
ــــــــــــــــــــــــــــــــــــــــــــــ
هذا الامضوي العالم ابوجوده
وامتعب انجوم السمه بسجوده
هذا التحز ابرگبته قيوده
هالليله ناحت كربله أعلموده

الباقر ابنه عزّيناه
ماتَ علي ابن الحسين وآويلاه
ــــــــــــــــــــــــــــــــــــــــــــــ
آخر كلامه الگاله راح اذكره
وگلبك يشيعــي أمن العذاب اكسره
ايگول آنه شفت الظالم أعله صدره
وابسيفه ظل أعله النحر يطبره

وللمخيّم ماجبناه
ماتَ علي ابن الحسين وآويلاه
ــــــــــــــــــــــــــــــــــــــــــــــ
هذا الدفن عمّه وابوه سويّه
ميلاده شام وموته غاضريّه
عالناگه مات واحيّته السبيّه
رجّعن روحه زينب اورقيّه

والـمصايب ماتنساه
ماتَ علي ابن الحسين وآويلاه
ــــــــــــــــــــــــــــــــــــــــــــــ
طبّت الشام وحيرة الحياره
ماتطفه ظلت بالگـلب حراره
راس الحسين المرتفع مناره
شاف العجوز اتضربه بالحجاره

دهره ظالم حيل أذاه
ماتَ علي ابن الحسين وآويلاه
ــــــــــــــــــــــــــــــــــــــــــــــ
الناگه التحمله ابحجره ماحبسهه
اتلاثين عام وسوطه ما لـمسهه
ايگولون لـمـّن ضيّعت شمسهه
لطمت الراس ومــــوّتت نفسهه

ويرجعلهه تتمناه
ماتَ علي ابن الحسين وآويلاه
ــــــــــــــــــــــــــــــــــــــــــــــ
مات الإمام وللسفر تحزّم
خامس وعشرين ابشهر محرم
چبده تسمم والگبـر تهدّم
نوحو عله السجاد سوّو مأتم

عالسبايه نوحو اوياه
ماتَ علي ابن الحسين وآويلاه

محمد الجماسي

قصيده للامام السجاد ص



الله يساعدك من كثر الاصياح
روس اهلك شفتهن فوگ الارماح

ارگضي النار تلهب
صحت ياعمه زينب


عشت عمرك مدامع تارسه العين
شما شفت النهر تبچي اعله الحسين
محدب ضهرك وماتدري لا وين
حزنك والجرح ظل عايش سنين

عاشت نار بيك من المخيم
ايامك يبو الباقر محرم

تگضي الليل تنحب
صحت ياعمه زينب
*--**
عمرك والسياط تعيش وياك
لدروب السبي التفكير وداك
من تسمع خواتك يوم تنخاك
عگب عباس صارن هنه بحماك

وانت اعله الهزل مچتوف مولاي
ضعنكم صار حسره الشربت الماي

گلب گلبك تعذب
صحت ياعمه زينب
*---***
عثره بعثره يخلص سيدي الليل
عيونك لو غفن تتحلم بخيل
يعني العمر خلص ويل ياويل
على ضهور الهزل يادمعتك سيل

وبراسك سوالف سيدي ادور
كل لحضه التمرك چنها عاشور

حتى الرمش شيب
صحت ياعمه زينب
****---*****
علي السجاد دمعك ينزل جروح
كل مره تصيح حسين مذبوح
روحك من عذابك صارت تروح
روحك خلصت وماخلص النوح

كل ذكره التمر صارت تأذيك
ونار الخيمه هم صارت تچويك

ضهر العين حدب
صحت ياعمه زينب
***
ضگت الگيد وسنينك مسافات
تمشي وتوگف سنين السبيات
شما تنضر سكينه تصيح خيمات
وي عبدالله عمرك بالسهم مات

مشتاگ ودمعتك مال محتام
الاكبر صار بيك وبيك جسام

العمر بالطف تترب
صحت ياعمه زينب





عبد زينب
محمد الابراهيمي

خدر الفواطم لنشر القصائد النسائيه
انشئت لنشر مصائب اهل البيت
https://tttttt.me/Alfoatm2

سلام الله على السجاد
على السجاد سلام الله
----------------------------
سلام اعله الي بيده لم ابو اليمه
سلام اعله الخواته اتجتفن يمه
عليل اولا لحيل الجامعه اتألمه
اولو حرك رگبته يسبح ابدمه

سلام الله على السجاد
على السجاد سلام الله
-------------------------------------
سلام اعله الي شايف ركضت الخدر
سلام اعله الي شايف ذبحت المنحر
العاين عمته طاحت على المجمر
تجوت بالخيم يفجع تره المنضر

سلام الله على السجاد
على السجاد سلام الله
----------------------------------------
سلام اعله السبوو گدامه عماته
سلام اعله الي شاف بعينه اخياته
يضربوهن عليهن تجري دمعاته
مجوي بالخيم وتألمه جوياته

سلام الله على السجاد
على السجاد سلام الله
-----------------------------------
سلام اعله الي العمته طبت بنص سوگ
بنص وادم خسيسه وگفوهه النوگ
يشمروهه ابحجر ويعاين ومخنوگ
المالاگت ابد بيكم ولاهه اتلوگ

سلام الله على السجاد
على السجاد سلام الله
---------------------------------------------
سلام اعله الي خلص عمره بالحسره
لو ضاگ العذب يذكر عطش نحره
يذكر والده اتوسد على الغبره
اشلون الخيل من صعدت على صدره

سلام الله على السجاد
على السجاد سلام الله
--------------------------------------------------
علي سليم الحسناوي

لـ المشاية

خادمك يحسين فك ذرعــانه
ياهله وميـت هـله اتـلــگـانــه
ــــــــــــــــــــــــــــــــــــــــــــــ
دربك الـكـلـه محــنـه والمواكـب چنـها اهـلنه
الخادم ايلاگينه چـنـه - أمفارگ أخوانه واجو

ياهله اتلگانه صوتـه ينخـه والزاير نخـــوته
أمشابگ يحسسنه اخوته- ويـبچي لو عنه مشو

امعلگ بموكبه صوره شاب تارس وجهه نوره
استشـهـد وماعاف دوره - يخدم ابداله الاخو


الكلمه مثل العسل فوگ السانه
ياهـلـه وميـت هـله اتـلــگـانــه
ــــــــــــــــــــــــــــــــــــــــــــــ
شايـب وستين عمره واگــف يعزب السفـره
ايصيح تقبلني الزهره - عمري يرجع چن طفل

اشكبره ويعزب علينه ايده ترجف بين ادينه
اااه ياروحه الحنـينـه - وضهره علمنه العــدل

هيـبه والزود بوقــاره وبالشـغل عنده نداره
اتواضع وعاف الكباره - رغم ماعـمره كـهــل

ومـن مشـيـنـه بالدعاء وصـانـه
ياهـلـه وميـت هـله اتـلــگـانــه
ــــــــــــــــــــــــــــــــــــــــــــــ
الموكب المنصوب بيته وتـشـتـم الزوار ريـتـه
نيته بيضه وي لحـيـته - والــوقـار وي الـجبـل

ناذر العــباس حــيـلـه ومايــنام الخدمه لـيله
يريدنه بس نـنــدعـيله - حسين يقبل هالعـمل

امشكل عله الزاد هدمه بالعمر بس مره خدمه
ايگول حب حسين نعمه - وتارس الدنيا أمـل

امـعـزب وينـضـح هـلـه ديوانه
ياهـلـه وميـت هـله اتـلــگـانــه
ــــــــــــــــــــــــــــــــــــــــــــــ
ريتها اطول الـمـسافـه نشبع اخلاق وضيافه
ولـلـمرض زادك مشافه - مايـبقــيـله مــــرض

ديره تشمرنه عله ديره والوجـه گـوه نديــره
بالظهر عفنـه عــشـيره - الزاد اليــغـزر عرض

اعليك نمشي نبضه نبضه - والجدم محتام ركضه
فدوه الك بس كون ترضه - والگلب بسمك نبض

صعـبـه نـنـطي للخدم مــكفـانـه
ياهـلـه وميـت هـله اتـلــگــانــه
ــــــــــــــــــــــــــــــــــــــــــــــ
الراحه شفناهه بـتعبنه اشما طول يحله دربنه
دربك انحسبه عمرنـه - ومانـعـوفـه هالدرب

الخادم انودعه ونشبگه امعزب وتارسنه ملگه
هذا الك من زغره عشگه - وبس الك دگ الگلب

نـاذر عله الخدمه روحه-وناسي بالخدمه جروحه
بس الك يحسين نوحه - أيلاگي چنه منـصلـب

گلبه مفـــتـــوح ابكــبر ديــوانه
ياهـلـه وميـت هـله اتـلــگـانــه

لـ حيدر العماري

حديث الدموع
بين عليل كربلاء وعليلة المدينه
مولاي زين العابدين يروي بعض المصائب
لاخته فاطمة العليله (عليهم السلام)


ها يختي
تلگيني اجيتج منكسر مهظوم
و اسمعج خويه سالفتي

منين ابديلج امن النار والصيوان
لــو ابــديلج ابمـقتـل گـمر عدنان
لو ابدي بـ علي الاكبر
الشيّب شعر ابونه من صرخ عطشان

يختي الصار بينه اهواي
بالطف كلشي رايح
ماكو أي شي جاي

لا بس الهزل جتي .. ها يختي


ادري بغربتج واعرف شكو بحالج
مـحد ضـل الـج مـن اهلي يبارلج
واتغربتي بس بالبيت
و ما شاف اجنبي اخيالج

اهناك اخيال عمتي اگبالي اشوفنه
اهناك الموت اتمنه

اگلج جلمه سمعيها
وعلي همزين مارحتي .. ها يختي


ظهر عاشور اجتني زينب الحره
گالت عمه اجتنه الخيل
صحت فرن على الصحره

هاي اول مـره اشـوفن عمـتـي تــركض
واخيــول اعوجيه بـصدر ابوي اترض
هـذه اعـظـم مـصـاب الما اضنه ايفض

ما انساه ظهر عاشور ما انساه
وابــوي انـذل بـشـر فـوگـاه

هاي الزيدت علتي .. ها يختي


اشوف اعيونج اتباوع على اجدامي
اي خويه رحت حافي
من طف كربله للشام
واحمول المصايب هدلت اجتافي
اسولفلج بعد هــا يختي لـو كافي

وعلي اتمنيت ما صاير
ولا بـالشام اظـل حاير

يكسر حال اخوج اهناك لو شفتي .. ها يختي


صعبه ابنادم اليبقه ابسلف وحده
وكل اهل السلف ضده
صح انتي بقيتي الوحدج لكن
ابسلف يعرف اهالينه
ابسلف ناس اللي بي زينه

بس انا
طحت ابين وادم مبغضه الجدنه
واسمع صوت كلها تصيح
هذا المرتضى جده
وعليَ هدو فرد هده

ابد ماتنحجي قصتي .. ها يختي


من فجر اهدعش بين رحنه لليسر گوه
وابوي اعالترب عفته
عاري ابلا هدم شفته
وهيه التاكل ابگلبي من رديت ادفننه
ابحصيره جسمه جمعته

لو انتي بمجاني خويه جا متي .. ها يختي


اخـوج اهـنـاك ابــد ما نام
ومتت جم مره من صاحو
هذاك الشام هذااااك الشام
اه يالشام
الــشـام الناس فرحانه
وجبير اشكبره ديوانه
دخلته انا والنسون
وحجي الشمات اذانه

وجم مره انغمه اعليها
زيـنـب مـن بــواجـيها

واصيحلها
الله يساعدج عمتي .. ها يختي


راح اختم حديثي ابگعدة الخربه
اهنانه الكلفه والصعبه

جابو راس ابوي وضجت الاصوات
وحال اختي رقيه اهنا
يبجيله العدل والمات

حضنت راس ابوي وماتت اعله الراس
ومـاتـت اختي بين انذل واحقد ناس

وبجفوفي دفنت اختي .. ها يختي




ابو حميدة الشويلي