خدر الفواطم لنشر القصائد الحسينية
5.62K subscribers
115 photos
33 files
233 links
Download Telegram
( نار الخيم ميمر) للامام السجاد //ع


نـــار الـخـيــم نــار ألألــــــــم
خـلـت عــلــي دمــعـاتـــه دم

ومنظر أبوه المذبوح جرحه أنـرسـم بـعـيـونـه

*---------------*---------------*

حـادي الضعينه للجثث جـابـاهـه
وعـمـتـه العقـيلـه مچتفه ويـاهـه
شاف الشمر بصعب وضـع خلاهه

مــــن يـنـذكـر أســـم الـشـمـر
گـلـبـه بـحــزن يـسـعـر جــمـر

ما ينسه ذيچ الايـام صـعـبـه الـعـده أيشتمونه

*---------------*---------------*

صـوره بـخـيـالـه للخـيـم يوميه
أيـهـل الـدمـع لمصيبته ولرقـيـه
بعيونه شاهد تنـسـلـب تـرچـيـه

هــــذا الــجــرح مــثـل الـــرمــح
عــــاف الـعــلـي دمـعــه الـيـسـح

العاش المحن وَاصعب حال عالدمعه لتلومونه

*---------------*---------------*

صـد لـرقـيـه أمـلـوعـه بـالـخوفه
ويـمـه الحـرايـر بالحبل مچتوفه
بـيا حـالـه دخلـن بالسبي للكوفه

هـــاي الـصــور تـــركــن أثـــــر
مـــاكـو جــبـــر گـلـبــه أنـكسـر

والينكسر گلبه شلون تـصـعـب تره يـجـبـرونـه

*---------------*---------------*

دمـعـه وسـبـي مـاينسن ذكراتــه
خلصن سنّينه ابلوعتـه وحسراته
يـغـفـه وصـورهـن بالجفن عماته

جــاري الـجـفـن عـــــاش بـحـزن
طــــول الـعــمـر لـلـطـف يــــــون

يسمع حچي وحقد الناس والخارجي ايسمونه

*---------------*---------------*

الـحـد الـمـنـيـه والـدمـع مـاعـافـه
مـايـنـسـه لـوعـة كـربـلـه والشافه
جـرحـه الـزمـن لاضـمـده ولارافـه

ظــل لــلأبـــــد جرحـه وخـلـد
يــذكــر دمـــــه الـعـاف المـهـد

ضـلـت حسرته السجاد طول العـمـر مـرهـونـه

*---------------*---------------*

ذيـچ الخرابـه والشـتـم يتذكرة
خـلـت صـورهـه بناظره والعبرة
بـيـهـه العقـيـلـه بالحزن متحيرة

بــيــهــه أتـضـح عــدهــم فـــرح
مــــن الــهــظــم جـفـنـه أنـجـرح

فــوگ الـهـظـم والـحــســرات
اصـعـب حـچـي ايـسـمـعـونـه

*---------------*---------------*

بقلم خادم الحسين ع
الشاعر رعد الجريخي
ربيبات الخدر ركضت شگلهن
بعوجيتي كمت ردت اوكفلهن
طحت اعله الوجهي شافني كلهن
عليل وما كمت
_______________________
صوت الاجيج البالخيم ماخله حيل اعليه
اطفال من شافت زلم كامت تحشم بيه
اتوجه كوه ومن كمت مابيه اشيل ايديه
دمعي نزل لمن شفت بنيه تحامي ابنيه

شفت فزعت زلم ماترد بزلام
وبساط الخيم داسو بالجدام
جدامي شفت حركوها الخيام
عليل وماكمت
_______________________
نار الخيم طش الشمل وبالعيله كلشي اتغير
وطفال ضلت بالخيم ونسوان هجت بالبر
والتعثر اكبالي احس شريان كلبي اتعثر
زينب تلم امن الخيم ونه انضر وما اكدر

جبيره الحيره جانت ونه مهظوم
الوحيده عمتي اعله اطفالها اتحوم
اهيم ابفزعتي وبالمرض ملزوم
عليل وماكمت
________________________
بالكوه اوكف للمشي والحادي مد اكيوده
من ركبتي الجف عمتي لطفالنه مشدوده
من عندي والازغر طفل هالسنسله ممدوده
واتصيح كلها امن العطش وكلوبهم ممروده

ارجب بالحرم وتباوع الناس
وكلها اتصيح وينك عمي عباس
خفت بس لا طفل جدامي ينداس
عليل وماكمت
__________________________
وادمه كلها اعله الترب اليا كتر تنضر عيني
كل واحد اعليه من امر حاجيته ويحاجيني
جان الوحيد المنسحك بالخيل جسم حسيني
ومفروش شفته اعله الترب بس رمح بينه وبيني

حسبت الدفنته وشلون المه
ياوسفه انسحك جسم ابو اليمه
جا شمرت نفسها اعله العمه
عليل وماكمت
__________________________
صوب النهر كلبي انمرد جفوف الكمر مشموره
ماشفته عمي من وكع وبالي نفس الصوره
كتله الامانه ابركبتي زينب تضل مستوره
بس مااتعوض خوتك تبقه العمر مكسوره

يبو فاضل تره زينب سبيه
من جفها الحبل واصل لديه
مهضومه تره وحشمت بيه
عليل وماكمت


بسام قابل الياسري
حي الله بالمشايه
حي الله بالمشايه

ناس العشك ماخذهه الرب العشك ماشين
شمحله سوالف بيهم حره وتشيم العين
طلعو بيادر جنهم و توجهو  الحسين
غالي يحشم بغالي صار الحزن حزنين

حي الله بالمشايه
حي الله بالمشايه


بين سمار الغيره ابدرب الحزن والشوك
وادم عدهه الله واحد بس الجرح محروك
اليفهم سواد الخيمه هم ينحسب معشوك
باجر كل حنه نمشي ونكتل معاني النوك

حي الله بالمشايه
حي الله بالمشايه


فطره ونخاهم حبهم حب الصدك معروف
اهلى الجفافي الخضره شدو حرز وحروف
الرايه صارو كلهم  ماي و ستر و جفوف
وضل الهو ينغيهم ويناغي حته الشوف

حي الله بالمشايه
حي الله بالمشايه


يسوه تعبهم يسوه راحه يا تعب حسين
ريل المواكب كله رسمو كحل على العين
خادم يعزب خادم  كامو  سمار  الطين
ضلمه وحزنهم فاتح وعلى السمه مضوين

حي الله بالمشايه
حي الله بالمشايه


نار الحنان البيهم شامه على ضهر الماي
فوك الشمس ريحتهم كهوه وعطرهه فياي
يصير اسمه زاير باجر كلمن مشه مشاي
يمشي وصفات النيه حلوه على حزنه هواي


عبد سيد الشهداء (ع)
انور السهلاني
#تراث

سجادك يداحي الباب گوم اوعاين الحاله
من عگب اليسر سموه والسم مرد دلاله
ــــــــــــــــــــــــــــــــــــــ
ظل من عگب ابوه حسين ونه ايجر بثر ونه
ابعينه الماي لو شافه يهل دمعه اويصد عنه
يگول اشلون اضوگ الماي وحسين انحرم منه

مارحموه عدوانه
واهل بيته اورضعانه
كلها انفنت عطشانه

ظلو جثث بالحومه اوداستهم الخياله
ــــــــــــــــــــــــــــــــــــــ
كلما يذكر المظلوم تسحب دمعة اعيونه
ليل انهار مايهجع اومن حزنه انخطف لونه
گامت تعتني الشيعه اوعلى حزنه يلومونه

يگلوله ارحم احوالك
حزنك مرد دلالك
ياهو اليظل لعيالك

وانته السلف تاليه اوبدر الدين وهلاله
ــــــــــــــــــــــــــــــــــــــ
ابحسره ظعن عن دنياه امن امته جدك الهادي
اوجدك حيدر الكرار راح ابسيف المرادي
اومك گضت مظلومه اومن اضلوعها اتنادي

اوعمك غيث وفاده
السم مرد افاده
الچتل الكم صبح عاده

وبهاالشرف باري الكون خص المصطفه او آله
ــــــــــــــــــــــــــــــــــــــ
لمن سمع ناداهم اونار الحزن وگاده
يگلهم مثل متگولون صار النه الچتل عاده
لاچن ياهو من عدكم گبل سامع امن اجداده

منه اتسلبت نسوان
اوطافو بيهن البلدان
اومن عدها احترگ صيوان

اوشافن راس واليهن عدوه اعلى الرمح شاله
ــــــــــــــــــــــــــــــــــــــ
عيني ماتصد ليهن واشوفن زينب اگبالي
الا اذكر هضيمتها واذكر لوعة اطفالي
يهل الوادم تلوموني امن اتلف بالحزن حالي

شفت الشام بعيوني
والسلسله اعلى امتوني
واهاليها يشتموني

اورحنه ومجلس الطاغي اوخواتي وگفن گباله
ــــــــــــــــــــــــــــــــــــــ
يتمايل طرب شفته ومن الفرح يتثنه
ويعاين لعد زينب اوزينب تجذب الونه
يمه راس ابوي احسين وبناته يشوفنه

ابعود ايجلب اشفافه
اوباري الكون ماخافه
يهتف فرح بسلافه

والباري نكر وحيه وبالميعاد ما باله
ــــــــــــــــــــــــــــــــــــــ
يحيدر تم عليه هل حال يتكاثر عليه همه
حسره ايجر بثر حسره ويون اعلى ابو اليمه
حتى احرب عدوه اعليه ياحامي الحمه اوسم

خلا يلوج او چبدته ممروده
اوحصل عدوه ابچتلته مگصوده
يتم الباقر ياعلي من عوده
خلاه تجري دمعته اعله اخدوده
ــــــــــــــــــــــــــــــــــــــ
گام اوغسله الباقر واشاف الاثر بمتونه
حن گلبه اوصفگ بيده اوسالت دمعة اعيونه
يگله ياذنب عامل اوحالك مايرحمونه

لسا يبويه امخزنات اجروحك
فوگ النوايب والهظيمه اونوحك
الله يساعد عالمصايب روحك
ــــــــــــــــــــــــــــــــــــــ
وشاله ونزله بگبره اودمع العين يتجاره
اوتمت تنحب الفركاه عياله اوتصرخ ابداره
مامست مسيته اعليه الا ابگبره يتواره

وحسين ظل ابكربلا اثلث تيام
تلعب عليه اخيول ذيج الظلام
ماحصل واحد من جميع الاسلام

يحفرله گبره ابيده او يسكن روعة اطفاله


السيد المرحوم
عبد الحسين الشرع

#اللهم_عجل_لوليك_الفرج
وينه دلالي وين الغوالي
وين ابوي وين ابوي
ــــــــــــــــــــــــــــــــــــــــــــــ
ليش .. ابرجلي شوك وعيني متنام
ضاع .. عمـــري بين الكـوفه والشام
خوف .. اركـض والبد وره الروس
ويـن .. حضن ابـوي وذيـچ الايام

والله بريئـه .. ياحكـم القصر
امتوني ورمت .. من سوط الشمر
رقيه آني .. ياشمس الظهر

وينه دلالي وين الغوالي
وين ابوي وين ابوي
ــــــــــــــــــــــــــــــــــــــــــــــ
خيل .. داسته وجـــــوّه الرمل صار
آآآخ .. من لگيت اضلوعه طشار
وين .. اركض وگدامي الاسياط
قُل .. قٌل اعوذُ بخيمتي النار

والله خطيّه .. الماعدهه ابو
بالهيمه تبقه .. بير ابلا دلو
وآنه يتيمه .. يشفعلي منو

وينـه دلالي وين الغوالي
وين ابوي وين ابوي
ــــــــــــــــــــــــــــــــــــــــــــــ
چـان .. چان ابوي ايحبني بس مات
راااااااح .. وآنه من صنف الفـراشات
السوط .. كـاسر بچتفي عظم ليش
ليش .. چا يقهرون اليتيمات

ابقه بخرابه .. وتچويني الشمس
ازغيرونه كلش .. مومالت رفس
ابچي واصيحن .. شو محّد يحس

وينه دلالي وين الغوالي
وين ابوي وين ابوي
ــــــــــــــــــــــــــــــــــــــــــــــ
خاف .. تغفه عيني وتعثر النوگ
آآآآخ .. والسبي للطفـله ميلوگ
هـاي .. هاي علويـات الاحسين
ليش .. طببونه ابزحمة السوگ

وي عمتي زينب .. رواونـــه العجب
وعمري الزغيرون .. بالشـام انّهب
وباگوهه مني .. ترچيتي الذهب

وينه دلالي وين الغوالي
وين ابوي وين ابوي
ــــــــــــــــــــــــــــــــــــــــــــــ
گيض .. يچوي بيّه وحيـلي مهدود
حار .. دمعي ظل ايموع الاخدود
هاي .. زينب ايجـروهه بحبال
وذاك .. العليل ابرگبته اقيود

غمضي يعيني .. من هذا الرعب
بلكي يجيني .. محبوب الگـلب
بابا يگلي .. شو دمعج يصب

وينه دلالي وين الغوالي
وين ابوي وين ابوي
ــــــــــــــــــــــــــــــــــــــــــــــ
جاي .. هذا ابوي امن السفر جاي
راااد .. شوفتي وما گلي عالماي
ليش .. بالطشت جابولي راسه
گـوم .. گتله بويه وعيش وياي

يابويه شيبك .. شو يگطر دمه
يابويه نحرك .. بي عطر السمه
وياك اخذني .. يابن فاطمه

وينـه دلالي وين الغوالي
وين ابوي وين ابوي


محمد الجماسي
(((أشتياق المشايه)))





عشت اشتاگ واشتاگ
ومني مطَشره اشــواگ
طـــريقك سلوةّ العـين
ذبــت مـن كثر الفـراگ
*
من دمعي احترگ رمشي اريد امشي
للمشايه ودوني

بالموكب اريد أگعد ولو يبعد
عشر مرات مَشوني

من زاده اريد اشبع وما ارجع
شجره بدربه زرعوني

يهل وادم أنه بحيرة مثل خيره
ابد ماشافت عيوني

خيرك غرگ الناس
توزع أنفاس واحساس
بعباتك ضمني بردان
عليك جفوف عباس
=====================
يحسيني شتضن انسه وأنه المرسه
للنشغات والدمعه

لو روحي غدت لحضه فلا ترضه
إذا ما ينذكر صبعه

متلوعه عمت عيني تچويني
لو أمسه مسه الجمعه

جا يمته تمر بينه وتراوينه
الصدر يالمهدي وي ضلعه

تاهت بينه الضنون
شو كلهم يونون
ماشايف أنه وهيچ
الزغار بنار يمشون
======================
خلصته الدرب ونه بأثر ونه
المسافه تقترب بيه

ماتفهم جرح حالي يعذالي
رقيه مضيعه ترچيه

لو تدري بلهب ناري احترگ داري
يلايم عوفني شويه

لو مچويّ بجمر خيمه بنص هيمه
چا صرت انته لطميه

جمر دلالي مشعول
تفتر بيه الخيول
خلصت المشي بنوح
زحف ياريت مشلول
========================
سميتك غزل روحي وجروحي
بتوالي الليل من تگعد

من ابچي وتواسيني وتحاچيني
تمطر عيني وترعد

شميتك عطر نحرك من عطرك
روحي بيا درب تشرد

سالفتي ويصفناتي ويدمعاتي
اشيط ولا تضن ارگد

عجيبه وكالو انساك
روحي معلگه وياك
العشگ مو چلمه وتروح
قليله چلمةّ اهواك
=========================
بحر شوگي إذا ينشف أزور الطف
وازود بحري من شوگه

إذا وشل ترى احساسي احترگ راسي
وتطيح الدمعه محروگه

أنه اتگطع على المحمل ركب هزل
والبسمات مبيوگه

حتی اهلي ويلوموني ويسئلوني
هدومك ليش مشگوگه

اعله زينب مادرو ليش
تمشي بصحبت الجيش
بحبل ياناس ياناس
عگبها العمر عمریش
========================



عبد زينب
محمد الابراهيمي
منهاج محرم الحرام 1442 هـ
السيدة رقية (عليها السلام)

مـو قـصـدي بالمـشـتـاﮔـﻪ
راس وحـضــن نـتــلاﮔـﻪ
بـــنــــت وأبــــو...بــــرد ودفــــو
حـضـن بحـضـن...وابــلا حـــزن
نـتــلاﮔـﻪ...نـتــلاﮔـﻪ

انـت ويـن..يا حـسـيـن
مـو من هـزل من فــرﮔـتك تـعـبانـه
ومن إجيت..شو لـﮔيت
ذيـﭻ العـيـون الحـلـوه شـو ذبـلانـه
خـاف انـت هـم مثـلـي وتعـبـت مـن السهـر
بـس بويـه شـو حضنـك تعـطـل مـا حـضـر
نـنـتـظـره لـو نـتـحـاضـن شـعـنــدك خـبـــر
وآنه ادري مــن سـحـﮔ الحـوافــر مـا ﮔـــدر

وكـلـشـي انـت مـنـك كـافـي
بــــس الـــرمـــح مــو دافـي
شـمدري الخشب...شني معنى أب
وانـــت الـتـحــن...وابــلا حــــزن
نـتــلاﮔـﻪ...نـتــلاﮔـﻪ
ــــــــــــــــــــــــــــــــــــ1ــــــــــــــــــــــــــــــــــــــ

جَــرّحـوك..وغـيـروك
اوجـنـاتـك ايغـيـروهـا ما تسـتـاهـل
مـدلـي إيـد..مـو وريـد
أنــظـرلـه مـن راسـك وريـدك نـازل
مـن ذبـحـك امـبـيـن عـظـم حـقـد الشـمـر
وﮔـاضـيـهـا بـويـه الرﮔـبــه مـن ﮔـد الطبـر
وﮔـاضـيـلـه شـوف اعـيـون من أم الخـدر
وذولـه احـنه بيـن الأعـمـه وعـيونـه حمـر

ويـا عـيـن إلتـظــل زيـنـه
ونفـسـه الشـمـر سـابـيـنـه
ويـا مــنــذبــح...يمـشـي برمـح
ومــا ردت أون...وابــلا حـــزن
نـتــلاﮔـﻪ...نـتــلاﮔـﻪ
ــــــــــــــــــــــــــــــــــــ2ــــــــــــــــــــــــــــــــــــــ

آنــه هـاي...وعندي ماي
ما ضــﮔــته من حصلته الك ضميتـه
امن الاجـاه...بالـعــبــاه
المـحـتـرﮔـه من جمر الخيم غطـيتـه
ولــو أنـذبــح لازم يــظـــل هـالـمــاي الــك
أﮔـعــد أَشــربــك مــنــه بــويــه اتـوسـلــك
كـل دربي أدور فرصــه بـس كون أوصلـك
ولـيـلـيـه تـشــرب مـنـه بــويــه اتـخـيــلـك

وآنـه ادري ريـجـك نـاشـف
بـــس ثــاري أكـــثـر نــازف
ريـجــك نـشـف...نـحـرك نــزف
ريــت انــدفــن...وابــلا حـــزن
نـتــلاﮔـﻪ...نـتــلاﮔـﻪ
ـــــــــــــــــــــــــــــــــــ3ـــــــــــــــــــــــــــــــــــــــ

بكـل حنـان..راسي ﭽـﺎن
يشبع دفو بأحضـانـك من احسـاسك
وبويه ليش..أبقـى أعيش
وابلا جــسد وبحضــني صاير راسـك
كـل عـمـرك ولـلـــوادم افــيـايـك وطــن
وما عـنده فَـيّ راسك صبح والـله زمـن
وبيك الجروح من السيوف اتخـوصـرن
واشفافـك بـﮔـد العـطش شـبه الـﮔـضـن

ويالـتــبــتــســم بالمـلـﮔـه
وسـفــه الشـفـايـف زرﮔـه
مـتــفــطـــرَّه...بـﮔــد الجــــره
ودم بالجِـفِـن...وابــلا حـــزن
نـتــلاﮔـﻪ...نـتــلاﮔـﻪ
ـــــــــــــــــــــــــــــــــــ4ـــــــــــــــــــــــــــــــــــــــ

هـالجـروح..مـا تـروح
بيـهـن رمـل والـدم عـلـيـهـن يـابــس
يالطـبـيـب..يالحـبيب
موتي اعله راسك عندي صاير واهـس
وين الـﮔـه راسـك ﭽـﺎ بعـد فـرصـه وإجـت
والعِـشـره وي هـــاي الخــرابـه هـنا ﮔـضـت
راوتـنــه كـلــشـي الـبـــي ألــم مــا قَـصِـرَت
لا مـن بـــرد تـحـمـــي ولا مــن حــر حِـمَـت

بـس أنـعـم الـلـه اعـلــيـهـا
ﭽـﻲ بـويـه شـفـتـك بـيهـا
راح الحـصـل...مـوتي أوصـل
كافي أنسـحـن...وابـــلا حـــزن
نـتــلاﮔـﻪ...نـتــلاﮔـﻪ
ــــــــــــــــــــــــــــــــــــ5ــــــــــــــــــــــــــــــــــــــ

أحمد البصراوي العبادي
Forwarded from الخادم علي قيس الوريد
سيد الشهداء في وحدتهُ يكلّم ابا محمد الحسن المجتبى صلوات الله عليهم....


عازتي هسه تريد فزعتك خويه حسن
العزيز تالي وحيد ومالي بالدنيا وطن
خويه حسن
نادوني غريب وانا امام
وجرحوني يغالي بقسه كلام
وخنگوني يخوي ابهوه سهام

من باگو عبدالله اومن ايدي
شغت انه بحسراتي اعله وليدي
وتمنيته مو نحره وبوريدي.......حسن

لزموني امن اجروحني
وحسيته بنص روحي
يناغيلي مذبوحي......حسن
..............ياخويه حسن
===========

حشمت خويه حسن الا من ناصر صحت
بلكي ينعاف الظعن مو الي ناصر ردت
خويه حسن..
عافوني اصيح ابلوعة الم
ودولي جواب بشفة سهم
وخلوني اطيح وحركو خيم

حركوهن ياخويه بلا شيمه
وماخلو لظعوني ولا خيمه
ونسواني ياخويه بالهيمه .....حسن
والهيمه موش الهن
وخدر الله اتوسطهن
وصاحلك ابركضتهن......حسن


اتذكرت خويه گبل من تگض ايدي چنت
وتحجي يمي مو وحيد ياحسين اشما عشت
خويه حسن۔۔۔۔
هسه انه وحيد وامري صعب
وشيباتي مصبهن من الگلب
من صابو عينه الما ينغلب..

كسروني يا خويه بعيونه
وشافوني بلا واهس من دونه
هاي اول مره ابقه ابلا عونه ....حسن

الكاسرني .... الگض ظهري
شاغلني .... وصب صبري
وطحت انه... يم خدري..... حسن
...............ياخويه حسن


ربعي وخواني گضو واليطيح اركض عليي
وخلصو وانه گلت لو طحت ياهو اليجيي
خويه حسن
ردت انه اموت وعيني عليك
تحط راسي يخويه برحة اديك
توادعني وتطمن گلبي بحچيك

وتخلي بجفوفك جف زينب
واطمن بغيابي ما تتعب
مو هينه يم غربه تضل تنحب....حسن

ماترهم .... بلا والي
المهيوبه... وتنعالي
تبقه تنوح .....اگبالي . ......حسن
..........ياخويه حسن.......
==========

يبن ابوي هسه طحت وعيني ضلت عل الخيم
مايهمني اشما اجت خيل العده بيهن الم
خويه حسن
مايهمني اطيح ابرمله اضل
لجن خايف يخوي ابتالي الاجل
عزيزتنه يويلي يحملها تل

هل الصعدت يا خويه گوم الحك
گمت ازحف وبروحي صرت اشهك
وصاحتلي صيوانك يتحرّگ۔۔۔۔ حسن

وتتراكض ...نسواني
وغثوهن ....عدواني
وموت وحر...لاواني.......حسن
.............ياخويه حسن.....


علي قيس الوريد
أشهدُ بالتسليمِ والتصديقِ للمشاية
أشهدُ بالاصرارِ والإقرارِ للمشاية
يا حسين...يا حسين
.
.
سلمتُ أمري للفُطرْ درب المشي لابن النبي
وجهتُ وجهي الكربله اتلكه حرة امن السبي
والناثراتُ الباكياتُ اللاطماتُ أعله الأهل
بدمعي أواسيهن على ذبح النبي او ضرب اجنبي

أشهدُ بالتكبيرِ والتهليلِ للمشاية
.
.
.
إنّي تَوَكْلتُ على رب المشي او رب الخدم
آمنْتُ للمشاية بس مخلوقه والله الجِدَمْ
اتطيَّنِتْ مثل الإجن وِعْلَى الحُسين اتطيِّنن
شَدّيْت بِيرَغْ عالزند وِبْظهري شدّيت العلم

أشهدُ بالمحجوبِ والمستورِ للمشاية
.
.
.
إقرارُ نَفْسيْ إنّها مَخْلُوْقَةٌ من كربله
ولْسانيْ مَخلوق الأَجلْ إينادي يالزاير هلا
وِجْفوفي واجبها فقط تغسل جواريب الخدم
أفْنيتُ عمري للمشي بلكت أواسي العايله

أشهدُ بالإسلامِ والرُهبانِ للمشاية
.
.
.
كلُّ اليُرى ولما يرى اتحزم الدرب السمه
حتى الوحوش البلفلا كصدت تواسي فاطمة
وآنه آمَنِتْ بل أيقنت حتى العرش كاصد مشي
وأشرف رجل كاصد إله طه النبي او حامي الحمه

أشهدُ بالتنزيلِ والتأويلِ للمشاية
.
.
.
فاضل عباس الخزاعي
ولا احمل جرح ثاني ... يموت الماخذ اخواني
اريدك ... اريدك

تعال وشوفني شحالي ... غريبه ودمعي يبرالي
اريدك ... اريدك
؟****************
يموت جروحي كثرت والگلب شاب
وبعد مابيه احمل جرح الغياب
اخذني يالخذت من عندي الاحباب
الراحوا مايردهم دمع العتاب

خلص گلبي ولايحمل ... يموت ارجوك تستعجل
اريدك ... اريدك

الغالي يريد للغالي ... غريبه ودمعي يبرالي
اريدك .... اريدك
؟****************
تعال وشوف يامدمع اهله
وشوف الصوط خله بظهري عله
اريد لكافلي اشكي واكله
بعد كافي اموتن واني عدله

يموت شبيك ماتفهم ... عيون الناس ماترحم
اريدك .... اريدك

وسف تنظرلي عذالي ... غريبه ودمعي يبرالي
اريدك .... اريدك
؟*****************
تعال وشوف گلبي شلون مجروح
سكوتي ونين صار ودمعي مسفوح
تلكّاني يموت عله النهر روح
اريدك يم كفيلي تقبض الروح

اناديك بصدى جروحي ... تقبض روحي يم روحي
اريدك .... اريدك

صفيت بغير كفالي ... غريبه ودمعي يبرالي
اريدك ... اريدك
؟***************
اذا مو عالنهر تلكاني ياموت
انصت للونين واسمع الصوت
يم حسين تلكه كلبي مفتوت
اريدن صدر اخوي الغالي تابوت

وتنادي لخاطر الزهره ... يخيل ابتعدي عن صدرة
اريدك ... اريدك

حيرني وشده بالي ...غريبه ودمعي يبرالي
اريدك .... اريدك
؟**************
نعم ياموت اعرف هذا الاحساس
عجيبه شلون امشي بزحمة الناس
اذا تسألني ليش مشيب الراس
تره مبين بوجهي غياب عباس

مضت ساعه على فراگه ... يموت هوايه مشتاكه
اريدك ... اريدك

بغيابه الموت يحلالي ... غريبه ودمعي يبرالي
اريدك ... اريدك
؟************
نار البلگلب جن نار الخيام
ينام الليل وانه عيوني متنام
اسألك لو وصلنه لديرة الشام
هم تاخذ عزيزه من الايتام .

رقيه بدم تراچيها ... لبوها حسين وديها
اريدك .... اريدك

تريده والرمح عالي ... غريبه ودمعي يبرالي
اريدك .... اريدك
؟****************
اخيرا راح اكف منك يموتي
لا انته التجيني ولا اخوتي
اسكت والكمر يسمع سكوتي
واشيل جروحي مو جفي لقنوتي

بصلاتي منحني ضلعي ... وكع جف اليكف دمعي
اريدك ... اريدك

يدنيه الهدمت امالي ... غريبه ودمعي يبرالي
اريدك .... اريدك

منتظر الجنابي
قصيدة للامام الحسن عليه السلام

شكتب عنك ماوفيك
كل العدنه وميكفيك
يالوح الله البي مكتوب
اسمك تسبيحة يعقوب
______________
يم وجهك تغيب الشمس والنور يبزغ كله
كل المضايف تنحني من العگل للدله
يم هيبتك يطفه الگمر والنجمه ماتندله
وجبريل يمك يفتخر هو بخدمتك يعله
تخلص روحي وماانهيك
اوصل نصك يله ابديك
دين الله بطولك مهيوب
اسمك تسبيحة يعقوب
________________
جيناتك انته من النبي من حيدره ومن فاطم
شجرتكم من الله عشك يدخلها بس الهايم
ياورده وحسينك عطر رمضان بيكم صايم
خمستكم بنفس النفس يدخلكم ومتفاهم
يجري بدمكم بس احساس
حبكم عابر كل الناس
دعوات ام ابكل غروب
اسمك تسبيحة يعقوب
________________
يم جدمك يدنك الجبل جف العدو ميلوحه
كل سفرة مابيها طعم بس سفرتك مملوحه
من طينه خالق جم نبي والعلم تارس روحه
حار بخصالك كل زمن كل خصله هي
اطروحه
شكتب عنك ياعنوان
بحروفي وفاتح ديوان
اليمشي بخطك مامتعوب
اسمك تسبيحة يعقوب
_________________
فكرك مثل عطر الوفه بالخير فارض قدره
سطرها حكمه بكل وعي لحسين أسس نصره
ماميته لچن تنولد يوم الطفوف الثوره
درب الحسين ومنهجك خيط برسالة ابره
بيان النصرك منطي
بالطف حسينك يلقي
محبوب يكمل محبوب
اسمك تسبيحة يعقوب
__________________
تبجي السمه وتذرف دمع ركن الصلاة اتهدم
قران ربك منفجع تفسيره كله اتسمم
والكعبه كلها تفطرت جدرانها انصبغت دم
كل اليتامه تودعك وكلوبها انترست هم
ميته النعمه ومايدرون
بُعد افراكه يشيب اعيون
والشوف اخلافك مسلوب
اسمك تسبيحة يعقوب
__________________
كلشي انفجع من ارحلت والدمعة هدت حيلي
كل الارض من حسرتي تخنكني متكفيلي
والوسعه ضاكت والجرح مايلتم ويشكيلي
وديلي ناعي من السمه يفجعني من ينعيلي
اهلي انساهم ماناسيك
نبضات بگلبي مخليك
مجلس لمصابك منصوب
اسمك تسبيحة يعقوب


خادم رقية عليها السلام
الشاعر مهند الدريساوي
حل موعد صلاتك ها عليك الله...
افرشتلك شيلتي يا خير من صلّه

حيّ اعلـه الصلاة ارجوك مـو كافي..
اشعجب طر الفجر يابو علي وغافي
ما اعذرك افراشـك بويـه مـو دافي..
ونايم بالعره يا سيد الملّه....

يكاسر بردة الليـل ودفـه العريـان...
اشعجب گالولي لسّه اموسد التربان
مامش ماي بالطف بويه لـو عطشان
الماي ادموع تلگاه محجري ايهلّه..

ينايم مو عجيبه النـوم الك مَيلوگ..
رفعت اشچم اذان الخاطرك عالنوگ
الصلاه موعد يتاني العاشگ المعشوگ
اشكثر تانيت بس گلبي الصبر ملّه

افرشتلك شيله ظلت بالسبي اويايه
الموش اهـل الصـله باگ المصـلايه..
گالـوا ظنـها يابـو المرجـله اعبايه....
والسبحه لبسـها ابرگبته اخـولّه....

راح اگضي الفرض واعذرني من جلسه
واخلّص عمـريِ ابحضنـك أثر رفسه...
اعله راسك يالأبو راح اكتفي بخمسه
الفـاگد حضنك اببـاگي العمر شـلّه....

يوسف صوفان
يا ليلة الحادي عشر ..آه شعظم هالليله
من جابوا الماي وغدت..ضجه بحريم العيله
ــــــــــــــــــــــــــــــــــــــــــــــ
ركضت رقيه عله السگا..نادت اگف يسقاي
لو تاخذ الماي وترد..لو للرمح تمشي وياي
هاليوم ثالث والدي..عطشان ما شارب الماي
اغرفله بجفوفي العذب..بلكن اروي غليله
يا ليلة الحادي عشر..آه شعظم هالليله
ــــــــــــــــــــــــــــــــــــــــــــــ
تغرف الماي ولو مشت..من جفوفها يتبده
وما بين ابوها والسگا...تجيب الدرب وترده
طفله وغصنها من العطش..ذبﻻن مثل الورده
ومن وصلت لذاك الرمح..گلت عليها الحيله
يا ليلة الحادي عشر..آه شعظم هالليله
ــــــــــــــــــــــــــــــــــــــــــــــ
ما وصلت لربع الرمح...كل ما تمد ايديها
بالخيزرانه تعلگت...تحني الرمح ما بيها
حاولت يا ما حاولت...رفعت چعب رجليها
والراس يتمايل غدى...يبجيلها وتبجيله
ياليلة الحادي عشر...آه شعظم هالليله
ــــــــــــــــــــــــــــــــــــــــــــــ
يبچي عله بچاها الرمح...ظل ينحني ويتطوى
من شافها هدها العنا...گامت تگوم وتهوى
حتى بعدوها توسلت...بلجن بگايا مروه
ينزل الراس من الرمح...تشربه العذب ويشيله
ياليلة الحادي عشر..آه شعظم هالليله
ــــــــــــــــــــــــــــــــــــــــــــــ
گاموا يضحكون العدا...شوف الدهر دوﻻبه
حسبالهم طفلة عمر...جابوا لها لعابه
وهي عله بوها مفرفره...تبكي وتحن يا بابه
ضحك الشماته ظل يگص..بضلوع صدر صليله
ياليلة الحادي عشر..آه شعظم هالليله
ــــــــــــــــــــــــــــــــــــــــــــــ
وگعت على راگي الرمح...وتريد تسهر يمه
لن من ظلام المعركه...تسمع نوايح حرمه
يحبيبه آنه عمتك...ردي عليه يا عمه
ركضت رقيه عله الندا...ومن المصيبه نحيله
ياليلة الحادي عشر ...آه شعظم هالليله

للمبدع الشاعر الادیب ابوباقر
#عزیز_الفیصلی
من رادو يغسلوها
عن الاجل نشدوها
مو قصدي اجرحج شو اتغير لونج
لمن سالتج صب دمعها اعيونج
عن الاجل نشدوها
____________
الاحس بي . غريبات الوطن باين عليجن
المصايب. احس بيها تره ابنبرت حجيجن
شنو الصار مثل لون الترب صارت عبيجن
وحيدات. واجيتن ويه ميته ابلا وليجن

مامش ازلام اوياجن
تراب الغرب غطاجن
وشما اشوفن انتي مو مسبيه
والله انه يتراولي جن علويه
عن الاجل نشدوها
_______________
الحجي هواي. اذا سولف عليها يهد الاجبال
شسولف الزاراك البالوجه جف زلمه خيال
طبع بي. ابكثر ماجن بيده يجرها جمال
من ازمان. يخيه ابجفها مربوطات الاحبال

غسلي مرض مابيها
بس الحبل ماذيه
عمتها انه وذاك اخوها الواكف
اتنشديني عنها اهواي عندي اسوالف
عن الاجل نشدوها
________________
المصيبات هواي ولا اتهيجيهن عليه
بلا روح. مسبيه وجيت شلون جيه
اخوتي. كلها اتذبحت بالغاضريه
بعدهم. سبيه تحامي ظلت عن سبيه

من كربله اسرونه
كلنه احبل جتفونه
وضعني السبي راس ابرمح علامه
والميته هاذي وحده من ايتامه
عن الاجل نشدوها
_________________
ابضهرها. اغسله وبي شفت متروس اثار
اعله المتون شفت اثار سوط وطكً للحجار
شفتها. المصيبه البيها ما تحملها الاكبار
اسالج هاي الطفله هم داست على النار

الاثار جانت جمره
لماسولف عل السطره
مجويه اضن وعله الجوي مشيها
امورمات من كثر المش رجليها
عن الاجل نشدوها
________________
تره موت. اثر راس ابرمح يفتر عليها
تحاجي. تريده ايشوف مجتوفات اديها
ابخرابه. تناطر راس غاليها يجيها
واجاها. ولكاها ابنص خرابه امكعديها

بالحضن خلت راسه
وسولفت ويه احساسه
ونكطع ونها وانه كلت ارتاحت
من كلبتها لن رقيه ماتت
عن الاجل نشدوها


بسام قابل الياسري
فزاعيه لستشهاد السيده رقيه ع

بسوك الشام طبت ..بت الحسين
بعبايه محركه .ومترسه بطين
....
طبت بت ابوهه وحيل مابيهه
ورماد المخيم صبغ رجليهه
بعد ذاك الدلال الضيم غاطيهه
مجتوفه بحبل بت السلاطين
....
كصه وياهه الزمان وحيل اذاهه
ومثل دخان بين اليل ممشاهه
جم سوط الكطع بالدرب مكفاهه
وعليهه تشابكن لوعات السنين
....

بنص السوك وكفت ويه عمتهه
كضت فركت ابوهه وكفه كعدتهه
الناس القبل ماشافتهه شافتهه
وعليهه عيونهم جنهن سجاجين

....

كعدت بالخرابه بت الفحول
مجان البي نوم وربط الخيول
لو شافهه ابوهه عنهه شيكول
وجانت عنده اعز من العزيزين

.....

بليل وروحهه حنت لوالدهه
ما متعلمه هالكد يفاركهه
اجاهه بليل من النوم كعدهه
يبنيتي اشلونج ياضوه العين
.....




الشاعر مصطفى الحسني
يامولاتي اجزع علميني
ــــــــــــــــــــ
يالماگطعت دمعة عينج
ولحسينج رخصتي اسنينج
وفقيني محلفج بحسينج
ارد ارخص لحسين اسنيني
ــــــــــــــــــــ
مثل الجدمين المحترگه
خلي بروحي وگلبي الحرگه
اتمنه اختم عمري بشهگه
والحد موتي الدمعه بعيني
ــــــــــــــــــــ
يالگطعو بحبال اجفوفج
بكل مجلس خل عيني اتشوفج
باب اللوعه انتي وماعوفج
الا اعله حسين اتلوعيني
ــــــــــــــــــــ
ماريد الدمعه ابلا جمره
رايد من دمعاتج قطره
من تنزل عالخد اتحفره
بجمرات ادموعج جوّيني
ــــــــــــــــــــ
زيدي اعله المذبوح اهمومي
وحسره وآه ارد اگضيه يومي
جم مره الشكّكت اهدومي
واخدم حافي انتي اتشوفيني
ــــــــــــــــــــ
كون امن اسمع اسم الضامي
ترجف مثلج كل اعضامي
وبالنوح اعليه أگضي ايامي
ودوم الهج بسمه اتخليني
ــــــــــــــــــــ
ارد انجن مو مثل الوادم
همي انتم مااسمع لايم
بحب حسين ارد اصبح هايم
حرگيني بناره وزيديني
ــــــــــــــــــــ

علي محسن الزيادي
حسين بعـد اعيـــوني يلغالي
خويه مستحيه احچي البالي
محمل ابنيتك رجـــع خـــالي
خويه يحسين
ــــــــــــــــــــــــــــــــــــــــــــــ
رديت بس ابـــلا كمـــر وابـــلايه فيي الـــرايه
واصوابي مو بس كربله من الشام جبت اهوايه
ينكتل كل خطوه ابدرب اليمشي موش ابــرايه
والذابـــح اعـــزاز الگلـب يتمشه ظـــل وياييه

حسين ياخويه احترگ گلبي
چي مشه ذبـــاحـــك ابدربي
انه مـــن هـــذه الهظم تعبي
خويه يحسين
ــــــــــــــــــــــــــــــــــــــــــــــ
يحسين من بلد البلـــد مگيـــوده انه اوعلويه
وادريك تعرف بالجـــره ومجبوره احچي البيه
خجـــلانه خجلت كافلي من طـــاح مارد ليه
ومستحيه اجيتك چي الك ماجبت بيدي ارقيه

ايشمه مشتاگ اعرف اترابك
لچـــن ماتت هيه بخظـــابك
گلبي ذاب الشايل امصـــابك
خويه يحسين
ــــــــــــــــــــــــــــــــــــــــــــــ
اهــواي الســـوالف بالگلب من ابدي بيهن احتار
وامداور احـــزام اخوتي وما فكـــرت يوم احتار
ومن ذبحـــو دور الحـزم دارت عله اخيامي النار
والماجت اوياي انچوت وعالچويه اديتها ازغار

اگبـال عيني شفت چويتها
مـن بعـــيـــد وتنخه عمتها
النار هاي اجفوفي حركتها
خويه يحسين
ــــــــــــــــــــــــــــــــــــــــــــــ
ماكو وكـــت يكفي البچي وابعاشـــر ابچي عليك
جاي ابچي هسه ابلوعتي وتسمعني ياخوي ادريك
عباس كاســـرلك ظهـــر وظهري انكسر بالطف ليك
وأذتك ركظت زينبك وأذاني چـــم حــافــر بيك

زينب انه وبت علي صيتي
وين ابات ومحتـــرگ بيتي
ابلا مچـان ايصيـــر تاليتي
خويه يحسين
ــــــــــــــــــــــــــــــــــــــــــــــ
شرد احچي واهواي الجره وهاظمني موقف نسوان
العدهن عشيره اخذوهن وتنسبي الماعدها اخوان
ايگولون كلفه بالعرب نسوان تدخل ديوان
وطبينه واحنه اشرف ظعن والشافنه ياهو الچان

آه يحسين والـــف وسفه
انذال شافت مشيت العفه
جـــرح گلبي ما يكف نزفه
خويه يحسين
ــــــــــــــــــــــــــــــــــــــــــــــ
من اجروحي هذه اثگل جرح والحد الگبر مايلتام
من شفت وي طبت الظعن فرحــانه نسوان الشام
وهـــدوم عيـــد اطفالهــم لبست اگـــبـــال الايتام
والشامت ايگصر العمر ونظراته ع الحرمه اسهام

خويه گلبي تدري بجــروحه
من النظر كل حرمه مذبوحه
من تشوف اعيون مشبوحه
خويه يحسين


علي الحميداوي الكربلائي
(((دعوة المشايه)))





قبلت الدعوه من گلبك يمولاي
وهسه آنه بطريقك جاي مشاي
هارب من ذنوبي الرحمتك جاي
عطشانك مشي يا ماي للماي

ياماي الگلب .... ياهيل الدرب
النسمه المنك أتغير ملامح

مشايك أنه .... سنه وبكل سنه
أشد أحزامي والمثواك رايح

رايح ألك ... مشايه
وأتوسلك ... بالرايه
يابو العشگ.. والغايه
أمشي الهلك..مولايه

مولاي مولاي
مشايه تعنينه
******
ضعتّ بغابةّ الحب شوگ وأحساس
يبو (في) الضخين الماله مقياس
أجيت بقافلةّ گلبي والجروح
بكل نگــلت جدم دخال عباس

جيت من العدم .... يمّ راعي العلم
ابو فاضل نخوتي وما يردني

كافل دمعتي ... راعي الونتي
أَعتن بالگلب نوبه يعتني

روحي شبعد ... وشگلتي
يابو الفضل .... سالفتي
بيده كرم ... غامرني
وخادم تضل .. منزلتي

مولاي مولاي
مشايه اعتنينه
******
يموش أهواك مره هواي أهواك
قبلت الدعوه من خليتني وياك
مشاي ودمعتي بچفك أطيح
وموش بعيد گاعد گاعد احذاك

خدمه بمجلسك ... ولابس محبسك
يل مرويني يابو ألسان يابس

ألطم وأنجرح ... يل مرافگ رمح
دمك يزگي بستان المجالس

دمك نزل .. ... بــتــرابي
وصار المصاب ... امصابي
وصار الجرح ... من حبك
وحل الحزن ... بعتابي

مولاي مولاي
مشايه أعتنينه
*******
يبو دموع اليحبك من يحاچيك
يل مارجعت متلهف أعليك
مواكب خضرن من دمعك الطاح
يما شيت اليزورك من يماشيك

ماشيت الدمع ..... ياصاحب ضلع
يا صاحب النعمه وصاحب الروح

مولاي الشيم ... يا نبع القيم
فديت الناس كلها وصرت مذبوح

هوه الجرح ... دمعاتك
شال الرمح ... حسراتك
انته الرحت ... لجروحك
بس الجمر ... چلماتك

مولاي مولاي
مشايه أعتنينه
*****
أذا مو أنته مدري الدنيا لاوين
ومدري شلون هاي الناس ومنين
يرابط چم گلب رغم المسافات
بلغات الدنيا كلها تصيح يحسين

يابحر الوفه ... وكلك معرفه
ممنونك جبتني وهسه مشاي

مديونك مشي ... وآهات وبچي
ومديونك رويت بچفك الماي

معنى الألم ... لخيامك
روح الشيم ... بحلامك
مسلم عبد ... لسلامك
لوعه وجمر .. ليتامك

مولاي مولاي
مشايه اعتنينه




عبد زينب
محمد الابراهيمي
الى مولاي ابالفضل.. بندرية
..........
حيهم السيد دخلها ويا حلات عمامته
وشامخة وبالسبعة تفتر لو يرفرف رايته
الشيخة زينب حشمته وبوستهه اعصابته
هاشمي وامه ابدوية ياهو يحمل صطرته

توغدنت والشكرة بيدة وحيل ساج اعليهه
صهلت ودخن شعرهه ومات الي ايلاكيهه
٠٠٠٠٠٠٠٠٠٠٠٠٠٠٠٠٠٠٠٠٠
ترندحن وسط المعسكر هيبة ريشات الكفيل
غويش بعيونه ايتشاهد موزلم هاك الدليل
عشرة فوك العشرة تهطر خوف من ذاك الصهيل.
يدغف السيف بركبهم دم صبح بالطف سبيل

ايدة دنيه وطف زغير ولمة بين جفوفه
ويلة كلمن ما تبسمل مات من الخوفة
٠٠٠٠٠٠٠٠٠٠٠٠٠٠٠٠٠٠٠٠٠٠
مفرح ومبسم يدشهه ازلامهم طر طرها
بزود صركال الهواشم غصبن اصبح فوكها
شيخ ديوانه المعارج ويتكهوا براسها
معجبته وكام يبزق في وسط فنجانها

حيل متبختر عليهه بجربته المزيونه
شما گبر جيش ال اميه بعينك شويونه
٠٠٠٠٠٠٠٠٠٠٠٠٠٠٠٠٠
حلت بياض الصوارم مات خوف الشالها
كبال سيف الله السيوف لوحدها اطك حالها
الــطف صبح كله نثاية والگمــر رجالها
هاك سبعين الف شارب على الماشي داسها

ماصخة اشباه الرجال وسيفه بيه ملوحه
اليشرد ولاحه خزرته يكوم يذبح روحه
٠٠٠٠٠٠٠٠٠٠٠٠٠٠٠٠٠٠٠٠
ظاك نفس الحومة حيل ويستمع طك سنها
عالنهر ياهو ايتدنه ايدوس وسط ابطونها
طارت الهلهولة ليه وزاد بالطــك ونها
عيت امن الموت الاحمر وانهدم كل ركنها

يااخو النشمية حيهم حيل جر اذانهه
الخيل والصاعدهه ربطة وشنقة هم بعنانهه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠
عباس أديب المالكي
يازينب



خل نسولف عن صبرهه
وعن مصايبهه ابعمرهه

خل نسولف شنهو زينب شنهو مضمون الحجاب
شلون يعني عفت الله تصعد التل التراب
-------------------------------------------------------
هيه زينب
نسخه من امهه الجليله
اشلون ركبوهه ابهزيله. ياعجيبه
من سبوهه
يعني حيدر جان مسبي
يعني طه متنه مدمي. امن المصيبه

مامذلوله من طبت هذاك السوگ
على ابساط ادخلت شبه لهم ع النوگ
مبعوثه ابرسالت دم توصلهه
لذالك الخدر طالع يرد احگوگ

هيه هيه الباس جفهه
تنسبي حيدر عرفهه

كون ينزل بيهه مصحف نقره عنوانه السبي
وبمواضيعه ندور اشلون حرگوهه العبي
-----------------------------------------------------------
هيه بتمن
بيت زقو العلم زقى
ياقدر بالخدر رفقى. هاي زينب
العلموهه
فاطمه السهرت عليهه
والبصيره من علي ه. بيهه تعجب

شرف قرأن يسبوهه كفر ولحاد
شعجب رب السمه ماقرب الميعاد
اوتاد السمه ع الرمح مذبوحين
واختهم تمشي اسيره وي اشر لعباد

عالمه ابعلم المنايا
وتدري تمشي اويل سبايا

قد سقاها العلم طه والشجاعه من علي
هيه من بيتا مقدس قد خدم فيه الوحي
------------------------------------------------------------
عن خدرهه
ربنا سوه الشرف كله
گله كن زينب سجدله صارت ام عون
عن سترهه
هوه ضلهه جان حيدر
والكواكب يمهه تفتر. امن الينضرون


من عفه وصبر ربنا خلق زينب
وگال احدودي هاي اولحد ايگرب
اشباه الزلم عبرت حدود الله
من خلوو اميره اعله الهزل ترجب


ينعقل تطلع اسيره
العاشت ايام الاميره

مرج البحرين فيها التقى وصار الخدر
آية التطهير تشهد انها اصل الطهر
-----------------------------------------------------
من مثلهه
شافت الغالي قتيلا
مارأيت إلا جميلا. كل حجيهه
ياصبرهه
للذبح خوهه تجبل
هيه تدعي ربنا اقبل. وي بجيهه

منو الشافت اخوهه اتوسد التربان
وهيه اتنادي ربي اتقبل القربان
كون امن انسبيتي ينفخ اسرافيل
وينهي كلشي يمشي بالانس والجان

هيه مو للسبي جايه
اتثبت الدين العبايه

قد خرج الخدر كله ايواجهه الفسق اللعين
وبصمودج ها يزينب انتصر دم الحسين
------------------------------------------------------
هيه ثوره
كلمه عد سلطان جائر
هدمت اعروش ومنابر. للضوالم
هيه مراءه
دخلت ابهيبة ابوهه
للقصر لمن خذوهه. ويه الفواطم

ربيبة حيدر اوطبت على الديوان
خطبت خطبه خلتهه الزلم نسوان
نقصهه السيف ونسميهه ابو الحمله
اهواي ام اعيون مايرعبه جم اهدان

فسرت آية محرم
شحرت اخبار المخيم

كلمه للطاغوت گالت اصبر ايامك عدد
يعني تعلم بالخفايا عالمه من المهد
------------------------------------------------------
علي سليم الحسناوي