آه يالباب..

اوياهن ليش خلّيت اشسبب يالباب

ستر خلوك من عين الكفر واحجاب..

تاليها اكبرت و الوفه ابجذعك مات

أهل حشمه و عليهن طببت أجناب...

آه يالباب..

ظنوا بيك خير ولاذوا ابمگفاك..

عله اضلوع المحنّه امأمنين اوياك

عليهن ما دروا شايل سهم جواك..

بيه صدر الورد بيد السقيفه انعاب...

آه يالباب..

عليك اعتب لون عالنار..

لو أعتب عله النجار..

لو عالعتبه ذيچ اليمها محسن شاب..

آه يالباب..

طاوعت الزنم واحرگت أهل الدار..

ولن تدري ابخطيتك بالطفوف اشصار

حطباتك بگن للعاشر امجمرات..

عليهن سحگت اطفال وبنات ازغار....

آه يالباب..

اكسرت ظهر اليشيل ابصبعه البيبان..

خذوه مگيود....چنهم گيدوا قرآن..

بس يا باب..ما چان ابد بالحسبان..

تتگيد بناته وتمشي وي سلاب.....😭

#آه_يالباب💔💔
#لك_العزاء_يابقيةالله
#اللهم_عجل_لوليك_الفرج
@youssefsoufan