رون مالتي والبدي
الاسود النص ردن ..ولفيت شالي ودخلت..
دخلت سلما وابوهم جاوبني هلا بوية..
امهم بوستني وتهلي بيه..
البنية الوياهم نفسها امينة الدهنت بلاعيمي ..
مرت ابوهم الثانية..هم بوستني واسلوبها
كلش لطيف وهادئة..
اما بهادر اصلا مارد السلام..
كعدت شوية وماما يبستني بالخزر مالتها..
بسرعة كمت رحت للمطبخ حضرنا الميز
بالصالة..
ورتبنا كلشي حتى بس ياذن نصب..
وي الاذان بس صلو ..
احنا حمينا الاكل ونريد نصب..
دخلو نسوانهم للمطبخ..كالو نساعدكم بس ماما
ما قبلت واخذتهم للصالة..
واحنا ننقل الاكل..
لحد ماخلصنا واباوع لماما وجهها احتقن ..
كعدنا كلنا سوا ع الاكل وبابا جان موجود هم..
وشكله هم ضايج..
اكلت لكمتين وكمت بسرعة..لشوية حنين لحكتني
وهند قبلها..
بس حنين بقت نفسها تلعب وتلوب..
راحت للحمام ركض وسدته..
سمعتها تتقيأ وماتقبل ادخل ..تدري بيه اذا شفت
احد تقيأ كدامي اتقيأ ويا ..
بقيت ادك بالباب شوية وطلعت..تنشف وجهها
بالخاولي وفحطانة..
لج شبيج حتى مااكلتي شي بس لا تسممتي؟؟
حجت وهي تمشي للمطبخ..
لا بس شاكة حامل بعدني ما متأكدة..
ضحكت بسرعة وشبكتها..وهي تكلي بعدني
مامتتكدة..
كعدتها ماخليتها تشتغل..وانا وهند نغسل مواعين
وهي تسولف يمنا..
بس نص حديثها غفلت عنه بصفنتي بحيادر..
حذرتني منه وكالت ابو نسوان بس ماصدكت..
بس ابد ماامبين عليه..
زين ليش مقهورة انا!
مااعرف بس احس قلبي واحد واكف ويدوس
عليه برجله ..
حاولت ماابين بس مااكدر..وانا تفكيري ازدحم
بقفلة امي وابوي لو خطبة حيادر لو شنو بضبط
ماعرف افكر بعد..
شوية واجو جابو المواعين واخذو الجاي..
ومرت ابوه بقت يمنا ماقبلت الا تساعدنا
بالمواعين..
انا جاي امسح الكاونتر وصاحو ع حنين
زوجها يريدها..
بس دخلت مرت ابوهم باوعت لهند وحجت..
اكلج حبيبة فدوة لعينج بس شوفي اذا خلصو
جاي نصبلهم بعد ..لان الشيخ يحب يشرب
ورا السمج فد استكانين..
ركضت هند..اي تدللين صار..
بس طلعت باوعتلي وحجت..شاها ليش رفضتي حيادر؟؟
استغربت..امم هو يحب بنت خالته وخطبها
انا شنو؟؟
انت اوله وتاليه..حيادر يريدج الج..ويحبج
من اول ماشافج بصف الاول..
يعني ماخطب؟
لا مايخطب اص.. قبل لا تكمل اجت هند جابت
الاستكاين ..
هي حولت بسرعة..عادي كل مايطكن انا ادهنهن
الج تدللين بس تعاي..
وهند شاركتنا الحديث وبقت تحجي عن بلاعيمي
شون اخذلي ايام صوتي يختفي..
لحد ماخلصنا ودخلو جوا..بقينا بس انا وهند
بالمطبخ..
اجت امي بسرعة..
شاها لبسي وروحي للبيت بسرعة..
ها ماما شنو صار..؟
ماصار شي..ودعي حنين وروحي للبيت
فاهمة؟؟
اي اوكي بس صيحي حنين..
راحت صاحت حنين واجت..توسلت ابقى
كتلها اتلفت ماي من المواعين صرت زفرة
رايحة اسبح..وهي تدري بيه
نحسه من اقل ريحة الزم الحمام ..
ودعتها ورجعت لبيتنا وانا التفكير ذابحني..
اكيد حيادر حجه كدام حنين يريد يخطب
حتى يغيضني..
ومرت ابوه باعتبارها تعرف اسرارهم وكشفت
جذبته..
بس انا ليش فرحانة! بس صدك مرت ابوه
شلون تعرف بي يريدني!
زين بعني علاقته قوية بيها..
اشو حنين تكول ميحبوها ودوم عرايك!
لا صدك دخت وماعرف راسي من رجليه..
سبحت وطلعت للمطبخ سويتلي جاي وكعك
لان مااكلت بالغدا..
توني كاعدة اكل ودخلو ماما وبابا..
بابا دخل للبيت وماما جرت الكرسي وكعدت يمي..
بقت صافنة عليه..انا دنكت بسرعة..
تنهدت وكامت..
انا شلت ماعوني ودخلت..
لكيتهم كاعدين بالصالة..
كعدت يمهم ..بابا باوعلي وحجه..
ذول صدك ماعدهم منطق ولا ذرة عقل..
باوعتله ماما جنها ماتريده يحجي..
هو باوعلي وحجه..
تدرين خطبوج من عدنا؟
انا هنا خرطت رجليه وبدت ..
هه ضحك باستهزاء..رجال متزوج وعنده ست اطفال
يخطبون اله بنيه بالعشرين ؟شنو
هالعقل التنك هذا..
للحكايةبقية

الشيهانة
الجزء الثامن
صفتت بوجه بابا وبقيت امتمت..منوو هذا بابا؟؟
خال بهادر عمره اربعين سنة ودستة جهال وبكل
ثقة اخته خاطبتج اله..
امي حجت يانزعاج..هذا هو لا تضوج انا سديت
السالفة وكتلها تريد تدرس ماجستير بالخارج
السنة الجاي ماننطيها..
لا اله..ولا ..لغيره..شددت ع اخر كلمات وباوعتلي..
بقيت ابلع ريك وعيوني حايرة..كمت للغرفة
بسرعة..
اخذت الفون وراسلت حنين..
معقولة تدري وماحجت ابدا ماتسويها..
اكيد لو تدري جان كلتلي من اول مااجو..
واصلا عمتها مضوجتها وانا اكلها تبين حبابة..
طلعت حاجزتني لاخوها ..انا المطفية عبالي
تريدني لابنها..هه شكد مغفلة..
ورا شوية جاوبتني حنين..ها شوش
شنو هالخبر هذا؟صدك خطبتج عمتي لاخوها؟
ها يعني تعرفين لعد ليش ماكلتي؟
لج برجعتنا من اهلي سولفو بالسيارة..
كالت خطبت شاها لابو امير بس ماقبلو..
هو مامرتاح وي مرته وهاجرته..
ومن شايفج بالكلية ميت عليج..
ماتت عليه حية لعد بكد ابوي وعنده جهال
شيريد بيه بلة..
لج الصراحة هو شخصية وجنتل يعني
بس يعجبج تحاجي..
بس حرامات متزوج..وانا من حجو كتلهم
شاها بعدها صغيرة حقهم يرفضون
وعمتي نزلت عليه دوسة ونص وبقت
ترزل..
عابتلها هسه انت شعليج قابل انت الرفضتي..
لا تكلي غير تقنعيها كتلها اصلا مادري
بيكم حاجين وي بيت عمي بموضوعها..
بس تريدلها شي تعارك بي ماتعرفيها انت كلش
طلعت ماتنحمل..
اوي الله يساعدج..
لج صدددك هذا حيادر طلع ماخاطب؟الظاهر
يريدج توصليلي الحجي..
اه زين منو كال يعني شنو تتواصلون؟؟
لا مرت ابوه حجتلي..كالت مايخطب وهو حيل
يحبج..
هه امينة!هي اصلا شمدريها امينة مايحجون
كدامها شي..
لان فتانة وحجي البيت كله تنقله لبيوت العمام..
عزا ولا امبينة..
اي مو اكلج كلهم متلونين..
المهم الله يبعدج عنهم لا تتورطين مثلي
المصبرني بهادر وحبه الي ودلاله..
الله يهدي الج اهم شي هو..
اي وهسه صار ساعة يبوس بيه يريد اعوف
الفون ههه..
يااا شكد عيب روحي ..يلا سي يوو..
هبطت معنوياتي بعد كلامي وي حنين..
يعني هسه شنو مرت ابوهم تجذب عليه!
ولو اكيد تجذب لان حنين توأم روحي ومستحيل
تجذب عليه..
هسه ودي اشوف حيادر وجها لوجه واسأله
لا وارزله بعد..
ولو فعلا لو يريدني صدك شلون يقبل خاله
يخطبني!انا هم ثولة وماركزت بهالشي!
اذا حجي حنين كله صح..
قررت من هاليوم اطوي صفحة حيادر وانهي
حكايته من قبل لا تبدي..
ولازم اصفي ذهني وابتعد عن الحب والخرابيط
حتى لا افقد ثقة اهلي بيه..
اهم شي امي تبقى تثق بيه ..
من هاليوم امي اسلوبها رجع مثل الاول..
لان اقتنعت ماعندي شي وي حيادر..ولو عندي
شي ماخطبوني لخاله..
بابا كال ورا النتائج مالاتي نسافر لتركيا ..
وبيت عمو هم يروحون ويانا..
كلنا لحنين بس ماقبلت تجي كالت خاف حامل مو زين عليه..
واكلها روحي حللي تكول انتظر يمر فد شهرين..
ولو منين تطلع هذا حابسها فد مرة..
وطبعا حيادر كالت رايح خاطب بت خالته
بس رافضة هسه ماتريد ..مادري موقفي
شنو بس من اسمع بشي يخصه اتأذى..
انانية مني او غرور ماعرف شعور ثاني..
بس احاول اسد موضوعه..
اليوم النتائج مالتنا وراح بابا استلم نتيجتي..
الحمدلله ناجحة وتقديري بالدروس عالي
عدا المقالة مقبول..
كلت ميخالف المهم ماطحت دور ثاني وصارت
مشاكل بسببي..
لان ماما كلش متحلفة بي..كالت اتمنى يطيحج
دور ثاني حتى اروح امسح بي الجامعة..
بس زين خلصت..
خابرتني حنين باركتلي وكالت سافرو ورجعو
واجي اشوفج واجيب هديتج..
لحيت عليها تجي قبل السفر ماقبلت..
ورا النتيجة بيومين سافرنا..
محمد وحسن بقو بالبيت لان عدهم شغل مااجو..
لحيت ع محمد يجي يغير جو ماقبل..
محمد طبيعته كلش كتوم..ورزن مثل بابا..
وهم حقه وضعه كلش يقهر..جان يحب بنية من
الاعدادية..
هي ويا نفس العمر..
بس من دخلت كلية وصارت بينهم علاقة..
تمرضت وسوت عملية ببطنها..بعد
العملية تركته ..
حاول وياها راد بس تبررله..كلتله ماافيدك..
اختها تتواصل ويا مرات وتوصله اخبارها
صار سنين ع هالحال..
لا هي تزوجت ولا هو يقبل يتزوج..
ومن نسأله يكول ماقبلت تكلي شنو العملية..
وهو اصلا طبعه مايحجي..ومن وقتها صار
اهدىء وابرد بالمشاعر بالاختلاط بكلشي..
بقينا اسبوع بتركيا ..بس ماحسيت بطعم الوناسة
ابدا..
كل مرة من نجي ويانا حنين وبالي فارغ..
هسه حنين ماكو وحيادر متربع بعقلي وكاعد..
كل مرة اوعد نفسي مافكر بي ارجع الكى
روحي افكر..
ثامن يوم رجعنا بي للعراق ..حسيت بارتياح
عبالك راجعة للجنة..
اول ماوصلنا جان شرجي كلش عالي..
وماما تباوعلي صفح..كتلتي نفسج ع الرجعة..
استلمي الشرجي لو باقين كم يوم مو احسن..
اباوعلها ببراءة مصطنعة..ماما بلا حنين ماكو
واهس كلش..
هي ماقتنعت بس ماناقشتني..
امي عدها سرعة بديهة كللش ..وما يمر عليها
اقل تصرف بالذات بشي يخصنا..
جنت تعبانة من الطريق بس سبحت غفيت..
فززني صوت الفون باوعت رقم غريب..
فتحت خط وانا شبه نايمة..
الو..
السلام عليكم شاها مو؟؟
فتحت عيوني عدل وركزت ..هذا صوت بنية
بس مو غريب عليه!
تفضلي نعم؟
يزيد فضلج انا امينة مر

قصص واقعية ، 🌸 ':
ت شيخ رسن..
كعدت بسرعة ..ووكفت..اهلا بيج خالة..
اسفة ماعرفتج..
حجت بهدوء..معذورة حبيبة عذريني امبين
نايمة وكعدتج..
لا عادي اهلا بيج..
انا احذت رقمج من حنين..كتلها نريد نمشي عليج
لاخوي..
ها؟
ههه لا مو صحيح بس حطيته حجة حتى اخذ
الرقم..
لان حنين ماترتاحلي بعد حكها مدام رجلها
مايريدني هي تمشي بامره..
لا بالعكس يعني هي حنين طيبة وتحب الكل..
اي صح حبيبة هي فقيرة..
اي وين اكو بطيبها فدوة لعمرها..
الله يديم خوتجن..بس ايرد اطلب منج طلب..
الراح احجي وياج لا يطلع من بينا لاي
مخلوق..انطيني كلمة حتى احجي..
انشالله مايطلع بس شنو صاير،،؟
شاها انا حيادر كلفني احاجيج..
يمكن تستغربين وانا مرت ابوه وعبالج ماحبهم..
بس وحك ابو خيمة الزركة احبهم وماعندي
غل ولا حقد..
بس حبي ومعزتي كلها لحيادر اكثر شي..
حاسبته مثل اخوي..وانا اقربله من امه..
اخوانه كلهم مايردوني لين امهم تكرهني..
بس حيادر من يوم دخلت لبيتهم نصفني وما
ظلمني..
وصرت اخته الجبيرة وبير سره..
اها حلو ..ربي يديم خوتكم..
انشالله تدوم ..
باعي حبيبة هو مايدري مشو عليج لخاله..
بس اليوم لين حنين تريد تجي لاهلها..
ام منذر كلتلها حاجي شاها بلجن تقنعيها..
وهو سمع بسالفة وصارت مذابح..كل لامه
شلون تخطبيها اله وانا رايدها حلالي..
وهي تكله مادري غير تحجي..وبهادر كله
ماتفيدك وخالي رايدها ..
وصارت بينهم للشيطان الرجيم..
وتمالخو هو وبهادر وفزعو اخوته وكوة فكوهم..
عزاا هاي صدك تحجين!
اي وداعة عافيتي..وسودة عليه حيادر ارتفع
ضغطه من القهر..
كلهم بعد شلون احجي بيها وخالي ماشي
عليها..
وامه تكله رفضو اهلها وامها عوزها ماتكتلني
من حجيت وتريد تسفرها للخارج..
باوعلهم كلهم حسبي الله ونعم الوكيل وطلع..
تالي حاجاني كال دبري رقمها وفهميها..
كليلها احبها ومااخليها تصير لغيري ..وراح
اعوف الموضوع هالفترة واجي لابوها اخطبها..
خل تفكر هالفترة وتاخذ قرارها..بس ممنوع ترفض
ههه..
هي حجت هيج وانا رجفت..ضحكت بخجل..
شلون افكر شلون ممنوع ارفض ههه..
لان يدري بيج رايدته ترى ماعبالج مايدري..
شلون عرف يعني اصلا رفضته
من حاجاني..
شاها حبيبة الزلمة يعرف البنية الكدامه شنو..
يعرفج خام وگلبج ماراجف لاحد گبله..
ياا..
اي لا تستغربين..حيادر ذيب مايفوته
شي..
ومايهمه حجي فلان وفلان..
هو رايدج وكل همه ينولج..والاريده منج حجينا
مايطلع..
لان حلفني اكلج هالشي..
لا مايطلع بس يعني ترى اهلي رافضين
اي خطوبة الي..خصوصا هو خاله خطبني
واصلا ماما رافضة اي احد من طرفهم..
خليها لوكتها المهم هسه وصلج كلامه..
شتسمعين لا تحطين ببالج..
لا مااهتم لاحد عد اهلي..والمخوفني ماما
كلش رافضته..حتى شكت بيه ورزلتني
بس كتلها اصلا مابينا شي..
تقتنع اذا كعد وياهم وحاجاهم ..هو حيد ومعدل
ومن يعرفونه عدل ينطونه وكلبهم بارد..
مادري شكول..الله كريم..بس لتحجيله شي هسه
لا يبقى بامل..
الله ارحم الراحمين .. لا مااحجي شي..
يلا حبيبة وداعة الله..
الله وياج مع السلامة..
اول ماسديت الخط انفتح الباب..باوعت ماما
دخلت ..طاح الفون من ايدي للكاع..
اجت بلا كلام ضربتني راشدي فر وجهي فر..
للحكاية بقية

الشيهانة
الجزء التاسع
طاح الفون من ايدي ورجفت..وهي دخلت
بسرعة وضربتني راشدي احس
خدي افتر..
دفعتني ع الجرباية وهي تعيط..ياادبسيييز
يا بلا تربية....
خليت ايديه ع راسي خايفه..
هي اخذت من الفون من الكاع ورجعت ضربته
وداست فوكه..
رجعت خزرتني وانا رافعة ايديه وارجف..
شجاي تتفقين؟؟؟وويامن هاااا..
احجي لا املخج تمليخ احجييي..
ماما عفية بس افهمج ماما..
شتفهميني؟؟ولج مو كلتي ماعندي علاقة بي؟؟
ماعندي ماعندي بس مرت ابو خابرتني
واول مرة ولله..
شرادت منج؟؟؟
كالت هو يحبج ومايدري خطبوج لخاله
وو وراح يعدي فترة ويخطبج..جنت احجي بس
مخنوكة ببجيتي وحجايتي مكطعة..
وانت ماصدكتي كالت هيج..جنتي منتظرة
واحد يطمن قلبج موووو..
احجي فهميني عدج علاقة ويا لو لا؟اخر مرة
اسأل ..هسه تحلفيلي..
لا ولله ماعندي بي علاقة صدكيني ماما..
ماعندج علاقة ويا بس تحبي!
بقيت ابجي حيل وغطيت وجهي بايديه..
حسيتها تقربت مني نزيت..دغت ع راسي
باصبعها..
خليها حجاية هنااا حجت وتأشر ع راسي..
خليها ببالج ماانطيج اله لو ينشفلج البحر..
من اليوم فون ماكو ..اذا سأل ابوج كليله
طاح وانكسر فاهمة؟؟؟
حجيت وكوة طلعت حجايتي ..ايي..
عافتني وطلعت وهي تستغفر..
وانا بقيت ابجي وكاتمة بجيتي بالمخدة..
بقيت بالغرفة لورا المغرب..
اجت ماما فتحت الباب..
كومي اجت حنين لاهلها..غسلي وجهج
وامشي وحرف من الي صار مايطلع..
اذا حجيتي حجاية زايدة الي غير تصرف..
هزيت راسي وانا صافنة..لاا مااحجي..
كمت غسلت وبدلت ملابسي..
حطيت مكياج حتى اخفي اثار البجي..
بس اصلا امبينة كلش..
مصدومة من الموقف كله..معقولة امي
تتصنت عليه لان جانت شاكة بيه..
زين انا لخاطر حيادر خسرت ثقة ماما..
هو شيعنيلي!منو انت بالنسبة الي ياحيادر ..ااه اه..
طلعت لكيتها تنتظرني بالمطبخ..طلعنا انا وياه

ا
لبيت عمو..
رجعت حذرتني مااحجي شي..
دخلنا وجانو كاعدين بالحديقة ..زين بهادر رايح
بشغل وتالي يرجع عليها..
حضنتها وبوستها مشتاقتلها حيل..ومحتاجة
احجيلها بس ماكدر احجي شي..
بقت تباوع لعيوني وكلساع تسالني شبيه..
كتلها من صعدت الطيارة يمكن ارتفع ضغطي..
بس هي حافظتني حفظ تعرفني قبل لا احجي..
بوكت العشا جانت مرت عمي محضرة
اكل ع مود حنين كايلة الها مشتهية معكرونة
بالبشاميل وبعد اشياء ثانية..
كامت حنين واخذتني وياها..بحجة نحضر العشا..
اول مادخلنا للمطبخ سدت الباب وحجت
بصوت ناصي..
فهميني شبيج قلبي نار عليج ولج..
نزلت دموعي بسرعة..مسحتها بيدها
وجرتني كعدتني ع الكرسي..
دكعدي وفهميني شصاير ولج موتيني..
حنين..حجيت بغصة ودموعي تصب..
انا احب حيادر ..حبوبة ساعديني..
لطمت ع صدرها وحجت بقهر..
احنا ما نخلص من تبن وسوالفه..
شبيج كتلتي نفسج عليه ولج قححححط؟؟
لا تحجين عليه ..
احجي عليه مدام اشوفج تريد تضيعين نفسج..
شيلي من راسج وهو ملتهي يلعب وي الف
وحدة..
راح تخبليني..انت شايفة شي بعينج؟؟
لا بس بهادر شايف كلشي ويعرف كلشي..
يجوز عاف هالسوالف يعني حرام واحد يتووب..
شاها حتى لو تاب..اهله ماينحملون وامه مشوفتني
نجوم الظهر..
عبالج تقبل بيج؟
واصلا انت حجو بيج لخاله ..يعني يعتبر
عار اذا رجع خطبج..
شيلي من راسج انت وين وهم وين ..انت بت
ناس فري...لا ت.. قبل لا تكمل حجايتها..
طكت الكهرباء وانطفت..باوعنا من الشباك
صار طبك والوايرات كلها تجدح..
طلعنا ركض واحنا مرعوبات..
ومحد بالبيت بس نسوان ..
خابرت ماما ع حسن جان توة جاي
من الشغل..ومحمد طالع ..بابا وعمو راحو
بواجب..
اجه حسن كال مضروبة المحولة مالت
المنطقة ولازم يخابرون اهل الكهرباء
حتى يصلحوها..
بقى يمنا تالي ماما كلتله روح اسبح ارتاح
هسه جاي من شغلك..احنا نبقى برا ماعلينا
شي..
بقينا بالحديقة وصبينا العشا كعدنا
نتعشى..وماما تخزرني كلساع..
عينها مرة الي مرة لحنين..
واحنا ناكل اندك الباب..
كامت مرت عمي تريد صاحت منو..سمعنا صوت بهادر..
كمت لبست عباتي ولفيت الشال وكعدت..
وحنين كامت وكفت وتعدل بنفسها..
فتحت مرت عمي الباب ودخل بهادر..
احنا فاتحين اللايت وضوا قليل..تقرب يمنا
سلم ..السلام عليكم..جاوبته ماما وعليكم السلام..
يلا حنين استعجلي ورانا طريق..
هي طفرت بسرعة تلم اغراضها والهدايا
ملاتها جانن ع الميز..
تذكرت ماجبت هديتها..باوعت لماما..
ماما نسيت اجيب هدية حنين اروح اجيبها
هسه عادي؟
روحي تردين اجي وياج؟
لا انا بسرعة اجيبها ..بس اريد ..سكتت وتالي كتلها
اريد لايت..
هي تذكرت ماعندي فون
وانطتني فونها..
وبهادر عيونه ناطه ويخوزر جنه سميغل..
انا اخذت اللايت وميشيت بسرعة..
طلعت وصارت بوجهي سيارة
حيادر بالباب..
هو بس سديت الباب صارت عينه عليه..
فتح باب السيارة ونزل بسرعة..
انا جمدت بمكاني ..بقيت اباوعله..
دشداشته بيضه ولابس جفية لافها ع راسه
وي نظراتي عليه ..نبضاتي تسارعت..مثل
اليصعقو ونبضاته تصعد بالتدريج..
هو بقى واكف يم الباب مالت السيارة وينلفت
خاف اكو احد بالشارع..
بس جان الشارع فارغ وشبه اظلم..
لان حتى مولد مايكدر يفتح ..صارت فيز وفيز..
ان

قصص واقعية ، 🌸 ':
ا مشيت بسرعة لبيتنا..دخلت ركض..
بس قلبي يريد يوكف..
امشي ومبتسمة ناسية حتى الدنيا ظلام
وانا اخاف من الظلمة..
دخلت لغرفتي جبت العلاكة واجيت..
وببالي من اطلع هم راح اشوفه..
استعجلت بطلعتي وركضت بسرعة ..
اول ماطلعت جان واكف قريب ع باب بيت عمو..
باوع وتلفت للشارع..رجع باوعلي..
من تقربت يم الباب ..جر ايدي حط بيها
ورقة وهمس..احبج يمدللة كلبي..
انا جريت ايدي وبسرعة فتحت الباب..
بس ساندة نفسي بالكوة..ايدي لامست ايده
بس روحي ذابت ..قلبي احسه طاح ..
مدري شلون مشيت ووصلت يمهم وهم واكفين..
انطيت العلاكة لحنين ..اخذتها وودعتني وشكرتني..
بس مانتبهت شحجت شكالت..
طلعت هي وبهادر ومرت عمي وهند وراهم..
امي جرتني من ايدي يمها..بس شديت
ع الورقة البيدي خفت تشوفها..
شبيج بس تصفنين خليتي الكل ينتبه شاها..
تعبانة ماما اريد ارجع انام..
تريد تحجي ومرت عمي سدت الباب وكالت
لا ترجعون الا تجي الكهربا..وحشة نبقى وحدنا..
اقتنعت ماما وكعدنا..
بس بالي مو وياهم..مشى وي حيادر
وراح..
نبهني صوت هند..شاها شكلج طافي كومي
نامي بالمرجوحة..
لا هسه شوية ونروح اريد انام كلش دايخة
ونعسانة.
بقينا لحد مااجه بابا وعمو وكالو جاي
يصلحون الكهرباء برا..
ورا ساعتين يلا كملوها واجت ..
رجعنا للبيت..وماما تسال حجيتي لحنين شي..
جاوبتها لا..
بس ردت ابقى وحدي..
اول مادخلت لغرفتي..عيرت ملابسي
ودخلت بالفراش وتغطيت..
والورقة ماقتحتها اختف الا اتأكد ماما ماكو..
بقيت جوا الاطا شوية..هدأت انفاسي..
فتحتها جانت ورقة مال دفتر ملاحظات
صغيرة..
مكتوب بقلم حبر اسود..لا تصدكين
باي شي ينكال عني واخذي الحجي
بس من امينة..
احبج شيهانتي.. هذا رقمي من تستعدين
حاجيني..
ضحكت بخفة..شيهانتي شنو ههه..مجرد كم كلمة
كلبت مزاجي وكمت ابتسم مثل الثولة..
بس ليش يحذرني اكيد يعرف جاي
يفهمون حنين هو راح يخطب وهي تكلي..
اوووف شجابني لهذا العذاب انا ..اباوع لرقمه
واغمض بامل..
افكر لو جان فوني عندي اخابره!
لا مااخابر صح قلبي يدك اله..
بس مااحاجي ولا اريد علاقة
انا وعدت امي مااسوي هالشي..
طبكت الورقة وكمت ضميتها بجيب السترة المعلكة
بالكنتور..
رجعت غمضت عيوني بس بارتياح..
شوفته بلحظات قليلة نستني الصار كله
ورزالة امي والراشدي..
دقايق ونمت نومة عميقة..
كعدت الصبح ساعة ب١١ ..طلعت من الغرفة
غسلت ورحت للمطبخ..
امي واكفة تطبخ الغدا..
صباح الخير..
صباح الخير..حجتها بتنهيدة..وباوعتلي..
شلونج اليوم؟
هزيت راسي ..الحمدلله ..
حطت القوري ع النار واشرتلي ع الميز..
حضرتلج اكلج كعدي ع مايحمى الجاي..
كعدت ع الكرسي وصفنت..
شوية صبتلي جاي وجايته ..كعدت كدامي
وتباوعلي بقهر..
قسيت عليج هواي بس مصلحتج اهم..
انا باوعتلها وطاحت دموعي..
كامت حطتني راسي ع صدرها وهي واكقة
وتبقت تبوس بايدي..الله يكسر
ايدي ولا امدها عليج..
للحكاية بقية

الشيهانة
الجزء العاشر
بقت حاضنتني لصدرها وتمسح ع شعري..
تالي جرت الكرسي وكعدت يصفي..
مسحت دموعي وبوستني وغمضت عيونها
بوجع..
كل الاسوي لمصلحتج..شما اقسى عليج
مو كرها بيج
بس اجنبج اي اذية..
لا تشيلين بقلبج عليه..اليوم اخلي محمد
ورا المغرب ياخذنا للجزائر..
اخذيلج ايفون جديد واشتري كل اليعجبج..
واخذيلج لبسة حلوة ..باجر نروح لخالتج
ام حيدر..
جريت ايدها بستها..مازعل منج انا
اعرف محد يريد مصلحتي بكدج..
بس ماحتاج فون مالازم..
كامت راحت للطباخ وتحجي..شلون تبقين
بدونه ماما مايصير..
كومي جمعيلي ملابس اخوانج الوسخة
وجيبيها خل اغسلها..
اي هسه اروح..بس خالة ام حيدر
شوكت رجعو من دبي؟
مااستقرو هناك هم راحو زيارة لبتهم
الجبيرة..
ها يعني الا نروح!
اي تونسي وغيري جو شوية..
اي انشالله..
كمت الم الملابس وانا اعصابي
متوترة..
بيت خالة ام حيدر مااطيق اروحلهم..
لان من ابنها لازكلي فد لزكة وهي هم
تشجع هالشي..
اصلا من قبل مااريده لان احسه مايناسبني..
مو هسه بعد ما احساسي تعلك ب...ااه بيك
حيادر تعلكت..
جبت السلة لامي وكالت تعاي اعلمج
ع الغسالة..
رحت يمها وتكلي دوسي هيج دوسي
هيج وشغليها..
شغلتها ورجعت نظفت غرفتي وحضرتلي
لبسة لطلعة بعدين..
اجه بابا ومحمد وكاعدين نتغدى..ماما حجت..
حمودي ماما اليوم اذا ماعندك شي اخذنا للجزائر..
تلفون اختك انكسر..
باوع بابا سالني ..ليش بابا شلون انكسر ومحمد
هم سال..
اريد اجاوب وانا ادبرلي جذبة
بس ماما سبقتني..طايح منها بالكاع وانا مادري
ودست فوكه..
ههه الله يساعده التلفون صار طحين..حجه
بابا وضحك..
وهي تكله جسمي مثالي اصلا ماتكدر تنكر هالشي..
وصدك هو جسمها ماما مرتب بس هو
من يريد يغيضها يكلها سمنانة..
لورا المغرب تحضرت وطلعت بالصالة
ماما ماكو..
كعدت انتظرها ماكو..رحت دكيت الباب
مرتين ماكو جواب..
فتحته مقفول..
هسه الا تقفلي ماما كله هيج من تبدل تقفله..
كمت جبت صبغ الاظافر وصبغت اصابع
رجليه ..
جنت مسوية بس ايديه بس هسه وين اكتل وقتي..
لا فون لا شي..
صبغتهم ونقطت مثل تنقيط اظافر ايدي ورفعت
رجليه

ع القنفة..
ورا شوية انفتح باب غرفتها..
كمت يمها وانا عاقدة حواجبي..شنو ماما
نسيتي..
لا ماما شلون نسيت هسه اغسل وابدل..صعدي
صيحي اخوج خاف بعده ماامبدل..
فاتت ساعتين ع الصلاة واحنا كناله وراها..
اكيد هسه بدل ..
بس انت عبالي مبدلة لان شفتج قافلة الباب..
ضحكت وباوعتلي بتأمل..
الله يحفظج ماما ..صعدي لاخوج صيحي ونزلي
تلكيني جاهزة..
صعدت الدرج وانا صافنة شبيها ماما هيج تباوعلي
هذا كله ضميرها يأنبها حبيبتي..
دكيت بابا غرفة محمد صح تعال..
دخلت وانا مكنفة بنطروني للساق لان
جنت اصبغ واخاف اتلفه..
ها مخلص بعدك..
باوعلي لرجليه باستغراب..جاهز بس انتظركم تنطوني
خبر..شنو فاضت الشوارع شوشه..
هههه لا جنت اصبغ واخاف اتلف..
ههه خبلة مو بيدج..نزلي وانا جاي
وراج..
نزلت وانا ادردم..كل مرة يكلولي انت تاخرينا
هالمرة هم يطردون بيه..
وكعدت انتظرت شويه واجت ماما وطلعنا..
احنا متعودين كله الولد ياخذونا بابا قليل
يطلع..
لان بابا عنده قلب ..بس امي كلش محافظة ع اكله
وانفعاله وصحته ..
يعني مداريته بشكل مثالي..
رحنا بالاول لمحل الاجهزة اشتريت فون..
باوعتلي ماما وهمست..
حافظي عليه..
هزيت راسي وانا افكاري حايرة وخايفة..
بعدها رحنا تعشينا ودخلنا كم محل ملابس..
اخذتلي بنظرون قماش مقفل بني ونيلي..
وسترة بيج وجواها تون نيلي..اختاريت لبس
رسمي كلش..
لان الرايحتلهم يحبون الدلع والفرفشة..
اريد اوصللهم فكرة اني صرت نفسية وكمت
البس رسمي ..لكونهم كلش يدققون بهالسوالف..
ماما مو كلش عجبنها..بس محمد شجعني
كال كلش نازكات وشيك..
رجعنا للبيت متاخر..حسن وبابا كاعدين
يسولفون بالصالة..
اول مادخلنا استلمني حسن..
اي بالعافية عمي حظوظ بلة جيبي نشوف..
اليسمعك يكول ماعندك فون..
مو عندك ثلاثة نننن ومديت لساني..
صاحني بابا يمه..معليج تعاي يمي تعاي..
كعدت يمه وابتسمت ..وانطيتهم الفون يشوفو..
دزني حسن اجيب شريحتي حتى يدخلها..
كمت للغرفة جبتها واجيت لان
طلعتها من الفون القديم..
وجعت لكيتهم يسولفون بعيال حنين!!
مديت راسي بس فتت للصالة..
شبيهم عن شنو تحجون؟
جاوب بابا..قبل شوية عمج جابنا
بطاقة عرس ..
عيال حنين عازمينا وجاي نحجي منو يروح..
وكفت وبلعت ريك..وين عرس منو ..
ماما باوعتلي بنظرات باهتة..بس طمني
جواب بابا..ابن حماها عرسه الخميس..
تنفست بارتياح وكعدت يمهم بس ابد ماباوعت
بجهة ماما..
وبقو يسولفون منو يروح ..اتفقو حسن وبابا
يروحون بس محمد ماقبل..
وماما كالت اذا ماعندي شي اروح وياكم..
انا بقيت مدنكة اخاف ارفع راسي..
بس شعجب حنين ماكالت ابن حماها راح يعرس
يمكن نست..
ورا ماكملو الفون اخذته واخذت اغراضي
ورحت للغرفة..
توني داخلة واجتني رسائل من ماما..
مثل مااتفقنا..سمعي الكلام..ولا تحجين وي
اي احد من طرفه فاهمة؟؟
اوك ماما..
عفت الفون ع الجرباية ووكفت ابدل..وانا
اصلا مقررة مااتواصل ولا احاجي حيادر ابد

قصص واقعية ، 🌸 ':
..
ومرت ابو اذا خابرتني او راسلتني اعرف شنو
احجي وياها وافهمها..
راسلت حنين لان لكيتها مراسلتني هواي
وحاجية عن عرس ابن حماها..
دزيتلها هلاا بروحي مشتاقتلج ..
هلا بيج وصلتكم العزيمة؟
ايي وبس ماما تجي انا مااجي..
احسنلج من الجية كلهم عيونهم عليج
عبالك فضائي..
اي هو هم هيج..بس ماكلتي رح يتزوج ابن
حماج شكبره..
عمره ١٩ رح ياخذ بت خالته عمرها ١٢ هههه..
عزااا وبيا روضة يسجلون!
بروضة ال .. امداهم..
ها كمنا نحجي عليهم هسه..
مطلعين روحي طول اليوم خطار
والعجوز بس تكررر..
شبيها ليش..؟
مو اجت الشهرية وذول لازم المرة تحبل
من اول يوم..
واذا اجت قابل بيدج واصلا بعدكم اول شهر
افتهمو شوية وضعكم مو تتبلشين ببيبي..
اي كلي بهادري حبيبي بعد وكت خلينا نشبع
شوية..
اي تالي البيبي بس يبجي ويسهركم حتى نومة
ماتكدرون تنامون..
لا اهم شي النومة ههههه..
اي اعرفج تمبل انت..
شوف الثولة دروحي خليني اروح لحبيبي
بس يتحرش..
يا يا روحي عابت ..بااي..
عفت الفون يم راسي وغمضت عيوني اريد
انام...بس ماكو نومة وعيوني توجعني ومصدعة..
ردت اكوم اخذ بندول بس ترددت..لان امي
بالها وياي..
واذا طلعت هسه خاف تكول طلعت تتاكد اذا
نايمين او لا حتى تخابر..امي واعرفها تفكيرها
كلش..
حطيت راسي جوا المخدة وعصرته وغمضت..
استرجع ايام الدوام وشكد جان حيادر يجي ..
واخير ايام من كعد يمي..والسبحة من نساها..
والمشكلة ماما اخذتها مدري وين خلتها..
بعدها استسلمت للنوم..
يوم ثاني كعدتني ماما من الصبح..طبخت
الغدا ووكفتني يمها قصاص ..
تعاي نسوي حليوات ناخذ ويانا لبيت ام حيدر..
جانت عاجنة كليجة كعدتني الف وياها..انا مااعرف
بس بالقالب..
وهي تكلي سوي وردة سوي ضفيرة..وانا
شوهتها تشويه..
اخر شي كالت سوي هاي التتقطع..سوتلي رول
طويل ولفته..وكالت قطعي بالسكين بس ناعم..
انا اتذكرها ناعمة تسويها بس هذا شو جبير..
جبت السكينة وكصيته عمودي بحيث صار رفيع
وطويل مثل الخيط..
عاطت بيه ..ولج شاهااا جلطتيني كومي اشوي..
كمت وانا انزع الجف..ماما خاف احركها ماعرف
عفية..
تعاي وزعيها بالصينية لعد امري لله..
بقت هي تلف وانا احط بالصينية..
لحد ماكملنا وهي شوتهن..واجه بابا ومحمد
وتغدينا..
وكلساع وذكرتني..ورا الغدا نروح ورا الغدا نروح..
وانا بس تكول هيج بطني تبقى تخبط..
حضرت نفسي ولبست ومكياج ماخليت بس ايلاينر
وحفرة خفيفة كلش..
من طلعنا باوعتلي باستغراب..شنو هالثكل ولج؟
ماما بعدلي سنة واتخرج بعد كبرت..
ايي صح كبرتي اكيد هذا الاريده..حجتها وطلعت كدامي..
رحنا لبيت خالة ام حيدر..هي تصير بت عم امي
بس راضعات سوا وكلش علاقتهم قوية..
عدها حيدر الجبير وصفوان اصغر منه
متزوج وبنات اربعة
ثلاثة متزوجات والصغيرة رهام ..بكدي بعدها طالبة..
بس علاقتنا زينة وحلوة هي اريحية..
اول مادخلت لبيتهم وانا قلبي معصور ومتضايقة..
تصرفات امي واضحة..تريد تقربني منهم
مثل قبل..
احنا جانت علاقتنا قوية ونتبادل الزيارات باستمرار..
بس من شفت حيدر طوخ وبقى يلمح ..
انسحبت بالتدريج وامي كالت ميخالف
حرة..واصلا هم بتهم طلعت لدبي وتمرضت
وراحولها بقو فترة..
استقبلتنا خالة ام حيدر بحرارة وجانت مجهزة
اكل وكعدة مرتبة ..فيحااء مصدكت من كلتي
رح تجون..
كلت لرهام اليوم نسويها سهرة منخليهم يطلعون..
ههه شيخلصنا من وحيد عاد جان بقينا..
روحي انت وخلي شاها يمنا تتونس..طبعا
حيدر ميدري رح تجون..خليناها اله مفاجئة..
تباوعلي وتحجي..
وانا انقبضت روحي..
بقت تسولف عن بناتها وجنتها وحجي يجر
حجي وانا رهام يمي تحجي عن الكلية
بس بالي مو وياها..حجاية اسمع حجاية لا..
اذن المغرب وكامو يصلون..بس انا مجازة..
بقيت بالصالة ..اول ماكامو طلعت فوني
طبعا مسويته صامت ..اخاف حيادر ياخذ
الرقم من مرت ابوه ويخابر وساعتها
يضيع مستقبلي لو عرفت امي..
تصفحت بي لكيت مرت ابوه مخابرة عليه
مرتين..
جاي اكتبلها بعدين اخابرج ..سمعت صوت
حركة وراي..
قفلت الفون بسرعة..التفتت شفته حيدر بس
بسرعة درت وجهي..
لان جان لابس فانيلا داخلية و
برمودا..
لا لا لا صدك عود انا احلم لو صدك..حجاها وهو
واكف وراي..
شلونها الصاكة وعاش من شافها..
جاوبته بتردد..هلاو بيك بخير شكرا انت العايش..
غير اليوم عشت من جديد..اروح البس
واجي مو تشردين..
بس راح انا كمت بسرعة رحت يمهم وهم
يصلون كعدت..
ع ماخلصو وطلعنا سوا للصالة..
لكيته كاعد بمكان الجنت كاعدة بي حتى
جنطتي صايرة جوا..
سلم ع ماما اكلها اكل بالسلام وامه تكله
خليتها مفاجئة ماكتلك عليهم..
وهو نظراته الي زايدة اضعاف مضاعفة ..
بقينا يمهم لحد الليل تعشينا وخلصوها
سوالف وهو كل شوية فاتح موضوع وانا اغلس..
باختصار تصرفت برسمية كللش..
من ردنا نرجع رادت ماما تخابر محمد..
بس هو كال انا اوصلكم لا تخابرو..
والاحظ ماما انتعشت وعبالك جانت تريد
هالشي..
كعدت هي بصفه وانا وراهم..وطول الطريق
يسولفون هي ويا وهو لسانه يحجي وعينه
يمي..صدك تضايقت احسه متقصد
كلش..
طلعت فوني وراسلت مرت ابو كتبتله

وجسمي كله نمل..
غمضت

عيوني بقوة وتنفست..
شكد حلووو انت حيادر..
بقيت متمددة بفراشي لحظات وغفيت..
ماكعدت الا ع صوت اهلي جايين..
فزيت باوعت ساعة تسعة!اففف وانا نمت
مامصلية..
كمت وخايفة اطلع..اذا حيادر حاجي
وي بابا شنو رد فعله هسه!
بقيت متحيرة..
اخر شي قررت اطلع قابل راح ابقى
خاتلة للابد..
طلعت وسويت نفسي اتثاوب ..هااي شلونكم..
باوعت ماما قافلة كلش..
بابا باوعلي بصفنة وابتسم..شكد نايمة ههه..
ماحسيت عليها بتسعة ولا ادري..
تعاي يمي رايدج بشغلة..ماما كامت تأفاف..
اخذت جنطتها وكامت...يتبع

قصص واقعية ، 🌸 ':
مساء الورد
#الشيهانة
#الجزء الحادي عشر
آنه الـ عاشگچ والـ گد كلمتي
بديت وياچ من أمي وحلقتي
مدري شكم علگ بالحضره ☘️💚شديت ؟
حتى عيونچ يصيرن قسمتي..
ماما اخذت جنطتها وراحت للغرفة وضايجة..
انا كعدت يم بابا ابتسملي وحجه..جوعانة بابا
مو..
يعني شوية بعدني توة كاعدة..
اي صحصحي وكومي تعشي دزتلج حنين
اكل..
امم ماريد تمن بس سوب اكو ويا..
اي سوب لحم وتمن وتبسي هواي
سألت عنج..
اي فدوة لعمرها مشتاقتلها..
رفع راسه حسن وشاركنا الحديث..شاها
بعدين رايدج بسالفة..
انا هم رايدها بسالفة خلينا وحدنا..حجه بابا..
ورا ماكام حسن حجه بابا بعد تنهيدة..
حنين ماحاجتج بشي؟؟
لا يعني مثل شنو؟
جر نفس بابا وحجه..
اليوم حماها حاجاني..
انا بلعت ريك وتوترت..وهو كمل كلامه..
خطبج من عندي..كال انا شايل الزواج من بالي
وتدري بيه الوالدة..بس هي ماردات تخسر كريمتكم
وخطبتها لخالي..وهو هم من عرف عتب
عليها هواي..
وانا بصراحة شفتها البنية ذهب صافي
ورايد اكمل نص ديني وياها وعد عينك حجي..
شوفي بابا هو الولد خوش وزلمة حوك..
يختلف عن اخوه كلش ..بس مايناسبنا وضعهم
احنا من بيئة وهم من بيئة..وبعدج مامكملة
دراستج بمكن يجيج احسن منه..
انا رفضته ..صح كشخص ماينرفض ..بس
قسمة بيها هواي عوائق ماتفيدنا..
كتله انت والنعم منك ..بي بتي ما تريد زواج هسه..
تريد تكمل دراستها وتاخذ الماجستير..
ولا عبالك هذا الجواب مني..بس هي هذا
ردها لكل الخطبوها..ماافضلهم عليك ..بس
خطبوها هواي ناس وماينرفضون..
عندي ابن بت عم امها من شبت وخاطبها كم مرة..
بس احنا من نحجي كدامها بهيج موضوع..
هو كال انتظرها تخلص واتقدملها..وهي من جسينا
نبضها بهيج موضوع .. رفضت
وجان جوابها واحد..انا طالبة ابد مااتزوج..
اخلص ماجستير وانضج حسب حجايتها..
تالي افكر..
لا عبالك رفضتك نقص منك حشاك..
بس بعد هي هالوحدة عندي ومااظلمها..
من تخلص دراستها وتحس نفسها مستعدة..
ساعتها احاجيها بموضوع الزواج..
وانت البنات يتسابقن عليك..حال ومال وكلش
كافي اخلاقك وطيبتك..
وانشالله تحصل بت الحلال التسعدك..
هو كال الله كريم يصير خير لوقتها..
الله يقدم البي خير..اعذرني حجي اخذت
من وقتك ..وترخص وراح..
ومن حجيت لامج وافقتني كالت حيدر ينتظرها تخلص
ويخطبها..
يعني حيدر ابن خالة خطبني ؟
اي من قبل بابا..
بس بابا صح هسه ماريد زواج لان طالبة..
بس حيدر حتى لو خلصت مااقبل بي..
ليش شعجب؟
شخصيته كلش ماتناسبني ولا اتوافق ويا بابا
عفية..
بابا هسه قابل جبرتج المن خفتي..
لا تردي شنو يعني..
مو ماما خاف تزعل مني..
هو الزواج بس زعل بعد..هذا مصيرج انت
تقرري..
احنا نساعدج ونوعيج ونرشدج للافضل..
بس مانفرض عليج شي هاي حياتج انت..
الله كريم بابا ..حجيتها بيأس من شفت رأيه
مقارب لرأي ماما..
صح مو نفس التهجم..بس النتيجة وحدة..
بس من شفته محترم حيادر ومارافضه لشخصه..
يعني شبه طمنت نفسي..
كام وكال تصبحين ع خير وروحي اكلي..
جاوبته وانت بخير ورحت للمطبخ..
بس نفسي مسدودة ماشتهي شي..دخلت الاكل
بالثلاجة..
توضيت وصليت ورجعت لفراشي..
راسلت حسن اخوي..ها شنو ردت مساع؟
رد بسرعة..تعاي لغرفتي عفية اريد مساعدة..
عفت الفون بالفون ع فراشي وكمت ..
صعدت لغرفة حسن ودكيت الباب..
تعاي شيشة تعاي بعد اخوووج..
فتحت الباب وابتسمت..
احس اكو ان بالوضوع شنوو..؟
تعاي كعدي وتعرفين..
كعدت يمه ع جرباية ورفعت حواجبي
بأستفهام..
اكلج تعرفين عيال حنين..بناتهم يعني..
امم لا يعني كلها مرتين يمكن شفتهم ليش؟
باعي شفت وحدة بس قنبلة..دخلت براسي
كلش..
وين سفتها هن مبركعات ولك..
لا مالابسة بركع ..لابسة فستان احمر طويل
وهي طويلة تشك شك..
يا يا ولك وين شفتها فهمني شلون..
طلعت وي مرة جبيرة من بيت عيال حنين
وراحت لبيت بصفهم..
بقيت مرابط برا انتظر بلكي ترجع ..شفتها
رجعت ورا شوية..بس شنو من طول وبياض
جنها سيرين عبدالنور..
زين انت عجبتك يعني شنو تريد؟
اريد تبطلين ثول شوية..
عابت..
الج..اريد معلومات عنها شنو ماشنو ..حتى
اذا كلشي مثل ماريد اخطبها..
صددك..واخيراً راح تسوولنا
عرس نتونس بي ملينا من عنوستكم..
ههه لا فاتت مزاجي كلش..
نشوفها لعد ليش لا..بس عزا بس لا تطلع متزوجة ..
لا امبينة مامتزوجة من نعومتها و..انت
معليج احنا نعرف المتزوجة..
ادري تاخذولها سونار ..
هسه انت شعليج طلعتينا من موضوعنا المهم..
راسلي حنين كليلها تدزلج الصور..
ونشوف اذا لكيناها بيهن نسال عنها واحاجي اهلي..
مالكيناها نحاول نعرف منو هي ويصير خير..
بسيطة تدلل..بس كون حنين تدز صور..
بعد اعتمد عليج حبابة انطيني الاخبار..
اوكي راح اراسلها هسه ومن تجاوبني اكلك..
لان احتمال مافارغة هسه هوسة وعرس..
ماشي اعتمد عليج..
طلعت من يمه وانا فرحانة..ياريت صدك
وتطلع من اهلهم..حتى اذا تزوجها حسن
تتسهل ارتباطي بحيادر وينفتحلي الطريق..
نزلت لغرفتي وراسلت حنين..ما جاوبت بالاول..
ورا ساعة يلا ردت عليه..
حجينا شوية بالعرس وتسالني شخبارج

ومن هالامور..
بس ما

حجيتلها عن اتصال حيادر وخطبته
الي من بابا..
ماريد اسمع لوم ولا اريد معارضة ..
بقينا نسولف ودزتلي صور العرسان..البنية ماجنها
١٢ شكلها اكبر مني..بس حلوين والولد
يشبه حيادر..
كتلها دزيلي اذا عندج صور وي بناتهم
اريد اشوفهن..
دزت هواي صور بس كلهن بلا حجاب..
احتاريت شلون زين حسن يريد يشوف..
باوعت بالصور ..شفت هواي لابسات احمر..
بس وحدة رفيعة وطويلة..شعرها طويل
حيل وحلوة تشبه عيون حيادر هيج مجرورات
ومبتسمات..
ههه الله يرحم ..ايام جنت اضوج من عيون
مبتسمات..
هسه كمت اذا سديت عيوني اول شي اتخيلهن كدامي..
كبرت الصورة ع البنية بس مامتاكدة هي او لا..
شخبطت ع شعرها وكبرت الصورة ع وجهها..
كمت صعدت لحسن..خطية بس دكيت
الباب اجه فتحه ركض..
دخلت وانا لازمة الفون..جبتلك صورة بس
ما متاكدة..
مد راسه وانا افتح الفون..اوكف خل اكبرها
حتى لا تشوف شعرها لو جسمها ..انا شخبطت
بس مو عدل..
يلا استعجلي لعد ..
قربتله الصورة ع وجهه..مد راسه وكمز..
اويييلي ..جر الفون من ايدي ويباوع..
حسن لا تباوعلها بدون حجاب حراام عليك
تصير بذمتنا..
امشي غير شوفة شرعية شبييج..
جريت الفون من ايده وسديته..لا تشوف غير
صور حرام علينا..
جرني لحضنه حيل وباسني..مشكورة
شيشة طلعتي بيج فايدة..
ههه تدلل شنو تريد بس كلي..
هسه الاريده سالي عنها منو وبت منو
يعني جيبي معلومات حتى احاجي امي..
اوكي بس باجر لان حنين راحت نامت..
انتظرج حبوبة ..
اوكي يلا تصبح ع خير..
وانت من اهله..
رجعت لغرفتي وانا احس صار
عندي امل جديد..
موضوع حسن احسه راح يفيدني..
دخلت بفراشي وفتحت قران خليته
باذني وغمضت ..بقيت اسمع لحد
مانمت..
يوم ثاني كعدتني امي من الصبح..
كعدي ورنا سفرة وي بيت خالتج..وفتحت
الضوا وتحجي حتى اكعد..
كلت بداخلي ماروح هالسفرة مهما كان
الثمن..
فتحت عيوني ع كيف..ماما..
تقربت مني ها ماما ؟
ماما بطني حيل تاذيني عفية بس لا زائدة..
شلووون..فزت بوجهي وكعدتني وتفحص
ببطني..
من يمتى تاذيج ..خاف لان ماماكلة شي
اذا انت بلا عشى نايمة..
حجيت ع اساس متاذية..
احسها تمغصني من الصفحة فدوة دهنيها..
رجعت تمددت وهي تدهن ببطني وتقرا
عليه وتسمي..
انا امثل بس مقهورة عليها..احس بذنب..
بس ماريد اروح وياهم واشوف حيدرماريد..
بعدها كمت للحمام غسلت ورجعت تمددت بالصالة..
وهي صاحت لبابا وكال امشي اخذج
للمستفشى..
بس كتلهم صرت احسن..لازم ابقى متمددة..
صدك بقيت وهي جابتلي بيضة سلك وحليب
بارد..
كعدت اكلت وهي خابرت خالة ام حيدر
واعتذرت منهم..
هنا ارتاحيت لان خلصت من هالطلعة..
بعدين شوية وكمت كتلها خف الالم..
بس هي عبالها صدك ماحست بيه جذبت..
للعصر راسلت حنين وسالتها عن البنية..
كالت بت حماها تصير اخت العريس..اسمها
هاجر وعمرها
١٦ سنة..استغربت شعجب مامزوجيها
من وكت..
طلعت جانت مخطوبة وخطيبها ذابي من العشيرة
بسبب عركة ماعرف شنو..ومطلكيها
منه غصب عنه..
خطية قهرتني وكرهتهم وكرهت عقولهم
التعبانة..
وحنين طبعا ماعبرت عليها السالفة..كتلها
عاجبة حسن ونريد نخطبها..
وفرحت كلش كالت علواه لان شابعة حجي
بحجة مطلكة ومحد يريدها..
كتلها بعد اكل لحسن ونشوف..
من اجه حسن وحجيتله ..كال هذا هو
البنية رايدها وراح احاجي امي وابوي..
جان فرحان كلش وفرحته فرحتني..
بس جنت انتظر ردة فعل امي..بس ماعتقد
ترفض ..
لان حسن طبيعته الشي اليريده يقنع
المقابل بي..
ورا كم يوم كعدت الفجر ع صوت صريخ..
كمت وانا اركض ماندل طريقي..
فتحت الباب وكمت اصرخ من يمي
طحت بباب غرفتي..
انفتح باب غرفة ماما وطلعو هي وبابا
يركضون عليه..
وانا ارجف واحس بلعومي نشف..
بسرعة اجو شالوني ويحاجوني شبيج
وشصار..بس انا فاصلة..
تالي شوية شوية رجعت لوعيي..
يمكن جنت حلمانة بصوت صريخ
وتداخل الحلم والحقيقة..
بس خفت حيل وحتى قلبي ضل يدك كلش
بسرعة..
بقت امي يمي تقرا ع راسي وحاطتني
بحضنها..
هدأت واستقرت نفسيتي ..بس كتلها
لا تطفون الضوا اخاف..مادري ليش
هو مجرد صوت بس لان ربط بين حلمي
وواقعي خوفني كلش..
بعدها نمت ..فزيت الصبح لكيت الساعة عشرة
ونص..
كعدت لحيلي وانا استرجع الصار الفجر..
مو كلش اتذكر بس ببالي الصار ..
كمت طلعت للحمام غسلت..
اجتلي ماما تتطمن ..كتلها مابيه شي
بس الفجر لان شبه واعية هيجي تأثرت..
بس اشوفها تصفن كلساع وتستغفر..
بعدين سوتلي حرمل وجابته..فرته داير
مدايري وتنفض ملابسي وتصلي على
محمد وال محمد..
كوة خلصت نفسي منه ومن ريحته..
وبقت طول اليوم كلساع تجيلي للغرفة
وتكلي شتحسين خو مابيج شي..
وانا اطمنها مابيه شي..
لح الليل ورا العشا..
حسن راسلني ..اكلج شاها عفية انا كلت
لامي وابوي..بس امي ماعجبها
الموضوع..
باجر من ارجع من الشغل راح احجي
كدامكم كلكم..
انت ومحمد اربدكم تساعدوني
بالحجي..
اي زين ميخالف كلت لمحمد؟
اي كتله كال اوك شتريد وياك..
بس المهم نقنع امي..هو ابوي وافق
تقريبا..
بس امي احسها ماراغبة الموضوع لازم
اخذ منها الموافقة ورضاتها اهم شي..

قصص واقعية ، 🌸 ':
ونشوف..
طبعا ماتوقعت ماما حتى اذا ناخذ منهم
بنية ترفض..يعني هسه انا اوكي مايناسبني
وضعهم..بس البنية اصلا رح تجي هنا
يعني مو حسن اليروح عدهم يعيش ..بعد ليش
ماقابلة يعني..
نشوف باجر شتكول بعد..
نمت بيومها بسرعة..لان غمضت عيوني
وسولفت وي حيادر بداخلي وبسرعة نمت..
وكعدت الفجر ..بس هالمرة صوت الصريخ
اقوى وجاي من غرفة ماما..
للحكاية بقية

#الشيهانة
#الجزء الثاني عشر
فتحت الباب وطلعت ركض..اباوع باب غرفة
ماما مفتوح وصوت الصريخ منه..
ركضت ورجلي كوة شايلتني ..اباوع ماما مملخة
شعرها وبابا واخواني لازميها وهي تلطم..
ركضتلها وسالتهم بخوف ..شكوو شبيها شبيها ماما..
جرني محمد وهدأني..خالو حازم توفى ..
شلووون ..
اباوع ماما اغمى عليها وكلنا ركضنالها نكعد
بيها..
جسمي كله يرجف ودموعي تصب..
كعدت ماما وبابا جابلها العباية لبسها واخذها
لبيت جدي..
راح وياهم محمد وحسن بقى يمي..
حجالي حسن عن خالو خطية مدعوم برجعته
من المحل مالته..ومدخلي عمليات كبل
بس صاير عده نزيف وميت..وهو الوحيد لامي
والمدلل كلش يحبو..
خوالي ثنين مستشهدين بس هو باقي..
يعني فقده فاجعة ماتنحمل..
للصبح حسن راح للشغل وانا بقيت وحدي
بالبيت..
مامتعدة ابقى وحدي..خفت وكل شوي يتخيلي
شي..قصص وروايات عراقية كرار صلاح
وبدت عندي دوخة ورجفة..خابرني حسن ..
شاها انا جاي بالطريق بس اخذت
اجازة واجيت لان ممنوع نغيب تعرفين..
اي عفية حسن استعجل انا كلش خايفة ودايخة..
حجيت وانا ارجف..
استغفر الله..روحي لبيت عمي بسرعة لا تبقين
وحدج..
اي يلا رايحة..
دخلت ركض لغرفتي واني اصلي على محمد وال محمد..
حتى اطمن نفسي ومااخاف..
لبست عبايتي والشال وطلعت ..
باب الشارع بس طبكته ماقفلته..
دكيت باب بيت عمي..طلعتلي هند..
خطية شبكتني وبقت تبجي وعبالها انا رايحة
وي امي ماتدري بيه وحدي ..لان هي امها
هم رايحة للفاتحة..
من شافت رجفتي وخوفي سوتلي عصير
ليمون وشربت..بعدني مامكملته...
عيوني غوشت.. وطاح من ايدي وبعدها ماحسيت بشي..
كعدت لكيت هند خطية تغسل بوجهي..بس
شنو جسمي كله يرجف وحلكي نشف..
احتارت هي كالت رح اخابر محمد يجي
ياخذج للمستشفى..
بس كتلها حسن جاي بالطريق..
كعدت يم رجليه عصرتني وتسولف وياي..
شوية واجه حسن..
بس شافني هيج اخذني للمستشفى وهند ويانا..
بس شافوني بسرعة شكلولي مغذي..
وتحليل وفحوصات..
طلع سكري كلش هابط يعني بيني وبين
الموت شعرة..
خفت اكثر من سمعت..ماعرف شبيه انا..
بسمرات الانسان يكون خايف من شي ميدري
بيه شنو..
انا انقهرت ع خالو وع ماما..بس قبله متخوفة
واحس نفسي مامرتاحة..
طلعت من المستشفى لبيت عمو كبل اخذوني..
ماكدرت اروح للفاتحة بس بابا اجه العصر
تطمن عليه وراح ..لان ماما كلش منهارة
وهم هو وياهم بالفاتحة واكف..وحسن ومحمد هناك
بقو..
لليل اجت مرت عمي هم سوتلي
اكل وهي وهند داروني كلش..
يوم ثاني الصبح اجاني  كعدت من وكت..
هم مرت عمي راحت للفاتحة وهند سوتلي ريوك..
شوية واندك الباب..راحت هند فتحته..
دخلت وياها حنين..
بس شافتني اجتلي تركض شبكتني وبقت
تبجي..
خليت راسي بحضنها وبقيت ابجي وهي
تهدي بيه ..ارتاحيت بحضنها وهدأت نفسيتي..
صح ماخابرتني ولا سالت امس وانقهرت..
بس عذرتها..
وهسه من اجت تغيرت نفسيتي..
بقينا نسولف وهي تحجي عن عيالها وعمتها
مخبلتها حتى ع الاكل تحاسبها..
وبهادر مايدافعلها ويكلها تحملي..
ونسوان حموينها شادات وياها..
وكاعدة تدرس للدور الثاني وبهادر يساعدها..
بس ماجابت سيرة حيادر ولا انا حجيت بي..
وادعي كون ماتحجي عليه او تذمه..
بقت يمنا للعصر واجه عليها بهادر..ودعتني
وراحت..بس انا ماكدر اكوم اصلا..جسمي
مابي اي قوة ابد..
ورا ماطلعت بوقت ..
ساعة تقريبا..
دك الفون مالتي..شفت حيادر يخابر..
ماكدرت اجاوب لان هند كاعدة يمي..
سويته صامت وبقيت اباوع لهند مندمجة تباوع
مسلسل..
دز مسج ..شيهانتي سلامات طمنيني عليج؟
تنهدت وانا محتارة..اجاوب لو لا..
غمضت عيوني بتفكير..فتحتهم وكتبتله..
الحمدلله بخير ..
البقية بحياتج والله يرحم روح خالج،،
صحتج شلونها شلون صرتي..
انا توني سمعت من الوالدة حاجيتلها حنين..
لا احسن شوية..بعد هذا امر ربنا..
ونعم بي..دربالج ع روحج لا تنقهرين مو زين
عليج..
وو..صح مو وكتها بس حجالج الوالد عن رفضه
الي..
اي ..من اتخرج الله كريم..
زين هذا كرايب امج شني موضوعه؟
خاطبني منهم من قبل هو..بس انا من حاجاني بابا
قبل كم يوم..
كتله ماقبل بي ابد ..وهو تفهمني كال براحتج..
الحمدلله هذا اهو المهم هو مقتنع برايج..
لا مايجبروني بشي..يلا اترخص انا..
مرخوصة مدللة كلبي.. دربالج ع روحج ..
اوكي باي..
سديت الفون وخليته يمي وانا مبتسمة..
رجعت فتحت واتساب ..اباوع لصورته مخليها
بس لابس نظارة..
بقيت صافنة بي واشولف وي نفسي..
شلون هيج توغلت بقلبي !
قبل جنت اضوج منك لان تباوعلي
ولان اخو بهادر..
بس بليلة ويوم كلشي تغير..
غمضت عيوني وهدأت عقلي..
تعبانة وعيوني فاتحتها كوة..
شوية ونم

ت..
كعدت اصوات هواي وهوسة وحجي..
فتحت عيوني محد يمي ..بس الصوت
جاي من الصالة ..
اصواتهم مو غريبة وهم يسولفون..سمعت
بينهم صوت حيادر..وبهادر..
معقولة متوهمة!
شبيه هالايام بس انام اكعد ع حدث لا بالبال
ولا بالخاطر..
كعدت لحيلي بس مسطورة..
ثبتت رجليه بالكاع..فركت وجهي وكمت ..دارت
بيه الدنيا..
انتجيت ع القنفة..
شوية شوية مشيت للمطبخ..
اباوع هند واكفة تمسح استك

اين وتروح وترجع..
باوعتلي وصفنت..خلت الاستكان ع الكاونتر..
اجت يمي سندتني ..كعدتني ع الكرسي..
ليش كمتي شاها ليش ماصحتي عليه؟
سمعت اصوات هواي منو هنا..
حطت الاستكان بالصينية وياوعتلي بحيرة..
حموين حنين هنا..
ها بس وكت مغرب شعجب اجو..؟
تباوعلي وتلوب..اكلج خية بس اودي الجاي
واجي..قصص وروايات عراقية كرار صلاح
صبته واخذت الصينية وطلعت من
المطبخ..
شوية ودخلت هي وحسن..اجه يمي وباسني
براسي..شلون صرتي..
احسن يعني شوية..بس دوخة كلش..
اي دمج نازل وانت ماجاي تاكلين شي..
صحيح ..شلونها ماما ..كل مااخابرها بابا
يكول ماتكدر تحجي..
اي هي عايفة الفون يم بابا وبعد ملتهية بالعزا...
وبيبي كلش متخربطة وتعبانة..
سودة عليه الله يساعدها..
اكلك شنو شيسوون جوا عيال حنين اسمع اصوات؟
اجو يعزون بابا ..
يعني بابا هنا؟
اي اجه ..بعد اليوم ثاني بس حسبو
ختمة ..
لعد وماما؟
باجر تجي بقت وي بيبي اليوم ماتكدر تعوفها..
كومي رجعي تمددي..وانا هسه اوصيلج
تكة ومعلاك حتى تتعشين وترد روحج..
حبيبي الله يحفظك..بس خل نرجع لبيتنا احسن..
لا اليوم ابقي هنا يم هند..تهتم بيج بلكي
باجر تصيرين احسن..
ع ما تجي امي عاد عينها عليج ..احنا نروح
للشغل خو ماتبقين وحدج..
اوكي..
هزلي راسه وكام.. وهند اخذتني للغرفة
تمددت ..
بقيت مغمضة عيوني..من اغمض ارتاح..
شوية واجه بابا يمي..بوسني وسولف وياي
وسالته عن ماما كال باجر اجيبها..
شوية وكام..
اجت يمي هند وسالتها..اكلج هند منو جاي بضبط
من عبال حنين..
بهادر واخوانه ثنين وخاله..
اها لعد شعجب ابوه مااجه..
مادري بعد يجوز مشغول..
اي صح..هسه راحو لو بعدهم؟
لا بعدهم ..
زين يعني شفتيهم؟
لا ماسفت احد بعد دخلت جوا وماكدر
اباوع من الشباك
الدنيا ليل ويكشف..
ايي صح..
صفنت وانا افكر حيادر موجود وياي
بنفس البيت..
يعني سلم ع بابا وحسن..وهم اجو حضنوني..
اوه..شبيه تخبلت شكد عيب..
اوف هسه لو اكدر اكوم..جان وكفت بشباك
المطبخ وطفيت الضوا وشفته من يطلع..
بس ماكدر عيب من هند ..هسه تكول مريضة
وتباوع ع الولد..
بقيت بقراشي ..شوية واجه حسن جابلي علاكة
اكل..
اخذتها هند وصبت بصينيةوجابته..
كلها حسن حضري بعد جاي..لان جايب ويا
عشا الهم..
هي اخذتلها لفة وراحت..
وانا انفتحت شهيتي..اكلت وانا اتخيل حيادر
هسه جاي ياكل ..
شبيه اليوم بس اتخيل ماادري..
شوية ودك فوني..رقم غريب..جاوبت طلعت ماما..
بس صوتها رايح كلش..
بقيت ابجي واحجي وياها كوة تفهمني..
تطمنت عليه وكتلها مابيه شي صرت زينة..
بقو حيادر واخوانه للساعة ب١١ يلا راحو..
وبابا واخواني
راحو وكالو باجر عدهم دوام من يرحعون
يجيبون ماما..
ورا طلعتهم بشوية نمت..
يوم ثاني احسن وضعي شوية ..الدوخة خفت..
كمت سبحت وتريكت يعني اكدر اسند
نفسي..
مرت عمي جاية بالليل ولاكيتني نايمة..
كالت امج تسلم عليج وبالها يمج..
سالتها عنها كالت لا يبقى بالج عليها زينة
مابيها شي..
للعصر اجاني محمد اخذني من بيت عمو..
دخلت للبيت ملهوفة عليها..
طلعتلي من باب المطبخ..ذبيت نفسي
بحضنها وانا اشم بيها..بقيت ابجي بهدوء..
وهي هم بس ظهرها يهتز كد ماكاتمة بجيتها..
اخذتني جوا كعدنا..
وكالت سالو عنج هناك كتلهم مريضة..
لكيتها مركبة تشريب لحم احمر ..
تدري بيه احبه..بس ماخلتني اكوم..
راحت تنظف لان البيت كلش هوسة
ومعفوس..عود الولد نظيفين وابد
مايوصخون بس يمكن للسرعة ماملحكين..
بقيت كاعدة بالصالة وحدي..بابا راح يسبح
ومحمد صعد لغرفته..
راسلت حنين حجيت وياها..
ها شاها شنو الاخبار شصار من بيتكم؟
يابيت شبي؟؟
ولج قصدي الحرامية..ماعرفو شي الشرطة؟
شنووو ياحرامية عزااا..
يا ماتدرين؟؟عبالي تدرين ولج..
مو بيتكم امس انباك..ابوي من راجع شايف
بابكم مفتوح..
داخل لاكي معفوس والكاميرات مكسرة ومكلوب
فوك جوا..
وخابر لبهادر كله الحكني بيت اخوي انباك ..وماعندي
احد اخوي وولده بفاتحة خالهم..
ولج حنين تحجين صدك؟!؟
ايي خية حتى راحو الولد الكم وجايبين الشرطة ومخططين
البيت..
ماخذين فلوس بس الذهب بمكانه..
انا من سمعت كلامها احس حيلي كله باد..
رجعت واسي ع القنفة وعفت الفون حتى ماكملت حجي
وياها...
عزا بيتنا مبيوك وماحجو كدامي..عزا يعني لو بايته
بالبيت جان كتلوني..
شوية واجتلي ماما ..شاها شبيج شنو دختي..
كعدتني وهي تتفحصني تباوع بوجهي..
ماما صدك داخلين لبيتنا حرامية؟
غمضت عيونها وتنهدت..منو كلج..مو حذرناهم
محد يحجي عوزج هبطة لو خوف انت؟
يعني ماما شلون هسه خاف يرجعون بعد ..
شيرجعون ماما صارلنا سنين كاعدين ماصارت بينا..
بس لان بيتنا فارغ داخلين..
ماما اخاف..
استغفرالله ..لا تخافين مانخليج وحدج..
اخلي حسن ينام يمج..
يلا اصبلج التشريب واجي..
كامت وهي وانا داخلي مرعوب..
اتصور اليوم يجي الحرامي ويبوك ويكتلنا ومحد
يدري بينا..
جابتلي الصينية وكعدت يمي..اكلي ماما وشيلي
الافكار السودا من راسج..لا تعبيني فوك تعبي
تقلقيني عليج..
اكلت شوية وعفته..نفسي انسدت كلش..
اخذت الفون راست حنين ..لان ع

فتها مساع
ماجاوبتها..
بس ماردت عليه..
شوية وخابرت امينة..
الو ..
هلو بيج خالة..
بيج اكثر عيوني البقية بحياتج..
حياتج الباقية شكرا..
شلونج حبيبة صحتج شلون صارت؟
الحمدلله احسن صرت..
امج شلونها كسرت كلبي مسيجينة تعبانة..
لا احسن شوية بس مقهورة ..
حكها الاخو سباح الكلب :.الله يحفظلج اخيانج..
دربالج عليها شاها ترى تعبانة ..احنا اجيناها امس
للفاتحة..بس شني مابيها توكف..
بس تلطم تطيح وحيلها يروح ..
انت بنيتها وحبيبتها..شدي عودج وقوي
روحج ..لا تجعلين بالها يمج وتنقهر..
واسيها بمحنتها حتى تشوف بتها كبرت وصارت
صويحبتها الما تعوفها..
الله كريم خالة ..شكرا هواي الج..
انا لين اعزج جاي احاجيج..حنين توة سمعتها
تحجي..قصص وروايات عراقية كرار صلاح
كايلة كدامج على البوكة..وامج معاتبتها ..
كايلتلها زين ماماتت لكيتها وجهها اصفر
وحيل مابيها ..
يا مو هي سالتني منو كلج..
اي بعد تدري انتن حبيبات وماتضمن ع بعض..
زلمتج من امس من سمع لليوم
لا هو بنومة ولا باكله..يكلي همزين
بيت عمها..
لو بحدها وطابين علها احرك كل واحد وكف بقسمتنا
وخلاها تتاذى وماكدر احميها..
اني سمعت هيج صحصحت..
كمت ع كيفي رحت للغرفة..
لعد هو حتى ماتطمن عليه..
اي مو ابوج حاجي وي اخوتج كدامهم..
من عمج مخابر بهادر ..اخذ اخوته
وخاله وراحو..
من جاب ابوج لاكيهم هناك ببيتكم..
محذر اخوانج لا تكولون لاختكم هي مريضة
خاف تسمع وتنهبط اكثر..
وعمج هم محذر عايلته..بس حنين جنها
ماتدري..
اي صح..
يلا هذا اهو يمي ويدزلج سلام..لين
امج هنا مايريد يسببلج
مشكلة..
هه الله يسلمج..
يلا عيوني وداعة الله..
الله وياج..
سديت الخط وانتجيت ع الجرباية..
مغمضة واضحك..
طلع كاعد يمها وهي تحجي..
اي ادري بي مايفوت فرصة..
بس حجيها صحيح ..لازم اساعد ماما..
خطية فوك انهيارها وتعبها انا ازيدها عليها..
مصيبتها مو شوية..
كمت اخذتلي ملابس ورحت للحمام..
سبحت وصحصحت..فعلا نص المرض
حالة نفسية..
طلعت وانا انشف بشعري..رحت للمطبخ
لكيتها جاي تخض لبن..
ها اساعدج بشي..
لا شكومج ماما رجعي تمددي..
خليت ايدي ورا ظهرها وجريتها لحضني..
مابيه شي لا تخافين عليه..اسفة لان قلقتج
عليه فوك تعبج..
يا فدوة لبنيتي..اي هيج اريدج تصيرين قوية..
للحكاية بقية

الشيهانة
الجزء الثالث عشر
شفتها ابتسمت من شافتني واكفة ع حيلي
وحتى نفسيتها تغيرت..
لمت نفسي شلون افكر بمصلحتي وهي بهاي
المحنة..
حضرت وياها العشا وصبينا..بابا من شافني
هيج حسيته ارتاح وفرح...
بس نظرات ماما وصفنتها توحيلي هي تدري..
‏بس ما حسستني..
بقينا نسولف سالتهم عن الحرامي..بابا
كال ابن عم بهادر تكفل بالشغلة..لان مقدم
بمكافحة الاجرام وكال هو يساعدنا ويوصي
الضباط..
لا تقلقين بابا تصير عادي ..بكل وكت موجود
حرامية من زمن الانبياء قابل جديدة الشغلة..
لا بس خاف يرجع..
هه شيرجع بابا صلحنا نظام الامن مالت البيت..
واصلا مايجون اذا بيت بي ناس قابل
مارايدين روحهم..
الله كريم...
خلي حسن ينام يمج لا تخافين..
اي احسن..
صدك بيومها حسن نام يمي ..خطية بقى
يسولف بهاجر ويكول خاف تروح من
ايدي..
كتله اذا مقسومة الك تصير..واحنا نحاول نحجي
وي حنين بلكي تساعدنا..
شوية واجاني مسج من حيادر..
مرحبا..
انا فزيت ووجهي بهت من الخوف يتخيلي هسه
حسن عرف ..
بسرعة غلقت الفون وخليته بصفي..
انوب كمت ارجف..بس غطيت نفسي
عدل كتله السبلت بارد وصحكت مثل
الثولة..
يوم ثاني صحتي احسن الحمدلله..ماما سودة
عليه اباوعلها وجهها مورم وعيونها..
هذا كله وتكابر ماتحسسنا تخاف ننقهر..
ساعدتها بالمطبخ احضرلها المواعين وهيج
اشياء..
لان بس ذني الاكدر عليهم..
ورا الغدا هم راحو لغرفتهم وانا لغرفتي..
تذكرت فوني بعده مغلق..
فتحته لكيت مكالمات من امينة..ومسجات
من حنين..
بس حيادر ماراسل غير رسالته مالت البارحة..
بس اكيد هو كايل لامينة تخابرني..
ترددت اراسله بالاول..تالي كلت يريد يطمن عليه
عيب لازم اجاوبه..
مساء الخير..
جاوبني ورا ثواني..
يا هلا شلونج صحتج كلبي عندج..البارحة
راسلتج وبقى بالي يمج..
كلت لامينة تتطمن كالت مغلق..
تالي كالت لا يضل بالك يجوز احد يمها وغلقته..
لا احسن صرت وجاي اخذ علاج وعسل
اكلت هواي..
اي صح اخوي نام يمي لان اخاف..
اه ..بالعافية مدللتي..يعني اخوج نام بغرفتج؟
اي خطية فرشتله بالارض ههه ونام..
لا ينام بالهول اروحله واروحلج وهم عينه عليج..
امم ..
اكول شيهانتي اريد اسالج لان بالاول ماحجيت
لخاطر صحتج..
بس كلبي لاعب وماهدالي بال..
تفضل؟
عدكم عداوة وي اقارب؟وي احد بالمنطقة؟
لا بالعكس ..اصلا قليل يعني منطقتنا نختلط بيها..
الجيران اغلبها ماتطلع ..
باعي انا ماكدر اتدخل بس من سمعت بالسالفة
هوش مابقى براسي..
البوكة مو مال واحد رايد فلوس ..انت المقصودة..
امبين دارين بيج ابحدج خررب ..
يعني شنو انا ليش..
شاها بنية ويدرون بحدها بالبيت ومريضة
حتى ماتكدر تدافع..كافي لخاطر الكريم..
عقل مابراسي بعد..
عفية حيادر خفت..
افا ..
لا تخافين ارتاحي ..
الشغلة صارت يم رضيعي..
منو رضيعي..
ههههههه يلعن ابليسج ..رضيعي انا يعني ابن
عمي..هههههههه..،
عزا عبالي رجال اسمه هيج..
سلامة بالج عندج نقص مفردات يرادلج تدريب..
اي هواي مفردات ماافهمها ..فد مرة كتلي تنورتج
تهافي مدري شنو ههه..
عوفي السالفة ..انا حالف مااطيح بالحرام حتى
انولج بامر الله..
ها..
راسليني من يصير عندج وقت..حتى لو كل يومين مرة..
المهم اتطمن عليج..
انا واعدة ماما مااتواصل وياك ابد..
وانا مااضمن نفسي اذا تواصلت وياج اعرف
روحي اطيح بالحرام..
سؤالي عنج بشلون حالج يكفي..
اوكي خليها للوقت..انا استأذن..
ماشي صيري قوية اريدج ..
اوكي..باي..
حذفت المراسلة وعفت الفون..صافنة
بحجي حيادر ..
شنو شاك يعني انا المقصودة!خاف ناقصني خرعة
هسه اخترعت بالزايد..
بس يمكن هو لان يخاف عليه هيجي يفكر..
يعني الحرامية ماخذين الفلوس كدامهم
بس يجوز الذهب مالاكي مامدورين عدل..
مرت يومين وحسن ينام يمي..اخر شي
كتله ارجع لغرفتك ..خطية متعذب وياي..
بس ماقبل وصدك بقى ينام
بالصالة ..
وكل شوية يراسلني لحد مايتطمن نمت..
ورا كم يوم وبعد التحقيق ومحاولة جمع
الادلة ماوصلو لشي ابد..
الحرامي مثل الجني ماكدور يوصلون لطرف
خيط منه..
بابا والولد يسولفون..
حسب كلام الضابط المقصود مو فلوس..
تذكرت كلام حيادر .
يعني الغريب المبلغ الماخذي قليل اصلا..
احنا القاصة مالت اهلي بالمنزع ورا الغسالة..
مستحيل تخطر ببال احد..
بس الفلوس الي ماخذيها يعني مصرف يومي
تقريبا مليونين جانن بالكنتور..
ذهبي وذهب ماما بالجرارات موجود ع حطته..
بابا جان مستغرب م هالشي..
وكلش خايف..
بس الشغلة الغريبة وحيرتهم..مالكو ادنى شي
يدين السارق..
مرت هالفترة وكلنا مضغوطين..لان خفنا
اكثر ..
لو جانت سرقة عادية اهون من الي توصلوله..
خالة ام حيدر تجي لماما شوية تغير نفسيتها..
وكل خميس تجينا ونروح سوا للخميس
مالت خالو الله يرحمه..
انتهت العطلة واليوم اول يوم دوام..
كل سنة اتحمس للدوام وانتظره يوم يوم..
هالسنة كوة رح اداوم..
حنين ماتداوم هالسنة..تسوي استضافة او هيج
شي ..بس تمتحن فصلي ونهائي..
مايقبل حيادر تداوم ولا هي تريد..
شكد حاجيتها وقنعتها..بس رافضة بحجة تريد
تتفرغ لزوجها وبيتها..
وهم بهادر مأجل موضوع الاطفال هسه
لح

د ماتخلص دراستها ..
شلون عقل عنده منعها تداوم ..
واجل موضوع الاطفال..
المن باقية بالبيت ماعرف..
بلشت دوامي وهالسنة مرحلة رابعة..
وبهادر هم ياخذنا..بس مادة بسيطة
كلش اسمها اختبارات..
ماعرف هم راح يحط عقده بينا هالسنة
لو لا..
مشت اول ايام دوام..حيادر كلش
قللت مراسلتي ويا وبس كد السلام..
بس جنت انتظر يصيرله شغل بالكلية
بلكي يمر..
بس اكيد من يمر راح ينطيني خبر ..
انا اصلا بالريست ابقى بالقاعة كاعدة..
يم بنات القاعة اسولف وياهن ومرات
نطلع ناكل سوا بالكافتيريا..
ابد ماكعدت برا لا بالحديقة لا بالكافتريا..
بعدت نفسي عن اي شي غير الدراسة..
بس الزاعجني حيدر اكثر من مرة
يريد يجي للكلية..
انا ارفض واكله ماكدر امشي وياك
الناس ماتعرفك منو وتبدي تحجي..
بس انا اصلا بعدته لان اذا شافه
حيادر راح يصير شي جبير..ومشكلة
عواقبها هواي..
وضع ماما تحسن هواي..بس ع طول
مراقبتني..
مرات بالليل انا جوا الغطا..
تدخل للغرفة بهدوء..تفتح فوني..
وتشوف ماكو شي تعوفه وتطلع..
بس تلح بموضوع حيدر..بطريقة
غير مباشرة..
وعزمتهم مرتين ..هو هواي يتقرب..
انا متخذة وضع الصنم..
وكل مرة يحاول يحجي بشي..اوصله
فكرة هو مثل محمد وحسن بالنسبة الي..
صارت الامتحانات الفصلية وجانت
حنين تجي بس تمتحن وتروح..
تطلع قبل لا اطلع اصلا..
وعيت وفهمت نفسي خلاص..هي صارت
الها حياتها الخاصة..
ومجبورة تلتهي لان مشاغلها هواي..
وانا بفصل حيادر وحجي امينة..
هواي امور كدرت اواجهه واصير قوية..
جنت هشة وبس لسان..
هسه تغيرت هواي..
مشت الايام والاشهر..حيادر يمر للكلية
بس قليل كلش..لان ماعنده شغل
بس يدور حجة لشوفتي..
وهم مانكعد سوا ابد كله من بعيد..
خلصت السنة الاخيرة..واجت الامتحانات..
المواد كلها مسيطرة عليها ..
بحثي انطوني امتياز..
بس الاختبارات سعيي ناصي يعني مقبول..
صح هو هالسنة عاملني مثل بقية
اطلاب..
بس اصلا هو بقية الطلاب يعاملهم
بفضاضة..
بس المهم سعيي ناجحة عنده ..لان جنت
اخاف من المشاكل واخاف اخسر
حنين بسببه..
بدت فترة الفاينل وانا بديت نظامي..
انام بنهار واكعد بالليل..ماما تحضرلي اكلي
وملابسي وتجهزلي كلشي..
لان جنت كلش مركزة بالقراية واريد معدل حتى
اكمل ماجستير..
لحد ماكملت فترة الامتحانات وارتاحيت..
صرت من وراها كلش ضعيفة ..لان وجباتي
قلت وتفكير وقلق..
باخر يوم الامتحان ..طلعت من القاعة لكيت
حنين تنتظرني..
فرحت ووكفت يمها..مااعوفج اليوم اخر يوووم..
ههه لا اليوم
ارجع وياج لبيتنا..
صدددك..تعاي نكعد ع مايجي الخط وتخلص رشا
فرة..
لا نروح وي بهادر ..عنده شغل بالعشار وكتله
اخذنا بطريقك..
يو يعني ماراح نكعد ننتظر؟
لا بهادر ينتظر ..بالبيت نشبع سوالف..
المشكلة انا حيادر دزلي رسالة
كال انتظرج من تطلعين من الامتحان اشوفج..
بعد اخر يوم هذا وين اشوفه..
دزيتله رسالة..راح ارجع وي حنين واخوك..
ماكدر ابقى خاف تحس بيه..
رد عليه بسرعة..هذا هو روحي وياها وانا جاي..
رحت وياها للسيارة لكينا بهادر واكف
ينتظر..
عود هو ملابسه صارت احسن..يعني مكويات
وعدلات..
بس الالوان مثل الوان النفاخ..والعرض عبالك
حامل بشهرها..
بس باوعت لعرض بنظرونه برطمت ..حتى
لا ابين اضحك..
صعدنا للسيارة وانا مبرطمة..واصلا انا شفتي مكتنزة..
يعني من مبرطمتها عبالك واحد مرزلني واريد
ابجي ..
شاورتني حنين..شبييج؟
ها لا مابيه شي..رجلج ليش كل مانجي ويا..
يبقى كاعد مايسوق بسرعة..
يجوز ينتظر الكدامه يطلع حتى يكدر يطلع..
وانا بداخلي اكول شكد شيطانة انت شاها..
تدرين بي ينتظر حيدرج بس صايرة لوتية..
ابتسمت وانا اتخيله جاي ومشتاقة اشوفه..
انتبهت لصوت الباب انفتح وهو صعد..
غمضت عيوني بارتباك وفتحتها..
السلام عليكم..
جاوبت بصوت ناصي..وعليكم
السلام..
عدل كعدته وتحمحم..بهادر مالكيت غير هذا
العطر بشرفك..
اوو انت مايعجبك بس المواد الكيمياوية..
ذني عطور نظيفة وطبيعية..
يخنك يحشر بالسيارة مسوي ريحتها
جنها غرفة بيبيتي..
انا سمعت هيج بقيت اضحك ع صامت
شوية تطور الوضع هزاز..
شفت بهادر انتبهلي..
برطمت شفتي وسويت روحي صافنة..
شوية واجتلي رسالة من حيادر..
حنين بصفي اخاف افتحها..
بس حيادر شغلها من حاجاها..
اكول خوية حنين خو مامحتاجين شي
للبيت مسواك للمطبخ..دامني
هنا اخذ بطريقي..
هي حاجته وانا فتحت الفون بسرعة..
مكتوب..شفتج لا تلويها لويتي كلبي وياها
وشلتي ذنوبي..
عدلت حلكي بسرعة وسديت الفون..
دنكت واستحيت كلش..مو عيب يباوعلي
هيج شبي تجرأ..
بس حنين التهت تحاجيه وتكله شمحتاجين
من السوك..
وتالي رجعت حاجتني بهمس..
شفتي شون حاط نفسه بكلشي؟
باوعتلها باستغراب..وحجيت شفهي..انجبي..
هي سكتت..
لحد ما وصلنا..نزلت وصارت عيني
بعينه مشيت بسرعة مستحية..
رحت وياها لبيتهم وانطيت خبر لماما..
جانو ينتظرونا مامتغدين..مرت عمي
محضرة اكل خطية اشكال..
لان حنين هناك تكول تستحي تاكل..
تغدينا سوا وسولفنا يمهم شوية..تالي
كمنا انا وياها للغرفة..
اول مادخلنا استلمتني..
بالاول وقبل كلشي لا احجي عن موضوعج

وي حيادر..
شفتي تدخله؟
شبيج بعد فوكها يسال شمحتاجين!
لا يريد يشوفنا مخلصين المسواك بسرعة
لو لا..لان قبل يومين هو تسوك..
ليش تفهمي غلط حنين..بالعكس يمكن يشوف
اذا ناسي شي ماجايبة بذاك المسواك يجيبه هسه!
شاها انت عمية!؟؟حبه عماج..
تدافعيله وفرحانة بي..وهو اكبر خبيث..
كمت وكفت..
حنين لا تحجين عليه ماماذيج..
وكفت وحجت بعصبية..لااا ماذيني..
من يحوم على اختي وتوامي وياذيها معناها
اذاني..
شنو يحوم ترى هو حبني ما كفر؟
حبه مايفيدج..حبه ياذيج..وانا جنت
متوقعة عدكم علاقة..بس مو لهالدرجة..
مو علاقة حنين ع كيفج..
لا علاقة ولازم تنهيها اليوم..واذا مانهيتيها
اروح لامج واكلها كلشي!!
للحكاية بقية

#الشيهانة
#الجزء الرابع عشر
كلام حنين خلاني اتعصب كلش..كل
يوم تتغير اكثر واكثر..
مرات اشك اكول خاف تورطت ببهادر وحست
نفسها خسرت دلال اهلها وتضوج مني
لان بعدني عد اهلي ومرتاحة..
بس ابعد الشك واكول اختي واقرب وحدة الي
مستحيل تسويها..
حنين هذا شي يخصني مالج حق تحجين لماما شي..
وكتلج مابينا علاقة ..كليلي عندج دليل
عدنا علاقة؟؟
شاها لا تخبليني ..لعد يومية يسهر للفجر
ويامن ها؟؟؟
مكالماته والغزل ويامن قابل انا غبية..
بهت لوني من حجت هيج..تقربت منها
وخليت وجهي بوجهها..
تسمعي يخابر بالليل؟
ليل ونهار وحجي ماصخ ..يعني شون قبلتي
لنفسج ولج..
شنو اقبل!!انا مااحجي ويا بالليل..
ولا عمره حجه كدامي حجاية زايدة..
حطت ايدها ع حلكها وحجت..عزاا شاها صدك..
شنو صدك حنين احجيلي عفية..شيكول
ويامن يحجي..
لزمتني من ايدي وكعدتني ع الجرباية..
باوعتلي بقهر..
عبالي يحجي وياج انا شمدريني..ماشوفين
ماراسلج هواي وشلت عليج..
كلت ليش تمشي بهالطريق شاها وتضيع نفسها..
ولج حجي يخزي ماعرفته الا من بهادر تزوجني..
نزلت دموعي وهزيت راسي بسؤال..
يعني شنو؟
يعني هيج عاجبني اسويلج وجسمج حلو
وشفافج حلوة..
خليت ايديه ع وجهي وبجيت بحركة..تذكرت
من كلي لا تلوين شفتج..
احس حرارة براسي صارت..
متت قهر وبقيت انحب..
جرتني بحضنها وتهدي بيه..
يولي يروحلج فدوة الحقير..انا من قبل حاجيلي
عنه بهادر اصلا..
من يمتى يعني..حجيتها من بين دموعي..
من اول ما كام يجي للكلية..
كمت من حضنها وامسح بدموعي..بس هو من اول
مرحلة جان يجي..
ماجنتي تعرفين بهادر؟؟
اي ماجنت اعرفه..من انخطبنا سولفلي ع سوالفه..
ماسالتي نفسج ليش لهسه مامتزوج..
وهم بسرعة يتزوجون..بلة بهادر التهى بالماستر
وكمل يلا خطبني..
بس هذا شعنده..
ضال سايب بالدول ..كل يوم دولة بحجة
الشغل..
وومخلي بنفسه شي..
كافي عفية حنين سكتي..سكتتها وكمت..
كمت افتر بالغرفة..
احس قلبي يكلي لا تصدكين..
وعقلي يكلي صدكيها هاي مو اي واحد هاي
حنين..
بقيت افتر ودموعي تصب..
هي باقية تباوعلي وساكته..ماحجت اي شي..
اخر شي كامت..جابت الكلينكس ومسحت
دموعي وباستني بكصتي..
يولي يروحلج فدوة وقربان..لا تطيحين
دمعتج..
خلي باجر تقبل بي بت خالته وياخذها ويبقى
يلعب من وراها..
انت اعلى من مستواه ومايلوكلج..
يلا طلعي رقمه وسويله بلوك ..حتى من يخابر
ويلكى نفسه محضور ..يعرف قيمة نفسه شنو..
ماكدر حنين ماكدر..حجيت بعبرة..
اخذت الفون وفتحته..
وخري انت معليج انا تصرف..
بقيت مخليه راسي بحضني وابجي..مامصدكة
بس ماكدر ماصدك بحنين..اعرفها
تخاف عليه اكثر من نفسي..
هاج ويلا لا تبجين..انطيته بلوك من كلشي..
لا تفكرين بي بعد..ذبي كلشي وراج
وابدي من جديد..
انت مو تريدين تكملين ماستر..
كملي واخذي شهادتج احسن شي..
لا تصيرين مثلي..
مرحلة كملتها كوة ومن غير التعنفص عليه
بالبيت..
يا بس تقرا ويا بطرانة ومن هالحجي..
ولو بيدي اهج منهم كلهم ماينحملون ..
المصبرني بهادر ودلاله الي..
الله يخليكم لبعض..
فدوة لعمرج..لا تضوجين..
اليوم نكول لحسن لو محمد يطلعونا نتعشى
برا ونفتر ونفرفش..
وطز باليأذيج..
هزيت راسي وانا مالي نفس بشي..
حيادر من داومت مرحلة اولى جنت اشوفه..جان
فترات يجي للكلية بشغل..
ومرتت نشوفه وي بهادر..
جنت اضوج من بهادر ..لان فض وماعنده
اسلوب ..خصوصا وي البنات..
اكره الرجال ماعنده اسلوب تعامل..
هو يكرهني وماعرف ليش..تصرفاته
وكلشي بي يبين يكرهني..
وهذا الشي كرهني بي اكثر..
وكرهني بكل واحد من طرفه..
حيادر اخوه..وقريب من عمره..
تخيلته نفس الشي..
رغم واضح هم مختلفين..
باللبس..حيادر يلبس اكثر شي..
بنطرون جينز وسترة..
لو قمصان كللش مرتب..لحيته دوم
محددة..
وبهادر يلبس عريض وقديم وحتى شعره
مخربط..
جنت اضوج من شكل حيادر ..لان عيونه
نظراته بيها ابتسامة..
مثل اليكًلون ضحكته بعيونه..
وانا هيج شكول ماحبها..احس شخص
يستهزأ من يباوع هيج نظرة..
بس هو هيج عيونه ربانيات..
هالاشياء كلها جانت تخيلي انا اضوج منه..
من كعد وياي ..ومن اول مرة..شي بيه اختلف..
يمكن لان ماكاعدة وي شاب لوحدي..
اكعد يم اقاربي هواي..بس ابدا ماصار
وياي هيج احساس..
حجيه نصيحته الي..جانت تحسسني انا
انسانه الي مكانة..الي كياني وواعية..
عمرهم اهلي رغم حبي ودلالي..ماحسسوني
انا كبيرة..
هو حاجاني بمنطق..تغزل بلبسي بمنطق..
بحيث قنعني بارادتي..
مافرض عليه شي..وانا راسمة بمخيلتي هيج
شخصية تناسبني..
تناغمت وياه روحياً ..وبفترة قياسية مو طويلة..
كأني جنت محتاجة لهيج شخص..بس مادري
بنفسي..
مرت سنة واحنا سوا..حبيته كلش..
حب نقي وعذري..
وحبيته لخوفه عليه من كلمة حرام او نظرة..
بينما اسمع البنات يسوون وي اليحبوهم
اشكال..وبارادتهم..
هو يعرف انا مو فاهمة بهيج امور ومو كدها..
خله علاقتنا بعيدة عن هالشي ..
هذا كله يخليني احبه..واتكطع قهر من اعرف
بي يسهر ويخابر بنات..
وهذا اليبرر صبره عليه بعدم قبولي باتصالات
مستمرة..
وغزل بكل انواعه..