#قصائد_استشهاد_فاطمة_الزهراء(ع)

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

  .     ألْبَسْ سواد ----- أعلِن حداد
  بمصيبة الزهره الزچيه
              «»«»😭 🏴
ــــــــــــــــــــــــــــــــــــــــــــــــــــــــ
حيدر محتار بمـره ..لعيون امنه الزهره
لعيون امنه الزهره .. حيدر محتار
________
يل معلمنه الصبر .. عمرك بعازة عمر
بعمر الورده وراحت هيه .. حرام
لونك وياها انخطف .. وحيلك الكله رجف
حيلك ما يشبه راعيـه .. حرام

والله من دون الحنينه ما تضل لرسومي لون
من نهد طيحتها حيدر طيح وياها العيون
هذا حيدر هيج صاير على احواله ينشدون
هو اليفارك خليله ما يسيطر عل جفون

بخياله انشوف كسره .. لعيون امنه الزهره
لعيون امنه الزهره .. حيدر محتار
________
ليلـه ما يخلص بعد .. يالي جنتيله السند
روحه بدونج ‏تلچم جرحه .. عليج
بعدج ايموت الدفو .. كون الموادع عدو
چا وذرته بهاي اجفوفي .. عليج

انه حيدر كلميني كلها من بعـدج شلي
علي ابدونج يالزجيه والله چنه مو علي
انتي روحي وبضعه مني وانتي يافاطم الي
بيتج البي جان ذكرج موحش اليوم وخلي

نشتاك بكل حجره .. لعيون امنه الزهره
لعيون امنه الزهره .. حيدر محتار
_________
المارجف مره بحرب .. رجف طوله بالدرب
يمشي ويوكع من اللوعه .. عذاب
الكاسر ابسيفه الفتن .. انكسر بعد ام الحسن
وغسلها من مي ادموعه .. عذاب

راحت الزهره اليشمها چان حيدر من يطب
هسه حيدر يمشي كوه وضل يتيـه بـالدرب
چـنه دافـن روحـه بيـده لأن جانـتـلـه گـلب
جانت امي حيل تـرفه والله مو مالـت ضرب

ماتت بيها الحسره .. لعيون امنه الزهره
لعيون امنه الزهره .. حيدر محتار
_______
دوسة البيت وحرك .. وسطرة الخد والسحك
كلهن صارن بويه گبالي .. جروح
بابك بثگل الجذع .. كسر لمي چم ضلع
وصوبني وذوب دلالي .. جروح

انه زينب لحجي بويه وبالجرح راح امتحـن
من بعد ضيم امي والله انـه اصير ام الحزن
فكلي حضنك هسه بنتك حيل محتاجه الحضن
بيش الوذن وانته دافن حيلك وكلبك يـون

راحت ذيج العشره .. لعيون امنه الزهره
لعيون امنه الزهره .. حيدر محتار
_________
بس ضلع واحد شفت .. وهيج حيل اتغيرت
لو شايفني بيوم العاشر .. شتگول
كبالي نيران الخيم .. وطاح اخويه والعلم
ولو اسولف بجروح الحافر .. شتگول

مو ضلع واحد يبويه ضلوع اخويه بكل كتر
خيول داست صدره يمي وطحنوا ضلوعه الكفر
انته يمك خوش صحبه وانه بس يـمي الشمـر
غسلتها امي وشلتها وجسم اخويه منـشمر

توذر عالگاع صدره .. لعيون امنه الزهره
لعيون امنه الزهره .. حيدر محتار

#سيد_محسن_الجابري
#ونسألكم_الدعاء


▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55

كروب تلبية الطلبات
https://tttttt.me/+EYMpn6BKE-IxYmZi

#قصائد_استشهاد_فاطمة_الزهراء(ع)

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

  .     ألْبَسْ سواد ----- أعلِن حداد
  بمصيبة الزهره الزچيه
              «»«»😭 🏴
ــــــــــــــــــــــــــــــــــــــــــــــــــــــــ#نزال_لمولاتي_فاطمه

نـار العشك تحييني .. حب فاطمه مربيـني
________
فاطمه بوجداني .. فاطمه قرئاني .. لهذا الدمع .. شرايه
هيه قطب الدنيا .. وتعرف شما بيه .. وبكل وكت .. ويايه

روحي يمج يالحنين دوم احس مرتاحه
انتي يا زهرة الدنيا وللـخدم فـواحـه
انتي بالجنـه اميره وصـرتي من تـفاحـه
المايحس ابطعم حبج ما يحس بالراحه

يالخيرج امغطيـني .. حب فاطمه مربيني
_______
فاطمي يدروني .. خدمتج بعيوني .. انتي الضوه .. لبعيني
ماابطل اقرايـه .. حبج اكبر غايـه .. عمري نذر .. واسنيني

مجلسج بي ذكر رحمه ونضره من الباري
اسمج معلك ابروحي ويـالزچيه ابـداري
ليش يالزهرة من اذكرج ما احس ابنـاري
وليش بس يمج يفاطم احچـي كـل اسراري

اسمج صلاتي وديني .. حب فاطمـه مربيني
______
ما احس بجراحي .. وما اكض اصفاحي.. من انهضم اتوسلج
غير حزنج مـالـي .. انتي كـل احوالـي .. خليني رايـه بمجلسج


الما يحس ابنور ذكرج ما يحس ابحاله
واليواضب عالمجالس هذا الف هنياله
اليترس ابسلته معاصي ما تفيده اسلاله
واليطيح دموع لجلج دمعته تحـلالـه

يالنضرتج تكـفيني .. حب فاطمه مربيني
________
مجلسج علانـي .. ويه النجم خلاني .. عن خدمتج لا ما ارد
نعمه وين الكهه .. بضعه انتي الـ طـه .. تگصديني كل ما ابتعد

اليعيش ابفـي عباتـج هـذا الله يحـبه
واليوج نـاره بعـزائج يصيـر ابيـض گلـبه
واليـفك گلـبه ويشـوفج هذا نـوْر دربـه
واليـدك بـاب ام ابيها ما تضل اي صعبه

العـالمج وديـني .. حب فاطمه مربيني
__________
حد اخير انفاسي .. بيج ارفع راسي .. طول العمر ابقه افتخر
انتـي اهلي وبيتي .. وانتـي كل عافيتي .. وانتي الربح من هالعمر

الج كل دمعي وجروحي والج كل تفكيري
شايل ابروحي مشاعر ما فهـمهن غيـري
والله ما ادري شفسرج حايـر ابـتفسيري
واعتذز عن كـل مقصر وعـذراً لـتقصيـري

كلي الج خليني .. حب فاطمه مربيني

#سيد_محسن_الجابري



▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55

كروب تلبية الطلبات
https://tttttt.me/+EYMpn6BKE-IxYmZi

#قصائد_استشهاد_فاطمة_الزهراء(ع)

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

  .     ألْبَسْ سواد ----- أعلِن حداد
  بمصيبة الزهره الزچيه
              «»«»😭 🏴
ــــــــــــــــــــــــــــــــــــــــــــــــــــــــ
لا تتركيني اماه يازهراء .. تبكيكِ عيني اماه يازهراء
ابگلبي صارت نارين .. رجعي لعزيزج لحسين
_______
يزهره مو مال فراك .. كل لحظه بيها نشتاك
روحي تريـدج
بلياج مفجوعه الدار .. ومن بـالي متروح النـار
روحي تـريدج

يايـوم اشوفج يمه يا يـوم
ثگلانه بيـه حتـه الهـدوم
عـرفنه بغيابج بيت الاحزان
وويانه كبرت يـمه الهمـوم

لكي خُذيني اماه يازهراء .. تبكِيكِ عيني اماه يازهراء
بعدج نگضيها ونيـن .. رجعي لعزيزج لحسين
________
كل ما نشوف احنه الباب .. يلچمـنه نـار المصاب
دموعي تسولف
يـايمه هذا انه حسين .. ما ابطـل عليـج ونـين
دموعي تسولف

زهرة حياتي وذبلـت شلون
من كون تعـمه عليج العيون
الماتت امه يعيش مكسور
ولونه يطيح وماله اي لـون

لا تؤلميني اماه يازهراء .. تبكيكِ العين اماه يازهراء
من عمري ذابت السنين .. رجعي لعزيزج لحسين
________
زينب دمعها مـدرار .. ولاذت بأبوها الكـرار
زغيره وشافت
نـار الهضم والطغيان .. ودم الوگـع عالتربان
زغيره وشافت

لـيهسه بـابج بـي اثـر نـار
وضل احمر وواگف البسمار
زينب زغيره وشافت الخوف
ومن تكبر يضربوها بحجـار

دم بـالجبيني اماه يازهراء .. تبكيكِ عيني اماه يازهراء
ماتدري تتوجه وين .. رجع العزيزج الحسين
_______
الحسن يمي يحاچيج .. يبچي ابصمت المداريج
لا ما ترجـع
ما يگدر الوحده يگوم .. ويگلي من بعد اليـوم
لا مـا ترجـع

ويـن الحنينه العاشـت ويـاي
بعـدج ابـولدج تقسي دنيـاي
الشوفت عيونج يمه عـطشان
ارويني منـج شـلي بـالمـاي

ضاعت سنيني اماه يازهراء .. تبكيكِ عيني اماه يازهراء
وشتسوه بعدج السنين .. رجعي لعزيزج لحسين
________
ضل والـدي بس ينوح .. بس جسد صاير مو روح
مـاتت روحه
القـالع ابچفه الـباب .. ادموعه صارتله انگاب
مـاتت روحه

نـار الفراك ايگـول ذبـاح
الفاكد الغالي يعيش بنياح
بالمـغتسل ما ضله كل حيل
لحظه يگـوم وساعـه يـرتاح

اه للـجنيني اماه يازهراء .. تبكيكِي عيني اماه يازهراء
مكسور يحسوب الدين .. رجعي لعزيزج الحسين

#سيد_محسن_الجابري


▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55

كروب تلبية الطلبات
https://tttttt.me/+EYMpn6BKE-IxYmZi

#قصائد_مواليد_شعبان_متباركين_بولادة_اقمار_ال_محمد_ص

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc
🌺🌹🌺🌹 ‌مبارك لكم شهر شعبان

ــــــــــــــــــــــــــــــــــــــــــــــــــــــــ






ــــــــــــــــــــــــــــــــــــــــــــــــــــــــ#هوسات_لمولاي_اباالفضل_العباس ع

ابميلاد الگمر شنـوفي ياهوسه
وانه افكاري خلي والجربه متروسه
ابيا موقف نسولـف كلها ملموسه
حيرنه الكافل بفعاله
_______
فرحنه بمولدك هاليله يالكافل
والماحس بالفرح ياسيدي غافل
اليكصدك ربح والعافك الجاهـل
والعافك خلي يطم روحه
_______
بعيد الحب تسولف عدنه بعض الناس
وما تدري النحبه ابكلشي ما ينقاس
عدنه الحب صدك من نضرة العباس
اليحـبه الكافل هنيـاله

#سيد محسن الجابري

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد_مواليد_شعبان_متباركين_بولادة_اقمار_ال_محمد_ص

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc
🌺🌹🌺🌹 ‌مبارك لكم شهر شعبان

ــــــــــــــــــــــــــــــــــــــــــــــــــــــــ



افراح للأمام العباس ع

فوك النجم خوة وفه راسم .. يامحله اسمك ياكمر هاشم
ابو فاضل ابو فاضل
________
محله هالاسم .. عباس يمشرد الزلم .. عباس
يحله من النجم .. عباس
حلوه خوتك .. عباس كلفه احجايتك .. عباس رفـت رايتك .. عباس

انته الماي يالرواي نورك بالسمه ضوه
اليتعنك هم يلكاك ماي وبسمه يتروه
الصد اعليك ويحاجيك امـه جابته توه

ليگصد عيونك مايرد نادم .. يامحله اسمك ياگمر هاشم
ابو فاضل ابو فاضل
_______
يحله من الگمر .. يا ماي ونحر .. يغله من النضر
يا كلمـة هـله .. بـاء البـسمله .. مـنور كـربلـه

اسمك عاش بيه وصار اسمي خادم انفاسك
غير احساس بين الناس رافع راسي يم راسك
من اشتاك روحي تـروح تاخذني لـشباچـك

لتسطره يوگع منكتل لازم .. يامحله اسمك ياگمر هاشم
ابو فاضل ابو فاضل
______
ما تخطه بفعل .. ياصعب وسهل .. حيرت العقل
حجاياتك همس .. ضرباتك ترس .. اجفوفك درس

فكري احتار حيل وصار واهم بيك تفكيري
من ارثيك ما اوفيـك ومـا ينـفعني تـبريري
مو عالماي انته هواي وما اوصل ابتصويري

لتسطره يوگع منكتل لازم .. يا محله اسمك ياگمر هاشم
ابو فاضل ابو فاضل
_________
هيبه ريشتك .. ترهب خزرتك .. تخضر كلمتك
يضحك بالحرب .. شابعهم ضرب ..ماعنده صعب

غيره وجود يحجي بزود واگف بالخيم ينطر
مو بس سيف لا بالكيف خيـاله هم بعد يسطر
بلايه رماح بس اصياح يـردم بيهـم ويشـمر

ليشمره چفه ما يضل سالم .. يامحله اسمك ياگمر هاشم
ابو فاضل ابو فاضل
_______
شبعهم نـزف .. النشمي التچف .. خاسفهم خسف
صـياد العده .. تكـتل سـاعده .. مـنهو ايعـانده

من يغتاض مو مركاض تطفر كلها كدامه
اليتعناه وبيده الواه بيده ايطكطك اعظامه
بجدمه يدوس كل الروس والدم يوصل الهامه

منهوللي يوصل والگمر نازل .. يامحله اسمك ياكمر هاشم
ابو فاضل ابو فاضل
#سيد محسن الجابري
#ونسألكم_الدعاء


ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__محرم_١٤٤٦_ه‍

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc
🥀
اللهم ارزقنا البكاء والجزع على الحسين🥀
ــــــــــــــــــــــــــــــــــــــــــــــــــــــــ


يـابشر .. عليمن جايب اخبار .. احچي ابكربـله اشصار
وجت بيهم النار .. ويلي
يـابشر ..گلي بگرت العيـن .. عـوف اولادي بعـدين
وسولـفلي على حـسين .. ويلي
###########################
يابشر احجيلي كلشي المشتـكه للبـاري
وقبل لا تنـعه المدينه تنعه كـون ابداري
كـربله احچيلي عنها وگلهـا عن اخبـاري
والله من يوم العفتهم كامت اتوج ناري

توج وتستعر .. وبگليبي الجمر
بلا ضحكة هلي .. ما اريد العمر

يـابشر .. ارسومك تشرح الحال .. عينك بيها مرسـال
احجيلي مدوهن البـال .. ويلي
يـابشر .. توجع كلمت الوين ..عوف اولادي بعدين
سولفلي على حسين .. ويـلي
#############################
كلت لزهره الزچيه عمري فدوه الاسمج
واربع ابنيني انذرتهم حـته اخـدم والـدج
وروحي هم افديها الهم لان روحي تحبج
وعيني من كد ماتشوفج كل مسيه اترسمج

عيوني مساهره .. وابقه مناطره
انذرت ولد اربعه .. واحس امقصره

يـابشر .. جايب خيمه وارماد .. جـرح البيه يزداد
وافوا گلـي الاولاد .. ويلي
يـابشر .. تدمع گامت العين .. عوف اولادي بعدين
سولفلي على حسين .. ويلي
###############################

من بعد مسمعت منج سمعي مني شصاير
عظم الله اجرج ابولدج يـالعميتـي النـاظـر
جعفر وعبدالله راحوا وانكسر كـل خـاطر
وهم بعد عثمان مات وجثته جوه الحافـر

تغطوا بالـدمه .. وماتوا بالضمه
الوصيتج نفذوا .. ورضوها الفاطمه

يـابشر .. لا تحچيلي تفصيل .. مني رايح الحيل
گلـي اشداست الخيل .. ويلي
يـابشر .. ما متحمله للحين .. عوف اولادي بعدين
سولفلي على حسين .. ويلي
###############################
وابو فاضل شحچي عنه وشحچي عن چفينه
حسين شيب من وصله وطاح يـمه حسينه
بلا ظهر ضل يمشي گوه وسهم شاف ابعينـه
والهضيمه بلا چفوفه ومستحي من اسكيـنه

نزف كد غيرته.. وخجل من طيحته
يهم بس بالخيم .. واخيته تنـخته

يـابشر .. گلبي اتگطع ابهاي .. كلي هم شرب ماي
عندي الكافل هواي .. ويلي
يـابشر .. الكافل انطه چفين .. عوف اولادي بعدين
سولفلي على حسين.. ويلي
################################

بشر ضل ينعه المصيبه وگام يهمل مدمعه
وگلـها مـا قصرتي بيهم خوش ربيتـي اربـعه
تلاثه طاحوا فدوه لسمه حسين طيب منبعه
وابو فاضل هذا راسه وجـسمه يم المشرعه

ابو فاضل غضب .. كتل بيده وضرب
وصل يم النهر .. ولا گطره شرب

يـابشر .. كالت والسبي شلون .. گلي اشباقي بم عون
الـها تعمـه العيون .. ويلي
يـابشر .. زينب شافت اونين .. عوف اولادي بعدين
سولفلي على حسين .. ويلي
################################
والمصيبه الجاي بيها ويا عظـم هالمحنه
لمو حسين بحصيره وطعنه فوك الطعنه
وزينب اتصيح اعلى خوها بعد عينك ضعنه
وجهـوا راسه عليـنه لسـبي مـن رحـنـه

طاحت عالجسد .. زينب وشبعد
لو شفتي الضعن .. متعرفيها ابد

يـابشر .. اخ الابني من طاح .. وزينب صعبه تـرتاح
وعمري يگضي بنياح .. ويلي
يـابشر .. ميت ابني الحنين .. عوف اولادي بعدين
سولفلي على حسين.. ويلي

#سيد_محسن_الجابري

ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__محرم_١٤٤٦_ه‍

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc
🥀
اللهم ارزقنا البكاء والجزع على الحسين🥀
ــــــــــــــــــــــــــــــــــــــــــــــــــــــــ


اللـيله حاجة عدنه وياج ونعـرف ما تردينه
عليـج ابخـوة العباس بسجل عباس سجلينه
___
بسم ام الكمر نبدي عزانه وتشهد الدمعه
اليحضر مجلس ام عباس ترزقه الجاه والرفعه
واكيد الزهره موجوده ابعزانه الطاهره البضعه

تـفرح باليدك صدره .. وتحزم بالنذر عمره
وترزقه الدمعه والنظره
عليج حسين يم حسين منج لا تحرمينه
_____
بي سر مجلسـج والله وسرج ما تفهمه الناس
ليش من اذكر امصابج يروح الگلب يم عباس
ضحيتي ابأعـز ولـدج وتضحيتج ولا تـنـقاس

يالضحيتي كـل ولدج .. وچان حسين كل همج
تعلمنـه العشك منج

ارزقينه البچي لحسين وبعباس حزمينـه
____
نعرفج ما تردي الناس ويمج ما يضل سأل
نريد انصير فيْ لحسين وخدام الابو فاظل
سجلج بالعطه معروف وتاريخج يضل حافل

عليج ابداعة ابنينج .. نريد انعيش بونينج
ونصير الماي لحسينج

كون ابـدفتر العشاك تتسجل اساميـنه
_____
اليقره الفاتحه وينخاج ما يحـتار بسنيـنه
قبل لا يطلب الحاجه كلشي يريد تنـطينه
كريمه وچفج ايخجل ونـعرف ما ترديـنه

يالجودج يگـر العيـن .. كون انصير بس لحسين
وما نگطع ابد الونين
حاجات الخدم هايه ويـه حسين خلينه
_____

بعزاء الضحت ابكلشي عزانه يستمر لازم
وتضل رايتنا مرفوعه من خادم الى خادم
تضل جمرتنا متوجره لحد ما يظهر القائم

وهناك العزاء يحله .. بحظور المهدي بالسهله
والمجلس وله انمله
تزيد الحركه واللوعه بحظور المهدي وونينه
___
#سيد_محسن_الجابري

ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__محرم_١٤٤٦_ه‍

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc
🥀
اللهم ارزقنا البكاء والجزع على الحسين🥀
ــــــــــــــــــــــــــــــــــــــــــــــــــــــــ



حسين حسين حسين مولاي الحسين
#################
من زغر سني عشگتك يا نهر
ما اعوفك لو يخلوني ابصقر
لجلك اتحمل يمولاي الخطر
ابقه اخدمك لو يگطوني وذر
##################
عمري بس وياك احسبنه عمر
يالمخلي بصدري لمصابك جمر
ابد ما احسب العيدي لو يمر
بس اعد الحزنك وابقه انتظر
###################
حسين ياديني وحياتي ومهجتي
حسين بس عليك انزل دمعتي
حسين ايامي وسنيني وفطرتي
حسين ياروحي وجروحي وراحتي
#####################
ما نحس ابقيمه لوما خدمتك
ما نحس ابنعمه لو ما دمعتك
ما نحس بالكلمه لو ما كلمتك
ما نحس ابراحه لو ما حضرتك
#####################
اللي يتعب ليك ما حس بالتعب
والي يدخل عالمك شاف العجب
والي ميعرفك يمولايه رسب
انته لا مو بس ذهب فوك الذهب
#######################
كون اضل وياك بالحب ما ازل
كون نيتي اتصيرلك نية طفل
كون من اسمع ابأسمك اشتعل
كون انجر بالسبي بذاك الحبل


#سيد_محسن_الجابري
ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__محرم_١٤٤٦_ه‍

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc
🥀
اللهم ارزقنا البكاء والجزع على الحسين🥀
ــــــــــــــــــــــــــــــــــــــــــــــــــــــــ

بالـخيمه الحچي تاليته عالفطره
صار امشابك الدمعات بـالـنضره

الحجي صار .. ضمه ونار .. بدمعة الحره
_
تعنه وكصدها بالحزن .. والخطوه يثگل بيها
يصبرها راد ابروحته .. بس شو دمـع كاضيها
كـللها دمـعاتج سـتر .. بخفيه يخويه اجريها
تمعن بالعيون وكشف .. سر الحياه راعيها

مو بس عمري الك افديلك عيوني
ولا اشوفك امـگطع من يـسألوني

الرمل حار .. ضمه ونار .. بدمعة الحره
___
شمت قميصه وشافته .. و تـذكرت امها ابضلع
كلتله حـَل وكت الفرض .. وموادع اجروح ودمع
وصتني امي بهالوكت .. ياخويه لوصيتي استمع
شمي جروح السحكته .. او بوسي راسه المنكطع

لو شفتي الشمر متربع ابصدري
اقري الفاتحه ابدىعاتج التـجري

صبع طار .. ضمه ونار .. بدمعة الحره
__
ياخويه ما بعد الذبح .. يصير النهب بالخيمه
من غير نار التشتعل .. ومراكض ابهل هيمه
واحد يطك الاخر يسب .. بلا رحمه وبلا شيمه
عينج عله هذا الضعن .. صيري الحزنهم غيمه

كـفالج وكـع وتـبده كـل جـوده
بس انتي وكفو بالخيمه موجوده

الكمر غار .. ضمه ونار .. بدمعة الحره
___
كلتله والمدمع يهل .. هواي السوالف هـيه
سهله الخيم خل تحترك .. شلون بركض علويه
يوجعني ياخويه العتب .. اعذرني هـذا البـيه
كدامي بنتك تنضرب .. وتـتسـلب الترجيه

طفله وبالحرب ياخويه صبرني
تكلي عمه ليش الشمر يضربني

والاشرار .. ضمه ونار .. بدمعة الحره
___
حاجاهه بجروح المتن .. وضل يشرح ابموضوعه
نار وشمس خيل وضرب .. وبين الغرب مفجوعه
كللها يوجـعني الـسبي .. وكامت تـشم اضلـوعه
يبجي الحـسين ومنكسر .. وزينب تنشف ادموعه

سهرانه وعيونج تـرصد المنظر
ما بين الرمح والشامت اليفتر

والحجار .. ضمه ونار .. بدمعة الحره
___
#سيد_محسن_الجابري


ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__محرم_١٤٤٦_ه‍

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc
🥀
اللهم ارزقنا البكاء والجزع على الحسين🥀
ــــــــــــــــــــــــــــــــــــــــــــــــــــــــ


عباس صاحوا لو علي هذا النزل للحومه
#################
غضب.. وعيونه حمر
غضب.. ضل يشمر شمر
غضب.. وبصدره جمر .. هذا عباس

برز.. وانزاح الهوه
برز.. يكتل باللوه
برز.. اليشوفه خوه.. هذا عباس

اليشوفه ما يحس برفيجه
مايلحك حته يبلع ريجه
السبع بيهم يشگ ابزيجه
صارت ارض الطف عليهم ضيجه

ياويله اليوصل لخيامه (هوسه)

اليوصل الحد الخيم اتطيح حته ارسومه
########################
هجم.. من شاف الخصم
هجم.. بقائدهم تضم
هجم.. ضل بيهم يطم.. هذا عباس

سبع.. ما همه الخطر
سبع.. واحله من الگمر
سبع.. نازل چن مطر .. هذا عباس

البرزله والله يقهر حاله
والشرد منه الف هنياله
اليعرفه ما وصل لخياله
شمر حته الخيل عالخياله

تتراجف منه الخياله

السلم منه بالحرب بس اليذب اهدومه
########################
شهم.. شايل كربله
شهم.. من يوصل اله
شهم.. حامي العائله.. هذا عباس

رسم.. طف من الزغر
رسم.. اسم ام الخدر
رسم.. بجفوفه النصر.. هذا عباس

من زغر سنه وثگيله متونه
يضمه حيدر چان ليحسدونه (بها روايه)
بالحروب الكافل ايعرفونه
يخبط الجيش وتوج اعيون

ماينگض لو شد الثامه
تارس الطف ابغيرته وسطراته ما معلومه
######################
گمر.. كافل للخيم
گمر.. وبچفه علم
گمر.. والوحده هجم .. هذا عباس

رزن.. كلفه يمنته
رزن.. كد احچايته
رزن.. واخته اتنخته.. هذا عباس

وصل للماي وغرفه بيمينه
ماشرب منه ترس لسكينه
نهر غيره طالع من اجبينه
وكامت الجربه تبوس بعينه

ومعلگ جربه اعله متونه

الجربه تارسها وفه من گصته الملچومه
#########################
خسف.. بيهم هالارض
خسف.. ابطول وعرض
خسف.. بسيفه منتفض.. هذا عباس

فحل .. سد عين الشمس
فحل .. يخنگ بالنفس
فحل .. لقنعم درس.. هذا عباس

رجف حته الماي من النضره
والشرد مرعوب طاح ابخزره
اليخطفه ايموت من السطره
والگصدله بيده يحفر گبره

ليگصده بيده يطم روحه
نضراته ماتخطي ابد والسطره هم محسومه


#سيد_محسن_الجابري

ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__محرم_١٤٤٦_ه‍

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc
🥀
اللهم ارزقنا البكاء والجزع على الحسين🥀
ــــــــــــــــــــــــــــــــــــــــــــــــــــــــ

#للعليله

ذبلت حته عيوني .. وياكم فدوه اخذوني
وياكم فدوه اخذوني.. لتعوفوني
#######################
طفله ما احمل قهر.. والله يوجعني السفر
عمري بدونك صاير بويه.. عذاب
بعد ما چانوا الي.. بلحظه راحوا كل هلي
وصارت كل سنيني بغربه و.. عذاب

فاطمه بنتك التحچي بويه والمدمع يهل
مو عليله وياك بويه اگدر ابكلشي احتمل
خذني سجاده الصلاتك خذني اهزاً بالطفل
ليش كل اخواني راحوا ليش بس انه اضل


وحدي لتعوفونـي .. وياكم فدوه اخذوني
وياكم فدوه اخذوني.. لتعوفوني
#########################
كعدتي وياكم سوه.. هيه لجروحي دوه
بيوم الرحتوا خضر جرحي.. جروح
ميت ابريتي الهوه.. وعيني ماشافت ضوه
ذبلت من دموعي وشافت.. جروح

والله يقهر حالي بويه وعمري مو كد الرمح
ومن اشوف اطفال تلعب ويه اهلها انـجرح
بيش اصبر روحي گلي وانـه مكسورة جنح
عمري طفله وگلبي شايل نار وخيام وذبح

شالت جربه چفوني .. وياكم فدوه اخذوني
وياكم فدوه اخذوني.. لتعوفوني
###########################
بعمري ما عشت البُعد .. زغيره وبعمر الورد
واتلوع من ضيم الفرگه .. عجيب
معلگه ابالي الصور .. قبل لا اشبع قهر
واتعذب من نار الحرگه .. عجيب

من تمرني المغربيه اذكر اسنيني المضت
هنا ضحكنه هنا لعبنه وابد ما عيني بچت
هنا تسولفلي العقيله وكل سوالفها بخت
هنا يجي حسين ويضمني وروحي يمه تفرفحت

خابت كل ضنوني .. وياكم فدوه اخذوني
وياكم فدوه اخذوني.. لتعوفوني
#############################
زغيره واحتاج الدفو.. بنيه وبعازة ابو
والله فراگ الوالد يـوجع.. واذوب
شحسبلكم وانتظـر.. اللحظه احسنها عمر
واتذكر كل لحظه وياكم.. واذوب

الفارگ الخيمه الچبيره يگضي عمره بلا وطن
وانه روحي هسه احسها جنازه ملفوفه ابچفن
كلشي ميت صار بيه وعلتي زادت بـالمـحن
بس جسد موجود يمي وروحي راحت لضعن

روحوا ولا تنسوني.. وياكم فدوه اخذوني
وياكم فدوه اخذوني.. لتعوفوني
###########################
من بعد كل الحچي.. راح اموت امن البچي
رحموا بحالي ورجعوا شويه.. خيال
لختي مشتاگه وردت .. احچي الها الما شفت
متعوده وياها احچي البيـه.. خيال

ولبو فاضل عمي والله حيل مشتاگه اله
كافل الخيمه ويه زينب گصته غيره مبلله
امنيتي چانت ويه عمتي گون اروح الكربله
وامشي مسبيه واشاگف بيدي ويه العـائلـه

تحمل سوط امتوني.. وياكم فدوه اخذوني
وياكم فدوه اخذوني.. لتعوفوني

#سيد_محسن_الجابري


ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__محرم_١٤٤٦_ه‍

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc
🥀
اللهم ارزقنا البكاء والجزع على الحسين🥀
ــــــــــــــــــــــــــــــــــــــــــــــــــــــــ



شهر الحزن گرب بالـونين
خدامك انضل طول السنين
####################
بشهر المدامع بي تحزمنه
ونحس ابونه المهدي جن يمنه
نبقه بعزائك هذا كل همـنه

منسولف ابكلمات .. تسولفلك الدمعات
والدمعه تحيينه
نشعلك الشمعات .. نرفعلك الرايـات
والخيمه تروينه

خيمة الخدمه تطفي نـارين
خدامك انضل طول السنين
######################
كل خادم ايعبر عن جروحه
بالخدمة ويضحيلك ابروحه
يخفيلك ودمعاته مفضوحه

اليخدم ابنـوماس .. يتعله بين الناس
يتنوْر ابعشگك
بيك اليعلي الراس .. يتكفلـه العباس
ويحسبه من ولدك

ويخلي اسمه ويه الموالين
خدامك انضل طول السنين
######################
بشهر الخدامه كلمن ودوره
كلمن يخدمك ياخذ ابنـوره
غايتنه كون الزهره مسروره

واحد يوزع ماي .. والثاني وزع چاي
واليقره عالمنبر
واليكتب الابيات .. واليلطم ابحسرات
واليبچي عالمنحر

مقبول كلشي بخدمة حسين
خدامك انضل طول السنين
########################
بهاي السنه يزهره حزمينه
وبكل سنه كونج توفـقينه
عـالدمعه والخدمـه تـربينه

لازم نشد حزام .. بهاي السنه وكل عام
يبقه العزه دائما
عدنه جرح عاشور .. كل سنه بينه يفور
ونـفرح القـائم

المهدي حزنه باقي للحين
خدامك انضل طول السنين
#######################
كل سنه لازم هالخدم تكثر
الخدمة نعمه ونعمه من تكبر
نحيه ونمـوت الخدمة المنحر

لو لا الخدامـه انضيع .. لدمعـه لا منبيـع
الزهره تشريها
ام الخدم كل عـام .. اتوسم الـخدام
والخيمه تطفيها

تـطفي جهنـم دمعة العين
خدامك انضل طول السنين
#######################
يبقى الحسين ابكل وكت دائم
هذا شعار الخدمه والـخادم
من المهد خدمتنه للـقائم

الحرگه بينه تزود .. للحجه احنه اجنود
لبن الحسن نهتف
لثار الضلع وحسين .. باجر تطيب العين
ابكلمتنا ما نخلف

ناخـذ ابـثار الضـلع والـدين
خدامك انضل طول السنين

#سيد_محسن_الجابري
ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__محرم_١٤٤٦_ه‍

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc
🥀
اللهم ارزقنا البكاء والجزع على الحسين🥀
ــــــــــــــــــــــــــــــــــــــــــــــــــــــــ



#وصية_خادم

اوصيكم يخوتي بهـاي الوصيه
اذكرون من اموت ابكل حسينية
____
وصيتي بلا وصيه رايد احچيها
يعني ما اوصيكم بعد بيـها
راح اسكت واخلي دموعي ترويها
واطلع من دليلي خنكة الريه
_
بدمـوع السوالف تطلع الحسرات
والسان الدمـع اصدق من الكلمات
ما مات الخدم نحر العشك ما مات
لا تبچولي بس ابچوا اعله لطميـه
_
وصيتي بكل مجالسكم تذكروني
وبـراية الخـدمه هنـاكه لـفونـي
قبل دفني ينـاس حسين زورونـي
وخلوني ابضريحة اتنفس شويه
__
خلوني ابضرحية انفجع ياناس
واقرولي قصيدة حزن يم الراس
بعد حسين ودو اجنازتي العباس
يـم الكافل ايزول الرعب بيـه
__
بعد شمة ضريح الكافل ومايه
سوولي اعله گبري مجلس اقرايه
بلكت الكه زينب حاضره ويـايـه
وامي الزهراء تتلكاني هم هيه
__
قبل لا يثگل السانـي بثگل الجواب
وقبل لا ينغلق باب الگبر بتراب
خلولي قصيده ولا تخلي انگـاب
قصيده ابگبري واقراها بحسن نيه
__
هنياله الخلص لحسين كل عمره
هنياله الحضه من فاطمه بنضره
امنيتي امـوت ابمـجلس الزهـره
وتصعد روحي واثـار اللطم بيـه
__
بحسن نيه حچيت ودمعتي الغايه
وانتو يالـخدم للـدمعه شرايـه
هاي اوصيتي يـمكم وانتو وفـايه
تذكروني من اموت ابكل حسينيه
_
#سيد_محسن_الجابري
ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد_المشايه_والاربعين_١٤٤٢هجري

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

يبقه العشگ لحسين. وبحبّه متمسكين
لا سنة ولا سنتين. حد المنية حد المنية

ــــــــــــــــــــــــــــــــــــــــــــــــــــــــ



خادم وزاير

خادم .. زاير وگـاصد الـه
خادم .. جيت اواسي العائله
خادم .. لازم اوصـل كربلـه .. خـادم
________
جيت ادك الثايه .. واخدم المشايه .. بيدي شايل رايه ..
وجيت اله
للـخدامه مناطـر .. بلكي احس بالحافر .. ياهلـه بالـزاير ..
يـاهله

خطواتك محسوبه بعين ام الحسن
يانعمه بكل خطوه تشيـدلك صحن
ماتتعب لـو تتعب يرتـاح الـگلب
وليفارك هـالخدمه چـن فارك وطن

شايل .. بگصته ماي من النهر
شايل .. گـمر وبعينـه الگـمر
شايل .. وفه و غـيره ومـرجله .. خادم
______
زلمه يتبع زلمه .. ويحترك بالخدمه .. حسين هو النعمه ..
التنشكر
جنه الله وجوده .. عل ارض موجوده .. كـربله مـكصوده
بهالعمر

سر بيها هالخدمه ويعجب العجب
بس اتراب الزايـر اغلـه من الـذهب
اليخدم مايخدم چن عايـش ملـك
وبس يشوف الگبـه ميضل اي تعب

ماخذ .. بيده صك الخدمته
ماخذ .. من ابو فاضل رخصته
ماخذ .. كـل جـروح الـقافله .. خادم
_______

موكب ابصف موكب .. والملائك تنـدب .. والخدم لتعزب
للخـدم
والخيم بس تنحب .. لجل خيمة زينب ..والجدم ما تتعب بـالجدم

مشايه يسمونه ويا محله الاسـم
والما يمشي ايـزوره خيگص الجدم
الزلمه يعدونه بتضحيته الصـدك
والميزور حسينه مـو مـن الـزلم

ماشي .. النعمة الله اعله الارض
ماشي .. محبتك عدنه فـرض
ماشي .. وعـشكي محد يوصله .. خادم
__________

ابو الموكب نــاره .. تـغلي ويـزواره .. وترف بيد انصاره ..
رايـتك
يشدحيله بجرحه..يون ليله وصبحه..يسجد من الفرحه .. لخدمتك

من اطباع العاشك يخلص بالعشك
واليـحبـك يالضـامي لازم يـحترك
الخادم لو زارك يخجل والسبـب
لازم مـن ايزورك ايحس بالسـحك

جرحه .. ابـد ميفيده دوه
جرحه .. يطيب بس بنينوه
جرحه .. كبر بجروحه وغـله .. خادم
__________
بـربعينك تـنزل .. الامـلاك وتـهمل ..بـالدمع واتـقبل .. بالحـظر
الانبياء تنظرنه .. والكمر گاصـدنه .. وهم تره حاضرنه ..
المنتـظر

المهدي ويانه وبعيونه الدمه
ولو يتعب اي زاير بيده يحزمه
نتلكه ويه الحجه زينب والضعن
بهاي الخدمة اتبين اسرار السمه

يفـرح .. كلمن ابـمشيه تـعب
يفـرح .. بدربه ويشوف العجب
يفـرح .. بـدمع عـينه الهامـله .. خادم

#سيد_محسن_الجابري
#نسألكم_الدعاء

ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد_المشايه_والاربعين_١٤٤٢هجري

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

يبقه العشگ لحسين. وبحبّه متمسكين
لا سنة ولا سنتين. حد المنية حد المنية

ــــــــــــــــــــــــــــــــــــــــــــــــــــــــ

رايه تخفك رايه .. لـلحسين الغايه .. حيهم المشايه .. للحسين
_____
ياهله بكل الحضر .. شايل بعينه كمر
من النهر حد النحر .. هله بالزاير هله
نعـزبلكـم بـالدرب .. عيونه ولا مو صعب
عدنه كلمه من الگلب .. هله بالزاير هله

هله بالوفايه صحنه يالخدمتـو بالمحن
قبل لا نفتـح گلبنه انفتـح ديوان الحسن
كل سنه للخدمه نسعه وما نفض طول الزمن
احنه تربات ابو اليمه الصار للخادم وطن

حبه نابت بينه .. عـالوفه اتـربينه .. ما نبطل اقرايه
للحسين
_____
بينه لسعه من الخيم .. ونفتهم حچي السهم
جرحـك اويانـه انسجم .. ورايتك فوك الفله
نمشـي بدروب الهـزل .. لـدربك انـزيد الحمل
ومـا يگيدنـه الـحبل .. ورايتك فوك الفلـه

اليخدمك يابو سكنه يعيش بيـامك عمر
واللي ما حس ابنعمتك ما يحس بس ابفقر
تسكت الدنيـا واهلـهه بجرح حزنـك من يمر
والمشـه كاصد ضريحك دوم بسمـك يفتخـر

جرحك اليـندله .. ينسه تعبه كلـه .. بگلبه دك الثايه
للحسين
______
زيـارتك من تبـتدي .. هـواي عالـم تهتـدي
كـل طوائـفنه تجي .. ونعـتنيك الـكربلـه
واحنه منـقصر ابـد .. ويه الگـمر عدنه عهد
ينطي من جوده المدد .. ونعتنيـك الكربـله

كلهـه تلتـم ابضريحك والحضرتك تگصـد
الشيعي والسني ومسحي بصحن حبك تگعد
كل الاديـان الاجتي بـكل حروفـك تـهجـد
هـوه اليحب ابـو الاكبـر نـاره ابـد مـا تخـمد

عشگـك الجننـه .. ابـدربك اتجمعنـه .. بكل درب عنايه
للحسين
_________
نسعه وانشد العزم .. وبربعيـنك نـلتزم ..
لخدمتك عندك زلم .. ترحب ابكل المله
رايـة البصـره عـلت .. والجنـوب اتحضـرت
والنجف كلها اجـت .. ترحب ابكـل المله

بكل طريق انشوف وادم بالخدامه تحله
الخادم ايـحسب الزايـر مثل ابنـه واغـله
بيـنه تحتـار العوالـم و المواقف تغـلـه
دوم مفتوحه المضايف والكرم احنه اهله

بينه خير الساده .. من علي واولاده .. بكل زمن وفايه
للحسين
________
دربك امعجب العجب .. حيل يرتاح التعب
كلـشي لحسين انجذب .. ويمشي ويه القافله
السمـه بيـنه تـحـف .. كلشي لجلك يـختلف
و مـا يكف هذا النـزف .. ويمشي ويه القافلـه

كل سنه انزيد ابعزمنـه و الخدم تتنـافس
وكل الاجناس الاجتي بـالعجـل تتجانـس
الاجنبي انشوفه ويه عربي بالدرب يتباوس
حته الاملاك ابجنـحه ويه الخدم تتلامس

درب ماكو منـه .. درب سيد الجنه .. شفنه بيك هوايه
للحسين
__________
بالنهايه بهالسفـر .. ناخذ ادروس وعبر
رحله بيها المنتظر .. يرحب بكل الهله
وتنزل اسرار السمه .. وامنه تحضر فاطمه
وشال حيدر قائمه .. ورحب بكـل الهله

يسجل الخدام كلها وينطي بـچفوفه الدوه
كل ظلام الدنيا ضجت وانتصر درب الضوه
والهـوه المابي نفسـكم ما نشم هذا الهوه
وسوه تخدم هالمواكـب والعطاء ابنينـوه

نخدم ابكل لوعه .. والخدم مفـجوعه .. الك ننطي احچايه
للحسين

#سيد_محسن_الجابري
#نسألكم_الدعاء



ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد_شهادة_فاطمة_الزهراء_ع

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

🏴من آذاها فقد إذاني 🏴🥺
ــــــــــــــــــــــــــــــــــــــــــــــــــــــــ

نزال_لمولاتي_فاطمه

يازهراء .. يافاطمه
#####################
احنه تربات المجالس يم حسن وفايه
ما نحس بالدنيـا كلها نحس بس بقرايه
من بقاع الدنيا جينه وترف بينه الرايه
كلشي ماعدنه يزهره وانتي النه هوايه

دوم اعيش ابونـه .. وما اعيش ابمنه
انتي ام الجـنه .. يافاطمه
#######################
مصيبة الزهراء عظيم وفـاز ليواسيها
كون ذني عيوني دوم الخدمتج اعميها
الدمعه لو رادت تطيح اليـا وجه ننـطيها
وانتي بادرتـي بدمعنـه وكلتـي انه اشريها

يالخدمتج تسوه .. نارج اشكد حلوه
من رحتلج فدوه .. يافاطمه
#########################
للأمام الهادي جينه وبالمدامع نحـدي
والحسن ياخذ بدينه وصرنه مثل الجندي
شما يطول العمر بينه نرد بسمج نبـدي
لأرض سامره اجينه انواسي امام المهدي

بالضلع والحسره .. جينه ننعه الزهره
وتبقه بيـنه الكسره .. يافاطمه
##########################
العاشك الخانگته نارج ما يحس ابحالـه
واحنه يالزهراء بعـزائج كل وكت رحاله
اليموت ابدرب عشگج هذا الف هنياله
الخادم بوكت الشدايد تحجي بس افعاله

ما يحس بجروحه .. ودمعته مفضوحه
انتي صرتي بروحه .. يافاطمه
##########################
صرتي بس انتي حياتي والعمر ما اذكره
وبس الج تحله المدامع والج تجري العبره
اهلي ربوني اعلى حبج يم حسن عالفطره
وابد ما سموني بسمي كالوا ابن الزهـره

اسمج العلاني .. وبيج رافع شاني
جرحج الربـاني .. يافاطمه
##########################
ابد ما يبرد حزنه توج دوم الحرگه
لچن يالزهره الحزينه متنه من الفرگه
يمه من نذكر المهدي تضل بينه الشهگه
هم يجي يوم ونشوفه ونحضنـه ونشبگه

نقبـل ابرجلينه .. ونمسح ابچفينه
والنه تنـظر عينه .. يافاطمه ############################

#سيد_محسن_الجابري
#ونسألكم_الدعاء

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد_شهادة_فاطمة_الزهراء_ع

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

🏴من آذاها فقد إذاني 🏴🥺
ــــــــــــــــــــــــــــــــــــــــــــــــــــــــ
نزال_لمولاتي_فاطمه

يازهراء .. يافاطمه
#####################
احنه تربات المجالس يم حسن وفايه
ما نحس بالدنيـا كلها نحس بس بقرايه
من بقاع الدنيا جينه وترف بينه الرايه
كلشي ماعدنه يزهره وانتي النه هوايه

دوم اعيش ابونـه .. وما اعيش ابمنه
انتي ام الجـنه .. يافاطمه
#######################
مصيبة الزهراء عظيم وفـاز ليواسيها
كون ذني عيوني دوم الخدمتج اعميها
الدمعه لو رادت تطيح اليـا وجه ننـطيها
وانتي بادرتـي بدمعنـه وكلتـي انه اشريها

يالخدمتج تسوه .. نارج اشكد حلوه
من رحتلج فدوه .. يافاطمه
#########################
للأمام الهادي جينه وبالمدامع نحـدي
والحسن ياخذ بدينه وصرنه مثل الجندي
شما يطول العمر بينه نرد بسمج نبـدي
لأرض سامره اجينه انواسي امام المهدي

بالضلع والحسره .. جينه ننعه الزهره
وتبقه بيـنه الكسره .. يافاطمه
##########################
العاشك الخانگته نارج ما يحس ابحالـه
واحنه يالزهراء بعـزائج كل وكت رحاله
اليموت ابدرب عشگج هذا الف هنياله
الخادم بوكت الشدايد تحجي بس افعاله

ما يحس بجروحه .. ودمعته مفضوحه
انتي صرتي بروحه .. يافاطمه
##########################
صرتي بس انتي حياتي والعمر ما اذكره
وبس الج تحله المدامع والج تجري العبره
اهلي ربوني اعلى حبج يم حسن عالفطره
وابد ما سموني بسمي كالوا ابن الزهـره

اسمج العلاني .. وبيج رافع شاني
جرحج الربـاني .. يافاطمه
##########################
ابد ما يبرد حزنه توج دوم الحرگه
لچن يالزهره الحزينه متنه من الفرگه
يمه من نذكر المهدي تضل بينه الشهگه
هم يجي يوم ونشوفه ونحضنـه ونشبگه

نقبـل ابرجلينه .. ونمسح ابچفينه
والنه تنـظر عينه .. يافاطمه ############################

#سيد_محسن_الجابري
#ونسألكم_الدعاء


▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__محرم_١٤٤٦_ه‍

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc
🥀
اللهم ارزقنا البكاء والجزع على الحسين🥀
ــــــــــــــــــــــــــــــــــــــــــــــــــــــــ


يامهدي .. شهرُ المحرَّمِ قد اتىٰ
يامهدي .. والكلُّ يلهجُ بـالندا
يامهدي .. عجل فقد طال الصدىٰ
####################
عاشورك الليله بده .. أعلية المدامع شاهده
بجروحي جيتك .. كاصد البيتك
ابيتك انعه واختنگ .. واحچيلك اجروح السحگ تسمعني ريتگ .. گاصد البيتك

رفقاً بأحساس المحب يامهدي
كل خوفي المأخرك ذنب من عندي
ابـاب بيـتك واگـف انـه مجـدْي

يامهدي .. صوتُ الضمائرِ قد عَلٰى
يامهدي .. أرواحنُا لـك الفـدى
يامهدي .. عجل فقد طال الصدىٰ
########################
يالقاسي وياك الزمن .. يالصاير الروحي وطن
ليلية اندبك .. مولاي احبك
سامحني يالعطفك نهـر .. واسمحلي اخدم هالشـهر
خليني اخدمك .. مولاي احبك


اقبلني يالكلشي تره بضمانك
وخليني اخدم هالسنه بأمانـك
حيل محتاج الوجودك والحنانك

يامهدي .. من لي سواك ياتُرىٰ
يامهدي .. حُزني عليك ابك الورىٰ
يامهدي .. عجْل فقد طال الصدىٰ
##########################
اشعلّك ابروحي شمع .. واحچيلك ابنبرة دمع
حچي المدامع .. يهيج المواجع
طوّل اغيابك ياصرح .. كل جمعه بالندبة انذبح
صوت الجوامع .. يهيج المواجع

احسبلك احساب العمر واتوسل
كلشي اقبل ولامني احسك تزعل
يالعلمتني ويـاك اعـيش امـدلل

يامهدي .. أملأ يَدَيَّ بالعطا
يامهدي .. ارزقني آثـار البُكا
يامهدي .. عجل فقد طال الصدى
###########################
نار المحب متوجره .. كل الخدم متحضره
منتظره حـزنك .. تبچي ويه ونك
تحضر عزانه فاطمة .. تنعه وتـون ولاطمـة
كل ضنها ضنك .. تبچي ويه ونك

واتصيح انه ام البقه بلا فزعه
احضر مجالسكم مثل المضيعه
وصوت ناعيكم على ابني انسمعه

يامهدي .. من فاطمة هذا الندا
يامهدي .. احزانُها تُبكي السما
يامهدي .. عجل فقد طال الصدى
##############################
بالخاتمة انلخص الحچي .. مولاي عذبنه البچي
يالكلشي تـگدر .. ياجـمعة تظهر
اليا مكان اتروح اله .. بالكوفـه لو طـف كربـلة
يـالجرحك اخضر .. يـاجمعة تظهر

نار البعُـد مولاي تـلسع بيـنه
ضل بينه ميت كلشي يا والينه
مر بينه تدري ابشوفـتك تحينه

يامهدي .. قد ذُقنا انواع البـلا
يامهدي .. والشيبُ بالقلبِ طغىٰ
يامهدي .. عجل فقد طال الصدىٰ

#سيد_محسن_الجابري

ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__محرم_١٤٤٦_ه‍

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc
🥀
اللهم ارزقنا البكاء والجزع على الحسين🥀
ــــــــــــــــــــــــــــــــــــــــــــــــــــــــ


#نزال_لمولاتنا_العليلة ع

بويه اعلة بابگ  .. انطر تجيني
###################
طفله واعاين ليش عالرايح وجـاي
بلكت يمرني حسين ويرجع ويـاي
يـوم العفتني هواي ضلمتني دنيـاي
عطشانه بس لحسين مارايده الماي
وادم ينـامون  .. وانـه ابونيني
بويه اعلة بابگ   .. انطر تجيني
######################
كل ضني كون وياك ارحل واسافر
ما ضنتي بفد يوم عنـي تهاجـر
نار الفـراگ هواي كاسرلي خاطر
حالي بغيابك صار حال المگابر
ويه الهوه الهاب  .. ارسل حنيني
بويه اعلة بابگ  ..  انطر تجيني
#########################
شمعنه عفتني هنا من دون اخوتي
تدري بغيابك ريت اتمنـه موتـي
من البچي مبحوح يابويه صوتي
حيلي تهدم بيك چنت انته قوتي
ويـلي  بغيابك  .. ضاعت سنيني
بويه اعلة بابگ  .. انطر تجيني
###########################
كون الزمان ايعود واتروه عطفه
عمري زغير وصار كل عمري نزفه
من ايدي وسفه تروح يابويه وسفه
عگبك يضي العين ما اگدر اغـفه
والله بغيابـك  .. ماتغفه عيني
بويه اعلة بابگ .. انطر تجيني
############################
اتخيل ابكل يوم طاري اهلنه
واتمنه كون البيت يرجع يلمنه
لا مره مليناه ولا هـوه ملـنه
بس الزمن غدار طشر زلمنـه
اصفگ على الراح  .. ايساري ويميني
بويه اعلة بابگ ..  انطر تجيني

#سيد_محسن_الجابري

ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__محرم_١٤٤٦_ه‍

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc
🥀
اللهم ارزقنا البكاء والجزع على الحسين🥀
ــــــــــــــــــــــــــــــــــــــــــــــــــــــــ


لسان حال كل خادم للزهراء عليها السلام

ما رايد مدح عالخدمه لا شُهره
بس رايد رضاتچ عني يالزهره
...........

يهنياله اليصفي النية بالخدمه
المهم گلب الموالي مو مهم اسمه
اليخلُص بالعمل يعله بعلو النجمه
ويهنياله التوفّق فاطمه تنظره
..........

اذا بيّه الغرور اتلبّس ابديني
دخليج فاطمه مولاتي نبهيني
بغروري وكبريائي لا تعوفيني
سماحچ والكريم يسامح الفقره
...........

اذا لا سامح الله وما قبلتيني
وين انطي الوجه مولاتي حاچيني
امامي المهدي يطردني ويجافيني
يضيگ بعيني هذا العالم بأسره
...........

اذا شفتيني مرّه تكبّرت بسمج
حلمج فاطمه مولاتي بس حلمج
للمجلس اجيتج أعتذر يمّج
التوبه التوبه عفوج عني هالمرّه
.............

اذا ما استحق خادم تسمّيني
خادم للخَدَم مولاتي حسبيني
اكنس بالمجالس عاد خليني
لو صفّط نعِل خدامج بعبره
.............

عله مصابج جبت عمري أون ونعه
الليالي الفاطميّة شهود والدمعه
اموت بلا مجالس والله يالبضعه
اريد ارضيج وجبر ضلعج وكسره
.............

اواسيج بمناحه ودمعه سچابه
المجلس لو اجيته اوكف ابابه
اصيح بصوت آ يحسين ومصابه
ومثل ما يقره ناعيّچ اظل اقره
.............

ادري بكل حُسيّنية ألچ لوعه
عله حسين الذبيح الكسرو ضلوعه
يهنياله التواسي دعوعج دموعه
ويوسّم باللطم يافاطمه صدره

#سيد_زيد_الفحام
__

ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA