#برنامج_محرم_1439

#مـۄسسـﮫ_مــﻥــبـريۄن_للالـﺢــان

الــﮠــاشــﺭ اζـــﻣــد الــﺯۄار

🖤 الشاعر علاء المياحي 🖤


▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁

#للعليله

فتحة مجلس الليله الرابعه

ليلـــــــة الرابع محرم نستمع
بصدر أم عباس يتكسر ضلع
......................................
الله يدري الليلــــه بيج اشلـــــون يا أم البنيـن
انتــــــي بدويه وتفز ابروحج اسوالـف حنين
يلي كل نسمة هوه تشمين بيه عطر الحسين
يالنذرتيله العمر ويـــاج مملوحــــــه السنين
ليلـــــــة الرابع محرم نستمع
بصدر أم عباس يتكسر ضلع
........................................................................
شلون تكضي الليله عندج وانتي بأحساسج سهام
والتروح احبابـــــــه منــــه شلون يالحره ينـــام
فراكهم نــــــــار وخيالج يحترك مثـــــل الخيام
نوحــــــــي يا أم الكمر لفراكهم نـــــوح الحمام
ليلـــــــة الرابع محرم نستمع
بصدر أم عباس يتكسر ضلع

يالرسمتي ابخاطرج وكت السفر طف كربلاء
وبلل احلامــــــج أمــــــل عودتهم ويوم اللقاء
ليلج اتخلصينه جنتي وعينج الصوب السماء
وحشــــة ايامج بقــت وامسامره النوح وبكاء
ليلـــــــة الرابع محرم نستمع
بصدر أم عباس يتكسر ضلع

علاء المياحي
الفاتحه لروح والدي


✿مؤسسة منبريون للالحان رقم 1
@ahmed_alziwar1

✿مؤسسة منبريون لنشر القصائد 2
@ahmed_alziwar2

✿مؤسسة منبريون للمقامات3
@ahmed_alziwar3

✿مؤسسة منبريون للنعي4
@ahmed_alziwar5

✿اكبر كروب لتلحين القصائد

https://telegram.me/joinchat/AAAAAD9pmsoMub22NRYqtA

#برنامج_محرم_1439

#مـۄسسـﮫ_مــﻥــبـريۄن_للالـﺢــان

الــﮠــاشــﺭ اζـــﻣــد الــﺯۄار


الشاعر (( ولائيه وافتخر ))
▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁

#للعليله..
لحن(رفت شجاها عيوني) ملا عمار الكناني

❃❃اصرخ و اهل عيـوني❃❃

●اصرخ و اهل عيوني..راحوا هلي من دوني●
❍وابـﭼـي واهمل دمعتي❍
●راحو وما سمعوني..وابحيرتي خلوني●
❍ضليت وحدي ابحيرتي❍
▁▁▁▁▁▁▁▁▁▁▁▁▁▁▁▁▁
ياهلي ياراحلين ويامن ابقى من يگلي
بالضعن وياهم اركض خلو وعافوني اهلي
ﭼـنتوا خيمة بيكم افخر وين رحتوا راح ظلي
گلت بوية اترك رضيعك روحيتي هوا يردلي
●بس انه ابقى وحدي..بالنزل محد عندي●
❍ضليت انطر موتتي❍
●رحت اشكي انا لجدي..منهو اليوسد لحدي●
❍ومنهو يوصل حفرتي❍
❂❂❂❂▁▁▁▁❂❂❂❂
توسلت بيكم يبوية وين رحتوا الالم بية
ردت اخوتي اگبال عيني أنسى بيهم الاذية
شلون راحت عمتي زينب وتالي مشوها سبية
وانشدك يابوية وين عزيزتك طفلة رقية
●جاني الخبر ألمني..راحن عيوني مني●
❍يابوي رد يشمعتي❍
●خبر منك وصلني..امصابك إلم زيدني●
❍ضنيت ترجع فرحتي❍
❂❂❂❂▁▁▁▁❂❂❂❂
الـﭼـانوا اگبالي وحميتي غّربوا ذولاك الاطياب
ناشدت واسألت عنكم ياخلگ ماشفتوا الاحباب
گالوا ايسي يالعليلة الأهل كل واحد انصاب
گضوا اهلج كلهم ابـﭼـي وسفة دفنوهم
بالتراب
●امنين اجتكم هاية..ماتوا عطش واضماية●
❍والله اختنگت بعبرتي❍
●ياويلي ع السباية..الگوم عدهم غاية●
❍بيكم شفتها محنتي❍
❂❂❂❂▁▁▁▁❂❂❂❂
امن المصيبة ياخلگ والله تغير حالي
من جاني منهم الخبر لو ميتة ريت اشوالي
نومة على الغبرة بقوا وانه الدمع يبرالي
اعزاز گلبي من مشيتوا يحدي وياكم خيالي
●تدرون بية اعليلة..بتكم بقت ذليلة●
❍ضليت انـة و وحدتي❍
●تـاه الفكر شحـﭼـيله..من مشوا عني العيله●
❍رحتوا يعمري ودنيتي❍
❂❂❂❂▁▁▁▁❂❂❂❂
عمي عباس الشفية مايحن گلبه علية
وامي انتي وضوا عيوني ردتـﭻ اتظلين الية
وين رحتوا ياخواتي فاطمة وسكنة ورقية
والدي حسيني حبيبي ردلي احلفك بالزﭼـية
●ضليت وحدي بنوحي..تفداكم هاية روحي●
❍وابـﭼـيت واجرها ونّتي❍
●گالوا أبد متروحي..اشلون اظل ابروحي●
❍وحدي بقيت ابلوعتي❍
★★◐▂◐★★◐▂◐★★
{تــمت بـعون اللـہ}
20/8/2017
✍🏻 #ولائــية_وافتــخر
🚫غير مبرئ الذمة امام اللـہ والزهراء من يحذف اسم الشاعرة🚫


✿مؤسسة منبريون للالحان رقم 1
@ahmed_alziwar1

✿مؤسسة منبريون لنشر القصائد 2
@ahmed_alziwar2

✿مؤسسة منبريون للمقامات3
@ahmed_alziwar3

✿مؤسسة منبريون للنعي4
@ahmed_alziwar5

✿اكبر كروب لتلحين القصائد

https://telegram.me/joinchat/AAAAAD9pmsoMub22NRYqtA

#برنامج_محرم_1439

#مـۄسسـﮫ_مــﻥــبـريۄن_للالـﺢــان

الــﮠــاشــﺭ اζـــﻣــد الــﺯۄار

🖤الشاعر مرتضى الازرقي 🖤


▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁


..#للعليله . 2014جديده


طول بعدهم.......عيني لدربهم

موطال الافراك...وانه انتظرهم

      اشتاك انه لطرواهم

      بس علتي وفركاهم


ضمو من ماي وكلبي لشوكهم ضامي

وصورهم دوم احطها ابالي كدامي

اعاين عل الدرب تتعثر اجدامي

اتاني الليل اسولف ضيمي باحلامي


يضل كلبي محتام...... ويتاني الاحلام

وبلهفه يشتاك.....ترد ذيج الايام

باحلاميكمت الكاههم

بس علتي وفركاهم

________________________

نحيلة حيل بيه تاكل العله

ودربهم ما اضن اجدامي توصله

عليه ابعاد اتيها وما ضن اوصله

بعدهم سيف وكتي بمنحري يسله

دمع الجفن ذاب.....من فركه الاحباب

ذبلانه هل العين.....وحبابي غياب

اتمنه اروح اوياهم

بس علتي وفركاهم

_____________________________

وحيده وبس دمعتي الباقيه بخدي

وبعدكم يهلي كلشي ما يضل عندي

ترفه اسنيني واثياب الحزن كدي

واذكر صورهم كاعده لوحدي


ضلت صوركم.....تحجيلي عنكم

يا ماي العيون.....عيني لدربكم

صار الدمع سلواهم

بس علتي وفركاهم

_____________________________

عله وشوك كامت تاكل بروحي

وختلطن حسرت لوعتي ونوحي

جبل وفراكهم كام يهدم اصروحي

واذا ردو  اطش بفرحتي اجروحي


انسى الالم وياهم

بس وانتي وفركاهم

_______________________________

الحزن مرني وانه باول اسنيني

وعله الضيم بس دمعي اليسليني

اتاني وما يمر الي يسليني

وبذاري التراب اتكحلت عيني


بس تربي هل العين......لو يرجع حسين

كتلتني الاشواك......فركاهم لوين

ابالي ما انساهم

بس علتي وفركاهم

____________________________

تذوب الروح مثل حال الشمع حالي

وحيده بس دمعتي ضلت اتلالي

اغمض العين اشوفن كل هلي ابالي

غوالي هواي وشحاله اليفكد الغالي


مهظومه حالي.......لفكد الغوالي

ما ضن يعودون....ضلمة الليالي


هذا الكلب راداهم

بس علتي وفركاهم

_______________________________

✿مؤسسة منبريون للالحان رقم 1
@ahmed_alziwar1

✿مؤسسة منبريون لنشر القصائد 2
@ahmed_alziwar2

✿مؤسسة منبريون للمقامات3
@ahmed_alziwar3

✿مؤسسة منبريون للنعي4
@ahmed_alziwar5

✿اكبر كروب لتلحين القصائد

https://telegram.me/joinchat/AAAAAD9pmsoMub22NRYqtA

#برنامج_محرم_1439

#مـۄسسـﮫ_مــﻥــبـريۄن_للالـﺢــان

الــﮠــاشــﺭ اζـــﻣــد الــﺯۄار

🖤الشاعر موسى الخادم 🖤


▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁

#للعليله ع

ألليل اظلم والنهار ابلا ضـوه ... كوه الاكف بالنفس ضاك هوه

هـــذا حالي من بعدكم

يلمشيتو وروحي عدكم

…… …

يلمشيتو… وعفتو زينب ..

ما حسبتو احساب وين انطي الوجه وين

من بعدكم…  يالحبايب

حايرة ابجمع اليتامة وغدر الاسنين

ما بقالي…  غير صبري

بيه احزم روحي ياخوتي المیامین


عمري ما يسوة بعدكم يخوتي ... ادعي ربي اوياكم أتحل موتتي

يل تودوني وأودكم

… ..

يا بو فاظل…  يا كفيلي

راح اطب للشام مسبية اوية جمّال

على الناكة…  ابلاية هودج

يا هضيمة كلبي ما تحملهة الاجبال

اوية الارامل …   واليتامة

راح اطب ليزيد مجتوفة بالاحبال


خايفة يسألني عنك يا كمــر... شرد اجاوب وانت مرمي اعلى النهر

ريت دنياتي تردكم


… ..

خوية يحسين .. على بختك

گلي بلة اشلون امشي اوية الاجانب

اخيال محد…  شاف تدري

هسة جيش ابأسرة ينظرني ويراقب

انه زينب…  بت محمد

عونتك جيت اطلب وما جيت اعاتب


التمس منك يخي بس الُدعاء ... للسبي راح امشي واترك كربلاء

ما خلفتولي بوعدكم

… ..


وحشة ليلي…  ابلاية اخوتي

بوية وينك ياعلي ناديتك احضر

عندي ماظل …  غير دمعي

وصبري ذاك المني مل  الله اكبر

الساعة اريدك .. يمي تحضر

ذبحّو كل اخوتي ابعاشور الاكشر


حايرة بجمع اليتامة ياعلي ... لا اخو الظلالي لا ظلي ولي

حيل محتاجة السندكم

الحمدلله رب العالمين

اللهم صل على محمد وال محمد



✿مؤسسة منبريون للالحان رقم 1
@ahmed_alziwar1

✿مؤسسة منبريون لنشر القصائد 2
@ahmed_alziwar2

✿مؤسسة منبريون للمقامات3
@ahmed_alziwar3

✿مؤسسة منبريون للنعي4
@ahmed_alziwar5

✿اكبر كروب لتلحين القصائد

https://telegram.me/joinchat/AAAAAD9pmsoMub22NRYqtA

#برنامج_محرم_1439

#مـۄسسـﮫ_مــﻥــبـريۄن_للالـﺢــان

الــﮠــاشــﺭ اζـــﻣــد الــﺯۄار

🖤الشاعر احمد العكيلي 🖤


▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁

#للعليله

 


يالرايح للاحباب .. بلّغهم سلامي

يذبح عمري الغياب .. هذا اخر كلامي

وصّل شوكي ليهم   من تتلاگه بيهم

بلغهم سلامي

ــــــــــــــــــــــــــــــــــــــــــــــــ

ليله شكد يطول الينطر احبابه

يسأل بالسهر ما يسمع اجوابه

نسمات الهوا لو حرّكت بابه

يتحرك حنينه الملگه غيّابه


مشبوحات العيون .. ينتظرن لقاهم

وانه وعلّتي شلون .. نرضه بلا دواهم

شفه اجروحي بديهم  من تتلاگه بيهم       بلغهم سلامي

ـــــــــــــــــــــــــــــــــــــــــــــــــ

ليالي بلا اهل وحشه تمر بيه

اخلصهه بدمع مهضوم ليليه

اناطر وادري مابيهم بعد جيه

اول ليلي دمعه ودمعه تاليه


كلهم فاطمه تكول .. احسب دمعه دمعه

بعدهم خايفه ايطول .. منهم ماكو رجعه

كلهم كون اجيهم     من تتلاكه بيهم  

بلغهم سلامي

ـــــــــــــــــــــــــــــــــــــــــــــــــــ


انه بكل فرض اتذكر الوالي

جنت وياه اصلي والدي الغالي

مكانه بالمصلى هسه ظل خالي

بركوعي وبسجودي صوته يبرالي


من ايمر الاذان .. جن ايمرني صوته

اذكر كل وكت جان .. يذكرني بقنوته

يدعولي ارتجيهم     من تتلاكه بيهم  

بلغهم سلامي

ــــــــــــــــــــــــــــــــــــــــــــــــــ

مهد عبد الله اشوفه وتجري دمعاتي

اناغيله جنت وانساهه لوعاتي

شمعة عمري راح شتسوه شمعاتي

ونين اعله الرضيع اكظيهه ساعاتي

لرقيه وسكنه اشتاك .. والأمّي الحنينه

يفجع قلبي الافراك .. ما احمل ونينه

متلهفه عليهم     من تتلاكه بيهم

 بلغهم سلامي

ـــــــــــــــــــــــــــــــــــــــــــــــ

بسيوف الهجر احلامي مذبوحه

ونات الليالي ادريهه مفضوحه

مجروحه واظل كل وكتي مجروحه

لشوفة عمتي زينب عيني مشبوحه


عمي الكافل ادريه .. ما لحظه نساني

لمّن تلتقي بيه .. كله شكد اعاني

لو بيدي اعتنيهم   من تتلاكه بيهم  

 بلغهم سلامي




✿مؤسسة منبريون للالحان رقم 1
@ahmed_alziwar1

✿مؤسسة منبريون لنشر القصائد 2
@ahmed_alziwar2

✿مؤسسة منبريون للمقامات3
@ahmed_alziwar3

✿مؤسسة منبريون للنعي4
@ahmed_alziwar5

✿اكبر كروب لتلحين القصائد

https://telegram.me/joinchat/AAAAAD9pmsoMub22NRYqtA

#برنامج_محرم_1439

#مـۄسسـﮫ_مــﻥــبـريۄن_للالـﺢــان

الــﮠــاشــﺭ اζـــﻣــد الــﺯۄار

🖤الشاعر احمد العكيلي 🖤


▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁

#للعليله

    


صوره بعيون الليل .. تشرحلي عن سفركم

وابقه اصد الهه بشوگ .. واتخيل بصوركم

وانه طول الغياب    تبقه عيني عالباب

واتخيل بصوركم

ـــــــــــــــــــــــــــــــــــــــــــــــ

يالتركتوني عليله   وانتظركم ليله ليله

ادري رحلتكم طويله .. وتذبح الروح

اتذكرت دمعة رقيه   من توادعنه المسيه

تگلي هم نرجع سويه .. وتشفه الجروح


الله يعلم بالحال .. بس الصبر اريده

ونّه وجروح وآه .. سفرة اهل بعيده

گمت ادوّر اسباب         تبقه عيني عالباب

ــــــــــــــــــــــــــــــــــــــــــــــــــــ

بالمهد عبد الله اشوفه   وجنه يوميلي ابجفوفه

بالسفر اعرف ظروفه .. والعطش نار

كتله بويه تعوفه عندي    كبل لا مأساته تبدي

اترس اهموم وابدّي .. وكلبي محتار


منين اجاني الافراگ .. متعوده اشوفه انه

للرضيع من اشتاگ .. اركض اشم مكانه

ومن اشوف الاثياب    تبقه عيني عالباب

ـــــــــــــــــــــــــــــــــــــــــــــــــــــ

من اكلّب ذكرياتي    والله اشتاك الخواتي

حلوه وياهن حياتي .. وراحن ابعيد

لو رقيه وسكنه يمي   جان مايغزيني همي

كلبي ذاب لشوفة امي .. ولهفتي اتزيد


كلبي بشواكه ايذوب .. ماينطفي لهيبه

شنهي عمر المحبوب .. لو فاركاه حبيبه

وبغياب الاحباب   تبقه عيني عالباب

ــــــــــــــــــــــــــــــــــــــــــــــــــــ

عمي يابدر الهواشم    ياعلي الاكبر يجاسم

شكثر الكم الله عالم .. كلبي ملهوف

رحتو لدروب الرزايه    رافعين الغيره رايه

اشتريتوهه المنايه .. برض الطفوف


المعارك شتريد ..  وين البطل تطلبه

عزمه كل يوم ايزيد .. درب الشهاده دربه

ادعي لجل الاطياب    تبقه عيني عالباب

ـــــــــــــــــــــــــــــــــــــــــــــــــ

لوالدي ياخذني بالي    وحشه من دونه الليالي

الدمع بعده حلالي .. وضحكتي تروح

صارت امنيتي اشوفه   غايب واعرف ظروفه

جابلي البين وطفوفه .. الحسره والنوح


والله مشتاكه هواي .. للوالد وكلامه

لو شربته انه الماي .. وادعيله بالسلامه

اصوابه اكبر اصواب     تبقه عيني عالباب

ـــــــــــــــــــــــــــــــــــــــــــ

ايعينج الله عمه زينب   ويلي لو خدرج تسلب

لو اكبالج جدي ينسب .. ماتصبرين

الصبر منج عرفته    امري بيد الباري عفته

كل وضعكم هسه شفته .. ودمعت العين


امكيّدينه السجاد .. ومن المرض يعاني

والحرم والاطفال .. حكم القدر تتناني

آيا عظم المصاب      تبقه عيني عالباب


✿مؤسسة منبريون للالحان رقم 1
@ahmed_alziwar1

✿مؤسسة منبريون لنشر القصائد 2
@ahmed_alziwar2

✿مؤسسة منبريون للمقامات3
@ahmed_alziwar3

✿مؤسسة منبريون للنعي4
@ahmed_alziwar5

✿اكبر كروب لتلحين القصائد

https://telegram.me/joinchat/AAAAAD9pmsoMub22NRYqtA

#برنامج_محرم_1439

#مـۄسسـﮫ_مــﻥــبـريۄن_للالـﺢــان

الــﮠــاشــﺭ اζـــﻣــد الــﺯۄار

🖤الشاعر احمد العكيلي 🖤


▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁

#للعليله


بويه الله اوياك .. ياذخر الامامه

راح اظل اتناك .. ترجع بالسلامه

لا تغيب هواي     غايتي ورجواي

ترجع بالسلامه

ـــــــــــــــــــــــــــــــــــــــــــ

انه يا بويه العليله وطلبه عندي

يمي عبد الله الرضيع تعوفه ودي

طفل ما يحمل سفر وانه ابقه وحدي

ومن عكبكم اترس هموم وابدي


ارضه بالمقسوم ,,, واصبر وانتظركم

بصحوتي والنوم ,,, اتخيل صوركم

طلبتي بدنياي      غايتي ورجواي      

ترجع بالسلامه

ــــــــــــــــــــــــــــــــــــــــــــ

بويه هذا افراگكم شيسوي بيه

بس شسوي الصار صار ومو بديه

راح اودعك بويه من غصبن عليه

ادعي من الله ترد سالم اليه


عادة اليمشون ,, ماي انذب وراهم

نرتجي ايعودون ,,  ما نحمل جفاهم

ادموع اذب مو ماي     غايتي ورجواي      ترجع بالسلامه

ـــــــــــــــــــــــــــــــــــــــــــــــ

ليلي يرسملي صور تجرح شعوري

وتستفيق اجروحي واحتار بأموري

وبظلام ايامي ما يسعفني نوري

ويه حزني بكل وكت دايم حضوري


التايه ايدليه .. كل صوت بونيني

گلبي مدري شبيه .. ما يكتم حنيني

لا فكر لا راي      غايتي ورجواي      ترجع بالسلامه

ـــــــــــــــــــــــــــــــــــــــ

امكابله شموعي واظل ابجي لبجاهه

انه اسليهه بدمع هيه بضواهه

دمعتي ودمعتهه واحد محتواهه

بينه جمره وتشتعل محد طفاهه

كلبي صاير نار ,, ما يبرد لهيبه

وينتظر اخبار ,, توصل من حبيبه

ظل يصيح وياي    غايتي ورجواي    ترجع بالسلامه

ــــــــــــــــــــــــــــــــــــــــ

ابقه اناطر جيّتك واحسب ليالي

غالي ومن اتغيب يرخص كلشي غالي

ظلت اشكال الصور تطري اعله بالي

خوفي لا اسأل  ولا  رد السؤالي


من افز بالليل ,, واتذكر حنانك

كوه اجر الحيل ,, واتعنه لمكانك

ودي اشوفك جاي        غايتي ورجواي   ترجع بالسلامه    

✿مؤسسة منبريون للالحان رقم 1
@ahmed_alziwar1

✿مؤسسة منبريون لنشر القصائد 2
@ahmed_alziwar2

✿مؤسسة منبريون للمقامات3
@ahmed_alziwar3

✿مؤسسة منبريون للنعي4
@ahmed_alziwar5

✿اكبر كروب لتلحين القصائد

https://telegram.me/joinchat/AAAAAD9pmsoMub22NRYqtA

#برنامج_محرم_1439

#مـۄسسـﮫ_مــﻥــبـريۄن_للالـﺢــان

الــﮠــاشــﺭ اζـــﻣــد الــﺯۄار

🖤الشاعر احمد العكيلي 🖤


▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁

#للعليله

 


كل ليله انه اويه الكمر    شوك ومعاناة وسهر

كلما ذكرت الهاجرو     بعيونه اشوفنها الصور

ـــــــــــــــــــــــــــــــــــــــــ

ياكمر اصعب جرح جرح اليهاجر

راح ابوي وجان ودي مايسافر

ياكمر كل يوم اكولن يرد باجر

كل وكت عالدرب مشبوحه النواظر

جم باجر البيه يمر      ما ادري لاوين انتظر

لعزاز كلبي السافرو    بعيونه اشوفنها الصور

ـــــــــــــــــــــــــــــــــــــــــــــــ

كتله بعيونك اشوف الكمر عمي

وهسه صايرلي شكثر ما شفته يمي

لو شفت وجه ابو فاضل انسه همي

جنت اطير من الفرح لو صاح بسمي

لا عمي ظل ولا ابو    لا اخت لا ام لا اخو

ماكول عنهم قصّرو    بعيونه اشوفنها الصور

ــــــــــــــــــــــــــــــــــــــــــــــــــ

    الكمر يسألني والمدمع اسيله

يكلي عافوج اشعجب وانتي عليله

متابع اوضاعج يكلي ليله ليله

شما اشوفنها حياتج مو طويله

جاوبته وابعيني الدمع     امنيتي بيهم انجمع

لو كتله حيل اتأخرو     بعيونه اشوفنها الصور

ــــــــــــــــــــــــــــــــــــــــــــــ

كتله شحجيلك شسولف وانت تدري

هم عليله وهم جمر بالروح يسري

بلا اهل من ينكظي ماريده عمري

من كثر ون القلب مخنوك صدري

لوغابو شيسوه العمر   والموت ارحملي شكثر

وبهذا وضعي مادرو    بعيونه اشوفنها الصور

ــــــــــــــــــــــــــــــــــــــــــــــــــ

مدري اسولفله عليهم لو عليه

والله من راحو تمنيت المنيه

كلبي لاجمني اعله عبدالله ورقيه

تعودت ويّاهم اكظيها المسيه

وسكنه التباري علّتي    من مشت تعبت حالتي

فجأه بهجرهم قررو    بعيونه اشوفنها الصور

ــــــــــــــــــــــــــــــــــــــــــــــ

عمتي زينب ما حجتلي عن هجرها

بس قريت عيونها وشرحت امرها

كون ظني يخيب من الينتظرها

ما يسلبوها ويظل سالم خدرها

لا تنضرب لا تنشتم     لا تدخل بمجلس زلم

بس لا عليها اتجاسرو    بعيونه اشوفنها الصور



✿مؤسسة منبريون للالحان رقم 1
@ahmed_alziwar1

✿مؤسسة منبريون لنشر القصائد 2
@ahmed_alziwar2

✿مؤسسة منبريون للمقامات3
@ahmed_alziwar3

✿مؤسسة منبريون للنعي4
@ahmed_alziwar5

✿اكبر كروب لتلحين القصائد

https://telegram.me/joinchat/AAAAAD9pmsoMub22NRYqtA

#قصائد_العشرة_الاولى

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

#للعليله

حـسرات ودمعـات واه …من اذكر كعداتي اوياه
عافوني بضيمي ودمعاتي
واكعد بس انه وحسراتي
ــــــــــــــــــــــــــــــــــــــــــــــــــــــــــــــــــــــــــــــ
وحدي ضليت انـه اتاني بالكي اتمـرون اليه
وروحي مخنوكه احسها من تمرني المغربيه
ماكسـرت الكم خواطـر يهلي جا حـنو عليه
من أ هد روحـتكم اني گـاعـده وافـرك بديـه

ملانــي البـاب وملـيته
منكد ما ضعنك تانيته
واتـنـاشد انــه واهــاتـي
واكعد بس انه وحسراتي
ــــــــــــــــــــــــــــــــــــــــــــــــــــــــــــــــــــــــــــــ
ويه كـل نسمه التمرني الكم انـه اخبار اودي
مايجي مرسال منكم المن اشكي وانه وحدي
ماهـي ابالـي اضلـن وياكـم امشي جـان ودي
يالخذيتو كلشي مني وكلشي ماضل انه عندي

لا من عدله ولامن ميته
لا ضل عبد الله وناغيته
ونســـولف انه او نـــاتـي
واكعد بس انه وحسراتي
ــــــــــــــــــــــــــــــــــــــــــــــــــــــــــــــــــــــــــــــ
جـم رسالـه الكـم مـوديـه ويـه نسمات الهـوه
بيـتي اضلـم مـن بعدكـم جـنتو البـيتي ضـوه
شكد توسلت اني بيكم بويه خل نمشي سـوه
صـح عليله ادواي انـتـم وشوفـت الوالـد دوه

مشتاگـه الكـم انـه هـواي
بس شوفك يابويه ادواي
ما نلـتـم انـه وخيــــــاتي
واكعد بس انه وحسراتي
ــــــــــــــــــــــــــــــــــــــــــــــــــــــــــــــــــــــــــــــ
دار وحشه اخلاف اهلها وداري من عدكم خليه
وهسه ضلمه ديار اهلنه من اهد ما رحتو سويه
فـوك ما روحـي عليلـه البعـد زاد المـرض بيــه
يعني أيــس لــو أتــاني لو مشـيتو وهاي هيـــه

ماتسـوه الـدار العفـتـوها
تمنيت الوحشه تشوفوها
اشكي المن يسمع شكواتي
واكعـد بس انه وحسـراتي
ــــــــــــــــــــــــــــــــــــــــــــــــــــــــــــــــــــــــــــــ
بالكي يطلع حلم هاذه واكعد وهسه اهلي يمي
الكه ابوي حسين كاعد والكه الاكبر والكه عمي
وكون سكنه الكه ورقية والكه عبد لله وي أمي
كـون والكـون شكـبرهـا بكـبر فرگـتكم او هـمي

الشيب بكلبي ومو راسي
من فاركت اهلي انه وناسي
وكلبي شيتحمل مئساتي
واكد بس انــه وحسراتي
ــــــــــــــــــــــــــــــــــــــــــــــــــــــــــــــــــــــــــــــ
الخــــــــادم :محمد رحيم المشعلاوي





▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_العشرة_الاولى

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


#للعليله..

طفله محرومه من ريحـة هلي طفله
گلـبي ابجفــــاهم مبتلي طفله
مجبورهه اعيش ابلا ولي طفله
ـــــــــــــــــ ❁ ❁ ❁ ــــــــــــــــــ

من حده الحادي ابسفرهم
گلبي رفرف ـــ چن حمامه ـــ وي ضعـنهم

بس جسد ضليت اعيشن
من بعدهم ـــ واني ضلت ـــ روحي عدهم

علتــي أوحشــت ديـاري
عذبـــــني ـــ وگمت اساهر ـــ مـن بعدهم

احلم يرجعلي ابوي امن السفر احلم
من بعده مكســـورة ظهر احلم
ويگلــي بويـــــــه ادللــي طفله
ـــــــــــــــــ ❁ ❁ ❁ ــــــــــــــــــ

غيبتـك وســــهام هجرك
صوبـــــني ـــ وگمت اسولف ـــ ويـه روحي

كون أطـــول ما اشــوفك
تعمه عيني ـــ ولحظه ماضن ـــ يهده نوحي

اجروحي بسمك سجلتهن
يمته ترجــع ـــ حتى يشفن ـــ كل جروحي

وينك اعيوني مشتاقات الك وينك
يمـــــته ترد وتنفسـك وينك
لا انته اجيت ولاعلي طفله
ـــــــــــــــــ ❁ ❁ ❁ ــــــــــــــــــ

ذبلت احــــلامي العشته
وبنتضــارك ـــ روحـي ورده ـــ وذبلتهه

يبست قصـــني وتنــــاثر
فـوگ دربك ـــ وي دمعـــتي ـــ النزلتهه

اشلون اعيش ابلا وجودك
يل وجودك ـــ يمي فرحه ـــ وضيعتهه

حزني ماينوصف بعدك صبح حزني
بالدنيه كسرلي الجنح حزني
يابويه غيرك ياهو الي طفله
ـــــــــــــــــ ❁ ❁ ❁ ــــــــــــــــــ


الدنيه غابه واني وحدي
والرزايــــه ـــ اتحــيط بيه ـــ وگلـــبي حاير

كافي يا دنيــه مئاســي
صبري خلص ـــ عل مصــايب ـــ گــوه اكابر

گصرني عمـري النوايب
والبواچي ـــ وكلشي وحشه ـــ ابعيني صاير

شهگه غـــرگانه يل ردتـك تمـــــر شهگه
يالعــــايش اويـاي العمــــر شهگه
بعدك اويه ادموعي اختلي طفله
ـــــــــــــــــ ❁ ❁ ❁ ــــــــــــــــــ

عطلت ميل الثـــواني
من كثر ما ـــ بيه احسب ـــ يمته ترجع

حتى لو بحلامي ردلي
ارد اشمك ـــ بلكي منك ـــ بويه اشــبع

املت روحـــي بلقائك
ياحبــيبي ـــ خــبر منك ـــ يمته اسمع

ترجع لحضاني ماضنك بعـد ترجع
ايست مـنك يالعــــمد ترجع
بالدنيه من بعدك شلي طفله
ـــــــــــــــــ ❁ ❁ ❁ ــــــــــــــــــ

الخادم
كامل السعيدي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم_١٤٤٣

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

▪️ اردود اجه عاشور الحزن والهم وعيني للمصيبه تجري الدمع وي دم ▪️

ــــــــــــــــــــــــــــــــــــــــــــــــــــــــ


#للعليله..

طفله محرومه من ريحـة هلي طفله
گلـبي ابجفــــاهم مبتلي طفله
مجبورهه اعيش ابلا ولي طفله
ـــــــــــــــــ ❁ ❁ ❁ ــــــــــــــــــ

من حده الحادي ابسفرهم
گلبي رفرف ـــ چن حمامه ـــ وي ضعـنهم

بس جسد ضليت اعيشن
من بعدهم ـــ واني ضلت ـــ روحي عدهم

علتــي أوحشــت ديـاري
عذبـــــني ـــ وگمت اساهر ـــ مـن بعدهم

احلم يرجعلي ابوي امن السفر احلم
من بعده مكســـورة ظهر احلم
ويگلــي بويـــــــه ادللــي طفله
ـــــــــــــــــ ❁ ❁ ❁ ــــــــــــــــــ

غيبتـك وســــهام هجرك
صوبـــــني ـــ وگمت اسولف ـــ ويـه روحي

كون أطـــول ما اشــوفك
تعمه عيني ـــ ولحظه ماضن ـــ يهده نوحي

اجروحي بسمك سجلتهن
يمته ترجــع ـــ حتى يشفن ـــ كل جروحي

وينك اعيوني مشتاقات الك وينك
يمـــــته ترد وتنفسـك وينك
لا انته اجيت ولاعلي طفله
ـــــــــــــــــ ❁ ❁ ❁ ــــــــــــــــــ

ذبلت احــــلامي العشته
وبنتضــارك ـــ روحـي ورده ـــ وذبلتهه

يبست قصـــني وتنــــاثر
فـوگ دربك ـــ وي دمعـــتي ـــ النزلتهه

اشلون اعيش ابلا وجودك
يل وجودك ـــ يمي فرحه ـــ وضيعتهه

حزني ماينوصف بعدك صبح حزني
بالدنيه كسرلي الجنح حزني
يابويه غيرك ياهو الي طفله
ـــــــــــــــــ ❁ ❁ ❁ ــــــــــــــــــ


الدنيه غابه واني وحدي
والرزايــــه ـــ اتحــيط بيه ـــ وگلـــبي حاير

كافي يا دنيــه مئاســي
صبري خلص ـــ عل مصــايب ـــ گــوه اكابر

گصرني عمـري النوايب
والبواچي ـــ وكلشي وحشه ـــ ابعيني صاير

شهگه غـــرگانه يل ردتـك تمـــــر شهگه
يالعــــايش اويـاي العمــــر شهگه
بعدك اويه ادموعي اختلي طفله
ـــــــــــــــــ ❁ ❁ ❁ ــــــــــــــــــ

عطلت ميل الثـــواني
من كثر ما ـــ بيه احسب ـــ يمته ترجع

حتى لو بحلامي ردلي
ارد اشمك ـــ بلكي منك ـــ بويه اشــبع

املت روحـــي بلقائك
ياحبــيبي ـــ خــبر منك ـــ يمته اسمع

ترجع لحضاني ماضنك بعـد ترجع
ايست مـنك يالعــــمد ترجع
بالدنيه من بعدك شلي طفله
ـــــــــــــــــ ❁ ❁ ❁ ــــــــــــــــــ

الخادم
كامل السعيدي

▪️ قناة اليوتيوب الرسمية رابط الاشتراك بالقناة
https://www.youtube.com/channel/UChi9JQ-VKyzhEWL4E0144JQ

▪️قناة اليوتيوب للرادود احمد الزوار
https://www.youtube.com/channel/UC5lXqSGtfVucDzp7yDU2Pgg

▪️كروب الالحان رقم 1
https://tttttt.me/joinchat/Dw92Dj9pmspR5uHfACGjlA

▪️كروب الالحان رقم 2
https://tttttt.me/joinchat/Dw92DkJZ4tvb4YIzJWBWrg

#قصائد__محرم_١٤٤٦_ه‍

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc
🥀
اللهم ارزقنا البكاء والجزع على الحسين🥀
ــــــــــــــــــــــــــــــــــــــــــــــــــــــــ

#للعليله

ذبلت حته عيوني .. وياكم فدوه اخذوني
وياكم فدوه اخذوني.. لتعوفوني
#######################
طفله ما احمل قهر.. والله يوجعني السفر
عمري بدونك صاير بويه.. عذاب
بعد ما چانوا الي.. بلحظه راحوا كل هلي
وصارت كل سنيني بغربه و.. عذاب

فاطمه بنتك التحچي بويه والمدمع يهل
مو عليله وياك بويه اگدر ابكلشي احتمل
خذني سجاده الصلاتك خذني اهزاً بالطفل
ليش كل اخواني راحوا ليش بس انه اضل


وحدي لتعوفونـي .. وياكم فدوه اخذوني
وياكم فدوه اخذوني.. لتعوفوني
#########################
كعدتي وياكم سوه.. هيه لجروحي دوه
بيوم الرحتوا خضر جرحي.. جروح
ميت ابريتي الهوه.. وعيني ماشافت ضوه
ذبلت من دموعي وشافت.. جروح

والله يقهر حالي بويه وعمري مو كد الرمح
ومن اشوف اطفال تلعب ويه اهلها انـجرح
بيش اصبر روحي گلي وانـه مكسورة جنح
عمري طفله وگلبي شايل نار وخيام وذبح

شالت جربه چفوني .. وياكم فدوه اخذوني
وياكم فدوه اخذوني.. لتعوفوني
###########################
بعمري ما عشت البُعد .. زغيره وبعمر الورد
واتلوع من ضيم الفرگه .. عجيب
معلگه ابالي الصور .. قبل لا اشبع قهر
واتعذب من نار الحرگه .. عجيب

من تمرني المغربيه اذكر اسنيني المضت
هنا ضحكنه هنا لعبنه وابد ما عيني بچت
هنا تسولفلي العقيله وكل سوالفها بخت
هنا يجي حسين ويضمني وروحي يمه تفرفحت

خابت كل ضنوني .. وياكم فدوه اخذوني
وياكم فدوه اخذوني.. لتعوفوني
#############################
زغيره واحتاج الدفو.. بنيه وبعازة ابو
والله فراگ الوالد يـوجع.. واذوب
شحسبلكم وانتظـر.. اللحظه احسنها عمر
واتذكر كل لحظه وياكم.. واذوب

الفارگ الخيمه الچبيره يگضي عمره بلا وطن
وانه روحي هسه احسها جنازه ملفوفه ابچفن
كلشي ميت صار بيه وعلتي زادت بـالمـحن
بس جسد موجود يمي وروحي راحت لضعن

روحوا ولا تنسوني.. وياكم فدوه اخذوني
وياكم فدوه اخذوني.. لتعوفوني
###########################
من بعد كل الحچي.. راح اموت امن البچي
رحموا بحالي ورجعوا شويه.. خيال
لختي مشتاگه وردت .. احچي الها الما شفت
متعوده وياها احچي البيـه.. خيال

ولبو فاضل عمي والله حيل مشتاگه اله
كافل الخيمه ويه زينب گصته غيره مبلله
امنيتي چانت ويه عمتي گون اروح الكربله
وامشي مسبيه واشاگف بيدي ويه العـائلـه

تحمل سوط امتوني.. وياكم فدوه اخذوني
وياكم فدوه اخذوني.. لتعوفوني

#سيد_محسن_الجابري


ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA