#قصائد_هدم_قبور_البقيع

#مہؤسہسہةّ_مہنہبہريہوٌنہ_آلحسـينيهہ



------------_---------------------------------

#جديد #نزله #سريعه
#لمناسبة #تهديم #قبور
#أئمة #البقيع… .
وزن المنسجم… ..

لو اعلنتها الثوره ياروح الزچيه .
…… . ارض البقيع ابنيها مثل الغاضريه
.

أبني الأئمه الاربـعه وأرفـع مـنابـرهم
أربع قبب فوگ الارض تروي مآثرهم
واثمـن مـناير ترتـفع دايـر مدايرهم
خلي اليشـاهد يفتخر رد النصر الهم
.
ابني المراقد واهدم عروش آل اميه
… ..ارض البقيع ابنيها مثل الغاضريه

ـــــــــــــــــ ❁ ❁ ❁ ـــــــــــــــــ
.
هذا الهـدم ياسـيـدي ايحــير ابوضــعه
ماظل شبر فوگ الارض مالاحته الصفعه
گبـر الزچـيه مخــتفي رادو اثــر دمـعه
هدمو گبر محسنها بلكت فاطمه تنعه
.
ياسيدي لو بينت گبر الابيه
…… ارض البقيع ابنيها مثل الغاضريه
٠
ـــــــــــــــــ ❁ ❁ ❁ ـــــــــــــــــ

جال بنواحي المگبره شيدور الناصب
غيـر الايمه الاربـعه عـدنه بـعد راهب
نشمـي ولا مره انحـنى الناصر الغالب
والد علي فخر العرب مولاي ابو طالب
.
بشوفة ضريحه تنهظم الناصبيه
… . ارض البقيع ابنيها مثل الغاضريه
.
ـــــــــــــــــ ❁ ❁ ❁ ـــــــــــــــــ

ام البنـين الطـاهره بچفــوفك ابنـيها
احفر نهـر والمـشرعه بعتبتها خلــيها
زمرة اميـه من اجو مانـشـدو اعليها
من دخلو ارض المگبره سمعو بواچيها
.
ابني على مرقدها تله زينبيه
..ارض البقيع ابنيها مثل الغاضريه
.
ـــــــــــــــــ ❁ ❁ ❁ ـــــــــــــــــ

هواي المراقد سـيدي وهــوايه آلآمــك
ابني مخيــم بالبــقيع اوكثّــر اخيامك
اجمع بنات المصطفى يالمهدي ورحامك
ماتحترگ هاي الخـيم محميه بحّسامك
.
ولاتنهظم حره يبن حامي الحميه
… . ارض البقيع ابنيها مثل الغاضريه
.

ــــــــــــــــ ❁ ❁ ❁ ـــــــــــــــــ

حدر الترب يالمهدي الك بالمگبره عسكر
الهم شهد يوم الحرب والسيف اذا زمجر
هيبة شباب المرتضى وعبد الله ابن جعفر
محمد ابو النفس الزكيه ومالك الاشتر
.
راية يقينك تترتفع بالرافضيه
… .. ارض البقيع ابنيها مثل الغاضريه

ــــــــــــــــ ❁ ❁ ❁ ـــــــــــــــــ

لموعد ظهـورك ننتــظر كـل احـنه وفـايه
وارض البقــيع بطلعــتك نگصدها مشايه
طول الدرب موكب خدامه عدنه وقرايه
نرفعها يامنــصور امت وتـــرفرف الرايه
.
تدخلها وانت منتصر يبن الوفيه
… .ارض البقيع ابنيها مثل الغاضريه
.
ـــــــــــــــــ ❁ ❁ ❁ ـــــــــــــــــ

حسن الموالي الفاطمي
.
القصيدة محرمة على رواديد ال DJ
.


مؤسسة منبريون للالحان رقم 1
@ahmed_alziwar1

مؤسسة منبريون لنشر القصائد 2
@ahmed_alziwar2

مؤسسة منبريون للمقامات3
@ahmed_alziwar3

مؤسسة منبريون للنعي4
@ahmed_alziwar5

1.كروب خاص بنشر وتلحين القصائد
https://tttttt.me/joinchat/Dw92Dj9pmspR5uHfACGjlA