#قصائد_استشهاد_الزهراء_ع


#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc




ــــــــــــــــــــــــــــــــــــــــــــــــــــــــ

#قصائد #استشهاد الزهراء ع
#الليالي الفاطميه
لسان حال #خدام الزهراء ع

يا فاطمه الزهره
ما تنشف العبره
~~~~~~~~~
عندج يفاطم شيــــــعتج وفايه للمــنحر
ما ننثني رغم العده جن عابس وجن حر
ياهو اليهزنه بجلــــمته لٱ والله ما يكدر
نذرف مدامعنه الج والصــــرخه للمحشر
عشكج عله الفطره
ما تنشف العــــبره
~~~~~~~
نقسم الج بالمصــــطفى ونعاهدج بالدم
تلكينه خدامج نعم واجـــب نضل نلطم
ميهمنه حجيي الناصبه يالزهره ما نندم
علمنه عــباس الوفه عــــباس المــــشيم
من فارس الشكره
ما تنشف العــبره
~~~~~~~
عاهدنه بالدم نخدمــج يالزهره حزمينه
بين المجالس كل وكت مــعروف تلكينه
كل شيعي يفديج العمر لاحتى وســنينه
يا ويلي مكسورة ضلع يلطم عله اجبينه
وبأيده دك صدره
ما تنشف العــبره
~~~~~~~
مضلومه يا بــت النبــــي ما ننسه آهاتج
ويه اليخدمج بالحــشــر يالحره وكفاتج
ليهــســه نارج تســــتعر ليهســــه وناتج
ما ننسه زينب والسبي الاخذوها شماتج
ما ننسه هل حره
ما تنشف الــعبره
~~~~~~~
واضــــح نهجــــــــنه للابد خــدامج نعاهد
اي والرفع ارض وسمه مــــيهمنه كل حاقد
موكب دمعنه ما نشف يالزهره ضــل شاهد
مــــعروفه ولدج فاطمــه ما ينثــــني واحد
اي والفده نحره
ما تنشف العبره
~~~~~~~~~
الليالي #الفاطميه
#ناجي ابو كيان الصالحي
ونسألكم الدعاء لي ولوالدي



▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar5

(كروب مؤسسة منبريون)


#ملاحظه ممنوع ادز الحانك للاخوات على الخاص اي لحن عدك تنشره بهذا الكروب 👇👇👇👇👇


https://tttttt.me/joinchat/FJD_SD9pmsowxzEJn77drw

#قصائد_شهادة_فاطمة_الزهراء_ع

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

🏴من آذاها فقد إذاني 🏴🥺
ــــــــــــــــــــــــــــــــــــــــــــــــــــــــ

#الليالي #الفاطميه
الرواية…….  الاولى……
بعد مصاب كسر الضلع نظرت الزهراء نحو الحسين وكأن لسان حالها يقول
.
.
الله يعينك…بالعصره كل جسمي اللتوه
الله يعينك… يُمه. بمصيبة. . نينوى
الله يعينك… يايُمه يحسين
.
ـــــــــــــــــ ❁ ❁ ❁ ـــــــــــــــــ

أنكسر ضلعي ونظرتك
بالدمه المتناثر
شبت النار ابوريدي
ودوه گلبي شاجر
يومي ينعد ابثواني
ويه يوم العاشر
كل مصابي مايساوي
يُمه دوسة حافر
.
يوم المنيه …وجهي اعله حيدر يستقر
يوم المنيه …يتلگه. وجهك. الشمر
ينزف جبينك… يايمه يحسين
.
ـــــــــــــــــ ❁ ❁ ❁ ـــــــــــــــــ
.
حيدر ايهودلي جرحي
بلمسه من أچفوفه
تطفى فوگ أخدودي جمرة
دمعتي الملهوفه
أنت كل ظالم يمرك
يلمسك بسيوفه
يترك اعله الطعنه طبره
يُمه وانت اتشوفه
.
ينحز وريدك.. عالغبره دمك ينفرش
ينحز وريدك .. والختمه طعنات 12
تختم سنينك.. يايمه يحسين

ـــــــــــــــــ ❁ ❁ ❁ ـــــــــــــــــ

شبوا النار اعله بابي
ومن شفت لهابها
صدت اعيوني الخيامك
گمت اشم عطابها
عندي باب وبي الوذن
بالفتن وانيابها
بيمن اتلوذ العقيله
لو وصل سلابها
.
أيچتفوها .. من چفها دمها ينسفح
أيچتفوها .. راسك تشوفه اعله الرمح
وي كل بنينك .. يايمه يحسين
.
ـــــــــــــــــ ❁ ❁ ❁ ـــــــــــــــــ
.

آنه بسمار  الطعني
  گطع  وردة ياسي
نفذ من ضلعي وذبحني
واستقر بحساسي
گمت ويه الشهگه اشعر
صدع يمه ابراسي
لو رمح صوبني مثلك
تنفجر انفاسي
.
وي الحوافر… ماقيسن آهات ودمع
وي الحوافر… شيساوي بسمار الضلع
فزت ابيقينك ... يايمه يحسين
.
ـــــــــــــــــ ❁ ❁ ❁ ـــــــــــــــــ
.
بالوصيه مرتضانه
يُمه اديه مشدوده
يعني سيفه مافزعلي
بوگفته المريوده
حالي يشبه يمه حالك
بالگمر وي جوده
ينحني ظهرك ييُمه
من تطيح ازنوده
.
حامي الضعينه..لجروحي يذرف مدمعه
حامي الضعينه .. بعينه السهم ما طلعه
وتشوفه عينك .. يايُمه يحسين
.
ـــــــــــــــــ ❁ ❁ ❁ ـــــــــــــــــ
.
إقترب يايُمه مني
خلص دم اجروحي
الگبر مشتاگ اليه
وراح افارگ سوحي
عندي شهگه وحده ظلت
بيها تطلع روحي
ارد اشمك ياحبيبي
واطفي جمرة نوحي
.
بالغاضريه .. اذرف ييُمه دمعتي
بالغاضريه .. انظر شواهد قصتي
أگطع ونينك .. يايُمه يحسين
.
.
تمت بفضل ربي وعطاء اهل البيت عليهم السلام
.
.
حسن الموالي الفاطمي
.

.
بغداد . 2018/12/5
.
لابأس بذكر المدخل التعريفي للقصيده لبيان فكرتها للجمهور… ..

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA