#قصائد__الامام _ السجاد_😭

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار 🥀
ــــــــــــــــــــــــــــــــــــــــــــــــــــــــ


استشهاد الامام السجاد ع


يالباقر وصيه اوصيك / لون غمضّت هاي العين
طش فوگي يبويه تراب / من گبر الغريب حسين
****
عشت والعايش بجرحه دمعته تنومس بعينه
والمثلي يشوف امصاب يدّور عل اجل وينه
انه وعالم طفوفي ذاك عله الونه تخاوينه
بيه كربله شخلت
روحي امن الحزن ملت
منيتي هل مسه حلت
يبويه موتي اتمناه / لاوين الصبر لا وين
****
مات الحيل وعيوني تموت اوياي احسنّها
حياتي بلا بچي اعله حسين يبويه ما اريدنها
بقت عندك وصيتي هاي بوفاتي ارد اعيشنها
الگبر حسين بالعبره
تعنه وخاطرك كسره
وجيب اتراب من گبره
كون اتراب بي دمّه / وتطشه اعليه كونك زين
****
علامه اعله الگبر خليت يبويه لمن ادفنته
نجيع الدم لون شفته نحره اهنانه وسدته
وتلگه اعله الگبر دمعات تره هذا الدمع لخته
حين امن السبي جينه
اعتنينه الگبر والينه
شكثر دمعات هلينه
اثر دمعات زينب هاي / تراها اعله الگبر للحين
****
حين اتگوم عن حسين تعنه الكافل الحره
وحين اتشوف جود اعليه انه حدره ادفنت صدره
حظن جوده بلايه چفوف او ودع عيليته بنظره
بس بعين عاينها
وحده السهم حاظنها
وزينب من سمع ونها
گل حسين خليني / بمچاني وغطي هالچفين
****
يبني للمخيم روح ولو ما تلگه بويه اخيام
ولكن عالترب تلگه رماد وفوگه كثره اسهام
وحبال اعله الرمال تشوف بيها اتچتفت ايتام
ما ظنك نسيت الصار
تچتفنه زغار اكبار
ويخطفنه لهيب النار
مشينه بنوگ صوب الشام / سبايه ابيا ذنب ماشين
****
بس اخر نفس هذا وبعدها يختفي صوتي
اسم حسين الفظنّه وريدن يعتني موتي
سلام اعله الذبيح اوصيك تكتب فوگ تابوتي
بعد ما غمظت عيني
بتراب حسين غطيني
اريدن هيچي تچفيني
وقره ازيارة المضلوم / بعد الغسل والتچفين
****

الشاعر اياد الديراوي

ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__الامام _ السجاد_😭

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار 🥀
ــــــــــــــــــــــــــــــــــــــــــــــــــــــــ

▪️نشر جديد
في استشهاد الإمام السجاد عليه السلام

للسجاد اهاتك خليهه
لجله دموع يالخادم ابچيهه

هذا يروي الصار كله بكربله
هالعليل الراح ويه العايله
شمثگل الگيد وفلا يتحمله
علته من الله الامر لا ماخله

يبقه النور هالكاع يشع بيهه
لجله دموع يالخادم ابچيهه

هذا فرع امن الولايه ابلايه شك
لجله دار ومنخلق كل الفلك
المالك الله وهوه من الله مِلك
يالتكيده بكيد يم الله شلك

هالافعال ابليس ايسويهه
لجله دموع يالخادم ابچيهه

اليوم يم عمه الحسن بالهم نزل
كله جسام البطل شنو عمل
كله بحسين شكثر مدمع همل
من لبس ثوبه على الحاقد حمل

امن اتوصيه حتما يمشي اعليهه
لجله ادموع يالخادم ابچيهه

للبقيع اليوم بث شكوى وحزن
ويه اهل البيت ياسامع تون
اليوم ابن المايغسلو يندفن
هذا ابن ضامي الطفوف الينسحن

اه اه للطف وضاميهه
لجله ادموع يالخادم ابچيهه

ويه عمته شاف هم النايبه
والجره اعليهه وعليه شمصعبه
اخت الامسلب تراهه امسلبه
بضيم چم يوم العقيله مشيبه

ياعباس تبچي شما تحچيهه
لجله ادموع يالخادم ابچيهه

راح مسموم بفعل اهل الغدر
الچان وال لازال يسر بكل عسر
عاش بالهم والفجيعه واليسر
هذا كله يظل جبل ماينكسر

باذن الله راياته معليهه
لجله ادموع يالخادم ابچيهه

بالصحيفه اثار اله ماتنمحي
هذا معصوم وابن بيت الوحي
اعليه ياوجنات انتي اتجرحي
اعليه ياروحي الحزينه صيحي

يازهراء لبنچ عيني اعميهه
لجله ادموع يالخادم ابچيهه


ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__الامام _ السجاد_😭

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار 🥀
ــــــــــــــــــــــــــــــــــــــــــــــــــــــــ

اطمئن وحجابي شعره مالخينه
افا وبــــــــــرمح كلبك مالخينه
الخــــــذ محبسك كتله مالخينه
مالايك ابجـــــــــــــفك رده ليه


الدمع مـــــو مال اضمه مال ابينه
على اخوي المشه ولسه مال ابينه
الارض بذن الله صارت مال ابينه
وصرت بيها غريبه انه وسبيه


اهنا يالمـــــــــذبحك خويه شلمك
الرمـــــح طشر خرز ضهرك شلمك
ركضــــــــتي عثرتي دمعي شلمك
على يــــــــــاهي المنهن اتألم ليه


مره الخيـــــــــــــمتي انضر مرلكم
ذبايح والضــــــــــعن عمده مرلكم
يهل هاشم مشت وســــــفه مرلكم
على ناكه ويالغرب راحت سبيه


سواد العين بـــــــــــويض منيراهه
بوجودك جــــــــــان زينب منيراهه
رقيه منيدي خــــــــــــولي منيراهه
ويجرته التفت راس حسين ليه


حمل كلبي مــــــصايب هاي ويهاي
ويجن العــــرف ضيم العلي ويهاي
عكـــــب عباس شاف الشمر ويهاي
ونزل عرش الله صار احجاب ليه


دمعتي بجفني اضمها موش اهلها
المحنه الشام خويه موش اهلها
انا من سرب ضعني موش اهلها
عزيــــــــــــــزت روح عمتها رقيه



حسين عبد الزهرة الدراجي


ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__الامام _ السجاد_😭

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار 🥀
ــــــــــــــــــــــــــــــــــــــــــــــــــــــــ


الامام السجاد ع


للزمن حكايه انتصرت السبايه
اختمنه ثورة حسين بالعصا وعبايه
****
احنه لِكسرنه الظلم لا ما كسرنه
بعده مرفوع ويرف عالي علمنه
ظنو إهمه الفازو بذبحة زلمنه
ما درونه ننتصر من ننطي دمنه

آنه والعقيله اصرخنه عالهزيله
نهدم آل اميه بالعصا وعبايه
****
الله ما بين الأهل وزّع رسايل
جنوده مو لازم تحارب بالبواسل
آنه دور حسين اخذته وبالمقابل
عمّتي زينب خذت دور ابو فاضل

آنه الي الرساله وعمّتي الكفاله
الله قرر انفوز بالعصا وعبايه
****
عالرماح الروس ويانه ومشينه
ثوره عدنه وبالحبال امچتفينه
ادخلنه لبن ازياد واخزرناها عينه
احنه احد من كل صوارمهم حَچِينه

صاحت الاميره دولتك گصيره
نكتب احنه تاريخ بالعصا وعبايه
****
بالسبي سوط اليجينه ما نرده
ابيا محمد يا علي صرنه نصده
الضحى بالعباس وحسين اشيهده
لو الف منه يزيد احنه النبدّه

خيرة الله احنه ياهو بالله گدنه
عدنه عزم ابو حسين بالعصا وعبايه
****
ايزيد عنده جنود وآنه عندي چلمه
بالقصر خطبه نطيت وباد عزمه
الهادي جدي گتله جدك شنهو اسمه
الزهره امي وهو ياهي بالله إمه

طينتي أمينه وطينته لعينه
كل شرفنه مرسوم بالعصا وعبايه
****
يوم عاشر اي صحيح اكبر رزيه
لله كلشي انطينه حتى اختي رقيه
بالثريه احنه وخصمنه بالوطيه
وين آل المصطفى أوين آل اميه

فزنه بالبدايه وفزنه بالنهايه
كلشي هسه مكشوف بالعصا وعبايه
****

الشاعر اياد الديراوي

ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__الامام _ السجاد_😭

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار 🥀
ــــــــــــــــــــــــــــــــــــــــــــــــــــــــ


جينه ننشد عن عليل القافله
العاش احزان الدهور بكربله
بظهر عاشر فاكد احبابه وهله
شلون ابن البسمله مكيدينه
—————————————-
شلون ابن البسمله يقيده الحديد
هذا ابن (القل هوه ) حسين الشهيد
الكال هيهات الرفض يحكم يزيد
خرج لاصلاح النفس ولدينه
—————————————
خرج لاصلاح النفس دين الرسول
للرعيه دعوته ينير العقول
جازته الامه بقتل ابن البتول
وبدماءه الطاهره مخضبينه
—————————————-
مزلزل عروش الظلم ابن النبي
ابن زمزم والصفا هل طالبي
نندل دروب السمه يلناصبي
ونور لهاي الارض تدرينه
—————————————
ولضميره بايعه لجف الظلام
سخط ربه نايله وذاك اللئام
البيده حارك للسبط ذيج الخيام
البيها ايتام وحرم مرّوعينه
————————————-
بيد اصحاب البدع تسبا العيال
بيدهم هل جتفوا بيها الحبال
وزين العباد الدمه إمن ايده يسال
والعليل بكل كتر ملوّعينه
————————————
بالسموم الغادره يخلّص السنين
بشر عاميها الحكم ماعدهه دِين
للإمامه جازته بفعل المشين
وبسموم النايبه مصوبينه

علي موفق القزاز

ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__الامام _ السجاد_😭

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار 🥀
ــــــــــــــــــــــــــــــــــــــــــــــــــــــــ


مولاي السجاد صلوات الله علیه



عمري انگضى بهم
إمن الخيمه للسم…راحه ماشفت دوم

بـس أنعـى ويـلاه
ويـاكـربـلـه آآآآآآه ….من عاشر الشووم

من طاح ابوي اعله الثرى  وأنه انضره  صوبه العدو غار
يـاعـمـه فـرن صـيحـت   مـا لـحگت   شفت الخيم نار
عمتي بطلعتـي اتحيـرت  وبيني صفت  ومـا بين الـزغار

بنص خيمنه أجت خيل آل اميه
شنسـه والجمـر عـذَب رقـيه
وآنـه همـي كـلـه الغـاضـريـه

حگي لو هظم تخلص حياتي
گبالي بالفله يـركضن خواتي
بيهـا كـربـله ردتـه مـمـاتي

آآآآآآه يا كربله آآآآآآه
آآآآآآه يا كربله آآآآآآه
••••••••••••••••••••••••••••••••••
دم يبجي لـو حـن
ويگضي العمر ون. الگلبه غيره مجروح

شما غمضت هـل
دمعـي ورسم تـل  فـوگـه عَمِتي اتنوح

تفزع ببـوي إعله الخيم  وانه ابألم  وبيه الصبر مات
گاملهه شفته من سمع   گام أوگع  شفته ثلث مرات
نـزلتله بس خيل الغرب  ما تنغلب  تودعه اوكتها فات

يـاهي ودعت هيجي اخـوها
جوه حـافر الخيل ابـن أبوها
وعنه ع الهزل غصبن خذوها

وانـه انظره ومـا بيدي حيله
ع الترب بقى ومحد اليشيله
وشيبت قـهر عمتـي العقيله

آآآآآآه يا كربله آآآآآآه
آآآآآآه يا كربله آآآآآآه
••••••••••••••••••••••••••••••••••
كلشي خذه الطف 
ولا خـيـمه لاجـف  وحيرة السبي اشلون

آنـه الـبـدي شـد
حبـال اهله ونهد  گلبه من العيون

بجف عمتي شديت الحبل  وبيد الطفل   شرد انسه ياحال
لختي رقيـه إمـن أوصلت   بحيره صرت   دمعي دمه سال
گـالـتـلي وبـنـبـرة حـزن    خويـه خشن   بـدلـي الحبـال

يگضي بس قهر عمره المماته
العلهـزل نـظـر بـاتـن خـواتـه
والسـبـي الحرگ گلبه وحياته

ودعت أهـل والدنيا حومـه
العلـرمـل فـلا تسمه نـومه
ودمعي مانشف والهذا يومه

آآآآآآه يا كربله آآآآآآه
آآآآآآه يا كربله آآآآآآه
••••••••••••••••••••••••••••••••••
گـلـت آنـه يـاريـت
ع الـدنـيا ما جـيت ..مـن دخـلـنه للشـام

دمعـي بقهـر صـب
خدر اهلي من طب .. القصره والحجي سهام

الشـام الترك بيـه كسر   طول العمر   شسوه بهلي الشام
ألنـه الملك گـاع وسمه وخدر الحمه  تـالـي بخرابـه نـام
ضعن اهلي خلص بالغرب شگد بالدرب بيدي ادفنت أيتام

چـم گلـب يبس من الرزيـه
ودفنت بدي خـولـه وصفيه
وع الطشت غفت اختي رقيه

ماشفت هنه بس حزني شايل
الهسه بيدي اثر من السلاسل
وحنيت الظهـر مـن المهـازل

آآآآآآه يا كربله آآآآآآه
آآآآآآه يا كربله آآآآآآه
••••••••••••••••••••••••••••••••••
بدمعي رحت جيت
نـزور اهـلـي رديت…وتطفى نار الفراگ

الـرد الـهـلـه يـزور
ويـلـگـاهـم اگبـور …شحاله وهو مشتاگ

طشن ركاض بكربله..بنص الفله .. تجري الولي عين
مناشغ غدن يتناوبن..مـافـتـرن.. أنهدن بالونين
أعيون الرباب اتحيرت..وتلفتت.. يمشي الجدم وين

ابلا ولد مشت وفراگه حسره
والمصيبه أجت ما تلگه گبره
يـكتل الفـگد للـتوه عـمـره

من گبـر گبـر يفتـر جـدمها
وكـل گبـر تجي يكبر ألـمها
يطلع الأسم مـو گبـر ابنـها

آآآآآآه يا كربله آآآآآآه
آآآآآآه يا كربله آآآآآآه
••••••••••••••••••••••••••••••••••

ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__الامام _ السجاد_😭

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار 🥀
ــــــــــــــــــــــــــــــــــــــــــــــــــــــــ


لسان حال الامام السجاد (ع)

(يباقر)

يباقر . ميت عشت من بعد الجرالي
يباقر . طف كربله ميفارگ خيالي 
يباقر . فوگ الرمح راس أغلى الغوالي
يباقر . يباقر

.......
عاشت ابعيني صور كل صوره من عدهن سهم
ويه ما أرمش أَحِسَّنْ كل جرح بِيَّهْ انْلِچَمْ

ذاك جدك .  صورته ابلايه نحر 
ذاك جدك . راسه عينه اعله الگمر
ذاك جدك . گصته محفوره ابحجر . ذاك جدك

شسولف . تخنگ نفس قصة ذكرياتي
شسولف . والطف أخذ كل عمري وحياتي
شسولف . من حالي اشد طگ عَمْتِي اوخواتي . يباقر

.......
إنته مثلي يبني عينك شاهدت كل الجره 
يبني لكن والدي مو والدك فوگ الثره

انته أهون . مني سالم كل عضو
انته أهون . ماشفت ذبح الأبو 
انته أهون . ماشفت فرگت اخو . انته أهون

وزيدك . يوم الدفن بالعثره اوْصَلِتْهُم
وزيدك . بيدي وصل بويه لملمتهم
وزيدك . أربع جثث عِمَّانِي ادفنتهم . يباقر

.......
چبدي بالسم من تِگَطَّعْ عيني الوجهك تصد
باحتضاري يبني حضنك خفف آلام الچبد

اه أبويه . عالتراب اويِحْتِضُر
اه أبويه . يندفن ماينتظُر
اه أبويه . ظل ثلاثه ابلا گبر . اه أبويه 

وداعي . إنته ونا بي گمنه انتكلم
وداعي . لا مو مثل جدك من تألم
وداعي . بي ماشفت نيران المخيم . يباقر
 
.......
من تِغَسِّل جسمي تلگه بي أثر گيد السبي
بيه أُذكر جرح زينب من تچلب بالعبي

ياجرحهه . بعده ينشد عن علي
ياجرحهه . صوته يصرخ ياهلي
ياجرحهه . ناده كافل محملي  . ياجرحهه

تنادي . خويه الگمر يوم الغاضريه
تنادي . گوم الشمر سوطه ألّمْ رقيه
تنادي . لمن رحت خاوينه المنيه . يباقر

....... 

هاي آخر طلبه منك لو خلص مني العمر 
والأجل منك خذاني والجسم صار ابگبر 

منك اطلب . بمنه والام الضلع
منك اطلب . كل عرس تجري الدمع
منك اطلب . تشعل الجاسم شمع . منك اطلب

وخويه . كاروكه هِزّه يطفي لهيبي
وخويه . ‏مثلك تره عبدالله حبيبي 
وخويه . يوم السهم هذا اول مشيبي . يباقر 



خادم الزهراء (ع)
سيد حامد النعيمي 

 

ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__الامام _ السجاد_😭

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار 🥀
ــــــــــــــــــــــــــــــــــــــــــــــــــــــــ


فوك الهزل جتفوني. يابويه مارحموني
انه العليل بلا رحم بدرب السبي عذبوني
==========
انه العليل بكربله شاف الرزيه
انه الكضوا أهله ذبح بالغاضريه
الزاد الألم فوك المرض والعِلّه بيه
اخت الكمر من صاحو اخذوها سببه

فوك المرض اذوني بالسوط من ضربوني
بالروح خلو جم سهم بدرب السبي عذبوني
==========
جتفو اديه بالحبل زادت حسرتي
والسلسلة من الثكل حزت رگبتي
دم الجفن ينزل دمه سالت دمعتي
ارجف يبويه عل الهزل وبروحي عِلتي

دم الدمع بعيوني. أصعب جرح راووني
حيلي عله النوك انهدم بدرب السبي عذبوني
==========
عماتي من مرن عله القتله يصيحن
عالجثث من فوك الهزل رادن يطيحن
بسجن يعماتي عله النوك استريحن
انكسر گلبي لعمتي والحادي ماحن

يابويه من اخذوني بگلبي تره لجموني
سار الضعن وبلاعَلم بدرب السبي عذبوني
==========
انظر عليها عالهزل تنظر عليه
مجتوفه وتون مانشف مدمع رقيه
جنها تكلي من الحبل فكهن اديه
جم مره يابويه بألم شفت المنيه

بدلالي من صابوني والسوط صاب امتوني
بمتوني وبگلبي الالم. بدرب السبي عذبوني
==========
ليل السبي لمن يمر ويهيج الآلام
تبجي اليتامه من الألم ماتكدر تنام
بتنه بخرابه ياوسف ماعدنا اخيام
والصعبه جانت عالحرم طبينه للشام

بذاك القصر دخلوني وسط القصر جروني
وانده يحماي الخيم بدرب السبي عذبوني
==========
رحلة عذابي ولوعتي وغصت حياتي
جرحي فلا يشفه ابد لساعة مماتي
انزف الم من الهضم كد نايباتي
بالسم ختم عمري الألم ساعة وفاتي

بسم الحقد سموني انزف الم تركوني
من الألم جبدي انجسم بدرب السبي عذبوني
==========
الشاعر علي النائلي

ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__الامام _ السجاد_😭

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار 🥀
ــــــــــــــــــــــــــــــــــــــــــــــــــــــــ


گبل السم موتك بالطف لو باليســـر
مااكدر احصي اجروحك گلي شكثر
شكتب يالمنفجع شگد عمرك بالدمع
ــــــــــــــــــــ ــــــــــــــــــــ
شلون اتحمل الشـــــــافاك
الســــــــوالف عنك اتّعب
يآخر روح ظل لحســــــين
اليوصفك ياعلي شيكتب
من ياهي ابتدي ويــــــــاك
يالمتخضّب ومتـــــــــرب
متعذبين شفت اهــــــــواي
مثلك ماكــــــــــو متعذب

لو شايف موقف واحد من كربله
لا يعگوب ولا ايـــــــــوب اتحمله
يالگلبك منصدع شگد عمرك بالدمع
ــــــــــــــــــــ ــــــــــــــــــــ
عله الخيمه الدوت بالطف
اگلوب اتهدمت وبيــــوت
وي كل ميت بعاشـــــــــــور
علي جم مره جنت اتموت
كســــــــــر الضلع اه حسين
گلبك ذاب من ياصــــــوت
يدافن اهلك ابــــــــلا روس
الحصيره صارت التابوت

ميت بالطف جم مره الله يســاعدك
انت الشفت الموت اكثـــــر لو والدك
كسرولك جم ضلع شگد عمرك بالدمع
ــــــــــــــــــــ ــــــــــــــــــــ
انت الصحــــت لو زينب
شاب امن الهظم رمشي
والمسلوب منه حســــين
بعد مايهتم الكلشـــــــي
عجب واگف وجدك طاح
من طعنة رمــح وحشي
حديد برگبتك واحبـــــال
امحفّر ساگك وتمشـــــي

موتك من شفت العلويات انســبن
لو من ركضن لو من شفت اتسلبن
همك ماينجرع شكد عمرك بالدمع
ــــــــــــــــــــ ــــــــــــــــــــ
عسر درب اليسر مااشوف
اشد من ناره مر اعليـــك
گلي امن الطفوف المــوت
للشام اشكثــــــر مر بيك
جم مره تموت الســــــوط
اذا طگ طفله وتصد ليك
رموك اشگد حجر وشلون
تصد وامجتفات ايديــك

طلعت روحك من طر السوك الخدر
ويم راس حسين اتمنيتــه بيا قصر
لو راسك منگطع شگد عمرك بالدمع
ــــــــــــــــــــ ــــــــــــــــــــ
بجيها وعلّت ام حســـــين
خلنها تصيــــــــــر اخيال
يالعابر جروح حســــــــين
عشت بعد السبي بياحال
جزيت امك نحت عمرين
وشوفك ويّه دمعك سال
بحصيره انشال ابوك شلون
الجروح بيا نعش تنشــال

بآخر انفاسك ياهي اكثر مضرمه
نار الســــــم بجبدك لو نار الضمه
صحت بون مرتفع        شگد عمرك بالدمع
ــــــــــــــــــــ ــــــــــــــــــــــ

اللهم عجل لوليك الفرج
ونسألكم الدعاء
علي محسن الزيادي

ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__الامام _ السجاد_😭

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار 🥀
ــــــــــــــــــــــــــــــــــــــــــــــــــــــــ

(حواريه بين الامام السجاد ع وابو حمزه الثمالي )

يامصيبه التبتدي بيها وياغريبه نوحك عليها
ويبتدي الگلب الحزين ويذكر مصاب الحسين
* *
روايه عن گلب عطشان يرويها گلب ممرود
من طب الثمالي عليه لگاه كل يوم حزنه يزود
يگله من تشوف الماي تذكر حزن ابوك اردود
يبو الباقر حزن گلبك مايهده وتحطله حدود
يا امامي وهالقتل عاده
وهذا جرحك بيمن ضماده
يگله مايهده الونين ويذكر مصاب الحسين
* *
يبو حمزه سؤالي عليك تعرف سبب مكنونه
هم شايف طفل عطشان بمثلث يفطمونه
ذبيح ومن لذيذ الماي هم شايف يحرمونه
غصن اليبس من الماي يسهل من يكسرونه
وهيجي نحره من السهم جاسه
بجف ابوي وخمدت انفاسه
وضل يعدد بالبنين ويذكر مصاب الحسين
* *
يبو حمزه وبعد دمعات من حسين مذروفه
رد ومنتجي عله السيف لازم ضهره بجفوفه
وزينب بين حزن وخوف تشعر كلها مخطوفه
الخيمه التضل بس احبال يعني بنار محفوفه
من اجانه وفاگد عضيده
يگلها اخيج گطعو وريده
وراح عباس الحنين ويذكر مصاب الحسين
* *
وبعد عن غربته نبچي بلا ناصر بقه وفزاع
يدير عيونه لانصاره الغابو عن عيونه بساع
الفرشوله الهلا الملگاه دمهم فرش ذيج الكاع
واثمن طعش من هاشم مشو عنه بلايه وداع
يدير عينه لمذبح اولاده
وفاض دمعه لمصرع الساده
وين غابو عنه وين ويذكر مصاب الحسين
* *
ومصاب حسين مامثله حصل بالكائنات مصاب
ودعنه ودمه اولاده عله شيبه بقية خضاب
ساعه ولن شفت راسه عله راس الرمح للنشاب
وجسمه عله الثرى مدمّى وبكل كتر بيه صواب
بالحوافر طحنو ضلوعه
ولكسرهن دگه مسموعه
وتنسمع عبر السنين ويذكر مصاب الحسين
* *
يبو حمزه الحزن واجب والك مني السعي مشكور
ولكن هم سمعت النا نسا بين الخيام تدور
بعبيهن لهيب النار وتنادي بگلب مذعور
والمايحترگ بالنار ماجاسه الحزن معذور
يالسبايا انگالت عليهن
وبعد اخوهن ياهو حاديهن
همهن الهم الدفين ويذكر مصاب الحسين
* *

خادم الحسين ع
علي العزامي


ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__السيدة _ رقيه_😭

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار 🥀
ــــــــــــــــــــــــــــــــــــــــــــــــــــــــ

حبيبي ابحلمي شفتـك
اثنعش طبره برگبتـك
برمح گاعد
شفت راسك
وحجر ضارب جبهتك
شفت وجهك
نخطف لونه
وتغير ما عرفتـك

****

بطريق الطف غفيت ولن حلم صـاير
الحلم يـــــوجع احسه مو حلم عابر
على صـدرك چن اشوف اثاااار للحافر
ترس احــلامي اسمع كلمة العــاشر


حبل ينشد بديه
انه وعمتي سويه
الزمان افتر
بحبل انجر
واصيح انه رقيـه
حلم شيفض
صرت اركض
برمح لاكن تبعتك

**

رؤيه من المواجع جابت الدمعــه
الرمح جا بيش چلب لمن تطلعــه
شما انضر لديك الگي العدد تسعه
وخنصر نقص بيهن يا هو اليگطعه

بمنامي شفتك انت
الرمح لمن سحبته
اخذ روحك
شلع گلبك
ومتت لمن نضرته

الحجر مره
السهم مره
المهم ميت نضرتك

**

واكف بالخيم بس صـلب ما راكع
مضيع وجــهك اصفر رايح وراجع
تگول لـعمتي زينب چن گمر واگع
بحلم بس صوت منك يقهر الطالع

حرت يابويه بامـرك
مشت ايدك لضهرك
على صفاحك
تحـط ايــد
وتحط ايد عله صدرك
واجت زينب
تسولفلك
وترد انت ابصفنتك

****

رؤيه من الرعب مو هينه تتفسر
رمح بي راسك انت وع الهزل يفتر
خشب صاير لسانه ويابس الاكبر
ونساوين اشكثر بس اكصدن بالبر


حبل واحــد يلمنه
وذبح طاحـو زلمنه
أساره احنه
بحلم رحنه
حلم خفت اصحه منه
شفت عمتي
حچت كلمه
حُسين الحگ اختك

**

حلـــــم بس حيل يشبه قصة المقتل
حلم بي كمت اشوف امريه فوگ التل
حلــم بوگ التراچي من الاذن مو حل
حلم منه اخاف وخفت عنه اسأل

وخيم منهوبه كلها
خيم مكتوله اهلها
السبي قادم
حجت وادم
السبيه محد الها
اسألنك
يبو روحي
سبيه وانه بنتك

***

السؤال الردت اگوله حيل گلبي يخاف
ليش بسوگ ندخل بالحلم ننشــــاف
اشمعنه ابجامعه ومتجتفين اجــتاف
برمح ويانا راسك والجسد ينعاف


متت دمعه عله دمعه
الاصابع ذنــي تــسعه
بقى اصبع
بقى الخاتم
شفت واحد يگطعه
حلم يكتل
حلم اسمه
بلا راسك حضنتك


ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__السيدة _ رقيه_😭

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار 🥀
ــــــــــــــــــــــــــــــــــــــــــــــــــــــــ


‏آه .. آه .. من ملگه الشام
‏ناس .. ناس.. كلهم ظّلام
‏كلهم ايكرهونه
‏ابلا سبب اذونه
‏ـــــــــــــــــــــــــــــــــــــــــــــــــــــ
‏اباب الساعات .. خلونه انبات
‏وتلثت ايام .. لنوگ منوخات
‏
‏الاذن لمن اجه والباب انفتح
‏شفنه كل الناس منتضره بفرح
‏هذا اليطگ روس اخوتي اعله الرمح
‏وهذا اليذب ماي حار أمن السطح
‏
‏ويل .. ويل .. شفنه أمن الناس
‏وين .. وين .. صاحو عباس
‏هل سبينه اضعونه
‏ابلا سبب اذونه
‏ــــــــــــــــــــــــــــــــــــــــــــــــــــــــ
‏كلها معيدين .. دروب مزينين
‏تبارك هالناس .. وبذبح حسين
‏
‏واني انظر بالدمع من عالهزل
‏الوادم بذبح اخوتي توزع اكل
‏ليل ونهار اسمعت صوت الطبل
‏وين مانمشي ايتلگونه ابحفل
‏
‏هاذ .. هاذ .. حسينچ مكتول
‏حيل .. حيل .. داسنه اخيول
‏ارجالنه يطحنونه
‏ابلا سبب اذونه
‏ـــــــــــــــــــــــــــــــــــــــــــــــــــــ
‏نمشي ويمشون .. وبينه يضربون
‏يا اهل الشام .. شمات اضعون
‏
‏مثل هاي الناس اصلا ماشفت
‏ازغارهم تشمت اشعلمها الشمت
‏طفل خاف يموت عندي اهنا خفت
‏وگلبي لازمته اذا شوفن طشت
‏
‏صار .. صار .. لبنته وجابو
‏راس .. راس .. بچفها وخلو
‏وعرفته أمن عيونه
‏ابلا سبب اذونه
‏ـــــــــــــــــــــــــــــــــــــــــــــــــــــ
‏ادخلنه الديوان .. والكل فرحان
‏وراس العطشان .. بيد السكران
‏
‏ايد لازم راسه والاخرى خمر
‏الراس متهشم وشاله أمن الشعر
‏وبالعصى ضل يطگ بشفافه الفطر
‏وگلبي ساعتها احترگ مدري انعصر
‏
‏هنا .. هنا .. حاچه الحداي
‏شوف .. شوف .. ما شارب ماي
‏وابد لتشربونه
‏ابلا سبب اذونه
‏ــــــــــــــــــــــــــــــــــــــــــــــــــــ
‏كرّم لجنود .. والطگ الجود
‏بس الفرسان .. هنا طلبو زود
‏
‏عشر خياله اطلبو غالي الثمن
‏گالهم سمعوني موقفكم اذن
‏جسم الحسين احنه الطحنا طحن
‏الحافر أمن الدوس ضل يعجن عجن
‏
‏صوت .. صوت .. اعضامه الطگيت
‏هنا .. هنا .. تسمعهن ريت
‏حچو ويسمعونه
‏ابلا سبب اذونه
‏

الشاعر غضنفر الزيداوي

ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__السيدة _ رقيه_😭

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار 🥀
ــــــــــــــــــــــــــــــــــــــــــــــــــــــــ



ابدرب السبي انباگ العمر
يا دنيا شنسه من الشمر

احبال اليسر بديه…. وجدامي طگ رُقــيه

انـــــه العلـــــيل

★★★★★★★★★


عمري خلص گيد وسبي وتنزف جراحه

واگــبالــــي تركض عمتي ومامستراحه

يمـــــي الشمر ويطگ رُقية ابكل وكاحه

گمت وطحت وام الخدر شعبت مناحه


گـــتلها شيفيد الدمع….و ذابـت رُقيه وي الشمع

گربت ألي المنيه….. …. وجدامي طگ رُقيه

انــــه العليل
★★★★★★★★★


ياهــــــو الگدر مثلي ونظر مذبح عمامه

وياهو الحمل سبي النسه وحرگة خيامه

احــــنــه السلامه وتالي ماشفنه السلامة

وننطـــي اليـــتامه وللأسف صرنا يتامه


اتكفلنا چم طفله وطفل…واطفالي تالي اعله الهزل

ادموع الهظم سريه ….. وجدامي طگ رُقيه

انــه العليل
★★★★★★★★★


ذبحــوا زلمــنا ونامــوا ابسـوح المنايــه

وزينب واهلها ابياذنـــب طلعوا سبايــه

استگوه الشمر حگه لأن ماعــدنا رايــه

بـــس عمتي وظمت رُقــــيه باالعبايــه



غثني الشمر من ابتسَم … وگلالي اخت راعي العَلَم
فوگ الهزل سبيه….. …. وجدامي طگ رُقيه

انـــــــه العليل
★★★★★★★★★


عگـــب الخدر واهل الخدر مذبوحـــه ناسي

وزينب تره طلعت ركض وي شيــــــب راسي

دَمعـــــة رُقــــــــــيه بَچَت اعــيون الرواسي

أي واللـــه يــــا دنـــيا فــلا لَحظــه انـــه ناسي


گيد وهزل درب السبي … ومحترگه نسوان وعبي

وشسوه سوطه بيه…. …. وجدامي طگ رُقيه

انـه العليل
★★★★★★★★★



گتلـــهـــا ياعمـــــي السبي ويانـــه مَيلوگ

احجابــــچ رُقيه المفترَض يتــوزع اعلوگ

بعــــدچ زغيره وحلوه عوفي عشرة النوگ

وشفت الشمر منــچ تراچي اتعمــد ايبوگ



جَــر أذنچ ودَمــچ جَرة….. وصحتي يسبع الگنطرة

مَحد فزَع أليه….. …. وجدامي طگ رُقيه

انـــــه العليل
★★★★★★★★★


يوگع طفل وحمي طفل والحومه ظلمه

وزينــــب تنادي اعله الهزل لَحگي ييمه

فــــــوگ الترب ذبحوا گمرنا وابو اليمه

وحسين خظب لحيته من فيــض دَمـــه


يافاطمه امروتچ بَـــعَــد…والخيل سحگة عاالجَسَد

مايعرف الخطية…… وجدامي طگ رُقيه


انــــه العليل
★★★★★★★★★



انـــه العليل وعَمي طاح اگبالي اشوفه

وشفـــت الشمر يم النهر گطع أچفوفه

عريس ابنه ابرگبته اتحنـــــت سيوفه

وعبدالله نـــــــام وأمــه ماتقــبل تعوفه



وتنادي ليله ابلا وعي.… عالأكبر ايــــلوگ النعي

لو أقره اله لَطميه….. …. وجدامي طگ رُقيه


انــــــه العليل
★★★★★★★★★







ــــــــــــــــــــــــــــــــــــــــــــــــــــــ

ماجد حبيب الخيگاني
ونسألكم الدعاء
ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__السيدة _ رقيه_😭

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار 🥀
ــــــــــــــــــــــــــــــــــــــــــــــــــــــــ


(ًعمه وينه)


عمه وينه      الحظنه دافي كلميني
عمه وينه     ليش ابويه  مايجيني

گلبي مشتاگ الحنانه  .. وانه ما اندل مكانه
       
          كلميني     ***       كلميني

*-------------------------*----------------------*

سولفيلي عمه وينه بيا  مكان
علماني بحظنه أغفه بكل أمان
چنت اشمه وگلبه ينبظ بالحنان
خيمه أليه وبوجوده جنه چان

راح أموتن        بالأماني يمته أشوفه
راح أموتن         بس حناني ما أعوفه
*-----------------------*----------------------*

تغفه عيني وصوره تحضر للحبيب
يمته أشوفه الفارگاني وكله طيب
بكل صباح اتنطريته  بكل  مغيب
عايش بروحي واحسه اشگد قريب

چن اشوفه         الغالي لحظه مانسيته
چن أشوفه         أگبالي هسه اتخيليته
*-----------------------*--------------------*

گلتي  سافر  واليسافر هم  يعود
وين أبويه ادموعي حفرن بالخدود
الفرگه مره ومضلم بعيني الوجود
صارت ايامي العشتهه بلحظه سود

صبري خلّص         عني غايب ما أجاني
صبري خلّص         يمته اشوفه الفارگاني
*----------------------*---------------------*

عمه زينب صبري خلّص انتضار
الدمعه تنزل بالنواضر چنهه نار
كمت أحس الليل  يشبه للنهار
مادريته ودهري بيه بسرعه دار

عمري شمعه            ونار  بُعده  ذبّلتهه
عمري شمعه          وهل مصايب عاشرتهه
*-------------------------*---------------------*

چني ريشه وجني فجئه العاتيات
أطشرن بيهه أمنياتي وحلمي مات
ذكره  ذكره  كمت  أعدن  ذكريات
وي أبويه أسنيني غابت والحياة

هذا حالي          وعمري دمعه ما أريده
هذا حالي          وصبره گلبي مايفيده
*----------------------*----------------------*

عمه كافي أتعذبيني بهل سكوت
كلشي سكته والدموع بلايه صوت
كلميني  من  سكوتچ  راح  اموت
يجرح  الريه  الهوه  لمن  يفوت

صعبه احسهه         التفارگ تبقه عدله
صعبه أحسهه       العنده غايب مايردله
*------------------------*--------------------*

✍ خادم الحسين// ع  //
الشاعر رعد الجريخي

ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__السيدة _ رقيه_😭

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار 🥀
ــــــــــــــــــــــــــــــــــــــــــــــــــــــــ



ابيات نعي

عله النوگ الهزيله رحنه لشام
ولاگونه اشكثر عباس شمات

بخواتك بالحجر گاموا يشمرون
ويگلولي كفيلج عافج ومات

اسكت باليتامه وامسح ادموع
اكابر من اشوف اگبالي شمات

ومو لجمة جرح ونساهه وطيب
عباس وعلي بكل روحي لجمات

اصفن والمدامع تجوي الخدود
وكل مغرب يجيب لبالي صفنات

مو عثرة اجدم تهزنه ونطيح
حتى النوگ شبعت بينه عثرات

ناس من الخوارج كامت اصيح
وناس بلاذنب شبعتنه شتمات

وناس اصيح هاي اخت الكمر هاي
وعليه اعيون ظلت ترمي نظرات

مو شوغه جرح ملچوم وتهيد
شبعتنه الخرابه خويه شوغات
ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__السيدة _ رقيه_😭

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار 🥀
ــــــــــــــــــــــــــــــــــــــــــــــــــــــــ


ارد اشبگك گبل يوم العاشر
گبل لا صدرك يرضه الحافر

فوگ صدرك ارد انام /// گبل  لا تنام السهام
=================================

فوگ صدرك چنت اغفه ، وجرح گلبي بشمه يشفه،،وگلبي يرتاح
من ترض الخيل صدرك،، وين انام اطيني عذرك،، فوگه ذباح
يرفس ابرجله ويدوسه ،، صدرك اليوميه ابوسه،، والدمع طاح
يبتدي يحز ابوريدك ،، وانه اصيحن بويه أريدك،، اجوني الأشباح

ابقه ابچي ودمعي يعمي عيوني
ابسوطهم وي ماطحت ضربوني

ون عله ونيني الحمام /// گبل لاتنام السهام
=================================

بويه  دنيلي  رگبتك ،، ابد  ماحمل  فرگتك،،،، ، روحي تحتام
من  تدوسه  الاعوجيه ،،، تنسبي بنيتك رقيه ،،  بيد  ظلام
عگب صدرك والحنان،،،، اتصير لعيالك مكان ،، خربة الشام
والسياط ادگ علينه،، من العده انشاگف بدينه ،، تموت الاحلام

لو  طحت  يابويه معناهه انسبي
وعله اعيالك ينظر  يظل  اجنبي

بدمعتي ابعثلك سلام /// گبل لا تنام السهام
==================================

مني تسلب تراچي ،، باچر واشبع  بواچي،، ،،، وجدمي يعثر
بين سوطه وبين خوفه ،، جسمك انظرله واشوفه ،، من تطشر
عمي ماهوه  وصيحه،،،، وچثتك اكبالي ذبيحه ،،،، اگبالي الأكبر
عيونهم  تاكل وجهنه ،،، لحظنه  منهم  ماسلمنه ،،،، زمرة الشر

ضعنك احجار وحچي شمروا عليه
وبس  عليل  ويانه  ومچتفين اديه

صرعه اخوتي والاعمام /// گبل لا تنام السهام
================================

باچر اعله الهزل اصعد ،،، وجرح گلبي صعبه يضمد ،،بويه بعدك
َنومتي بنص  الخرابه،، ،، لا  اهل لا  من گرابه، ،،، التغفه  سدك
الكيد ماكل  هسه اديه،، ومو رقيه اسمي السبيه ،، شنهو ردك
چنت اعز من الهوه ،،،،،، ،، عندك وچنت الدوه،،،  شكبره   ودك

انت  رايح  واني  دمعاتي جريه
مو رقيه انه صرت هسه السبيه

اندعي يحل الظلام /// گبل لا تنام السهام
==============================

اعله الترب بغيابك اغفه،،،والعمر شمعاته تطفه،،،،بشوفة الراس
من يجيب الطشت يمي،، يصبح  اشكبراته همي،،،وبچي بحساس
الشام  والخربه  ولني،،،، ،، زيدن  وني وعمني،،،،، ، ،، وشمتن ناس ماتظل بعيوني دمعه ،، صوتهم من چنت اسمعه،،، ويمي عباس

منهم  أشكال  السوالف  والحچي
اسمع وحرموني حتى من البچي

جاروا اعلينه اللئام /// گبل لا تنام السهام
==========================
الشاعر احسان الحميداوي

ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__السيدة _ رقيه_😭

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار 🥀
ــــــــــــــــــــــــــــــــــــــــــــــــــــــــ



ويه راسك بالطشت مدري شحچت
من التعب كل  ظنهه  عمتهه   غفت
========================

بطشت راسك  حين  بتك  شافته
رفعت    المنديل    عنه    وشمته
حچه وياهه وهيه مدري شحاچته

بچه الراس وهيه وياه هم بچت
من التعب كل ظنهه عمتهه غفت
========================

من  كثر   ماشوگ   ماليهه   وحنين
اعله الطشت ماتت ابنيتك ياحسين
الكون كله اعله الجره يبچي وحزين

والسماء والأرض  من  دم  دمعت
من التعب كل ظنهه عمتهه غفت
========================

ماتت وچم  سوط  طابع عله المتن
وظلت  بليل  الخرابه  اشگد   تون
لحظن ابوهه وحظن عمه من تحن

بتكم   زغيرهه   وتصيح   اتغربت
من التعب كل ظنهه عمتهه غفت
========================


ماتت  ومدميه   اذنهه  من   السحل
وتجري اديهه ادموم من  گيد  الحبل
تنسبي       للشام       وتروح    بهزل


الأحلام    بعينهه    كلهه   انطفت
من التعب كل ظنهه عمتهه غفت
==========================


شالهه   السجاد   ودموعه   اتهمل
يصيح   يوم   وداعهه   ما ينحمل
عگب ابوي حسين ماظل كل شمل

كل اخوتي وأهلي ليش  تطشرت
من التعب كل ظنهه عمتهه غفت
=========================

اخ   يازينب   اشصار    بحالهه
من علي السجاد  ميته   شالهه
طفله راحت من شمل   اطفالهه

وبالگلب زينب  عليهه اصوبت
من التعب كل ظنهه عمتهه غفت
==========================

الشاعر احسان الحميداوي
ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__السيدة _ رقيه_😭

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار 🥀
ــــــــــــــــــــــــــــــــــــــــــــــــــــــــ



رقيه  بخربة الشام /// وياهه اندفنت احلام
يوم الشافت الراس ///  ماتت بيهه الانفاس
----------------------------------------------------------------------------------

مچتوفه   مشت  للشام   واذنهه  ابلايه  ترچيه
عمرهه اهواي چان زغير بهزله اخذوهه مسبيه
وشافت عالثره ابلا راس ابوهه وچثته  مرميه
تصد   وتحاچي    عمتهه    يعمه   حيل   مابيه

بغربه  اتهدم  الحيل /// تكتل وحشة الليل
ابوهه اگبالهه انداس  //// ماتت بيهه الانفاس
=================================

مو  مالت  سبي  وسياط  رقيه  من  الورد  اترف
خذوهه  بهزله مچتوفه عگب لشافته  من الطف
مصحف  چان  ابوه حسين وهيه  اية   المصحف
ياهو  المنهه اشرف چان وياهو  من  ابوه  اشرف

بمتنهه انطبعت اسياط ///  گلبي  للنهر  شاط
صاحت ماجه  عباس /// ماتت بيهه الانفاس
==================================

تعبهه  الدرب  والسوط  ومن   الممشه  تعبانه
تگلهه  المثلي يا عمه   يعيش  امدلل  اخوانه 
مو يگضيهه بلدمعات وحيل  امتونه  وجعانه
اذانه  طريق   الشام   هظمنه   وحيل   اذانه

شبعو بيه شتمات /// وتربي علينه شمات
انشتمنه  بزحمة الناس ///  ماتت بيهه الانفاس
==================================

حاچي الحادي  ياعمه  لاهلنه  بينه خل  ايرد
برمحه   الراس  ويهزه  احسن  بالگلب  يمرد
حمايه  يمشي  ويانه  يعمه انخاف من  يبعد
وشوفن راس ابو فاضل من ننطگ يظل يرعد

يرعد راسه اشوفه  ///  لچن عذره  بچفوفه
عمي الماله مقياس /// ماتت بيهه الانفاس
===================================

شبعنه من الدرب عثرات نبچي وراحه ماشفنه
وي راسك يبويه حسين چم  ديره  وبلد  طفنه
واحد بينه  ظل  يشتم    واحد   بيده  چتفنه
واحنه بكربله وياك  چم  حسره  وجرح  عفنه

يمك  عافت الروح /// وگلب  بالفرگه  مذبوح
خذونه گوه الارجاس /// ماتت  بيهه الانفاس
===================================

العزيزه  الچانت  بحضنه هسه  بخربه  نومته
وتگضيهه بونين  ونوح  وي  الروس   سهرتهه
الگبل  ما تقبل   عليه  هسه  اعداك  ضربتهه
تمنت موتها  وي الراس وصارت فوگه موتتهه

شمت  راس ابوهه   /// اجو  ميته  لگوهه
يكتل جرح الاحساس /// ماتت بيهه الانفاس
==========================

الشاعر احسان الحميداوي
ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__السيدة _ رقيه_😭

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار 🥀
ــــــــــــــــــــــــــــــــــــــــــــــــــــــــ


اعله الطشت ماتت ابنيتك ياحسين
==========================

الليله فوگ الطشت ماتت وردتك
نعت  فوگ  الراس حيل وشمتك
حطت الراس بحظنهه وحظنتك

وظل عليك ابدمع يتعاله الونين
اعله الطشت ماتت ابنيتك ياحسين
==========================

غفت فوگ الراس ظنه ام الخدر
فوگ كسرتهه الگلب ظل  منكسر
انكسر  خاطرهه  وبعد   ما ينجبر

وياه ماعنده الدهر ذرة حنين
اعله الطشت ماتت ابنيتك ياحسين
===========================
وي رقيه  الراس  سولف  منحره
اتحير  السجاد   من شاف  الجره
موقف  يبچي  الصخر ظل منظره

من ونينه  الحجر يعالم  يلين
اعله الطشت ماتت ابنيتك ياحسين
===============================
ماتت  من   الهظم  زرگه   متونهه
ومن   دمه   ظلت   تهل  عيونهه
زينب  اعله  الصار   الله    بعونهه

قست دنياهه وقست حيل السنين
اعله الطشت ماتت ابنيتك ياحسين
=================================
حاچت  الراس   ورجع   حاچاهه
بچت  گام  الراس   يبچي  وياهه
والمدامع     من   دمه    مجراهه

الكون عالصار وجره يبچي وحزين
اعله الطشت ماتت ابنيتك ياحسين
==================================
عليهه ظل بالطشت يدمع راسك
اه يجرحك  اه يجرح  احساسك
كون  موجود   وعدل   عباسك

چا نعاد عليهم الفتح المبين
اعله الطشت ماتت ابنيتك ياحسين
=================================
اشجره اعله السجاد يوم الشالهه
من الطش  والراس  ظل  يبرالهه
يبچي   ظل   الحجر   دم   لحالهه

هون امصابي  يلاه  العالمين
اعله الطشت ماتت ابنيتك ياحسين
=======================
الشاعر احسان الحميداوي

ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__السيدة _ رقيه_😭

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار 🥀
ــــــــــــــــــــــــــــــــــــــــــــــــــــــــ



اهواي اجروحچ وانتي زغيره !!!!! يلخليتي الدنيا  بحيره
يا ايه  ومضمونچ  ايه  ////  اذنچ  بالطف  امدمايه
================================

يورده  وچان  عمرچ  اربع اسنين
تحبينه  ويحبچ  چان   الحسين
بحلم فزيتي  يمچ  جابوا  الراس
مغمض وعله صوتچ فتش العين
بچه  راسه ودمع بعيونه حاچاچ
يگلچ     يلعزيزه    وين    تردين

شميتي الراس وحل موتچ
وزينب  تنظر ضايع صوتچ

صوتج ماسمعتله احچايه ///  اذنچ  بالطف  امدمايه
================================

دمعهه  ودمع  راسه يجري  مدرار
تسولفله  وتگله  اخلافك  اشصار
البله اخلاق وعديم الرحمه جابوه
شبوا  بالخيم   من  كل  كتر    نار
ركضت   عمتي   وركضنه   حفاي
شوچ  الگاع  چانت  والرمل   حار


من شتمهه  الموت  اتمنت
شمت  راسه بحرگه ونت

عنده وعندچ چانت غايه //// اذنچ  بالطف  امدمايه
=================================

لگيتي  العافيه   وظنهم   غفيتي
وانتي   للمنيه   وياه     مشيتي
اجه  السجاد  شالچ  لاچن  احتار
يحاچيچ  ابدمع   بس  ماحچيتي
وزينب  اه  زينب   صاحت  وياچ
عسن    ياعمه    تاخذني   منيتي

الموت احنه وياچ  اتمنينه
شمات  وغربه  التسبينه

يلضنچ  راسه  مصلايه //// اذنچ  بالطف  امدمايه
=================================

تبچي    بالخرابه    اهواي  ضلت
فرض  الموت  فوگ الراس صلت
فزت   من  حلمهه  اتهل  الدموع
موجود   وتشوفه   يمهه   ضنت
صاحوا  هاي طفله  تريد  ابوهه
حنينه   وال حنانه  اهواي  حنت

موتچ فوگ  الراس اسجل
شلون امچ  بعدچ  تتحمل

مثلچ  ياورده اماذايه  /////  واذنچ بالطف امدمايه
===================================

اگبالچ  راس  ابوچ   وراس  عباس
متي اعله الطشت من جابو الراس
بينه وبينچ  اهواي الحچي  الصار
انذبحتي مو بسيف  بنظرة  الناس
ياهو   امن   الموقف  حيل   اذاچ
وشفتي حسين صدره اگبالچ نداس 


بحالچ  سولفتيله   شصاير
شو ظل صافن راسه وحاير

صد اعليچ وصد للرايه //// اذنچ  بالطف امدمايه
==========================
الشاعر احسان الحميداوي
ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA