#قصائد_محرم_العشرة_الثانيه

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

#قصائد_محرم #جديد

هاي الطاهره البضعه ـ تلوب وتذرف الدمعه
ع اللي متغسّل بدموم ـ نزلت للطف بهاليوم
🔹 🔹 🔹 🔹
هـاي الـطاهــره الـزهــره بگلـب مفطـور
للطــف نـزلــت وبـعــده الـضلـع مكسـور
تــدوّر ع الإبــن وبـثگــل هـمهــه اتـدور
مهضـومــه وبـدت تــذرف دمـع من نور

بخيالي ارسَمت هالمشهَد ـ اجت تتخطّه چن فرقد
تعثر مره ومرّه اتگوم ـ نزلت للطف بهاليوم
🔹 🔹 🔹 🔹
نــزلَــت هـايمــه وبيــن الجـثــث تعـثَــر
مـذهـولـــة فـكـــر وبـخــاطـــر امــكــدّر
تــــدوّر ع الـكفـيــل ابـگلــب يـتــوجّـــر
لـن شـاهــدت جسـمــه بـمصــرع امـوذّر

شهگت والجفن ينبع ـ بمهجـة ثكلـه تتفجّـع
بناظرهه المصرع مرسوم ـ نزلت للطف بهاليوم
🔹 🔹 🔹 🔹
تجـــر حـســرات منـهــه الـجـبـل يتهَـدّم
وبيـا عـيـــن تـنـظــر جسـمه يـنــزف دَم
تـــدوّر ع الـچـفـــوف وغــارگــه بـالـهَــم
ووي جسـمـــه الـتريــب بـنــوح تتـكلّــم

جسمه اتحاول اتلمّه ـ بلِسان المدمع اتكلمه
واللوعات اعليهه اغيوم ـ نزلت للطف بهاليوم
🔹 🔹 🔹 🔹
چــن ظلــت تنـشـــده فاطمــه الـزهــره
منـو الگطّــع اوصـالك؟ ليـش متعفــره؟
ودمــاك بيــا ذنــب تنسـفـك ع الـغبـره؟
وچُفوفك وين يبني؟ وشنهـو هالطّبره؟

سهم عينك يبو فاضل ـ أحس صوّبني يالكافل
بعينك صابوا عيني الگوم ـ نزلت للطف بهاليوم
🔹 🔹 🔹 🔹
تـگلـــه يـالـكفـيـــل الـمنتـثـــر جـسمــك
أحـس اوتـــار گلــبي اتـگطـعــت يـمّــك
مثــل إبـني أحسبـك واشـعــر انـه امّـك
ألف وسفه بدمه الطبره انحجب نجمك

انعادت يبني بالطبره ـ كسرة ضلعي والعصره
واذكرت الضلع المهشوم ـ نزلت للطف بهاليوم
🔹 🔹 🔹 🔹
عگـب ما طحـت بالمصـرع يبـن حيـدر
دار اعلــه الـحسيــن وعيـلتـه الـعَـسكـر
عطشــان و لــزم ظـهـــره أبــو الأكبَــــر
رميــه بأثــر رميـــه وگطـعــوا الـمنحــر

سليب ومنسحگ صدره ـ وخيامه بنار مستعره
وروحه اعله الأَطفال اتحوم ـ نزلت للطف بهاليوم
🔹 🔹 🔹 🔹
مـن نحـر ابــو فاضـل صوت چـن يطلع
مـولاتي وأنـه اعلـه الـمشــرعـه امـوزّع
چـانـــت روحـي يـــم احسيــن تتلــوّع
وانـذبحــت احسـهــه بـكتـره بالمصـرع

أنه اشما قدمت لحسين ـ لو وي عيني والچفين
العالَم، هُوّ ايظل مخدوم ـ نزلت للطف بهاليوم
🔹 🔹 🔹 🔹

ـ مثيل جبار/ الشطرة - صباح ٢٩ ١ ٢٠٢٠



▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم_العشرة_الثانيه

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

رايتك رايت نبي وانصلب يوم السبي
موذر ولكن عينك اعله اختك
اجروحك بسيطه الغيره صالبتك
@@@@@@@@@@@@@
عباس شفتك عالنهر والرايه فوگ ازنودك
راية نبي يابن علي والايه ماي بجودك
للغيره ربك نزلك مرسل توفي اوعودك
يا خويه واني اتاكدت ما انسبي بوجودك
اني ادري متئمنه بوجودك وأمنه
من چنت اهزك بيدي عارفتك
اجروحك بسيطه الغيره صالبتك
@@@@@@@@@@@@@
بوجهك جمال الله انجمع نستبشر من انشوفك
بگماطك وگلك علي متعوفني ولا اعوفك
تفزع اذا مره ازعلت وترفع اليه اچفوفك
بسرك وضع الله الوفه ويوم الرساله اطفوفك
بالطف الك واقعه ياخويه عالمشرعه
معنى الوفه للناس واقعتك
اجروحك بسيطه الغيره صالبتك
@@@@@@@@@@@@@@@
يمه تسميني ردت واني اختك الربيتك
من صغرك وتحچي الي بگماطك وحاچيتك
مثلك ولا جابت مره غيره وعزم شخصيتك
هالدنيا تهتز لو تهز يا بو الفضل ساريتك
تمطر الدنيا غضب ساحة حرب لو تطب
مرعوب لحضه بعمري ماشفتك
اجروحك بسيطه الغيره صالبتك
@@@@@@@@@@@@@@
من الله انت للخدر طلبه وعلي الطالبها
يا غيرت الله بمرضعك بس وحدك الشاربها
جسمك توذر عالنهر واجروحك اتعاتبها
مصلوبه روحك يالوفي جرح السبي الصالبها
چفين اليه انذرت ياخويه ماقصرت
لا تعتذر هو اني عاذرتك
جروحك بسيطه الغيره صالبتك
@@@@@@@@@@@@@@@
ما همك اجروحك ابد لاچن تهم بعيالك
والخدر جان ارسالتك ونحفظ خويه بجالك
مصلوبه روحك يالگمر يارمح هذا الشالك
متوذر وكلك خجل ومدخنه غيره اوصالك
واني ادري يالطالبي ماترضه اليه السبي
رغما عليه خويه من عفتك
جروحك بسيطه الغيره صالبتك

تمت بعون الله
لخادم اهل البيت موسى الجيداوي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم_العشرة_الثانيه

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


يروى ان رأس عبدالله الرضيع رفع على رمح واخذ مع الرؤوس ...
وكأني بأم عبدالله الرضيع تمشي مع السبايا وتنظر الى رأس ابنها وهو على الرمح مما جعلها تتعثر بالمشي حتى بدأت تتأخر فشاهدتها ام المصائب زينب وجائت اليها وطلبت منها ان تمشي مع السبايا لتطمئن عليها .. فقالت ام الرضيع للسيده زينب :


أشما أصدن للرماح
أشوف أمدللي الراح
والله صعب ممشاي ومو بيدي يعيناي

* * *

أنظر رضيعي أعلى الرمح
يازينب وراســه حر الشمس جاسه
ويلعب بشعر الهوه

شلون أمشــي وياجن أنــــه
وكل لحظه أتعثر يالحره ما أكــــدر
للشام نمشي ســـوه

خلينه نحجي ويه الشمـر بلكت ينزلونه
بلكي الله يرضون العده وعندي يخلونه
في أرد أصيرله أنه وأرد أمسح عيونه
وبحضني ألوليه بجي لو ألي ينطونه

بحضني لابد ينام
لمّن نوصل الشام
لوليدي أصير افياي ومو بيدي يعيناي

* * *

ذبلن أعيونه امن التعب
وليـــــدي يعاينلي كل ظنه يرجعلي
مايرضه عنه أبتعد

وشفافــــه يبسها العطش
وأمنيتي أوصللهن مـــــــاي وأبللهن
جانن ينكطــن ورد

أخدوده ترفـه وسومرن هالشمس تجويهن
وهذا التراب البالهـــــــــوه كلما يمر بيهن
يلجمني واشهك للسمه من شوغتي أعليهن
ومشدوده أديــه بالحبل ما أكـدر أحميهن

الجويـه بعده ماطاب
يلجمه هالهوه الهاب
أحسه يمرعد أحشاي ومو بيدي يعيناي

* * *

يازينب أجبيــــر الرمح
ماهو بحجم نحــــره بس ست شهر عمره
ميشيل راس الرمح

وجن أسمعــه ينادي علي
يايمــــــه ألحكينـــي أمن الرمح خلصيني
شيليــــه من الجرح

أفتهمه شيكول الولد كلما يناغيني
ماخلي أبني أبهالوضع كلبي مينطينــي
أشجندوب أطيح أعلى الترب وأنتي تكوميني
خليني أموت أمن البجي مولاتي خلينــــي

كلبج مثلي متعوب
وأتباريني جندوب
تعبتـــج آنــه وياي ومو بيدي يعيناي

* * *

عبدالله شو شفته صفن
ولن باله مويمي وآنـــه يبس دمي
كلت أبني شنهي سمع

ثاري أبوه يقره الكهف
ووليدي يسمعلـه وجنـــه يرجعلــه
لاجن الصوت أنكطع

اتلفتت من صوتــه سكت وآيات مايقره
وبعيني شفت الفاجعه وخنكتني العبره
ألتموا على راس الطهر ريحانة الزهره
أتولوه بسياط العده وهوه يجر حسره

وأبني مدمعه يسيل
حرمــوه من تراتيل
وضل بالي يم مولاي ومو بيدي يعيناي

* * *

كل جرح يرهمله دوه
بس ماكو لجروحي وأتعذبت روحــــــي
بهموم ماتنجلــي

ما أكــدر أبليـــــاه أبد
بعده شلـــي بعمري صرت أشتهي كبري
الموت أحسن ألي

اصبي عيني راسه أعلى الرمح شياله مرمرني
ايماشينـــي وأجدامي بعد لاما يمشني
أصفن عليه وأتخيله وأنتظره يشبكني
لحد ما يفززني الشمر وبرمحه يدفعني

كلـــي لاتنوحيــــن
سكته كون تمشين
يزينب شوفي بلواي ومو بيدي يعيناي

* * *
سلام المشعل

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم_العشرة_الثانيه

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

#قصيده_لشهر_محرم

#قصيده_ملمع

الـحـوراء زيـــنـــ ع ـــب
بـعد رؤيــتـهـا الاجـســاد
ــــــــــــــــــــــــــــــــــــــــــــــــــــ

تـلـك الأشـــــلاء..وسـطَ الـصـحراء
مـاتت عـطـشـاء..تــبـكي الـحـوراء

ـــــــــــــــــ ❁ ❁ ❁ ــــــــــــــــــ

الـوحدي ابـقـيت ياعبـاس
مـحـد مـن هــلــي ويايــه
وأنــت الـنــاـم ومـطروح
بـــــلا جـــود وبَـــلا رايــه
شـفـت الجـثه فوگ الگـاع
تـــنــزف مــنها الــدمـايـه
يـاخــويـه چــفــوفك وـن
انـهـض هـجمـت اعـدايـه
راسك عـاالرمح مــرفــوع
بـعـدك نـنــســبـي ســبـايه
امگـطعينك يخويه وصال
وجــــودك يـســفح بمـايـه

بـنـتُ الـگـرار ..بــيـن الأشـرار
دمـــعٌ مـدرار..تـبكي الـحـوراء

ـــــــــــــــــ ❁ ❁ ❁ ــــــــــــــــــ

ياخوتي الدمـع لوسـال
ينـشـف دمعي البعـيني
مااشوف الدرب ظـليت
لــيـكـم مــن يــوديـنـي
ما اريد العمر ما اعـيش
بعدكم شـلي بسـنـيني
فـارگت الـگـمـرعـبـاس
ومـني رايح حـسـيني
دمـكـم فدوه للأسـلام
بـيـكــم يـرتـفـع ديني
فوگ الگـاع متوذريـن
يوصـل عدگـم ونيـني

رأسٌ مـقطوع..صوتٌ مسـموع
قلبٌ مفجوع..تـبكي الـحوراء

ـــــــــــــــــ ❁ ❁ ❁ ــــــــــــــــــ

شــبت هاالـخيم باالنار
ويـن الـگـه الـيطـفـيها
دارلجيش من كل صوب
زيــنــب دارو عـلـيـهــا
ظلت بـس حرم وايتام
لا والـي الــيحــاميـهـا
والأطـفـال بـين الخـيل
شـردت مــن يدليـهــا
وسكينه تصيح بصوت
مـا واحـد يـواسـيـهــا
ما ظـلي بعد باالـعـين
دمعـه عليكـم ابچيـها

دمعـات الـعيـن..شـبت نـاريـن
فـوق الـخديـن..تبكي الحوراء

ـــــــــــــــــ ❁ ❁ ❁ ــــــــــــــــــ

كـل جـثه تظـل عاالگـاع
مـطروحـــه ثـلـة ايــام
بـس روس المشـت وياي
وتــباريـلـي هـاالـظـلام
مـامـرنـي ابـد بـالــبـال
ولاشفـت الجره بأحلام
روس اخواني فوگ ارماح
وانـه مـيـســره لـلـشــام
مـايـرجــع بـعـد عـبـاس
منـهو يحامـي هاالأيـتام
يـاخوتي هـمـومي ثگـال
بــگـلـبـي تـكــثــر الآلام

عمـراً لاطـال..تـمـشي الأطفال
بـيـنَ الأنـذال..تـبكي الـحـوراء

ـــــــــــــــــ ❁ ❁ ❁ ــــــــــــــــــ

طـبـيـت الـقصـر ياريت
لا طـبــيـت لا شـفـتـك
راســك خـويـه گـدامه
بگصبه ويضرب بشـفتك
وانت بـاالـنظـر صديت
وانداريت صوب اختك
وچـنك تشـتكي باالحال
مـن نــظـراتك افهـمتـك
تـنـشـدني علـه الـعبـاس
وتگـلــه دشـوف اخـتـك

اخـتُ الـعبـاس..بـين الأرجاس
مقطوع الراس..تـبكي الحوراء

ـــــــــــــــــ ❁ ❁ ❁ ــــــــــــــــــ

لـمـن لـلـگـمـر صـديـت
شـفـت الـنار بعــيونــه
چنـه يگول لو موجـود
من هــمـه الـيـسـلبـونه
لو بيده الـعلم والـسيف
بـوكـت الــشده يدرونـه
راسه اعله الرمح مرفوع
ومـن يـنـظــر يـهـابـونـه
يـــشــبــه والـده الـكـرار
اخـو زيــنـب يـســمـونـه
ظل جـســمـه بلا چفـين
ومـنـه الـشـوف يطـفونه

قلبٌ مكسـور..جـسـمٌ مـنـثور
كفٌ مـبــتور..تـبكي الـحوراء

ــــــــــــــــــــــــــــــــــــــــــــــــــــ

كلمات
عـباس فـاضـل الـشمـري


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم_العشرة_الثانيه

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

#قصيده_لشهر_محرم

#وزن_الهجري

لـسـام حـال مولاتـي
زيــنـــــــ ع ـــب

ـــــــــــــــــ ❁ ❁ ❁ ــــــــــــــــــ

صـعبه تلگه دموع ماحفرت وجن
وصعبه تلگه سياط ماورمت متن

بيوم عاشر ... هجـمت الخياله
بيوم عاشر .. بقـت بـس عياله
بيوم عاشر ..هيچ صارت حاله

ـــــــــــــــــ ❁ ❁ ❁ ــــــــــــــــــ

ادري خويه بيوم عاشر دمعة عيوني تصب
واليـتـامـه تــنـوح يمـي والـمخيـم يلتهب
تركض اطفال الامامه بنص ميادين الحرب
وانـه بچفوفـي اشاگف لليتامه مـن الضرب

يا مسافر .. بعيد دربك غيابك
يا مسافر .. خــل اشــم ترابك

يا مسـافــر .. گطـع بينه وصاله
بيوم عاشر .. هيچ صارت حاله

ـــــــــــــــــ ❁ ❁ ❁ ــــــــــــــــــ

من اجونه عداك حاطو بالحرم وايتامك
شلــون ترضاهـا يخويـه ننسبي گـدامك
وطيحت الكافــل يخويه زيـدت الامــك
ادري بيه اتگوي حيلك هـو جان حزامك

لا تهاجر .. گتله يا ابو الغيره
لا تهاجر .. بعدك انــه بحيره

لا تــهاجــر .. دمـعتـي الهـمـاله
بيوم عاشر .. هيچ صارت حاله

ـــــــــــــــــ ❁ ❁ ❁ ــــــــــــــــــ

ظلت اطفالك تنـوح وتنتحـب مـرعــوبه
وانتـه عالغبره يخويـه جثتـك مـسلــوبه
گبالك الكافل عظيدك جــربته مـصيــوبه
ماي متبدي اعله طوله وگطره مامشروبه

ظال حاير .. مبلله ثيابه بعطش
ظال حاير .. يفكر بيوم هدعش

ظال حـاير .. بأختـه شاغل باله
بيوم عاشر .. هيچ صارت حاله

ـــــــــــــــــ ❁ ❁ ❁ ــــــــــــــــــ

ضربت السوط اعله متني المتني هوايه
ماوصل واحد خيامي لـو اخوتي ويـايه
چان يبرالي كفيلي وبيـده شــال الـرايه
هسه خلوني وحيـده بيـن هــاي اعدايه

صاح كافر .. هاي زينب اختك
صاح كافر .. انـه مـن حشمتك

صاح كـافر .. وبيده سوطه شاله
بيوم عاشر .. هيــچ صارت حاله

ـــــــــــــــــ ❁ ❁ ❁ ــــــــــــــــــ

من صحت عباسي ساكت وسمعتها وَنته
ادري مو طبعه كفيلي مـايرد اعــله اخته
گتــله للبـاري اشتكيـله امــري امســلمته
خويه احزاني ثگيـله والظهــر كــاسـرته

ظهري كاسر .. الحمل كلش ثگيل
ظهري كاسر .. نوح ايتـام وعويل

ظهري كاسر .. ودمع عيني تلاله
بيــوم عاشر .. هيج صارت حاله

ـــــــــــــــــ ❁ ❁ ❁ ــــــــــــــــــ

حالتـك لمـن شفتهـا هــدمتـلي حيـلي
گمت مـا اميز نهــاري ولاعرفته ليــلي
والطفـل لمــن يجيني والألــم يشكلي
يگلي ضربوني يعمه وصرخت ياويلي

ظعني ساير .. نسوه ويتـام وعليل
ظعني ساير .. والدرب ادري طويل

ظعني ساير .. والراس بس يبراله
بيـوم عاشر .. هيـج صــارت حاله

ـــــــــــــــــ ❁ ❁ ❁ ــــــــــــــــــ

كـلمــات

عـباس فـاضـل الـشمـري



▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم_العشرة_الثانيه

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

السيده زينب //ع اتخاطب الامام الحسين// ع



ينزف دمه فوگ الرمح * وجهك مثل وجه الصبح
شمس الله بيك اتجسدت خويه خويه
*===========*============*

بالحر اخاف اعليك تتغير اهواي
لو بيدي اخلي الروح عالجرحك افياي
اتباري ضعن النوگ بالغربه وياي
گبل السبي اتمنيت معميه عيناي

ميت عطش وانته النهر * يفتر عكس طبع الدهر
عِشرة عمر لحظة انتهت خويه خويه
*==========*=============*

راسك على العسال وايشع يغالي
واگبالي چنه يگول صدي لجمالي
يوميه امشي وياه شحچي اعله حالي
حته امن اغمض العين ساكن خيالي

نورك سكن وسط الگلب * اتشع ضوه ابليل الغرب
من نفترگ گول انعمت خويه خويه
*==========*==========*

ذبلانه شفتك حيل وامفطره اشفاك
امنيتي اجيبن ماي واتبرد اضماك
ماعندي غير النوح وابولية اعداك
شلون انسه حالك هاذ واني امشي وياك

درب السبي عشته بمحن * دمعي يهل ويه الظعن
دمعه انگضت دمعه ابتدت خويه خويه
*=============*=========*

وجهك يبعد الروح فوگ الرمح شاع
ياخويه خوفي اعليه لا يهوه للگاع
بدموعي احاچي الليل لتخلص ابساع
خليني اشبع شوف من حلو الاطباع

ايشع ضوه رغم الترب * ابوجهك أثر من الضرب
اشكم حسره بيه اتجددت خويه خويه
*==========*===========*

كل ساعه اصد عليك وانساهه الجروح
عطر امي والمختار من نحرك ايفوح
ياخويه لوما الراس ويه اختك يروح
لا ظل نفس يحسين لا ظلت الروح

بس نورك شعندي بعد جسمك على الغبره انمرد
روح اعله روح اتبعدت خويه خويه
*===========*===========*

ابكل نظره احس يحسين اتگلي اصبري
من شاهدت وياك دمعاتي تجري
مره ابچي آنه اعليك مره اعله خدري
محد دره امن اعداك بس انته تدري

گلبي اشكثر يحمل الم * انظر رمح واذكر سهم
تدري العده اعليه اعتدت خويه خويه
*==========*===========*


✍بقلم خادم الحسين ع
الشاعر رعد الچريخي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم_العشرة_الثانيه

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

ابنيتي تركض خايفه // صوط ابد ما شايفه
طلعت وكامت تدور اعليه
ياهو منهم ماخذ الترجيه
*****************
عالرمح راسي وادير بعيني ليها
يمكن اتراويني اجت جويات اديها
هذا ياهو اليفتر بصوطه عليها
وزركه خله امتونها وزيد بجيها

اتكلي شوف امتوني // وانه اغمض عيوني
اتكلي طلع الشوك البرجليه
ياهو منهم ماخذ الترجيه
*********************
اتكلي بويه اكعد تره السلاب اجاني
جلبت بيده ودفعني وطيحاني
ليش خله الدم يصب بويه امن اذاني
والهظمني اكبال عينك شتماني

اتكلي اجيتك حافيه // يبو اسوالف دافيه
ايعينه الله العنده هيج ابنيه
ياهو منهم ماخذ الترجيه
*******************
اتكلي ليش الشمر كل ساعه يجيني
انه شمسويتله ويطكني اعله عيني
اتكلي حته الناس ملت من ونيني
بويه جا يمته بعد كلي تجيني

اتكلي اجتنه اعدانه // وانته موش ويانه
حيل عطشانه وتريد اميه
ياهو منهم ماخذ الترجيه
**********************
انه عايف بالمخيم احله ورده
وبله مثل ابنيتي ياهو ابنيه عنده
اتكلي جرح البلكلب ياهو اليضمده
كعدت وكامت تسولف وحده وحده

الكاع كلش حاره // ويجوي رجل الماره
كامت بدمعتها تنده بيه
ياهو منهم ماخذ الترجيه
**************

الخيل هجمت عالمخيم فرد هجمه
ويصعد الدخان ضل والدنيه ضلمه
من بعيد انضر رقيه اتصيح عمه
اتكلها خانكني الهوه ومكدر اشمه

وزينب اختي بحيره // اتنادي يهل الغيره
تنحب ومثل الغصن محنيه
ياهو منهم ماخذ الترجيه
********************
ابنيتي وتغطيني رادت بالعبايه
اتكلي بويه صرت وحده امن السبايه
وين عمي البيده اخذ جود السقايه
اتأخر وللحين شو ما شفنه مايه

وين عمي الغالي // خل يعاين حالي
اتكلي تكتل كلمه المسبيه
ياهو منهم ماخذ الترجيه
******************
تمت
تحسين الخفاجي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم_العشرة_الثانيه

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

(فزاعيه)
افه مسبيه راحت عمت الساده

.....

هاي ام الشرف والشيله رايتهه
عله شوفتهه تتحصر مرايتهه
شيخه وبالحجي توجع حجايتهه
واهلهه منصبين ع خلك قاده

.....

طلعت والغرب مجبوره شافوهه
بالخيمه وعليهه الخيمه حركوهه
ركضت رادت اتحشم الجابوهه
بس سدو عليهه الدرب جلاده

......

شتعلت خيم زينب من يطفيهه
تدوس عله الجمر يلزك برجليهه
حيهم صاحت ومحد فزع ليهه
وتاليهه ضعنهه الشمر كاده

......

مسبيه مشت والغرب كادتهه
وبس الاه والياويل رفجتهه
عين عله البنات وعين لخوتهه
والسوط بمتنهه ياخذ مراده

......

طبت عله الكوفه بروس اهاليهه
ودمعه بخجل كامت تبديهه
الاميره البلامس هسه مجتفيهه
وبكيف الزجر يضربهه بعناده


الشاعر مصطفى الحسني


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم_العشرة_الثانيه

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

وين ياحــــــيدر وين .. حاچيـــني
تحظر اتشوف حسين .. ضي عيني
عل تـــراب ايسيـل دمـــــه
سحگت الخيل اعله جسمه
وين ياحيدر وين .. حاجيني

يــاعمـدنه ويـا شمسنه الما تغيب
بالــدمع ضليت احشمك يالحبيب
ادرك حسين انذبح بالطف غريب
جسمه عالتربان مطروح وسليب

بويه سل سيفك كَوم .. وطويهه
زلزل الحـــومه اليوم .. ولبيـــهه

المنُتقــــــــم سيفــك تسمه
سحكت الخيل اعله جسمه

يالصرعت ابطال خيبر واليهود
يـاأسـد صفــين يربات الأسـود
ارد أحلفك بالظلع يابــويه عود
للطفوف وأبذل اشعندك جهود

عود لرض الطف عود .. يابويه
عالكفر شـــــد ابــزود .. يابويه
انصـر حســـــــين ابو اليمه
سحكَت الخيل اعله جسمه

بنتك آنه وحايره ابـوادي الطفوف
وين ما صدن جثث لحباب اشوف
والكفلني اتكَطعن منــه الچفـــوف
حايره المن اعتنـي ولمن اعــــوف

والكَلـب بــي نيـــران .. تجويني
مابكَت عندي اخـوان .. تحميني
ردت اصد لحســـــين اكلمه
سحكَت الخيل اعله جسمه
*
يالحظـــرت اليونس احظرنه تعال
شـوف شبلك هــدف صــاير للنبال
بيك بغضن ذبحته اشــباه الرجـال
طــاح وعيـونه تصــد اعله العيـال

يـدري بحفـــــاد ايزيد.. تــاذينه
مـــدد لعياله أيــــــريد.. حسينه
ريت تحظــر بويــــــه يمنه
سحكَت الخيل اعله جسمه

ريت حاظر تستمع صوت الحسين
نـاده هل مـن ناصراً هل من معين
سددت اسماعهه الماعـــــدهه دين
خــذلته وغرتهـــم اوعـــود العــين

من وكَع بين اعـداه .. هد حيلي
ماكــو ناصر ونخـاه .. ياويلـــي
ماكو غيرك حــــتى احشمه
سحكَت الخيل اعله جسمه
**
الخادم
كامل السعيدي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم_العشرة_الثانيه

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

نعي عن السيدة زينب بعد مقتل الحسين عليهما السلام

---------------------------------------------
عجاج الخيل اشوفن صار عالي
واشوف اظلم الكون ومالي والي
چنه حسين طاح شلون حالي
دخيلك يا اله الكــــــون استر
-----------------------------------------------
گمت اسمع صهيل الخيل كَـرب
مشاعل نار اجتني وحيل تلهب
وانة كَلبي على الخوان عطب
على الصيوان اشوف الخيل تفتر
-----------------------------------------
اكظ بيد العـباية وايد الاخيام
وهمه صياح الهم گوموا للشام
شمات ويظحكون اعله الايتام
على هالحال خوية اشلون اصبر
-------------------------------------------
صاحوا بالخيم يحســـين فرهود
وابو الغيرة على التربان ممدود
والكافل طريح وماكــــــو ازنود
يتباهون جــــدام النساويــــــن
-------------------------------------------
حرم واطفـــــال من النار هجت
تسحكَ عالجمر بالخوف شردت
حفاي وتــــــچوت لــــــية ردت
شيلمهم وهم لا واحد اثنـــــين
--------------------------------------
صيوان الحرم بالـــــــــنار داوي
ويحرگون العـــبي فوكَ العلاوي
نخينة وما فزعتوا اعلى النخاوي
الحكَوا اعيالكم خوية يطـــيبين
----------------------------------------------
دارت كل كــــــــتر بينة ال مية
بســــــــياط وظرب داروا علية
ويجـــــــرون التراجچ من رقية
ظلام وفـــــــــلا همة مسلمين
-------------------------

أسألكم الدعاء رائــــــد الاســــــدي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم_العشرة_الثانيه

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


تعال تعال
خلصت حتى التعال وما اجيت
حبال حبال
عالحبال شكثر دمعت وبچیت
وين ساكن يانبع
سوالفك كلهن ضلع
تعال تعال
*******
وين اشوفك يلي حالك حال نورس
تختنگ بيه السوالف وانه اخرس
أرد اسئلك والضلام بروحي عسعس
بروحك جروح التراچي جروح محبس

تعال تعال
الدمعه تچويني بغيابك وانچويت
حبال حبال
هزله دنيانه بغيابك ونسبيت
بيا نشيج بيا دمع
سوالفك كلهن ضلع
تعال تعال
*****
وگفت عيوني بغيابك عالمشانق
بيا مغارب هسه انته بيا مشارق
فاتح چفوفك ولا واحد يعانق
علگت چم دمعه بخدود البيارق

تعال تعال
الفاگد احبابه شني تگله انحنيت
حبال حبال
البالخرابه يبات لاتحچيله بيت
حالتك ماتنجرع
سوالفك كلهن ضلع
تعال تعال
*****
چم كتاب الطاعنك عود الروافض
والرسايل سيدي صارت مقارض
اليحچي بسمك توگف بوجه العوارض
عطلوك وندبتك خير الفرائض

تعال تعال
هبلي عطرك أرد اشمنه اشتهيت
حبال حبال
حبل مرسوم بصفنتك ونتچیت
نگعن هدومك دمع
سوالفك كلهن ضلع
تعال تعال
********
خاف اسولف والكلام هواي جارح
النازحين هوااي خفضينه الجوانح
شگد نسينه المهدي صار سنين نازح
بيا طريق وللسبايه الفكر سارح

تعال تعال
یابو صالح چم سقیفه وما حچیت
حبال حبال
چم شمر صاير (محمد) وبتلیت
وانته واگف تستمع
سوالفك كلهن ضلع
تعال تعال
*****
الدفع باب الزهره متّلَون ضميره
لا تخلي الكحله بعيون الضريره
وهمتني وسلتت خيط الحصيره
المايشوف المهدي مايندل مصيره

تعال تعال
وحگ امك فاطمه هوايه بطيت
حبال حبال
والله بچفوفك حبال ومانسيت
بيك چايمته انجمع
سوالفك كلهن ضلع
تعال تعال



عبد زينب
محمد الإبراهيمي

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم_العشرة_الثانيه

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

حسين سلبوني
حسين ضربوني
…… .

معقوله عشرتنه انكَضت وحلمي الجبير اتبدّه
معقوله ابو حجايه هله راس واصد ماعنده
خلّوني اون يم النحر بلكن زماني ايردّه
وترد ضحكته ابوجهه الي وارجع اشمّه ابخدّه
بمتوني ... لا مااهم ذاك الجرح
تدروني ...احي واموت من الصبح
ذبحوني ...يم الحسين المنذبح
ــــــــــــــــــــ
صاحوني كَومي امن الجسد كَومي واركبي الناكَه
كَمت ودرت وجهي وكلت ليشٍ ابقى الك مشتاكَه
الما فاركَاني بدنيتي شلون احمل آنه افراكَه
لمّا يرد راسك الك ذاك الوكت نتلاكَه
صاحوني ... بين امشي بين ابقى حرت
وبعيوني ...الصوب الشريعه اتوجّهت
ضربوني ... من الضربه كل ساعه اعثرت
ــــــــــــــــــ
يم ناكَتي وحيلي انهدم ضلّيت اون ومحيّره
شلون اصعد الناكَه وزلم يم ناكَتي وآنه مره
بالطف هويت اعله الترب وصحته يسبع الكَنطره
عكَبك منوٍ يركب الخدر دوهنّيي دمعي الي جره
يالغالي ... دارن علي دور الحرم
وبالتالي ... صارن علي مثل الخيم
ودلالي ...جن عينك وصاباه سهم
ـــــــــــــــ
الهودج يميل امن المشي وكل خوفتي اعله اطفالي
واتلوَعت من الضرب آنه وجميع اعيالي
اليمرد دليلي جي شمر عكَب الكَمر يبرالي
وراس الكَمر يهتز اذا بعيونه صد الحالي
جفَيني ... صارن لوجه اختك ستر
وبعيني ...كل دمعه من تنزل جمر
تدريني ... مسبيه وآنه ام الخدر
ـــــــــــــــــــــــ
ويّ النياكَ احجي بألم من تمشن بكل هيده
خوفي على ايتامي تكَع وننساهم بهل بيده
الألّمني من طفل الطفل حبل اليجرّح ايده
وتبجي رقيه بمحملي تنادي الكفيل انريده
محتاره ....ادريك بس راس وجسد
وكل ناره ... دلالي من ذاك العمد
تذكاره ... جبت آنه قطعه امن المهد
ــــــــــــــــــ
كَدام تتجسد صور جف ونحر سهم بعين
وجرح المخيم بالكَلب وياهه صارن جرحين
عليسره اصد راس الكَمر عليمنه اصد راس حسين
وين انطي وجهي حايره عل عين احط الجفين
لو بيدي ...اعمه ولا شوف النحر
وبأيدي ...جفين اجيب امن النهر
يعضيدي ... ترضاهه هيج احمل قهر
ـــــــــــــــ
الشاعر محمد حسن ضيغم


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم_العشرة_الثانيه

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

ميته كون بكربله ويه الغوالي
ولابقيت أمعذبه ومشلوله حالي
عزيز الروح من مات
عمر أكضيه حسرات
ميته ميته
 
* * *
 
كلمن يفارك عزيزه لا يسولف عالسعـــاده
لازم يعد روحه ميت كل شخص ميت وداده
المنجرح حكه يلوج الصفنه تلجمـــه بفؤاده
أشما نوه يغفاله ساعه مدمعه ينكع الوساده
 
لوعـــة اليفكد إنه بروحي شفتها
من رحل جاسم دموعي عاشرتها
صفنتي تجيب لوعات
عمر أكضيــه حسرات
 
* * *
 
فركة الغالي التعزه عالبشر لاماهي سهلــه
والهجر لوساعه وحده ضيمه ماواحد يحمله
وآنه فاركني عزيزي العايشه بهالدنيه لأجله
شلون تبقى روح بيه وما أشوفه عمري كله
 
مني راح الماجنت أبتعد عنـــه
حتى ما لحكت أشبع شوف منه
 
دوم بصدري عبرات
عمر أكضيه حسرات
 
* * *
 
الناس تترجه تعمر وآنه اترجــه مماتي
وماعرف شيصير بيه من أكلب ذكرياتي
كربله شسويتي بيـه من أخذتي أمنياتي
كربله خلاني ضيمـج كعده أديها صلاتي
 
التحبه هواي وتعيش أعلى موده
راحتك بالدنيـــه مرتبطه بوجوده
 
ماكو راحـــه هيهات
عمر أكضيه حسرات
 
* * *
 
أشاف من الدنيه جاسم موته صار بعز شبابه
الدنيـــه ماتنراد بعده وحشـــه هالدنيـه بغيابه
ذبل عودي وركد حيلي وأنتهيت آنه بمصابـه
كون يم كبـــــره أضلن دوم أشتم بترابــــــه
 
عمري جبته آنه عليــــه آمال أبني
وتالي حال الضيم حالي ومات ابني
 
رمتني الدنيه رميات
عمر أكضيه حسرات
 
* * *
 
جان من يكعد اكبالي ويحجي ويقبل اديــــه
تنتعش روحي بحنانه وتنسعد كل ذره بيــــه
جان جسام شحلاته لمّن يسولف عليـــــــــــه
ينشرح صدري امن اشوفه كل صباح وكل مسيه
 
أبني مافاركني ساعه طول عمره
كون أموت وياه واتمدد بكبــــــره
 
شبعت هموم وآهات
عمر أكضيه حسرات
 
* * *
                                 سلام المشعل



▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم_العشرة_الثانيه

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


كأني بلسان حال سيدتي زينب (ع)
من اول خطوتي بالطف بدا لهم
اخوتي ومايصح أبداً بدلهم
تالي اجساد عل الغبرة بدا لهم
الشمس والكوم وخيول آل اميه
،،،،،،،،،،،،،،،،،،،،،،
خادم خدام الإمام الحسين عليه السلام علي داود سلمان البحار
2020 /6/16

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم_العشرة_الثانيه

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ



      ستر الله مسبياة والله هظيمه 
            راحن مشي للشام ايا ظليمه
**********************************
           دورت بكلشي انه ماشفت مثل الجره 
           تمشي مسبيه العقيله وحنه ندري مخدره
           تلتفت يمنه ويسار وساعه تنظر ليوره
          والضعن يحسين عنكم غصبن عليه سره
              الفاجعه يحسين نعرف عظيمه
               راحن مشي للشام ايا ظليمه 
***********************************
         من تصورت المصيبه وكلشي كبالي جره
        وشاهديتك يا اخوهن دامي مرمي على الثره
        بت علي الكرار وسفه بلايه اخوه ميسره
        وناشدت عباس وينك ها يسبع الكنطره
             قصت اخت عباس قصه اليمه
             راحن مشي للشام ايا ظلميه 
************************************
        وحده بوحده يلوذن خويه ماعدهن ذره
       اركضن صوب المخيم بيه نار موجره
       زينب تصيح الظليمه بلايه اخوه محيره
       وشاهدن راسك  كطيع وجثه يمه موذره
          تمشي بلايه خوان زينب جريمه 
           راحن مشي للشام ايا ظليمه 
************************************
       من كلت احسين وينك للظعن راسك بره
       ارد اخبرك يبن امي بالسده علينه وجره
      هجم جيش ازياد كله وهد علينه بعسكره 
      من كثر ظرب السياط على المتون مئشره
         نعرف خوات حسين كلهن عزيمه 
            راحن مشي للشام ايا ظليمه
***********************************
       تحيرت مابين اشوفه وبين ادور خنصره 
       وبالدمه سابح لكيته ومنذبح من منحره
      اظلوعك بسحك الحوافر حيل جنه مكسره 
       والرماح الفوك جسمك لازمه جنها سره
           جنه اجت يحسين زينب عليمه 
           راحن مشي للشام ايا  ظليمه

الى خادم اهل البيت: موسى نعيم الزيدي



▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم_العشرة_الثانيه

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


#برنامج_محرم_الحرام_1442ه‍ 2020
#الشاعر_الميرزا_محمد_الساعدي
#السيده_زينب ع



حامينه حامينه وينك يحامينه
شتاگينه شتاگينه ليك أحنه اشتاگينه
مهرك هذا يحاچينه بمبچاچ انتي تلچمينه
ليك احنه اشتاگينه
================≈=================
وين يالكلك وفه بيا كتر نايم
شلون بِعداك الزمن عني ياقايم
فرگة الخوه دمع گوم حاچيني
بصدرك اشسوه الشمر بالله دليني

نتناهه نتناهه طلتك نتناهه
سواهه سواهه غرب وسواهه
الليله هنانه التمينه لكن راحل والينه
ليك احنه اشتاگينه
================≈=================
جرحي شيطيبه بعد غربتك تفجع
خويه يسألني الولد هم بعد يرجع
ناس ماعدهم رحم عمه تدريهه
گلوبهم مثل الحجر رحمه مابيهه

خلاني خلاني انحب وخلاني
شمتاني شمتاني أرجعلي شمتاني
بالخيمات اتغطينه منهن ملبس سوينه
ليك احنه اشتاگينه
================≈=================
مايكفيني العمر لو خلص لطمه
راح عبدالله الولد وشأگل لمه
گوم ياغيرة علي تنحب اطفالك
شو أشوفنك وذر شنهي شجرالك

حزنانه حزنانه بنياته حزنانه
ويانه ويانه بالسبي ويانه
صاحن بويه انذلينه گوم أكعد ياحامينه
ليك احنه اشتاگينه
================≈=================
ناح كرار الأمل وناحت الزهره
والنبي أدمه المقل للي عالغبره
مگيد وناده علي سالمه عيونه
عمه طعنات الغدر شوهن اجفونه

حادينه حادينه أگرب يحادينه
چا وينه چا وينه سلوتنه چا وينه
ناداهن وين اسكينه خلهه اتقبل چفينه
ليك احنه اشتاگينه
================≈=================
شماله ويانه الزمن حيل أذانه
فرجه مابين البشر والله سوانه
علة دموعي شمل غاب طاريه
ياسلام اعله الوعد سالم النيه

ودعوهه ودعوهه چلماته ودعوهه
جيبوهه جيبوهه حنيته جيبوهه
خل نذكر جدنه ودينه وشوصاهم بحسينه
ليك احنه اشتاگينه
================≈=================
31/3/2020 الثلاثاء
#الشاعر_الميرزا_محمد_الساعدي

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم_العشرة_الثانيه

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ



ضلوعك باچر حدر الحافر .. ونته بدلالك سهم
اتعنالك وبچي اگبالك .. وشكيلك حرگ الخيم
ياخويه وسمعهن وناتك
ياخويه لمتوني نظراتك
1
من يخلص وداعي اوياك اويظم الليل نجماته
يخويه الطف يلم عيون اشاگف بيش نظراته
المخيم لو رحت بعدك تهده الخيل ركظاته
وتالي ايشب علي يحسين وطفي بچفي جمراته

بلوني اخيامي اتصير اجدامي .. حال اختك باچر صعب
ويحيطوني وهاي امتوني .. تنظرها عيون الغرب
ياخويه تتكاثر اهاتك
ياخويه لمتوني نظراتك
2
مثل الريح عشت اوياك ما واحد عرف لوني
لچن وي حرگة اخيامي عدوانك يعرفوني
الرماد ايهب علي وبهاي تبّين دمعة عيوني
السياط بلا عرف يحسين تندل باچر متوني

بذاك المدمع صوب المصرع .. احضى بطولك ارتجي
بجفني الدامي وهاي الامي .. اترك هالعيله اواجي
ياخويه بجروحي شوغاتك
ياخويه لوتوني نظراتك
3
دموعي اشگد يخويه اعزاز لچن باچر يرخصنلك
اتيهك بين الف مذبوح بس من عطرك اندلك
راح الگاك بآخر موت وحاول وضعي اشرحلك
لچن يلفي الشمر يحسين وصوب الخنجر ايجبلك

خنجر بيده وانا وحيده .. إبعد گتله وما يرد
ظل يضربني وظل يشتمني .. صرت اتعثر وبتعد
ياخويه افهمهن حسراتك
ياخويه لمتوني نظراتك
4
يخلص ليلي ودري بهاي الشمر بالحومه ينتظرك
يرفسك والسهم يحسين يطلع كله من ظهرك
ذباحك اشوفه شلون يتربع على صدرك
تسحگني عسنها الخيل ولا شوفه يحز نحرك

يگعد فوگك ونته جروحك .. تصرخ يازينب سبي
چن تحچيلي وتأوميلي .. بالچ يختي عل عبي
ياخويه شما تكثر طبراتك
ياخويه لمتوني نظراتك
5
بگد موتك اموت اوياك اثنعش مره يماي العين
كل طبره اعله نحرك روح تطلع مني خويه حسين
الشمر من شيبك ايشيلك بهذا الراس اناشد وين
اعلگنه اعله رومحي وگال انتي لليسر تمشين

موذر جسمك خويه ودمك .. يگطر من راس الرمح
راسك عالي وظل يبرالي .. سترچ اغلى امن الذبح
ياخويه يجرن لي دمعاتك
ياخويه لمتوني نظراتك
6
سبايه انروح باخر ليل بس وگفه بگت لينه
الكفيل انودّعه اعله الماي ونِلم ياخويه چفينه
على صدره احط راسي وتصنت عله اونينه
العذر يازيب ايگلي اخافن زعلت اسكينه

احمر لونه بست اعيونه .. ومن عينه شلت السهم
ونه بروحه تصيح جروحه .. عذريني حرگو خيم
ياخويه حرگوهن خيماتك
ياخويه لمتوني نظراتك
****

الشاعر اياد الديراوي



▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم_العشرة_الثانيه

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ
حبيبة الحسين رقيه


طفله مو مالت سبي چنهه قدسيّة نبي

وردة چانت بالمخيم
بـيـهـه والـدهه متيم

*--------------------*----------------------*

عوداهه حسين من يطلع يشمهه
بكل صباح تعودت يهتف بسمهه
فجئة خلاهه بدمع وسهام ألمهه
تركض ونار الخيم چوّت جدمهه

والمتن ما ظنه يسلم
بـيـهـه والـدهه متيم

*--------------------*----------------------*

اربـع سـنـيـن الـعـمـر اكـثر روايـة
يعني مو مالت سبي وتنظر سبايـة
ربي هالطفلة نسبت شنهي الجناية
هايه مــا صارت گـبـل بـيـن البراية

مدري واقع مدري تحلم
بـيـهـه والـدهه متيم

*--------------------*----------------------*

يحبهه ابوهه حنينة وصغيرت بناته
بـهـل العلاقه لـزيـنـب تـرد ذكـريـاته
وچـانـت تـحـس بمحبته وسـر غلاته
تـحـضـر بـكـل يـوم سـجـادة صـلاتـه

خدهه ياسه ويحلة بالشم
بـيـهـه والـدهه متيم

*---------------------*----------------------*

فاركاهه وما رجع والحاله صعبـه
نحرمت بلحظه لحنانه وتتني دربـه
تـنـظـر الخياله يمهه وكلهه غـربه
خافت وينزف جفنهه ودمعه صبه

وبوضعهه الباري يعلم
بـيـهـه والـدهه متيم

*--------------------*----------------------*

حـرگـو الخيمه وتصد بالنار اجوهه
ركضت وتصرخ يـبـابـه وما رعوهه
تصورت بعده ويجيهه يحامي ابوهه
والله صـعـبـه بـجـر اذنـهـه يـعذبوهه

تدري ما يرضى اتألم
بـيـهـه والـدهه متيم

*--------------------*----------------------*

شـافـت الخـيـل الاعادي مــن اجنهه
مثل شذرة الدمعه نزلت عالوجنهـه
ويله ويله العــذبـاهـه وجــر اذنـهـه
تـذبـل الـورده وتـمـوت بـلا غصنهه

حبهه غالي وميتقيم
بـيـهـه والـدهه متيم

___
✍بقلم خادم الحسين ع
الشاعر رعد الچريخي



▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم_العشرة_الثانيه

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ



لسان حال حبيبة الحسين ع رقيه ع


راس ابويه بالطشت جابوه اليه ....
دمه ينزف والجسد بالغاضريه

حاچيته ما حاچاني * وبمدمعي خلاني
*******************

ردت ابوسه بمنحره بس ما لگيته
سلمـت اني الامر بسته بلحيته
بـويه بـويه ويـن جسـمك سائليته
شنهي ذنبك تنقتل شنـهي الجنيته


گـمت احس وي الابو گربت منيتي
وانــه طـفـلـه تيـتمت شلــي بدنيـتي

المن ابث احزاني * وبمدمعي خلاني
****************

هلـت عيوني وصحت وينچ يعمه
چانت امنيت العمر يرجع واشـمه
مو اشوفن راسه يمي ايسيل دمه
شفته بالطيف وشفت محفوظ جسمه


هسـه خابت ضنـتي شفته بخـضابه
عندي غالي ويا گلب يحمل مصابه

بعطفه الابو رباني * وبمدمعي خلاني
***************

گتله بويه وماحچـه اتهدم كـياني
اني ارقيـه العزيـزه گتله انـي
چني احس بنفاس تلهب جاوباني
هذا حالي ومنتظر جيتچ واتاني


گـتلـه فـدوه لحيـتك ويـاك اخذني
نار الاسياط وجرح فگدك مردني

حيل السكوت اذاني * وبمدمعي خلاني

********************

اشلون أعيش بدنيتي والعيشه مره
واني بعيوني اشاهد شيبه حمره
مـظـلم اليـل بغربتـي اوجهه گمـره
ركزت بيه وشفتهه انوار ثغره

هــذا نوره البـشمـس يعكس ضـواهه
سورت أصحاب الكهف يمي وقراهه

اتصورت شافاني * وبمدمعي خلاني

********************
عادت الميت تره تحـفظ حـرمته
بس ابويـه بالحـجر صـابوا جبـهـته
روحي هامت لطشت گله وحظنته
قبّلت وجهه ودمه الحاجب مسحته

شنهو ذنبه وبالحجر صابو جبينه
تجري عيني والكلب ذاب بحنينه

وين الاجل شمتاني * وبمدمعي خلاني
*******************
كلبي حن الشوفته ورد ذكرياته
چنت احط سجادته واسمع صلاته
غالي عندي ومايصح والله بغلاته
هيچي غالي اليفگده شـلـه بحـياتـه

هو شـمعت دنـيتي ماعـندي غيـره
چنت أعيش بروضته واشتم عبيره

هسه الزمن جرحاني * وبمدمعي خلاني
*******************
✍بقلم خادم الحسين ع
الشاعر رعد الچريخي
▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم_العشرة_الثانيه

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ
الشمس ماتحجبهه الغيوم
وهيه السمه تحليهه النجوم
مفضوح حبك موش مضموم
ومهموم من فركاك مهموم
ارحم بحالي كافي تعذيب

هو اليحبك شله بالناس
تنشاف بس بعيون الاحساس
مشتاكلك من كثر الانفاس
جنك حسين بدون عباس
مجروح بس ماظنك تطيب


يابو كلب لحسين متعوب
شيصير بيك بوكت الغروب
ليلية احنه نوعدك نتوب
ومن الصبح نرجع للذنوب
كلبك حنين يشابه الشيب


يلتحسب الهن جمعة جمعة
نتانيك لو مابيهه رجعة
جدك الخيل تدوس ضلعه
واشر لخيته بدون اصبعه
صبرك شني ومتحمل تغيب


عباس البدري



▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA