#قصائد_محرم_العشرة_الثانيه

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

انا القلمه وقف لحسين لامو
لغيره وشكثر عذال لامو
الطفل يبجي لمن يشتاك لمه
بجيت لسيدي جي شوك بيه

لموه بالحصيرة الجان لام ال
دين وكطع نحره كطع الامال
جفني لانسى المذبوح لامل
البواجي ولانسه بنيته رقية

اي والجابت العباس لطاف
فناهه لجن رب الكون لطف
عيه الدنيا ياعباس لطف
هواي وذجر الوردات بيه

اتعلم ان عشرة خيول صالن
اعلى صدره والعظام العوج صلن
عمت عيني بناته شلون صلن
بدمع من اشبكت راسه رقية

عفتني شعجب ياعباس منتل
جبتني والحجي معكود منتل
متت جم مرة شفت الشمر من تل
اخيي من لحيته وصد عليه


الورد مو للسحك عباس لشام
بعدك للمصايب صرت ليش ام
اعلمود الستر طول الدرب لشام
اشاكف سوطهم هالزركة ادية


راسك عالرمح شالوه ونشال
عصب جسمي واطيحن كمت ونشال
شعجب للشام ترضى نروح ونشيل
خواتك نوصل وندفن رقية

اليريد يعبدك تخليه حر مو
عبد يل ابنك امن الماي حرمو
الحارك كلبي بين الناس حرمة
عفتهه وبعد سموهه سبية

حافر خيلهم جم ضلع طاحن
امن اخوي ويابناته بشمر طاحن
كامن شردن امن الخيل طاحن
المهن بس المهن صار بيه

سواء شاء دهري انسبي ون ياب
انسبيت وكضني مخلب عدو ونياب
بليلة مذبحه ونيت ون ياب
ابوي امن النجف وامي الزجية


وحك الي بناته اشردن والخيل
اسحكنهن وادمع الهن عدو والخل
ارتعش مارمش صاح بساع ول خل
رقية ياشمر واجبل عليه


الحداني بسوط مو بهداي هم ال
مشي والجفن كالشلال همال
مالت ناكتي وعالرمح هم ال
راسك وبخجل عاين عليه


نحرك كون اشمه حيل وندار
اعلى طولك يلي دمك فوك وين دار
ييمه مكابله الكاروك وندر
حليبي وناغتك جنهه الزجية



يراس اعلى الرمح مرفوع هد مو
انسبيت وبيتك الباني هدموه
يبو فاضل اخوك انسلب هدمه
وعمامة وخاتم وقرط لرقية


حال الضيم اختكم صار حلهه
طحت بشدة بس الموت حلهه
عمت عيني العمامة السهم حلهه
الكبل جدي بديه لفهه هدية


دك الدمع باب العين والعين
بجت واتبره من الشمر والعن
صحت اعلى اليحرك الخيم ول عن
الخيم لايفزع العباس اليه

شعدهه الخيل بيك تدوس وانته
الحسين وكلبي ونة موت ونته
ادور خنصرك يحسين وين تاه
لكيته وشيبتك ضاعت عليه



جبل للصبر زينب هاي ماتل
وتولاهه دهرهه تل ماتل
ماتت حين شامت صاح مات ال
حسين بساع سموهه سبية


يعباس اعلى اختكم خيل فزعن
وبنات حسين من الخوف فزعن
نايم عالرمح ياحيد فز عن
الرمح مو ماتت الطفلة رقية



الخدر يهل الخدر عفتوه وانه
دليلي ماترك لحظات ونه
صاحوا كافل النسوان وينه
شعجب مايفزع واخته سبيه


يلح بالدمع جفني واحب لحه
عليك وسمعي يهوه صوت ل احاه
فص عينك سهمهم ليش لاحاه
من اهدهه وكلهه سمتني السبية


تدور براسي هزل النوك ويرف
الجفن والدمع كظ الجرح ويروف
يهاشم علم مامش بعد ويرف
لخواتي ويردع الشمتان بيه


اعلى كيفه الشمر يذبح بيك بس هم
الجدم لمن سبوني وبكت بس هم
اخيي مات ويضربوه بسهام
وكبل موته انسحك بالاعوجية



واحنه بغرب عشنه برعب نامن
بلقائك والجروح اكبرن نامن
خواتك بالخرابة شلون نامن
وقوفا خوف من عيون امية



خوات حسين بالمذبح علمتان
اليتيمة مو مثل ونجن علم تان
شويه وسوطهم ينزل علمتون
وخيم تنشب وتنسب الزجية


ابه رجفت شجر بالريح من حن
رجف كلبي وعيوني فصوص منحن
وكت حتفك يجنح الغيم من حان
خويت وركض ملك الموت بيه



ماظل شي الك بالكون ما لان
بخواتك من عجاف النوك مالن
وعلي مايهده صوت النوح ما لن
يجي المهدي ويعيد الغاضرية

انا المارجف من خوف كلباه
وانا والطكه العطش والحيل كل باه
النهر بالجود كالوا صعب كلباه
وانا اعتبره بكبر قرطج رقية



هوايه وجوه مو لشوف لطام
قبيحة وبيهه موج ابليس لطام
على المكسور ضلعه افتخر لطام
فخر هاشمي جي امه الزجية

وحك الي عيونه الظهر غارن
لبناته وغرغرة مطعون غرن
عشكتك لليغرن صحت غرن
غيري وعندي حيدر والزجية


عباس البدري


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم_العشرة_الثانيه

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

كَلبي صاح بصوت بوية
چنها روحة موت بوية
بوية اكثر عذبتني من مشيت اودعتني
---------------------------------------------------
ودعتك وادري اتخلــــيني وللموت اتروح
يوليدي اشكَد صاح خلافك كَلبي المجروح
يابوية اخذ الروح وامــشي مــااريد الروح
يالاكبر رايح ماترجـــــــع بالطف مذبوح
من شبكَت عليك بوية
كَلبي حسب بيك بوية
وبوداعك حيرتني من مشيت اودعتني
---------------------------------------------------
احسب يابوية بخطواتك وكل لحظة اتفوت
من تبعد عني ابكل خطوة تـكَرب للموت
يوليدي وهاي آخر نضرة وهذا اخر صوت
احذر من تنزل ميدانـك جيــش الطاغوت
كَلبي يلهب نار بوية
ايحسب ومحتار بوية
للمنية سلمتني من مشيت اودعتني
---------------------------------------------------
اتكَطع من ودعتك كَـلبــي اظلمت دنياي
من طولك ماشبعت عــيني يا ظي عيناي
ما اندل دربي من اسمعتك تـــيهت الراي
اتعثر نوبة ونوبة انهـــض ولصـوبـك جاي
كَلبي فر وصاح بوية
مني الاكبر راح بوية
يبني كلش مرمرتني من مشيت اودعتني
---------------------------------------------------
ارد امتد عالغبرة وانحب وي طولك طول
لحظات وانتة امودعنــي ما عندي حلول
دور ايدك واحظني ابلهفة و وداعي ايطول
كَمت اتراجف لمن شفت يبني ومذهــول
حالك اصعب حال بوية
للگلـــــب چـــــتال بوية
بنص دليلي صوبتني من مشيت اودعتني
---------------------------------------------------
فك عينك يبني وحاچيني جرحك ماذيك
لو اگدر ظمـــدتة ابروحي ويهود عليك
كون ابايدي ايصح يوليدي بالعمر اشـريك
مترد شو بجوابي اعلية امدد رجليك
لاتغمض العين بوية
انة ابوك حسين بوية
من رحت شو ماخذتني من مشيت اودعتني
---------------------------------------------------
من ارجع لمـــــك شخبرها بالخيمة هناك
وعيون لصوبك مشــبوحة طول فرگاك
وتدري اشكَد يصعب يوليدي لو ما تلگاك
شلون ارجع وانت ابهالحالة مغمض عيناك
ما شبعت اوداع بوية
لا ترحل بساع بوية
وبسكتك محنتني من مشيت اودعتني
--------------------------------------------------
أسألكم الدعاء رائد الاسدي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم_العشرة_الثانيه

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


نعي للسبي

--------------------
بحبال اليــسر مچتوفة اديــــنا
عمت عيمنه الذي ينظر علينا
علويات هــــــيچ ايصــــــير بيــنا
لــــــيزيد النــذل ادخل ســــــبية
----------------------------------------
ابهالحالة اطب المجلس اشلون
بت حــــيدر علي كلهم يعرفــون
وكَف ديوانهم كَاموا يظحكون
چا ويــــــن اخــــــــوتچ يالابــــــــــية
------------------------------------------------
تتجاسر تطكَ حســــــــــين بالعود
تـــــــتعدة بعملـــتك كل الحــــــــدود
تمنيت الفحل عباس مــــــــوجود
لچن ياحيف راسة ابصف اخية
------------------------------------------------
تــــــــنشدني هنــــــــد من يا بلد وين
اخت عباس انه واخت الحسين
مكــــــسورة كَلب بخواني الاثنين
ربيــــتي ابيــــتنه وما عرفتــــــيني
------------------------------------------------

أسالكم الدعاء رائد الاسدي

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم_العشرة_الثانيه

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


ضلوعك باچر حدر الحافر .. ونته بدلالك سهم
اتعنالك وبچي اگبالك .. وشكيلك حرگ الخيم
ياخويه وسمعهن وناتك
ياخويه لمتوني نظراتك
1
من يخلص وداعي اوياك اويظم الليل نجماته
يخويه الطف يلم عيون اشاگف بيش نظراته
المخيم لو رحت بعدك تهده الخيل ركظاته
وتالي ايشب علي يحسين وطفي بچفي جمراته

بلوني اخيامي اتصير اجدامي .. حال اختك باچر صعب
ويحيطوني وهاي امتوني .. تنظرها عيون الغرب
ياخويه تتكاثر اهاتك
ياخويه لمتوني نظراتك
2
مثل الريح عشت اوياك ما واحد عرف لوني
لچن وي حرگة اخيامي عدوانك يعرفوني
الرماد ايهب علي وبهاي تبّين دمعة عيوني
السياط بلا عرف يحسين تندل باچر متوني

بذاك المدمع صوب المصرع .. احضى بطولك ارتجي
بجفني الدامي وهاي الامي .. اترك هالعيله اواجي
ياخويه بجروحي شوغاتك
ياخويه لوتوني نظراتك
3
دموعي اشگد يخويه اعزاز لچن باچر يرخصنلك
اتيهك بين الف مذبوح بس من عطرك اندلك
راح الگاك بآخر موت وحاول وضعي اشرحلك
لچن يلفي الشمر يحسين وصوب الخنجر ايجبلك

خنجر بيده وانا وحيده .. إبعد گتله وما يرد
ظل يضربني وظل يشتمني .. صرت اتعثر وبتعد
ياخويه افهمهن حسراتك
ياخويه لمتوني نظراتك
4
يخلص ليلي ودري بهاي الشمر بالحومه ينتظرك
يرفسك والسهم يحسين يطلع كله من ظهرك
ذباحك اشوفه شلون يتربع على صدرك
تسحگني عسنها الخيل ولا شوفه يحز نحرك

يگعد فوگك ونته جروحك .. تصرخ يازينب سبي
چن تحچيلي وتأوميلي .. بالچ يختي عل عبي
ياخويه شما تكثر طبراتك
ياخويه لمتوني نظراتك
5
بگد موتك اموت اوياك اثنعش مره يماي العين
كل طبره اعله نحرك روح تطلع مني خويه حسين
الشمر من شيبك ايشيلك بهذا الراس اناشد وين
اعلگنه اعله رومحي وگال انتي لليسر تمشين

موذر جسمك خويه ودمك .. يگطر من راس الرمح
راسك عالي وظل يبرالي .. سترچ اغلى امن الذبح
ياخويه يجرن لي دمعاتك
ياخويه لمتوني نظراتك
6
سبايه انروح باخر ليل بس وگفه بگت لينه
الكفيل انودّعه اعله الماي ونِلم ياخويه چفينه
على صدره احط راسي وتصنت عله اونينه
العذر يازيب ايگلي اخافن زعلت اسكينه

احمر لونه بست اعيونه .. ومن عينه شلت السهم
ونه بروحه تصيح جروحه .. عذريني حرگو خيم
ياخويه حرگوهن خيماتك
ياخويه لمتوني نظراتك
****

الشاعر اياد الديراوي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم_العشرة_الثانيه

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

منهاج محرم الحرام 1442 هــ
ولائـيــة

إلـهـــي بـالـمــشــت لـلـشــام مـسـبـيـه
الأجـل لـو حـان مـوتـنـي بحـسـيـنـيـه
بمـجـلـس بـي الـزهـره
والــــــرادود يـــقـــــره
الأجـل لـو حـان مـوتـنـي بحـسـيـنـيـه

بـزيـنــب يـا إلـهــي...ويـاهــو تـرده مـن يـصـيـح زيـنـب
ومـن ﮔـد ما تعزهـا...مخـلي شـﮔـد مجالـس ليهـا تـنحـب
وامـخـلـي لـذكــرها...يـنـحـب ويـن البكـل صفـه مـرتـب
وﮔـدمـا بـيهـا هـيـبه...العـﮔـل مـن ينـذكـر طاريـها تنـذب

وآنـه بـجـاه زيـنـب طــالــب بـنـوحــي
كـون وآنــه ألـطــم تـنــوخـــذ روحــي
ومـلـك الموت أنظــره
والـــــرادود يـــقـــــره
الأجـل لـو حـان مـوتـنـي بحـسـيـنـيـه
ـــــــــــــــــــــــــــــــــــ1ـــــــــــــــــــــــــــــــــــــ

آلـه الــرحـمــه انــت...ويـالتـغـفـر ذنـب كـلـمـن استـغـفــر
مـعــقــولــه تــردنـي...وآنــه اسـتـغـفــرك واﮔــبـال منـبــر
اذنوبي صح ﭽـبـيـره...لـكــن رحــمـتــك بـيـبـانـهـا أكـبــر
شـلـون ويـاي تـبقـى...وآنـه أحضـر مـجالـس أبو الأكبـر

اليـتوب ويـبـﭽـﻲ كلما تنـذكـر خيـمـه
ذنـوبـه تطيـح طيحـة مـاي من غيمـه
ومـن ذنـبــه تـطـهـــره
والـــــرادود يـــقـــــره
الأجـل لـو حـان مـوتـنـي بحـسـيـنـيـه
ــــــــــــــــــــــــــــــــــــ2ــــــــــــــــــــــــــــــــــــ

لا ﮔـاضيهـا ساجـد...ولا ﮔـﺎضيهـا وكت الـﮔـيض صايـم
مـا عـندي بسـجـلَّـي...بـس لـطـمـي ودمـوعـي البـالـمـآتـم
والمـأمــنــي أكــثــر...نـاســي تـفـضـلـو سـمــونـي خــادم
بــس لمـحـيـرتـنـي...حـسـيـن شـمـعـتـبـرنــي الـلـه عـالـم

واذا مــا يـرضـى بـيه وعـلـي ما أيّـس
بأم عـباس احلـفـه شما رحت مجـلـس
ويرضـى هنا واشكـره
والـــــرادود يـــقـــــره
الأجـل لـو حـان مـوتـنـي بحـسـيـنـيـه
ــــــــــــــــــــــــــــــــــ3ــــــــــــــــــــــــــــــــــــــ

دنيا وبيهـا كلشي...ويضكني الهم واحس كلشي جفانـي
واروح احضرلي مجلس...واطلع منـه ﭽـني انسان ثاني
هـمـي اﻠﭽـﺎن يـخــنــﮔ...بـمجلـس لا لـﮔـيـتــه ولا لـﮔـﺎنـي
أنـه بــزود المـجالـس...مــوش بـزودي مـتــحـدي زمـانـي

هـيــﭻ الـدنـيــا ازامـطـهــا وألاويـهــا
واكـبــر نـايـبــه بلطـمـيـه أﮔـضـيــهــا
وتـكفـي لحلـهـا عَـبـره
والـــــرادود يـــقـــــره
الأجـل لـو حـان مـوتـنـي بحـسـيـنـيـه
ـــــــــــــــــــــــــــــــــــ4ـــــــــــــــــــــــــــــــــــــ

خـلولـي خـدمــتي...والـكـم واهـب شـمـا ردتـو مـنـي
وعندي شـﭽـم قصيـده...دِفـنـوِهـن وياي بـيــوم دفـنـي
واذا لاﮔـﺎني مـنكــر...أﮔـلــه وعـلــي كـلـمـا عنـدي ذنـي
ومـن يـفـتـح سجلي...أظـل يحسين اصيح شما سألـني

ومـنكـر هيبـتـه شـمــا تضوي ما اهـمه
تضـيـع بشـعـره مـن لحـيـة أبـو اليـمه
وألـطـمــلـــه وأذكـــره
والـــــرادود يـــقـــــره
الأجـل لـو حـان مـوتـنـي بحـسـيـنـيـه
ـــــــــــــــــــــــــــــــــــ5ـــــــــــــــــــــــــــــــــــــ

يوم الحشـر نوﮔـف...وماكو اعله الجسـد أي شي يضــمـه
حـكمـه بهـاي حـتـى...تـنـشـاف الصـــدور البـيهـا لطـمـه
الـلاطــم لأبـو اليـمه...فـوﮔ الـرحـمـه الـلـه اكـثـر يرحـمـه
وعلى احضور المجالس...تظـل تختار بينـه الزهره أمـه

الخــادم واللِـطَـم والبـاﭽــﻲ والـزايــر
تـخـتــاره الـزجـيـــه بالحـشــر بـاﭽــر
وكلـمـن عـنـده حـسـره
والـــــــرادود يـــقـــــره
الأجـل لـو حـان مـوتـنـي بحـسـيـنـيـه
ـــــــــــــــــــــــــــــــــــ6ـــــــــــــــــــــــــــــــــــــ


أحمد البصراوي العبادي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم_العشرة_الثانيه

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

في اعتقادنا الامام الحجه حاضر في كربلاء في ذكرى استشهاد جده الحسين عليه السلام
والمحب يريد ان يقدم له المواساة



بيــا مكــان گلــي ويــن بيــا مكــان
ويا زمــان گلــي يــا ساعه وزمان
ويــن اجيــك بكربلاء أرد أقدمــلك عــــزاء
*5
سيدي رايد عـزائــك بالجـره بهـذا المصـاب
ويـن اگصد واعتنليك اعذرني لو رايد جواب
اگصد الطف أبدمعتي بلكي ترجـع من غياب
وين بالعاشــر أشوفـك حتى أواسيك أبعذاب
بـل النحيــب أهنــاك أواسيـــك بنحيـب
عل الخضيب وياك انوحن عل الخضب
وما أمِل من البكاء أرد أقدملك عــــزاء
*
ويــن الگــاك أبدمعتــي سيــدي يــمْ النحــر
ولـون مـا شفتك يغالي اگصد لصوب الگمر
لـــو اروحـن للمخيم ادري ألك يمّـه صــوّر
لو أرد للتل وأشوفك ردلــي يالغـــايب خبر
وين اجيك گلي وانه اگصد واجيك
اعتنـيـــك حتى بالـــوّعه اعتنيك
وين يالمهدي اللقاء أرد أقدملك عــــزاء
*
سيــدي للمنحـر اگصـد يمّـه أشــوفــك تنتـحـب
أهناك أسمعك من تگله صدگ ما ضگت العذب
يا أمـامي ويمّــه تلگه صـرخه ودمــوع لمحب
أهنــاك أواسيـك أبمصابـك بلكي يرتاح الگلب
بالدمــوع نروّي نحره من الدموع
والشموع يمّــه نعلگها الشمــوع
مجلس أنقيم ورثاء أرد أقدملك عــــزاء

*

سيدي لومــا لگيتـك انـــه يم نحــر الذبيــح
وين گلي أتعنه واگصدك تبچي يمكن بالضريح
جمــرة العاشــر يغايــب منهـا دلاّلــك يصيــح
والدمـــع يالمهدي ادري مـــا يطيب كل جريح
والمصاب ادري هل البعده المصاب
والعــذاب عــايــش أبهـم وعــذاب
ادري بدموعك دماء أرد أقدملك عــــزاء
*

سيــدي لـومــا لگيتــك شنهي يالمهدي السبيل
من ضريح حسين اركض واتجه صوب الكفيـل
بلكي يم عبــاس أشوفــك گاعد ودمعــك يسيـل
أهنــاك اقدملك عــزائي سيـدي بنــوح وعويـل
عل الچفوف ابچي ويــاك الچفوف
بل السيوف يوم طاحـن بالسيوف
طاح قانون الوفاء أرد أقدملك عــــزاء
*
سيدي ويــن اعتنليك حتــى أشوفك يالغــريب
اعتنــي يــمْ المخيــم بيّــه ستــر الله المهيــب
ادري بيه عندك مواجـع خدّر يا وسفه سليب
لو أرد للتل واناطـر يم جــرح ما أظن يطيب
عل العيال أهنـــاك انوحن عل العيال
بل الحبال صــدگ مچتوفــه بحبــال
وسفه زينب والنساء أرد أقدملك عــــزاء
**
الشاعر
موسى البديري


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم_العشرة_الثانيه

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


قصيدة (( جرح السبي )) تحكي اكبر جرح في قلب الامام الحجه والائمه عليهم السلام
وهو سبي العقيله زينب عليها السلام

جمــر يلهب سبي زينـب بگلب ال النبي
جــرح نزفه فــلا يشفه جرحهم زينبي
بگلب المهدي تسعر لهب جمراته
مــا تهده ابـــد عالحـــره آهــــاته

جرح يلهب يظل طول الدهر جمـره
اشد من الوگــع عطشان عالغبــره
اشد من الخيــول الـرضت أبصدره
سبي عمـته العقيله زينـب الـحــره
جرح ينزف يظل يهتف يهــز كــل الملا
سبي الحره اشد جمره ابمصايب كربله
يظل طول الدهر يجـريها عبراته
مـــا تهده ابـــد عالحره آهــــاته
*
جرح سبي العقيله يصعــب انــروفه
اشد من الوگــع ومگطعــه اچفــوفه
اشد مـــن العمـود ومـن سهم شوفه
عمته بيا وكت يا وسفــه مچتوفـــه
اشد وأصعب سبـي زيـــنب گَطِعْ چف الگمر
الخدر جرحه صعب شرحه أبــدليـل المنتـظر
جرح كل يوم تكثر والله لچماتــه
مـــا تهده ابـــد عالحره آهــــاته
*
جــرح بالمهدي ظل طول الدهر يَكبر
مثـل جمـــراته ذيچ البالگـــلب تسعر
اشــد مــن جمـــرة العبــاس والأكبـر
شخص زينب حسافه يشاهده العسكر
خيّم وجــت حــرم هجت بــلا كافــل صفت
الف وسفه العدو اتشفه العقيلــه اتســلبّت
بعـــد عين الكفلها وذيــچ صولاته
مــا تهده ابـــد عالحـــره آهــــاته



جـــرح سبي العقيله المهدي بيه عالم
يهـون اگبالــه فگد ابن الحسن جاسم
مثــل خدْ الــورد فـــوگ التـــرب نايم
لچــن سبــي العقيــلـه يلچــم القــائـم
يجر حسره على الحره جمــرهـــا يلتهب
على عمته دمع سكته علـى الباغي تطب
وللديوان صعبــــه تفــوت عماتــه
مــا تهده ابـــد عالحـــره آهــــاته


جرح بالمهدي ما أظن واحد يحمّـله
تظـل أعيونــه لجله المدمــع اتهمله
اشد مــن الـــرضيع الفطمـته النبلـه
تطب للسوگ عمّته هايه مو سهـله
تصيح الناس أخت عباس بعد عين الكفل
آ يــالشـــام اشد أسهام على القائم تظل
شحاله ألي مشــه مــابين شمّــاته
مــا تهده ابـــد عالحـــره آهــــاته



الشاعر
موسى البديري

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم_العشرة_الثانيه

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ
طريق السبي

من طحت يابالفضل
حطوا بچفي الحبل
حضروا نوگ الهزل للسبي للسبي
.......

يالچنت خيمه عله راسي ورايتك چانت ستر
سمعـــاً وطـاعـة تگـلّي وماگلت مرّه اعتِذر
من طحت يم الشريعه بطيحتك راح الخدر
وسفه ياعباس بعدك يحدي بظعوني الشمر
خويه ياراعي العلم
نظرة الشامت سهم
واحنا كاتلنه الخجل. للسبي للسبي
.............

خويه جاب الحبل بيده چتّف ابنات النبي
ماكو عباس اليجيچن يالله گومن للسبي
لا خدر لا خيم ظلت ما بقت بس العبي
شلون تقبل زينب اختك يحدي بيها الاجنبي
يالطحت يم النهر
ما وصل ليك الخبر
رحنه والمدمع يهل. للسبي للسبي
................

رادوا يجرحوني اكثر مرّوا عله المشرعه
حتى اشوفك يابوفاضل ونفجع بالفاجعه
ما گدرت اغمض عيوني جسمك وعن مصرعه
شفتك بلا راس خويه والچفوف مگطعه
من عله الناگه صحت
خويه مسبية رحت
وي عدوّك ارتِحِل للسبي للسبي
................

من طريق السبي متنه تدري كل خطوه بجرح
ويانه ياعباس عالي راسك براس الرمح
خويه كل سوط عله متني يهتز ودمك يسح
ابچي سكته ومااسَمّعك خاف جرحك ينفتح
احمل سياط العدو
وما اجرحك. يالاخو
ابقه زينب ما اذل للسبي للسبي
.................

شلون لو طبّينه خويه الكوفه گلي شتعتقد
ناس تتفــرّج علينـه وناس تتشمّت حقد
اتوقّـعـت يستقبلـونه بالحجـر مو بالورد
الموت اهون يابوفاضل ولا الي شامت يصد
تغيّرت كوفة علي
ماكو بيها ادلّلي
منها للشام انتقل للسبي للسبي
....................

لمجلس ابن زياد گالوا لازم يطب الظعن
هاي اعظم كل مصيبه من مصايبنه المضن
شلون اطب ديوان خويه وانه بت حامي السنن
گبال ابن مرجانه اوگف وين ودّاني الزمن
حسبي الله يالگمر
اصبر وگلبي انكسر
بية ياموقف يحل للسبي للسبي

سيد زيد الفحام
2020
___________________________________



▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم_العشرة_الثانيه

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


طريق السبي
زينب عليها السلام تخاطب العباس عليه السلام


تسمع يعباس الحچي گامو يشمتون
تجرح مثل جرح النبل نظرات لعيون
هاي الكفلها اخوها
عالناگه چتفــوها اسمع يگولون
....................

أنه الچنت بدلالك احچي بالعالي
ولا واحد نظر عباس لخيالي
اويلي الغاضرية شسوّت بحالي
تعال اسمع حچي الشمات يالغالي

لمن طحت عالمشرعه راح الخدر راح
ارتاحينه اسمعهم حچو عباسهم طاح
چم طفله عذّبوها
عالناگه چتفــوها اسمع يگولون
.....................

أنه الجيراني چانوا ما يشوفوني
بس بوجوه اخوتي تنظر عيوني
تعال وشوف شكلي وباوع اللّوني
عفتني مخدّره شو هسّه چتفوني

ما اسمع اختي ادلّلي اسمع شماته
چا وينه ابن حيدر علي عايف خواته
من يمّه شو خذوها
عالناگه چتفـــوها اسمع يگولون
.....................

المثلك كون يبقه ومايطمّه اتراب
يبوالسطره القوية البالحرب ينهاب
الشمر عايش يضل وسفه وجمالك غاب
الأسد لو مات تفرح بالطريده اذياب

يتمرجل علينه الشمر ياوسفه ياحيف
منك شرد يوم الحرب ما واجه السيف
والتبچي شتّموها
عالناگه چتفــوها اسمع يگولون
......................

ركبنه عله الهزل نوگ السبي ورحنه
سامحنـــاك ياعبـاس سامحنــه
حچي الشمات تدري هواي يجرحنه
عكب چفّينك بچفّ الشمر طحنه

ما ينحمل درب السبي ضيم ومعاناة
سوط وزجر دمعه وألم حال السبيّات
كل الحرم سبوها
عالناگه چتفــوها اسمع يگولون
.......................

مشينه وراسك براس الرمح شفته
انت اول بشر ميت كفل اخته
بكفالة راسك اطلع للسبي وبخته
حچي عيون ومدامع عالهزل سكته

من تعثر الناگه يرف. راسك يعباس
مشكور اگلّك لا تفز. يالكلّك احساس
اختك يبعد اخوها
عالناگه چتفــوها اسمع يگولون

سيد زيد الفحام
2020
___________________________________

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم_العشرة_الثانيه

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


من حــبيناك••لامــــــاننساك
يحسين نموت.. ونظل نهواك

كل.  عاشك  حــبيبه ساكن  عيونه
وعن   درب   اليحبه  مــــايبعدونه
وإذا بحبــك يذبحــونه.  ويصلبونه
مــانعشك  ســواك شمــــايــعذبونه
نوالي الوالاك••نعادي العاداك
نحــبك يحسين.. ونضل نهواك
                   ★★★★
 
ياســر   المــحبه  وروظة   العــشاك
ياكــعبة غرامي الألها دوم   أشــتاك
وسط انضاري ألمحك من احس بفراك
وكصدلك اذا كلبي على شوفك ضاك
عشت بدنياك••خصم الفركاك
انت المحبوب••ونضل نهواك
                    ★★★★

الك مثل الطيور  تــهاجر  احــبابك
وتوكر بالضريح  وتــــذكر مــصابك
يشفه من العلل من  يذكر  امصابك
وماخاب  القــرع  ياســيدي بابــــك
من نتعناك••مــــنبع نلكــــاك
فايض بالجود••ونضل نهواك
                  ★★★★

محــبتك عالكواكب ڱــڵـها مــنشوره
وعلى وجه الشمس يحسن إلك صوره
الخالق صــورك وطاك مــن نــــوره
وجسمك مــوجــسم ايات  منثوره
ربك سواك ••سيد الأمــلاك
انت القرأن••ونضل نــهواك
                   ★★★★
 
يالمضحي بدمــاك وناصر القــرأن
وروحك قــدمــتها قُــربه للــديان
ووصالك تــسبح  ربها عــالتــربان
وتدعي خالقك يرحم بني سفيان
محد ضاهاك••راحم بعداك
شافع للناس••ونضل نهواك
                     ★★★★

لْـۆن انت على خصمك جفك ترفعه
تكــلب  بالــدعاء السبعه عــالسبعه
لجن حته الشمر من راسك ايكطعه
تدعي الله يرحمه وتهمل  الــدمعه
الباري من اوحاك••جهلو معناك
حط بيك اسرار••ونضل نهواك.
الشاعر
        نسيم
      الحميداوي

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم_العشرة_الثانيه

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

سبي عيال الحسين عليهم السلام•••

عندي الذبح. هين سبي عيالي الألم
راسي برمح وعيوني ضلت عالخيم
جثتي أنه أحشم بيها•••ردت الخيم تطفيها
★★★
طــــلعت رقــيه بس ركض بنار الخيم مچويه
ضليت أحــشم بجــــثتي وهي تحــشم بيه
إشلون أركض وراسي برمح وبعدن علـّۓ رجليه
وانه إنسبيت ويالظــــعن. وي عيلتي المــسبيه
مذبوح أنه. وراسي مــشه وي عيلتي
فوك القنا . ورمح إحترك من غيرتي
دمعاتي دم أجريها••••ردت الخيم تطفيها
★★★
جسمي على إسهامه زحف مــن طفلتي ندبتني
يمــي رُقــــيه ڪٍّربــــت بمنظر صعب شافتني
لطمــت وجــها من الحزن ومن الڪفه حضنتني
تكلــي سهام البالصــدر مــن شبكتك حرمتني

يمي إجت • وصدري بحوافر منسحك
بس من بچت• قلــبي الرقيه ظل يدك
ڪلمه بدمع تحچيها••••ردت الخيم تطفيها
★★★
لمن طحت فوك الترب هاجت جــميع ألامــي
ماشــوفن عــيالي بعد خــــيل وزلم جدامي
ياربي راويــني الخيم چفــي رفعته ودامــي
حِكمه نرفع راسي برمح حته أنه أشوف خيامي

راسي إرتفع• أذن ألم صَــله الجــــرح
فارس رجع • حارس ظعن صاعد رمح
والعبره دم يبچيها•••ردت الخيم تطفيها
★★★
سجدت بواتر عالجسم وبدمي كــــلها إتوضت
وصدري إنهشم ياشيعتي وضلوعه رض إنرضت
روحي على ذبحي تغض نضر بس عالحرم ماغضت
شفت الحراير بالسبي والروح أحسها تشضت

راسي بدمه •يبچي وعلى زينب يون
شفت السمه • غــيم وجها من الحزن
كل غيمه أصدن ليها••••ردت الخيم تطفيها
★★★
إختي شفــتها بياوضع حافي وجمر يچويها
محنية زينب چن ضلع فكد الأهل حــــانيها
من الضمه ماظل دمع عدها وشمر سابيها
من بعدي لوتشرب نهر زينب فــــلا يرويــها

حته الضوه• نتقاسمه چــنه سوه
بس الهوه •عني بحبل چفها إنطوه
لن زينب إمڪيديها••••ردت الخيم تطفيها
★★★

★★★
للشاعر نسيم
الحميداو


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم_العشرة_الثانيه

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

لا ثاري ما عفته ~~~  وبدمي دونــته
ما انسه جدي بكربله مـن اسحكـو جـثتـه
                           ★★★★

انـه الامـام الـمنـتـظـر         اتـعـنـه جـدي لـبـابـه
شهر المصايب من يهل       ابـجـي بدمـه لمصـابه
واكصد اله بحزن والم        وامسـح غـبار اعـتابـه
واشتم عطر جنة عدن        لـمـن اشــم اتــرابــه
             تحنيني دمعاتي                 والقي تحياتي
            ويم بابه اسجد عالترب     وتـرابـه قــــبلته
                          ★★★★

الحز لابو الاكبر النحر         إبـسيـفي احزن نـحـره
وحي لــون ميت عــمر        مــا يخـفه عنـي بـكـره
ولي سحك اقدس صدر      بجدامي اسحك صدره
والثاري شايل رايتي           ويوم الـوعـد انتضـره
            لوطــــول غيابي           يتجدد امصابي
      كل عمري عشت ويلحزن     ومصابي عاشرته
                              ★★★★

بيه انتخت درة علــي            وينك يراعي الشيمه
الها انه باجر انــتفض            العاشت عمرها يتيمه
بعداها اخسف هالارض          ونـزل عـليــهم غـيمه
ما انسه فزعت عمتي            من خيمه هيه لخيمه
         اني اعتذر منها            وتأخرت عنــها
    ثار الها ديـن بركـبتي            لــو سيفي جردته
                              ★★★★

يوم الـفـرج اشعر كـرب          وثـاراتـي مـا ناسـيهـا
هاي الارض قسط وعدل       بـاجـر بـــديه امـلـيـهـا
بجفـوفي انزلها الشمـس       ومن اغضب انه اطفيها
عالضدني اضلمها وعلي        وللـي يحـبنـي اضـويهـا
       هـالـدنـية والـعالـم          ابجفي جل خاتم
    رب السمه سلمها الي          وانه امري سلمته
                              ★★★★

ثاراتي تبدي مــن الضلع         والـطـبـرة مـا انـسـاهـه
وما انسه محسن والحسن     وجم محنه عشت وياهه
ومن كربله كلبي انفـجـع         حـسـيـن بـدمـه رواهــه
وفوك الرمح راسه انصلب      وروحـي الـسـبط اذاهـه
            وسهم بجبد جدي       لسه اشعر ابجبدي
صبح ومسه كل عمري اون       مــا انسمع سكته
                               ★★★★
🖋الشاعر نسيم الحميداوي 🔗
                      


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم_العشرة_الثانيه

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


إلى رقيه عزيزة الحسين عليهم السلام

مــن مــــثلها•• طــفله مــاتت مــن بــچيها
مــن مثــلــها•• راس أبــوهــا إبين إديــــها
يمــكن محــاچيها كلمه•••بيــها ماتت هي يمه
★★★
والدي مــره ســألــــتــه ڪِّلبي كالت مــنفجع
ليش عــينك من تصدلي. تجري بــويه بالدمع
مــن أشوفچ أذكر إمــي. ڪال مكسورة ضلع
وذكر السطره على خدها وأدري خدچ ينــصفع
من سبوها•• بخدها چم ضالم صفعها
لراس أبوها ••باالألم تــشرح وضــعها
وغِسلت بدمعتها دمه•••بيها ماتت هي يمه
★★★
وسدت خدها على خده. ونترس خدها بدمه
عمه صاحت ماي اريدن. والدي مــــات بضمه
أرده أشــربنــه بــديه. حــته عمــــه إنڪلمه
إفتــح عــيونك أكلــه أنه الأشــبه فــاطمــه

بويه صدلي ••وأحسب سياط على ضهري
مــنهو كــلي. •• انه يتــــمني على زغري
بحسرة شمت راسه شمه••بيها ماتت هي يمه
★★★
تحچي وي راسه وتكله يسري أبد ماينحمل
بــويه ورمــاد المــخيم. صار لعيوني ڪحل
شڪد بنات بكدي أشوفن. تلعب ودمعي يهل
من ذهب عدهن معاضد. وبيدي أساور من حبل
ياهضــيمه•• راسي امسحنه بأديه
ڪل يتيــمه•• كون تتــسمه رقــــيه
ضلت بعبره تكلمه•••بيها ماتت هي يمه
★★★
تحچي قصتها الأبوها. من إجت يم الجسد
شافت السلاب إجاها ويم أبو الأكبر كعد
نضرت إيسلب ثيابه ويكطع بخنصر أسد
التراچي تكله إخذهن والدي عوفه إنضهد

من سمعها ••طكــــها بالسوط بمتنها
هم صفعها•• وهم أخذ قرط من إذنها
بدمعه والدها تحشمه ••بيها ماتت هي يمه
★★★
چان إبوها شكد يحبها. هــي عــنده مدلله
من حچت قصتها يمه عيونه ضلت هامله
الشمر كالتله طڪني بالسياط وحــرمله
راسه ضل بالشام يبچي. وڪِّلبه ون بڪربله
وياها يحچي•• ڪلمه بس تعرفها هيه
راسه يبچي•• مــيت وقَــــبل رقيــه
صَرخت الطفله تألمه•••بيها ماتت هي يمه
★★★
عالرمح تقره سمعتك. بالڪهف وتــألــمت
ڪل فرض لوجت صلاته إنت أسمعك أذنت
تڪله من زغري يبويه إوياك أصلي أتعلمت
بويه خل راسك يأذن. حته أحسك مامتــت
بــيه لهفه•• أسمع بصوتك أذانــي
حته أشفه•• ومايضل جرح بإذاني
زَيدت هالطلبه همه•••بيها ماتت هي يمه
★★★
الشاعر
نسيم الحميداي

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم_العشرة_الثانيه

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

إلى الحوراء زينب عليها السلام☆

أنه إخت الذبيح حسين ☆بت فارس بدر وحنين
يزيد إشلون تشتمني ☆ زينب أنه تعرفني
☆☆☆
منو جدي وإبوي ومنهو أجدادك
عبد إنت يزيد وتذبح أسيادك
ذبح حسين إخوي بكربله إشفادك
للذل ولخزي هذا الفعل كادك

ذبحتو المنقذ اﻷكبر*خصمكم جدي بالمحشر
وإخذ هذا وعد مني
☆☆☆☆

جدي أني النبي وجدك أبو سفيان
وأبوي اللفجر مافارك القرأن
خضعتله الليوث بساحت الميدان
وتهابه الرماح وتجفل الفرسان

يطعن بالوغى برمحين * يقاتل حيدر بسيفين
يريت إيشوفك إتسبني
☆☆☆☆
أنه بتمن يزيد وأنسبي تالي
علي موجود كون وينضر الحالي
قبل كل الخلك ماشافت إخيالي
بنه سور بصوارم حيدر إكبالي

وعلي كل مايناديني☆زينب يانضر عيني
إبوي شكد يدللني☆زينب أنه تعرفني
☆☆☆☆
ماتمحي ذكرنه ولا رسالتنه
ويطيح الكون من إطيح رايتنه
بس لله نطخ ييزيد هامتنه
إحنه التضحيه والموت عادتنه

هذا مبدأ الأحرار☆تموت وماتذل لشرار
لظن تكدر إذلني☆زينب أنه تعرفني
☆☆☆☆
ذبحتو حسين إخوي وضل عدل مامات
راسه على الرمح ويرتل الأيات
ذكره بكل رساله تموته لا هيهات
بالأنجيل والفرقان والتورات

راسه المنذبح عطشان☆إوياي إيرتل القرأن
إخوي ومايفاركني☆☆زينب أنه تعرفني
☆☆☆
للشاعر نسيم
الحميداوي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم_العشرة_الثانيه

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

يمي لوظل چافلي بدر العشيره
ﻻوحك هامت علي مارحت أسيره
من يكيدني بحبل**لو أبو فظل عدل
*

إفراك أبو فاظل صعب دﻻلي رظه
أنه ماجر النفس إله وينبظه
إشلون أروح ويالشمر من بعده يرظه
أنه ما أدري بحلم ما أدري يقظه؛؛؛؛؛

عالرمح راسه ونزف من حزنه غيره
بالدمه بدري إنكسف ماصح نضيره
؛إلنه جا لم الشمل▪ لو أبو فاظل عدل
☆☆☆
فرت إكباله الزلم والحومه طبها
الميسره عالميمنه بسيفه كلبها
من هجم شفت اﻷرض دخت تربها
صايم وكطرة عذب ﻻماشربها

ضامي بس ساكي صبح عزب بالطفوف
دينه إجه طالب نصر قدمله الجفوف
كل صعب عنده سهل ▪ لو إبو فاظل عدل
☆☆☆
سجل بطف كربله أروع مﻻحم
صار منهل للمعاجز والمكارم
يمي لو حارس بقه بدر الهواشم
محد اليوصل خيم بيها الفواطم

من كصر جفه بغدر طالت لسنهم
ومن سكت صوت الكمر أسمع شتمهم
أنشتم ماتنعقل ▪ لو أبو فاظل عدل
☆☆☆☆
النواظر هالشهم لو صد عليهن
ما أسولفله الحزن يفهم حجيهن
لو مسح بيده الدمع فسر بجيهن
عيوني تتيتم إذا يرحل وليهن

هسه أمشي وي ظعن مابي جفيلي
بدمعت الفكدت إخو خلصته ليلي

مابقه دمعي يهل ▪ لو أبو فاظل عدل
▪☆▪☆▪
صرخت الماإلها إخو مابيها فزعه
صوتي حجبته بصبر ماريد أفرعه
هذا تل الزينبي من عيني دمعه
ماتظل دنيه لون بس جفي أرفعه

دعوتي بذاك اﻷلم تهدم سماوات
علينه من حركو خيم تعني الكمر مات
خيمه أبد ماتنشعل ▪ لو أبو فاظل عدل
☆☆☆☆

صوغه من الطف خذت لهل المدينه
رايه جبت من الكمر صعبه وحزيه
بيها جفين النصر وبنبله عينه
وبيها مهد المنذبح ومكمطينه

صح مشيت إميسره وأشكف بالسياط
بس فجعني المنذبح وبعمر الكماط
منهو يذبحله طفل...لو أبو فاظل عدل
☆☆☆☆
للشاعر نسيم


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم_العشرة_الثانيه

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

نزله للسبي


ترحل هالليله الوحدها

1
تنحب هالليله الوفايه
من طاحت وتشوف الرايه
زينب بس هيه اموصايه
محد بالطف ايشاهدها
2

محد چان ايشاهد ظلها
وشحده الحاول يوصلها
من طاحت راية كافلها
زينب بالطف داسو حدها
3

هالليله اتودع اخوتها
وماتنشف زينب دمعتها
مسبيه اتروح بعيلتها
ومتفارگها الدمعه بخدها
4

للكوفه اتروح الغداره
زينب من توصل محتاره
والطف عنها اتضيع اخباره
محد ويضل ايساندها
5

نار اتحس بيها وحراگه
مشتاكه الواحد مشتاگه
عباس ايصعدها الناگه
تتمنه بأيده ايصعدها
6

باچر تمشي اوي السلبوها
التنحب بالدمعه وخلوها
مو بس ضربوها وشتموها
ياوسفه وشتموا والدها
7

سلمت عالطاحو بالحومه
وتودع گامت مالومه
زينب مسبيه ومظلومه
فرهدها الظالم فرهدها

8

ودعها الزينب بالدمعه
من گلبك يالسامع وانعه
اقسملك هالصوت اتسمعه
وامسجل بالدفتر عدها




الشاعر السيد رياض الرسل الجابري


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم_العشرة_الثانيه

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


رقيــه يارقيــــــه = ياحــره وأبيــــــه
يتيمه وبين الايتـــام = گظيتي هنـاك بالشام
آه0 يالهاشميــــه
&&&&&&&&
رقيه ودمعتـچ طاحـت على حسين = دمعـه ومـن جمـر تلهب من العين
صاحـت زينــب المن عمـه تبچين = هـاي عيـالنـه مسبيــه تــدريــــــن
شفتـي اليــوم أحــلام = گظيتي هنـاك بالشام
آه0 يالهاشميــــه
&&&&&&&&
رقيـه تگـول شفت اليوم عــوداي = أجـاني بشوگ عمـه أو ألي عناي
لااريــد الاكـل لااريــد أنه المـاي = أشـوفه اليـوم كـل رادتي ومنيـاي
أجـانـي وحيـل محتــام = گظيتي هنـاك بالشام
آه0 يالهاشميــــه
&&&&&&&&
أبـــوي يــريـد اروح اليــوم يمه = أحبـه هـواي عمري وارد أشمـه
يعمـــه شلــون گوليــلي يعمــــه = ابـــوي الزيـن يشخب فيض دمه
بجسمه تلوح الاسهام = گظيتي هنـاك بالشام
آه0 يالهاشميــــه
&&&&&&&&
يزيــد النذل لمـن سمـع بچيــــچ = ودمـوع العيـن تهمـل فـوگ خدچ
جاب الراس حطـه ابطشت يمـچ = يسـأل علجــره والصــار منـــــچ
ويلي شلون ظلام = گظيتي هنـاك بالشام
آه0 يالهاشميــــه
&&&&&&&&
حظنتي الراس أنتــي من نظرتي = تحاچينـه يبويـه الچنـــت جنـــتي
زادت حيـل مــن فرگــاك ونتــي = ويـــم الــراس بعـد النوح نمتـــي
وراس حسين مانـــام = گظيتي هنـاك بالشام
آه0 يالهاشميــــه
&&&&&&&&
رقيـه أنــتي الحنينــه يــارقيـــه = ابــوچ هنــــــا حضـرلچ هـديـــه
علم منصوب الـه بالغاـضريـــــه = ومـرقــد ليـــچ مـن علـــو الثريه
وتــدور اعليــچ ايام = گظيتي هنـاك بالشام
آه0 يالهاشميــــه
&&&&&&
نسالكم الدعاء
خادم الحسين ع
الحاج ابو اياد البيجاوي

📡قناة الشاعر ابو اياد البيجاوي

💻 لنشر قصائد الحسينية



▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم_العشرة_الثانيه

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

ســـارت سبــأيـــا = بعـــــد المـنــأيـــــا
عـالطـاغـي ثـوره = لـلـنــــاسِ عِبــــره
بعـــــد المـنــأيـــــا
&&&&&&
ظـنـوا مـن وگـع الحسيــن = طـفـت كـل الامـور ويــاه
وعـاشوا فـرحت اللحظات= وراسـه أعلـه الرمح علاه
نـسه بهـذا الفعـــل هــــــو = أعلــه من النجـم خـــــلاه
لأن هـــذا أبـو اليــمــــــه = ولازم يعـتلــي أبـنـجمـــاه
نســـل الكـرامُ = هـــذا ألأمـــامُ
فـي القلـب عَبــره = لـلـنــــاسِ عِبــــره
بعـــــد المـنــأيـــــا
&&&&&&
بـِـده التـاريـخ مـن مـوتــه = وكـــل واحـــد أخـذ دوره
ابو البـاقــريشـع نــــــوره = وزينـب قـــادت الثــــوره
حـرمـه أو ذلـت الشجعـان = وظلـت للـزمـن صــــوره
وعالتل وابفصاحه تصيـح = لهــذا اليــوم مـــذخـــوره
ربــي تقبــل = ونـحـن عـُــزّل
لــم يبـق غيـره = لـلـنــــاسِ عِبــــره
بعـــــد المـنــأيـــــا
&&&&&&
وبــده سـيف الكـلام الــيوم= وحـربـهـم صـــار أعـلامي
وكـلام الـلـي يـوجهـونــــه= مـثـل سـهـم ورمـه الرامـي
روه گـلـوب اليتامه وصار= كـل حــاقـد نــذل ظــــامـي
وذبحـهـم والجروح أثگـال= بخـطـاب أمـوجرأودامـــي
أدمـى الاعـادي = شـل الايـــادي
قــد حـط قـدره = لـلـنــــاسِ عِبــــره
بعـــــد المـنــأيـــــا
&&&&&&
وگفـت بـت علـي الكــرار= بـالكـوفـه وحچـت خطبـــه
گـالـت والكـلام أرمـــــاح = خـلــت بـالـگلـب رهـبـــــه
لاعشـتوا أبتــرح وافـراح = واحنـه مـن النسب قطبــــه
تـوالـون الـدعـي اليـــــوم = ويــلـي شـلـون هــالعصبـه
أهــل العــداء = فيــم البكــاء
تبـغـوهـا غـدره = لـلـنــــاسِ عِبــــره
بعـــــد المـنــأيـــــا
&&&&&&

حـرب الطـف بدت هـاليـوم= بـاعـلان أمـن أبو البـــاقـر
وبـالشـام أو حچت زينــــب= ودنـگ كـل وحـش كاســر
كـد كـيـدك تــگــل ليــزيـــد= شــمـا تعـلـه تــذل بــاچــر
مــاأقـرعـك وأحـط قـــدرك = لنــــك مــو بشــركـافـــــر
يبقى الجــواب = فصــل الخطــاب
يــزداد أثـــره = لـلـنــــاسِ عِبــــره
بعـــــد المـنــأيـــــا
&&&&&&
على المنبـر صعد يخطــب= أبـــو البـاقـر نـفـذ صبـره
گـالـلهــم يــهـاي النــــــاس= عــدكـم لـو أقــل فـكــــره
إحنـه آل النبـي الـمختـــــار= أحنــه الـقـربـه والعتــــره
وهــذا الخـارجي أيــزيــــد= هــوَّ البــادي بــالغـــــدره
نحـن السـرايـا = نــور البـرايــا
فــي القلـب جمـره = لـلـنــــاسِ عِبــــره
بعـــــد المـنــأيـــــا
&&&&&&
نسألكم الدعاء
خادم الحسين ع
الحاج ابو ايادالبيجاوي
📡قناة الشاعر ابو اياد البيجاوي

💻 لنشر قصائد الحسينية

🖥️ للاشتراك اضغط على رابط




▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم_العشرة_الثانيه

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

( نار الخيم ميمر) للامام السجاد //ع


نار الخيم نار ألألم
خلت علي دمعاته دم

ومنظر أبوه المذبوح جرحه أنرسم بعيونه

*-------------------------*--------------------*

حادي الضعينه للجثث جاباهه
وعمته العقيله مچتفه وياهه
شاف الشمر بصعب وضع خلاهه

من ينذكر أسم الشمر
گلبه بحزن يسعر جمر
ما ينسه ذيچ الايام صعبه العده أيشتمونه

*------------------*------------------*
صوره بخياله للخيم يوميه
أيهل الدمع لمصيبته ولرقيه
بعيونه شاهد تنسلب ترچيه

هذا الجرح مثل الرمح
عاف العلي دمعه اليسح
العاش المحن وَصعب حال عالدمعه لتلومونه
*--------------------*----------------------*

صد الرقيه أملوعه بالخوفه
ويمه الحراير بالحبل مچتوفه
بياحاله دخلن بالسبي للكوفه

هاي الصور تركن أثر
ماكو جبر گلبه أنكسر
والينكسر گلبه شلون تصعب تره يجبرونه
*---------------------*--------------------*

دمعه وسبي ماينسن ذكراته
خلصن سنّينه بالوعته وحسراته
يغفه وصورهن بالجفن عماته

جاري الجفن عاش بحزن
طول العمر للطف يون
يسمع حچي وحقد الناس والخارجي ايسمونه
*---------------------*--------------------*

الحد المنيه والدمع ماعافه
ماينسه لوعت كربله والشافه
جرحه الزمن لاضمده ولارافه

ظل للأبد جرحه وخلد
يذكر دمه العاف المهد
ظلت حسرته السجاد طول العمر مرهونه
*----------------------*-----------------*

ذيچ الخرابه والشتم يتذكرة
خلت صورهه بناظره والعبرة
بيهه العقيله بالحزن متحيرة

بيهه أتضح عدهم فرح
من الهضم جفنه أنجرح
فوك الهضم والحسرات اصعب حچي ايسمعونه
*-------------------*------------------*

✍بقلم خادم الحسين //ع
الشاعر رعد الجريخي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم_العشرة_الثانيه

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


وداعا يا گمر راح أمشي للشام
أشاگف بالسياط و أحرس أيتام

مسبيه ، ينادوني ، بغيابك ، ضربوني

؛؛؛؛؛؛؛؛؛؛؛؛؛؛؛؛؛

يا كافل ، خدر زينب ، أبشرك رايحه بروحي
الشمر باوع ، عليه و گال ، يزينب ضلي بس نوحي

أحبس دموع العين ما بين الأغراب
ظهري إنحنى و بجفاك خويه الشعر شاب

يا خويه و عگب كل ذيچ السنين
لا إنت التباريلي ولا حسين

يا عباس ، آذوني ، بغيابك ، ضربوني

؛؛؛؛؛؛؛؛؛؛؛؛؛؛؛؛؛؛؛؛؛؛؛

چنت يمي ، شلت همي ، چنت تمسح دمع عيني
تگلي لا ، تأذيني ، تره العاداك يحديني

مو طبعي يا عباس أطلع بلياك
عفتك جسد مذبوح و إلي إذبحك ذاك

يگلي للكفل صرت آنه ذباح
و من سكنة سمعت بس صوت الصياح

يَمّه تگول ، ودوني ، بغيابك ، ضربوني

؛؛؛؛؛؛؛؛؛؛؛؛؛؛؛؛؛؛؛؛؛؛؛

وِسف فوگ ال ، رمح راسك ، رحت فدوه الضمه شفافك
تعال أنزل ، أبويه الغاب ، عَلَي شيگول لو شافك

من چنت إنت زغير يا طيب الإحساس
چنت ألزم چفوفك و أمسح على الراس

گطعوا راسك و گطعوها الچفوف
ريت عيوني عميه و أبد ماشوف

بمصابك ، ذلوني ، بغيابك ، ضربوني

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

إذا تسمع ، تعال إرجع ، و گلهم لا يشتموني
أشَد حزني ، تفارگني ، و بعد ما تسأل إشلوني

المن بطيت و ليش ما تجي يا موت
آنه العقيلة اشبيك ما تعرف الصوت

إخذ روحي و عليه إگطعها الأنفاس
شسوي بدنيتي و ما بيها عباس

بلغ حسين ، و إخذوني ، بغيابك ، ضربوني

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

عفتني إشلون ، عليك يهون ، تخليني بوسط غربه
يعذبني ، الشمر لمن ، يشيل الرأس و يضربه

مصدر أمان الروح هذا الوجه چان
ما أدري راح يصير مصدر للأحزان

حگي من أجزع و ألطم على العين
إبجسمك ماكو رأس و ماكو چفين

أهدا إشلون ، يعيوني ، بغيابك ، ضربوني

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

سكون الليل ، يهد الحيل ، أبات بچوله مو بيتي
شلي إبهالحال ، ولا عالبال ، سبية تصير تاليتي

چني إنسبيت سنين ما چنها أيام
و عيني بوجود أغراب ما تعرف تنام

چنت مخدره و منسد عَلي باب
الذبح عندي سهل و الصعب الحجاب

لا لتظن ، شافوني ، بغيابك ، ضربوني

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

#علي_حسن_الكناني
#وداعا_يا_گمر

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA