2.مؤسسة منبريون لنشر القصائد🧿

#قصائد_محرم_العشرة_الثانيه

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

ــــــــــــــــــــــــــــــــــــــــــــــــــــــــ

يا عباس جبت الراس ونده كمت
كومي وياي يارجواي وينك صحت
**********************
انه اختك يبو الغيره وبت حيدر يسموني
رجعت أمن اليسر توني ودمعاتي عله اجفوفي
أميره عز جنت خويه وانته حارس ضعوني
رحت واعدك من بعدك ضربوني عله امتوني
من الشام بهل الأيتام توني ارجعت
كومي وياي يارجواي وينك صحت
********************
من طبع الأخت خويه تضل تتباها بخوتها
وما بين الأهل تدري تتكاثر معزتها
وكبل لا تنتخي كالو الاخو يكظيها طلبتها
وزينب من رحت عباس ضلت تجري دمعتها
وني الليل ايهد الحيل ليش ارحلت
كومي وياي يارجواي وينك صحت
* * * * * * * * * * * * * * * * * * * * * *
الهظمتني يراعي الزود انه بتمن وطب ديوان
ويبيتونه بخرايب سود يا خويه الأمل ما جان
اويخوها كل اخت كامت وأنه امفاركه الخوان
اعله زينب يا كمر دنياي اشعجب ما حنت العربان
اشكي الحال هجرك طال وتعذبت
كومي وياي يارجواي وينك صحت
* * * ** * * * * * * * * * * * * * * * *
اجيتك والضعن عباس تعرف فاكد ابنيه
رقيه الماتت اعله الراس ادفنتها وجيت محنيه
جانت تلتفت والشام كلها اتصيح مسبيه
وتكلي يعمه الناس بس لا تقصد عليه
بدمع العين بنت حسين من غسلت
كومي وياي يارجواي وينك صحت
* * * * * * * * * * * * * * * * * * * * * *
اجيتك وين اشمك كول اختك حيل مشتاكه
درب اليسر هد حيلي كوم ونوخ الناكه
عباس العزيز اهواي يكتل كالو افراكه
شيل اجفوفك أمن الكاع بالجف يحله الملاكه
كافي ادواع عوف الكاع اشكد حشمت
كوم وياي يارجواي وينك صحت
* * * * * * * * * * * * * * * * * * * * *
انه كل سنه عباس أمن المشايه اتشكر
أحب كلمن خدم لحسين اوي زواره ما قصر
أحب كلمن لطم صدره وللمجلس حلف يحضر
أحب كلمن بجه اعليه أوجها أمن البجي اتغير
انسه اشلون حب مجنون بيهم شفت
كوم وياي يارجواي وينك صحت
* * * * * * * * * * * * * * * * * * * * * * * *
تمت
تحسين الخفاجي

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA