#قصائد_محرم_العشرة_الثانيه

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

زينب اليوم محتاجه تحضر يابو فاضل
اترك. الماي ونريد. حضورك. يمنه كافل
اترك الماي وتعال. تفردهت بنت الدلال
انه زينب. انه زينب

_______________
ماريده الماي خويه بس تعال الحك علينه
رقيه تنحب والأطفال وطلبتك هسه سكينه
الماي ماردناه يخويه ردنه منك بس تجينه
الحك علينه يخويه النار وصلت. يم. عبينه

اترك الجود عباس حضورك يمي اريده
وليه ارجاس ياخوي يضربون بحميده
خويه لحكلي بعجال. تفردهت بنت الدلال
انه زينب. انه زينب
_______________________
أطفال عطشانه ويتامه أنريدك انته يمنه حاضر
بس تعال ارجوك يمنه كربله نترست مخاطر
الجيش. يتكاثر علينه لل خيم عباس. ناضر
النار والكفار اجتنه أطفال عندي وضعي حاير

تكاطف إعداك ياخويه نار علل مخيم
وشفت الحسين بل خيل صدره من تهشم
وجفي شدو بي. حبال . تفرهد بنت الدلال
انه زينب. انه زينب
_______________________
حسين سلبوه ثيابه والدمه منه يتجاره
بضلمه اليل اعتنينه وردت ألمه وماكو جاره
النحر حاجاني صوته الخيل سحكتني بجساره
خويه من راح ابو فاضل ضهري احسن بنكساره

بحافر الخيل ياخويه صدري من تهشم.
بالي موجود والله يمج بل مخيم

وجسمي ماضل بي وصال. تفرهدت بنت الدلال
انه زينب. انه زينب
___________________________
وبصباح اهدعش خويه ارماح شالت روس ناسه
والرمح لحسين دنك وعله كيفه شفته باسه
هاذه رأس ابن الزجيه تاج خلاه فوك. راسه
والرمح يتباهه شفته يكول شلت أشرف قداسه

وألرمح كال يا ناس رأس الغالي شلته
رأس الحسين عل رأس تاج اني حملته

لجن مصيوب بنبال. تفردهت بنت الدلال
انه زينب. انه زينب
_______________________
السهم شفته يتعذر شابك عيونك يكافل
يكول صح اذيتك اني بس ردت منك مراجل
انته ابو فاضل وزودك ما تقاتل إله . راجل
منبع الخوه الشجاعه الزود يعني انته ابوفاضل

انته كفال والماي يمك شفته ساجد
ماي ال انهار والكون يمك شفته لابد
عوفه مايسوه القتال. تفردهت بنت الدلال

انه زينب انه زينب

ضرغام منعم الكربلائي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم_العشرة_الثانيه

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


ابيا وكت اخت الكمر تشبع قهر معقولة
ابيا وكت من ذولة تركض ترجع الهذوله
ابيا وكت عنهة بعد كافل اعز مكفولة

ما مجتوفة...ولا مشيوفة
عكب الكافل...ادخل كوفة
من خلاني ...بكطع اجفوفة

اختك يعباس عكبكم يسبوها
مابين الارجاس يخوها ايضربوها
مادنكت راس يعباس تدروها
***********
اخت الكمر زحمة تطب ديرة غرب يهلها
اخت الكمر لاوالي عدهة من الحبل يفلها
اخت الكمر ماكام واحد منكم وسئلها

الماعدهة اخوة....اطيح اوتهوى
ابين الوادم....مامش نخوة
تبقة بحيرة..و.تركض كوة

خدر الله مبيوكَ على النوكَ مجبورة
يهل الله كومو اختكم مكسوره
ونذبحت ايات والاهات والصورة
************
ياحيرتي نوك السبي لال النبي تجيهم
ياحيرتي اعلة الحرم عين الزلم عليهم
ياحيرتي شذنب الطفل ذاك الحبل بديهم

بدمعي ونوحي وكل اجروحي
ياحسراتي...الشالت روحي
ماتفزعلي...... يامذبوحي

ايات الحسين على النوكَ كادوهن
اليوكع اشلون للضعون ردوهن
عمر الندة حيف بالاسياط ذبحوهن
***********
بس يادهر كل الجره وانة مرة شبدية
بس يادهر بدرب اليسر ويالشمر سوية
بس يادهر ماترحم بحالي وانة علوية

شمر اليحدي...ومامش عندي
اخوة وكربة ....يزوركَ زندي
عمت سادة ...ابقة الوحدي

انة العقيلة يالخوان فزوعولي
باجر اصيحن تبين كل طولي
جاوين اخوتج عكبلكم كَلولي
********،
وسام المبارك

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم_العشرة_الثانيه

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

ليش خدر الله الطهر يسبوها
وليش جدام الميسوه اخذوها
=====
ركضو اعيال الله ليش ابهيمه
زينب اتلملم يتيمة ايتيمة
ليش ماخلو عليهن خيمه
بالبراري بلا خيم خلوها
====
حتارت العلوية تركض شايطة
من سياط العدة تبجي وفاحطة
وين تركض ياكتر ماحاطة
والنياكَ الهزّل الجابوها
=====
شايطة وتتعثر الجدم ابجدم
مره تركض مره تعثر بالهدم
كَومو يخوتها ودردوها الزلم
ومن خيام الله غصب طلعوها
=====
طلعوهه وركضت اعلة التل تون
ليش طلعوهن غصب يتراكضن
كَومو يخوتهه الخوات اتسلبن
بت علي وبت فاطمة ضربوها
======
ماكو نغار اليرد العايل
كَوم للمكفولة ياعز كافل
طلعت الحرة تون بوفاضل
ليش جبتوها ابسبي اتخلوها
======
التركض اطيح وخيم محروكَة
وين تركض ياكتر ملحوكَة
تريد ضعن الحرة كلهه اتسوكَة
لال اميه هالعدة يحدوها
====
حسين نايم عالرمل بالعافية
واختك اتلملم يتامه وحافية
عالجمر تركض ايتامك غافية
وين تكَعد والخيم حركوها
====
لملمت ايتامك المرعوبة
هاي تركض هاي تكمش ثوبة
جم يتيمة من العدة مسلوبة
خايفة وكلهم سوّة جتفوها
=====
راح اروح ومالي راي ولا امر
من بعد جف ابوفاضل للشمر
راح نمشي كل مسافات اليسر
واختك الذاك الدرب امروها
================


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم_العشرة_الثانيه

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


فتحت عيوني بحضان المصايب
وشفت كون الله موحش بس نوايب
من ضلع الزجيه الحماي الحميه

————————
انه زينب حالي يصعب كلبي أحسه ينعصر
من لفنه خيول عشره وهشمن كل الصدر
كاعده بوسط المخيم وسمعت صوت الكسر
وصحت اه يحسين خويه كون افديك العمر
........................................
يساعد الله ضلوعك وجراحك
وحجر شمروك بجبينك لاحك
الجسم مطشر صفه من ارماحك
وحسين ضايع بل حجر. .طاح العزيز اسمه الكمر
———————————
حسين مابي كتر سالم مابقه بي حك شبر
ويلي كله مهشمينه حته اضلاع الصدر
حسين ياهو اليعتنيله الشمر يكطع بل نحر
حسين يامعنى الترافه شلون ذباحك شمر
......................................:
حسين الله يساعده ضل حاير
حسين كل هاذه وبجه عل كافر
شلون. متحمل يخويه الصاير
والشمر يشتم بل خدر طاح العزيز اسمه الكمر
———————————-
بويه كل الحرمله خلي يرد اسهامه اله
مانريد اسهامه احنه هل وضع مانحمله
صياط خزرات ونواضراجتمعن اعلى العايله
اني لو اعرف يصير الصار ماجي الكربله
...................................
خيام ملتهبه وحرم طكوه
النار ماترحم طفل لحكوه
الزجر مايرحم مره تدروهه
ويلي شبديه اعله القدر. طاح العزيز اسمه الكمر

———————————————-
كلشي ماضل بينه سالم كل حجيهم بل ضرب
اني زينب حالي يصعب بصوط طكوني الغرب
صحت ياابا الفضل خويه تلاحكنه من العرب
ذكرت غدرو اخوي وطاح مرمي اعلى الترب
.................................................
والنهر مابي شهامه يرد اخوي الغالي
ورجع اني بزود اخوي معدله ومابالي
جم نهر عطشان جان وشاف اخويه يلالي
زمزم تبره من النهر. طاح العزيزاسمه الكمر
——————————————-
حسين من داسوك خويه نزلت املاك السمه
مريم العذراء نزلت والمسيح تقدمه
اخذو هاذه وليدي فدوه وعوفه ابنه فاطمه
حسين ابن خير البريه شلون يتغضب دمه
.....................................................
ومريم العذراء صاحت فدوه الك هاذه المسيح
ربي عندي طلب واحد لايسحكون الذبيح
شلون تنداس المحنه والعشك واكع طريح
ياربي شحجي وي القدر طاح العزيز اسمه الكمر
———————————————
حسين قران الله ناطق مايفهمه الناصبي
والجهاله عقول ضلمه متعرف معنى النبي
جان عدهم اثكه واحد هوه يئمر بل سبي
بس عدد جانو جثير وماكو واحد يصتبي
..............................:.:..................
حسين جان يرتل باياته
الشمر مايفهم شنو حجايته
وماكو واحد يفتهم نضراته
والحضه تنعد بشهر طاح العزيز اسمه الكمر
——————————————————-
صحت يا ابا الفضل خويه النار طبت لل خيم
وانه محتاره بسبايه وجمر لازك . بل جدم
وجفني من صطر لانذال شما احركه ينلجم
درت عيني وباوعتلك بل نضر نابت سهم
...................................................
وانه ياخويه عذرتك من شفت مطفي النضر
جفوف ماعندك لكيتك خويه طايح عل نهر
وصار اضلم ليل الله لئن ضيعله كمر
وتجمع بكلبي القهر. طاح العزيز اعله النهر


تمت بعون الله
ضرغام منعم الكربلائي

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم_العشرة_الثانيه

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

بعيده المدينه .....وانه ما متعود انساك المصيبه
بعيده المدينه..... والحبيب يموت لو فارك حبيبه
يامحمد ما هدت وناتي // وعله خدودي طشرت دمعاتي
************
ليش من اشتاك جرحي اكبالي يعرض
وتركض دموعي وزماني وياها يركض
كلبي بمحبتك صبح كل لحضه ينبض
خذت خيره وخيرتي كالتلي ريض

عذبني الفراك ..... يا رسول الله بكثر ما بيه لهفه
عذبني الفراك ..... يمته اشم كبرك يبو احجايه الترفه
اليل ما يصفن مثل صفناتي // وعله خدودي طشرت دمعاتي
*****************
همت بجوني وصحت سوولي جاره
هوه بالدنيه شكو احله من الزياره
انته كاتب عالكبر اجمل عباره
الما يحبك يا علي عمره خساره

يارمز الاسلام والله مالومك لون حيدر تحبه
يا رمز الاسلام وعلي ما يندم البلشده يندبه
يارسول الله اعتلت صرخاتي // وعله خدودي طشرت دمعاتي
******************







يجي يوم وللبقيع اتعنه مشاي
ونصب الموكب ووزع بالدرب ماي
راح اموت من الهجر يانور عيناي
اهواي عادتني النواصب لجلك اهواي

رادوني اعوفك..... وانه حالف ببو فاضل ما اعوفك
رادوني اعوفك ..... وانه ما ارتاح اذا ما يوم اشوفك
تحمل اهات وعتب كلماتي // وعله خدودي طشرت دمعاتي
*****************
انه عاشك والعشك داخ بغرامي
وكمت ارسم صورتك حته بمنامي
يا محمد كلبي من الفركه ضامي
وراح وي الطير الك ابعث سلامي

ضليت انادي ..... نذر عندي بس ازورك ياضوه العين
ضليت انادي ..... تربه اجيبلك شرط من كبر الحسين
الك ناذرهن نذر خطواتي // وعله خدودي طشرت دمعاتي
****************









صافن وكلشي الزمن ما خله عندي
ويا محمد ايدي طارحه اعله خدي
حللو دمنه اشوكت يظهر المهدي
والمصايب مثل زينب بينه تحدي

اتباع السقيفه ..... حاربونه وخالفو ذيج الوصيه
اتباع السقيفه ..... كامو ايسمونه عكبك رافضيه
ذبحو الشيعه ورست شوغاتي // وعله خدودي طشرت دمعاتي
******************
اليوم بمصابك شفت جبريل حاير
وسيدي الفكدك بجت حته المنابر
اليله حاله فاطمه تهيج المشاعر
اليحضر المجلس تسجله الزهره حاضر

ام بيت الاحزان ..... كعدت وتلطم بكت بثنين اديها
ام بيت الاحزان ..... حته ملك الموت حن كلبه عليها
بويه صاحت زيدت لوعاتي // وعله خدودي طشرت دمعاتي
**************
تمت
تحسين الخفاجي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم_العشرة_الثانيه

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ
سلامي سلامي الك ابعث سلامي
بوصفك يالرضا احتار // ياجوهر الاسرار
************
اشلون انساك كلي يالرضا اشلون
وصورك ملت حيطان الجفون
ماهمني النواصب واليكرهون
كل شده وحياتك لابد اتهون

غرامي غرامي ما ينعد غرامي
ومن عندي العشك غار // ياجوهر الاسرار
*************
نجمات الليالي تغني بسماك
وحته الطير هم روحه وتعناك
امنيتي اكضي العمر يالرضا وياك
لو تدري اشكثر دلالي يهواك

التزامي التزامي ماعوف التزامي
صوتك صوت الاحرار // ياجوهر الاسرار
*************
انه رافضي ومعروف اسمي
ولجلك يالرضا ما يغله دمي
بحب حيدر علي فطمتني امي
وعن درب العدل ما مال جدمي

امامي امامي بس حيدر امامي
وما عوفن الكرار // ياجوهر الاسرار
*****************
صحت هذا الرضا راعي الموده
الصعبة حاجته يلكاها عنده
انته سيدي اتحل شكو شده
واليكصد ضريحك ما ترده

المرامي المرامي طحت بين المرامي
ندبتك والكلب نار // ياجوهر الاسرار
***********
لاخر لحضه اقسم ما اعوفك
وروحي اترد اليه من اشوفك
طواف الحج اجيت اليوم اطوفك
واسرح سيدي بواحة طيوفك

بمنامي بمنامي شفت حكمه بمنامي
بمشهد شعت انوار // ياجوهر الاسرار
************
تمت
تحسين الخفاجي



▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم_العشرة_الثانيه

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

بيك لو ضاك الفضه // اكصد وزور الرضا
الكبره حته الطير شد ارحاله // واليطيح بضيج يتعناله
**********
اتعنه المشهد بدمعات سجابه
ودخل عالرضا وشبك عله اعتابه
هذا الما كطع فد يوم بحبابه
واذا ما تقتنع جرب ودك بابه

كله اجيتك من بعيد // وما ترجعني اكيد
الفاتحه الام البنين اقراله // واليطيح بضيج يتعناله
**************
كله الحيل راح وما بكت حيله
وسولفله اعله جرحك وكعد اشكيله
انه امي بضريحه شدت الشيله
وكل زاير بكت بالصحن تدعيله

امي جابتلي علك // وصاحت اوليدي عشك
بهل العشك صاحت الف هنياله // واليطيح بضيج يتعناله
***************
كل حاير يجيك وينفض اهمومه
مالومه اليحبك صحت مالومه
اطلب حاجتك بس هاك معلومه
كله اكضيها امشي عليك معصومه

والمسيح الي انصلب // ما يرد لخته طلب
ايسهل امره وما يخيب آماله // واليطيح بضيج يتعناله
**************




ادليك بطبيب ايداوي كل عله
وعنوان الطبيب بمشهد اندله
الغيرك لو شكيت بروحي احس ذله
وانه ما عندي غيرك يالرضا كله

اكعد بصف الضريح // وموش تكطع بيه صيح
طوف كبره وشكي يمه الحاله // واليطيح بضيج يتعناله
**************
مجالسكم بمشهد يلله انصبوها
والزهره اعله ابنها اليله واسوها
اريد احله قصيده اليوم تقروها
وجلمات العتب بالباب خطوها

بطوس فاركنه الحبيب // ابجي لمصاب الغريب
بعيد عنه وغربته جتاله // واليطيح بضيج يتعناله
**********
خف جنح الحزن والصفنه مذبوحه
الشباج الرضا جم عين مشبوحه
عفت الصبر كام اينازع بروحه
وطبع الينجرح يتأسه بجروحه

انطينه للمهدي عهد // احنه ما ننساه ابد
وكل محب ينبض عشك دلاله // واليطيح بضيج يتعناله
*************
تمت
تحسين الخفاجي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم_العشرة_الثانيه

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


انه اهواي اهواك // كلي اشلون انساك
كلبي ايحوم بسامره // مشتاك الطم بالحضره
*********
اون عالعسكري والدمعه بعيوني
وحته اعله البجي كامو يحسدوني
اهلي اعله المجالس هاي ربوني
وما اختار غيرك لو يخيروني

حالف بالعباس // اوصلك لو راس
نار امصابك متوجره // مشتاك الطم بالحضره
***********
صحت يا ناس فدوه وياكم ادعولي
وقصيده اتألم اعله العسكري اقرولي
جيبولي علك من عنده جيبولي
وجم خطوه الحبيبي اوياكم اهدولي

يفرح كل مهموم // لو زار المسموم
من عندك رايد نضره // مشتاك الطم بالحضره
***********
عندي احجايه اذبها لو اخليها
تره انسدت بوجهي وبعد ما بيها
امشي عليك زينب حاجتي اكظيها
اوساع جروح كلبي وبيش اداويها

جيتك من بعيد // ومني الدنيه اتريد
شابج عالراس العشره // مشتاك الطم بالحضره
*************


اريد اكعد ابابك ونفض اهمومي
وروحي ما اكلها من الصحن كومي
انه ريحت علي الكرار بهدومي
وراضع غيره العباس من يومي

كل ذوله اليحجون // من عندي ايغارون
من عندك ما اتبره // مشتاك الطم بالحضره
*****************
العشك يالعسكري ضل يسري وي دمي
وحبيت اللطم وانه برحم امي
حسيت الفرح مولاي مو يمي
ومن كد ما لفظت اسمك نسيت اسمي

روحي اتسولف بيك // وميت كلبي اعليك
ثوبي الاسود هب عطره // مشتاك الطم بالحضره
***********
سلام الله عليك وعالسلك دربك
انته اعذب نهر واليعطش ايشربك
انته اعله الخلايق ميزك ربك
وحته الدنيه كامت تحلف بحبك

الورده بغير الماي // تذبل يا مولاي
وشبلك ضليت انتضره // مشتاك الطم بالحضره
************
تمت
تحسين الخفاجي

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم_العشرة_الثانيه

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


السلام علئ عزيزه الحسين مولاتي رقيه



///////////////



دولبني مشي الناگه. متعوده اعله حظن حسين
شيرجعه الوكت بينه. زينب عمه ماتدعين،


////////////



عمه اعله الدلال اربيت. مامتعوده عالغربه
من چنه بهذاك البيت. العفته وضيعت دربه،
مايتريگ العباس. الا نگعد ب گربه
شمحلاهه بهذيج الايد. حتى اليزحف ايشربه

فدوه الضحكت لعباس. انه وكل بشر موجود،
من ايصبح اعلينه. يتناثر علينه اورود



/////////////



ماضلت بعد ايام. حلوه والزمان افتر
من عگب الستر ذاكه. ويلقبونه بالخدر
عماتي،وخواتي اليوم. كلهن تايهات ابر
وعكب امناغه عبدلله. اعلينه تصيح العسكر

ويضربونهه التبچي. وعلتطلم شتم يشتد،
ماموجود عباسي. خاطر چم حلگ ينسد


///////////



ذيچ أمي واسئليها. عمه فراش ماعندي
چانت نومتي بحضنه. چانت يابعد چبدي
انام بسده ومئمنه. راح وفرهدو سدي
وصارلمايجي اعله البال. بينه انذالهم تحدي،

اختلاف هواي ياعمه. بين لنوك وزنوده
هسه مشددة بحبال. جنت بكلبه مشدوده



////////////


مانتزاعل اني،وياه. گالوا خنصره مگطوع
وگالوا كل قدم حافر. من حسين،بيها أضلوع
ضهره وصدره مامعروف. من كثر السحگ مطبوع
مامشلوع بس،مره. مرتين،الكلب مشلوع

شيفيد البجي،والنوح. ابونه مطشره ارسومه،
يعينگ الله يا مسلوب . خاتم منه وهدومه


/////////////



ارتاح ونام يابويه،،،،لاتهتم علئ اعيالك
بيك الفاجعه الكبرى،،،من نتذكر اوصالك
بقيت اعلرمل مطروح،،محد گرب وشالك
انطيت التملكه لربك،،ربك كلشي أنطالك

موبس جدي حيدر فاز،، كلكم فزتو بالدارين
بس بعد السبي شيصير زينب عمه محتارين


//////////////


قليل البضاعه
كثير الاضاعه

فاضل الغريباوي

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم_العشرة_الثانيه

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


يعباس والنعم يعباس
يعباس والنعم يعباس



/////////////


صال والطفار صار،بكل كتر
صاح والمصياح سواهم صفر
ادواره دور شيلة ماحصل شمر
طبة العباس، طبه ،امنل عمر

ايلمها ويرد بيها
ها. برز. راعيها
،
يعباس والنعم يعباس

/////////////

،
گمر طباهه وشمس بلحومه صار
خوذة العباس منها يبش بخار
حارت ابطبته العساكر راسه حار
الشرد منك حقه،يعلنهه انتصار

بسيفك مچويها
هابرز. راعيها
،
يعباس والنعم يعباس

////////////////


،
اختاض حگه وگال چا وين الزلم
معركه ودكت طبول،وجاي اهم
خاف ماعدكم دراية ولا علم
بصلح مانقبل ولانرضى بسلم

كا السجل اطويها
ها برز. راعيها
،
يعباس والنعم يعباس

////////////////


،
كورت والتف عليها،وشالها
اعصار،سيفه وماتركها بحالها
مطشره اعله لحومه خله ارجالها
السلم منك طكله صيت وشالها

سمعته وهج بيها
ها برز،راعيها
،
يعباس والنعم يعباس

///////////////


،
دوم ماطاح ويطيح اعله الثره
شما اتخيل هم تردلي محيره
سهله والعباس سبع الگنطره
اعله الفرات مو گف العسكر،سره

وكربله ماحيها
ها برز،راعيها

يعباس والنعم يعباس



/////////////


قليل البضاعه
كثير الاضاعه

فاضل الغريباوي

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم_العشرة_الثانيه

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

قصــــــــیدة رثـاء :: مقدمه

السیده سکینه ع تخاطب اباها الحسین ع
فی مسیر السبی و تشکوا ألَمها .....

عنوان القصیده ؛؛؛(خُـذنی بحمـاک)

یـحـــســیــن انـعـــــاک
یــا بـــــویـــه انخــــــاک

(تـاخـــذنی اویــاک... تـاخـذنـی اویـاک)

۞۞۞ ۞۞۞

یابـویه الحزن خـَیـّم و یعکـسلی صـور مـنک
اسکـینه وتسمع اعتابی وابحالی ارد اخبرنک
مشتاگ اصفـن ابوجهک وتدری اشگد احبنک
وکل طیر الصحاری ضل یحچیلی وضع عنک

اســـــــمــع طـــــــرواک
ابـنــیـــــتک بحــمـــــــاک

(تـاخـذنی اویاک ... تـاخـذنی اویـاک)

۞۞۞ ۞۞۞

تطـعـن کربله ابـروحی و تاخذ صفـنـتی یمک
ترسـملی جسد ظامی ومطـعـون ابـنـبل رسمک
الصـفـنـه تنـذبح عـندی لـمـن اهـتف أباسـمک
ابهلصفنه شفت راسک امخضب سابح ابدمک

امـخـضـــــــب بــدمــــاک
گـلــــــبــــــی نـــاداک

(تـاخـذنی اویاک ... تـاخـذنی اویـاک)

۞۞۞ ۞۞۞

ادری تسـمع اعتابی وانـته اعلی الـثره اموزع
راسک علـرمح عالی و جسمک عاری بلمصرع
ابعـینک تحـرس الخـِدّر و سـَبـَّو عـمتی تسمع
من گد الضـَرُب تنـظر چم طفله و طفل یوگع

گـلـبـــــی اِتــنــــعـــاک
بــــــــویــه اتـمــــــنـاک

(تـاخـذنی اویاک ... تـاخـذنی اویـاک)

۞۞۞ ۞۞۞

اتمـنـیتک تجی یمـی و تمـسـح دمـعـه لبخـدی
و تاخذ راسی باحضـانک حـتی لا اضل وحدی
اشگد صعبه العمر بعدک و سیوف الدهر ضدی
و اسیاط الـعده اشـسـوت ضلت تاکل ابجـلدی

و اشــلـــــون انــــســـاک
صـــحـــت ابــــرجـــــــواک

(تـاخـذنی اویاک ... تـاخـذنی اویـاک)

۞۞۞ ۞۞۞

اتمـنـیت ابخرابه الشـام لیلی لا یطـر صـبحه
مِن اَذکـر رُقـیـه اهـناک گلـبی ینلچـم جـرحه
چَـم امُصـیبه أعد بیـهـه ما ضلت بعد فـرحه
و الطـف سـَلّـب افراحی وَجَّـه للگلـب رمحه

صــــعـبــــــه ابــلـیـــــاک
ریــــت انـــــه اِحــــــذاک

(تـاخـذنی اویاک ... تـاخـذنی اویـاک)

۞۞۞ ۞۞۞

تمـــت بعـــون الله تعـــالی ....
کلمات خادم الامام الحسین ع ؛؛
سـید محـمد المـوســوی
(جزیره مینو)




▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم_العشرة_الثانيه

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

قصیدة رثاء ........ ( رئيسيه )


عتاب السیده زینب مع اخیها اباعبدالله علیه السلام و تشکی من مئاسی طریق السبی.....
〰〰〰〰〰〰〰〰

صوبونی ...وراسک المــنذبح صار اگبالی
شتمونی ....وادری تنظر خويه باليجرالی

صـرت انـظـر راسک ابحـرگـة گـلب
و راسک ایزتـنی یه خویه ابهلدرب

۞۞۞ ۞۞۞ ۞۞

ابحين جدّيت العـزيمـه و گلبی لوصـالک یلـح
شفتک ابوسط المعاره و جرحک ایساند جرح
اصرخت من حاله الشفتها و نابت ابگلبک رمح
اجروحک التنزف منایه كدّرت وجه الصبح

(حیرتنی ....الرمح صایب گلبک و یبرالی)
(فاجئتنی ...ابکثرت اجروحک الشدهن بالی)

۞۞۞ ۞۞۞ ۞۞۞

لَـثـمَـت عینی النـوایب هَـدِمّـت صـَرح الصـبر
دمعـتی اتولد فجـایع ضـیعت شمس الفـجـر
گمت احاچی اجروحك اللي فزت ابسیف الغدر
هاذه اخوی احسین اشوفه اشلون مذبوح النحر

( هَدِمتنی.....اجروح جسمک و النحر یلغالی )
( أَلمـَتـنی.......الصــاب دلالک جـرح دلالـی )

۞۞۞ ۞۞۞ ۞۞۞

اتـرَبت ابگلـبی المصـیبه فوگ راسی أمخَیمه
و تعکس اعلیه المئاسی و ٱهملت عين السمه
أموذر و مطروح دامي و شیبک امخَضب دمه
و الاعـادی اترید ذَبحک اجـت لیک امحـزمه

( وسمعتنی...جیت اصرخ و اِنِه ابصوتی العالی)
(ضیَعتنی....وضـیعـت اهـلی و جمـیع آمـالی )

۞۞۞ ۞۞۞ ۞۞۞

گبل لا ليل المـئـاسی ايصـوبك سهـمـه ابعـجل
ابگلبی سر امن المصایب شلـته و ابثگل الجبل
امـی وصــتـنی اَقَـبّـل نحــرک و هـاذ الامـل
الراس ایفارگ جسمک انته و توگع ابچف الاجل

(مارعونی......سُوطهُم بِمتونی عَذَب حالی )
(من سِبونی....شفت منهم خویه ضیم اللیالی)

۞۞۞ ۞۞۞ ۞۞۞

ما شبعت الشوف منک لن شفت خیل إفزعت
غارت ابلارحم صوبک خويه و الجسمک لفت
اِموسد أبحَر الظهیره و فوگ ضلعك هـوّست
و انه بيـه النـار شـبّـت و الجفـون اتـوجرت

(احرمونی.....حته یبگه جسمک ابلا والی)
(عذبونی ...... ابحین داسو جثتک عذالی )

۞۞۞ ۞۞۞ ۞۞۞

خویه کل طبره اعله جسمک حیلی من عدها انهدم
بعدک الطف بالاعادي ابصورة الوحشه انرسم
عفتک و غصبن علیه وچن صُبِت گلبی ابسهم
عین تنظر صُوب جسمک و انظر الحَرگ الخِـیم

((حاوطونی ......لئن ذِبحو کل هلی و ارجالی))
((یسرونی .......وصرت اجمع بلحرم و اطفالی ))

۞۞۞ ۞۞۞ ۞۞۞
تمت بعون الله کلمات خادم الزهراء س
خادمکم سیدمحمدالموسوی
( المحمره..جزیرة مینو)




▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم_العشرة_الثانيه

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

هود الجيش اوطفت نار المخيم
اوكلشي ساكت والضلام امسه يعم
اهنانه زينب عازت الخوان گمره
غرّبت اوحايره ابياهي تلم
سكنه ضاعت طفله تبجي ذاك عمي
تمشي المن حايره اخت الزلم
ابها يعمه اتموت زينب الف موته
زلمه صار امشجل احزامه اليتم
گمر طايح شمس مطفيه ضواهه
ع الارض مطروح يمهم جم نجم
ها يصبرج جم نبي مذبوح نحره
ياجبل يحمل مصابج ينهدم
شبجت اجفوف العقيله ابلايه راي
كلهه عطشانه اوتون وتريد ماي
راحت اتسكت رقيه من جرحهه
صوت من النحر يندهه تعاي
حيره بالسجاد حارت يامصيبه
الرباب اتصيح يوجعني گفاي
اخ ياحجيج صفه وين الجفونه
كلشي رايح مامش المسموع جاي
هاي حريت زينب ابيوم الطفوف
كلشي ميت بيهه من طاحت جفوف
جلمت المهيوبه زينب فارگتهه
ابيوم صار اعله النهر ذاك الخسوف
-----------------------
علي سليم الحسناوي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم_العشرة_الثانيه

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


مجويه.    بل     نار.     واخيتك حافيه
اسم الله علئ عينك بلسهم شو  طافيه
عباس ياكل الحيل. صوط الشمر بيه ايعيل
_____________________

اشتاكلك يابو  الفضل  الملكاك  كلبي تحير
وماوجد الدربي بعد  بفركاك   كلشي   تغير
وديتلك  روجه  عتب  وبنصه  جويه   خدر
وكالولي   فارش جم   جرف  ومدنك  و يتعذر

يابعد عيني شبيه عينك ساهيه
ماذيه ياخويه السهم لو غافيه

حته الهزل كام تميل  وسوط الشمر بيه يعيل
_______________________
ياخويه زينب لحكي لسكينه  احس  مجويه
وعوفيني طايح عل  نهر  وسهام  نابت.   بيه
لحكي   يزينب  لا يجي  السلاب    يم    رقيه
يعت التراجي  من  ال  إذن  ويفرهد   العلويه

راح امشي ياخويه اصبحت سبيه
من عكب   عينك   صرت   خارجيه
متيهه الصبح من الليل      وسوط الشمر بيه يعيل
______________________
اخذونه  . ياخويه  ابهزل   للكوفه اسره  اخذونه
راسك اشوفه أعله الرمح بس شفت حمره عيونه
خنياب  غيرتكم  طفح   بل  صوط  من  طكونه
وحجي الشماته شكد صلف  كدامك  يشتمونه

راسك يخويه أعله الرماح معلك
وتشوف متني بل سياط من انطك
و.دمعة زعل كام تسيل  وسوط الشمر بيه يعيل
________________________
طبينه لل شام  وشفت  لطبول   شو   لاكتنه 
بنص سوك حطونه  الغرب  واحبالهم  حاطتنه
وشمات تجرح بل حجي وشمراتهم  فشختنه
ورقيه ماتت عل طشت وفحطت يخويه بتنه

ماتت رقيه  بس  جسمه  ازرك
زغيرونه البنيه وفلا تحمل طك
والموت افضله بهلويل وسوط الشمر بيه يعيل
_____________________
بليل الخرابه ذكرت ياناس اخوي حسيني
ذكرت   العزيز  من انسلب   وعليه  زاد  ونيني
لا خنصر الضل لاهدم  الخاتم  فلا  يعنيني
وجانون بيه من القهر  وتنما عميه  عيني

والخيل ماخلت ضلع لخويه
وعليه لاكت جلمه اليابويه

لذبحتني فكرة هل خيل وسوط الشمر بيه يعيل

ضرغام منعم الكربلائي

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم_العشرة_الثانيه

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

انه زينب بت علي _  والهزل   متلوك إلي
وين غايب كافلي - - - أنه زينب انه زينب
__________________________
انه زينب من جنت وي كافلي شمحلاتني
وجنت وي حسين اخويه وابد محد غاثني
ومن بعدكم خويه كلفه الشمر حبله كادني
والشمر ماعنده غيره ابنص شماته وشادني


انه زينب بت علي خير البشر
ماجنت احسب يلاكيني الشمر
ماجت أبالي اخوتي تضل وراي   سوطه اذاني تره ورم كفاي
انه زينب.        انه زينب
______________________
فترت الدنيه عليه ورادت  تضوكني مر
ومرت أشكال الرجال وشافت ادموعي تخر
تالي ما تالي أصبحت  مسبيه وابيد الشمر
أندارت اعليه المصايب وال أمر ضوكني مر

بت محمد تدخل الديوان هاي الكارثه
وناس مجتمعه تشمت ونار بيه مورثه
وخولي يتهدد عليه هاذه جاي.  وسوطه اذاني تره ورم كفاي

___________________&&&&&________
مابقت بيه مسامه من المتن  مابيه صوط
التمت عليه السياط من الضرب خاطني خوط
شلون علويه وسبيه محوطه. بحبال حوط
من كثر هاي المصايب بكلبي ماضل عندي نوط

بيوم فاركتوني خويه زاعلت عيني المنام
وأنه بيه النار شبت من الجدام ولل لثام
انه ام عون أصبحت من دون رأي.  صوطه اذاني تره ورم كفاي
____________________________________
من وصلنه لل خرابه ولملم علينه الضلام 
وعندي نسوان وسبايه المالهن اي جفن نام
وكعدن يونن يخويه   مثل. ونات. الحمام
بهاي سولفلي يخويه الوجع واصل لل عضام

وشفت بنتك خويه نامت لجن مشرومه اذن
وشفت راسك خويه يمي بس جمالك منطعن
ودربي تيهته تراني من سمعت كالو تعاي.  صوطه اذاني تره ورم  كفاي

_________________________
رقيه نامت بل خرابه وشفت خده أعله التراب
ملفله  ياخويه. بنتك   من   شفته. بل  حجاب
صح عمره سنين قله  وشافت  ألوان  العذاب
وحته حاجبه يخويه شفته ابيض شعره شاب

وكعدت تنادي وتريدك بل عجل
شاهدت رأسك وقد حان لأجل
بل حلم شافتك هيه يا مناي . . صوطه اذاني تره ورم كفاي

ضرغام منعم الكربلائي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم_العشرة_الثانيه

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


حادي النوگ يشتمني ويلمجان
ابگلبي اثر طگاته يلمجان
الشمر بالصوط من يضرب يلمجان
اويطشر ابرجعته اسكينه ورقيه





الليالي وياك ماضن بعد يردان
اهواي اسيوف من النحر يرادن)(شربن)
فوگ الضيم وضرب الصوط يردان
توج تحرگ جفوف الهاشميه

علي سليم الحسناوي

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم_العشرة_الثانيه

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


مجنونك انه يالحسن مجنونك
انته حياتي وما اعيش بدونك
******************
مرسالي اكتبه بدمعتي السجابه
وكل يوم اصيح اه يالحسن ومصابه
كبرك حبيبي امنيتي اشم اترابه
بشوگي صحت هنيال اليزورونك
*****************
كل عاشگ اتحزم شفت بحزامك
خدامك احنه ونفتخر خدامك
يالحسن لازم نحيي صحنه ايامك
وعيونك اهل الغيره ما ينسونك
***************
يعمه البصر لو ما اشوف اهلالك
وهليله شتحب يا قصيده اقرالك
يالحسن روحي اتريد تتعنالك
امن اشتم هواك اسرح بطيف اضنونك
*************
صدري وقف خليته للطميه
ايحقله اللطم مكتوب بالجنسيه
اتمنه اموتن وسط الحسينيه
وحرگ حبيبي گلب اليكرهونك
***************
عز الله هانت والفرج اقسم جاي
ويالحسن باجر راح اجيلك مشاي
اهناك بثوابك راح اوزع الماي
اشلون النواصب سيدي ايهدمونك
*********
من فدوه اروحن لسمك ولحروفك
گبل الهله اترحب گمت بضيوفك
والله اختنگ مولاي لو ما شوفك
واهل الوصف ماكدر ايوصفونك
***************
باجر المهدي من الغياب ايعود
وياخذ بثارك بيده راح الموعود
وكل احنه نطوعله يالغالي اجنود
ويالحسن راح انصارك اينادونك
*************
تمت
تحسين الخفاجي

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم_العشرة_الثانيه

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


يالجنت تبالي // كوم عاين حالي
خويه خويه خويه
*****************
بربعينك جيت اسولفلك يخويه المر عليه
بربعينك لا تشوف اسياطهم شمسويه بيه
بربعينك كوم خويه أمن الحبل خلصها اديه
بربعينك جيت اكلك بالسير ماتت رقيه
لا تكلي وينها // اختك الله ايعينها
خويه خويه خويه
*****************
والله هظمه بالخرابه اتبات زينب ترضه يحسين
والله هظمه وزينب اختك وينها أوين الدواوين
والله هظمه هيج خلاني زماني اصفج باليدين
والله هظمه اتروح اخوتي وتبقه تهمل دمعه العين

خويه عنك رايحه // وتدري بيه امسامحه
خويه خويه خويه
******************
انه زينب جنت أميره وكافلي جان الحمايه
انه زينب وهسه من كثر الشمس حمره العبايه
انه زينب اعليه كامت تخطف اشباح المنايه
انه زينب كوم يا رجواي وتلكه السبايه

اختك المهظومه //أمن اليسر مالومه
خويه خويه خويه
*****************
يا كفيلي كمت انادي ودمعتي تجري اعله خدي
يا كفيلي ليش يحزام الضهر تتركني وحدي
يا كفيلي انته يا عباس تسوه الدنيه عندي
يا كفيلي اشلون ترضها الشمر بضعوني يحدي

اهواي الك مشتاكه // صحت نوخ الناكه
خويه خويه خويه
**********************
تونه اجينه ورمله ملهوفه اعتنت تشكي لبنها
تونه اجينه وليله لزمت يم علي الأكبر متنها
تونه اجينه والرباب اتلولي بس فارغ حظنها
تونه اجينه واليتامه أمن البجي اتجرح جفنها

أمن اليسر ردينة // وعالكبر ونينه
خويه خويه خويه
********************
ودعيتك وكمت من كثر المصايب امشي كوه
ودعيتك انه وانته الخوه رشيناها خوه
ودعيتك وكمت أحس ضهري انكسر يحسين توه
ودعيتك ودنيتي بدونك بعد ماشوف تسوه

اشلون ابطل نوحي // وبيك صارت روحي
خويه خويه خويه
********************
تمت
تحسين الخفاجي

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم_العشرة_الثانيه

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


ابنيتي تركض خايفه // صوط ابد ما شايفه
طلعت وكامت تدور اعليه
ياهو منهم ماخذ الترجيه
*********************
عالرمح راسي وادير بعيني ليها
يمكن اتراويني اجت جويات اديها
هذا ياهو اليفتر بصوطه عليها
وزركه خله امتونها وزيد بجيها

اتكلي شوف امتوني // وانه اغمض عيوني
اتكلي طلع الشوك البرجليه
ياهو منهم ماخذ الترجيه
*************************
اتكلي بويه اكعد تره السلاب اجاني
جلبت بيده ودفعني وطيحاني
ليش خله الدم يصب بويه امن اذاني
والهظمني اكبال عينك شتماني

اتكلي اجيتك حافيه // يبو اسوالف دافيه
ايعينه الله العنده هيج ابنيه
ياهو منهم ماخذ الترجيه
***********************






اتكلي ليش الشمر كل ساعه يجيني
انه شمسويتله ويطكني اعله عيني
اتكلي حته الناس ملت من ونيني
بويه جا يمته بعد كلي تجيني

اتكلي اجتنه اعدانه // وانته موش ويانه
حيل عطشانه وتريد اميه
ياهو منهم ماخذ الترجيه
**************************
انه عايف بالمخيم احله ورده
وبله مثل ابنيتي ياهو ابنيه عنده
اتكلي جرح البلكلب ياهو اليضمده
كعدت وكامت تسولف وحده وحده

الكاع كلش حاره // ويجوي رجل الماره
كامت بدمعتها تنده بيه
ياهو منهم ماخذ الترجيه
******************









الخيل هجمت عالمخيم فرد هجمه
ويصعد الدخان ضل والدنيه ضلمه
من بعيد انضر رقيه اتصيح عمه
اتكلها خانكني الهوه ومكدر اشمه

وزينب اختي بحيره // اتنادي يهل الغيره
تنحب ومثل الغصن محنيه
ياهو منهم ماخذ الترجيه
************************
ابنيتي وتغطيني رادت بالعبايه
اتكلي بويه صرت وحده امن السبايه
وين عمي البيده اخذ جود السقايه
اتأخر وللحين شو ما شفنه مايه

وين عمي الغالي // خل يعاين حالي
اتكلي تكتل كلمه المسبيه
ياهو منهم ماخذ الترجيه
**********************
تمت
تحسين الخفاجي

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA