#قصائد_محرم_العشرة_الثانيه

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

شور للسبي لطمة واحدة ( لحن يخيمات)


يبو تراب… وحدي ليش عايفني يبو تراب
مسبيه حــرت مابين الاجناب
ضعنك والحرم كل اهله غياب
""""""'"""""""""""""""""""""""

يالساكن بارض الغري محــتـــاجتك تجينه
واسينه بويه بالـــــصبر طــوَّل درب سبينه
من گد حرارتهه الشمس صارت حمر عبينه
يبست لهينه من العطش ونأشر بحـچـــينه

هالايتام… احضر ياعلي نادت هالايــــتام
شفنه الظيم بويه برحلة الشام
ماندري الدهر بعد الجره شظام
"""""""""""""''''''''"""""""""""""""""

لا احنه ترك ولا عجم لا احـنه بربريه
يدرونه احنه عترته طه افضل البريه
بغضاً يگلولي بعلي كل عيلتــچ سبيه
وبسوطه لوعنه الشمر ورَّم متن رقيه

على العيون… شگد سطرات يسطرهه على العيون
خولة اتصيح وين اهلي ويفزعون
طول اللــــــيل اطفالك يونون
""""""""""""""""''''''''''''""""""""

سجاد گيده برگبته منه نــــــزف وريده
مشدود للناگه بحبل كل سـفرته البعيده
يتجاسر اعليه النذل قصده رضه يزيده
مايستحي من المصطفى وجده علي الصميده

بالحجار… ازغار اكبار شمرونه بالحجار
خوارج گالو ونـــستاهل النار
لبو سفيان هسه اتحقق الثار
"""""""""""""""""""""""""""""""

من مجلس ال مجلس تطب نسوانك الحراير
تتفرج اعليهه الزلم ماتـــت تره الضماير
والشام علگ زيـنــــته ونادو على المناير
موكب سبايا الرافضه خل تفرح العشاير

والِ رماح… بيهه الروس متعلگه والِ رماح
عاف الرمح من گد غيرته وطاح
عباس الشـــــــهم يازينبي صاح
""""""""""""""""""""''""''""''''''''

ياعلي لو تدري اشجره والصار بالخـرابه
رقية فطرت چبدتي وگلبي امتله بعذابه
نادت يعمــه بالحلم شفـــته اجاني بــابه
عاتبني وديــــني اله ماأحـــتمل عتــــابه

شنو الصار… من طب الطشت تدري شنو الصار
شهگت بالنِفَس ماتـــت يكرار
دليلي بهالمصيبه اندهش واحتار
""""""""""'''''"""""""""""""""""""""




الشاعر سيد فليح الموسوي ✏📖



▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم_العشرة_الثانيه

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

مِنْ تُرَابِ الطُّفُوفْ مِنْ جُرُوحِ السُّيُوفْ
تِبْدِيْ قِصَّة مَقْتَلَه يِجْرِيْ دَمَّه ابْكَرْبَلَه
ــــــــــــــــــــــــــــــــــــــــــــــــــــــــــــــــــ
لَـمَّن وِگعْ مِنْ عَالمُهُرْ وَجَّـهِ اعْــيُــونَـه الـرَّبَّـه
قُرْبَانَكِ اِوْ أعْلَمْ يَرَبْ اهْوَايْ القَلِيلِ اتْحِسْبَه
بَاخِر انْفَاسَه اِوْ كِلْ كِتُرْ مِنْ جِسْمَه طَعْنَه اِوْ ضَرْبَه
بِالحَجَرْ جِرْحَوَا جَبْهِتَه وِ امْثَلَّثِ ابْنُصْ گلْبَه

يِنْطِعِنْ بِالرِّمَاحْ جِسْمَه كِلَّه جِرَاحْ
الله كَاتِبْهَا إلَه يِجْرِيْ دَمَّه ابْكَرْبَلَه
ــــــــــــــــــــــــــــــــــــــــــــــــــــــــــــــــــ
تِـتْـنَـازَفِ اجْـرُوحَـه اِوْ غِـدَه حَرِّ التُّرَابِ ايْلِچْمَه
يِسْتَسْقِيْ مَايْ اِوْ مَا رِضَوا يِـتْـرَوَّه إلَّا ابْــدَمَّـه
هَـذَا الـيـطِـعْـنَـه بِـالـرُّمُـحْ اِوْ ذَاكِ اليِصَوْبَه ابْسَهْمَه
ألْــفِ اِوْ تِسِعْمِيَّة جَــرِحْ الْتَمَّنْ يَويلِيْ ابْجِسْمَه

مَا يِضُوگِ الفُرَاتْ ظَامِيْ شَافِ المَمَات
وِ ابْدُمُوعَه الهَامِلَه يِجْرِيْ دَمَّه ابْكَرْبَلَه
ــــــــــــــــــــــــــــــــــــــــــــــــــــــــــــــــــ
صَاحِ ابِنْ سَعْدِ ابْعَسْكَرَه يَافَارِسِ الينْهِي امْرَه
لَنْ شِمْرِ ابِنْ جَوْشَنْ نِزَلْ صوبِ الحُسَينِ ايْنِحْرَه
اگـبَـالَـه يِـشَـتِّـمْ فَـاطِـمَـه رَادِ ابْـمِنِيتَه ايْـقِـهْـرَه
اِوْ جَرْح ابُو الأكْبَرْ يِنْلِچِمْ كِلْ مَا يِرِفْسَه ابْصَدْرَه

مِنْصِرِعْ عَالتُّرَابْ دَمْ جُرُوحَه الخِضَابْ
يَمَّه وَاگِفْ قَـاتِلَه يِجْرِيْ دَمَّه ابْكَرْبَلَه
ــــــــــــــــــــــــــــــــــــــــــــــــــــــــــــــــــ
ثَنَّه اِوْ عَلَى صَدْرَه گِعَدْ وِالجَسَدْ فَاضِ ابْـنَزْفَه
وِالشِّمِرْ عَاللِّحْيَه قُبَضْ اِوْ جَرَّدِ السّيفِ ابْچَفَّه
اشْمَا رَادْ يِگْطَعْ مَنْحَرَه مَـا گِطَعْ سَاعَةْ حَتْفَه
تَـالِـيْ يِگُلْبَه اعْلَه الوَجِهْ وِ ايْذِبْحَه مِـنِّ المَگفَه

يِنْذِبِحْ مِنْ گُفَاهْ حَتَّى سِلْبَوا رِدَاهْ
وِالشِّمِرْ صَدْرْه اِعْتِلَه يِجْرِيْ دَمَّه ابْكَرْبَلَه
ــــــــــــــــــــــــــــــــــــــــــــــــــــــــــــــــــ
حِضْرَتِ الزَّهْرَه ابْمَصْرَعَه تِمْشِيْ لَچِنْ مَحْنِيَّه
گِـعْـدَتْ تِـشِـمِّ ابْـمَنْحَرَه وِ ابْـشيبِتَه الـمَـدْمِـيَّـه
وَيْ زينَبِ الزَّهْرَه الْتِقَتْ اِوْ گامَتْ تِسولِفْ هِيَّه
اتْگِلْهَا يَـزينَبْ عَـالهِزِلْ رَاح انْـظُـرِچْ مَسْبِيَّه

بَعَدْ ذَبْحِ الكَفِيلْ إنْتِيْ فوگِ الهِزِيلْ
وَيَّه سَبْيِ العَايلَه يِجْرِيْ دَمَّه ابْكَرْبَلَه
ــــــــــــــــــــــــــــــــــــــــــــــــــــــــــــــــــ


٣١ / ٧ / ٢٠١٧ الإثنين
كرَّار حيدر الخفاجي




▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم_العشرة_الثانيه

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

((( الطف خريف )))



الطف خريف وطاحت خيام
العقيله.. ورگه ورگه

خيمه خيمه وچم يتيم
احترگوا بنار المخيم
چم يتيمه

الذكريات العلگوهن
السوالف مالت الله طشروهن
والعليله شكثر ودت بالرسايل
هم سبوها وشگگوهن

بليلة الحادي الگمر (هم)
لونه اسود
النور اسود
وجوه كل العيله اسود
من الرماد
لحد ينادي محمد
ذبحو كل الجناسي
ألي انكتب بيها محمد

ونفرض حضر البواچي
السالفه مو بس تراچي
المحترگ ينسه التراچي

السالفه الكلش جبيره
الحبل واحد
السوط واحد

السوط مايعرف زغيره

كلهه مطبوعه الأصابع
فوگ خده

واليريد اينام يندم
كلهن طيوفه مخيم

يبقه ساهر

يگضي ليل اهدعش كله
متاني باچر
اوف باچر

تنهدم كل الگناطر
كل محطات المسافر
تنهجر من المسافر
باچر أتاني النواضر
باچر يشوفون زينب
تطلع ومحنيه زينب
جفوفها فوگ الخواصر

باچر عيال الزچيه حاير مربط بحاير
باچر بنيات حيدر وي زلم
مامش ضماير

الشريف ايصيح يازينب سبيه

العفيف اعله الهزل يضرب رقيه

ايركض انوگ اعله غفلله البي حميه

ماكو (الله) تندثر كل الجوامع
شگد غريب ألي تشوفه بحال راكع

فلشو راس المناره
وضيعو كل الشرايع

ذبحو اولاد مسلم وهمه قرآن ونبوه
خوله من الناگه طاحت وماتت بگوه اعله گوه
عاتكه ماتت هدوء
مثل ورده وغمضت
العليه كلها مادرت المهم ماتت
شگد كريمه وبت كريم
چفنوها بغترة السجاد حمره
گبل بيضه
وچفنوها وهيه تبچي بالتراب أتوسدت

اليعطش ايشربونه طگه
الدنيه خنگه
وزينب وفرگتهه فرگه
وفوگ مامحترگه اديهم
عالحرگ صاير حبلهم

الكوفه من طبوها ضلمه
رغم ماچانت نهار

والعيون شگد كلت شوف وشماته
والدفوف وزينو قصر الخلافه

وعيدو حتى جهال
ولبسو سوارات حلوه

بس بنات حسين لبسوهن حبال
حبال… حبال…..
حبال…..


عبد زينب
محمد الابراهيمي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم_العشرة_الثانيه

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


(( جلبت نفسي) )



جَلَبْتُ نَفْسِيْ بِالهَوَى مَكْسُوْرَةً
وَ الشَوقُ فِيْهَا يَعْتَلِيْ الصَيَحَاتِ

هَلْ لِلْعَبِيْدِ الآبِقِيْنَ نَظْرَةٌ
هَلْ لِلْطُغَاةِ شَهْقَةُ النَسَمَاتِ

جَوْفِيْ مَلُوْمٌ حَاسِرَاً مُتَنَدِمُ
قَلْبِيْ عَسِيْرٌ يُطْلِقُ الدَّمْعَاتِ

إنته الگلت ... حتى اليجيني لو سهم مارده
إنته الگلت ... باب الكرم لناس لا ماسده

يحسين اجيتك مستحي أعله البيه
ماعندي دمعه اعله الخيم ليليه

إنته أول بشر من العطش يغرگ
أنته أول جسم مذبوح شابع طگ
أنته أول نحر يتباوع ويشهگ

اجيتك لا جرح لا أختي مسبيه
اجيتك لا حبل ملفوف بيديه
اجيتك وآنه ما مچتوفه ايديه
ولا بالهيمه مِڼـّي تاهت ابنيه
اجيتك بس دموعي فراگ ترچيه
يبو جروح الجزن الف وتسعميه


يَعْلُو الرِمَاحَ رَأْسُكَ المِقدَامُ
أَمْ تِلْكَ رُوحٌ تَعْتَلِي الأَيَامُ

هَلْ فِيْ الضَرِيْحِ مُقْلَةُ الزَفَرَاتِ
أَمْ فِي الضَرِيْحِ دَمْعَةٌْ للشَامُ

هَلْ أراكَ فِيْ قُيُوْدٍ كَالسَجِيْنْ
هَلْ أراكَ مُوْسَى أَمْ أَنْتَ الحُسَيْنْ

انت ياهو الباب لْـۆ انت السفينه
انت ياهو الكعبه لْـۆ انت المدينه
حسين اشوفك بالجفن لْـۆ بالمحاجر
حسين عالم ثاني نغماته حزينه

آنه جَمّالَك وأجيت بكل حقاره
كون بيدي جا شلت حتى المناره

أكبال عبد الله الرضيع اضحك وأمازح
ياحسين الغير جرحك فكري سارح
حسين خليني اظل بحزني سابح


يَرْتَمِسُ قَلْبِيْ خُضُوْعَاً
تَنْطَلِقُ عَيْنِيْ خُشُوْعَاً
هَلْ سُجُوْدُ النَّاسِ يَكْفِيْ
أَمْ كَفَى فِيْكَ رُكُوْعَاً

ياحسين ياحسين

عبد زينب
محمد الابراهيمي

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم_العشرة_الثانيه

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

( السبي والشوق)




ارحمني يا شوگ خل تركض الناگـه
دلالي محروگ لحسيـــن مشتاگــــــه
شبعدك يهالدرب چا يمته الك نطب
دلالي محروك لحسين مشتاگه
ــــــــــــــــــــــــــــــــــــــــــــــــــــــــــــــــــ
طولينه هــــواي....وگلبي ياضيمـــــه
وتـدري البنيات صعبه تبات بالهيمـــه

ونرجف من الخوف....ونذكر الخيمـه
وين وداني زماني الناس مو شيمـــــه

ما تخطر ابال ما تدخل براسي
وچفوفي بحبال ما يمي عباسي
عگبك شفت حرب چا يمته الك نطب
دلالي محروك لحسين مشتاگه
ــــــــــــــــــــــــــــــــــــــــــــــــــــــــــــــــــ
يمته خويه نفــوت....ودربك نشهگــــه
حسين لو يمك وصلنه نموت بالملگـــه

شلون اقنع الروح....حسين ما اشبگـــه
والمفارگ تدري خويه دمعته تحرگــــه

دلالي ملهوف نتلاگه چا يمتــــه
يا درب الطفوف مو گلبي شيبته
دمعاتي الك تصب چا يمته الك نطب
دلالي محروك لحسين مشتاگه
ــــــــــــــــــــــــــــــــــــــــــــــــــــــــــــــــــ
امشي و الحسرات....تصعد لراســـــي
واصفگ الدمعه أعله دمعه ضاع عباسي

يا هـــــوه الغرگان....وجرت انفاســــــي
يمته نوصل من سبينـــه ها ينوماســــي

چا يمته يا يوم نوصل يمحبوبــي
ورويحتي تحوم مو تاهت دروبي
ممشانه وي غرب چا يمته الك نطب
دلالي محروك لحسين مشتاگه
ــــــــــــــــــــــــــــــــــــــــــــــــــــــــــــــــــ
چلمه ردت وياك....احچي بس صعبـه
خويه بس ديوان اميه اختك اتطبـــــــه

والاشـــد واعظم....وعجبه يا عجبــــه
راسك تشبگه رقيـــه وماتت بغربــــــه

هاك اشرب ادموع خليني عطشانه
يالبيــــــه مطبوع اثار عدوانـــــــه
دلالي منصلب چا يمته الك نطب
دلالي محروك لحسين مشتاگه
ــــــــــــــــــــــــــــــــــــــــــــــــــــــــــــــــــ
وگف سير النوك....وطاحت العيلــــه
ها يالاكبر گــوم لأمك عاودت ليلــــه

وجدمي يثگل گام....بعــــــد شيشيلــه
وگلبي يم عباس رايح منهدم حيلــــــه

افضل حچي وياك اسكت يكفالي
ما اگلك شصار بس شافو خيالي
وبراسي هالترب چا يمته الك نطب
دلالي محروك لحسين مشتاگه


عبد زينب
محمد الابراهيمي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم_العشرة_الثانيه

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

فوك الرمح ما غمضت عينه
من يومه واحنين ابو سكينه
جاب الدرب يدعي
عن لا اهل دمعي
ابو سكينه............ابو سكينه
................................................
احنين وبعيونه ضل ايباوعلنه
ويكبر شما طاحت ادموع من أهلنه
عالرمح يركض اذا واحد وصلنه
السوط كلما عله ابراسه يفزعلنه

شما ينرفع راسه يضل هيبه
كل وحده منه ابلحيته شيبه
وصح ذبلت أنفاسه
بس اخضر احساسه
ابو سكينه............ابو سكينه
................................................
جاب عمره حسين يحلف كله بأسمي
ثاري كل طيب كلب تلكاه نشمي
ياحنانه اتكول جن الزهره امي
حسين اذا ميت اشماله يمشي دمي

ماعافني وهاليمشي ويايه
ولعيوني رتل مدري جم ايه
ييجي وهمس ليه
ارتاحيلج شويه
ابو سكينه.........ابو سكينه
................................................
نحره دم ينزف لجن همه دمعتي
وين اضم نوحي وجرح كلبي وحسرتي
كلشي يندل بيه حافظ حتى ونتي
بشفته يبست اعتذر يا زينب اختي

كل الدرب وعيونه بعيوني
بس أنهضم من صد عله امتوني
واتعثر بدربه
وشيب انترس كلبه
ابو سكينه......ابو سكينه
................... .......................
خيلهم شمسويه بأرسومه وحلاته
مدري جم مره عثر صوته ابلهاته
يستحي ايحاجيني كدام الشماته
بس عرفته ايريد ينزل يم بناته

وجي شاف جسمه كثرت اسهامه
ضمه برمل يستحي من ايتامه
واخيامه محروكه
وهدومه مبيوكه
ابو سكينه.......ابو سكينه
..............................................
بيه عباسين محد كرب مني
وحزني جي مشتاكه مو من سوط حزني
الله مدري اجم ملك وده اعله متني
همه اليشكفون اذا واحد ضربني

ال النبي وسيرتنه معروفه
والماعرفنه يسئل الكوفه
وصح دمعتي اتلالي
بس راسي ضل عالي
ابو سكينه......ابو سكينه

احمد ماجد الكلابي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم_العشرة_الثانيه

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


بدايات العشگ
صفنه وندم ... ورسم الخيم
بجروح الافكار

بدايات الجرح
دمعه وألم ... وحسره وسهم
وصريخ الازغار

اذا تــذكر الــــنار ومنـتهى النـار
دمعتك من تطيح اتگلك اشصار
دخـــان وحرگ والـشوك والخيل
وسيــاط وتـراچـي والـرمـل حار

مـــرات الـــعــشـگ ميدوم
والاكـــثـر مـــــايضل دايم
بس عشگ الجرح محبوب
بــيــن حـسيـن والـخـــادم

((حبيبي ياحسين الروح) )

******

اذا تغفه بدمع
وتفز جرح ... حلم الذبح
وتفيض العيون

وتندم من صدگ
وتنسه الشرح .. جرح وملح
هوه العشگ لون

اذا بعيون گلبك شفت الاخيام
واذا تسمـع بگلبك نوح الايتام
تضل أتشوف كل ايامك الشام
وحـجـار وشـماته وزفةّ أسهام

يـتّــبَــيــلـــك الــمـفـطوم
وتـشــوف العطش هضمه
حسين من الضمه مذبوح
وضـــل إيـصـيـح يـــايمه

((حبيبي ياحسين الروح))

*****
عاين دمعتك
مو مثل أمس ... أكبر تحس
وخل تچوي الخدود

هوه الحب ألم
حنه وعرس ... وحر الشمس
وبحبال مشدود

العشگ بحبال ويصيرن قرابين
وهـــنه چـفـوفهن بس للقرآئين
رقــيــه أطيح من الناگه معقول
لـــــو عباس حاضر شگ السنين

زيــنــب تنضرب بــالسوط
هــــذا العشگ صاعد فوگ
مـــو بس بالچفوف أحبال
الحبل بالرگبه صاير طوگ

((حبيبي ياحسين الروح))

*****
همسات النضر
لوعه وحزن ... وجرح المتن
لو چلچل الليل

هيمه أبلا ستر
أطفال وتون ... ومفارگ يحن
ومن دمعته السِيل

أذا مــر طاري خوه الفاگد يموت
تــصير بـعينه كـــل الناس تابوت
ومثل زينب وفگدت احلا خوان
الله يــعـينهـا مـسبـيه وتـــفــوت

الحزن مو أله شيب يصير
الــحزن يتماشه وي الروح
الـــعــايــفله گــمر عطشان
مــــــو مذبوح بس مذبوح

((حبيبي ياحسين الروح))

*******

خرابه وبالترب
أجمل عشگ ... لهل العشگ
الحب ترى يريد

والحب للتعب
لليختنگ ... لليحترگ
هذا الحچي يفيد

أول عــاشگه وگـطـعت مسافات
ويــزاحمها الجرح عالهزله وتبات
طويله أيامها بكل لحضه وتموت
وبــنات حـسيـن يا ويلي غريبات

غريبه ويا أمر محتوم
مــاتت والـجرح بالباب
سبــيه كـتبو اعله الدار
وجرح الهزله لا ماطاب

((حبيبي ياحسين الروح))


عبد زينب
محمد الابراهيمي

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم_العشرة_الثانيه

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

اخر كلمه من عباس… اعتذر ..
وداها وعمد بالراس.. انطبر ..
رساله محمله اباحساس ..وقهر..

بكبره لون خليته… كتله العلي اوصيته ..
سلملي عله الكافل… .
//////////
جن الكمر ودالي بيدك جلمه ..
اعتذر كلك ياعلي ياعمه..
وادريه حرك الخيمه حيل اتهظمه..
وطاري اليسر للجرح طعنه اتلجمه…

من توضعه ابملحوده… زينب لون ممدوده ..
ضم عنه جرح جوده…
معلك بقه وبزنوده…


ماهد جوده من متنه ..ولزم
ورف امأمنه خيمتنه ..علم ..
ويلي الغدره صابتنه… ابألم

عمود البيت هديته… .كتله العلي اوصيته ..

سلملي عله الكافل ..
/////////////

كون العمد ماصوبك وبراسي ..
وسالم يرد الخيمته عباسي..
ادريه اي كد الوعد ماناسي.. .
مايدري من بعده الغرب حراسي

بين النهر وخيامي
ما شوف أنه الكدامي..
اخ شكثرها آلامي..
ابلا عين اوكع دامي..

كون انطفه ضي عيناي… وعمه
راد يطفي نار ظماي… انرمه
ويتوسل بطاري الماي… الظمه ..

العطش دلالي جويته… كتله العلي اوصيته ..
سلملي عله الكافل..
///////////

ماكصرت يابو الوفه وتتعذر…
كل صفنه بيك الجرح شاغ ويكبر..
ادريك مارديت لن امطبر…
الدخان صاحك وعرفت ماتحظر ..

لو جفك بذرعانك…
منهو الوصل صيوانك…
ادري شكبرها احزانك….
براسك طلع دخانك

من راسك طلع دخان… انعرف
لونه ابهجمة الصيوان…انخطف
دليله انرمه بسهم احزان… .انزرف

الدمه ويالماي بديته… كتله العلي اوصيته ..
سلملي عله الكافل…

/////////////
كبل الدفن ياريت اشوفه ابنظره ..
عباس خويه عليك وجت جمره…
ماتطفي ابد جوه الضلع متوجره..
هاك اخذ روحي وياك خلها بكبره..

كون آنه الطحت ميته ...
وتروح اله فدوه اخته
راسه برمح من صحته…
مديت ادي مالحته..

موذر واكثر اتضحي… ..الكمر
وبطول الرمح جرحي… وكبر ..
ونبادل راسي وبرمحي … انحشر

وعمر ياريتني انطيته…… كتله العلي اوصيته
سلملي عله الكافل…
///////////////

يابو الفضل وفيت بالجف والعين
ومنين مثلك خويه اجيب انه منين…
الينطي إخوته وعل مشرعه يكص جفين ..
ويكول ماوفيت ابد خوة حسين ..

لو ميت الف خواني…انطيهم وما تاني..
اولهم وتلكاني..
الباري اله سواني..

تاج براسي خليته… كتله العلي اوصيته ..
سلملي عله الكافل… .
///////////////

نسالكم الدعاء
خادم الحسين
احمد الطيب الحلي......
١٦ محرم ١٤٤٢
السبت ٥ ايلول ٢٠٢٠


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم_العشرة_الثانيه

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


من يگول الحره ذلت بالسبي
تبچي مكسورة گلب لاوالنبي
مااصدگ هالوضع
هيه بتمن وقتنع
تبچي مكسورة گلب لاوالنبي
***********

هاي زينب ياخلگ هاي العقيله
هاي بت حيدر علي واصل الفضيله
شلون فهموني اذن تمشي ذليله
وهيه حمل الدنيه لومالت تشيله

يم شماته شلون بالله تنكسر
وهيه من عدها اخذ درس الصبر
شلون شافوه الدمع
هيه بتمن وقتنع
تبچي مكسورة گلب لاوالنبي
*****

زينب المفهوم للعز والاباء
وماتطيح ادموعها بس بالدعاء
صوتها يسمعوه بس اهل السماء
شلون بين اجناب تبچي بكربلاء

هيه لورفعت اديها للجليل
الگاع حدر اجدامهم والله تميل
الباري ألها يستمع
هيه بتمن وقتنع
تبچي مكسورة گلب لاوالنبي
*********

هاي من حيدر علي اخذت صفات
كالجبل وكت الشدد بالنايبات
ماتطخ الراس تعرف يم شمات
وهيه بس للله تدنگ بالصلات

طاري اسمها يخوف تهابه الزلم
حتلو طايح فرض راعي العلم
ياجبل دنك خضع
هيه بتمن وقتنع
تبچي مكسورة گلب لاوالنبي
********

زينب بعلم وفهم منزل امام
وبالبلاغه چن علي توزن الكلام
الصبر يمها يدنگ يحني هام
ويامره گلي مثلها بهل المقام

چان صبر ايبوب مضرب للمثل
ومن صبرها احتار ايوب وخجل
بالصبر ألها رجع
هيه بتمن وقتنع
تبچي مكسورة گلب لاوالنبي
*****

الله مايقبل لون ذلت محال
هيه ستر الله وحجاب الكمال
هاي زينب هوه ياهو الگام گال
شلون چاه راحت سبيه وللجدال

هيه راحت موسبيه لا ابد
راحت لعرش الطغات تهده هد
هدمت عرشه وگع
هيه بتمن وقتنع
تبچي مكسورة گلب لاوالنبي
*******

انه اريدن واحد يگلي بدليل
زينب الحره مشت مشي الذليل
بالقصر وكفت مثل حامي الدخيل
براس مرفوع دخلت مو بالعويل

الاسير الذله بطباعه تصير
كيد كيدك هاي موچلمت اسير
هاي موذل وركع
هيه بتمن وقتنع
تبچي مكسورة گلب لاوالنبي




علي مظلوم الجناحي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم_العشرة_الثانيه

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


خويه= عـاشرني من بعدك ألـم = خويه
خويه =والحيل من عندي أنهدم= خويه
محــتـاره بــأطــفـــال أوحـــرم = خويه
&&&&&&
حـزني عاشرني بعدكم ماجفـاني = رافگـانـــي = خطوه خطوه
ويه ليل الچلچـل وهاجـِـرنجومه = وياســـواده = يلفـي گـــــوه
وآنـي أعاين والخيم لامارعوهـه = وأحرگوهه = وگلبـي چــوه
حزني0 لجلـك أبـدلامابطل 0 حزني = ويامصاب ايعوف لو ينسي0 حـزنـي
أبكل صوب لگليبي هجم 0خويه = محتـاره بأطــفـال أوحـرم خـويـه
&&&&&&
ويـن أًصـد وليـاجرح بيدي أروفه= وآنـــي أدري= يجـري دامـي
هـواي هنـه جروح كلفات وچبيره= حـيره واللـــه= دهري رامـي
گلبـك ونحرك يـزدن ويـه أصبعــك= شگـدعصيبه= وأنت ظامــي
وآنـي0 أنظر الصدركچم كسر0آني = والخيـل رضنـّه أبحقـد 0وآنـي
ويــاهـهچـن صدري أنهشم0 خويه = محتـاره بأطــفـال أوحـرم خـويـه
&&&&&&
حيـره أعـاين عالجسدذايب دليلي = آ0 يعـمــري = شـلـون أشـوفـه
ألف وتسعــمية جرح ياجسم شايل= هـأي صعبه = وابـطـفـوفـــــه
وسهم المثلث شفت وبصدره نابت= وذاب گـلبــه = أوهِشـم جوفــه
ظامي0 مذبوح أنت من الگفه0 ظامي = والـراس مـرفـوع أبعمد0 ظامــي
عيشــه بغيـابـك عــدم 0 خويه = محتـاره بأطــفـال أوحـرم خـويـه
&&&&&&
مصابك أنت أيعادل الكل المصايب= ويمـه تصبح = كلهـه هينـــه
وهـذا أخوي الكافل أبصف الشريعه= هــو نـأيـــــم = بلايـه عينــه
ويمه جـود الماي ذايب من حنينـــه= عالعطاشــــه = مـاروينـــــه
روحي0 چفيــن من عـده ارحلن0 روحي= ومـن شافت الراس أنتهت 0 روحي
والعيـن صايبهـه السهم 0 خويه = محتـاره بأطــفـال أوحـرم خـويـه
&&&&&&
هــأي تاليهـه ومشينه أنوبـه عنكــم = يـاهـظيمــــه = شلـون بيــــه
وعفـناكم بهذا الوضع لاموصحيحه= ومـاأصــدگ = هــالقضيــــه
شلون ترهم وانت عنواني وحيـاتي= آنـي أعوفـك = مـو بـديـــــه
ظيمي0 بعدك ضعت زاد وثگل0 ظيمي= والنـاس مـاشافـت أبـد0 ظيمي
مـاعـدهـه أحسـاس أورحم0 خويه = محتـاره بأطــفـال أوحـرم خـويـه
&&&&&&&
يـاحياة خـلاف طولك آني أعيشـن= ظـلـمـه كلهه = تغيـب عينــك
گلـي يـادارالاطبهـه وأنت مـاكــو= مـاردتــهــــه =إنـت ويــنـــك
ويـافـرح گلبـي يطبـه ومـا أشـوفك= وألأسمعـــــه =بــــس حنينك
عيني0 غير البچي مـاعاشرت0 عيني = والـروح من عندي انحنت0 عيني
مـرسـوم مـن حـزني وشم0 خويه = محتـاره بأطــفـال أوحـرم خـويـه
&&&&&
نسألكم الدعاء
خادم الحسين ع
الحاج ابو إياد البيجاوي



▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم_العشرة_الثانيه

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

منـــك يـــدرب الــشــام = شــفت الـعـجـأيـب
ظيـم وهـــظـــــــم وآلام = عشـــت المـصـأيــب
شفـت العجـأيـب = شفـت العجـأيـب
&&&&&
يــادرب المشيـته وعـاشـرت هظمــه = ويمـشـي ويـأي راس حسـين ابو اليمه
آه, شـلـون أشـوفـه أمخـضـب أبـدمـه = وظــل جسمـه السـليـب ومن بقه يمـــه
ظـامـي وجسد مطروح = والچبـــد ذايــــــب
ظيـم وهـــظـــــــم وآلام = عشـــت المـصـأيــب
شفـت العجـأيـب = شفـت العجـأيـب
&&&&&
مشينـه دروب وظهـورالـركب هـزّل = ودربنـه هــواي واللـه أبعـلتـه طــّــول
وكـل هــم الطفـوف أبمشيتي حــــول = عشــت ويـه السوالـــــف أول أبـــأول
مــن أول الچلمــات = هــأي النـوايــب
ظيـم وهـــظـــــــم وآلام = عشـــت المـصـأيــب
شفـت العجـأيـب = شفـت العجـأيـب
&&&&&
عنـدي عيـال كثـره ومـا ألـي حـامي = وابـو البـاقـر عـليـل أمچتـف أودامي
چـم سهـم أبـوجـه گلبـه الدهر رامي = سهـم البيــن والچفيــن والظـامـــــي
والمـرض شلـه وحيـل = زاد الطــلايــب
ظيـم وهـــظـــــــم وآلام = عشـــت المـصـأيــب
شفـت العجـأيـب = شفـت العجـأيـب
&&&&&
چم طفله وطفل راحـوا الي بالشـام = مـن ضـرب الشمـر ومعـاتت الظلام
وتهـت بيـن الحـرم ومهادد الايـــام = كــل يـوم ومصيبـه أتهــدد الايتـــــام
وبيـن العطش والنـوح = يـادهـري جـأيــب
ظيـم وهـــظـــــــم وآلام = عشـــت المـصـأيــب
شفـت العجـأيـب = شفـت العجـأيـب
&&&&&
وامصـأبي أبـرقيـه الاكبر ابدربي = تنشـدني أعلـه ابوهه وللدرب تربـي
أو صـاني أخـوي أعليهه ياگلبـــي = وأخافـن من عتابه ايفوگ كل عتبي
عـفتـي رقيـه تـمـوت= يــم الغــرايـــب
ظيـم وهـــظـــــــم وآلام = عشـــت المـصـأيــب
شفـت العجـأيـب = شفـت العجـأيـب
&&&&&
حضنـت راس أبـوهـه وماحچـت كلمه = تشـم الـراس گـامـت حيـل وأتظمــه
خمـد منهـه النفـس مـاتت گظت يمــــه = أبـوهـه شـلـون ويـه أنفـاسهه أتشمه
آخـر وداع ويـاچ = وســط الخـرايــب
ظيـم وهـــظـــــــم وآلام = عشـــت المـصـأيــب
شفـت العجـأيـب = شفـت العجـأيـب
&&&&&
نسألكم الدعــاء
خادم الحسين ع
الحاج ابو اياد البيجاوي



▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم_العشرة_الثانيه

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

زينب بلاصبح

زينب بلاصبح وليلها ابلاگمر
حسينها المنذبح وگمر يم النهر

********
صابره وللموت مايرحل حزنها
احباب ماردوا ولابطلت ونها
شلون تبرد نارها ويغفه جفنها
وين كافلها البعد مانشد عنها

جرح يلچم جرح بنار حمره استعر
زينب بلاصبح وليلها ابلاگمر

**********
صعبه من حرمه تظل ابلايه والي
احباب ماعدها تصد للبيت خالي
التارس البيت بحنانه ليش تالي
براسه يفتر الشمر وبرمح عالي

الشال راسه ابرمح من الله وين المفر
زينب بلاصبح وليلها ابلاكمر

*************

ماترد ايامها ولمّت اهلها
جمع حيله الوكت. من فرّق شملها
صدگ يم المشرعه طاح الكفلها
ضعون منهوبه تسير ومحد الها

ومثل كسر الجنح ياگلبها انكسر
زينب بلاصبح وليلها ابلاكمر

***********

من جماد الاول وياها العجايب
حد رجب خلص عمرها بالنوايب
شلون حال الفارگ اعزاز وحبايب
حسين مرضوض الجسد والكمر غايب

كسره ماينصلح گلب شاف القهر
زينب بلاصبح وليلها ابلاكمر

**********

ياجلاله فاطمة ومطلع ادبها
ليش يسعه الوكت بس يجرح گلبها
طبّت قصور الي ماظنت تطبّها
ايزيد فوگ الهظم ينهرها ويسبها

لا رحيم وسمح. طبعه غيظ وكدر
زينب بلاصبح وليلها ابلاكمر

***

يوم يشبه يوم كل يوم اليمرها
بعد اخوها حسين شتسوي بعمرها
والگمر ترجاه. مايرجع گمرها
هلال عيد اتّاني موتتها وگبرها

راحه ابد ماتصح ولاگلبها ابتشر
زينب بلاصبح وليلها ابلاكمر


الشاعر حسن لعيبي الحريشاوي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم_العشرة_الثانيه

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

بسم حنيّة أم عون لمجلس الدمعه اجي عنّاي
حتى أمشي عالصراط إعيال مولاتي إركضو حفّاي

ضاعو وگوّه تلملم بيهم بالصحره
والتعب بيّن بيها من جرح العثره

والسبي جارحها وإبرفگت عدوها احتارت
عگب عِزها المات ماتت وابهضمها سارت

غصب طلعت بلا خوّان
عافتهم على التربان ، ضحايه وصرعىٰ
ويماشنها بس الروس
بس طخّالها الناموس ، باصوله وفرعه
•••••
عفّت الساده ضعنهم بس على اچفوف ابو فاضل چان
وسفه تالي إيد اُميّه اتطاولت من گطعو الذرعان

وماكو چف يرعه الدلال و ماكو رايه
راية الإحساس بالدمّ تبقى امغطايه

باليسر يغله الفياي والطريق اشطولِه
و بعد عبّاسچ أثر رجلينچ شيزوله

خدر حيدر تشوفه الناس
وابسوط الشمر ينجاس ، وبقه يتعذّب
طبّ لكوفة الكرار
و اتلگّوُ طبل واحجار ، وغريبه زينب
•••••
يهل عالم ابد والله مو لزينب تصح طبْت السوگ
والمصيبه بالنهار و ماكو ساتر على اظهور النوگ

وبله غيره العالم تتفرج تتشمت
وخارجيه صاحو من حسهم ما سلِمت

وتنلچم لو سأل واحد عن اهلها ويسخر
والكلام البي قساوه ما يلوگ لخدّر

وچم احچايه عَبرتها
و تكتم گوّه عَبرتها ، وتضل مخنوگه
إليحاچيها ابرود اعصاب
ما بيها ترد اجواب ، لأن محروگه
•••••
شلون تمشي والدرب بيمن تشوفه وبالنظر دخان
اخيامها احترگن وطاحن وابگلبها صعدت النيران

وبين نار اگليبها وخيمتها چم دمعه
والرزايا هواي حيره المن تبچي وتنعه

بالعويل ايداوي روحه اللي موجّر گلبه
وصوتها مبحوح والچلمات تنزف غربه

بين الوليه بين الجيش
بنت الزهره ذبلت ليش ، يدنيا اشصاير
حبيبة امها تالي ايام
يشتموها طُغاة الشام ، ومشت وي كافر
•••••
ليلها يشتد نحيبه و من يخلّص يبدي شد الاحبال
بله راحه و نومها گوّه وحلمها بلوعة
الاطفال

راحت و ويّاها أيتام بس ابكثره
ورجعت بچم واحد،كلساع تحفر حفره

والبراءه بالخرابه من اندفنت سكته
عالطشت صرخت رُقيّه ولنها طاحت ميته

وچم غالي رجع مذبوح
شيخلّص قصص الجروح ، ونزيف العاشر
بدايات المصايب خيل
هجمن والسوالف ويل ، ولا ضل ناصر


#الخادم_علي_خيري_العبادي

٢٠٢٠/٩/٣ الخميس


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم_العشرة_الثانيه

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

كيـف أغـفـوا يـاحسـين عشـتُ حـزنـي كـل حيـن
يـاغــريــبـاً يــاذبيــــــح كيــف عـقلـي يـستـريـــح
&&&&&&
يـاگلـب يهــده أويقـــاوم گلـي يـاعيـن اللي تغفه
وهـي تنظـر هـذا حالـك يـاعـزيـزي هـواي كـلفــه
ويـاعـقـل منـي يـخويــه تـريده هذا اليوم يصفه
يـاذبيـح الـغـاضـريـــــه نـاري بيـه شـلـون تطفــه
أيُ عـيـنٌ لاتــــــــراك بــالعمـى ظلــــت ســواك
أنظــر الفعـل القبيــــح كيــف عـقلـي يـستـريـــح
&&&&&&
شاهدت خويه المصيـبـه والصـبـر حـيران بيهــــه
بكـربلـه أو أكبـر رزيــه وگفــت العـالـم عليـهـــــه
ذبحوا أصحابك واخوتك وعيـلتـك رادوا سَبيهــه
وتعــرف الـوادم مكـانك أنــت لأقـرب من نبيهـــه
شبــل طــه ذو البـُــراق دمــُّكَ الـزاكــي يـــــراق
أيُ دمٌ تــستـــبــيــــــــح كيــف عـقلـي يـستـريـــح
&&&&&&
آه وعيـونـي اللي شافت چم جرح وصـواب جنك
وصلت ألأ لفـين ضربه يــاهــو گلـي يشيل عنـك
ويـاجسـم منـك يروحي يحمـل أجــروح اللفنـــك
سـيف وسهام وحجرهه مـاسلـم كـل صوب منـك
هــذا حقـدٌ مـن زمـــان خطــه العقــل الجبـــــان
قــالـهُ قــولٌ صـريــــح كيــف عـقلـي يـستـريـــح
&&&&&&
خـويـه مفجـوعه الليالي والحـزن چلچـل علينـــه
لبسـت أحـزان الـرزايا ولاشمـس ظـلـت تجينــه
مـاتشوف عيوني گمره ولانجــم يتعنــه ليـنــــــه
كلهــه سوده وماتساعد حتـى فرحه تصيربينـــه
هـذا يـومـي يسـتغيــث لامجيــبٌ لامغيـــــــــث
لامُعــيــنٌ لامــريــــــح كيــف عـقلـي يـستـريـح
&&&&&&
خـويـه مـن أنظر كفيلي صعبـه وآنـي مـاأعيـنـه
مرمي وچفوفـه گـطيعه والسهـم مـاخـذلـه عينـه
هــذا وفــأي اليــوافـــي وفـّه أخـوي بكل سنـينه
لاتـمـلمـل لاتــــراجـــع ولابدت من عنـده شينه
هــذا فيــضٌ للـوفــــاء أولــَـدَّ حتـــى الابــــاء
عـالمـي كــان الفســـيح كيــف عـقلـي يـستـريـــح
&&&&&&
آنـي مـا أشكـي المصيبه كـلشـي قـدمنــه بـرضانه
مـن أجــل دين الهدايـــه إحنــه ضحينـه أبـدمـانــه
والشهـاده إلـــنـه مـــيزه بيهـه نثبـت كـل وِلانـــــه
ونـدري ديـن الله أو نبيه يـعلـه يكـبربينــه شـانــه
ينبــري هـذا الــــــــنداء يعـلـوا دومـاً فـي السمــاء
حتــى فـي الفجـريصيح كيـف عـقلـي يـستـريح
&&&&&&
نسألكم الدعاء
خادم الحسين ع
الحاج ابو إياد البيجاوي



▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم_العشرة_الثانيه

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

نعي ابوذيه


بخيمها اتصيح زينب وين الحسين
وگع والروح تسمع وين الحسين
يرد حسين النه وين الحسين
واشمّن بيه عطر امنه الزچيه
*******
علي افزع ابعيني الدمع مولاي
إنه ابنيتك وذل اعداك مولاي
إسمعت واحد يگل ليزيد مولاي
اريد اسكينه خدامه اليه
*******
يمن بعيوني من اصباك حلّيت
عليّه هموم ياعباس حلّيت
چم معظله بذاك الوكت حلّيت
ردت منك تحل حبل البديّه
*******
على حسين الدمع بالوجن حافر
شفت بضلوعه طابع اثر حافر
والاصعب شفت بالصدر حافر
حفره تگول بير ايسيل ميّه
*******
الشاعر محمد حسن ضيغم


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم_العشرة_الثانيه

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

يا امامي وكل غرامي وكل هيامي
ـــــــــــــــــــــ
كَلبي شاعر .. والمشاعر .. دمعه تكتب يارقيه
بلا مدامع .. ابقه ضايع ..شنهي عمري بلاعزيه
كل قراري ...يضل شعاري ... ياحسين ويالزجيه
حبي واحد ... دمعي شاهد .. اخره ودنيه عليه
أنه لوماهذا العزه ماريد العمر
شلون ايضل بيّه النفس والعيله ابيسر
يالحافر مو قصّرت عفت ضلوعي أنه
ولحسين ابلايه رحم تسحكَله الصدر
ـــــــــــــ
تغفه عيني ... وبونيني ..اكَعد الكَ اكَبالي خيمه
وبخيالي ..يادلالي .. هيجي اسمع من يتيمه
بهيجي نظره ...خالي مهره ..ينادي ياناس الظليمه
وناري تسري ... وينه خدري .. طفله تندب ياحريمه
انه ليلي كله دمع لجروح السبي
شتتحمّل ام الخدر زينب جا نبي
اطفال ماخذهه السحكَ تبجي امن الالم
تتجوّه اشما تلزم بطراف العبي
ــــــــــــــ
عندي رايه .. من البدايه .. اعليه اطوف بكل جروحي
بس لزينب ...ناري تلهب ... وبس عليها يبقى نوحي
للمصيبه ... وللغريبه ... الله خالق هاي روحي
للمجالس .. دوم اكلهه ... ها يروحي الهه روحي
بجروحي الماتنشفي دوم ارسم خيم
ساعه ولنهه تشتعل لو طاح العلم
صوت امن التل ياعلي احضر كربله
بلا والي عكَب الكَمر مرعوبه الحرم
ـــــــــــ
بالمواكب.. كَلبي ذايب..وكل جنوني بهل شعيره
يبقه همي .. خادم اسمي ..ادري هل نعمه جبيره
ربي اختم .. كل حياتي ...دمعه عالراحت اسيره
الخالق الله ... الهه كلشي .. وسفه تبقى ابلا عشيره
يارب عيّشني الم من طف كربله
لوماي اسنيني احس تروي العايله
لو رايه جروحي ترف يم جرف النهر
لو نبله بضيمي أرد اذبح حرمله
ـــــــــــــ
يابوفاضل .. بلامحامل ...تدري زينب من خذوهه
اعله بختك .. هايه اختك ... آل اميه روّعوهه
عمده والله ... والزجيه ... يبو الغيره شتّموهه
بالدواوين .. ويالنساويين ... وسفه زينب دخّلوهه
وحسينك يابوالفضل حزّوا منحره
وبالخيل ويلاه يالولي ضلوعه امكسّره
زينب محنية ظهر هيجي بكربله
يم جسمه اتدوّر بقت للجف خنصره
ـــــــــــــــ
الشاعر محمد حسن ضيغم


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم_العشرة_الثانيه

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

#_ليلة_العليل(عليه السلام)
#_السلام_على_سيد_الساجدين
#_أعظم_الله_لنا_ولكم_الأجر
________________________________

ما تهيد الروح .. للعليل اتنوح
يا أبو الباقر ... يا أبو الباقر

******_______________***********

آنـه حـايـر يا امـامـي يا مـصيـبه ابـتـدي
الكم اسمع بس مصايب من بداية مولدي
لـجن باب الـصبر انتم وآنـه بـيكـم اقتدي
مـصدر انـتـم للثبات ودوم مـنكـم مـوردي

بس دمع والآه .. اعليك وا ويلاه
الدمعه بالناظر .. يا ابو الباقر..*

*******____________**********"

عالسبي احچي البدايه لو على حرك العبي
ومـن يكيدون العيال وتمشي ويه الناصبي
والأشد اعـليك زينب يحـدي بيها الأجـنبي
انتَ بالـكيد وسلاسل تروح وبدرب السبي

بس سلاسل كيد ... اعله الرجل والإيد
مـا إلـك ناصر ... يا ابو الباقر..*

*******_____________**********

انت من اطهر سلاله ونجل حيدرنه الولي
وارث اعـلـوم الـنـبـوه والامـامـه يـا عـلـي
رابع البكائين انـت مـوقفـك واضح جـلي
من جـروح العاينـتـهه قيح گـلبك منمـلي

شاخص بكل حين ... مصاب ابوك حسين
كل وكت حاظر ... يا ابو الباقر

*******__________*************

يا مـصايبكم امـامي كـلها بـس نـوح وألم
كـلها ترحـل يا هـظيمه مـنكم ومحد سلم
من يطيح حسين ابوك يطيح وياه الـعلم
والأشد يروح قبله الـكفل عَـمْـتَك والحرم

ما تظل اوياك ... بس حرم تنخاك
وحْـدَك وحاير ... يا ابو الباقر...*

*******___________************

انت للثوره مـكمـل مـوقفك ثـوره ودرس
ياوجودك چنه بيت وبالامان احنه نحس
سطرت اروع ملاحـم ويّه جـودك بالنفِس
درس تبقـه للزمان اوباجر وهـسه وأمـس

وانلـوه الظالم ... موقفك صارم
والعدو الخاسر ... يا ابو الباقر...*

*****_________***********
ونسألكم الدعاء
لخدام أهل البيت(ع) : أحـمـد الـخـفـاجـي
و علي فائز الخفاجي
#_محرم_الحرام
#_1442
ياحسين
احنه غير




▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم_العشرة_الثانيه

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

لاستشهاد الإمام علي بن الحسين السجاد عليه السلام

لواها بصبره السيوف تشهد يوم الطفوف
من هاي النهايات بده السجاد ثورات
تشهد يوم الطفوف

حياة من العلوم ونهظه فكريه
هزم جيش الظلاله بثوره سلميه
بمواقف هزت العالم حسينيه
توضح سيرته وروحه السياسيه
قضية نصح وإرشاد نشرها علي السجاد
من سحر العبارات بده السجاد ثورات
تشهد يوم الطفوف

زهد عيسى المسيح وسيرته وشكره
وصبر ايوب لاخر ساعه من عمره
وعزم طه الامين وهمته وفكره
صنع ثوره ابدعائه ونجحت الثوره
وضح كلشي للگوم الحق بياكثر دوم
من گيد المعانات بده السجاد ثورات
تشهد يوم الطفوف

هذا ابن الفصاحه من نسل هاشم
بصولات البلاغه حير العالم
ثارات الخيم والمارجع سالم
وثار الاكبر وعباس والقاسم
اخذ ثار المچاتيل ودمعه زينب ابليل
بعساكر للبلاغات بده السجاد ثورات
تشهد يوم الطفوف

على ظهور المعارف بدت حملاته
كشف وجه الخليفه وباطنه وذاته
العلم ميصير اهل الجهل ساداته
گلب كل الموازين بعباراته
وبهاي المظامين جدد ثورة حسين
من كلمة الهيهات بده السجاد ثورات
تشهد يوم الطفوف

دنه حدها المنيه وصلت البابه
بوصيه ودمعه راح يوصي احبابه
الغدر معروف ماتنجهل اسبابه
بالسم چملوه اصواب لصوابه
اطمئن من غمض العين كمل نهضة حسين
بدعاءه وبالمناجات بده السجاد ثورات
تشهد يوم الطفوف

الشاعر حسن لعيبي الحريشاوي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم_العشرة_الثانيه

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


الاف طعنات الصدر ياريت ماسمعنه
ضربات علضربه صفن والطعنه فوك الطعنه
مهبط اسيوف الكفار
صدرك يبن حامي الجار
هذا الخبر فجعنه
ياريت ماسمعنه

****************
الاف طعنات الحقد طبرات فوك الطبره
امگطع ابواليمه وذر مذبوح فوگ الغبره
مهدور دمه علارض. من دمه صارت حمره
بهلفعل مقصود النبي. والمرتضى والزهره
ماكو فرق بين الگوم
أهل الامس وأهل اليوم
نفس الفكر والمعنه
ياريت ماسمعنه

****************
معروفه نيات الزلم لمتهم ومقصوده
اهل السقيفه لهلوكت احفادهم موجوده
معروفه اثاروطبع رايات الهم سوده
يردون سلطان السمه وعقولهم محدوده
احسين رادوه يختار
لوذله لوحرب ونار
سعروا نار الفتنه
ياريت ماسمعنه

************************
خاطبهم بعين العقل احسين من خاطبهم
رادلهم الخير شكثر هلحال ماينفعهم
باثنين ناده وينتظر اي كلمه تصدرمنهم
يرضون بالحق والعدل لويرحل ويتركهم
الهلامر مدفوع المال
بس الشمر رد وگال
هلراي ماينفعنه
ياريت ماسمعنه

*********
طعنات كلها اموجهه للنبي ودين الاسلام
ينفك حصار على الجهل ينفتح سجن الاصنام
وترجع قوانين الظلم تنشال كل الاحكام
سلوا اسيوف الواقعه وارماح تتبعها اسهام
باي شكل من الاشكال
گالوا نغير هلحال
هذا الامر جمعنه
ياريت ماسمعنه

********************
معقوده رايات الغدر بغير الدمه ماتنزاح
حسين بالغ بالنصح يدرون قصده الاصلاح
يدرون للجنه الاصل وللهدى حسين المصباح
گلوب مقفوله ابحقد مايرهملهم مفتاح
جيش الكتب احنه أنصار بطف كربله عليه اندار
كلها تخلت عنه
ياريت ماسمعنه

الشاعر حسن لعيبي الحريشاوي

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA