#قصائد_استشهاد_الامام_الجواد_ع

#مـۄسسـﮫ_مــﻥــبـريۄن_للالـﺢــان

الــﮠــاشــﺭ اζـــﻣــد الــﺯۄار




#ياجواد_الأئمة_مدد

بكلبك جرح .. يبن الرضا
لوعة وهظم .. عمرك كضه
يتكسر بصدرك هوة
وشيبت دليلك نينوة
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
ياتاسع أنوار النبي
وازغر عمر عاش الألم
بالخمسه والعشرين اضن
عمرك كضيته كله هم
ورمن عيونك بالبجي
ورسمن تجاعيدك خيم
ومن عينك لخدك نهر
وطايح عليه راعي العلم

مثل الرضا .. تهيج الحزن
ليل وصبح .. كاعد تون
وكلبك فرح لا ماروة
وشيبت دليلك نينوة
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
دموعي مكاتيب الحزن
بجمرة كلب ابعثهه الك
دموعك محطات الألم
وحتى الحزن يمك هلك
شاب وكبرت من الهظم
هظمك ترس كل الفلك
حكك تموت امن القهر
ذبح وسحك خلصو هلك

ون وألم . .. ليلك يمر
ويرسم الك .. حرمة بقصر
لجرحك صبح دمعك دوة
وشيبت دليلك نينوة
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
قصة عذابك سيدي
بلايه نهايه وخاتمة
اه يالجواد وجم جرح
سابيك ويندي ضمة
ينامن على عيونك خيم
محروكة وكت الملحمة
وبروحك يضيك النفس
وبعينك تضيك السمة

المغرب اضن .. تشهك الم
بهذا الوكت ... حركو خيم
جمر الخيم بيك شجوة
وشيبت دليلك نينوة
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
ينزفن احاسيسك صور
فوك الترب جم طالبي
تكعد على تراب الدرب
من تسمع متربة العبي
وخدودك يغركن دمع
من تسمع بطاري السبي
وينغمي اعليك امن الهظم
ضعن الله حادي اجنبي

تتحول ال .. عبرة حبل
وتخنكك ... بطاري الهزل
وتمشي العقيلة ابلا لوة
وشيبت دليلك نينوة
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
خلصن ايامك وانتهن
والسم مرد جبدك مرد
وتلاثه ايام بسطح
جوة الشمس نام الورد
بس انته أهون يالجواد
لمصابك انه شما اصد
ما منسلب ثوبك ترة
اولا حافر ايروح ويرد

حسينك غدة ... بلايه دفن
وتنعز عليه ... وصلت جفن
ومن الشمس جسمه نجوة
وشيبت دليلك نينوة
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
عباس أديب المالكي
الحن


🌺مؤسسة منبريون للالحان رقم 1
@ahmed_alziwar1

🌺مؤسسة منبريون لنشر القصائد 2
@ahmed_alziwar2

🌺مؤسسة منبريون للمقامات3
@ahmed_alziwar3

🌺مؤسسة منبريون للنعي4
@ahmed_alziwar5

🌺اكبر كروب لتلحين القصائد

1.كروب 1 خاص بنشر وتلحين القصائد
https://tttttt.me/joinchat/Dw92Dj9pmspR5uHfACGjlA