#قصائد_الهلال

#مـۄسسـﮫ_مــﻥــبـريۄن_للالـﺢــان

الــﮠــاشــﺭ اζـــﻣــد الــﺯۄار

🖤يا هلال الــﺡــزن ارحــل 🖤

▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁


ياشهر المصيبه........ احزانك رهيبه
بيك حســـين مذبـوح
وزينب حايره اتنوح
ياشهر المصيبه
ـــــــــــــــــــــــــــــــــــــــــــــــ
هلالك من اشوفنه / گلبي ايذوب واتـــمنه / اموت ولا اشـــوفه
يشهر الحزن واللوعه / زينب بيك مفجوعه / ياجــرح التروفــه
جرح الي بقو صرعه / اهلهه وسالت الدمعه / بگلبهه شكثر خوفه
جرحهه منهو اليضمده / عگب ذالك الذي اتوده / مـتگطعه چفوفه
لبو فاظل املهه ....... دمعتهه تهلهه
ومنهه هايمه الروح
زينب حايره اتنوح
ياشهر المصيبه
ـــــــــــــــــــــــــــــــ2ــــــــــــــــــ ـــــــــ
هلالك لو اجه وهلـــهل / دمعنه عالوجن هلهل / لبو اليمه ولينه
ما ننســــاه ومصابه / وناره بـيـنه لهـــابه / واتوجـــرت بينــــه
عايش بالگلب يومه / ومصــيبته المرسومه / عالگـلوب الحزينه
نحبه وما نفذ حزنه / ولون سيف الغدر حزنه / اله صرنه رهينه
مانترك حزنه ....... لبو اليمه املنه
ويظل الدمع مسفوح
وزينب حايره اتوح
ياشهر المصيبه
ــــــــــــــــــــــــــــــ3ـــــــــــــــــــ ــــــ
يشـــهر الكدر ارد اسئل / احلفك انته هم تقبل / لحسين الجراله
الجره لجله ولهل بيته / يهز العالم الگــــيته / العرش كله بچاله
بچه عرش الله وتألم / على الصابه بقه مهتم / حزين وهذه حاله
حالك يابو اليمــه / بحزن هالعالم ايعــمه / لمن نذكر خصـــاله
ذكرك بينه ساكن ....... بظاهرنه والباطن
طول الدهر مفـتوح
وزينب حايره تنوح
ياشهر المصبه
ـــــــــــــــــــــــــــ4ــــــــــــــــــــــ ـــــــ
هلالك من بزغ شفته / بيه حسيت وعرفته / اهوال ومصايب
بيه ال النبي الهـــادي / مذبوحين بالوادي / بقو فوك الترايب
بيه زينب المحتاره / عليهه شنو الغاره / وخذوهه للخـــرايب
زينب يامصيبتهه / تبچي فاگده اخوتهه / شگد شافت عجايـب
مصايب تهدم الحيل ........ نصيح الويل ياويل
والمن تشكي وتبوح
زينب حايره تنــوح
ياشهر المصيبه
ـــــــــــــــــــــــــ5ــــــــــــــــــــــــ ـــ
ام الطفل مفجوعه / وگلبهه بيه الف لوعه / عالمـصاب الدهاهه
ورمله حايره بهمهه / عگب ما راح من يمهه / ابنهه الهم علاهه
وليله الفاگده الاكبر / بصـدرهه النايبه تسعر /فگده الي ســـباهه
ماهزتك هالصوره / وخيام العيله مسجوره / الشمر زينب ولاهه
من عگبه وليهه ...... تتستر بديهه
لان عالنهر مطروح
زينب حايره اتــنوح
ياشهر المصيبه
ــــــــــــــــــــــــــ6ـــــــــــــــــــــــ ــــــ
اريد اســـــئل يالمـــحرم / انته بحالهم تــعلم / شـــنهو الصار بيهم
لمن شن غارته العسكر/ بربك انته هم تگدر / تشوف الجره عليهم
هامو فزع بالهيمه / ماظل ســـتر لا خـيمه / التلـــم عيـــله وتقــيهم
من غارة بني سفيـان / هامت عـــيله بالوديــان / والعيــله الـــنبيهم
النبيهم همه جازو........ بهالعايله وفجعو
مصايب گامت اتلوح
وزينب حايره اتنوح
ياشهر المصيبه
ـــــــــــــــــــــــــــ7ــــــــــــــــــــــ ـــــــ
بيك النايــــبه كلهه / ياعاشور وسألهـه / النوايـــب كثره صارت
عليك احزان مرسومه / اذا هل شهرك ويومه / والاحزان دارت
بيك حسين ابو اليمــه / متخضــب بقه بدمه / والعـــدوان غار ت
وزينب يامصـــيبتهه / تهز الدنيــــه حالتهه / يوم الذي احتـــارت
متحيره بهالعيله ....... شلون اتكظي هالليله
وگلبهه صار مجروح
زينب حايـــره تنوح
ياشهر المصيبه
ـــــــــــــــــــــــــــــــــــــــــــ
خادم الحسين وخادمكم
حيدر تركي الكربلائي



✿مؤسسة منبريون للالحان رقم 1
@ahmed_alziwar1

✿مؤسسة منبريون لنشر القصائد 2
@ahmed_alziwar2

✿مؤسسة منبريون للمقامات3
@ahmed_alziwar3

✿مؤسسة منبريون للنعي4
@ahmed_alziwar5

✿اكبر كروب لتلحين القصائد

https://telegram.me/joinchat/AAAAAD9pmsoMub22NRYqtA

#قصائد_الهلال

#مـۄسسـﮫ_مــﻥــبـريۄن_للالـﺢــان

الــﮠــاشــﺭ اζـــﻣــد الــﺯۄار

🖤يا هلال الــﺡــزن ارحــل 🖤

▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁


رافگنـه عاشور === أيام وإسنيـــن
هيهات هيهـات === ننساه الحسين
ــ
كل يوم عاشور == وإبكربله النـــــوح
منها يشع نور == يضويهــــا للروح
وإليگصد إيزور == تنسـاه الجروح
كل عاشگ إيفوز === من تدمـــع العين
وإبكل سنه إتعود == أيــــــــــام الأحزان
كل خادم إيجود == بالخدمه فرحــــان
وإيضحي وإبزود == والخدمه عنــوان
وإبيوم عاشــــــــور === سيل الأسى إيحين
ــ
عبرات الچفوف == ننساهــا هيهات
نذكرها وإنشـــوف == من عدها آيات
وإبكربله إنطوف == وإنبثها حسرات
نتعنـــّه وإنزور === للنور ماشيـــن
ملهوفـــــــه الأرواح == وإتنادي عباس
كل همها ينـــزاح == يم صاحب الباس
وإبحضرتــــــه راح == ترتاح الأنفاس
وإبيوم عاشور === إحيــــاء للدين
ــ
عبد الله مذبوح == ذبحوه الأشرار
وإنشوفه مجروح == وإحسيــن محتار
وآلام بالــــــــــروح == ترسمها الأقدار
وإتصـــــّوب الآه === كل الموالين
عبد الله منحور == يازينــــب إخذيه
وإحسين مجبور == وإنشوفـــه يخفيه
وإلربه منــــذور == نيرانــــــه تچويه
وإبيوم عاشور === تبچــي الملاييــن
ــ
والأكبر إيغيب == كوكب بالأسحار
وإجروحه متطيب == بيهــا تشب نار
للوالهه إتصيب == نيـــــران الأكدار
صوبوها الأنذال === ذولــــه الملاعين
وإبسيل الدموع == مهمومـــه ترويه
تطفيها الشموع == وإتحنــــــّي إيديه
والصوت مسموع == أمــــــــــــه التناديه
وإبيوم عاشور === تزهي العناويـــن
ــــ
والقاسم إيصيح == إسمحلـــــي للحوم
سيل الدمه إيزيح == عن گلبــــي الهموم
متهزني الريح == ياعمـــي موسوم
من الحسن دوم === عنــدي المضامين
عريس زفــوه == بأصوات السيوف
وإبدمه حنوه == للمــوت ملهوف
وإحسين فجعوه == وإبصبــره معروف
وإبيوم عاشور === يفدوه ناويــــــــن
ــ
وإبزينــــب آلام == هدتها الجبال
بيها الخطر حام == ما ظلــــــــــت آمال
والعين متنام == مشدوهــــة البال
بالغربه والضيــم === طــــوّگهـا صوبين
صبرت على الآه == ما همهــا الصواب
وإتنادي جـــداه == عني الأخو غاب
ياجدي ويلاه == أحبابـي غيـــــّاب
وإبيوم عاشور === مـا أنصف البين
ــــــــــــــــــــــــــــ
مع تحيات شاعر اهل البيت / جابر النجفي

✿مؤسسة منبريون للالحان رقم 1
@ahmed_alziwar1

✿مؤسسة منبريون لنشر القصائد 2
@ahmed_alziwar2

✿مؤسسة منبريون للمقامات3
@ahmed_alziwar3

✿مؤسسة منبريون للنعي4
@ahmed_alziwar5

✿اكبر كروب لتلحين القصائد

https://telegram.me/joinchat/AAAAAD9pmsoMub22NRYqtA

#قصائد_الهلال

#مـۄسسـﮫ_مــﻥــبـريۄن_للالـﺢــان

الــﮠــاشــﺭ اζـــﻣــد الــﺯۄار

🖤يا هلال الــﺡــزن ارحــل 🖤

▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁


هلالُ الدمِ ........... قد احرم
إلى ارض الطفوفِ ,,,,,, إلى حج السيوفِ

_+_+_+_+_+_+_+_+_+_+_+_+_+_+_+_+_+_+_+_

إذا مـــــــا لاحَ فــي عـيـنـيكَ تـــوديــــعـــــا
فـــقــم وإقــراء هــلالَ الحــزنِ في لـوعـــه

هـــــلالُ الحــجِ فــي حســــره .......... عـلـيــهِ يــــــــذرفُ الـعــــبـرة
وبــيــتُ اللهِ يـــــدعــــــــــــوهُ .......... إلـــيـــهِ فـــاتــــــحــاً صــــدره
أيـبـن المـصــطــفى قــف لــي .......... أشـــمُ الصـــدرا والـنـــحـــــرا
أراك راحـــــــــــلاً عـــــــنـــــا .......... أحــلـــت الـحـــج لــلــعـمــــرة



وفـي أفـقِ الـســمـا قــــد لاحــت الـحُـمــرة
هِـــلالُ العــشــرِ يـدعــو فـــاتــحـاً صـــدره



هـــلالُ الحــــزنِ قــد احـــــرم .......... عــلــيــهِ نـــاصـــبـــاً مــــأتــم
يُـــنـــــاديـــــهِ يُـــنــــــاديـــــهِ .......... ألا اقـبـل يـــا حـســــينُ الـــدم
أراضـي الـطـــــفِ مــــن دونِ .......... ســــنـاكَ صُـبـحــهـا مُــظـلـــم
وجـــرحُ الأرضِ لا يــــــــبــرا .......... بـــــدونِ روحـــــكَ الـبــلـســم

===================================
لا تــمـضـي هـــلالُ الحــجِ يـدعـو بـالأنـيـن
مــن لـلـحــجِ يـا مــولاي يــا نــورَ الـيـقـين





مـــن لـلـبــيـتِ يــرعــاهُ إذا هـــاج الحـنـين
يـبـكـي الحـجـرُ الأســودُ والسـعي الحـزيـن


اسـمـع يـا هـلالَ الحـزنِ مـن عـيني الكـلام
لا تـــــرمـــيـهِ بـالـطــفِ بـنـبـلٍ وســــــهـام





دعـــــهُ عـــنــد بـيـت اللهِ يـحــــــيـا بـسـلام
لا تـســلـمـهُ فـي كـــفِ مــــلاعــين لـــــئـام
============================

أهـــــل يــــــدري....هـــــلالُ الـــدمــا

بــمــــا يـــجــري....بــحـــقِ الـســمـا



إذا ســــارا..ركــــبُ مــولانــا..... إلـــــى ارضٍ..... بـالـــدمِ تُـكـتـب
فــمـاذا يــــا..... هـــــلالَ الـــدم..... أهــــل تـحـمـيهِ.....أم يُـســــلـــب



وهــل تــسـلــمـهُ...كــــفِ الـعــدى
بـأرضِ الـطــفِ....يـلــقـى الــردى



عـلــى مـــاذا...يــا هــلالَ الحــج..... بـــلا حــــقٍ..... دائـــمـــاً تــحـتج
أهــل تــدري...كُــلــمـا ضـاقـــت..... عــلى الـســبــطِ..... فــي غــدٍ تُـفـرج

===========================

حَــجـــهُ فــي....كــربــلاء الـــدم..... طفُ عاشـوراء..... أرضـــهـا المَــحْــرم
غُــســلــهُ مـــن.....دمــــهِ الـــزاكــي..... وأبــو الـفـضـلِ..... هـديــه الأعــظــم



ولـــهُ طــفــــلٌ صــغــيـــٌر هــديـــهُ الاســما
وهـو فـي المهــدِ رضـــيـعٌ كـلـمَ الـسـهــمـا
هـــديـهُ الأكـبـــرُ لا لــــم يـبـلـغْ الحــلـــــمـا
هـــذه آثــــارهُ فـــــازدد بـــــــهــا عِـلـــــمـا





الموسوي

✿مؤسسة منبريون للالحان رقم 1
@ahmed_alziwar1

✿مؤسسة منبريون لنشر القصائد 2
@ahmed_alziwar2

✿مؤسسة منبريون للمقامات3
@ahmed_alziwar3

✿مؤسسة منبريون للنعي4
@ahmed_alziwar5

✿اكبر كروب لتلحين القصائد

https://telegram.me/joinchat/AAAAAD9pmsoMub22NRYqtA

#قصائد_الهلال_1440
الشور + الزنجيل
الدفعة الثالثة

#قصائد_الهلال_ع1440

مؤسسة مــﮠــبـريــۅن للالــﺡــــــان

#الــﮠـاشــر_اﺡـــمد_الزوار


ــــــــــــ◐◐◐◐◐◐◐◐◐ــــــــــــــــ

يهلال الحزن كلهم ---- اذا نورك سطع يمهم
عليله ومن تركتوني --- دمعتي سكنت عيوني
-------------------------------------------
يهلال الحــــــزن مني اخذ دمعه
وصوتي وياك بلكت واحد يسمعه
وكلهم شمعه الكم ظلت مضيعه
ماضوت بعــــد فركاكم الشمعه
وصيتي هذي خليهه --- امانه ومن توديهه
كلهم يل نسيتــــوني --- دمعتي سكنت عيوني
-------------------------------------------------------------------
يهلال الحزن خليـــــــني آنه اشرح
تره فراك الابو ما ينـــــحمل يجرح
خليــني بخيـــــالي وياهم آنه اسرح
اريد افرح يحزني الليله اريد افرح
اريد اكعد وحاجيهم ---- واذا اسولف ابجيهم
وكلهم يلي عفتوني ---- دمعتي سكنت عيوني
-------------------------------------------
يهلال الحزن كلهم يردولي
بعدني ازغــيره واتمــــنه يلولولي
امانه عليـــك يمهم خل يصيحولي
وعد منـــهم يجون وهـــمه كالولي
وليهسه اتنطر ابابي ---- وبيدي لفة ثيابي
كلهم خل يمروني ---- دمعتي سكنت عيوني
-------------------------------------------
اخذني وياك يم عمتي ارد احاجيهه
اريد اكعــد ولو لحظــه وراويـــهه
جــرح الــغربه يكـــتل وآنه ادريهه
مــجروحـه وواســـيهه ابـــواجيهه
ونتكابل اعله المدمع ---- اون وهي الي تسمع
وكلهه من هجرتوني---- دمعتي سكنت عيوني
------------------------------------------
عليله وهذا حالي من مشو عني
اون يم بابي والحـــايط يرد وني
يكتــلني البـــعد يهـــلالي يكتلني
نشفــت عيني والمدمع تعب مني
ولا واحد سال بيه ---- وعليه طالت الجيه
بتــــكم لا تخلوني ---- دمعتي سكنت عيوني

خادم اهل البيت خالد العلمي



✿ مؤسسة منبريون للالحان رقم 1
@ahmed_alziwar1

✿مؤسسة منبريون لنشر القصائد 2
@ahmed_alziwar2

✿مؤسسة منبريون للمقامات3
@ahmed_alziwar3

✿مؤسسة منبريون للنعي4
@ahmed_alziwar5

اكبر كروب لتلحين القصائد

https://telegram.me/joinchat/AAAAAD9pmsoMub22NRYqtA

#قصائد_الهلال_ع1440

مؤسسة مــﮠــبـريــۅن للالــﺡــــــان

#الــﮠـاشــر_اﺡـــمد_الزوار


ــــــــــــ◐◐◐◐◐◐◐◐◐ــــــــــــــــ

ياشهر عاشور/خاطري مكسور
بشوفتك يهلال دلالي أنفطر
أرحم  بحال العقيلة  ياشهر,,,آنه زينب
★★★★★★★★★★★★
ياهلال/ زينب   أنه   والظهر
ياهلال/مثل أبو اليمه أنكسر
ياهلال/بشوفتك  مو  عالنهر
مو تدري بيك إيعود جرح الحبايب
وجرح  المتن ياهلال لسه ماطايب
 
بيه تدري جروح/للأجل متروح
شفتك وزاد الونين أويه القهر
أرحم   بحال   العقيلة  ياشهر,,, آنه زينب
★★★★
من أجيت/ذكرياتي  وياك  أجن
من أجيت/أردود  رد  بيه الزمن
من أجيت/والأخوتي گمت أحن

مشتاگه للعباس وحسين أخويه
ريته عدل ويشوف حالي أبويه
الوحّدي ظليت/وألهم أشتاگيت
ريت لحدي ويه أخواني أنحفر
أرحم    بحال   العقيلة   ياشهر,,, آنه زينب
★★★★
ياشهر/والله  ماأنسه  أشجره
ياشهر/من   مشيت   أميّسره
ياشهر/وعفت أخوتي عالثره

عفت الگمر  وحسين منگطع نحره
وصدره طلع ياناس من گفه ظهره
عشره خياله/مارعت حاله
حتى أصبعه والله ياناس أنبتر
أرحم   بحال   العقيلة   ياشهر ,,, آنه زينب
★★★★
ياحسين/صوتي هاليوم أرتفع
ياحسين/نحرك   الليلة  أنگطع
ياحسين/گلبي ياخويه  أنفجع

إن كنت حي  يحسين  بالله  أجبني
شوف الشمر بالسوط خويه ضربني
أزرگت متوني/أحمرت أعيوني
لسه ماطابت جروحي البل ظهر
أرحم     بحال   العقيلة    ياشهر,,, آنه زينب
★★★★
ياكفيل/ذكرتك ودمعي أنهدر
ياكفيل/ شلونه  حالك  ياگمر
ياكفيل/ليك   مشتاگ   النظر

ريت المنيه أوياك تاخذني عباس
ولا بيه تتشمت ياخويه الأرجاس
مچتفه بحبال/والشمر لن گال
ها يزينب وينه عباس الگمر
أرحم  بحال  العقيلة  ياشهر,,, آنه زينب
★★★★
ذكريات/ظلت  أشگد   مؤلمه
ذكريات/كلها  مرسومه  بدمه
ذكريات/من علي ومن فاطمه

من زغري چم أمصاب شفت بعيوني
شحچي وشرد للناس  من  يسئلوني
أدعي يوميه/تلفي المنيه
ريت عمري بعد أخوتي لا كثر
أرحم   بحال   العقيلة   ياشهر,,, آنه زينب
★★★★★★★★★★★★
الشاعر (أسعد قاسم الگريعاوي)



✿ مؤسسة منبريون للالحان رقم 1
@ahmed_alziwar1

✿مؤسسة منبريون لنشر القصائد 2
@ahmed_alziwar2

✿مؤسسة منبريون للمقامات3
@ahmed_alziwar3

✿مؤسسة منبريون للنعي4
@ahmed_alziwar5

اكبر كروب لتلحين القصائد

https://telegram.me/joinchat/AAAAAD9pmsoMub22NRYqtA