#قصائد_وفاة_ام_البنين

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

🏴هاي ام البطل بالشدات ينخووها🏴
ــــــــــــــــــــــــــــــــــــــــــــــــــــــــ
كعدية لام البنين ع..


يحسين فكدك خلاني 
ما بين همي وأحزاني
كلبي الحبك ينعاك
وحشة الدنية بلياك
ــــــــــــــــــــــــــــــــــــــــــــــ

يا حسين وداعة اسمك صرنه ايتام بغيابك
انفجعت الدنية بكبرهه تبجي وتنوح لمصابك
انته كل الدنية والله مو سهل نفكد جنابك
ناحت عليك ارض وسمه ..وكلهه تواسي فاطمة
يا ويلي غارك بالدمه.. وميت الموت عله بابك

كل روح ماتت بالحسرة  
وعليك هلت جم عبرة
ياهو اليكدر ينساك            
وحشة الدنية بلياك
ــــــــــــــــــــــــــــــــــــــــــــــ

يصعب فراكك ثواني هوايه دونك حته ليلة
وهالحياة بلايه معنى غدت عكبك مستحيلة
اتمتعت عيني بوجودك وهسه لاجلك دم تسيله
يبن الزجية الطاهرة.. ما ينحمل ذاك الجره
عني الممات اشاخره..ادعي ربي واشتكيله

يا ريت تخلص ايامي       
ويزول همي والامي
صعبه نعيش بذكراك         
وحشة الدنية بلياك
ــــــــــــــــــــــــــــــــــــــــــــــ

انه ضحيت ابنيني فدوة لاجلك ما تهمني
وكل رجائي وامنياتي الله يتقبلهه مني
ليش ولدي تبقه حيه شنهي فرق الزهرة عني
وانه ادري بالزهرة اهم.. كل احنه للبضعة خدم
بكلبي الك حسرة والم.. هو هذا اللي جرحني

حسرات صدري الشايلهه    
اهات مكدر احملهه
امنيتي ارحل وياك          
وحشة الدنية بلياك
ــــــــــــــــــــــــــــــــــــــــــــــ

ما حزنت لولدي لحظة تشهد عليه الليالي
واعظم مصيبة الدهتني مصيبة فراكك يوالي
ريتك تحس بدليلي تشوف شنهي اللي جرالي
عكب الحبيب اللي انفكد.. لا باقي والي ولا ولد
شلي بحياتي انه بعد.. وياهو اليحن عله حالي

ظليت انحب واتحسر     
الروح اتمنت لو تكدر
شلون وتحمل فركاك           
وحشة الدنية بلياك
ــــــــــــــــــــــــــــــــــــــــــــــ


الخادم .. حسين الغالبي



▪️ قناة اليوتيوب الرسمية رابط👇الشترك بالقناة
https://www.youtube.com/channel/UChi9JQ-VKyzhEWL4E0144JQ

▪️قناة اليوتيوب للرادود احمد الزوار
https://www.youtube.com/channel/UC5lXqSGtfVucDzp7yDU2Pgg

▪️كروب الالحان رقم 1
https://tttttt.me/joinchat/Dw92Dj9pmspR5uHfACGjlA
▪️كروب الالحان رقم 2
https://tttttt.me/joinchat/Dw92DkJZ4tvb4YIzJWBWrg