የኡስታዝ አቡ ሀይደር ትምህርቶች ስብስብ

|| ሸዋል እና ስድስቱ የፆም ቀናት ||
በኡስታዝ አቡ ሐይደር

https://youtu.be/Mwnt5LYavac
https://youtu.be/Mwnt5LYavac

||ሸዋል እና ስድስቱ የፆም ቀናት|| በኡስታዝ አቡ ሐይደር #Ehtiopia #ustaz #abu #hayde

Ustaz Abu hyder is an Ethiopian islamic preacher and a teacher in the comparative field. He has many lectures in the comparative religion and has published many articles like The true self of Jesus, about gospel, and many more. He also has a very vast knowledge…

👍2

24.2K views18:29

የኡስታዝ አቡ ሀይደር ትምህርቶች ስብስብ

#የሸዋል ፆም ፍች (ትንሹ ዒድ)
በአቡ ሀይደር
በአላህ ስም እጅግ በጣም ሩኅሩህ በጣም አዛኝ በሆነው
ምስጋና የዓለማት ጌታ ለሆነው ለአላህ የተገባ ነው፡፡ የአላህ ውዳሴና ሰላም፡ የሰላም አለቃና መምህር ለሆኑት ለነቢዩ ሙሐመድ ይሁን፡፡ ድልና የበላይነት ሐቅን ለማንገስና ሀሰትን ለማርከስ፡ በደልን አጥፎቶ ፍትህን ለማስፈን ዕውቀታቸውን፣ ንብረታቸውን፣ ጉልበታቸውን፣ ጊዜያቸውንና ህይወታቸውን መስዋእት በማድረግ ለሚታገሉት የአላህ ባሮች ይሁን፡፡
በተወሰኑ (ሁለት ወይም ሶስት) ብሔሮች ዘንድ ከረመዷን ዒድ (ዒዱል-ፊጥር) ማግስት ጀምሮ ለተከታታይ ስድስት ቀናት የሸዋልን ጾም ይጾሙና ሰባተኛውን ቀን እንደ ዒድ ያከብሩታል፡፡ ምክንያቱን ጠይቄ ለማወቅ እንደሞከርኩት ይህን ይመስላል፡-
የዒዱል-ፊጥር ቀን ደብዘዝ ብሎ በደንብ ሳይሞቅ የምናሳልፈው ቀኑ አንድ ቀን ስለሆነና በነጋታው ተመልሰን ወደ ሸዋል ጾም ስለምንገባ ነው፡፡ ስለዚህ ባሉት ተከታታይ ስድስት ቀናት የሸዋልን ጾም በመጾም ሁለቱንም (ረመዷንንም ሸዋልንም) እንጨርስና ከሰባተኛው ቀን ጀምሮ በደንብ ዒዱን እናከብራለን፡፡ እንበላለን እንጠጣለን፡፡ ጎረቤት፣ ጓደኛ፣ ዘመድ እንጠይቃለን፡፡ ብዙ ቀናቶች አሉንና፡፡
ከዚህ ምክንያት መረዳት እንደሚቻለው ሰዎቹ የዒዱል-ፊጥር ቀን አንድ ቀን ብቻ በመሆኑ በሰፊው ለመብላትና ለመጠጣት፣ ከዘመድ አዝማድ ጋር ለመዘያየር የማይበቃ መሆኑ ነው እንጂ የሸዋል ዒድ አለ ብለን አይደለም የሚል ነው፡፡
ማስተካከያ፡-
1ኛ/ የኢስላም ሃይማኖት እንዳስተማረን ከሁለቱ ዒዶች (ዒዱል ፊጥር እና ዒዱል አድሓ) ውጪ፡ ሙስሊሞች ሌላ ዒድ የላቸውም፡፡ የአላህ መልክተኛ ከደነገጉት ውጪ አዲስ ስርአትን መደንገግ በሃይማኖቱ ላይ መጨመር ነው፡፡ ይህ ደግሞ ቢድዐ ይባላል፡፡ የሸዋል ወር 8ኛው ቀን የሸዋል ፆም መፍቻ ዒድ ቢሆን ኖሮ፡ በዒድ ቀን መፆም ሐራም ነውና በዚህ ቀን አትፁሙ የሚል ትእዛዝ በሐዲሥ በሰፈረ ነበር፡፡ ግን የለም፡፡
2ኛ/ የሸዋል መጀመሪያ ቀን ዒዱል ፊጥር መሆኑ የታወቀ ነው፡፡ ዒድ ደግሞ የመደሰቻ፣ የመብያና የማብያ፣ የእንኳን አደረሳችሁ መልእክት መለዋወጫ ቀን ነው፡፡ ግን በመጀመሪያው ቀን ብቻ ነው መብላትና ማብላት፣ መዘየርና መደሰት የሚቻለው ያለው ማነው? የሸዋልን ሁለተኛና ሶስተኛ ቀናትስ መብላትና ማብላት፣ መዘያየር አይቻልም? ይቻላል፡፡ ስለዚህ ከላይ የቀረበው ምክንያት አጥጋቢ አይደለም፡፡
3ኛ/ የሸዋል ስድስት ቀናት ጾም በመጀመሪያዎቹ የሸዋል ቀናቶች ላይ ብቻ የተገደበ አይደለም፡፡ ሸዋል ሙሉ አንድ ወር 29/30 ነው፡፡ ስለዚህ ከወሩ ውስጥ የሚመቸውን ቀን መርጦ በማከታተልም ሆነ በማፈራረቅ ሸዋልን መጾም ይቻላል፡፡ እናም የደስታውን ቀን ማርዘም የሚፈልግ ከዒዱል-ፊጥር በኋላ ያለውንም ቀን መጠቀም ይቻላል፡፡ በቀሩት ቀናት ደግሞ ሸዋልን መጀመር ይቻላል፡፡
4ኛ/ ከዒዱል-ፊጥር ማግስት ጀምሮ ያሉትን ተከታታይ ስድስት ቀናት የጾመ ቤተሰብ በቀጣዩ ቀን በመብላትና ቀኑን እንደ ዒድ ቆጥሮ ሲያሳልፈው፡ ከመሐከላቸው አንድ ሰው ጾሙን ባለመጨረሱ (ቀዷእ ቢኖርበት ወይም ዘግይቶ ቢጀምር) እነሱ የሚበሉበትን ቀን ቢጾመው የቤተሰቡ አካላት ይቃወሙታልን? በዒድ ቀን እንዴት ትበላለህ ይሉታልን? አዎ! ከሆነ ምላሹ፡ ሰዎቹ ቀኑን ዒድ አድርገው ይዘውታል ማለት ነው፡፡ ይህ ደግሞ በዲነል-ኢስላም ላይ የተጨመረ ፈጠራ ‹‹ቢድዓህ›› ይባላል፡፡ አላህና መልክተኛው ከዒዱል-ፊጥር እና ከዒዱል አድሓ ውጪ የበዓል ቀን አልደነገጉልንም፡፡ የሸዋል ዒድ የሚባለው መሰረት የለውም እና እንደ-ዒድ አድርገው የሚይዙ ሰዎችን ቢድዓ መሆኑን ማስተማርና ማስገንዘብ ይጠበቅብናል፡፡
4. ሌላው ሊታወቅ የሚገባው ነገር ቢኖር፡- ከዒዱል ፊጥር ማግስት ጀምሮ በተከታታይ የሸዋልን ስድስት ቀናት የጾመ ሰው በቀጣዩ ቀን መብላት መጠጣት አይችልም ማለት አይደለም፡፡ ሰውየው ጾሙን እስካጠናቀቀ ድረስ መብላት መጠጣት ይችላል፡፡ ዋናው ነገር በቀኑ ላይ ሲበላም ሆነ ሲጠጣ ቀኑን ዒድ ነው ብሎ እንዳይመለከተውና እንደ-ዒድ አድርጎ እንዳይዘው ነው፡፡ የዒዱል-ፊጥር ቀንንም በአግባቡ ሊያከብረው ይገባል፡፡ ወላሁ አዕለም፡፡
Click and Like ➤➤ https://www.facebook.com/Ustaz.Abuhyder
Join ➤➤ t.me/abuhyder

Facebook

See posts, photos and more on Facebook.

27.3K views12:17

የኡስታዝ አቡ ሀይደር ትምህርቶች ስብስብ

📚አዲስ ትምሕርት "ኪታብ ኡሱሉል_ኢማን" ክፍል 20 🎙 አዘጋጅ⇊ በኡስታዝ አቡ ሀይደር Mp3 ዳውሎድ ለማድረግ Join ➤➤ t.me/abuhyder Click and Like ➤➤ https://www.facebook.com/Ustaz.Abuhyder

Audio

📚አዲስ ትምሕርት
"ኪታብ ኡሱሉል_ኢማን" ክፍል 22

🎙 አዘጋጅ⇊
በኡስታዝ አቡ ሀይደር

Mp3 ዳውሎድ ለማድረግ
https://bit.ly/3bHj8i4

Join ➤➤ t.me/abuhyder
Click and Like ➤➤ https://www.facebook.com/Ustaz.Abuhyder

20K viewsedited 20:08

የኡስታዝ አቡ ሀይደር ትምህርቶች ስብስብ

1:38

Media is too big

VIEW IN TELEGRAM

አሏህ የሚለው የአሏህ ስም አስደናቂ ትንታኔ በኡስታዝ አቡ ሐይደር⬇
https://youtu.be/Wfjcvm9bDbY
https://youtu.be/Wfjcvm9bDbY

❤1👍1

22K views20:21

የኡስታዝ አቡ ሀይደር ትምህርቶች ስብስብ

📚አዲስ ትምሕርት "ኪታብ ኡሱሉል_ኢማን" ክፍል 22 🎙 አዘጋጅ⇊ በኡስታዝ አቡ ሀይደር Mp3 ዳውሎድ ለማድረግ https://bit.ly/3bHj8i4 Join ➤➤ t.me/abuhyder Click and Like ➤➤ https://www.facebook.com/Ustaz.Abuhyder

Audio

📚አዲስ ትምሕርት
"ኪታብ ኡሱሉል_ኢማን" ክፍል 23

🎙 አዘጋጅ⇊
በኡስታዝ አቡ ሀይደር

Mp3 ዳውሎድ ለማድረግ
https://bit.ly/344cKgp

Join ➤➤ t.me/abuhyder
Click and Like ➤➤ https://www.facebook.com/Ustaz.Abuhyder

21.8K viewsedited 20:21

የኡስታዝ አቡ ሀይደር ትምህርቶች ስብስብ

📚አዲስ ትምሕርት "ኪታብ ኡሱሉል_ኢማን" ክፍል 23 🎙 አዘጋጅ⇊ በኡስታዝ አቡ ሀይደር Mp3 ዳውሎድ ለማድረግ https://bit.ly/344cKgp Join ➤➤ t.me/abuhyder Click and Like ➤➤ https://www.facebook.com/Ustaz.Abuhyder

Audio

📚አዲስ ትምሕርት
"ኪታብ ኡሱሉል_ኢማን" ክፍል 24

🎙 አዘጋጅ⇊
በኡስታዝ አቡ ሀይደር

Mp3 ዳውሎድ ለማድረግ
https://bit.ly/3oLauEm

Join ➤➤ t.me/abuhyder
Click and Like ➤➤ https://www.facebook.com/Ustaz.Abuhyder

👍2🥰1

20.8K viewsedited 03:07

የኡስታዝ አቡ ሀይደር ትምህርቶች ስብስብ

📚አዲስ ትምሕርት "ኪታብ ኡሱሉል_ኢማን" ክፍል 24 🎙 አዘጋጅ⇊ በኡስታዝ አቡ ሀይደር Mp3 ዳውሎድ ለማድረግ https://bit.ly/3oLauEm Join ➤➤ t.me/abuhyder Click and Like ➤➤ https://www.facebook.com/Ustaz.Abuhyder

Audio

📚አዲስ ትምሕርት
"ኪታብ ኡሱሉል_ኢማን" ክፍል 25

🎙 አዘጋጅ⇊
በኡስታዝ አቡ ሀይደር

Mp3 ዳውሎድ ለማድረግ
https://bit.ly/3vvQqby

Join ➤➤ t.me/abuhyder
Click and Like ➤➤ https://www.facebook.com/Ustaz.Abuhyder

21.8K viewsedited 03:07

የኡስታዝ አቡ ሀይደር ትምህርቶች ስብስብ

የኡስታዝ አቡ ሀይደር ትምህርቶች ስብስብ

https://play.google.com/store/apps/details?id=so.ateya.ahmed.twheed

ይህን ሊንክ በመጫን ከፕሌይ ስቶር ስር አውርዱት
"ኪታቡ ተውሒድ"

ሊንኩ ላይ ዳውንሎድ ካልሆነላችሁ እዚ ፋይሉን ማውረድ ትችላላችሁ 🌹

👍2

32.9K viewsedited 12:28

የኡስታዝ አቡ ሀይደር ትምህርቶች ስብስብ

አሰላሙ ዐለይኩም ወራሕመቱላሂ ወበረካቱሁ

ውድና የተከበራችሁ ወንድምና እሕቶቼ!

አምላካችን አላህ ፈቃዱ ከሆነ: በረመዷን ወር ተቋርጦ የነበረውን የቀጥታ ስርጭት ፕሮግራም ማታ 3:30 እንቀጥላለን ኢንሻአላህ።

33.7K views13:23

የኡስታዝ አቡ ሀይደር ትምህርቶች ስብስብ

«መጅሊስ ዋጋ የከፈልኩበት ተቋሜ ነው»
🔥🔥🔥🔥🔥🔥🔥🔥🔥🔥🔥🔥🔥🔥
★ T.me/ahmedin99

ነገ ጠዋት ከ 3 ሰዓት ጀምሮ «መጅሊስ ዋጋ የከፈልኩበት ተቋሜ ነው» በሚል በርካታ የአዲስ አበባ ሙስሊሞች ከጦርሃይሎች በላይ ሆላንድ ኢንባሲ ጋር በሚገኘው የፌደራል መጅሊስ ቅጥር ጊቢ በመገኘት የመጅሊስ አመራሮች የተሰጣቸውን ህዝባዊ አማና በተመለከተ ጥያቄ ለማቅረብ መዘጋጀታቸው ታውቋል። ከሚያነሷቸው ጥያቄዎችና ሀሳቦች መካከል:

1) «አማናችሁን በ6 ወራት እንድትወጡ ተሰጥቷችሁ ከ 2 ዓመታት በላይ ባለመወጣት ህዝበ ሙስሊሙን የበደላችሁበት ምክንያት በግልጽ ንገሩን»፣

2) «የመጅሊስ ምርጫ ቁርጥ ቀኑ ይነገረን»፣

3) «መጅሊስ የህዝበ ሙስሊሙ እንጂ የግለሰቦች አይደለም»

4) ፣«ሕዝበ ሙስሊሙን የበደሉት የመጅሊስ አባላት በአስቸኳይ ለፍርድ ይቅረቡ»፣

5) «የጠቅላላ ጉባኤውን ዉሳኔ ያደናቀፉ አካላት በአስቸኳይ ለህግ ይቅረቡልን»

6) ፣«የፌደራል መጅሊስ የክልል መጅሊሶችን ተወካይ ሆኖ ሳላ ስለምን ከነርሱ ፍላጎት በተቃራኒ ቆመ?»

7) በ2004 ህዝበ ሙስሊሙ ለመብቱ ሲታገል የትግሉ መነሻ የሆነውን የአወሊያ ተቋምን መጅሊስ በማዳከም ለማፈራረስ የጀመረው ተግባር በአስቸኳይ ይቁም»

8) ፣ «እኛ ሙስሊሞች ነን።ሱፊ-ሰለፊ ጫወታ አይመለከተንም። መጫወት የፈለገም አካል ዋጋ በከፈልንበት ተቋማችን ሳይሆን በቤቱ ሄዶ ይጫወት»፣

9)«ህዝበ ሙስሊሙ ላይ እየደረሰ ላለው ትንኮሳ የፌደራል መጅሊስ ሚናውን ካለመወጣት አልፎ ተባባሪ ነው እስክንል ድረስ እየበደለን በመሆኑ ከተጠያቂነት አያመልጥም»፣

10) «በሀጅና በፋይናንስ ክፍል ሆነው ህዝበ ሙስሊሙን ለዓመታት የዘረፉ የቀድሞ የመጅሊስ አባላትን በህግ ተጠያቂ ማድረግ ሲገባችሁ ከተባረሩበት መልሳችሁ እንዴት ሾማችሁ?»፣

11) «ከህወሃት መራሹ መንግስት ጋር ዉድ ዋጋ ከፍለን የታገልነው መጅሊስ የናንተ መጫወቻ እንዲሆን አይደለም»፣

12) «ዑለማ ሆናችሁ በቃል በመገኘትና አማናን በመጠበቅ ለህዝቡ ምሳሌ መሆን ሲገባችሁ እንዴት የዑለማን ስም የሚያሰድብ ተግባር ትፈጽማላችሁ? »፣

13) አህለል ከይሮች እንስራ በማለት እየለመኑ ጭምር ሲጠይቁ መስጊዱ እንዲሰራ ፈቃደኛ ባለመሆን የነጃሺ ኢስላማዊ ማዕከልን መሬት ለማስነጠቅ የጀመራችሁት አካሄድን በአስቸኳይ በማቆም እንዲገነባ ይደረግ።

14) የተሰጣችሁን አማናንን ቶሎ እንወጣ በማለታቸው በሌላችሁ ስልጣን ቦርዱን በማገዳችሁ በይፋ ይቅርታ ጠይቁ። ወደ መጅሊስ እንዳይገቡ ያዘዘው አካል ላይ በአስቸኳይ እርምጃ ይወሰድበት።

15) «መጅሊስ በአስቸኳይ ህወሃት ካሰማራቸው ካድሬዎችና ተላላኪዎች ነፃ የሆነ ህዝባዊ ተቋም እንዲሆን እንጠይቃለን»፣«የሚሉ ይገኙበታል።

የዑለማ ምክር ቤት አባላት ነገ ወደ ቢሮ እንደሚገቡ የታወቀ ሲሆን በቢሮዋቸው ሳይገኙ የሚቀሩ ከሆነ ሰኞ እለት ጀምሮ በመጅሊስና በመኖሪያ ቤቶቻቸው በመመላለስ ጥያቄ ለማቅረብ መታሰቡ ታውቋል። የመጅሊስ ጉዳይ ይመለከተኛል፣ «ተቋሜን አሳልፌ አልሰጥም» የሚል የአዲስ አበባ ሙስሊም በስፍራው ሲገኝ ጥያቄዎቹን በኢስላማዊ አደብ በሰላማዊ መንገድ ብቻ ማቅረብ እንደሚገባው አሳስበዋል።

28.9K views21:00

የኡስታዝ አቡ ሀይደር ትምህርቶች ስብስብ

ሱብሐነላህ ሲገርም!!

ቢስሚላህ ወሶላቱ ወሰላሙ ዐላ ረሱሊላህ

عندما نخاف من شخص نهرب منه. و عندما نخاف الله نقترب منه

عندما نطلب حاجة من شحص ننزل رؤوسنا. عندما نطلب من الله نرفع رؤوسنا للسماء سبحانه الله ما اكرمه.

አንድን ሰው ስንፈራው ከሱ እንሸሻለን። አላህን ስንፈራው ግን ወደሱ እንቀርባለን።

ከሆነ ሰው ጉዳያችንን ይፈፅምልን ዘንድ እርዳታን ስንጠይቅ እራሳችንን ዝቅ እናደርጋለን። ከአላህ የምንፈልገውን ነገር ለማግኘት ሲሆን ግን እጃችንን ራሳችንንም ወደ ሰማይ ቀና እናደርጋለን።

ጌታችን ምንኛ ቸር ነው!! ሱብሐነከ ያ ከሪም!

Join ➤➤ t.me/abuhyder
Click and Like ➤➤ https://www.facebook.com/Ustaz.Abuhyder

30K views13:08

የኡስታዝ አቡ ሀይደር ትምህርቶች ስብስብ

10:21

Media is too big

VIEW IN TELEGRAM

መልእክት ከኡስታዝ አቡ ሀይደር 👆

👍1

26.4K views02:41

የኡስታዝ አቡ ሀይደር ትምህርቶች ስብስብ

እውርን እውር ቢመራው….
በአቡ ሀይደር
በአላህ ሥም እጅግ በጣም ሩኅሩህ በጣም አዛኝ በሆነው፡፡
ክብርና ምስጋና ለዓለማቱ ጌታ ለአላህ የተገባ ይሁን (አል-ፋቲሓ 2)፡፡ የአላህ ሰላምና ውዳሴ የሰው ዘር ታላቅ መሪ ለሆኑት ለነቢዩ ሙሐመድ (አል-አሕዛብ 56) ለመላው የአላህ መልክተኞች (አል-ሷፍፋት 181) የሐቅንም መንገድ በተከተለ ሁሉ ላይ ይሁን (ጣሀ 47)፡፡
ከላይ ስክሪን ሹት የተደረገውን ጽሑፍ ካነበባችሁት፡ አንዷ ክርስቲያን (ስሟን የሙስሊም አካውንት ያደረገች) የለጠፈችው ነው፡፡ እኔም ዋና ትኩረት ያደረግሁት እሳ ለለጠፈችው መልስ መስጠቱ ላይ ሳይሆን፡ ምን እየተደረገ እንዳለ ልጠቁማችሁ ነው፡፡ ወደ ገደለው…..
1ኛ/ ከላይ ሐዲሥ ተብሎ የቀረበው ተረት-ተረት ፈጽሞውኑ የሐዲሥ መጻሕፍት ላይ የለም፡ አይገኝምም፡፡ ይህ የኢስላም ጠላቶች ያቀነባበሩት ዐረብኛ ነው፡፡ ከሐዲሥ ላይ የሶሓቢዩን ሥም፣ የመልክተኛውን ሥም ይወስዱና፡ ከዚያም ከመጽሐፍ ቅዱስ አንድን ቃል በመውሰድ፡ ቀሪውን ከዐረብኛ ቋንቋ ዘርፈው በማዳቀል የደረሱበት ከንቱ ልፋት ነው፡፡ እንዴት እንደሆነም በቁጥር ሶስት ላይ አብራራዋለሁ፡፡
2ኛ/ ለሐዲሡ ምንጭ የጠቀሱ ለመምሰል፡ ዑምደቱል-አሕካም የሚል ሥም ሰጥተውታል፡፡ ጥራዝና ገጹም ተጠቅሷል፡፡ የሐዲሱ ቁጥር ግን ተዘልሏል፡፡ ምክንያቱም ቁጥር ከተጠቀሰ በቀላሉ ቅጥፈታቸው ስለሚጋለጥ፡ እሱን ባላየ አልፈውታል፡፡
3ኛ/ ይህ ሐዲሥ ተብዬ ፈጽሞ ምንም መሠረት የሌለው፡ እንኳን ሶሒሕ ሐዲሥ ሊሆን ይቅርና ዶዒፍ ሊሆን እንኳ መስፈርቱ ያልተሟላለት፡ ከላይ በተጠቀሰው መጽሐፍ ላይም ሆነ በሌሎች የሐዲሥ መጻሕፍት ውስጥ ፈጽሞ የማይገኝ፡ ነገር ግን
http://kontra-balik-islam.blogspot.ae/
2017/06/si-satanas.html እዚህ ሊንክ ውስጥ ባለው መሠረት እዚሁ የተፈበረከ ቅጥፈት መሆኑን ቀጥሎ ባሉት መረጃዎች ማወቅ ይቻላል፡-
ሀ/ ሐዲሡ ሲጀምር ‹‹ረዋሁ አነስ ኢብኑ ማሊክ›› ይላል፡፡ እኔ የምለው፡- ከመቼ ጀምሮ ነው የሐዲሥ ጅማሬ ላይ ረዋሁ ፉላን መባል የተጀመረው? የሐዲሥ መጻሕፍትን ካያችሁ ይህ ‹ረዋሁ› የሚለው ቃል የሚጠቀሰው በሐዲሡ መጨረሻ ላይ እንጂ፡ ጅማሬው ላይ አይደለም፡፡ እነዚህ ለፊዎች ግን ከየት ያመጡት ሐዲሥ ቢሆን ነው ሲጀምር ‹ረዋሁ› ብሎ የጀመረው?
ለ/ ‹‹ሰሚዕቱ ሚን ረሱል ሶለላሁ ዐለይሂ ወሰለም አነሁ ይልና ካነላሁ›› ብሎ ይቀጥላል፡፡ የእንግሊዘኛውን ትርጉም ብትመለከቱት ‹‹"I heard from the Apostle of Allah (Peace and blessing be upon him) that he said "Allah was ›› ይላል፡፡ that he said የሚለው የእንግሊዘኛው ትርጉም ከየት የተወሰደ ነው? ከዐረብኛው ከሆነ ዐረብኛው ላይ እንደዛ የሚል ቃል የለም፡፡ ወይስ አላህ ሊያጋልጣቸው ሲፈልግ፡ እነሱ ሲያቀናብሯት የዘለሏት ነች?
ሐ/ በጣም የሚደንቀው ደግሞ ‹‹ሚላክ›› የሚለው ቃል መጠቀሱ ነው፡፡ በቁርኣንም ሆነ በሐዲስ የአላህ መልአክ በዐረብኛው ‹መለክ› ለብዙ ከሆነ ደግሞ ‹መላኢከህ› ተብሎ እንጂ፡ ሚላክ ተብሎ ተጠቅሶ አያውቅም፡፡ አልለ የሚል ሰው ማስረጃ ይዞ መቅረብ ይችላል፡፡ እንደውም ‹ሚላክ› የሚለው ቃል የሚመጣው፡ የነገሮች ሁሉ ዋና፡ ሁሉንም የሚቆጠጠር በሚለው ትርጉም ነው፡፡ እዚህ ሐዲሥ ተብዬው ላይ ግን angel ለሚለው የእንግሊዘኛ ትርጉም ዐረብኛው ላይ ሚላክ ብሎት እርፍ፡፡ ደስ የሚለው ግን ‹ሚላክ› የሚለውን ቃል ለመልአክ የሚጠቀመው መጽሐፍ ቅዱስ ሆኖ መገኘቱ ነው፡
ﻭَﻓِﻲ ﺍﻟﺸَّﻬْﺮِ ﺍﻟﺴَّﺎﺩِﺱِ ﺃُﺭْﺳِﻞَ ﺟِﺒْﺮَﺍﺋِﻴﻞُ ﺍﻟْﻤَﻼَﻙُ ﻣِﻦَ ﺍﻟﻠﻪِ ﺇِﻟَﻰ ﻣَﺪِﻳﻨَﺔٍ ﻣِﻦَ ﺍﻟْﺠَﻠِﻴﻞِ ﺍﺳْﻤُﻬَﺎ ﻧَﺎﺻِﺮَﺓُ
In the sixth month the angel Gabriel was sent from God to a city of Galilee named Nazareth, luke 1:26
ﻭَﺍﻛْﺘُﺐْ ﺇِﻟَﻰ ﻣَﻼَﻙِ ﺍﻟْﻜَﻨِﻴﺴَﺔِ ﺍﻟَّﺘِﻲ ﻓِﻲ ﺳَﺎﺭْﺩِﺱَ : ‏« ﻫَﺬَﺍ ﻳَﻘُﻮﻟُﻪُ ﺍﻟَّﺬِﻱ ﻟَﻪُ ﺳَﺒْﻌَﺔُ ﺃَﺭْﻭَﺍﺡِ ﺍﻟﻠﻪِ ﻭَﺍﻟﺴَّﺒْﻌَﺔُ ﺍﻟْﻜَﻮَﺍﻛِﺐُ . ﺃَﻧَﺎ ﻋَﺎﺭِﻑٌ ﺃَﻋْﻤَﺎﻟَﻚَ، ﺃَﻥَّ ﻟَﻚَ ﺍﺳْﻤﺎً ﺃَﻧَّﻚَ ﺣَﻲٌّ ﻭَﺃَﻧْﺖَ ﻣَﻴِّﺖٌ .
"And to the angel of the church in Sardis write: 'The words of him who has the seven spirits of God and the seven stars. "'I know your works. You have the reputation of being alive, but you are dead. Revelation 3፡1
ታዲያ የሐዲሡ ቅንብር ከነዚሁ ሰፈር አይመስላችሁምን?
መ/ የሐዲሥ ተብዬው መጨረሻ ላይ ‹‹ወአና-ነቢይ›› ይላል፡፡ እንግሊዘኛው ላይ ደግሞ፡- ‹‹I' am his prophet›› ተብሏል፡፡ የዐረብኛው ትርጉም ግን እኔ ነብይ ነኝ ነበር፡፡ እንግሊዘኛው ግን እኔ የሱ ነቢይ ነኝ ይላል፡፡ የሱ የሚለውን ተወላጠስም የሚያመለከት ነገር ዐረብኛው ላይ የለም፡፡ ይህ በቅንብር ወቅት ያመለጣቸው ስህተት ነው፡፡
ድብቁ ዓላማ፡-
እነዚህ የኢስላም ጠላቶች በሐዲሥ ላይም ሆነ በቁርኣን አንድን ጥያቄ ሲያነሱ፡ ዓላማቸው ያልገባቸው ነገር ኖሮ፡ ለማወቅና ለመረዳት ሳይኾን፡ ዕውቀቱ በሌለውና ኢማኑ ደካማ በኾነው ሰው ላይ ጥርጣሬን ለመፍጠር ነው፡፡ በዚህ መሐል እውነቱን ማወቅ የሚሹ ወገኖች ግን በሚሰጠው መልስ የመምህራኖቻቸውን ቅጥፈትና የኢስላምን እውነት ይረዱበታል፡፡ አማኞችም በእምነታቸው ይጠነክሩበታል፡፡ አዲስ ዕውቀትንም ይገበዩበታል፡፡ እኛም አቅማችን በቻለ መጠን ለምላሹ የምንለፋው ይህን ታሳቢ በማድረግ እንጂ፡ ለሁሉም ግለሰብ መልስ መስጠቱ ተገቢ ነው ብለን አምነንበት አይደለም፡፡
ወገኖቻችን ሆይ!፡-
ፈጣሪ አምላካችሁ አላህ፡ በመልአክ ቅርጽ ያለ ሰይጣን ሳይኾን፡ የመላእክትና የሰይጣናት ፈጣሪና አምላካቸው ነው፡፡ አላህ መላእክትን፣ ጂንኒዎችን፣ ሰዎችን፣ እንሰሳትን፣ ነፍሳትን፣ በራሪዎችን፣ እጽዋትንና ግኡዛን ፍጥረታትን በጠቅላላ ብቻውን ያለ-ረዳት እና ያለ አማካሪ የፈጠረ አምላክ ነው፡፡ ሰይጣናትም ሆኑ መላእክት ፍጥረትና ግኝት በመሆናቸው ከአምልኮ ምንም ድርሻ የላቸውም፡፡ ዛሬ በፍጹም ጥላቻ የተሞላ ልብ ይዛችሁ፡ በጥፋት መምህራኖቻችሁ እየተመራችሁ፡ አምላካችሁን ብትክዱና ብትሳደቡም፡ በፍርዱ ቀን ግን ማንም ነቢይ ሆነ መልአክ ከአላህ ቁጣ አያድናችሁም፡፡ ጊዜው ሳያልፍባችሁ ቶሎ ብላችሁ ወደ አምላካችሁ አላህ መንገድ ተመለሱ፡፡ ይህ አምላክ፡- በፍጹማዊ አንድነቱ ልዩ ሶስትነት የሌለበት፣ በፍጹም መለኮታዊ ባሕሪው፡ ሰዋዊነት ያልታየበት፣ በዘላለማዊ ሕያውነቱ ለቀናት እንኳ ያልሞተና ያላንገላጀ፣ በአንተነቱ ብቻ የሚለመንና የሚጥጠራ፣ በእሱነቱ እንጂ በእነሱነቱ ለሰው የማይሰበክ፣ በእኔነቱና በእኛነቱ እራሱን የሚገልጥና የሚናገርቨ ስእልና ምስል ተበጅቶለት በሽማግሌ ቅርጽ በመጽሐፍ ጀርባ ላይ የማይለበድ የኾነ አንድ አምላክ ነው፡፡

👍3

25.7K views20:24

የኡስታዝ አቡ ሀይደር ትምህርቶች ስብስብ

"የመጽሐፉ ባለቤቶች ሆይ! በእኛና በእናንተ መካከል ትክክል ወደ ኾነች ቃል ኑ፡፡ (እርሷም) አላህን እንጅ ሌላን ላንገዛ፣ በርሱም ምንንም ላናጋራ፣ ከፊላችንም ከፊሉን ከአላህ ሌላ አማልክት አድርጎ ላይይዝ ነው፤ በላቸው፡፡ እምቢ ቢሉም፡- እኛ ሙስሊሞች መኾናችንን መስክሩ በሏቸው፡፡" (ሱረቱ አሊ-ዒምራን 3፡64)፡፡
ወሰላሙ ዐለይኩም ወራሕመቱላህ
Click and Like ➤➤ https://
www.facebook.com/Ustaz.Abuhyder
Join ➤➤ t.me/abuhyder

25K views20:24

የኡስታዝ አቡ ሀይደር ትምህርቶች ስብስብ

የዱዓእ አዳቦች (ስነ-ስርአት)
በ አቡ ሀይደር
በአላህ ስም እጅግ በጣም ሩኅሩህ በጣም አዛኝ በሆነው
ምስጋና የዓለማት ጌታ ለሆነው ለአላህ የተገባ ነው፡፡ የአላህ ውዳሴና ሰላም፡ የሰላም አለቃና መምህር ለሆኑት ለነቢዩ ሙሐመድ ይሁን፡፡ ድልና የበላይነት ሐቅን ለማንገስና ሀሰትን ለማርከስ፡ በደልን አጥፎቶ ፍትህን ለማስፈን ዕውቀታቸውን፣ ንብረታቸውን፣ ጉልበታቸውን፣ ጊዜያቸውንና ህይወታቸውን መስዋእት በማድረግ ለሚታገሉት ይሁን፡፡
"አድ-ዱዓእ" (ተማጽኖ):- ልብ ከመላስ ጋር በመጣመር ከሚፈጸሙ የዒባዳ ዘርፎች ውስጥ የሚመደብና ተቀዳሚ ተግባርም ነው፡፡ ዱዓእ በዱዓነቱ ብቻ ለባለቤቱ አጅር ያስገኛል፡፡ ሶላት የሰገደ በሶላቱ፣ ዘካት ያወጣ በዘካው፣ ሶደቃህ የሰጠ በሶደቃው አጅር እንደሚያገኘው እጁን ወደላይ አንስቶ ያ አላህ! ያ ረቢ! የሚል፡ ጌታውን የሚማጸን ባርያም የዱዓውን ምላሽ ወዲያው ቢያገኝ፡ ወይም ምላሹ ቢዘገይ እንኳ በዱዓው ብቻ አጅርን ያገኛል፡፡ ምክንያቱም ዱዓእ ዒባዳ (አምልኮ) ነውና! ዱዓእ ከዒባዳ ዘርፎች ውስጥ እንደሚካተት የሚያመላክቱ ቅዱስ ቁርኣናዊና ነቢያዊ ሐዲሦች አሉ፡፡ ከነዚህም መካከል፡-
" وَقَالَ رَبُّكُمُ ادْعُونِي أَسْتَجِبْ لَكُمْ إِنَّ الَّذِينَ يَسْتَكْبِرُونَ عَنْ عِبَادَتِي سَيَدْخُلُونَ جَهَنَّمَ دَاخِرِينَ " سورة غافر 60
"ጌታችሁም አለ፦ ለምኑኝ እቀበላችኋለሁና፤ እነዚያም እኔን ከመገዛት የሚኮሩት ተዋራጆች ሆነው ገሀነምን በእርግጥ ይገባሉ።" (ሱረቱ ጋፊር 60)፡፡
በዚህ አንቀጽ ላይ ጌታችን ይቀበለን ዘንድ እንድለምነው ካዘዘን በኋላ፡ ጀሀነምን ግን እኔን ከመገዛት ለኮሩት ነች አለ እንጂ፡ እኔን ከመለመን ለኮሩት አላለም፡፡ ይህም አላህን መለመን እርሱን መገዛት፤ አላህን ከመለመን መሸሽ እሱን ከመገዛት መኩራት መሆኑን ፍንትው አድርጎ ያስረዳናል፡፡ ስለሆነም ዱዓእ የአምልኮ አካል ነው፡፡ በተለይ ጉዳዩን ይበልጥ ግልጽ የሚያደርገው ተከታዩ የነቢያችን (ዐለይሂ ሶላቱ ወስ-ሰላም) ሐዲሥ ነው፡-
ኑዕማን ኢብኑ በሺር(ረዲየላሁ ዐንሁ) እንዳስተላለፈልን የአላህ መልክተኛ (ሶለላሁ ዐለይሂ ወሰለም) እንዲህ አሉ፡- "ዱዓእ እራሱ ዒባዳህ ነው፡፡" ከዛም ይህን አንቀጽ አነበቡ፡ ‹‹"ጌታችሁም አለ፦ ለምኑኝ እቀበላችኋለሁና፤ እነዚያም እኔን ከመገዛት የሚኮሩት ተዋራጆች ሆነው ገሀነምን በእርግጥ ይገባሉ››" (አሕመድ 18933፣ቲርሚዚይ 3247፣ አቡ ዳዉድ 1479፣ኢብኑ ማጀህ 3828፣ሐኪም አል-ሙስተድረክ 1802)፡፡
ዱዓእ፡- አላህ ዘንድ እጅግ የተከበረ ነው፡- አቢ ሁረይራህ(ረዲየላሁ ዐንሁ) እንዳስተላለፈው የአላህ መልክተኛ(ሶለላሁ ዐለይሂ ወሰለም) እንዲህ አሉ፡- "ከዱዓእ የበለጠ ሁኖ አላህ ዘንድ የተከበረ ምንም ነገር የለም" (አሕመድ 8733፣ቡኻሪይ፡ አደቡል ሙፍረድ 712፣ኢብኑ ማጀህ 3829፣ቲርሚዚይ 3370)፡፡
- ዱዓእ፡- አላህ የሚወደው ተግባር ነው፡- ዐብዱላህ ኢብኑ-መስዑድ (ረዲየላሁ ዐንሁ) ከአላህ መልክተኛ (ሶለላሁ ዐለይሂ ወሰለም) ሰምተው እንደነገሩን፡- "አላህን ከችሮታው (ከጸጋዎቹ) ለምኑት፤ አላህ መልለመንን ይወዳልና" (ቲርሚዚይ 3571፣አሕመድ 8050)፡፡
- ዱዓእ፡- የአላህን ቁጣ ይከላከላል፡- አቢ ሁረይራህ(ረዲየላሁ ዐንሁ) እንዳስተላለፈው የአላህ መልክተኛ (ሶለላሁ ዐለይሂ ወሰለም) እንዲህ አሉ፡- "አላህን የማይለምን ሰው አላህ ይቆጣበታል" (ቡኻሪይ፡ አደቡል ሙፍረድ 658፣ ቲርሚዚይ 3373)፡፡ ከቁጣው መትረፍ የፈለገ ሰው በዱዓእ ይበርታ፡፡
- ዱዓእ፡- የተወኩል መገለጫ ነው፡፡ አላህን ሁሌም የሚማጸን ሙስሊም በአላህ ላይ ያለው ተወኩል ጠንካራ መሆኑን ያሳያል፡፡ ምክንያቱም ማንም ሰው አንድን ነገር የሚጠጋው በዛ ነገር ላይ እምነት ሲኖረው ነው፡፡ የተጠራጠረውን ነገር ግን ይሸሸዋል እንጂ አይቀርበውም፡፡ አንድ ሙስሊም አላህ ለሱ የተሻለውን እንደሚመርጥለትና እንደሚያግዘውም ስለሚያውቅ ወደ አላህ ከመጠጋትና አላህን ከመማጸን አይቦዝንም ማለት ነው፡፡
- ዱዓእ፡- የድክመት ማጥፊያ መሳሪያ ነው፡- ከሰዎች መሐል ሰነፍ መባልን የማይፈልግ በዱዓእ ላይ ይበርታ፡፡ ዱዓእ ጉልበትን፣ ገንዘብን፣ የተራዘመ ወቅትን፣ ወይም የተወሰነ ቦታና ሰዓትን ወጪ ማድረግ አይጠይቅም፡፡ በማንኛውም ሰዓትም ሆነ በየትኛውም ቦታ ላይ ብንሆን ከልብ የወሰነና ከአላህ ተስፋ ያደረገ ኒያን ብቻ ነው የሚፈልገው፡፡
አቢ ሁረይራህ (ረዲየላሁ ዐንሁ) እንዳስተላለፈው የአላህ መልክተኛ (ሶለላሁ ዐለይሂ ወሰለም) እንዲህ አሉ፡- "ከሰዎች ሁሉ ደካማ ማለት በዱዓእ ላይ የሰነፈ ሰው ነው" (ኢብኑ ሒባን፡ አልባኒይ ሶሒሕ ብለውታል አስ-ሶሒሐህ 601)፡፡
- ዱዓእ፡- የማይሻር ዋስትና አለው፡፡ ማንኛውም ሙስሊም ሁለት እጁን አንስቶ ወደ አላህ ያ ረብ! ብሎ ከተጣራ፣ በወንጀልና ዝምድና መቁረጥ ላይ እስካልለመነ ድረስ ዱዓው በፍጹም ተመላሽ አይሆንም፡፡
አቢ ሁረይራህ (ረዲየላሁ ዐንሁ) እንዳስተላለፈው የአላህ መልክተኛ (ሶለላሁ ዐለይሂ ወሰለም) እንዲህ ሲሉ ሰማሁ አለ፡- "ማንም ሰው ከወንጀልና ዝምድና መቁረጥ ውጪ ባለ ነገር አላህን አይማጸንም፡ አላህ የጠየቀውን ነገር የሰጠው፡ ወይንም በምትኩ እንደ ዱዓው መጠን ክፉ ነገርን የሚከላከልለት ቢሆን እንጂ" (ቲርሚዚይ 3381)፡፡
- ዱዓእ፡- ቀደርን ይመልሳል፡፡ አላህ እንዲሆን የወሰነው ነገር ተፈጻሚ ከመሆን የሚያግደው ምንም ነገር የለም ከዱዓእ በስተቀር፡፡ ይህም የዱዓእን ተጽእኖ ፈጣሪነት አጉልቶ ያሳያል፡፡
ሠውባን (ረዲየላሁ ዐንሁ) እንዳስተላለፈው የአላህ መልክተኛ (ሶለላሁ ዐለይሂ ወሰለም) እንዲህ አሉ፡- "ቀደርን ዱዓእ እንጂ ሌላው አይመልሰውም" (አሕመድ 22386፣ኢብኑ ማጀህ 90፣ቲርሚዚይ 2139)፡፡
የምእመናን እናት አዒሻ (ረዲየላሁ ዐንሃ) እንደነገረችን የአላህ መልክተኛ (ሶለላሁ ዐለይሂ ወሰለም) እንዲህ አሉ፡- "ጥንቃቄ ከቀደር አያስጥልም፡፡ ዱዓእ ግን ለወረደም ላልወረደም (በላእ) ይጠቅማል፡፡ ከላይ በላእ ይወርዳል፤ ዱዓእ ደግሞ ይወጣል፤ ይገናኙና እስከ-ቂያም ቀን ድረስ ይታገላሉ" (ሐኪም አል-ሙስተድረክ 1813)፡፡
የሐዲሡ መልእክት፡- በሰዎች አመጽ ምክንያት ሊመጣባቸው የነበረው በላእ፡ እንዲሁ በዱዓእ አማካኝነት ደግሞ መሬት ሳይደርስ መከላከል እንደሚቻል ለመግለጽ ነው፡፡
ስለ ዱዓእ በተወሰነ መልኩ ከተመለከትን፡ እንዲሁም የዒባዳ አንድ አካል መሆኑን ካወቅን፡ ሌላው ልንረዳ የሚገባው ነገር "ዱዓእ" በምናደርግበት ጊዜ መላበስ የሚገባንን ስነ-ምግባራት ነው፡፡ የተወሰኑትን ከዚህ በታች አቀርባቸዋለሁ፡-
1. የቂን (እርግጠኝነት)፡-
የመጀመሪያውና ዋናው መስፈርት ነው፡፡ የምንማጸነው አላህ፡ ዱዓችንን ሰሚና ተቀባይ ጌታ መሆኑን እርግጠኛ መሆን አለብን፡፡ አላህ ለኛ ማድረግ የፈለገውን ነገር እንዳያደርግ ሊከለክለው የሚችል ኃይል የለምና፡፡ ስለዚህም በዱዓችን ላይ እርግጠኞች መሆን ይጠበቅብናል፡፡ እስኪ ዱዓዬን ከሰማኝ! ምን-አልባት ከተቀበለኝ! እና በመሳሰሉት ጥርጣሬን በተሞሉ ልቦች አላህን መለመን የዱዓእን ተቀባይነት ከሚያሳጡት ነገራት አንዱ ነው፡፡

👍4

26.1K views12:45

የኡስታዝ አቡ ሀይደር ትምህርቶች ስብስብ

عن أبي هريرة رضي الله عنه عن النبي صلى الله عليه وسلم قال : " ادعو الله وأنتم موقنون بالإجابة... " صحيح الجامع 245.
አቢ ሁረይራህ (ረዲየላሁ ዐንሁ) እንዳስተላለፈው የአላህ መልክተኛ (ሶለላሁ ዐለይሂ ወሰለም) እንዲህ አሉ፡- "አላህን ስትማጸኑት እንደሚቀበላችሁ እርግጠኛ ሆናችሁ (ለምኑት)…" (ሶሒሑል ጃሚዕ 245)፡፡
2. ንቃት (ተንቢህ)፡-
ሌላው ሁለተኛው መስፈርት ነው፡፡ አላህን በምንማጸን ጊዜ በዘነጋ ልብ (ቀልቡን-ጋፊል) መሆን የለበትም፡፡ ልብ የተመኘውንና መጠየቅ የምንፈልገውን ነገር በአንደበታችን ስንገልጸው እያስተዋልን መሆን አለበት፡፡ አንዳንድ ጊዜ (ወይንም ብዙ ጊዜ) ዱዓእ ስናደርግ፡- ‹ረበና አቲና ፊ-ዱንያ ሐሰናህ፣ ወፊል-አኺረቲ ሐሰናህ፣ ወቂና አዛበ-ናር› እንላለን፡፡ ግን ሁለት ጥያቄዎችን መመለስ አለብን፡-
ሀ. አሁን ያልከውን ዱዓእ ትርጉሙን ታውቀዋለህ? አንተስ ይህን ዱዓእ ስታደርግ በዛን ወቅት እነዚህን ሶስት ነገሮች ከልብህ ፈልገሀቸው ነው? ወይንስ የመስጂዱ ኢማም ብዙ ጊዜ በተደጋጋሚ ስለሚያደርገው አንተም በቃልህ ሐፍዘኸው ነው?
ያንተ ምላሽ፡- ትርጉሙን አላውቅም ከሆነ፡ ወንድሜ ሆይ! ታዲያ በምታውቀውና በምትችለው ቋንቋ ጌታህን መለመን ማን ከለከለህ? ቋንቋዎችን ሁሉ የፈጠረው እሱ አይደለምን? ደግሞስ በቁርኣንና በሐዲሥ የመጡ በዐረብኛ የተነገሩ የዱዓእ አይነቶችን ትርጉማቸውን ጠይቀህ ለመማር ማን ከለከለህ? ወደ ምድረ አሜሪካ ለመሄድ ዲቪ ስትሞላ (ይሳካ አይሳካ ገና ላልታወቀ ነገር) እንግሊዘኛውን የሚያውቁ ሰዎች ጋር ጠጋ ብለህ አይደል እንዴ በትህትና እያንዳንዱን ነገር እንዲተረጉሙልህ የምትጠይቀው? ታዲያ ከአላህ ጋር ይበልጥ የሚያቃርብህን ዱዓእ በግል ቋንቋህ ለማድረግ፣ እንዲሁም በቁርኣንና በሐዲሥ የመጡትን ደግሞ ትርጉማቸውን ጠይቀህ ለመማር ማን ከለከለህ?
ለ. ደግሞስ ይህን ዱዓእ ስታደርግ በዘነጋ ልብ ሁነህ ነው ወይስ ዱዓህን እያሰብከው? ብዙ ሰዎች እጃቸው ወደላይ ተነስቷል፡፡ አንደበታቸው ዱዓእ ያደርጋል፡፡ ልባቸው ግን ሌላ ቦታ ነው፡፡ ዱዓውን ከጨረሱ በኋላ እንኳ፡ አሁን ያደረጋችሁት ዱዓእ ስለምን ነበር? ቢባሉ፡ ከፊሉን ይረሱታል፡፡ ስለዚህ በዱዓእ ወቅት ከመዘንጋት ልንቆጠብ ይገባል፡-
عن أبي هريرة رضي الله عنه عن النبي صلى الله عليه وسلم قال : " ادعو الله وأنتم موقنون بالإجابة، و اعلموا أن الله لا يستجيب دعاء من قلب غافل لاه " صحيح الجامع 245.
አቢ ሁረይራህ (ረዲየላሁ ዐንሁ) እንዳስተላለፈው የአላህ መልክተኛ (ሶለላሁ ዐለይሂ ወሰለም) እንዲህ አሉ፡- "አላህን ስትማጸኑት እንደሚቀበላችሁ እርግጠኛ ሆናችሁ (ለምኑት፡፡ አላህ ከዘነጋና ከረሳ ልብ ዱዓን እንደማይቀበልም ዕወቁ" (ሶሒሑል ጃሚዕ 245)፡፡
3. በውዳሴ መጀመር (ሠናእ)፡-
ቀጥታ ወደ ሐጃችን ገብተን፡- ያ ረቢ! ይሄን አሳካልኝ፣ ከዚህ ደግሞ ጠብቀኝ ከማለታችን በፊት ጌታችንን በማወደስ፣ በሳቸውም ላይ ሶላዋት በማውረድ እንክፈተው፡፡ ቢስሚላህ፡ አልሐምዱ ሊላህ፣ ወስ-ሶላቱ ወስ-ሰላሙ ዐላ ረሱሊላህ… ይበል፡፡
ወላሁ አዕለም
Click and Like ➤➤ https://www.facebook.com/Ustaz.Abuhyder

👎1

29.7K views12:45

የኡስታዝ አቡ ሀይደር ትምህርቶች ስብስብ

በዙልሒጃ መደረግ ያለባቸው ኢባዳዎች በኡስታዝ አቡ ሐይደር
https://youtu.be/vigBDPUPwDc

YouTube

በዙልሒጃ መደረግ ያለባቸው ኢባዳዎች በኡስታዝ አቡ ሐይደር

24.3K views19:41

የኡስታዝ አቡ ሀይደር ትምህርቶች ስብስብ

Audio

በዙልሒጃ ወር መደረግ ያለባቸው ኢባዳዎች

🎙 አዘጋጅ⇊
በኡስታዝ አቡ ሀይደር

Join ➤➤ t.me/abuhyder
Click and Like ➤➤ https://www.facebook.com/Ustaz.Abuhyder

25.4K viewsedited 19:44

የኡስታዝ አቡ ሀይደር ትምህርቶች ስብስብ

በአላህ ፈቃድና እገዛ ከፊታችን ቅዳሜ ጀምሮ ገበያ ላይ ይውላል

22.7K views20:05

የኡስታዝ አቡ ሀይደር ትምህርቶች ስብስብ

አስ-ሓበል የሚን
🌟🌟🌟🌟🌟🌟🌟🌟

🌕 በሀገራችን ኢትዮጵያ በገጠር አካባቢ ኢስላማዊ (መማሪያ ክፍል) መድረሳን በመገንባት ልጆችን እያስተማረ ይገኛል።

🌕 የእስልምና ብርሃን ለሁሉም ይደርስ ዘንድ አሻራውን እያሳረፈ የሚገኘው በአባላቶቹ ጥረት በአላህ እገዛ የኸይር ስራ ጉዞውን ቀጥሏል።

🌕 የቲሞችን በመንከባከብ መሳኪኖችን ሠለምቴዎችን በመርዳት የወገኑ ደጀን ለመሆን ሰበብ እያደረሰ የሚገኘው አስ-ሓበል የሚን የአሏህ ፍቃድ ከሆነ ትልቅ መስጂድ የመገንባት እቅድ ይዘናል ።

🌕 በብዙ መከራና ስቃይ ውስጥ የሚገኙ ሚስኪኖችን እንባ እያበሰ፤ የበርካታ የቲሞችን እንግልት እየቀነሰ፤ የተቸገሩ ወገኖቹን ችግር ለማቃለል ሰበብ እያደረሰ የሁለት ሀገር ደስታን ለማግኘት እየተጋ የሚገኘው አስ-ሓቡል የሚን ጀመዓ እየሰራቸው የሚገኙትን በርካታ የበጎ ስራ ፕሮጀክቶች ሁሉም ይሳተፍበት ዘንድ እነሆ ጥሪውን አቅርቧል።

🌕 በረበና ፍቃድ በአባላቶቹ መልካም ኒያ፤ በኸይር ፈላጊዎች ጥንካሬ፤ ገንዘባቸውን እውቀታቸውን ጊዜአቸውን ሳይሰስቱ በሚደክሙ አባላት እዚህ የደረሰው አስ-ሓቡል የሚን ጀመዓ በርካቶችን በማሳተፍ የኢስላምን ጮራ የዲኑን ብርሃን ለሁሉም ለማዳረስ በርካቶችን አባል ለማድረግ እድሉን አመቻችቷል።

🌕 በመሆኑም ጥሪው የደረሳችሁ የአስ-ሓቡል የሚን አባል በመሆን የመልካም ሥራው ተካፋይ እንዲሆኑ እየጋበዝን ለሌሎችም መልእክቱን በማድረስ የኸይሩ ተካፋይ ይሁኑ።።

የአስ-ሓቡል የሚን ቋሚ ቤተሰብ ሲሆኑ በቋሚነት ወርሃዊ ክፍያ በአቅሞ በመሸፈን የመልካም ተግባራት ተሳታፊ ይሁኑ‼
💥💥💥💥💥💥💥💥💥💥💥💥💥💥💥💥💥💥💥💥💥💥💥💥

⭐ ኢትዮጵያዊ ውስጥ ነዋሪ ለሆነ 50 ብር

⭐ ሳዑድ-አረቢያ እና የመሳሰሉ አረብ ሃገራት ለሚኖሩ 30 ሪያል

⭐ በአውሮፓ እና መሰል ሃገራት ለሚኖሩ ወንድምና እህቶች ሲመነዘር ከ50 ( ሃምሳ ) ብር በላይ ሊሆን የሚችል ገንዘብ በየወሩ መነየት ይፈቀዳል።

ለበለጠ መረጃ
⚡⚡⚡⚡⚡⚡️
+966554225870
+971544106845
+966503917209
+251926142009

በቴሌግራም ¶
https://tttttt.me/joinchat/Th93dNNUa7fV1c79

በዋስት-አፕ ¶
https://chat.whatsapp.com/6O1nFgi4oKHLgB1fdY0Air

አስ-ሓቡል የሚን ከሚሰራቸው የኦላይን ስራም ለምሳሌ ያህል

የሰለምቴዎችን ማራኪ ታሪክ በእንዴት ሰለምኩኝ በተሰኘው ፕሮግራም ያቀርባል ።
ሰለምቴዎችን ከአንደበታቸው ታሪካቸውን ለማድመጥ
https://youtube.com/channel/UCGL4i2pl7eV7sWA3yvsno_Q

በጹሑፍ ይቀርባል ¶
https://tttttt.me/AshaBuleyamine/5125

አስተያየት ለመስጠት ¶
http://tttttt.me//Ashabulyeminbot

አስ-ሓቡል የሚን የዑማው ብርሃን 💡

👍3

23.8K views20:20

About

Blog

Apps

Platform