#محرم1440هـ_2018م
#طلب خاص
#وصية حميدة لوالدها مسلم ابن عقيل


يمه لو رحتي لابويه ارد اوصيج بوصية
خبريه بنته حميده صفت مهظومه وسبيه

والحبل ورم ايديه .. وكثرت همومي عليه

✿✾✿✾✿✾✿✾✿✾✿

رايحه يمه لابويه يمه هاج اخذي الوصيه
بنيتك الطفله ولوها اتعذبت بالغاضريه
مشت بألالام ومصايب ويه اخيتها رقيه
مصايب الطف عذبنها ريت وافتها المنيه

مُنيتي يمه انه اشوفه .. وارتوي ابوسة جفوفه
خبري بنته حميده صفت مهظومه وسبيه

✿✾✿✾✿✾✿✾✿✾✿

شرد اسولفلك يبويه شافت عيوني مصايب
بويه خلص عمري لمن رحت يااغله الحبايب
شفت عمي احسين نايم مخضب بنص الترايب
وشفت عمتي تون عليهم بجت وياها السحايب


ظلت ابنيتك يتيمه .. عاشت بمحنة أليمه
خبري بنته حميده صفت مهظومه وسبيه

✿✾✿✾✿✾✿✾✿✾✿

انكسر ظهري بغيابك بويه صار اسمي يتيمه
توجع الكلمه وغلاتك بعدك اشبع بس هظيمه
ظل اثر الاسياط بيه تأذي ضرباته الأليمــه
مارحــم بينه دهرنه ايتام تتصــارخ أبهيمه

يضرب ولارحم بينه .. مارعو حرمة نبينه
خبريه بنته حميده صفت مهظومه وسبيه

✿✾✿✾✿✾✿✾✿✾✿

عن عليّه بويه صوتك كلبي من الفرحه خالي
اتعذبت والله ابغيابك حيل وحشات الليالي
انته الي كلشي بحياتي بغيبتك محد بقالي
ابقى بنياحه ورزيه والحزن عكبك حلالي


بويه مشتاكه لحنانك .. بحزن ظل خالي مكانك
خبريه بنته حميده صفت مهظومه وسبيه

✿✾✿✾✿✾✿✾✿✾✿

بويه يامسلم يغالي صدك طولك راح مني
من شلت عني يوالي اتألمت وازداد وني
اتسلسلت ليه المصايب نزلن بعيني وعمني
اخلاف وجهك ياحبيبي شيبت من غبت عني

بويه والمدمع حلالي .. راح مني كلشي غالي
خبريه بنته حميده صفت مهظومه وسبيه

✿✾✿✾✿✾✿✾✿✾✿

عندي باقي امل واحد يشهر الحجه حسامه
يظهر القائــم يبويه وياخــذ بثار اليتامه
وثار ظلع الزهره امه حسين مسلوب العمامه
يعدل الدنيه ابظهوره وناسه تنتظره بسلامه

ياخذ بثار السبايه .. ونار جويات العبايه
خبريه بنته حميده صفت مهظومه وسبيه

✿✾✿✾✿✾✿✾✿✾✿

تمت بحمد الله
25/9/2018
✍🏻آلــــّ؏ــلّويِـــــه آلّمٌوسويِــــۿ
❌لاإجيــــز حذف الأسم❌

https://tttttt.me/joinchat/AAAAAELdvGssZMurwfLsJA