#من_ديوان_قُربانُ_الطف_ج11
قصيدة للأربعين(يعمن عيوني)
❥━──➸➽❥❂❥━──➸➽❥❂
السيدة زينب عليها السلام عندما وصلت كربلاء وشاهدت قبور اخوتها نادت:

ولياني وعليهم يعمن عيوني
اريد ابچي عليهم حيل خلوني
❥━──➸➽❥❂❥━──➸➽❥❂
اريد ابچي عليهم واجهر الونه
فرگاهم كلف وشلون احملنه
يچوي الروح والدلال احسنه
الون والنوح للماتوا وعافوني
((وعليهم كل وني ونوحي))
❥━──➸➽❥❂❥━──➸➽❥❂
ونيت وعليهم هلت الدمعه
النايم باللحد ياناس شيرجعه
احا يفراگهم دلالي يفجعه
منهم أيست وانگطت ظنوني
((ماتوا يعزازي اولياني))
❥━──➸➽❥❂❥━──➸➽❥❂
صحت يخوان جيت اليوم مهضومه
صار الأربعين وروحي مالومه
خوال الولد گعدو طالت النومه
ماحسبت هيج بساع تنسوني
((فرگاكم يوجع اذاني))
❥━──➸➽❥❂❥━──➸➽❥❂
من گبر لگبر افتر وازورنكم
بعدني بعوزكم لامشبعت منكم
تسرون اويه دمي والله احسنكم
بنومتكم عله الغبره فجعتوني
((مفجوع مفطر دلالي))
❥━──➸➽❥❂❥━──➸➽❥❂
من درب اليسر رديت محنيه
بارض الشام ماتت يخوتي ارقيه
عفتهه وجيت انوح وحيل مابيه
بالايتام والله حيريتوني
((بايتام الماتوا محتاره))
❥━──➸➽❥❂❥━──➸➽❥❂
*بقلم✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:*

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#من_ديوان_قربان_الطف_ج12
قصيدة للسيدة زينب(يالتغسلين العقيلة)
❥━──➸➽❥❂❥━──➸➽❥❂
يالتغسلين العقيلة اوياها بهداي
خاف يوجعها المتن من صبة الماي
ماتت ام عون / زرگه المتون
آيزينب ... آيزينب
❥━──➸➽❥❂❥━──➸➽❥❂
يالأثر بمتونها ليهسه ماطاب
شبعت اهموم وضرب من عگب الأحباب
بسوط ضربوها العده والأهل غياب
الغسلتهه بگت تبچي بدمع سچاب
وگالت شبيهه مريضه الحره اظنهه
مادرت من الضرب ازرگ متنهه
اتهل العيون / زرگه المتون
آيزينب ... آيزينب
❥━──➸➽❥❂❥━──➸➽❥❂
بهيده خل بالچ عليهه يالتغسلين
عله همهه والحزن واجب تونين
خلصته كل عمرها تبچي لحسين
هاي بت الزاچيه السطروها عالعين
حيف بارض الشام خلاها دهرها
تموت بس من الأهل محد حضرها
اويه اليغسلون / زرگه المتون
آيزينب ... آيزينب
❥━──➸➽❥❂❥━──➸➽❥❂
أثر باقي اعله المتن للموت نيشان
أمن امها ياهالناس ورثت كل الاحزان
وحيده ماتت بالغرب ما يمها خوان
بهون وياها لون لفيتوا الاچفان
عاشت امن الزغر لوعات ومصيبه
وهسه بأرض الشام هل ماتت غريبه
بگلب محزون / زرگه المتون
آيزينب ... آيزينب
❥━──➸➽❥❂❥━──➸➽❥❂
شويه يمغلسه ارد اسولفلچ عليهه
روحها ميته امن اهد ذبحة وليهه
شافت اخوتهه ضحايا امگطعيهه
ونار بارض المعرگه چلبت بيديهه
شحچي عنهه هواي قصتهه طويله
هاي بت حيدر علي الحره العقيله
بيهه يحچون / زرگه المتون
آيزينب ... آيزينب
❥━──➸➽❥❂❥━──➸➽❥❂
بت علي خير العمل ماكو مثلها
مسجل التاريخ صولات الكفلها
من وصلها الموت گطعت كل أملها
ما اجاها الحيد الاجنازة حملها
لو عدل عباس ماچان اعتذرهه
عمت ابنه يشيلهه ويحفر گبرهه
ويگلب الكون / زركه المتون
آيزينب ... آيزينب
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:🍃*
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#من_ديوان_قربان_الطف_ج12

قصيدة للسيدة زينب تخاطب امها الزهراء(انه وانتِ)
❥━──➸➽❥❂❥━──➸➽❥❂
انه وانتِ شفنه آهات ومحن
انه وانتِ حيل تعبنه الزمن
قصتي تشبه قصتچ ... آييمه ولوعتچ
انه وانتِ ... انه وانتِ
❥━──➸➽❥❂❥━──➸➽❥❂
عشنه يا يمه شكثر حزن ومصايب
وضيعينه اعزازنه وكل الحبايب
بهالحياة التمت اعلينه النوايب
شوفتنه اه يا يمه العجايب
شاهديتي الهادي بيوم المنية
وانه شفت اخواني بارض الغاضرية
ودمعتي وي دمعتچ ... آييمه ولوعتچ
انه وانتِ ... انه وانتِ
❥━──➸➽❥❂❥━──➸➽❥❂
عشتي يا زهرة حسافه اثمنطعش عام
بحرگه الباب وبقينه بعدچ ايتام
وصارت بعيني يييمه سوده الأيام
وعلي بأرض الغاضريه احرگوا الخيام
لملمت الأطفال يا يمه بعباتي
وبالمعاره يبچن بحرگه خواتي
وحيرتي يا حيرتچ ... آييمه ولوعتچ
انه وانتِ ... انه وانتِ
❥━──➸➽❥❂❥━──➸➽❥❂
متي بحسره ييمه ومحسنچ راح
وانه بالطف احمي الأطفال امن الرماح
هناك صار اسمي السبيه والعلم طاح
روس اخوتي معلگه واشلون ارتاح
القافلة بيد الشمر يمه مشت
تذكريت الباب وبعبره صحت
بوسط گلبي كسرتچ ... آييمه ولوعتچ
انه وانتِ ... انه وانتِ
❥━──➸➽❥❂❥━──➸➽❥❂
ساعة المنچ دنت يمه  المنيه
اسمعتچ توصين ودموعچ جريه
لكن انه المن ييمه انطي الوصيه
لا بقه عندي حبايب لا بنيه
بس أثر سوط الشمر بيدي طبع
وانتِ دفونچ ويصب دم الضلع
وتهد حيلي ونتچ ... آييمه ولوعتچ
انه وانتِ ... انه وانتِ
❥━──➸➽❥❂❥━──➸➽❥
يمه من بعد العذاب و وذاك حزنچ
انتي بطيبه اندفتي وطه يمچ
وانه بالشام وغريبه بعيده عنچ
غمضت عيني وجرح متني يلچمچ
من بعد خمسين عام من المحن
اجه موتي وانتهه بيه الزمن
تلگي گومي بنيتچ ... ... آييمه ولوعتچ
انه وانتِ ... انه وانتِ
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:🍃*
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#من_ديوان_سيداتُ_العفاف_ج١
قصيدة للسيدة زينب(من تدفن الحزنانه)

بهيده يا علي السجاد
من تدفن الحزنانه
❥━──➸➽❥❂❥━──➸➽❥❂
بهيده من توسدهه
وتحط باللحد خدهه
غير الحزن ما عدهه
گضت والعين ذبلانه
❥━──➸➽❥❂❥━──➸➽❥❂
اعله اهلهه تسيل دمعتهه
وما بطلت ونتهه
احا يا مصيبتهه
من دنياها تعبانه
❥━──➸➽❥❂❥━──➸➽❥❂
هدهه افراك اهاليهه
بقت كل حيل ما بيهه
لاخوها الدمعه تجريهه
الكفلها غفه بميدانه
❥━──➸➽❥❂❥━──➸➽❥❂
بيوم الگطعوا الچفين
وحزو يا وريد حسين
گلبها منفطر نصين
لحد الموت لهفانه
❥━──➸➽❥❂❥━──➸➽❥❂
تريد اخوانها يحضرون
نادت جعفر ويا عون
وعباس الي يسوه كون
الكفلها اگطعو ذرعانه
❥━──➸➽❥❂❥━──➸➽❥❂
گضتهه والله موتتهم
اوكت الموت رادتهم
بعالي الصوت صاحتهم
روحي بقت حيرانه
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:🍃*

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#من_ديوان_سفرة_العطاء_الجزء_٦_


نوحيه للأمام الكاظم عليه السلام


لامنك رساله ولاوصيه
بويه وغيبتك طالت عليه
أعدن وأحسب أيام......صار أثمنطعش عام
لاشفتك ولا مريت بيه


أعدن بالليالي وصارن سنين
طالت غيبتك بويه وغبت وين
ياشمعه زماني وياضوه العين
ياسور وسكف وأنته التجيه


ياسور وسكف يالدللتني
ميت لو عدل لو يتمتني
غايب وين هالغيبه وعفتني
أفكر بيك كل صبح ومسيه


أفكر بيك هالمده الطويله
هنياله الكعد وياك ليله
تمسح دمعتي وهمي تشيله
أبوي وماكو أعز منك عليه


بويه ولوكلت بويه شحلاتك
غريب وبالغرب خلصت حياتك
مهضومات ماتدري بناتك
من غير الأبوا شتسوه البنيه


ماتسوه البنيه بغير أبوهه
يصيرلهه سند لو عاركوهه
روحي مصوبه أعله الفاركوهه
ضلت ونتي بكلبي خفيه


أكابر عالونين وماأون حيل
ناس أتنام وأنه مساهره الليل
ضلت عالمخده دموعي أتسيل
هاذه الحال وأكثر صار بيه


هذا الحال وأكثر صار بالحال
كبرنه أعله الهظم خليتنه أطفال
لاطارش وصل لاشفنه مرسال
عونه الحاضرك يوم المنيه


✍الشاعره ام ريام دخيل الركابي الناصريه قضاء الرفاعي غير مبري الذمه من يحذف الاسم او يتلاعب بالقصيده


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#من_ديوان_قربان_الطف_ج٥
فزاعيه بهوسات لاولاد مسلم وتقرأ بالحان اخرى
❥━──➸➽❥❂❥━──➸➽❥❂
ياذباح .. شيل السيف عنهم 
وشمسوين ويلادي اشذنبهم
❥━──➸➽❥❂❥━──➸➽❥❂
شيل السيف من ايدك يملعون
اولادي ازغار لوعه ما يحملون
بالوديان يبچون ويرگضون
بالهيمه ولزمت الدرب الهم
(ايتام وما عدهم والي)
❥━──➸➽❥❂❥━──➸➽❥❂
گطعت الدرب يالظالم عليهم
ماهزك عمرهم لا بچيهم
ليش بسجن مظلم توديهم
ما فكرت ويلي بحالة امهم
(مهظومه تدور بالهيمه)
❥━──➸➽❥❂❥━──➸➽❥❂
مهظومه عليهم ما الها حيل
يظالم عوفهم هل چلچل الليل
تنادي كون احطهم وسط الدليل
لا تحرمني يا ذباح منهم
(اتروح الروح اويه اولادي)
❥━──➸➽❥❂❥━──➸➽❥❂
ظلمه الليل ويخافون الاولاد
واعليهم دليلي لحضه ماهاد
حلوين المعاني عني ابعاد
صار هواي انه مفارگتهم
(يايمة اصرخ بس ردولي)
❥━──➸➽❥❂❥━──➸➽❥❂
منكم ايست واگطعت ظني
ما يبطل بعدكم يمه حزني
ريت الي ذبحكم هم ذبحني
تفت حتى الصخر ساعة ذبحهم
(خلولي اصواب ابدلالي)
❥━──➸➽❥❂❥━──➸➽❥❂
*بقلم✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:*

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#فزاعية جنوبية🔥 لأولاد مسلم (ع)





وينه الهاشمي  / دزوله برقيه
اولاده مـذبحه وبلنهر مرمـيه



وينه اليوم خل يلحك الويلاده
اطفاله مذبحه والكوم كصاده
حسافه اعلنهر امدده الســاده
(ومارحمو بيها // اولادك مسلم)



اولادك ياسبع علكاع مرميه
وبتك صارخه كعدو يفاعيه
اتريد ازلام والدمعات مجريه
(اكعد بويه اكعد / جتنه العياله )



اكعد يبو طاهر عوفها النـومه
وتنادي الابنيه اليوم مهضومه
وحيده وضاله تنحب ابهلحومه
(عـالـوا بـيــها / ياسبع انهض)



عالوا والعـده اتريـد عـيـالـه
وجا وين الجنت امدلله ابجاله
تعال الكربلـه وعـاين الحالــه
(تون ابنيتك / يبن الوهامــه )


ياونت حميده الضاله اوحيده
تلطم علصدر واليها واتريده
اخلافك ناحله وساكنه البيده
(ومهضـومه // ضلت للـدوم )




تمت بعون الله

✍الشاعرة زينب المالكي

#من_ديوان_سلاطين_الحومة_الجزء_الثالث_


غير مبري الذمة لكل من يتلاعب بلقصايدة والكلمات ويحذف اسم الشاعره

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#من_ديوان #ظليمة_زينب_الجزء_الاول


#قصيده ثگيله لسان حال فاطمة العليلة ع
{بويه لا تمشون عني}

ــــــــــــــــــــــــــــــــــــــــــــــــــ

بويه لا تمشون عني
ماني طيبه اليوم چني
امصخّنه ومابيّه حيل
اتگلّه والمدمع يسيل
وداعتك يلدللتني
بويه لا تمشون عني

ــــــــــــــــــــــــــــــــــــــــــــــــــ

بويه مو عندك عليله شلون قررت السفر
خاف اموتن لو مشيتو روحي ما تحمل هجر
والمريض الماهم اهله ايضيج خلگه وينكسر

يلنويت اعله الرحيل
اتگله والمدمع يسيل
امن الحرم ليش اعزلتني
بويه لا تمشون عني

ــــــــــــــــــــــــــــــــــــــــــــــــــ

ليش من دون الفواطم ما گلتلي اتحضري
خل اروح اوياك فدوه ما يقهرك منظري
انه مكسورة الخاطر وانته جبرة خاطري

وانته شوفي والدليل
اتگله والمدمع يسيل
ايروح شوفي لو عفتني
بويه لا تمشون عني

ــــــــــــــــــــــــــــــــــــــــــــــــــ

ما تهون اعليك بتك وانته يلوالي حنين
عاتبته ومن سمعها هلت عيونه الحسين
بحضنه خلاها ويگلها سفر ما تتحملين

دربي يبنيتي طويل
اتگله والمدمع يسيل
يعني اگطعه حسين ظني
بويه لا تمشون عني

ــــــــــــــــــــــــــــــــــــــــــــــــــ

بويه بس تروح عني يعني اضل بلا وطن
ليلي معناها اخلصه نوح ودموع وحزن
ماكسر خاطرك دمعي واگفه اگبالك واون

ودعيتك بالعويل
اتگله والمدمع يسيل
وياك عمري الراح مني
بويه لاتمشون عني

ــــــــــــــــــــــــــــــــــــــــــــــــــ

بعد شنهو يفيد عمري وانه ودعت الابو
وانطفت شمعة سنيني وانكتل كلشي حلو
بلا وليها تدري بويه البت تضل بلا دفو

تعيش بعده مستحيل
اتگله والمدمع يسيل
وانه ميته خلافه چني
بويه لاتمشون عني


لشاعرات اهل البيت "ع" ، رسل الابراهيمي، نورس الحلفي، رِضاب الاسدي


ــــــــــــــــــــــــــــــــــــــــــــــــــ

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#حصريا 🔥🔥


#فزاعية جنوبية لمسلم ((ع))




يوم الصال // هز عرش السلاطين

ابو طاهر سبع واهـلــه مياميـن

🔥 🔥 🔥 🔥 🔥

صال ابن الهواشم وابن الاحيود
هذا امعرب وهيبه من الاجـدود
تعنـه للمــنـايه وكـسـر الـحــدود
لجـل الدين وابن عمه الحســين



لجل الدين ضحه ابن الكلافات
يراعي الزود مسلـم والمـهمـات
وابد ماوكفن ابوجهك الصعبات 
ولا هبت العـده ذوله المـلاعين 



صال وجال بيهم ابن الاسبـاع
يهد ويصيح منه خايفه الــكاع
حسافه اتموت ها ياحلو الاطباع
وابنيتك تضل بس نـوح و ونيـن



حميده اتنوح واتريد اليعازيها
بهـذا اليوم عنـها شـال واليهـا
مهضومه مشت وبلسير تاليها
تدك بامتـونها جـريانه هلعـيـن



تجر ونات بت الحيد هليوم
عله الي شال والدلال مهموم
اسير وطاح مسلم بين هلكوم
لايــمـه هله ولا يمـــه امــعين


⚡ ⚡ *


تمت بعون الله

✍الشاعرة زينب المالكي

#من_ديوان_سلاطين_الحومة_الجزء_الثالث_

غير مبري الذمة لكل من يتلاعب بلقصايدة والكلمات ويحذف اسم الشاعره

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#فزاعيه جنوبيه🔥 للعباس ع ((زينب الخاتونه))
حال مولاتنه زينب ع عندما تأخر العباس عليها بلرجوع بلماء 👇.




ركضت للنهر    زينب  الخاتونه
وشدت بيرغ العباس بـمتـونـه

...........
ركضت بت علي وتصيح يمجنه
يشنهي اخبار  والينه   وكافلنـه
راح  ايجيب  ماي ومارجع النـه
(( ام عون اتون  // يا واليها ))

...........

الكافل وين  ياهلماي  حاجيني
لايبطي تره  العدوان   توليني
وانه امخدره العباس  يدريني
((الخوه اتلوك // اعله الهيبه ))

.............
ياهيبه وكفيلي  وينها  الرايه
اجيتك ياسبع صوب المسنايه
مو علماي خويه ارجع  اويايه
((ماي اعيوني // عباس اشرب))

.............

عاف الماي  ماراده  ولاضااكه
ونيران العطش ابروحه حراكه
من غيضه يطش الماي  ابراكه
((ياموت احمر // ارحم بينه ))

...........
ويامووت التدنه اعليك هليله
راحت نايحه زينب  وتشكيله
ياعباس شنهي النوم  والعيله
((العيله اتطش // يا حاميها ))






تمتبعون الله

✍الشاعرة زينب المالكي

#من_ديوان_سلاطين_الحومة_الجزء_الثالث_


غير مبري الذمة لكل من يتلاعب بلقصايدة والكلمات ويحذف اسم الشاعره

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#فزاعيه للامام العباس 🔥🔥



دكلــوله يـفز  / شـيال بيـرغـنه
ضلـينـه حـرم ولـيان ماعدنـه
.......... ............

كلوله عضيدي النوم مو يومه
عليك ابداعت الخوه يجيدومه
كـوم ابساع النسوان مهضومه
(امطشريها / اضعونه اليـوم )



كل اضعون اهلنه اليوم طشوها
واختك والحرم  عباس  بجوها
والجانت اميره الكـوم ضربوها
(ام عـــون تـون / يــا والـــيــها)



  هاي امخدره وانت تبـاريها
عجيبه اتنام وبغربه تخليها
عليك امعلمه يحنين تدريها
( وايسموها // اخت العباس)



من بعد الخدر صـيوان ماعدها
وياهو الـعانـها وياهو اليساعدها
واعليها  نشد  كلمن  ايشاهدها
( الخدر انهد/  جفـك وينـــه  )



اكـعد ياسبع والخيم طـفـيها
شيله بيرغك والكوم هد بيها
وصوب اضعونها اركض يواليها
(العايل طكه / ورد الخياله )




✍الشاعرة زينب المالكي

#من_ديوان_سلاطين_الحومة_الجزء_الثالث_


غير مبري الذمة لكل من يتلاعب بلقصايدة والكلمات ويحذف اسم الشاعره


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#من_ديوان_قربان_الطف_ج٧
قصيدة للنزول(بالحومه نزلنه)
❥━──➸➽❥❂❥━──➸➽❥❂
نزلنه اليوم بالحومه نزلنه
كلنه امدللات بجال اهلنه
باجر مايظلون/عالغبره يطيحون
يوگع عالنهر كافل حملنه
نزلنه اليوم بالحومه نزلنه
❥━──➸➽❥❂❥━──➸➽❥❂
گعدنه بكربله وحطينه الضعون
نبچي بحرگه والدلال محزون
باچر كل زلمنه هنا يطيحون
وعالغبره جثثهم من يموتون
يظلون اعله التراب/واحنه بولية اجناب
نناشدهم ومحد يگعد النه
نزلنه اليوم بالحومه نزلنه
❥━──➸➽❥❂❥━──➸➽❥❂
بهاي الأرض ذبحتكم يالحنان
ضحايه امددين وعله التربان
وگلب ام الخدر مهضوم حزنان
تفگدهم سويه آل عدنان
وتظل محتار بينه/وما يبطل بچينه
عالوليان كل همنه وحزنه
نزلنه اليوم بالحومه نزلنه
❥━──➸➽❥❂❥━──➸➽❥❂
احنه مدللات بزودهم دوم
يرحون ويظل الگلب ملچوم
كل وحده اعله ابنهه تبچي دموم
واتدور عليه والحيل مهدوم
احا يا فگد الأحباب/منه الگلب ينصاب
بموتتهم تره تموت المحنه
نزلنه اليوم بالحومه نزلنه
❥━──➸➽❥❂❥━──➸➽❥❂
يموتون الذي نحبهم سويه
عباس الگمر ينطفي ضيه
چفوفه تطيح مدري بيا نويه
وراسه يعاين لسكنه ورقيه
يگلهن ردتن الماي/وانه انطفت عيناي
وطايح عالارض وسفه علمنه
نزلنه اليوم بالحومه نزلنه
❥━──➸➽❥❂❥━──➸➽❥❂
وزينب تنتحب وتنادي يحباب
ردوني لوطنه آيالاطياب
صعب اعليه ما احمله هالامصاب
ما اگدر اشوفن گص الارگاب
وروس معلگه بأرماح/ومرافگه الذباح
نكضيه الدرب ونه اعله ونه
نزلنه اليوم بالحومه نزلنه
❥━──➸➽❥❂❥━──➸➽❥❂
*بقلم✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:*

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#من_ديوان_قربان_الطف_ج٨
فزاعيه بهوسات لمسلم(البيرغ نشيله)
❥━──➸➽❥❂❥━──➸➽❥❂
احا يالمات وميتم مداليله
يستاهل عليه البيرغ نشيله
❥━──➸➽❥❂❥━──➸➽❥❂
يستاهل عليه النوح والونه
ميدان اللطم هاليوم وسعنه
لمسلم واللطم نوبات سونه
((ميدان وهوسه نسويله))
❥━──➸➽❥❂❥━──➸➽❥❂
عمه حيدره معروفه صولاته
شمحلاه بالحرب مسلم وهداته
والتاريخ سجل هاي وگفاته
((يشهدوله شجعان الحومه))
❥━──➸➽❥❂❥━──➸➽❥❂
سبع وابن السبع واربات حربيه
طبها بزود ياراعي الفروسيه
يعادل بالحرايب لو نزل ميه
((معروف الحيد بهداته))
❥━──➸➽❥❂❥━──➸➽❥❂
حلوة هدته يستاهل الفزعه
ابو طاهر غيور وياحلو طبعه
وني اعليه اليوم وهلي الدمعه
((عازيهه اليوم المحزونه))
❥━──➸➽❥❂❥━──➸➽❥❂
عازي زينب الحره بأبن عمهه
واعليه تنتحب مابطلت ونهه
اوياها باللطم لطمن وعيننهه
((نواسيهه زينب هاليوم))
❥━──➸➽❥❂❥━──➸➽❥
*بقلم✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:*

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#من_ديوان_قربان_الطف_ج14
قصيدة لاولاد مسلم(حشمت حسين)
تقرأ فزاعية بهوسات والحان أخرى
❥━──➸➽❥❂❥━──➸➽❥❂
للميدان راحت حشمت حسين
تگله گوم دورلي الولد وين
❥━──➸➽❥❂❥━──➸➽❥❂
للميدان اجت تنحب تحشمه
تگله الحگلي خويه يبو اليمه
ولد مسلم فگدت بليل ظلمه
مطشر ياشملنه صار نصين
((اگعد ياخويه ورد لينه))
❥━──➸➽❥❂❥━──➸➽❥❂
اثنين اولاد خويه ضيعتهم
علي چلچل الليل وتيهتهم
اگل للراح والرد ماشفتهم
محتاره وادگن عله الخدين
((ضاعو الاولاد بنص هيمه))
❥━──➸➽❥❂❥━──➸➽❥❂
حزنانه واجيتك فاگده الراي
احاچيك واسولف ضيم دنياي
يخال الولد اسمع نوحي وابچاي
دگوم الولد دوره بساع يحنين
((يالكافل دور ويلادي))
❥━──➸➽❥❂❥━──➸➽❥❂
راحو  من ادي حلوين الارسوم
وامهم حايره والگلب مالوم
تگول اولادي مني ضاعو اليوم
دلالي تراه انفطر نصين
((مهضومه مفطر دلالي))
❥━──➸➽❥❂❥━──➸➽❥❂
ونت وانه ادك وياها عالراس
نحشم بالحسين وننخه عباس
مابيهه رحم اذتنه هالناس
واخافن تاذي الاولاد الملاعين
((ما بيهم رحمة ولا غيره))
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

*قصيدة للامام العباس عليه السلام(يخال ابني)*
#من_ديوان_عبرات_وانين_ج٨_خاص_بالعباس_عليه_السلام
❥━──➸➽❥❂❥━──➸➽❥❂
والله تموت الفرگه يخال ابني
غيابك ياعزيز الروح شيبني
❥━──➸➽❥❂❥━──➸➽❥❂
متعوده عليك ودومك گبالي
تفارگني ابد ماچانت ابالي
عمت عين الزمان المارحم حالي
من ايدي رحت والبين صوبني
❥━──➸➽❥❂❥━──➸➽❥❂
شنسه ايام عشناهه شكثر حلوه
وجودك چان بالدنيه الي سلوه
من عندي خذاك الموت بالگوه
وخلاني عليك انحب وعذبني
❥━──➸➽❥❂❥━──➸➽❥❂
عليك النوح يحله ولايگه الونه
ولا جسمك عله التربان اشوفنه
بعد الصبر گلي منين اجيبنه
صبر منين اجيبن دهري دولبني
❥━──➸➽❥❂❥━──➸➽❥❂
صبر منين اجيبه واصبر شويه
وانه خلاف عينك حيل ما بيه
انه ام الخدر بجفاك مسبيه
ترضه اشلون عدوانك تشتمني
❥━──➸➽❥❂❥━──➸➽❥❂
ترضه شلون عدوانك يشتموني
يأذوني وعله متوني يضربوني
وانه مخدرة حيدر تعرفوني
اصيح بصوت شيريد الدهر مني
❥━──➸➽❥❂❥━──➸➽❥❂
شيريد الدهر كل يوم ياذيني
خذاك بساع مني يابعد عيني
بعد مدري الدهر ناوي شيراويني
يفجعني ويهد حيلي ويصوبني
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:🍃*

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#من_ديوان_قربان_الطف_ج٩
قصيدة للقاسم(ونن يعمانه)
((تقرأ فزاعية بهوسات وألحان أخرى))
❥━──➸➽❥❂❥━──➸➽❥❂
عله امصاب الولد ونن يعماته
اجروحه امكشفه وشم الهوه فاته
❥━──➸➽❥❂❥━──➸➽❥❂
لطمن عالولد والدمعه هلنهه
ورمله بالعزيز اليوم عازنهه
مهضوم عليه ما بطلت ونهه
توجع بالگلب ياناس طعناته
(صوابه مچيد واذانه)
❥━──➸➽❥❂❥━──➸➽❥❂
يصوابه كلف والروح صابهه
وامه محزنه وتنوح خلاهه
دهرهه بالولد ياناس اذاهه
حنت حته الضلع جسام وناته
(من ون ياناس انهد حيلي)
❥━──➸➽❥❂❥━──➸➽❥❂
دگن حيل يازينب وچلثومه
يا غصن الورد هل طاح بالحومه
ويا ذاري التراب مغير ارسومه
من شفته الگلب‌‌ ظل يجر حسراته
(متغير لونه يوليدي)
❥━──➸➽❥❂❥━──➸➽❥❂
يا لونه تغير والوجه اصفر
ويا حالي عليه اليوم متگدر
يناس بفرگته شحمل وشتصبر
مخضب يالولد ودماه حناته
(من دم الهامه محنينه)
❥━──➸➽❥❂❥━──➸➽❥❂
ردت بهدوم عرسه انظره اگبالي
ولا اشوفه امدد والدمع هالي
محتاجته حيل بعازة الوالي
عليه الگلب ظل مالوم باهاته
(اعليه اتفطر دلالي)
❥━──➸➽❥❂❥━──➸➽❥
*بقلم✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:*

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#من_ديوان_قُربانُ_الطف_ج_٣
#قصيدة لعلي الأكبر(تاخذ هالروح)
❥━──➸➽❥❂❥━──➸➽❥❂
امودع الله عمه يالاكبر صحت
انكسر ضهري وهاي بعدك مامتت
شحال لو عني تروح .. وياك تاخذ هالروح
امودع الله عمه يالاكبر صحت
❥━──➸➽❥❂❥━──➸➽❥❂
وداعت الله ياعلي من عمتك
گلبي يشبه گلب ليله لربتك
لجدي الهادي يعمه وداعتك
چنت من اشتاگ انظر طلعتك
يالغلاتك من غلاة حسين ابوك
بجدي الهادي صدگ من شبهوك
افراگك يهيج جروح .. وياك تاخذ هالروح
امودع الله عمه يالاكبر صحت
❥━──➸➽❥❂❥━──➸➽❥❂
بالخيم بعدك واحس بمصرعك
تصيح ياناس العطش چني اسمعك
وچني اشاهد هالسيوف اتگطعك
وبالحصير حسين اخوي ايجمعك
وكل جمالك عمه غاطيه التراب
وما اميز وجهك انه من الخضاب
چنه دمك مسفوح .. وياك تاخذ هالروح
امودع الله عمه يالاكبر صحت
❥━──➸➽❥❂❥━──➸➽❥❂
صاير السانك مثل قطعة خشب
وضاهدك ثگل الحديد من الحرب
اصفر من العطش مدري من التعب
گلبي من هالحال ياعمه انشعب
عمه وابالي اجت اشگد صور
مصرعك گدامي ياعمه حظر
فگدك يهد صروح .. وياك تاخذ هالروح
امودع الله عمه يالاكبر صحت
❥━──➸➽❥❂❥━──➸➽❥❂
طولك الهيبه يعمه چن گصر
بكل كتر وصله انتَ متگطع وذر
وين صارت سيف يخسفله گمر
آه يا عمه شكبر غدر الدهر
شوفتنه المانشوفه كربله
موت ويه العطش وانواع البله
وشچم عزيز المذبوح .. وياك تاخذ هالروح
امودع الله عمه يالاكبر صحت
❥━──➸➽❥❂❥━──➸➽❥❂
اوداعت الله روح حارب يالولد
ماكو شي ياعمه حته احچي بعد
هذا المقدره الله النه يالسند
لا اعتراض اعله الحكم لو عالعهد
حكمة الله شائت نشوفك چتيل
اعليك واعله القاسم المدمع يسيل
ويبقه طولك مطروح .. وياك تاخذ هالروح
امودع الله عمه يالاكبر صحت
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#من_ديوان_لبيك_ياحسين_

هوسات للدفنه


منين الماي يازينب تجيبينه
اخوج حسين لوردتي تغسلينه
اموذر عالثرى بعينج تشوفينه
((بضعونج شالو عدوانه))
🏴🏴💔🏴🏴
بضعونج يزينب شالو العدوان
عفتي حسين مرمي بحومه الميدان
ريتچ حاضره بيوم الاجة الدفان
((وياه حسين تشيلينه))
🏴🏴💔🏴🏴
ريتچ حاضره وي ابن ابو اليمه
تمسحين الصواب وطبرته ودمه
ضل ينحب علي وبلمنحر ايشمه
((ويگله اگعد وانضر حاله))
🏴🏴💔🏴🏴
ماتگعد يبويه اتعاين الحالي
افراگك واللمرض صوبن دلالي
جسمك لاگبر لاچفن يلولي
((مرمي اعله الكاع امخلينه))
🏴🏴💔🏴🏴
ثلث تيام مرمي عل رمل خلوه
ميت واليموت الواجب ايدفنوه
للكوفه الضعن وي الشمر ودوه
((ماتدري بزينب ذلوهة))
🏴🏴💔🏴🏴
ذلو عمتي العدوان من بعدك
ياريت انحفر لحدي كبل لحدگ
هد حيلي السهم ضل نابت بچبدك
((والمنحر ماطاب اصوابه))
🏴🏴💔🏴🏴

*تـــمت والـــــفضـــ🤲ـــل لله تعالى*
*بقلم✍الشاعره الملا ام هجران الركابيه العمارچيه*
*صاحبه ديوان📚صبر العقيله*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#من_ديوان_دموع_و_عبرة_ج2
قصيدة للسيدة رقية (العقيلة تحيرت)
❥━──➸➽❥❂❥━──➸➽❥❂
شبگت الراس وغفت
        والعقيلة تحيرت
    يا رقيه          يا رقيه
❥━──➸➽❥❂❥━──➸➽❥❂
شبگت الراس الزغيره والدمع منهه يسيل
تگله يالذبحو وريدك فطرو مني الدليل
ليش خلوني يتيمه وما الي غيرك سبيل
ردتك الحضنك تضمني تالي شو راسك اشيل
يا مصيبة انه شفت / والعقلية تحيرت
            يا رقيه             يا رقيه
❥━──➸➽❥❂❥━──➸➽❥❂
يا مصيبه ارقيه شافت راس ابوها يصب دمه
زغيره ما تحمل هظيمه على فراگه مألمه
شمته وصاحت ابوي حسين حزني لملمه
طفله ما تحمل مصابه بگت عالخد لاطمه
صوتها لمن خَفت / والعقيلة تحيرت
       يا رقيه         يا رقيه
❥━──➸➽❥❂❥━──➸➽❥❂
نادت الحره العقيلة عمه نمتي للأبد
جاوباها علي يگلها عمه ماتت ما ترد
ماتت رقيه يعمه خل نوسدها بلحد
تندفن بديار غربه خل نودعها بعد
على قصتها نحت / والعقيلة تحيرت
       يا رقيه        يا رقيه
❥━──➸➽❥❂❥━──➸➽❥❂
ناحت المهظومه زينب والدمع عالخد جره
حيريتيني يعمه وين ادفنچ يا ثره
وبالمجالس گعدونه بعيده عنه المگبره
منين اجيبلچ مغلسه تغسلچ يالطاهره
ريت وي موتچ متت / والعقيلة تحيرت
         يا رقيه     يا رقيه
❥━──➸➽❥❂❥━──➸➽❥❂
منين اجيبلچ مغسله وانه بديار الغرب
والتغسلها الغريبه عليها هاي شگد صعب
والله يمصابچ هدمني وهدم حيلي والگلب
ريتها اخذتني المنيه ولا اشوفچ عالترب
دمعي عالوجنه يكت / والعقيلة تحيرت
             يا رقيه        يا رقيه
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:🍃*

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#من_ديوان_عبرات_و_أنين_ج٥
قصيدة للأربعين (رديت نحلانه)
❥━──➸➽❥❂❥━──➸➽❥❂
من درب السبي رديت نحلانه
واصيح بصوت يبن امي تلگانة
❥━──➸➽❥❂❥━──➸➽❥❂
مهظومة ونحيلة وحيل مابية
واصيح بصوت يامحروم المية
ماتگعد يخوية اتشوفني شبية
اعثر بالجدم والدمعة جريانة
❥━──➸➽❥❂❥━──➸➽❥❂
اهمل دمعتي وبذيالي اتعثر
اجيت اليوم ازورنك يبو الاكبر
وية جثتك اريدن ادفن المنحر
هالجبته واجيت وروحي خلصانة
❥━──➸➽❥❂❥━──➸➽❥❂
راسك جيت ياخوية ارد ادفننة
واعله جثتك يالغالي اردنة
ويمك يالولي ارد اجذب الونة
روحي لشوفتك يحسين لهفانة
❥━──➸➽❥❂❥━──➸➽❥❂
هاليوم اربعينك صار يالوالي
محتامة اعله شوفك خوية يالغالي
انه والحراير جينة واطفالي
مشتاگين الك انهض يملفانة
❥━──➸➽❥❂❥━──➸➽❥❂
گوم اگعد تلگانة يبوسكينة
من درب اليسر هاليوم ردينة
نجري ادموعنة والهظم غاطينة
منك ياوسافة البين حرمانة
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك