#محرم_١٤٤٢

هد عباس عالگوم وگصد ليهه
والفرسان ضاع المشرد اعليهه
¢¢¢¢¢¢¢¢

طگها راس براس عباس الشهم
وصوته يهتف ذوله شبه مو زلم
آنه ابن حيــــدر علي الما ينهزم
مـــنه ورث همـــــته وكل العزم

حتى الگاع ترجف مني اخليهه
والفرسـان ضاع المشرد اعليهه
¢¢¢¢¢¢¢¢

هـذا ابو الصعبات ليث الموزمه
ابن حيــــدر علي حماي الحــمه
كربــــلاء ابزوده غـرگت بالدمه
نزل چن اعصار من سل صارمه

هذا الحــيد والكلفات يگضيهه
والفرسان ضاع المشرد اعليهه
¢¢¢¢¢¢¢¢

طبـــــــــــهم العباس المأدي الفرض
ابسيفه طر اجيوشهم طول ابعرض
حدر جـــدمه اتفطرت حتى الارض
والجثث بالمــــهر فـــــوگاهن يرض

چـن زلزال حمــــــلاته اليأديهه
والفرسان ضاع المشرد اعليهه
¢¢¢¢¢¢¢¢¢

ورث كل هـذا العزم من حيــــدره
طبگ جيش الميمنه اعله الميسره
نفـــــــخ بيهه اليوم ليث القسوره
نفخت اســـــرافيل يوم الآخــره

رمشت عين والعدوان يگضيهه
والفرســان ضاع المشرد اعليهه
¢¢¢¢¢¢¢¢¢

اباب خيمتها العقيــله اتخاطبه
سمع نخوة زينب اورف شاربه
مطـر سجيل اعله اميه غاطبه
ابزوده رد كل الأجـته اتحاربه

مــن الخوف بيد حتى رجليهه
والفرسان ضاع المشرد اعليهه
¢¢¢¢¢¢¢¢¢

تم بعون الله تعالي
بقلم ام زين العابدين اللامي
من يود يقرا القصيده يذكر هذا الاسم (زين العابدين الزبيدي)
والله ولي التوفيق
اسـالـكم الـدعاء لي والـدي



الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747