#شور
#للحسين ع

قصيدة للحسين ع على طور مجنونك لخادم الحسين الملا قحطان البديري



لعيونك. ...انذر كل سنيني
من دونك... ماعيش تدريني
جنوني والله... حسيني معناه

.....

يا كل انفاسي... عايش باحساسي... و بروحي يحسين
الك ترخص مهجتي... يا ملاذي و غايتي... يعيوني الثنين

عهد انطيك...بدمايه افديك... يا اغله من حياتي
يماي العين... الك يحسين... خادم اظل يغاتي

يا روحي ... يا كل تكاويني
من دونك ... ماعيش تدريني
جنوني والله... حسيني معناه

.....

رضعتني محبتك... علمتني خدمتك... امي الحنونه
والدي كلي وأصر ... يبني روحك و العمر ... تفديهه دونه

وانه اختاريت... محبتك بيت... بيه اسكن للابد
جنه حبك ... نار هجرك ...غيرك لا ما اود

مجنونك... ناسي تسميني
من دونك... ماعيش تدريني
جنوني والله... حسيني معناه

.......

عاشورك من يمر... اشعر بطعم اليسر... وي زينب اختك
بروحي آسرني الشمر... اتربع و يعله الصدر .. تمثل ذبحتك

بكلب محروك... اشاهد نوك... تحدي بألم مصيبة
يعله الونين... آه يحسين... جثتك بقت سليبه

يالغالي ... يا لوعة ونيني
من دونك... ماعيش تدريني
جنوني والله... حسيني معناه

......................
✍🏻ذكرى الخفاف

✿〰✿〰✿〰✿〰✿〰✿


قناة للقصائد النسائيه لجميع مناسبات العتره

👇👇👇
https://tttttt.me/joinchat/AAAAAELdvGssZMurwfLsJA


كروب قصائد والحان منبريه
👇👇👇👇

https://tttttt.me/joinchat/AAAAAD7f0FNmkN2JjlNIBw

#قصيده #للحسين ( ع )

حزنان الموالي وتدمع اعيونه
من ذبحوك يامولاي ذبحونه
★★::::::::::::::::::★★::::::::::::::::★★
نشوفك والشمر صاعد على صدرك
نشوف شلون بسيف ويحز نحرك
وسط اعيونه فوك الرمح راسك
من ذبحوك يامولاي فجعونه
★★::::::::::::::::::★★::::::::::::::::★★
فجعونه بمصابك آه يبو سكينه
ذبحك ايامظلوم مو هين اعلينه
جينه للعزاءياام الحسن جينه
وبالمحشر تره انتم تحضرونه
★★::::::::::::::::::★★::::::::::::::::★★
دنيا وآخره اتحضرون اويانه
وللمظلوم ندك ولاخته عوانه
نلطم حيل وانادي مولانه
واملاك السمه هاليوم مرجونه
★★::::::::::::::::::★★::::::::::::::::★★
مرجونه عليك الدنيا والاكوان
يامظلوم من يفدي بكل الاخوان
وام الخدر تمشي ويه العدوان
ويم احسين ردنه و ما ايخلونه
★★::::::::::::::::::★★::::::::::::::::★★
علناكه ظلت تلطم الهامه
عافونه وحدنه وبس ايتامه
ويوم احسين ماننسه ايامه
وزينب عليهم والله محزونه
~~~~~~~~~~~~~~~~~~~~

تمت بعون الله

✍ #ايمان ناصر الزهيري

❌غير مبري الذمه اليحذف الاسم❌


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك 👆👆👆

كروب قصائد والحان منبريه اشترك 👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747