#لطمية_لرجوع_السيدة_زينب
(خطابها للشمس)
#الفكرة_والمستهل خادم ام ابيها(ملا علي المياحي)

[فدوه ياشمس الظهر..ناموا اعـزاز العمر]
[طلبـة منـﭻ انتظـر..ساعـة رجعي للفجر]
<><><><><><><><><><><><><>
انـة زينب يـاشمس ارد احاجيـﭻ بحزن
انتي متعرفين خوة وﻻ تعرفين المحن
حني لية ياشمس يمهم ارد اگعد و اون
عـالجرالي اشكي الهم بـالمصايب السدن

*ياشمس حجبي ضواﭺ..شوفي ناري التستعر*
*طلبـة منـﭻ انتظر..ساعـة رجعي للفجر*
✹✹✹✹▁▁✹✹✹✹▁▁✹✹✹✹
اجسام اخوتي امطرحة اتوسدوا فوگ الترب
جيت اودعكم واروحن ونار گلبي تلتهب
بحالي تدرون اشجره ابجي يمهم وانتحب
مصابي ميحمله جبل اتحملت انة الصعب

*لحالي حني يـا شمس..جيت اودع الگمر*
*طلبـة منـﭻ انتظر..ساعة رجعي للفجر*
✹✹✹✹▁▁✹✹✹✹▁▁✹✹✹✹
اشكي همي للكفل بطيحتك اتمرمريت
حيلي هدمته ومتت عگب عينك انوليت
عالنهر عفتك ذبيح بطيحتك انة انحنيت
خافن تأخرت عنك جبت الروس واجيت

*يـاشمس هـذا البطـل..لاتـزيدين الجمر*
*طلبة منـﭻ انتظر..ساعة رجعي للفجر*
✹✹✹✹▁▁✹✹✹✹▁▁✹✹✹✹
توجهت لحسين اگله حرت بايتام وعليل
آه ياليلة الحادي مظلمة وموحش الليل
كلها تتصارخ عليكم والدمع عالخد يسيل
بالسبي شفنةالمصايب والجسد مني نحيل

*ياشمس ابجي الحسين..شوفي مگطوع النحر*
*طلبـة منـﭻ انتظـر..سـاعـة رجعي للفجر*
✹✹✹✹▁▁✹✹✹✹▁▁✹✹✹✹
بكربلة صار اربعين وجيت انصب تعزية
عالذبايح يوم عاشر من غدر عدوان امية
جابني السجاد بيده گلي ذول اهل الحمية
هذا ابوي وهذا عمي كلها نومة اعلة الوطية

*انـة زينب ياشمس..راح اموت من القهر*
*طلبة منـﭻ انتظر..ساعـة رجعي للفجر*
✹✹✹✹▁▁✹✹✹✹▁▁✹✹✹✹
تــمــت بــعــون اللــہ
28/10/2017
✍🏻 #ولائــية_وافتــخر (دعـاء العامـري)
🚫غير مبرئ الذمة امام اللـہ والزهراء من يحذف اسم الشاعرة🚫
🔴اجيز شرعاً للأخوة الرواديد لعدم ذكر اسمي لمن يصعب عليهم بالمجلس وكذلك يحق لهم التصحيح عند الوقوف في بعض الكلمات🔴
نسـألكم الـدعـاء....
▁▁▁▁▁▁▁▁▁▁▁▁▁▁▁▁▁▁▁▁
قناة للقصائد النسائيه لجميع مناسبات العتره
👇👇👇
https://tttttt.me/joinchat/AAAAAELdvGssZMurwfLsJA
كروب قصائد والحان منبريه
👇👇👇👇
https://tttttt.me/joinchat/AAAAAD7f0FNmkN2JjlNIBw